 |
#روايه_كبرياء_اسيا_وغرور_اسر
#بقلم_بسمله_صالح_البارت_37
#لاحول_ولا_قوه_الا_بالله
القاضي: حكمت المحكمة حضوريا على المتهم سيف الشاذلي بناء على المادة "17" على أن يعاقب بالسجن و المشدد بغرامة 500 ألف جنيه.
رفعت الجلسه.
وبعد ما نطق القاضي حكمه اخذت الشرطه كل المتهمين لكن وقفت ملك الشرطي وهو بياخذ اركون.
وقالت ملك: اركون ما تقلقش انا دائما هازورك وخليك دائما عندك امل في ربنا وادعي ربنا انه يسامحك،ربنا اداك فرصه انك تتوب وترجع لربنا وتغفر كل ذنوبك.
اركون: بفضل الله ثم بفضلك يا حضره الضابط انا انحكم عليا بعشر سنوات ولو لم ترفعي لي محامي وتحكي عن الماضي ، وانني كنت ضحيه لوالدي لكان ملفوف حول رقبتي حبل المشنقه الان ،اشكرك انتي تستحقي كل الاحترام والتقدير .
وحياها اركون ودمعت عين ملك واخذ الشرطي اركون على الحبس.
قرب ملك من مراد.
وقال لها :ملك انا عازمك النهارده على العشاء يا ريت تقبلي وتيجي في مطعم اللي جنب بيتك لاني عايزه اعترف لك بحاجه مهمه جدا.
ابتسمت ملك.
وقالت: وانا موافقه على العزومه.
وقف اسر بعد ما الشرطه لبست سيف الكلبشات علشان هياخذوه على الحجز.
وقال اسر لسيف :شفت طمعك وشرك وانانيتك وحبك للفلوس والشهره والغنى الي كان نفسك توصله وصلك لفين شفت غلك وحقده وانك مشيت ورا شيطانك ومشيت في طريق الشر وطريق اخرته نهايه ومعصيه ،صح انت نولت جزاءك في الدنيا لكن لسه ما نلوتش جزاءك في الاخره ونصيحه مني يا اللي كنت صديقي في يوم من الايام وانا باقولها لك لانك كنت صديقي واخويا في يوم من الايام.
توب لربنا واطلب منه السماح عشان يسامحك لسه قدامك الوقت انك تتوب.
ومشي اسر وبص سيف له بحزن.
اما بقى عند اسيا.
قال لها :مصطفى شوفتي اللي اتهمك في شرفك واللي عمل فيديو مفربك ودمر حياتك انتي و اسر اهو اتعاقب ربنا ما بينساش حد.
ابتسمت اسيا بوجع وقالت: ربنا يسامحه.
وفي الليل كانت ملك لابسه فستان احمر وحطه مكياج سمبل ولبست شوز بكعب عالي ونزلت ولقيت مراد منتظرها بعربيته تحت بيتها فركبت معاه وهو كان لابس بدله وكان في منتهى الاناقه ودخلت ملك لقيت اضاءه بالوان مختلفه واول لما دخلوا بدات الاضاءه تتركز عليهم هم الاثنين وينزل من فوقها ورده احمر وهي تبص فوقها وتبتسم بسعاده وحطت ايديها على بقها من كثر الفرحه.
وبتقول: الله.
والمطعم كان خالي من اي حد ومسكها مراد من ايديها وقعدوا على الكرسي وجيه الجرسون وحط قدامهم العشاء وبدات ملك ان هي تتعشى مع مراد ومراد بيتابعها وهي بتاكل بعينيه فانكسفت ملك ووقفت اكل.
ومسك مراد ايديها.
وقال: ملك انا حابب اعترف لك بحاجه مهمه قوي وبقى لي فتره كان نفسي اعترف لك بس كنت خايف اعترف لك كنت خايف اموت في المهمه واعلقك بيا وينكسر قلبك انا انا بحبك يا ملك.
في البدايه كنت معجب بكي يوم ما تحدتيني في اول يوم شفتك فيه شفت فيكي اصرار وتحدي وانك عايزه توصلي وتدخلي المخابرات وتدخلي مهمات معانا واثبتي جدارتك ودخلتي المهمه اللي كانت تعتبر من اصعب المهمات شوفنا كتير وتعبنا فيها كثير واتعرضتي للخطر كثير وكل ده كان بيعجبني فيكي وبدات احبك انا بعشقك كلمه بحبك دي ما توصفش قد ايه انا باحبك يوم ما شفتك اخذت الطلقه وحميتيني.
انهرت وخفت اخسرك لان ما فيش مره فتحت قلبي للحب ويوم ما هافتح قلبي للحب اشوف اللي بحبها بتموت قدام عيني انتي لو كان حصلك حاجه كنت هموت نفسي وراكي.
كانت ملك عيونها مدمعه ومتاثره كثير بكلامه.
وقالت: وانا كمان باحبك يا مراد.
مراد :قوليها ثاني!
ملك بكسوف: بحبك.
وقف مراد وحضنها وهي بدلته الحضن بسعاده ورفعها واشتغلت موسيقى وبدؤوا يرقصوا مع بعض رقصه في منتهى الروعه ووصل ملك مراد بيتها.
وقال لها :خذي بالك من نفسك يا حبيبتي ابتسمت له ملك.
قالت له :حاضر وخذ بالك من نفسك.
وطلعت اوضتها وما كانتش مصدقه ان مراد اعترف لها بحبه وكانوا الاثنين في غايه السعاده وناموا كل ابطالنا.
وفي صباح يوم جديد صحي ومراد على صوت رنه تليفونه فلقى اللواء فؤاد بيتصل به.
مراد بنوم: الو يا فندم صباح الخير في اي حاجه؟!
اللواء فؤاد: صباح الخير يا حضره الرائد تعال انا مستنيك في المكتب تعال على الفيلا بتاعتي عشان عايزك في امر ضروري.
مراد :حاضر نص ساعه واكون قدام حضرتك.
وقام بسرعه مراد من على السرير واخذ دش ولبس وركب عربيته.
وقال وهو بيسوق عربيته: يا ترى اللواء عايزني في ايه ومصحيني من بدري كده يا ترى في مهمه جديده ولا ايه بس لا ما اعتقدش لو في مهمه جديده كان اكيد هيجمعنا كلنا انا والضباط.
وبعد مده وصل ودخل الفيلا وطلع على مكتب اللواء فؤاد.
وقال الواء فؤاد من قبل ما مراد يخبط: ادخل يا حضره الرائد.
دخل مراد.
وقال: اخبار حضرتك يا فندم.
اللواء فؤاد :الحمد لله تعال عايزك في موضوع ضروري.
دخل مراد وقعد على الكرسي.
وقال اللواء فؤاد: انا عايزه اطلب منك طلب بس يا ريت ما تخزلنيش يا مراد انت عارف معزتك عندي واني باعتبرك ابني،وانت عارف ان متجوزتش ولا عندي اولاد لكن عندي سلين بنت اخويا واهلها كلهم توفوا وهي عايشه معايا انا بس وانا اللي مربيها وانا لازم اسافر امريكا واعمل عمليه خطيره بس مش هاقول لك انا هاعمل عمليه ايه لانها عمليه خطيره جدا وممكن اموت فيها، بس ادعي ليا ومش عارف اذا كنت هارجع من العمليه دي عايش او ميت.
فباطلب منك يا مراد انك تتجوز سلين لان انا عمري ما هالاقي راجل في اخلاقك وشهامتك وجدعنتك وعمري ما هأمن على سيلين بنت اخويا غير معك عارف اني و مينفعش انا اعرف بنت اخويا على مرضي لانها ممكن يجرلها حاجه بس صدقني ما فيش حل غير ده وانت عارف كده ويا ريت ما تخزلنيش وسيلين متعرفش وانا هقول لها انك انت اللي طلبتها للجواز وصدقني انا كده هكون اطمنت علي سيلين هي محترمه جدا وكويسه وانت شوفتها وشفت اخلاقها واحترامها وقد ايه بتحترم شغلها ومش هالاقي احسن منك ليه.
نزل الكلام ده على مراد كالصاعقه وما عرفش هيقول ايه وبص للواء فؤاد بصدمه وفتح بقه من الصدمه.
اللواء فؤاد :ها يا مراد يا ابني قلت ايه؟!
مراد بصدمه وحزن: انا موافق ايه يا فندم، وربنا يشفيك وترجع لنا بالسلامه.
وقف اللواء فؤاد وحضن مراد.
وقال : كنت واثق ان انت مش هتخذني ما تعرفش انت فرحتني وطمنتني واسعدتني قد ايه ربنا يسعدك يا مراد انت وسيلين.
مراد: بعد اذن حضرتك.
وخرج مراد ونزلت دمعه من عينه.
وقال في نفسه: ازاي هقدر اتجوز سيلين وانا مش بحبها ازاي هقدر اعيش حياتي كلها معاها ازاي هقدر اسيب الانسانه اللي حبها واعترفت لها بحوبي بعد معاناه طويله.
وهقول لملك ايه وازاي هقدر اواجها ويا ترى لما تعرف هتعمل ايه كده في ثلاث اشخاص هيعيشوا في حزن انا وملك وسيلين.
لان سيلين عمري ما هاقدر احبها ،وبالتالي مش هتبقى سعيده لاني مش هاقدر اهتم بها لان قلبي مش هيحب حد غير ملك وانا قلبي هيتكسر ومش هقدر اكون مبسوط وانا اللي متجوزها ما باحبهاش وملك اكثر واحده هتدمر بعد ما تعرف كده لانها بتحبني وانا باحبها هاروح اتجوز واحده غيرها انا وافقت على طلب اللواء فؤاد لاني ما اقدرش ارفض له طلب لانه عمل معايا جمايل كثير ويوم ما يجيء يطلب مني حاجه ارفضها وخصوصا ان هو تعبان جدا كل ده على حساب سعادتي.
اه على وجع قلبي.
ونزلت الدموع من عينه وساق عربيته بسرعه.
وبعد شهر كان مراد بيحاول يبعد عن ملك على قد ما يقدر علشان تكرهوا وكان بيعملها ببرود عشان لما يبعد عنها ويعرفها تكون الصدمه قليله لانها تكون بدات تكرهها لكن ملك كانت مستغربه وكانت.
بتقول يمكن في حاجه شغلاه كانت بتلتمثله العذر.
والنهارده كان حفله تكريم كل الضباط اللي كانوا في المهمه واللي قدروا يكسبوا اكبر مهمه واللي بقى لهم سنين كل الضباط بيموتوا ومش عارفين يمسكوا الزعماء وزعيم المافيا الكبير لكن بتعاون الضباط دول كلهم قدروا ان هم يمسكوهم.
كانت ملك لابسه لبس الشرطه ،وكل الضباط لابسين لبس الشرطه ومراد كان لابس الزي الرسمي بتاعه وكانوا كلهم واقفين جنب بعض منتظرين التكريم ومبسوطين جدا وملك واقفه جنب مراد وبتبص له باستغرب هو كان بيحاول يبعد عنها.
هو طلع اللواء فؤاد على المنصه الكبيره.
وقال: طبعا كلنا متجمعين النهارده علشان ترقية الرائد مراد من رائد لمقدم.
الكل بيسقف وملك وفرحانه.
كان مكان ضخم وشيك والكل بيصور مراد والظباط في كل مكان والصحافه والاعلام بيصورو والكل بيهني مراد.
اللواء فؤاد :كلنا عرفين انه يستحق اكتر من كدا قدم تنازلات كبيره لدولة ولحمايتنا كلنا ونستدعيه للمسرح هنا قام مراد بفخر والكل بيسقف.
مراد :النهارده يوم مش عادي عندي لما اترقيت وبقيت رائد مكنتش فرحان الفرحه دي لكن النهارده معايا اسر واللواء فؤاد وزملائي والظباظ.
وبيشاور عليهم.
ربنا يخليهم ليا اقدم الشكر لكل الموجدين.
وقال: ( تحيا مصر ).
والكل قال: تحيا مصر.
الكل وقفو وسفقو واللواء فؤاد قرب منه وحط النجمه جنب النسر.
ومسك مراد المايك واتكلم.
وقال بحزن وهو بيحاول يخفيه: وعايز اعلن عن حاجه عن خطوبتي من الضابط سيلين اللي هتكون بعد اسبوع خطوبتنا وشاور على سيلين اللي كانت حزينه جدا ومش مبسوطه لانها مش بتحب مراد هي بتعتبره زميل لها في الشغل، وبتحبي قصي.
ونزل الكلام ده كالصاعقه على ملك ونزلت الدموع من عينيها وقربت منه.
ملك بدموع : الف مليون مبروك يا حضرت المقدم.
مراد : الله يبارك فيكي عقبالك.
وجاء وقت ترقيه كل الضباط الموجودين وتم ترقيتهم من ضباط الى الرائد وملك طلعت واتكرمت واتحط لها علامه النسر تحت تصفيق الجميع وتصوير الصحافه لهم لكن ملك ما كانتش سعيده والحزن كان باين في عينيها واسر كان مصدوم جدا واللواء فؤاد كان فرحان ان مراد نفذ له كلامه.
وانتهت الحفله ورجعت ملك بيتها حزينه، ومراد وسيلين حزينين والتلاته بيبكوا في غرفتهم، وقلبهم مكسور.
وبعد مرور سنه ونصف.
كان معظم ابطالنا حزينين وكان مراد خطب سيلين لكن لسه متجوزوش، واللواء فؤاد بيتعالج ، اما اسيا نجحت جدا في عملها ومسكت قسم الاطفال وباقتت محبوبه ومشهوره وبتحضر الدكتوراه، وبقت اشهر دكتوره اطفال في فرنسا والصحافة بتتكلم عنها واسر متابعها وفرحان جدا ،ورحيم بقى صديقها المقرب.
فيوم من الايام جات مكالمه لاسيا وانصدمت لما سمعت ......
استوب توقعاتكم وتفاعلاتكم ورأيكم يهمني.
بعتذر عن التاخير ياريت تدعوا لي تيتا بالشفاء يا احلى عيله في قلبي، بحبكم جدا، وبشكركم على تفاعلتكم
ودعواتكم لي تيتا.
يتبع.....تكملة الروايه من هنااااااا
تعليقات
إرسال تعليق