مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

شيء من الماضي (احببت مجنونة 2) p16

مراد يوقف مكانه وبعدم ادراك_ انت بتقول ايه ياعمي 

هشام ببكاء وترجي_ والله دا ابوك الله يخليك اتصرف عاوزين نلحقه

مراد يسيب المسد'س ويقرب منه  وبعدم ادراك_ ابويا ازاي انتو مش قولتو انه مات 

هشام بانفعال _ مش  وقته شيل معايا نوديه المستشفى 

في بيت مراد 

مي بترد علي التليفون 

مي _ الو 

مراد بانهيار وكسره _ مقولتليش ليه انه بابا 

مي تفهم انه عرف وبارتباك _ كنت هقولك ياحبيبي 

مراد بصوت ببكاء وصوت مهزوز _ بعد ايه انا قت'لته يا ماما 

مي بصدمه_ تقصد مين يا مراد....  مراد مين ده اللي قت'لته ما ترد عليه 

مراد ببكاء هستيري_ مصطفى انا قت'لته 

هشام ياخد منه التليفون  _ ايوه يامي،  تعالي احنا في المستشفى 

مي بصدمه_ مستشفى،  في ايه يا هشام الله يخليك قولي ان اللي قالو محصلش 

هشام بحزن _ حصل،  بس هو دلوقتي في العنايه 

مي ببكاء_ نهار اسو'د يعني يوم ما يرجع يموت وعلى ايد ابنه 

هشام _ ان شاءلله مش هيحصل،  تعالى انتي بس وهاتي معاكي  حد متجيش لوحدك وبيقفل معاها 

مراد ببكاء هستيري _ مقولتوليش ليه؟! كنتو مستنين ده يحصل عشان تقولوو حرام عليكم تعملو فيه كده،  يعني انا اعيش طول عمري فاكر انه ميت ولما اقت'له تقولولي انه ابويا 

هشام _ مكناش نعرف اذا كان عايش ولا لا ياحبيبي 

مراد بانهيار _ ابعد عني كده انا مش عاوز اعرف حد فيكم متعملش فيها انك خايف عليه،  انتو دمر'توني معرفش انا عملتلكم ايه 

هشام بدموع _ اهدي يا مراد كله هيتصلح 

مراد ببكاء هستيري _ مفيش حآجه هتتصلح خلاص وهو هيمو'ت وابقا انا قت'لته 

هشام _ مراد اهدي ياحبيبي والله هيكون كويس متعملش في نفسك كده 

مراد بكسره يقعد علي الارض ويبكي زي الاطفال 

بعد ساعتين  

الدكتور بيطلع من الغرفة 

هشام بقلق_ طمنى يا دكتور هو عامل ايه 

الدكتور  بتأسف_ الحاله صعبه الرصا'صه كان يفصلها عن القلب حآجه بسيطه،  على العموم احنا عملنا اللي علينا وهنستنا لو عدا 48 ساعه علي خير نقدر نقول انه هيعيش 

مراد بترجي _ خليه يعيش يا دكتور وخد اللي انت عاوزه 

الدكتور _ كله بأيد ربنا،  المهم احنا هنبلغ البوليس علي الحا'دثه دي 

هشام _ لا لا يا دكتور ارجوك بلاش 

الدكتور _ مش هينفع ده شروع في ق'تل وعلينا مسؤولية لو مبلغناش 

هشام _ الله يخليك بلاش لو بلغت اسره كامله هتضيع،  ارجوك لغيت ما نطمن عليه بس 

الدكتور _يافندم والله مش هينفع 

هشام _ انا بترجاك متعملش كده 

الدكتور بقلة حيله _ طيب وربنا يستر عن اذنكم 

بعد شويه بتيجي مي وياسمين و جودي 

مي بقلق شديد _ هشام مراد فين 

هشام _ في العناية ادعيلو 

مي ببكاء _ الدكتور قال ايه  

هشام بتنهيده_ قال  لو عدا 48 ساعه علي خير ممكن يعيش

مي ببكاء _ يعني ممكن يمو'ت 

هشام _ ان شاءلله لأ هيعيش انا متأكد 

مي تبص لمراد الي واقف بدون اي تعابير وتقربله وتديلو قل'م على وشه _ قت'لته؟ قت'لت ابوك يا مراد

مراد بعيون تدمع وبنبرة عتاب_ مقولتليش ليه انه ابويا انتي السبب 

مي بانفعال _ انا اللي قولتلك تقت'له مجيتش ليه وسألتني ولا القت'ل سهل عندكم،   وببكاء يارب بلاش ابني يدفع الدين انا مش هستحمل حآجه تانيه 

الكل يبصلها باستغراب 

هشام _ دين ايه يامي 

مي ببكاء _ انا عاوزة اشوفه 

هشام _ مش هينفع دلوقتي 

ياسمين _ حبيبتي ان شاءلله هيكون  كويس بس اهدي

مي ببكاء _ يارب يارب،  انا ملحقتش اعيش معاه يا ياسمين ونبي ما تخلوه يموت دلوقتي 

مراد _ لو مات هتبقي انتي السبب

مي بانفعال تضر'به بالقلم _وليك عين تتكلم والله ما يحصله حآجه يا مراد لا اسلمك بنفسي  

مراد بانهيار _ انا هسلم نفسي ولا تزعلي،  وبيسيبها ويطلع بسرعه 

جودي تروح وراه _ مرااد استني  

هشام _ استني يا ولد.  لكن  هو  ميسمعش ويروح علي  عربيته بسرعه  وجودي تدخل العربيه قبل  ما يطلع 

مراد _ اطلعي يا جودي 

جودي بترجي_ مراد بلاش علشان خاطري 

مراد بعصبيه _ اطلعي يا جودي مش وقتك 

جودي ببكاء _ مش هطلع ونبي ما تعمل كده علشان خاطري،  طيب علشان خاطر باباك ما يقوم ويكون كويس 

مراد ببكاء _ انا اللي قت'لته،  اناااا قت'لت ابويا بأيدي 

جودي ببكاء _ هيكون كويس والله،  الله يخليك متعملش كده

مراد  _ اطلعي دلوقتي انا عاوز اكون لوحدي 

جودي ببكاء _ لا مش هسيبك لوحدك 

مراد بخنقه يشغل العربيه ويمشي بسرعه كبيره 

جودي _ مراد مش كده اهدي هنعمل حا'دثه،  مراد الله يخليك 

لكن من غير ما ينتبه لها يكمل بسرعه 

بيت هشام 

الجرس بيضر'ب وبيكون يوسف  

ملك _ اتفضل ياحبيبي  

يوسف _ متشكر يافندم،  امال فين الناس 

ملك _ روحو مشوار كده 

يوسف _ خير هما كويسين 

ملك اه الحمدلله هما بخير،  اتفضل هعملك حآجه تشربها 

يوسف _ ماشى،  امال رودينا راحت معاهم ولا ايه 

ملك _ لا هي في الجنينه بتقطع في الورد 

يوسف _ طيب انا ممكن اروح عندها يكون عملتي الشاي 

ملك _ ماشي ياحبيبي اتفضل 

رودينا بتكون واقفه جمب الورد وبتقطف فيه وتظبط العيدان بتاعته بتناسق 

يوسف يشوفها، ويبصلها بشرود _ قطفي  حتى الورد مسلمش منك 

رودينا تنتبهلو _ ايه ده انت جيت امتي 

يوسف بإبتسامة _ لسه حالا،  بتعملى ايه بقا 

رودينا _ كنت بظبط شوية ورد عشان احطهم في الزهريه 

يوسف _ اهااا ما شاءلله منسقاهم بشكل جميل 

رودينا بإبتسامة _ تعرف انا بعشق الورد مستعده اعيش طول عمري ازرعه واسقيه واهتم بيه،  ع فكره انا عامله في بلاكونتي جنينه كامله 

يوسف _ واوو شاطره والله..  طيب تعرفي معنا الورد ايه 

رودينا _ اعرف انه شكله حلو وريحته كمان  

يوسف _ لا مش كده وبس،  كل ورده ليها رساله معينه،  ويبتدي يمسك الورد....  عندك مثلا الورده الصفره دي بتعبر عن الغيره 

رودينا _ ياسلام 

يوسف _ ايوه بجد يعني لو انتي مثلا بتغيري عليه تحد'فيني بيها ف انا  افهم ههههه 

رودينا _ ههههه طيب والبيضا دي 

يوسف _ ترمز لصفاء 

رودينا _ الصفاء؟! تصدق صح، طيب والحمره 

يوسف بإبتسامة هاديه _ ترمز للحب اتفضلي وبيديها تلات وردات من كل لون 

رودينا بارتباك _ طبعا انت محتاج ورده سوده علشان تعبرلي عن مشاعرك تجاهي 

يوسف _ ههههه لا بالعكس انا لو ههديكي لون هيكون الاحمر 

رودينا بتوتر _ اه

يوسف _ متفهمنيش غلط الورد بيتهدي لاي حد بنعزه مش لازم اللي جه في بالك 

رودينا _ عندك حق،  بس انت طلعت بتفهم في الورد اهو امال مش باين عليك ليه انك بتحس 

يوسف _ ههههه ماشي مش هرد عليكي 

رودينا _ ههههه اسفة بس انت لازم تتعود على اسلوبي كده محدش قالك  تتحمق اوي عشان نكون صحاب 

يوسف _ لا ياستي انا قابل المهم ميكونش في ميه سخنه تاني  

رودينا _ ههههه ماشي 

يوسف _ طيب وبتحبي ايه تاني غير الورد 

رودينا بتأمل _ مش عاوزاك تفتكر اني بأفور او عاوزه ابان بطريقة حلوه بس انا بحب الكتب وخصوصا الروايات وتحديدآ الرومانسيه والدراما 

يوسف _ لا بجد ولا بتهزري 

رودينا _ اه والله لما بحب اعيش حاله تانيه بقرا بس انت مستغرب ليه 

يوسف _ اصلي انا كمان بحب القراءه اوى وعندي مكتبه كامله عندي في الشقه 

رودينا _ واوو طيب انا عاوزه اشوفها 

يوسف _ اوك وقت ما تحبي،  بس قبل ما تيجي تشوفيها هجبلك كتاب متأكد انه هيعجبك 

رودينا بإبتسامة _ ماشي مستنيه 

يوسف بتأمل وشرود _ بس تصدقي مش باين عليكي 

رودينا _ ايه 

يوسف _ تصرفاتك في الاول كانت بتقول انك بنت مستهتره بس طلعتي حآجه تانيه خالص 

رودينا _ ههههه انا عارفه،  خلاص بقا مش هقدر اعمل حآجه تانيه ما انت ربطتني بميثاق غليظ بقا 

يوسف _ ههههه يا سلام علي التعبير،  ميثاق غليظ..  ماشي ياستي كويس اني ربطتك عشان اسلم من شر'ك 

رودينا _ ههههههههههههه 

يوسف يبصلها بإبتسامة ويتأمل ضحكتها،  وهي تحس بالاحراج ف تبطل ضحك وتمسك الورد وتمشي قدامه وبارتباك _ ط طيب ايه مش  هتدخل جوه 

يوسف _ اتفضلي انتي انا هاجي وراكي 

رودينا _ تمام   وبتمشي

يوسف لنفسه _ متزعليش بقا انتي اللي بدأتي وانا مش حاسس باي شفقه عليكي بسببه الي هعملو  فيكى، 

في بيت صبا 

صبا قاعدة في اوضتها وبتفكر في اللي حصل 

صبا _ دا شكله شر'اني ومش  هيسيبني،  واستاذ رياض كتر خيرة مش هيكون طول الوقت معايا يحميني،  اروح تاني ولا اسكت،  اووووف،  هروح وربنا يسترها بقا منك لله  يا انور الك'لب 

علي شط البحر بيوقف مراد وجودي،  

مراد باصص للبحر في صمت تام 

جودي _ مراد في ايه،   لكن  مبيجيهاش رد منه 

جودي _ مراد رد عليه انت كويس طيب 

مراد بتنهيده _ ايه رأيك انتى  

جودي _ متقلقش هيكون كويس ويرجع معاك البيت 

مراد بدموع _ حتى لو حصل انا مش عارف هقدر اتعامل معاه ازاي،  مش عارف اندم علي اللي عملته ولا اكر'هم هما الاتنين عشان عيشوني في وهم طول عمري 

جودي بحنان _ اكيد غصب عنهم متزعلش منهم 

مراد _ ازعل بقا ولا اتفلق مبقتش فارقه،  تعرفي انا نفسي في ايه دلوقتي  

جودي _ ايه  

مراد بوجع_ نفسي ارمي نفسي في البحر او موجه تيجي تاخدني وتغر'قني 

جودي ببكاء _ متقولش كده،  والله كله هيتصلح 

مراد يسيبها ويقرب من الميا 

جودي بقلق _ مراد  تعاله هنا انا بخاف من البحر.  لكن  هو  بيكمل وميردش عليها  

جودي _ مرااد انت  سامعني،،

مابيردش وبيكمل لجوه 

جودي بقلق تمشي وراه _ تعاله هنا  رايح فين يا مراد 

مراد يرمي نفسه ويسبح ويكمل عوم لداخل 

جودي بخوف _ مراااد مش وقته ارجع الله يخليك،  مراد انت لو غر'قت مش هقدر الحقك يا مراااد 

بتناديه كتير وهو مبيردش ف بتقرب هي كمان لغيت ما بتوصل لنقطه عميقه شويه وموجه كبيرة بتوقعها 

جودي باستنجاد _ مراد الحقني انا مش بعرف اعوم 

وهو يكمل ومش سامعها 

جودي بتقاوم الميه وتستنجد بحد يلحقها لغيت ما بتفقد الوعي،  

مراد بعد شويه بيبطل عوم ويبص عليها مبيلقهاش..  بقلق جودي! راحت فين،  يبص حواليه يلاقي حاجه على وش الميه قريب من الشط،  بيرجع بسرعه ويوصل عندها يلاقي جودي غاطسه في الميه ومش بتتحرك 

مراد بصدمه وخوف يشيلها _ جودي ردي  عليه  جووودي فوقي الله يخليكي  

بيشيلها ويحطها علي البر ويبتدي يفوقها وهو مرعوب يكون ماتت وبترجي وبكاء_ قومي عشان خاطري، متعمليش فيه كده  قومي،  وفجاه يلاقي ناس بدأت تقرب منهم 

واحد من الناس _ وسع كده 

مراد بارتباك وخوف _ هي ماتت 

الشاب يبتدي يضغط على صدرها عشان يخرج الميه 

مراد يقعد جمبها بقلت حيله وهو بيبصلها بخوف لا تروح منه

الشاب _ عاوزه تنفس صناعي بسرعه  

مراد بارتباك _ طيب  اي حآجه المهم تقوم الله يخليك 

يبتدي الشاب يعملها تنفّس صناعي ويضغط على صدرها لغيت ما بتتنفس وتخرج منها الميه 

جودي تفوق تلاقي الشاب ده حاطط ايده علي صدرها وبيعملها تنفس،  وقبل ما تتكلم،  تضر'به بالقلم 

مراد بفرحه مختلطه بالخوف _ جودي انتي عايشه 

جودي بتعب _ ازاي تخلي الحيو'ان ده يتحر'ش بيه 

الشاب _ انا غلطان كان لازم اسيبك تمو'تي 

مراد  _ متشكر اوى وانا اسف هي بس مش حاسه بنفسها 

الشاب يشوح بايده _ يلا عم من هنا قال خير تعمل  وبيمشي  

مراد بفرحه ياخدها في حضنه ويبكي زي الاطفال _ كنت خايف تمو'تي وتسيبني 

جودي بتعب تضمه وتنام على كتفه  وببكاء_ انا اللي كنت خايفه تروح منى ومشوفكش تاني 

مراد يمشي ايده على شعرها _ انتي كنتي رايحه تلحقيني؟!  

جودي ببكاء _ ايووه انت كنت عاوز تنت'حر وتسيبني 

مراد _ انتي كنتي هتمو'تي اوعى تعملي كده تاني انتي فاهمه، انا بعرف اعوم مكنتش هغرق يعنى

جودي تبصله بتأمل وخوف وتحط ايدها علي خده _ كنت خايفه تضيع منى،  انا مقدرش اعيش لوحدي وانت مش موجود  

مراد بدموع وحب _ جودي انا...  

واحد من الناس _ ما تخلصو يا عصفورين الكناري خضتونا وجايين تنامو هنا 

جودي بتأمل _ أنت ايه 

مراد بارتباك _ امم مفيش،  يلا خلينا نمشي 

جودي _ طيب،  وبيمسك ايدها ويرفعها من الارض،  ويمشو وهما ماسكين ايد بعض باحكام

في المستشفي 

بيرجع جودي ومراد 

هشام بعدم راحه _ كنتو فين 

جودي _ مراد كان عاوز يسلم نفسه وانا لحقته 

هشام يبصلها بعدم رضا ويسكت وهي تفهم من بصته انه مش عاجبه اللي حصل 

مراد _ في جديد؟ 

هشام في _ لسه 

مراد _ هو انا ممكن ادخل اشوفه 

هشام _ الدكتور قال لا 

مراد يلاقي الدكتور جاى _ دكتور انا عاوز اشوفه 

الدكتور _ مش هينفع دلوقتي 

مراد بترجي _ هدخل اشوفه ومش هعمل صوت نهائي 

الدكتور _ اممم طيب دقيقة واحدة بس ومتحاولش تزعجه

مراد _ حاضر متشكر اوي يا دكتور  ويروح عنده يلاقيه نايم ومتركبله جهاز تنفّس ومحاليل،  بيسحب الكرسي ويقعد جمبه ويبصله  ويمسك ايده،... بوجع_ مكنتش اعرف انك تكون بابا،  انا عشت طول عمري بسأل عليك وعمري ما كنت اتخيل انك ممكن تكون عايش،  ف لما اعرف انك موجود اكون انا اللي قت'لتك،  انا مش عارف اندم ولا ازعل منك،  سيبتني ليه العمر ده كله ياريت اعرف ايه السبب اللي يخلي واحد  زيك يرمي ابنه ومراته كده، مصطفى رد عليه متسبنيش اتكلم معاك وانت مبتردش  

بيتكلم كتير ويقول كل اللي حاسس بيه لغيت ما بيجي الدكتور ويخرجه 

تاني يوم 

في بيت سليم 

سليم _ يعني ايه مش هتروحي الشغل تاني 

جني _ كده طول ما الز'فته اللي اسمها زينه موجوده انا مش هروح 

سليم _ عملتلك ايه 

جني _ معملتش بس هي ست قليلة الا'دب وانا مش عاوزه اشوفها 

سليم _ والله براحتك انا مقولتلكيش تشتغلي انتي اللي كنتي عاوزه كده، بس تمام خليكي كده كده الدراسة قربت

جني_ تمام احسن بردو 

سليم _ طيب انا ماشي عاوزه حآجه 

جني _ سلامتك يابابا 

بيمشي سليم وبعد ساعة بيوصلها اتصال من رقم غريب 

جني _ الو 

ياسين _ استنيتك مجتيش ليه 

جني _ انت مين 

ياسين _ انا ياسين،  خير مالك مروحتيش الشغل ليه النهارده 

جني باستغراب _ انت جبت رقمي منين 

ياسين _ من نفس الشخص اللي عرفت منه بتحبي ايه وبتكرهي ايه 

جني بإبتسامة _ طيب واخرتها انت عاوز ايه 

ياسين _ كنت  بطمن عليكي لما مشوفتكش رايحه الشغل النهارده 

جني _ يعني انت سايب شغلك وحياتك ومقضيها مراقبة ليه

ياسين _ صدقيني انا مزاجي بيتظبط لما بعمل كده 

جني بإبتسامة _ ااه طيب 

ياسين _ مش هشوفك 

جني _ لا 

ياسين _ لا ليه 

جني _ وتشوفني ليه هو انا اعرفك 

ياسين _ بس انا اعرفك 

جني بإبتسامة _ وبعدين 

ياسين _ ولا قابلين 

جني _ اممم بتعمل ايه دلوقتي 

ياسين _ في الشغل 

جني _ وسايب شغلك وبتكلمني لية 

ياسين _ علشان روحتلك نفس المكان واستنيتك ومجتيش 

جني _ لدرجة دي انا مهمه 

ياسين _ واكتر 

تستمر المكالمة ساعة لغيت ما بيفصل الخط 

جني _ نهار ابيض عدت ساعه انتي اتجننتي بتكلمي واحد متعرفهوش ساعة كامله،  وفجاه بيرن تاني  

جني تقفل _ لا لا كفايه كده انا مش هرد عليه تاني،  وفجاه توصلها رساله علي الواتس اب..

ياسين _ عدت بسرعه الساعة 

جني _ اممم ياعم الله يخليك متبعتش ولا تتصل تاني،  مين انت عشان اتكلم معاك 

ياسين _ جوزك المستقبلي 

جني _ شيفاك واثق من نفسك اوي 

ياسين _ ايوه هيحصل وهتكوني ليه وهتحبيني كمان

جني بإبتسامة _ هحبك؟  مش زودتها شويه 

ياسين _ هتحبيني كلمه قليلة بس انتي هتحسي اني بنسبالك زي الهوا اللي بتتنفسيه مش هتقدري تعيشي من غيري 

جني بارتباك _ وانت بتعمل كده ليه 

ياسين _ علشان بحبك 

في المستشفى 

كلهم بيكونو قاعدين في الاستراحة 

جودي بتبص علي مراد من حين لأخر..  بشرود _ ياريت اقدر امسح اي حآجه وحشه عيشتها،  انت متعرفش وجعك ده عامل فيه ايه 

مراد ينتبه ليها هي وبصاله ويبادلها النظرات..  بشرود _ في يوم واحد كنت هخسر اهم اتنين بابا اللي لقيته بعد سنين،  وانتي،   لو كان حصلك حآجه انا كنت همو'ت ياريت اقدر اقولك دلوقتي اني بحبك يا جودي،  واني محتاجك جمبي علي طول 

بيقطع شرودهم صوت التليفون 

هشام _ خمسه وجاي ده تليفون شغل 

ياسمين _ اتفضل،  وبتقرب ل مي عشان تواسيها 

جودي بتستمر في النظر ل مراد 

مراد بإبتسامة باهته يمدلها ايده 

وهي تروح جمبه وتحط ايده في ايده بحب وتبصله بنظرات كلها حنيه ودفا 

جودي بهمس_ كله هيكون تمام 

مراد يحكم مسكة ايدها وبحب _ خليكي جمبي انا محتاجلك 

جودي باحتواء _ انا هنا....  

مراد _ مالك بتفكري في ايه 

جودي بتأمل في عنيه _ كنت بتقول حآجه واحنا علي البحر ومكملتش 

مراد بتنهيده _ خليها وقت تاني بس اكيد هقولك في كلام كتير عاوز اقولهولك **

بصو بقا انا النهارده هكون مشغوله يمكن مقدرش انزل التاني بس لو لقيت تفاعل هسيب كل  حآجه ونزلكم واحد بالليل كبييير اوي وشكرا على تفاعلكم العسل واركم الجميله  بكون نفسي ارد علي كل تعليق بس مبعرفش 😍😍😍😍

تكملة الروايه من هنااااااا