 |
#روايه_كبرياء_اسيا_وغرور_اسر
#بقلم_بسمله_صالح_البارت_32
#اللهم_صلي_وسلم_وبارك_على_سيدنا_محمد
سندت اسيا دماغها على رأس مصطفي واغمضت عيناها فتذكرت ماضيها الاليم منذ ان كانت صغيره لأكثر من عشرين سنه
فبلاش باك....
عندما كان عمر اسيا اربع سنوات.
اسيا بدموع : ماما ماما انا عايزه اكل انا جعلته بطني بتوجعني اووي.
الام: حاضر يا روحي هرضع معتز وهجيبلك تأكلي.
اسيا : ماشي يا ماما بس انا جعانه مش تتاخري عليا.
ثم تسطحت اسيا علي الاريكه وهي تضم جسدها الصغير وبتحط ايديها على بطنها من الجوع ودموعها نزله على خدها.
الام دخلت المطبخ وبدات ترضع معتز اللي كان بيعيط وبعد كده بتفتح الثلاجه ما لقيتش فيها اي حاجه.
قالت: هاعمل اكل ايه دلوقت ما فيش اي اكل خالص.
ونزلت دموعها.
وقالت: يعني عليكي يا بنتي انا هموت من الجوع مازالك انتي لسه طفله طب اجيب اكل منين وحست بالعجز.
ولقيت معتز نام نيمته على السرير ودخلت تشوف اسيا لقيتها نائمه على الاريكه وضمى جسمها من كثر الجوع عيطت لان بنتها على فطرها من الصبح.
وشالتها ونيمته جمب معتز.
وقاعده في الصاله بتنتظر مجيء زوجها واصبحت الساعه الثانيه ليلا ،ولم ياتي ولكنها ظلت منتظره حتى دخل في الساعه الثالثه الفجر، وهو مش قادر يمشي وريحه الويسكي ملئت الشقه وداخل بيسند على الحائط.
نظرت له والده اسيا بقرف.
وقالت بغضب: هتفضل كدا لحد امتى كل فلوسي الي بشتغل بيها بتاخدها لحد امتى فاهمني بنتك نايمه جعانه، وعلى فطارها من الصبح، ما فيش اي حاجه تاكلها وانا ما فطرتش من الصبح
يا اخي مش مشكله انا بس الطفله المسكينه اللي جوه الي كل يوم جعانه دي، ويا ريتك بتاخذ الفلوس بتعمل حاجه مفيده ولا بتجيب اكل ولا بتعمل ولا حتى بتشتغل لا انت ما بتشتغلش حتى انت بتاخذ فلوسي الى طول اليوم مكفيه؛ علشان اجيبها وفي الاخر تاخذها وتروح تجيبها من القرف اللي بتشربه ده وتسهر بره في البار يا اخي حرام عليك، دي مش عيشه.
صفعها والد اسيا الذي يدعى احمد صفعه قويه فوقعت على الارض ثم انهال عليها بالضرب فاخذت تصرخ والدته.
واحمد يقول :حسك عينك اسمع صوتك يا اسماء هي دي العيشه ان كان عاجبك انا اعمل اللي انا عايزه وما تجيش تحاسبيني،وان شاء الله عنكم ما اكلتوا موتوا من الجوع، انا مالي.
صحيت اسيا من نومها وهي مفزوعه وهي سامعه صوت امها وخرجت وهي بسرعه فرأت والدها بيضرب والدتها فاقتربت منه علشان تحوش عن والدتها
فقالت بدموع :بابا بابا سيب ماما يا بابا.
شالها احمد وحدفها على الارض فوقعت اسيا على الارض وبكت من شده الالم فمسكتها والدتها وحضنتها.
وقالت لها :بس يا حبيبتي خشي نامي.
اسيا كانت بتعيط في حضني والدتها واحمد قاعد بيضرب في اسماء.
واسماء واسيا بيصرخوا وما فيش احد موجود يدافع عنهم وينجدهم صحيوا الجيران على صوت زعيق في الشقه،فخرجوا وهم مفزوعين وبقوا بيخبطوا بقوه.
لكن احمد ولا اكنه كان سامع كل التخبيط ده وما بيوقفش عن ضرب اسيا واسماء ، لغايه ما كسروا الجيران الباب، وبعدوا احمد بالعافيه عن أسماء، بس اسماء مقدرتش تستحمل كل الضرب دا فوقعت مغشي عليها فحملها الجيران.
واحمد واقف ومنصدمش من اللي حصل ولا حتى جرى عليها يحملها، بس اكتفى ان هو يبص لها بقرف واخذ بعض ودخل ينام واسيا راحت معاهم على المستشفى ،وعلقوا لوالدتها محاليل نظرا لانها ما اكلتش اي حاجه من الصبح وضرب احمد ليها.
واسيا بتعيط وواحد من الجيران بيحضنها وبيهديها، واسيا مش بتهدى وبتشهق وبتعيط.
وتقول بطفوله ودموع: عايزه ماما يا ماما.
لغيت ما نامت على رجل جارها من شده البكاء.
وفي الصباح استيقظت والدتها وكان لازم تدفع للمستشفى وهيا معهاش فلوس واسيا متشبكه في يديها والجيران مشيوا وما تبقاش غير هما الاثنين والده اسيا معهاش اي فلوس فوقفت قدام الموظفه اللي هتاخذ الفلوس.
فالموظفه قالت لها: احنا عايزين 200 جنيه يا مدام.
اسماء بضعف وعجز: للاسف انا معيش ولا جنيه.
الموظفه: مش هينفع تخرجي غير لما تدفعي.
نزلت دموع اسماء وقالت: بس انا مش معايا فلوس والله والجيران هما الي جابوني هنا.
اشفقت الموظفه على حالها.
وقالت: خلاص يا مدام اتفضلي وانا هادفعها ونظرت لهم بشفقه رأت اسيا نظره الشفقه اللي في عين الممرضه.
على الرغم من صغر سن اسيا الى انها كانت بتفهم جدا وعقلها كان كبير.
خرجت اسماء وهي حزينه جدا فهي معهاش فلوس لتدفع ثمن المستشفى او فلوس تشتري الفطار لهم.
وروحت اسماء واسيا معها ولقت اسماء معتز صحي من النوم وبيعيط ،واحمد نايم وحتى ما اصحاش يسكت ابني خذته اسماء وحضنته وبدات ان هي ترضعه لغايه ما نام.
واسيا بتقول: ماما انا جعانه.
قامت اسماء وبدات تخيط الهدوم للناس لانها كانت شغاله خياطه.
وقالت: حاضر يا حبيبتي هاخلص الهدوم وهنجيب اكل.
وبدات تخيط بعد خمس ساعات وشعرت بالم شديد في ظهرها والجوع ايضا فهي لم ترتاح واسيا كانت بتحمل معتز وبتسكته، واحمد نائم ومش حاسس بأي مسؤوليه.
خلصت الام الهدوم واتصلت بصاحبتهم.
وقالت لها تيجي تاخذهم.
جاءت صاحبه الملابس ودفعت لها 60جنيه ومشيت ومسكت والده اسيا الفلوس.
وقالت: اسيا يا حبيبتي خلي بالك من معتز انا هانزل اشتري اكل لنا عشان ناكل ماشي يا روحي.
اسيا: حاضر يا ماما.
ثم نزلت والدتها واشترت لهم الاكل وطلعت وبدات تاكل هي واسيا ،واسيا بتاكل بشهيه نظرا لانها جعانه جدا صحي في الوقت ده احمد وقعد ياكل معهم ولا اكن حصل حاجه امبارح، ولكن هو الي بيصرف على البيت مش مراته.
كانت اسيا تنظر له بدموع واسماء تتجنب النظر له.
وانتهت والدتها من الطعام وبدات في العمل مره اخرى وتخيط الملابس لكي تجمع المال، وزوجها يجلس ويشاهد التلفاز بالامبلاه.
دقت الساعه 12:00 فدخل احمد على اسماء.
وقال بخشونه: هات الفلوس يلا اللي اشتغلت بها علشان اسهر بره واكيف دماغي.
اسماء: ما فيش فلوس ما فيش غير 20 جنيه اللي هاجيب بها اكل الصبح هتاخذها كمان، يا اخي ارحمني.
صفعها احمد على وجهها.
وقال لها هاتي القوس واستغليت اكتر من كدا.
فادته اسماء الفلوس وهي تبكي.
اخذ الفلوس ومشي ودخلت اسيا وهي تحضن والدتها وتواسيها.
وقالت: ماما ما تعيطيش انا مش باحب بابا وحش انت ليه قاعده هنا تعالي نمشي ونروح في اي حته ثانيه بس بلاش نقعد مع بعض بابا بيضربنا على طول.
اسماء :لا يا حبيبتي بابا حلو بس بابا زهقان بس علشان مش لاقي شغل.
وقالت اسماء في نفسها"هو اساسا ما عندوش دم ولا عايز يشتغل قاعد وانا اللي باصرف عليه وحتى ما بيسيبش الفلوس انا اصرف بها على البيت لا بياخذها ويصرفها على القرف اللي هو بيشربه،طب يا ريت يا اسيا ان احنا نخرج من البيت ده واروح بيت ثاني بس اهلي كلهم متوفيين وما عنديش اخوات علشان اقدر اروح اعيش مع احد، مضطره استحمل الذل والاهانه دي".
وبعد مرور سنه على هذا الحال ووالده اسيا لم يتغير ويضرب والدتها كل يوم ويستلف من الناس الفلوس علشان يسهر ،واسيا تذهب الي الحضانه ووالدتها تعمل اكثر وانجبت رقيه وازادت مسؤوليتهم واحمد بقي مدمن مخدرات.
ومر ٩ سنوات واصبح عمر اسيا 14 عام كانت في الصف الثالث الاعدادي تجتهد ولم تاخذ دروس فقط تكتفي بشراء الكتب وتذاكر لنفسها، ووالدها بياخد الفلوس من والدتها.
فقالت اسيا لوادتها :ماما انا عايزه انزل اشتغل واقف في محل او اشتغل في الصيدليه، على الاقل اساعدك شويه يا ماما انتي تعبتي خالص وظهرك بيوجعك.
نظرت لها اسماء بدموع.
وقالت: لا يا حبيبتي انا بس اللي اشتغل.
اسيا: عشان خاطري يا ماما سيبيني اشتغل وهساعدك وهذاكر، وما تخافيش وهذاكر لاخواتي كمان وبعد إلحاح كبير اضطرت اسماء ان هي توافق.
وبدات اسيا تشتغل في محل ملابس وتبيع ملابس وكانت بتقبض في اخر الشهر 1,000 جنيه بس والدها ،ما كانش عارف ان هي بتشتغل لان طول الليل كان بيسهر وطول النهار نايم.
واسيا قالت لها: ماما ما تعرفيش بابا اني باشتغل علشان الفلوس دي نصرف بها على نفسنا ،ونقدر ناكل لان بياخذ منك كل الفلوس، وبالفعل معرفش احمد ان اسيا بتشتغل.
واسيا بدأت تصرف على البيت واحمد ياخذ من اسماء الفلوس بعد ما يضربها، ويهينها كل يوم واسيا بتذاكر لاخواتها وبتذاكر لنفسها ،وبتشتغل بس اسيا كانت بتحب الرسم جدا.
فاشتريت من مرتبها لوحه رسم والوان وادوات الرسم وبدات ان هي ترسم كل يوم لوحه بتعبر فيها عن العيشه والظلم اللي بتعيشه ،والايام اللي كانت بتعدي عليهم وهم ينام وهم جعانين رسمت لوحه في منتهى الروعه هيا واخواتها ووالدتها بتوضح حزنهم ، اخذ ترسمها في سنه وبعد انتهاء اللوحه وريتها لمامتها انبهرت والدتها واخواتها من جمال اللوحه.

اسيا :ماما اللوحه دي بجد انا تعبت فيها انا هاوريها لاصحابي، ابتسمت والدتها وقالت ماشي.
اسيا وريتها لاصحابها وانبهروا من جمال الرسمه فشافتها معلمه من بعيد.
وقالت لها: تعالي يا اسيا وريني اللوحه دي.
اسيا وهي شايله شنطه المدرسه واللوحه: حاضر يا مس.
وقربت منها وريتها اللوحه انبهرت المعلمه.
وقالت لها :الرسمه دي لو وديتيها معرض الرسم انا متاكده ان هي هتعجبهم واكيد احد هيشتريها منك.
ابتسمت اسيا.
وقالت :بجد.
المعلمه :طبعا يا حبيبتي.
عادت اسيا في اليوم ده وهي سعيده جدا وحكت لمامتها على اللي حصل.
اسماء: ما توقعش يا اسيا خليها يا حبيبتي عندك واحتفظي بحاجه انت قعدت فيها سنه وابدعتي وطلعتي فيها كل احساسك فيها.
ابتسمت اسيا ثم دخلت غرفتها وبدات ان تذاكر.
وقالت: ماما دلوقتي انا رايحه الشغل انا ماشيه.
اسماء :ماشي يا حبيبتي.
وراحت اسيا تشتغل في محل الملابس وبعد الانتهاء ذهبت الى منزلها وبدات ان هيا تتغدى هي واخواتها وبدات تذاكر لهم وبعد انتهاء اليوم ناموا.
مر سنتين على الوضع ده ان احمد بياخذ الفلوس من والدتها وبيهنها وبقا والدها مديون.
واسيا بتشعر بالعجز ان هي مش قادره تدافع عن والدتها وكانت كل يوم بتحفز نفسها ان هي تبقى حاجه حلوه في المستقبل، ولازم توصل لهدفها وتبقى دكتوره وتساعد الفقراء ،لانهم كانوا بيعيشوا في فقر وما كانش احد بيساعدهم في حياتهم.
كانت حياه اسيا صعبه ،لكن هي اتحدت ظروفها لغايه ما بقت دكتوره وبقت بتتبرع بجزء من مرتبها وتدخل غير قادرين ان هم يكشفوا مجاني.
وكانت هي بتدفعلهم وعمرها ما نسيت نظره الموظفه لهم.
وفي يوم من الايام كان في اليوم ده عطله اسيا رسمت صوره والدتها وهي بتخيط الهدوم للناس وانتهت من رسمتهاش ،ومورتهاش غير لاخواتها وومامتها وحاطط الرسمتين جنب بعض

وبدات تبص للرسمتين كانوا بيوضحوا معاناتهم وحياتهم اللي بيعشوها ناس كتير، بتوضح الفقر والجوع اللي كانوا بيحسوا بيه ورسمه ثانيه بتوضح كفاح والدتها اللي دائما بتشتغل وكانت اسيا كل ما بتبص لهم بيدوها امل ان هي تذاكر اكثر من الاول وتذاكر لي اخواتها.
وفي يوم من الايام.
طردت صاحبه المحل اسيا، لان زوج صاحبه المحل كان معجب باسيا جدا لانها كانت جميله جدا وجمالها يخلي اي حد ينسحر بيها.
حزنت اسيا جدا وعدي عليهم ايام وهما معهمش فلوس ياكلوا لان بقى والدها بياخذ منهم الفلوس.
وفي يوم اسيا كانت قاعده حزينه ودموعها على خدها في غرفتها فبصت للرسمه الموجوده على غرفتها وافتكرت كلمه المعلمه ليها ان هي ممكن تقدمها في معرض الكتاب.
فتحت تليفونها وبحثت على النت وعرفت ان هي تقدر تاخذ فلوس من رسمتها لانه خلاص ما بقاش في اي مصدر دخل لهم ، قررت تبيع الرسمه علشان،
يقدروا يصرفوا على نفسهم.
وقالت لوالدتها.
ووالدتها :وافقت.
وراحت قدمت رسمتها رسمه الخياطه ورسمه اللي بتوضح الفقر والجوع والظلم.
كان في واحد من اهم رجال الاعمال واقف بعيد وشايف بنت عمرها 17 سنه ومعها لوحتين استغرب جدا ازاي هي شايله اللوحتين في يديها وعمرها لسه صغير فقرب منها.
وقال لها :اسمك ايه يا جميله.
اسيا :اسمي اسيا.
ابتسم الشخص.
وقال لها: وريني كده اللوحتين اللي في ايدك.
وريته اسيا اللوحتين انبهر من جمال اللوحتين ،اللوحتبن كانوا بيعبروا عن الواقع الي في كتير عايشه.
الشخص بنبهار: ما شاء الله عليكي ربنا يحفظك بجد اللوحه دي فوق الروعه انا هشتريها منك، وهشتري اللوحه التانيه بتاعت الخياطه.
اسيا بفرحه: بجد.
الشخص :طبعا انا من عشاق الرسم وبقدر الرسام ومن خلال خبرتي اقولك أن الرسمه دي اخذت منك وقت ومجهود كبير ، وانا بحب الرسومات الي بتعبر عن الحقيقه والظروف الي بنمر بيها وبنعشها،لذلك هشتريهم وهكفأك.
ثم نظر الى حذائها فلاقه مقطوع من عند صابع رجلها، ولبسها شكله قديم جدا.
فعرف انها فقيره، بس احترمها جدا لانها تعبت واشتغلت ولازم تاخد حقها وطلع شيك من جيبه وكتب عليه 100 الف جنيه.
وقال : اتفضلي يا بنتي.
خدت اسيا الشيك بصت اسيا للمبلغ وفتحت فمها واتسعت عيناها من المبلغ الكبير دا.
وقالت بصدمه: بس بس دا كتير اوي يا استاذ.
الشخص : مش كتير عليكي انتي تعبتي وانا عجبني شغلك وكفأتك ، والإنسان على قد الى بيتعب بيلاقي.
واخرج كارت من جيبه.
وقال: اتفضلي دا كارتي اسمي ورقمي انا مصطفي الحديدي اكبر رجل اعمال في مصر وفرنسا، لو احتاجتي مساعدتي هتلاقيني قدامك ومتتردديش لحظه تطلبي مساعدتي، وتعالي اعزمك على الغداء، بالمناسبه الحلوه دي.
اسيا: شكرا لحضرتك مفيش داعي.
مصطفى : هزعل منك كدا تعالى متخافيش اعتبرني زي والدك.
ذهبت معه اسيا الي المطعم وانبهرت من جمال المطعم وطلب مصطفي ليهم اكل غالي جدا.
وقال مصطفى: اسيا يا بنتي احكيلي عينك فيها كلام كتير وفيها دموع رافضه تنزل احكيلي يمكن اقدر اساعدك ،انا شايفك راسمه رسمه محدش يقدر يرسمها الي الي مر بالظروف دي.
ابتسمت بس ابتسامتها فيها حزن ووجع.
مصطفى: انتي بتخبي حزنك ورا ابتسامتك صح كلامى.
هزت اسيا رأسها.
وقالت بنبره حزن وألم: صح كل حاجه قولتها.
مصطفى : طب احكيلي يمكن اقدر اساعدك.
بدأت اسيا انا تحكي كل شىء ماضيها ومعاملته والدها لوادتها والظلم والحياه القاسيه الي عايشينها وانها برغم كل دا الي انها متفوقه في دراستها ومحبوبه بين الجميع ومحدش يعرف ماضيها خالص غيره.
حزن مصطفى عليها.
وقال لها: بجد انتي شخصيه عظيمه ومحترمه ربنا يحفظك ويكرمك وانا هقف جمبك علطول لغيت ما تتخرجي من الكليه وهتكلف بكل مصاريفك.
انتي من انهارده هتبقى بنتي دا شرف ليا انا بنت في اخلاقك ومبادئك أنها تبقى بنتي، انا معنديش اولاد لاني مش بخلف ومراتي ماتت وفضلت معايا ومسبتنيش كان نفسي اخلف، واسمع كلمه بابا بس هيا كانت بتوسينه.
برغم فلوسي الي عندي الي اني حزين ربنا اداني الفلوس بس حرمني من الأطفال.
ونزلت دمعه منه.
وقال :الحمدلله.
وقفت اسيا ومسحت دمعته.
وقالت له :بابا خلاص متعيطش كان نفسك تسمعها اديني قولتها وهقولهالك علطول.
مصطفى بدموع: قوليها تاني نفسي اسمعها.
اسيا: بابا متعيطش.
حضنها مصطفى وعيط في حضنها.
وقال: كان نفسي اسمعها من زمان، اتفاجئت اسيا لكنها بدلته الحضن وعرفت اد ايه هو مفتقد وجود اولاد في حياته.
وبعدت عنه اسيا لما سمعت صوت تلفونها،وكان المتصل والدتها وانصدمت لما سمعت اخر شئ ممكن تتوقعوا.
استوب يا ترى ايه الي اسماء قالته لي اسيا واي مصير اسيا واسر وسيف ورنا ؟؟
بعتذر جدا لو الحلقه كان فيها مشاعر قاسيه وحزينه بس هي تعبتني شخصيا وانا بكتبها بس كان لازم اكتبها.
نتعلم من بطلتها القويه اسيا الي اتحدت ظروفها وباقت دكتور اطفال ماهره واتبرعت بجزء من فلوسها للفقراء وساعدتهم رغم أن اسيا ظروفها كانت وحشه الي أن كل الظروف الي مرت بيها مغيرتش معدنها وأصلها
كل شىء يتحقق إذا كانت بدايته نيه صادقه.
قمه الصبر أن تسكت وفي قلبك جرح وقمه القوه ان تبتسم وفي عينك الف دمعه.
الانسان مش مهم هو ابن مين المهم هو مين ومفيد للمجتمع ولا فاسد علشان كدا نصيحه لكل اب وام اوعوا تفتكروا أن الفلوس هيا الي بتعلم وبتربي لوحدها الي بيعلم وبيربي هي القيم والمبادئ والاخلاق كلنا واحد محدش احسن من حد الفرق بينا وبين بعض هو الاصرار والعزيمه والأخلاق الطيبه....
يقولون الظروف اقوى وانا اقول العزيمه والاصرار والتصميم اقوي...
ياريت متخزلونيش وتتفاعلوا معايا يا احلى عيله دعما لي استمر رايكم وتفاعلكم وتوقعاتكم تهمني ♥️🌹 شكرا لكل الي بيدعموني بارت طويل اهه بناء على طلباتكم ياريت تقدروا تعبي وتتفاعلوا ♥️
بقلم / بسمله صالح.
يتبع.....
تكملة الروايه من هنااااااا
تعليقات
إرسال تعليق