 |
فتحت عنيا لقيتنى فى حضنه قومت وانا بصرخ
_ عاااااااا يا متمحر*ش
مراد قام مفزوع وفضل باصصلى بصدمه وانا بحاول اكتم ضحكتِ على شكله
مراد بصدمة" فى إيه بتصرخى كده ليه
اتعصبت ومسكت المخده وفضلت اضر*ب فيه " عاااا أنت عملت فيااا ايه يا كداب يا متمحر*ش
مراد قام ومسك ايديا وهو بيبصلى بذهول" متمحرش!
اقسم بالله انا مكدبتش لما قولت عليكِ مجنونة ايه الجنان ده على الصبح
بصِتله بغضب" انا كُنت نايمه على الاريكة ايه جابنى لحضنكَ
ضِحك وزقنى على السرير" أنتِ جيتى لوحدكِ
سكت شويه وانا بحاول استوعب" جيت لوحدى إزاى يعنى
انحنى بضهره وقرب وشه من وشى وهو بيبصلى بخبث" ما أنتِ طلعتى بتمشى وأنتِ نايمه
ضحكت بسخرية" لا ولله
مراد بضحك" هكدب عليكِ يعنى
قومت وبصتله بغيظ ورميت المخده فى وشه " أنتَ واحد كذاب وانا بكر*هكَ
= وانا بحبكِ
كنت ماشيه ووقفت ونبضات قلبى بقت سريعة بصتله وانا بحاول ادارى التوتر والرجفة إللى احتلت جس"مى" انا برضوا مكدبتش لما قولت عليك كذاب
ابتسم وبقاا يقرب منى
_ وربنا لو فكرت تقرب منى لند*مك
ابتسم بخبث" امم خايفه
_ لا طبعنا اخاف من ايه
قولتها وانا برجع لورا وبتصنع القوة لكن انا من جوايا همو*ت من الرعب انا اصلا بتوتر من قربه
مراد قرب وحاصرنى فى الحيطه وانا ببصله بتوتر وبحاول ابص فى كل الاتجاهات معادا عنيه
=قولى انكِ خايفه
_ بصتله بغضب " انا قولتكَ مش خايفه
ابتسم ورفع وشى وبقت عنيا متثبته على نظرة عنيه، نفس نظرت الحب إللى كنت بشوفه منه واحنا صغيرين وأللى بسبب غبائه وعناده وجنانى كل الحب إللى كان ما بينا انتهى وبقينا اغراب
اتنهدت وغمضت عنيا بحزن " مراد لو سمحت ابعد
= طيب فتحى عنيكِ الأول
اخدت نفس عميق ورجعت ابصله" ممكن تبعد
ابتسم وقرب همس فى اذنى " تعرفى انك بتبقى حلوه اووى وأنتِ مكسوفة ومتوترة كده
وشى آحمر ونبضات قلبى بقت سريعة اووى زقيته بقوة وجريت على الحمام وانا باخد نفسى حسبى الله فيك يا مراد يابن ام مراد عااا
كنت سامعه صوت ضحكته ابتسمت وحطيت ايدى على قلبى وقررت اعلمه درس
اخدت شاور وغيرت هدومى وطلعت وانا ببتسم بخبث
= ايه يا بنتى ساعة
ابتسمت بخبث " معلش يا مورى تقدر تتفضل
بصتله وانا بتابع ملامح وشه إللى اتحولت للصدمه حاولت اخبى ضحكتى على شكله
كان فاتح بوقه ومش بينطق وانا همو*ت واضحك
سبته فى صدمته وقعدت على السرير
التفت وبصلى بشك" أنتِ قولتى مورى! قولى الحقيقة يابت ناويه على ايه
قومت ووقفت قدامه ولفيت ايديا حولين رقبته وانا ببصلة ببرائه " لا خاالص انا بس فكرت انى ادى علاقتنا فرصه وكمان يعنى أنتَ جوزى وانا لازم اتكلم معاك بأحترام
مراد لنفسه " اكيد فى حاجه يارب انجدنى منها
ابتسمت بخبث" ولا أنتَ اى رأيك يا مورى
مراد بخبث" بالسهولة ديه
ابتسمت بحماس " طبعنا
مراد بشك " أممم ماشى موافق بس وحياة امكِ لو عرفت انك ناوية على مصيبه جديده مش هر*حمكِ يا ريتاال
قال كده وسابنى ودخل الحمام وانا ضحكت بشر
______________
الجد بهدوء" هو مراد منزلش لحد دلوقتى
زين بضحك" لا يا جدى عريس جديد وكده وبص لتاليا وكمل" عقبالى انا كمان
تاليا اتكسفت ووشها آحمر
الجد لنفسه" ربنا يعديها على خير وميعملوش فى بعض حاجه
زين بتساءل" مالك يا جدى ؟
منصور بابتسامه " مفيش يابنى، المهم انا قررت انه زين هيخطب تاليا الاسبوع الجاى أى رأيك يا تاليا
تاليا بصت لزين بصدمه وهو غمزلها
تاليا كانت هتتكلم بس لقت شاهى نازله ابتسمت بخبث وبصت لجدها" موافقه طبعنا يا جدى
وبصت الناحيه التأنيه بخبث زين أخد باله من نظراتها وابتسم على غيرتها
وشاهى بصتلها بغضب
____________
مراد دخل الحمام وهو بيفكر فى كلام ريتال وفجاة ......
نهاية البارت العاشر
مراد دخل الحمام وهو بيفكر فى كلام ريتال وقبل ما يخطى خطوة لقدام شاف الشامبوا على الارض وابتسم بخبث
_كنت متاكد انه من وراء كلامك المحترم مصيبة
مراد مسح الشامبوا وهو بيتوعدلها واخد شاور وريتال بره رايحة جاية فى الاوضة
_ مفيش اى صوت ياربى ليكون حصله حاجه بس المية شغالة
طيب معقول عرف خطتى ياختى ياختى هيمو*تنى اكيد
قربت وحطيت رأسى على الباب وانا بنادى عليه بس مردش عليا وده قلقنى اكتر
- مرراد أنت كويس
فضلت واقفه قدام الباب وببصله بقلق " ياربى انا خايفه يكون حصلة حاجه بسببى
قربت تانى من الباب بس مكانشى فى صوت للميه ميلت وحطيت راسى على الباب وانا بحاول اسمع اى صوت وفجاة الباب اتفتح وانا وقعت بين ايده
_ عاااا ده ايه الاحراج ده
فتحت عنيا ببطء لقيته عارى الصدر وبيبصلى بغضب " احم ممكن تسبنى
ابتسم بخبث وكان هيشيل ايده اللى محاوطه ضهرى فأ صرخت لما حسيت نفسى هقع بس هو شدنى لحضنه
_غمضت عنيا وانا بحاول مبصلوش "احم ممكن تطلع تلبس حاجه
ابتسم بخبث" بصراحه انا بقول اخد بِكلامكِ وادى علاقتنا فرصة اى رأيكِ
برقت وانا بحاول استوعب الكلام
ايه ده بقااا هو اللى بعمله فيه هيطلع عليا ولا ايه
مراد لنفسه " الصبر بس يا ريتال وانا هخليكِ تلفى حولين نفسكِ
بلعت ريقى واتصنعت القوة " طيب اطلع الاول وبعدين نشوف الموضوع ده
ابتسم بخبث وهو بيشلنى " ليه يا روحى ما احنا لسه فيها
بَرقت وفضلت فاتحة بوقى بغباء
ريتال اتصرفى ده شكله اخد الموضوع بجد " كنت بقول الكلام ده فى نفسى وانا ببصله بصدمة
طلع من الحمام وهو شايلنى وحطنى على السرير وانا لسه فى صدمتى
فوقت من صدمتى على صوت تاليا اللى بتخبط وبتنادى علينا ننزل استغليت الفرصة وزقيته وجريت على برا وهو فضل يضحك
تاليا بصتلى بقلق " ريتااا مالك وشك احمر كده ليه
اخدت نفس عميق وبصتلها وهى ابتسمت بخبث" اوووه شكله مراد قايم بالواجب
اتعصبت وضربتها عل كتفها " تعرفِ انى بكرهك أنتِ واخوكِ
تاليا بضحك" اه باين اووى حتى وشك بيقول كده
كنت لسه هتكلم بس قاطعنى خروج مراد
مراد بضحك" وشها بيقول ايه يا تاليا
بصيت لتاليا بغضب وهى فضلت تضحك
مراد قرب وهمس في اذنى " على فكره أنتِ قدرتى تهربى منى المرادى بس مش ديما، كلامنا لسه مخلصش يا زوجتى المصون
قال كده وسابنى ونزل تحت
وانا دبدبت برجليه على الارض بغيظ" بنادم مستفز
تاليا بضحك " طيب انزلى يلاه علشان تفطرى لحسن السنيورة إللى قاعده تحت باين عليها مش ناوية على خير
_ قصدكِ مين
تاليا بغيظ" البت إللى اسمها شاهى بنت عموا عاصم، مش مطمنالها بصراحه وحساها بِتلف حولين شباب العيلة
ابتسمت بخبث" لا ديه سيبهالى خاالص ديه حسابها تقل اوووى معايا اصلا انا مش بطيقها من واحنا صغيرين ودلوقتى جه الوقت علشان أعلمها الادب
ضحكنا انا وتأليا ونزلنا لقينا الكل قاعد وشاهى قاعده جنب مراد وبيضحكوا
اتعصبت وروحت قعدت قصادهم وانا ببصلهم بغضب بعد ما سلِمت على الكل
مراد كان قاصد يتكلم مع شاهى علشان يضايق ريتال
شاهى بخبث " مورى أى رأيكَ نخرج مع بعض النهارده
زين لنفسه" انا ليه حاسس انه البنت ديه حابه تمو*ت على ايد بنت من بنات عمامى يلاه كانِت كويسه الله يرحمها
تاليا بهمس" زين بتفكر فى ايه
زين بضحك وصوت منخفض" بفكر آخدكِ ونهرب
تاليا بغيظ " أنتَ اكيد عايش فى عالم موازى
زين بهمس " على الاقل احسن من عيلة المجانين إللى عايش بينها ديه، بصى نظرات ريتال لشاهى انا حاسس كمان شوية وبنت عمكِ هتقوم تق*تلها
تاليا بغيرة" وماله وانا اساعدها
زين بضحك " يعينى على الحلو وهو غيران
تاليا بكسوف" يابنى متتلم بقااا
زين غمزلها " عيونى
مراد بخبث " وانا موافق
بقاا كده يا مراد طييب اما وريتكَ أنتَ والحرباية إللى جنبكَ مبقاش ريتال مهران خبطت المعلقه على السفرة واخدت نفس واتكلمت بهدوء متصنع " هو حضرتك مش واخد بالك انه النهارده الصباحية بَتاعتكَ ومينفعش تخرج ولا ايه رأيكَ يا جدى
الجد بهدوء" ريتال عندها حق يا مراد أنتَ مينفعش تطلع المفروض تقضى يومك مع مراتكَ
مراد ابتسم وبصلى بخبث وهو بيغمزلى" وماله يا جدى انا معنديش مانع
بص لشاهى ورجع كمل كلام " احم معلش يا شاهى نخليها يوم تانى
شاهى بخبث " ولا يهمك يا مورى
_ ولا يهمك يا مورى داكِ القرف يا شيخه عكرتى مزاجى، اتخنقت وطلعت الاوضه وانا بفكر فى حل علشان اقدر اطفش شاهى
بس قاطعنى صوته" غيرانة
التفت ومسكت المخده ورميتها عليه وانا بتكلم بكل غضب "قولتلكَ ميت مره انا مش بغير من البنادمة الحرباية ديه واتفضل اطلع بره
ابتسم وقرب بأس رأسى" خلاص متزعليش
بصتله بحزن وزعل ولفيت وشى الناحية التأنية
مسك دراعى ولفنى ليه وهو بيضم وشى بين ايديه " خلاص بقااا
طيب أى رأيكِ نخرج ونتغداء بره
رفعت وشى بحماس " بجد
ابتسم "بجد يلاه أجهزى وانا هستناكِ تحت
سابنى وطلع وانا فضلت اتنتنط بفرحة جريت على الدولاب وطلعت فستان وبدأت اجهز نفسى
_________________
زين أخد تاليا وراحوا الجامعه
زين " تاليا اسبقينى وانا جاى وراكِ
تاليا هزت رأسها ونزلت ودخلت الجامعه لقت كل كله بيبصلها مهتمتشِ وكملت طريقها بس فجاة شادى نزل على ركبه وكان ماسكَ فى ايده خاتم
تاليا بصتله بصدمه ومقدرتش تنطق
شادى بابتسامة" تاليا تقبلى تتجوزينى
= نهار إللى خلفوكَ طين أنتَ عاوز تتجوز خطيبتى
#نهاية البارت الحادى عشر
نهار إللى خلِفوك طين أنتَ عاوز تتجوز خطيبتى
شادى بصدمة" خطيبتك !
زين اتعصب وقرب مسك شادى وضر*به بالبوكس
زين بغضب "انا حذرتك بدل المره ميه وقولتلك متقربش منها
شادى اتعصب وقام رد الضر*به لزين
تاليا بصدمه " زيين
زين حط ايده على شفايفه وبصله بغضب اعمى" انا هوريك ازاى تمد ايدك على زين مهران وتقرب من حد يخصه
وقرب ونزل فيه ضر*ب لحد ما حرس الجامعه وصلوا وفضوا الا*شتباك وكان شادى واقع على الأرض ووشه بينز*ف وبيحاول يقوم
تاليا بدموع " زين خلاص علشان خاطرى يلاه بينا
زين بصلها بغضب واخدها وطلعوا بره الجامعه
________________
لِبست فستان بسيط وحطيت ميكب خفيف يبين ملامحى ولبست هيلز نبيتى لون الفستان ووقفت قدام المرايه وانا ببص لنفسى بأعجاب
انا اصلا ملامحى جميلة من غير اى ميكب احم وده مش غرور خاالص
نزلت وطلعت بره الفيلا ، كان مراد مدينى ضهره وبيتكلم فى الفون
قربت وحطيت ايدى على على كِتفه
قفل تليفونه وبصلى من فوق لتحت ووقف متنح وانا اتوترت ووشى بقاا احمر من نظراته حاولت اجمع الكلام " احم مش يلاه
ابتسم بِأعجاب وفتحلى باب العربية "اتفضلى
بصتله بغرور وطلعت
قفل باب العربية وركب جنبى وبدأ يسوق
- احنا رايحين على فين
بصلى وضحك"متخفيش مش هخطفكِ
- بس انا مبخفش وانا معاك
قولت الجملة دي بسرعة فأ لف وشه ليا وهو بيبصلى بحب اتوترت " انا قصدى انى مبخفش منك طبعنا
ضحك "خلاص اهدى عارف انكِ مبتخفيش
بصتله بغيظ فكمل بغرور " وأنتِ معايا طبعنا
مردتش على كلامه وحطيت راسى على شباك العربية وانا ببص على الشوارع وبفتكر ذِكَرياتنا، انا مغلتطش انا فعلا مبخفش وهو معايا
لما كنا صغيرين وانا اقع فى مشكله كُنت اروح فورا واجرى عليه واقوله علطول يلاقى حل، ولما كُنت اغلط واهلى يكونوا ناويين يعاقبونى كان برضوا هو يخبينى ويوقف فى وشهم
عّودنى انه طول ما هو موجود معايا انا مينفعش اخاف كان ديما يقولى الجميلة
العربيه وقفت قدام كافية كبير وشكله من بره جميل اووى
بصلى وعلى وشه ابتسامة هاديه " يلاه انزلى
هزيت رأسى ونزلت
مسك ايدى ودخلنا بس مكنشى في اى حد بس فى تربيزه متزينه بطريقه جميله ورومانسيه
قرب وشدلى الكرسى " اتفضلى
كنت ببصله باستغراب كانت طريقته غريبه حتى نظراته ليا النهاردة حاسه انه مراد ده غير مراد إللى كان من يومين رجع يتصرف زى زمان
قعدت قدامه وهو طلب الاكل
_ أنتَ كويس
ضحك " انا كويس خاالص
بصتله بنظرات شك " متاكد انا بصراحه مش واثقه فيك قولى بصراحه أنتَ ناوى على ايه
مراد بضحك" أنتِ مجنونه بقاا انا عامل كل ده علشانكِ وأنتِ شاكه فيا
ببرود " اممم قول إللى عندكِ
اتكلم بجديه " حابب نِدى بعض فرصه تانيه
_فرصه تانيه ؟
مراد بهدوء " اه فرصه تانيه يا ريتال نِرجع علاقتنا زى زمان نركن عنادى وجنانك على جنب المرادى هاا أى رأيكِ
اتوترت نبضات قلبى بقت سريعة اووى مش قادرة اخد قرار هو انا جرحنى لما سابنى وسافر، وكمان لما مفكرش ينزل علشان يمنع خطوبتى والجفاف والأهمال اللى كان بيعاملنى بيه من اول ما رجع مصر ومشاكلنا فى آخر فترة اتنهدت تنهيده طويله واخدت نفس وقررت انه .....
نهايه البارت الثانى عشر ❤
#روايه
#العنيد_والمجنونة
#بقلمى
#مارينا_عبود
تعليقات
إرسال تعليق