 |
نور حاولت تخرج لكن فرعون كان متحكم فيها ومسك دراعها
فرعون: متخلقش اللي يطول لسانه عليا
نور بغيظ وخوف: وانت لو راجل مش هتستضعف واحدة زايي وتاخد الشقه منها وتتهجم عليها
فرعون : انا اعمل اللي عاوزة محدش يحاسبني
نور وهي بتجري: اللي زيك لازم يتمسحوا من علي وش الارض
فرعون واقف مكانه : مهما تجري وتحاولي تهربي مش هتعرفي غيرك كان اشطر
نور وقفت قصاده بكل قوتها: لو كنت اعرف ان شغلي في الكافيه هيخليني اقابلك مكنتش روحت هنا بس انت بتستخدم نفوذك وقوتك علينا احنا الغلابة
فرعون : اخرسي بقي عشان متندميش ورماها علي الارض
نور بوجع: أهلي هيحاسبوك علي كدا
فرعون : هههههههه اهلك بجد هما فين
اخوكي اللي ملوش كبير ولا له لازمه واللي عاطل
ولا امك اللي بقت رجليها والقبر
نور حست بإهانه كبيرة : ما انت نفوذك عمتك عن حقيقتك اكيد الاول مكنتش ولا حاجة ولا هتبقي حاجة طول ما انت كدا
فرعون خدها كف محترم علي وشها
ونزل لمستواها: تعرفي انتي لسانك طويل ومراتي مكنتش تقدر تقيم عنيها فيا اللي كانت بتترعب مني
ولا الناس اللي في البلد لما تعرف إن فرعون ماشي فيها بتهرب من قدامي تيجي انتي حتت واحدة لسه متطلعتيش علي وش الدنيا تردي عليا الكلمة بكلمه
نور : جرب امشي وسط الناس وانت متمتلكش قوتك ونفوذك هياكلوك عشان اكيد ظلمتهم لدرجة انهم بيهربوا منك لكن مش خوف منك كشخصك
فرعون : انتي هتحققي معايا يروح امك
نور بغضب: متجيش سيرة امي علي لسانك الزفر دا
فرعون خبطها كف كمان ونزل وسابها فوق
صفاء: انت ي ابني
فرعون غضبان : نعم .
صفاء: مين اللي جبتها فوق دي
فرعون نظر ليها بعيون غيظ : من امتي وانتي بتسالي علي حاجة
صفاء بخوف: لا لا مفيش ي حبيبي ولا كإني اتكلمت
******إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا💞»
عفاف فضلت قلقانه علي نور مرجعتش وسمعت صوت جريت تشوف مين لقت عصام
عصام : هو انتوا مفكرين انكوا طلعتوني برا يبقي مش جاي تاني
عفاف: اختك ي ابني طلعت من الصبح ومجتش
عصام : هتلاقيها علي حل شعرها
عفاف: قطع لسانك دي كانت مع الراجل اللي اشتري الشقه وراحت عنده عشان تحاول معاه يسيب لينا وقت نعزل ونشوف غيرها
عصام: اعمل اي يعني
عفاف بحزن: تعالي معايا نروح ليهم
بعد محاولات من عفاف لعصام للذهاب معاها وافق
عصام : المكان فين
عفاف: معرفش بس اللي اعرفه ان عادل اكيد سايب عنوانه مع حمدي بتاع الشقه
عصام : طيب هسأله حاضر
عفاف: يلا يا ابني ربنا يهديك
وفعلا عرفوا العنوان من حمدي وطلع عنوان قصر فرعون
بقلم مروة موسي
دخلوا القصر واتخضوا من منظره
عفاف : بسم الله الرحمن الرحيم هو البيت دا محدش موجود فيه ولا اي
عصام : دا مكتوم ومقفول ومفيش ولا شباك ولا ستارة مفتوحين
عادل : اهلا بيكوا خير
عفاف: بنتي ي فندم مرجعتش
عادل : اها هي مع الباشا موجودة
عصام:طب عاوزينها ومش عاوزين حاجة وهنفضي الشقه وهنمشي
فرعون من فوق وهو نازل بكل جبروته وشموخه : بنتكوا مين
اه تقصدوا اللي اسمها نور
عفاف: ايوا هي جت ليك عشان تترجاك تصبر علينا في الشقه ومن ساعتها مرجعتش
فرعون وهو قاعد : اللي بيدخل القصر دا بيبقي بتاعي
عفاف وعصام : يعني اي
فرعون : يعنوا تنسوا ان ليكوا بنت اسمها نور اصلا
عصام : انت سامع نفسك بتقول أي انا هبلغ الشرطة
فرعون : الباب يفوت جمل يلا برا
وطلعوا طبعا بعد عياط كتير من عفاف في الطريق
عصام : والله تستاهل البت نور دي اصلا رخمة ومش بطقها
عفاف بعياط : دي اختك يبني حرام عليك
انت هتعمل اي في الوقعه الهباب دي شكله واصل اوي الراجل دا
عصام ببرود : ولا حاجة هبلغ البوليس وهما يتصرفوا
وفعلا بلغ الشرطة وتاني يوم الشرطة كانت في قصر فرعون
ومعاهم عفاف وعصام
فرعون : خير في حاجة
الظابط : لا مفيش ي باشا والله معرفش أن الواد دا (عصام) هيجيبنا لهنا اسف ي باشا
عصام : انت جاي تجيب حقنا ولا جاي تخاف هنا
فرعون : طيب يلا لم الناس دي واتكل علي الله
وفعلا ذهبت الشرطة من المكان
عفاف: يباشا احنا معملناش حاجة عشان تاخد البت عندك
عصام : انت ...
فرعون قام من مكانه واتكلم بفحيح الافاعي: انت اللي تسمعني عشان مرمكش ورا الشمس
انا هنا محدش يقدر يقولي لاء علي حاجة ومش بتهدد وانا سايبك من امبارح تتكلم وساكت واقدر احبسك حالا بقضية متطلعش منها لكن انك تعمل راسك برأس فرعون دي محصلتش ومش هتحصل فاهمني يعاطل
عصام خاف من كلامه ومن نظراته خصوصا انه متمكن: ف فا هم
نور من فوق : ماما ونزلت جري
فرعون مسكها من ايديها قبل ما تروح لعفاف : اقفي هنا
نور : سبني ارجوك بقي
عفاف : احنا معملناش حاجة ليك ولو علي الشقه هنسيبها حالا بس سيبنا وسيب بنتي ترجع معايا
فرعون : اتكلوا علي الله والشقه طول ما البت دي هنا اقعدوا فيها
عادل : يلا برا بالذوق بقي عشان منرميش حد فيكوا برا
نور بدموع : ماما متسبنيش عصام اتصرف
عصام : انا هتصرف اكيد في حل
فرعون بخبث: تبيع اختك الليلة دي بكام
نور بصدمه و.......
يتبع
طفلة هزت كيان فرعون
Marwa mosa ✌ ❤
البارت السادس
فرعون بخبث: تبيع اختك الليلة دي بكام
نور بصدمه ونظرت لعصام لانه كلب فلوس وممكن يبيع اخته فعلا
عفاف بصدمه : يعني اي
عادل بابتسامه علي جمب : يعني الباشا يقضي معاها الليلة دي بكام
عفاف بتحط ايديها علي قلبها وبتصرخ: بنتي
فرعون : ها هتسعروها ولا اسعرها انا
عصام بطمع: اللي انت شايفه
نور انصدمت من اخوها وكذلك عفاف هما عارفين انه كلب فلوس بس مش لدرجة اخته
فرعون: ٥٠ الف حلو ليكوا وهي والفلوس هتكون في بيتكوا بكرة وأمر عادل بأنه يخرجهم
وخرجوا بالعافيه وعصام الفلوس عمت عيونه وخايف من تهديد فرعون له
صفاء: سمعت وشوفت اللي انا شوفته
رامي: ايوا ي خالتي سمعت بس البت طيبة شكلها وأمها مش عارفه تعمل اي
صفاء: احنا هنصطاد في الماية العكرة ي حبيب خالتك
بدل ما يقضي ليله معاها تبقي اكتر
رامي: البت شكلها عجبتك
صفاء: اهي اللي زي دي ملهاش ولا سند ولا حد يقف لينا علي حاجة لها
فرعون سحب نور لحد جناحة
نور جسمها بيترعش والدموع في عنيها: ابوس ايدك سبني والله مش هقف في طريقك تاني
فرعون وهو بيصب خمرة : مهو دا علام ليكي عشان تفضلي فكراني ومتنسيش فرعون وجبروته
نور اترمت تحت رجله : هتدمرني وترتاح بعد كدا صح
لكن بعد النهاردة كدا هكون بموت بالبطئ
فرعون نزل لمستواها وحط عيونه في عيونها وهي خافت من نظراته : دا المطلوب اني اموتك بالبطئ عشان فكرتي بس تقفي في طريقي
مد لها كأس من الخمر لتشربه
نور بكل قوتها مسكته ورمته في وشه وجريت لكن هو كان اسرع منها مسكها من شعرها
فرعون بغضب: الظاهر ان الكلام مش نافع معاكي وضربها جامد لحد ما بقت شبه مغمي عليها وفمها ينزف بالدماء ومبقتش حاسه بنفسها خالص
صفاء: سامع ي واد ي زفت شكل فرعون زهق
رامي: انا قلبي وجعني علي البت دي اوي
صفاء: ألف سلامه من وجع قلب يخويا وجعك من اي علي اساس اول واحدة تيجي هنا كان متجوز وبيدخل حريم قدام عيون مراته البيت
رامي: مش عارف بس حاسس اني عارف البت دي
صفاء: عارفها منين بس اسكت انت وخلينا نفكر في حاجة تفضل معانا هنا وتساعدنا في موضوع فرعون
رامي: دي بعد الليلة اللي هيقضيها معاها دي هتكون عاوزة تنتقم منه وتشفي غليلها منه ومش هيكفيها انها تخسره فلوسه
صفاء: جدع عشان كدا مش عاوزين نضيعها من ايدينا ونستغل الفرصة
رامي: اللي عاوز اعرفه فرعون شغال اي
صفاء: دي الحاجة اللي عاوزة اعرفها بردوا محدش يعرف عن فرعون حاجة خالص ولا يقدر حد يعرف حاجة
رامي: طيب يلا ننام تصبحي علي خير
عفاف طول الطريق تصرخ موجوعه علي بنتها وتدعي علي عصام ورفضت انه يدخل البيت ورمت كل حاجة تخصه علي السلم
عدي الليل ونور بدأت تحس بنفسها لقت نفسها علي سرير خافت خافت علي نفسها وخافت تفتح عيونها تلاقي نفسها في وضع مش كويس لكن كانت لا حول ولا قوة بها
استجمعت قوتها وفتحت عيونها لقت نفسها بدون ملابس والملاية عليها قعدت وغطت نفسها والدموع من عيونها جفت ووجدت بعض قطرات الدماء علي الفراش
حست انها كدا خلاص فرعون ساب بصمته عليها والبصمة دي عار ليها
لقت فرعون طالع من الحمام وبينشف شعره ووقف قدام المراية يكمل لبسه وسرح شعره وكان بيصفر في الغرفة ووقف قدامها وكانت شبه سرحانه في موقفها ورمي علي وشها فلوس ونزل وسابها
البريئة فضلت كتير لحد ما فاقت من سرحانها وانهارت وحاولت تقوم تلبس ولبست بالعافية وبتحاول تقف علي رجليها شبه مشلولة وبتنزل لكن فقدت الوعي ووقعت من علي السلم
صفاء كانت قاعدة تحت : يالهوي الحقوني حد يلحقني
الخدم كلها جريت عليها : وحاولت تشيلها
رامي: انا هطلب دكتور
صفاء بذكاء :لاء علي المستشفي
رامي : بس دي ....
صفاء بمقاطعه: هتفهم بعدين
وخدوها علي المستشفي وصفاء اتصلت بفرعون
فرعون : ايوا خير
صفاء : خير ي ابني انا لقيت بس واحدة معرفهاش نازلة من فوق ووقعت من علي السلم وهي حالا في المستشفي
فرعون بغضب: انتوا مين اللي خلاكوا تعملوا كدا انا هولع فيكوا كلكوا وقفل السكة
اتصل بعادل وكلمه وقاله يجيله علي المستشفي
فرعون طلع علي المستشفي دخل وسأل علي الاسم وطلع ليها ولقي رامي واتنين من الخدم معاه ومكنتش صفاء معاهم لأنها فاهمه هي بتعمل اي
فرعون: رامي انت اللي جبتها هنا
رامي : لاء يباشا دا صفاء هانم اللي أمرتني بكدا
فرعون : طول عمرك دلدول ليها اخفي امشي وخود الاتنين دول معاك
عادل طلع له واداله ورقه ولقي الدكتور خارج
فرعون : هتخرج امتي
الدكتور : دي حالة لازم يبلغ عنها البوليس لأنها منهارة ومفيش اي مهدأ جايب نتيجة ومن كلامها بتقول اغتصبني اغتصبني وبتعيط وهتموت مننا
فرعون مسك الدكتور من هدومه و.. ....
يتبع
طفلة هزت كيان فرعون
#Marwa mosa
البارت السابع
فرعون مسك الدكتور من هدومه واتكلم : انت اكيد اتجننت تبلغ فمين ومفيش واحد بيغتصب مراته
الدكتور بخوف ورعب منه: انا انا معرفش ي استاذ ...
فرعون : اسمي فرعون ودا عقد جوزانا من سنة فاتت اهو وطلع له ورقة تثبت كدا
الدكتور استغرب الاسم جدا وشاف الورقة وسكت
فرعون : لازم تخرج معايا حالا
الدكتور : مينفعش دي ممكن تموت فيها
فرعون طلع مسدسه ووجه علي دماغ الدكتور : ها انا قولت تطلع وحالا هتطلع ولا اشوف تصرفي معاك اي
الدكتور بينفد بجلده : حاضر حالا هتطلع بس اتفضل تحت امضي علي الإقرار وادفع الفلوس تحت
فرعون امر عادل ينزل مكانه
صفاء لرامي والخدم: فين البت
رامي: فرعون طلب مننا نمشي وكان زهقان ربنا يستر لحسن ليلتنا هتبقي سودة
صفاء: والله انا ميهمنيش دا قد ما هتبقي البت رجعه معاه
رامي : ليه خلتيها تروح المستشفى
صفاء بذكاء: لان ساعتها هيشوفوا حالتها وبيقولوا سين وجيم ومين عمل كدا ومواضيع فرعون عشان يطلع منها اكيد هيكتب عليها عند مأذون في أسرع وقت دا لو مكنش عمل كدا لحد حالا
بس لو كان بقي جبنا دكتور هنا كانت ساعه وهتمشي كدا انا ضمنت رجوعها مع فرعون
رامي : دماغك دي ذرية والله تسلم دماغك ي خالتي
صفاء : لو كانت امك الله يرحمها سمعت كلامي ومتجوزتش واحد فقير مكنش نهايتها الموت من الجوع والمرض
رامي: الله يرحمها بقي
صل علي حبيبك المختار❤️
عفاف طلعت علي القصر وبتجري
صفاء: في اي ي وليه
عفاف بانيهار: بنتي فين
الراجل ابنك دا عمل فيها أي حسبي الله ونعم الوكيل فيه
صفاء : انتي بتدعي علي ابني قدامي ي قرشانه
عفاف: من حرقة قلبي علي بنتي نفسي اشرب من دمه
فرعون وهو شايل نور علي دراعه : بنتك ايامها السودة لسه هتبدا
عفاف: ابوس ايدك بنتي مالها هي مش بترد ليه
فرعون طلعها في جناحه ونزل : بنتك بقت بتاعتي خلاص بقت مراتي يعني محدش له حاجة عندي
عفاف : انت ازاي تعمل كدا انت معندكش قلب
فرعون وهو ماسك الفلوس قيمتها ٥٠ الف : لا معنديش ومن هنا ورايح انسي ان ليكي بنت اعتبريها ماتت وخودي دول ٥٠ الف واطلعي برا بالذوق
طلعت المسكينه وقلبها موجوع جدا علي بنتها ومفيش في ايديها حل ومحصورة علي ابنها اللي كل همه الفلوس
فرعون لصفاء: عارف انك اللي أمرتيهم يخدوها علي المستشفي عشان كدا مش هعاقبك عقاب كبير عقابك انك طول الشهر زيك زي الخدم ومسحوب منك كل حاجة تخص الهانم صفاء عشان تاني مرة تفكري في اللي يفيدني مش اللي يفيدك وسابها وطلع
رامي : هو عارف انتي بتخططي لأي معني كلامه كدا ي خالتي
صفاء بغضب لأنها مكنتش متوقعه عقابه ولا متوقعه كلامه : اخرس ي وش النحس
طلع فوق لقي نور نايمه لسه مفقتش ووشها كله دماء وأثار ضرب
جاب دورق ماية ورماه عليها اتفزعت من مكانها ووقعت علي الارض
نور اول ما شافت فرعون ضمت رجليها واستخبت فيها من خوفها منه
فرعون: دا المنظر اللي عاوزك فيه دايما عشان تعرفي مين فرعون باشا
نور بتهته: ع عاوزة ماما
فرعون : امك مين مبقاش ليكي ام ولا اخ وامك مخدتش تمنك بس اخوكي بياخدهم من عادل حالا تحت
نور : عاوزة ماما عاوزة ماما حرام عليك خليني امشي انت خدت اللي عاوزه مني ودمرتني سبني امشي
فرعون وهو بيطلع هدوم من دولاب لونه اسود : تمشي فين متعرفيش إن غلط لما الست تسيب بيت جوزها وتمشي
نور : بيت جوزها ؟
فرعون : ايوا طبعا ما انا كتبت عليكي عند المأذون
نور : انت انت وفقدت الوعي تاني
فرعون سابها زي ما هي ولبس ونزل
فرعون للخدم : البيت يكون كويس لأن معايا ضيوف جاية بالليل وانتي ي صفاء جهزي الاكل والغلطة بغلطة اكبر وانتي مكانتك كبيرة عندي فعقابك هيبقي كبير ي حلوة وطلع من البيت
صفاء بدأت تنضف معاهم لأنها عارفة ان كل ركن في القصر تحت سيطرة فرعون
طلعت لحد جناح فرعون ومقدرتش تقرب منه لانه ممنوع الدخول فيه نزلت تعمل الاكل وتلوم نفسها علي اللي بقت فيه لحد اخر الشهر
عادل لفرعون
رجاله المافيا جاية النهاردة مصر واكيد جوري هتقضي الليلة في القصر
فرعون : اكيد عشان كدا القصر مهيأ لكل حاجة
عادل : كفاية علي نور كدا
فرعون : خليها تعرف قيمتها
عادل : عارف ان محدش يجرأ يكلمك في الموضوع وعشان انا عارف قيمتي عندك بقولك كفاية عليها انت مشوفتش وشها عامل ازاي غير كدا انت اخدت اعز ما تملك ي عز
فرعون : متقوليش ي عز انا فرعون
عادل : فرعون قدام الناس والكل لكن قدامي وقدام نفسك هتفضل عز
فرعون : عز كان طفل ضعيف ومات من ساعه موت ابوه
وصفاء عمرها ما هتبقي فاضية ليا طول عمرها اهتمامها الاول والاخير هو الفلوس وبس
بقلمي مروة موسي
عادل : انت من ساعه موت ابوك وانت شايفه وشايف حقه بيضيع ومرجعش غير لما رجعته انت
فرعون : عمي الكبير قتله وامي كانت واقفه شاهدة وخبت الحقيقة من ساعتها بعاملها كشخص عادي مش امي لان لما كبرت لقيتها سبب في قتل ابويا عشان تاخد فلوسه لولاك انت من صغرك مع ابويا كتبت كل حاجة ليا في الوقت المناسب عشان كدا صفاء تقتلني وتاخد فلوسي وميهمهاش انا مين
عادل : لولا فضل ابوك عليا مكنتش عملت دا كله ولا فضلت معاك ولا خليتك فرعون ي عز وعارف أن ايدك في كل حاجة بس لازم بين الوقت والتاني تعرف إن لسه عز موجود وفرعون موجود بردوا
فرعون : حاضر جهز عربيات تجيب الرجالة من المطار وجوري تجي للقصر انا مروح
عصام في الجانب الاخر خد الفلوس من عادل وطبعا بيشرب مخدرات وعفاف كل دقيقة تفتكر حالة بنتها ومفيش في ايديها حاجة غير انها بتدعي ترجع ليها بالسلامه
نور فاقت وبدأت تقوم وتخرج من الغرفة حست بارهاق رجعت تاني سمعت صوت فرعون تحت خافت وقعدت مكانها وعيونها منتفخة من العياط
فرعون طلع الجناح لقاها : الاكل تحت عاوزة تاكلي اطفحي مش عاوزة يبقي احسن وعلاجك جمبك واعرف ان اللي بياخد مضاد حيوي كتير من غير اكل بيعمل مضاعفات سلبيه ياريت تعمليها ونخلص
نور كانت هتتكلم لكن افتكرت انه ممكن يإذيها تاني سكتت
ولقت فرعون بيفتح الباب وبيدخل واحدة في الاوضة و.....
يتبع
Marwa mosa ✌ ❤
كملي
ردحذف