مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

- انا موافقه 

عِيونه لِمعت وحَسيته فرح اووى بس ده مش معناه انه هعدى إللى حصل بالسهولة ديه 

ابتسم ومسك ايدى " وانا اوعدكِ هعمل كل إللى اقدر عليه علشان افرحكِ 

ابتسمت ومن جوايا كنت طايرة من الفرحه " طيب يلاه بينا 

بصلى وكشر" ليه المكان حلو 

- علشان حضرتك لازم تودينى الملاهى دلوقتى 

- نعممم ملاهى؟ 

بصتله بغرور " طبعنا اومال فاكر ايه. 

ضر*ب كف بكف وقام وقف قدامى " أنتِ مجنووونه بقاا فى حد يسيب الغداء الرومانسى ده ويروح الملاهى.

- أنتَ مين قلك انى بحب الرومانسيه اصلا.

شديته من ايده وطلعنا بره الكافيه" يلاه 

- امرى الله يلاه.

ركبنا العربيه وروحنا الملاهى 

- ايه رأيكَ نلعب لعبة المو*ت يا مراد 

- بس يا ماما واعقلى انا مش عاوز امو*ت لو عاوزه روحى أنتِ 

بصتله بغيظ " يعنى حضرتك عاوزنى امو*ت 

اتكلم بسرعه " لا يا روحى طبعنا بعد الشر عليكِ بس انا مش هركب اى لعبه لو أنتِ عاوزه اتفضلى 

بصتله بخبث " طيب انا عاوزه اركب الارجوحه إللى هناك ديه وأنتَ هتكون معايا 

بصلى بطرف عين وربع ايديه قدام صدره" انسى ده مستحيل 

وطبعنا لانه مراد من الشباب إللى بتحب الثبات على مبدائها ركب معايا الارجوحه وكان هيمو*ت منى 

نزلنا وهو وقف يظبط هدومه وفضل يدعى عليا 

- بالله مش حلوه 

بصلى بغيظ " طبعنا اومااال انا بقول نرجع البيت تانى 

ضحكت ومشيت قدامه" طب تعال ورايا 

- على فين كمان 

_ هنتمشى شويه 

اتنهد وجه وقف جنبى ومسك ايدى " يلاه بينا 

ابتسمت ومشيت معاه 

فضلنا نتمشى واحنا ساكتين 

اخدته وقعدت على الرصيف بس هو سابنى وراح جاب ايس كريم وجابلى ايس كريم بالفانيليا الايس كريم المفضل عندى 

- احكى

 

بصتله " احكى ايه 

- إللى فى قلبكِ وشاغل بالك 

ابتسمت بحزن " مفيش 

- لا في حاجات كتيررر وعارف انك زعلانه منى لانى محاولتش اوقف الخطوبه المزيفه إللى حضرتكِ ضحكتى عليا بيها 

- طيب كويس انك عارف المفروض اقول ايه

 

- ريتال ده غصب عنى أنتِ متعرفيش كانت حالتى ازاى اول ما عرفت انا كنت وقتها موجوع اووى مجاش فى دماغى انها ممكن تكون خطة مجنونه مِنكِ وبعدين جدى لما كلمنى قلى انك مبسوطه وموافقه على العريس ده وانا وقتها مكنشى فى دماغى غير سعادتكِ وبس وصدقينى لو كان الموضوع جد مكنتش هقدر اشوفك مع غيرى 

اضايقت اوووى، ومبقتش عارفه مين فين إللى غلطان بس كل إللى اعرفه اننا وبعد كل ده ربنا برضوا جمعنا من تانى منكرش انه حتى بعد كل المشاكل إللى حصلت ما بينا مبطلتش ادعى فى صلاتى انه يكون ليا ومن نصيبى واهو جمعنى بيه اتنهدت ووقفت وانا ببصله بحزن " مراد أنا عاوزه ارجع البيت

بصلى بحزن ظاهر على ملامحه " حاضر يلاه بينا 

اخدنى وركبنا العربيه ومحدش فينا اتكلم لحد ما وصلنا البيت 

_________________

- زين أنتَ كويس

- تاليا ابعدى من وشى دلوقتى 

تاليا بصتله بدموع وقربت وقفت قدامه " انا اسفه صدقنى انا مكنتش اعرف اى حاجه ولله

 

زين مسح دموعها وشدها لحضنة " انا عارف وواثق فيكِ 

- اومال أنتَ ايه مزعلك دلوقتى 

زين بهدوء" مفيش يلاه اطلعى أوضتك  هروح  اكلم جدى علشان احدد معاد فرحنا 

- ايه ده مش كانت خطوبة 

زين بمشاكسه" لا يا جميل خطوبة ايه هو احنا لسه بنتعرف على بعض دنا مربيكى على ايدى يا ماما وبعدين انا بصراحه مستعجل اووى وعاوز اجيب عيال 

تاليا بكسوف" طيب يلاه جدى بينادى عليك روحله

زين بضحك " اموت فيكِ وأنتِ مكسوفة كده 

تاليا زقته وجريت على فوق 

زين بضحك " شكلكِ هتتعبينى يا جميل 

___________________ 

نزلنا ودخلنا البيت كان زين ابن عمى واقف وبيبص لفوق وبيضحك والأكيد انه كان واقف مع تاليا بصيت لمراد لقيته بيبصلى ويبتسم 

- الواد واقع اووى 

ضحكت وانا بهز كِتافى بيأس" واختك كمان بتمو*ت فيه 

- خلاص هقول لجدى يجوزهم علطول خلينا نخلص منهم 

ضحكت " مهو جدى قرر انه خطوبتهم تكون الاسبوع الجاى 

- لا خطوبة ايه جواز علطول 

ضحكت" وماله برضوا 

فضل يضحك وانا استاذنت وطلعت اوضتى ومراد راح وقف مع زين 

طلعت اوضتى وانا مبسوطه فتحت الباب ودخلت بس فجأة .....

#نهاية البارت الثالث عشر

طلعت اوضتى وانا مبسوطه فتحت الباب ودخلت بس فجاة حسيت بدوخة ووقعت ومحستش بنفسى غير وانا على السرير والكل واقفين حوليا ومراد ماسك ايدى وبيبصلى بخوف 

- هو هو ايه إللى حصل 

جدى قرب وباس راسى " مفيش يا حبيبتى بس دوختى واغمى عليكِ والدكتورة قالت انه ضغطك نزل وكمان أنتِ ماكلتيش حاجه من الصبح 

الكل اطمنوا عليا وطلعوا وفضلت انا ومراد 

بس الغريب انه مراد كان ساكت وبيبصلى بس 

- بتبصلى كده ليه 

مردش عليا وشدنى لحضنه وحسيت بدموعه على كتفى، بادلته الحضن وانا بمشى ايدى على ضهره 

- مراد أنتَ بتعيط 

بعد عن حضنى ومسح دموعه " أنا وأنتِ اتجمعنا بعد سنين يا ريتال فا بلاش جنان بالله عليكِ أنتِ متعرفيش شعورى ايه وانا شايفكِ واقعه على الأرض قدامى 

ضِحكت علشان الطف الموقف" أصلا كله بسببكَ 

كشر وعقد حواجبه" بسببى انا ليه بقاا 

بصتله بغرور " طبعنا بسببك، أنتَ إللى ضايقتنى الصبح وخلتنى مكملش اكل وكمان الحرباية إللى كانت معاك 

بصلى بخبث وقرب وشه من وشى " اممم بس الجميل مينكرش انه كان غيران 

وبعدين انا مش عزمتك يابت  على الغداء وحضرتكِ سبتى كل حاجه عملتها علشانكِ وطلبتى تروحى الملاهى 

اتعصبت وبصتله بغيرة " اه يا مراد بغير ولو شوفتكَ معاها مره تانى هخليك تندم أنتَ وهى 

ضحك وشدنى لحضنه " يا واد يا جامد أنت، خلاص متزعليش هى اصلا مسافرة بكره 

_ عاااااا واخيرررررا هنرتاح من خلقتها 

_ يا بنتى عيب كده 

رفعت رأسى وبصتله وانا لسه فى حضنه "بس يا بابا خليكَ ساكت 

طلعنى من حضنه وقام قلع التيشرت قليل الادب 

حطيت ايدى على عنيا " مراد قولتلك ميت مره غير هدومك جوا 

ضحك بصوت عالى ونام وحط رأسه على رجلى " لا يا جميل لازم تتعودى على كده 

فتحت عنيا وبصتله بخبث" مررررراد 

رفع رأسه وبصلى " يا عيون مراد

ضحكت " قوم نام على الاريكه 

ابتسم بخبث وقام،

 ايه ده اول مره يسمع الكلام من غير عناد 

- استنى شويه وجاى 

فتح الدولاب واخد هدوم ودخل الحمام غير هدومه وطلع نام جنبى وشدنى لحضنه 

- عاااا انا قولتلك نام على الاريكه مش هنااا قوم 

ضمنى جامد لحضنه وحط ايده على راسى " عيونى من بكره انشالله هنام على الاريكه نامى بقااا وبلاش جنان

ابتسمت ودفنت راسى فى صدره ونمت علطول

 

- تانى يوم صحيت وانا بفرك فى عينى زى الأطفال بصيت عليه لقيته نايم ابتسمت بخبث وقربت وقعته فى الارض 

_ ااااه يا بنت المجانين فى حد يعمل كده على الصبح 

قومت بسرعه ووقفت على السرير وانا بضحك على شكله 

- بقااا كده طيب انا هوريكِ تعالى هناا 

قام وانا فضلت اجرى فى الاوضه وهو ورايا 

بس وقفت لما سمعته بيتوجع" اااااه 

التفت بسرعه وجريت عليه بخوف " مراد أنتَ كويس ايه إللى حصل 

قرب وباس خدى وانا بصتله بصدمه 

فضل  يضحك، ضحكته ديما قادره تخطف قلبى نسيت كل حاجه وفضلت مركزه معاه 

انا بحب اووى اركز فى تفاصيل إللى بحبهم

 

- هو انا حلو اووى مش مش للدرجادى 

وشى آحمر وزقيته على السرير وجريت على الحمام وانا سمعاه بيضحك

_________________ 

الكل تحت كان متجمع وقاعدين 

منصور " احنا خلاص اتفقنا انه فرح زين وتأليا بعد يومين وهحجزلكم طياره أنتَ ومراد وتأليا وريتاال لامريكا علشان تقضوا شهر العسل 

زين قام وحضن جده بفرحه " اقسم بالله أنتَ اجمل جد فى العالم 

منصور بمشاكسه" بس شد حيلك كده أنتَ وابن عمك  عاوز البيت ده يتملى بأحفادى الصغيرين 

زين غمزله وهو بيضحك" لا متقلقش قريب اووى الدور وألباقى على مراد باشا 

الجد بضحك" طيب بما انك فتحت الموضوع فا تعال ورايا على مكتبى علشان ناوى على حاجه 

زين ضحك وهمس بصوت منخفض" اممم بخاف منك انا، قولى ناوى على ايه مراد المرادى مش هيرحمنا

منصور بضحك " لا متقلقش المرادى هيجى يشكرنى على إللى هعمله 

زين بفضول" انا بقول نطلع اوضة المكتب وتقولى ناوى على ايه علشان عندى فضول اعرف 

منصور بابتسامه " طيب يلاه بينا 

زين وجده طلعوا اوضة المكتب علشان يخططوا ازاى يقربوا مراد وريتال من بعض 

__________________

- خلصت شاور ولفيت الفوطه حولين جس"مى بس اتصدمت لما......

#نهاية البارت الرابع عشر 

البارت الأخير من هناااااااا