 |
#روايه_كبرياء_اسيا_وغرور_اسر
#بقلم_بسمله_صالح_البارت_30
#لاحول_ولا_قوه_الا_بالله_العلي_العظيم
انصدمت ملك لما اسيا قالت لها :فاكره يا ملك لما انتي قولت ليا انك في المهمه بتاعتك عايزين توصلوا لشخص بيبيع الاعضاء موجود في مصر وبيسلم الاع"ضاء لزعيم الما"فيا الكبير جاك ومش قادرين توصلوا له.
ملك بجديه :ايوه بس ايه اللي ذكرك بالموضوع.
اسيا :لان بكل بساطه اللي بيتاجر في الاع"ضاء وبيعمل عمليات مشبو'هه واللي مش قادرين توصلي له هو سيف، سيف طلع مجرم، عمل خطه زبا"له وقدر ان هو يفرقنا انا واسر وطلع مجرم وتاجر اعض'اء.
وضميره مبقاش موجود ، وكدا انا سهلت عليك المهم اني سجلت له تسجيل هو و الطبيبان الاجنبيان كانوا بيتحدثوا معه عن صفقه قربت تتم وهو كان بيتفق معهم على السعر والسعر كان كبير وكل ده موجود عندك في التسجيل، اسمعيه بس لازم تقبضوا على المجرم ده قبل ما يهرب، وهو ما يعرفش اللي انا سمعته كل ده علشان ما يبقاش في مجال انه هو يهرب.
وقلت اعرفك وبكده المهمه اتسهلت عليكم ومش باقي لكم، غير انك تمسكوا جاك وبالتوفيق يا حبيبتي.
وقفت ملك وحضنتها بشده.
وقالت: بجد انت اروع صديقه شوفتها في حياتي انت اختي، مش مجرد صديقتي انت ما تعرفيش انت لو ما كنتيش سجلتي التسجيل ده ما كناش هنقدر نثبت اي حاجه.
ثم قبلتها من خدها فبدلتها اسيا الحضن.
وقالت: دا وجبي كاختك ودلوقتي، انا لازم امشي عشان اقدم دليل براءتي للصحافه والناس كلها تعرف ان اسر ظلمني، وكلهم ظلموني وانت لازم تقدمي لاسر دليل براءتي بس تقبضوا الاول على سيف وبعد كده تدي لي اسر الدليل ، وبجد هاكون ممنونه لك.
ملك: انت هبله هو ايه اللي ممنونه لي زي بنتي احنا اخوات يا حبيبتي.
وقفت اسيا ثم نزلت وركبت سيارتها واتجهت الى دار الصحافه، ثم دخلت بكل ثقه كان الجميع يتهامسون عنها ولكنها لم تهتم لاي كلمه وكانت تسمعهم يتحدثون عنها في السوء، ولكنها كانت تبتسم وتنظر لهم بكل كبرياء ،فتعجبوا الجميع ثم دخلت الى صحفيه ،وجلست على الكرسي.
وقالت: زي ما انت نشرتوا وسوقتوا سمعت الدكتور اسيا ،ده دليل براءتي ولازم تثبتي براءتي ده حديث بيني وبين رنا وحديث بيني وبين المجرم سيف، اكثر اثنين خدعوني واسمعيه ولازم تتكلموا وتظهروا براءتي.
وانا منتظره اني اروح وافتح الشاشه والاقي انكم اتكلمتوا عن دليل براءتي ،وان انا فعلا بريئه وكل اللي الي الاتهمات والشكوك بي اني خاينه لازم الكل يعرف ان انا عمري في حياتي ما خنت احد ،وان انا دائما مخلصه دايما.
وان كل ده كان فبركه وملعوب من رنا وسيف صديقه عمري وصديق عمر اسر.
الصحفيه بأسف : بنعتذر جدا يا دكتوره بس ده كان طالب من دكتور اسر وده طبعا شغلنا، فكان لازم اللي احنا نعمل كده وبعتذر جدا لحضرتك ان احنا ظلمناكي واسألنا الظن بكي.
اسيا: عارفه ان ده مش ذنبكم بس لو فعلا عايزاني اقبل اعتذارك لازم تظهري براءتي، ثم خرجت وسمعت همسات الجميع عنها.
ثم اخذت نفس عميق واغمضت عيناها.
وقالت في نفسها "الكل هيعرف اني بريئه.
ثم ركبت سيارتها واتجهت الى منزلها وصعدت الى شقة مصطفى.
اتصلت ملك بمراد.
وقالت: الو .
مراد: الو يا ملك.
ملك : حضره الرائد انا عرفت مين هو الشخص اللي بيتاجر في الاعضاء وبيعمل عمليات مشبوهه واللي هيسلم الشحنه قريبا لجاك اسيا هي اللي عرفت واديتني المعلومه وسجلت التسجيل وبقى معنا الدليل.
مراد بلهفه: مين!
ملك: دكتور سيف الشاذلي صديقك.
مراد بصدمه: س سيف.
ملك: ايوه مش وقت صدمه دلوقتي لازم نروح ونقبض عليه هو حاليا في المستشفى دي المعلومات اللي وصلتني من اسيا.
مراد :تمام اسبقيني على هناك والبسي لبس الشرطه وانا هاجي وراكي بالقوه وهاجيب معي ضابط كمان.
ملك: تمام ثم اغلقت الهاتف وارتدت ملابسها الرسميه ثم ذهبت الى المستشفى وذهب مراد بعدما اخذ معه قوه من الشرطه، واتجه الى هناك وكانت ملك معها الدليل.
وفي هذا الوقت كان اسر يركب سيارته لكي يذهب الى سيف ويعرف لماذا خانه مع زوجته، ولماذا طعنه هكذا.
وصلت الشرطه الى المستشفى ودخلت ثم فتحوا على سيف ففزع سيف.
وقال: مراد في ايه؟
مراد بسخريه :فيه ان احنا جايين نقبض عليك.
وقف سيف بصدمه.
وقال :بلاش الهزار البايخ دا يامراد.
مراد بجديه وغضب :وهو من امتى الشغل كان فيه هزار ايوه انا باقول الحقيقه احنا جايين نقبض عليك.
سيف بثقه: طب يا حضره الرائد عايز تقبض علي عشان ايه؟
مراد بجديه: انك تاجر اعضاء واستغلت مهنتك انك تبيع الاعضاء للاجانب وتعمل عمليات مشبوه.
سيف بتوتر واصبح يعرق: انت انت بتهرج يا مراد ايه اللي انت بتقوله ده ايه الهبل ده، بلاش هزار الله يكرمك الواحد مش ناقص.
مراد بجديه وصرامه: اقبضوا عليه و لبسوه الكلبشات.
وصلت ملك ووجدت الجميع يقف وينظر الى سيف.
وسيف يقول: انا بريء ايه الهبل ده يا مراد انت بتهزر معي ،انت ازاي تقبض عليا طب فين دليلك على الكلام ده.
وفي هذه اللحظه وصل اسر وجد سيف مرتدي الكلبشات ومراد وملك يقفون وهم مرتدين الزي الرسمي للعمل.
فاقترب منهم بفزع.
وقال :سيف في ايه انت انت لابس الكالبشات ليه؟؟
وبعد كدا بص لملك ومراد.
وقال: مراد في ايه؟؟
مراد بحزن واسف : للأسف سيف الي كونى مفكرينه محترم وعنده اخلاق وضمير طلع ضميره ميت بيبيع أعضاء وبيتاجر فيها مع الأجانب وبيقبض منها مبالغ كبيره وغير كدا بيعمل عمليات مشبوهه واحنا معانا الدليل لان اسيا سجلتله وهو بيقول كل حاجه.
سيف بصدمه: اسيا الي سجلت.
ملك بسخرية: ايوا اسيا لما كانت عندك امبارح.
اسر بصدمه: لا لا اكيد دي نكته سخيفه أو مقلب مش لطيف معقول كل دا يطلع منك يا سيف.
واقترب منه ومسكه من لياقه قميصه.
وقال بغضب: ليه تعمل في نفسك كدا وليه تدمر حياتك وحياتي وحياه اسيا وتخوني معاها ، ليه استفدت ايه فهمني، وليه عملت كدا؟!
سيف بسخريه: اوقات الدنيا بتقلب نكته وبتجبرك تضحك عليها، هي الدنيا كدا يا اسر السمك الكبير بيأكل السمك الصغير علشان يقدر يعيش ، وفي النهايه محدش بيحب الفقر.
عايز تعرف ليه انا خنتك مع اسيا وليه انا واسيا بنحب بعض.
في البدايه انا واسيا حبينا بعض ،وانا كان نفسي انتقم منك، عارف عايز تعرف ليه!
هاقول لك لانك بكل بساطه كنت انا متفوق عنك في الدراسه رغم اني كنت فقير ،وانت كنت غني بس دائما كنت شايف نفسك ومغرور ودائما بتتكبر عليا وعلى الكل ،حبيت واحده في الكليه بس البنت دي حبتك وانت في الاخر ضحكت عليها وبقيت تعشمها اللي انت بتحبها، وفي الاخر كسرت قلبها والبنت ساعتها انتحرت بسببك.
تخيل الانسان اللي حبتها ماتت بسببك،ساعتها كان عندي رغبه انه ننتقم منك، وبدات اقرب اكثر واكثر لغايه ما خلصنا الكليه وانا بقيت دكتور قلب ،وانت بقيت دكتور جراحه.
جئت مره عشان ازورك في المستشفى شوفت اسيا قبل ما انت تشوفها ،اعجبت بها من اول مره وبعد كده رحنا انا وانت سباق السيارات علشان نسابق كنت سرحان في اسيا وخسرت ،دائما كنت بتكسب عليا في السباق اي حاجه كنت بتكسبها.
وبقيت مشهور عني كان نفسي، ابقى مشهور ولا ربع شهرتك،كل البنات كانت بتجري وراك وما فيش بنت مره جريت ورايا ولا فكرت ان هي تبص لي حتى كنت، بارسم ابتسامه وانا من جوايا باحقد عليك.
وبعد كده عرفت اسيا وتعرفت عليها ولقيتها انسانه محترمه جدا، وحبيتها وهي حبتني وما لقيناك اللي انت بتحبها ،ساعتها اتفقت انا وهي ان احنا نعمل عليك خطه ونكسر غرورك وهيا قبلت لانها جابت تنتقم يوم ما اتهمتها في سرقه الفلوس.
وقررنا ونكسر قلبك وهي تخونك معايا، وهي مش بتحبك وبكدا انا هاكون حققت انتقامي منك،بس متوقعتش ابدا ان اسيا هتغدر بيا وتسجل ليا تسجيل ،وانا بتفق مع الطبيبين الاجنبيان على الصفقه الجديده للاعضاء، كان نفسي ابقي غني ودلوقتي بقا معايا فلوس كتير وحققت حلمي.
صفعه اسر بقوه على وجهه.
وقال :حيوان انتم الاثنين ازبل من بعض.
ملك ما تصدقهوش يا اسر انت ما تعرفش الحقيقه.
اسر بغضب ما تدخليش انت طبعا لازم تدافع عن صديقتك.
صمتت ملك.
وقالت في نفسها" اما اقبض بس على سيف ساعتها هاديك دليل البراءه".
قال اسر لسيف: الشهره الي انت عايز توصلها ما هي إلا منظار يكبر صاحبه عشر مرات.
اسر : عمر الحرام ما كان في الغنى بالعكس في البدايه بتفتكر انك نجيت ووصلت وبعد كدا بيكون سبب دمارك، والفقر مش عيب بسعيك وعملك تقدر تكسب وتنجح ،بس انت اخترت الطريق الغلط.
وتاجرت في اعضاء البشر وهتتحاسب في دنيتك واخرتك، انت لبست قناع الطيبه والبراءه وانت في الأساس عقرب وثعبان ومستخبي وراء قناع مش قناعك وبتحقد وبتغل عليا، وبكدا علاقه صداقتنا انتهت يالي كنت صديقي في يوم من الايام، ولولا المواقف لظننت ان الجميع اصدقائي، تقبض عليه يامراد
(في البدايه يتعاملون معنا بأقنعتهم وفي النهايه يتعاملون معنا بوجوههم الحقيقيه،لذلك البدايات اجمل والنهايات اصدق).
قبض مراد على سيف وركبه عربيه الشرطه وملك ركبت معهم لغايه ما وصلوه ودخلوه السجن.
وبعد مرور خمس ساعات.
كان اسر يتجول في المدينه بلا هدف فقط يضيع وقته ويريد ان ينسى الخيانه والخداع الذي تعرض له من اقرب الناس لي، ثم اتجه الى الملهى الليلي وكانت رنا هناك تنتظره واختبأت عندما رأته واخذ اسر يشرب كثيرا وجلست رنا بجانبه عندما شرب.
وقالت :اسر.
اسر بسكر: رنا ت تعرفي انك انت الوحيده اللي كنت بعيده عني وبتحبيني، وانا عارف اللي انت كنت بتحبيني بس انا ما بحبش البنت اللي بتترمي نفسها عليا، وانت اللي عرفتيني حقيقه اسيا قبل ما نخدع فيها واتجوزها شكرا يا رنا.
ثم حضنها وحضنته رنا وفرحت بشده.
(كثيرا ما يخسر الرجل المرأه التي يحبها ليسلم نفسه للمرأه التي تضحك عليه).
اوعى تخلي طريقه الطمع يعمي عينك ويخليك تخسر نفسك وتخسر اقرب الناس ليك رزقك هيجي لك لحد عندك فبلاش تبص رزق غيرك علشان ما تخسرش الاثنين.
ودائما قولوا الدعاء دا اللهم قربني الى ما تحب وترضى وابعدني عما لا تحب ولا ترضى....
في النهايه حابه اشكركم على تفاعلكم اللي فرحني جدا شكرا يا احلى عيله في قلبي♥️🌹انتم عائلتي الثانيه🤍🤗
وطبعا توقعكم طلعت صح بعد ما قرأت كل كومنتاتكم اللي فرحتني جدا ،وياريت ما تخزلونيش وتتفاعلوا معايا، علشان انزل لكم ان شاء الله باستمرار وما تأاخرش عليكم لان تفاعلكم ودعمكم بيفرق معي كثير واديني بنزل كل يوم ياريت تساعدوني وتتفاعلوا معايا دعما لي استمر.
تفاعلاتكم ورايكم وتوقعاتكم يهمني جدا باحبكم كثير يا احلى متابعين في الدنيا🌼🙏
بقلم / بسمله صالح.
يتبع.......تكملة الروايه من هنااااااا
تعليقات
إرسال تعليق