 |
بقاا أنا اتجوز الاهبل ده
قولتها وانا متعصبه وبزعق
=بت أنتِ احترمى نفسك أنتِ تطولى تتجوزينى اصلا
_أخرس يالااا انا مش بتكلم معااكَ
الجد بغضب؛ أخرس يا ولد أنتَ وهى، ايه قاعد فى روضة أطفال هناا
مراد بهدوء؛ انا اسف يا جدى بس انا مستحيل أوافق على الجوازه ديه، بقاا أنا مراد مهران اتجوز ديه
=ومالها ديه يا دلعادى دنا اللى ميشرفنيش اتجوزكَ
مراد بغضب؛ أقسم بالله لو ملمتيش لسانك ده هتشوفى منى وش مش هيعجبك
وطبعنا لانى مبحبش التهديد مسكته من لياقه قميصه وانا ببصله بغضب
_ولااا أنا مبتهددش
الجد بغضب؛ باااااس اخرسوا بقااا
سبته ووقفت بعيد وانا ببصله بغضب وهو كذلك
_ يا جدى انا مستحيل اتجوزه مستحيل
مراد بسخريه؛ لا يا بت انا إللى ميت فيكى
الجد بهدوء؛ خلصتوا؟ عموما انا خلصت واخدت قرارى وجوازكم هيبقا بعد يومين ومفيش نقااش ولو رفضتوا لا انتوا أحفادى ولا اعرفكم
جدى قال كلامه وسابنا ومشى
_عااااا انا بكرررررهكَ
مراد ببرود؛ مش اكتررر منى
_طيب اتصرف اعمل حاجه الجوازه ديه مينفعش
قولت كده وانا بقعد على الكرسى إللى قصاده بتعب
مراد بهدوء؛ طب متتصرفى أنتِ مش من شويه كنتى عامله سبع رجاله فى بعض ورينى شطارتكِ
اتعصبت؛ علشان أنتَ واحد حيوان وعنيد وانا بكرهكَ
مراد بغضب؛ أنتِ ليه يابت محسسانى انى بموت فيكى دنتى حتى شبه جعفر
_ لا ثوانى هو قال جعفر؟ دنت ليله اهلكَ سوده؛ بقاا انا جعفر؟
مراد بضحك؛ طبعنا
ابتسمت بخبث؛ اممم وانا دلوقتى هوريك جعفر هيعمل فيك اييه
احم ده كان آخر كلام قولته قبل ما اهجم عليه واضربه
مراد بغضب؛ اه يا بنت المجنونه ابعدى عنى
_ دنا هطلع عين اهلكَ دلوقتى
مراد بزعيق؛ ياااااااااا جدى
جدى وباقى العيله سمعوا صوتنا وكله نزل
الجد بغضب " ريتااااا ابعدى عنه
_ لا يا جدى انا هوريه ازاى يقول عليا جعفر
جدى قرب ومسكنى من دراعى وبعدنى عنه
مراد وقف وبصلى بغضب وشعره كان متبهدل" وحيات امك اللى واقفه ورايا ديه لدفعك التمن
بصتله بتحدى" ورينى هتعمل ايه
الجد بصوت جهورى" اخررررسوا بقااا
مراد بغضب" جدى انا مش هتجوز المجنونه ديه وده تعدى على آخر كلام
الجد بهدوء" الكل على اوضته وانا مش هرجع فى قرارى يلاه اتفضلوا قال آخر كلامه بزعيق وغضب وانا جريت على اوضتى
_ دخلت اوضتى وفضلت رايحه جايه" يعنى جدى ملقاش غير مراد إللى اتجوزه دنا وهو مش بنطيق بعض، عااا انا لازم اتصرف مستحيل اخلى الجوازه ديه تتم
________
مراد بغضب" أنتَ بتضحكَ على ايييه يا زفت
زين بضحك صاخب" مش قااادر اصدق انه حتة بنت تعمل فيك كده
مراد بتوعد" متقلقش هدفعها التمن غالى اووى مش مراد مهران إللى يسكت عن حقه
زين بضحكه مكتومه" اومااال أنتَ هتقولى
مراد بغيظ؛ تصدق انا غلطان أنى جيت اتكلم معاك أنا ماشى
زين بضحك ؛ مراد استنه بس
زين جرى وراه لكن مراد اخد عربيته ومشى
زين بضحك؛ واحد عنيد والتانيه مجنونه ديه هتبقاا علاقه مضحكه يخرب بيت عقلك يا جدى ودخل وهو بيضحك
___________
مراد رجع الفيلا وكان طالع اوضته بس فجأة...
نكمل البارت الجاى
#رواية
#العنيد_والمجنونه
#بقلمى
#مارينا_عبود
"رأيكم وانتظرو القادم "
مراد رجع الفيلا وكان طالع اوضته بس فجأه اتكعبل ووقع
مراد بوجع" ااااه مين الغبى إللى حاطط زيت على الأرض
__________
_ طلعت من اوضتى لقيته واقع على الأرض بصراحه مقدرتش اوقف ضحككك وطبعنا كلنا عارفين مين إللى عمل كده بس عمرى ما هروح اقول
مراد بغضب جحيمى" أنتِ إللى عملتى كده
ضحكت" بصراحه اه
مراد بغضب" دنتِ نهاااارك ابوكِ اسوووود
بصتله ببرود" اهدا يا بشمهندش العصبيه غلط لصحتك وبعدين ديه لسه البدايه أنا لسه معملتش حاجه
مراد بتحدى" تمام يا بنت عمى متزعليش من إللى هيحصل
ضحكت بسماجه" انا مبخفش ولو كنت أنتَ عنيد فا انا مجنونه
قولت كده وسبته وجريت على اوضتى
كان بيبصلى بنظرات كلها توعد انا عارفه انه مراد عنيد ومش هيسيب حقه بس انا مبخفش
دخلت اوضتى وغيرت هدومى وروحت فى النوم
________
مراد كان واقف فى اوضته ورايح جاى
مراد بغضب وتوعد" بقاا انا حتة بنت تعمل فيا كده ماشى يا ريتاااا انا هعلمك الادب
مراد اخد شاور وغير هدومه ونام
__________ فى الجنينه ________
كانت واقفه بنت جميله بتغنى
=صوتك مش حلو على فكره
البنت التفت وبصتله بغيظ" طيب وأنتَ ماااالك؟
زين ابتسم وراح عندها " قاعده هناا ليه
_بشم شويه هواء
زين بهدوء " طيب ادخلى الوقت اتأخر
تاليا بغيظ" أنتَ واحد مستفز ومعرفش بتدخل فى إللى ملكش فيه ليه
زين ابتسم ورد ببرود" خمس دقايق يا تاليا لو متحركتيش وطلعتى على أوضتك هروح اقول لجدى واخليه يتصرف معاكى
تاليا بغيظ" عااااا بكرهكَ يا زين وسأبته ودخلت
زين بابتسامه " مجنونه بس بحبها
_________________
♡ فى صباح يوم جديد ♡
قومت غيرت هدومى ونزلت لقيت جدى والعيله كلها قاعده وبتفطر نسيت اقولكم احنا عيله كبيره مكونه من جدى وجدتى وبابا وماما وكمان عمامى و ولادهم وكلنا عايشين فى بيت واحد تحت رعايه جدى
_ صباح الخيررر
كلهم ردوا الصباح ما عدا المغرور مراد
قعدت افطر معاهم زى كل يوم لحد ما نطق مراد وياريته ما نطق
مراد بهدوء " جدى انا موافق اتجوز ريتااا
كنت باكل وشرقت، حسبى الله فيك يا مراد يابن ام مراد
_ نعممممم ازاى يعنى
بصلى بتحدى" زى الناس يا حبيبتى
_حبكَ برص يا بعيد
ضحك باستفزاز وهو بيحرك حواجبه" عاجبك كده يا جدى فى وحده محترمه تقول لجوزها كده
الجد بهدوء " ريتاااا اتكلمى بأدب مع مراد متنسيش انه هيبقه جوزك
بقااا كده يا مراد، طييييب وماله خلينا نلعب
_ انا اسفه يا جدى
الجد بهدوء" انا قررت جوازكم هيكون بعد يومين ومفيش نقااش
_ ابتسمت بتصنع وبصيت لمراد بتحدى وانا بجز على سنانى" إللى تشوفه يا جدى
=وأنتَ يا مراد أى رأيك
_ موافق يا جدى
=خلاص تمام على بركة الله مبروك يا ولاد
ماما ومرات عمى فضلوا يزغرتوا وانا ومراد كنا بنبص لبعض بغضب
زين بصوت منخفض" تاليا هو اخوكى ناوى على ايه
تاليا بهمس" معرفش اكيد فيه حاجه غلط مراد مستحيل يوافق بالسهوله ديه
زين بهمس" ربنا يستررر
خلصنا الفطار وكل واحد طلع على اوضته وانا قررت اروح لمراد واعرف هو ناوى على ايه
_______
زين " رايحه على فين
تاليا بهدوء: ملكش دخل
زين قرب ومسكها من دراعها" انا بسألك رايحه على فين
تاليا بهدوء" الكليه
= طيب استنى هوصلك
_ مفيش داعى هروح لوحدى
زين بضحك" تاليا أنتى وحده مجنونه اخاف تعمليلنا مشكله
تاليا بغيظ " وأنتَ واحد عنيد ومتطفل
زين بمشاكسه" بس بحبك
تاليا بتوتر" طيب يلاه ياخويا علشان توصلنى
قالت كده وركبت العربيه وهو فضل يضحكك واخدها علشان يوصلها
___________
_ ماشى يا مراد بقاا انا تعمل فيا كده اما وريتك
زقيت الباب بغضب ودخلت الاوضه بس ملقتهوش
كنت طالعه بس فجأه.....
نهايه البارت التانى❤
#روايه
#العنيد_والمجنونه
#بقلمى
#مارينا_عبود
توضيح بسيط قصه مراد وريتاا
ريتاا بتحكيها اما قصه زين وتأليا فا ديه انا بحكيها لو حاسين بلخبطه قولولى الغيهم❤
انتظرو البارت القادم ❤
دمتم بخير وانتظرو الروايه الجديد هتنزلكم بعد شويه ❤
عاااااا ايه قلة الأدب ديييه
مراد بضحك " قلة أدب ايه يابت أنتِ ايه جابكِ اوضتى
_ طيب استر نفسك بسرعه
مراد فضل يضحك " بت انا مش ناقص جنان يلاه اطلعى بره اوضتى
_ شلت ايدى من على عيونى وبصتله بغضب كان لابس الشورت وصدره عارى وبيبصلى ويضحك وده عصبنى اكتررر
_ أنتَ بنادم مستفز
بصلى ببرود " اممم عارف يلاه قولى ايه جابكِ اوضتى
_ أنتَ ليه وافقت على جوازنا
مراد بخبث" مزاجى
اتعصبت وعليت صوتى " هى لعبه
= وماله نخليها لعبه ولا أنتِ خايفه تخسرى
_ انا مبخفش انا خايفه عليك أنتَ
أنا بنت قمر وأنت ممكن توقع فى حبى
ضحك وفضل يقرب منى وانا برجع لورا
_ ايييه ده أنتَ بتقرب كده ليه
= خايفه
_ اتوترت من قربه لكن حاولت ابان هاديه" وانا اخاف ليييه
= اممم بقاا أنتِ من كل عقلك متوقعه انى ممكن اقع فى حبك
أنتِ
ليييه حد قلك انى مجنون ولا ايه
_ ياعم اتنيل أنتَ تطول اصلا
= ده ايه الثقه ديه
طب على فكره أنتِ إللى هتقعى فى حبى
ضحكت " وحضرتك فيكَ ايه يتحب
واحد عنيد ومغرور وشايف نفسك معرفش على ايه
ابتسم وفضل يلف حوليا " امممم انا وسيم وجميل وكل البنات مجنونه بيا أنتِ بس إللى واحده مجنونه وديما شايفه نفسك اقل منى
اتعصبت ومسكت كوبايه الميه ورميتها فى وشه
مراد بغضب " يا بنت المجانين
بصتله وانا بقلده" انا وسيم وجميل وكل البنات مجنونه بيا نينينى دنت هتشوف ايام سوده بس الصبر
قولت كده وسبته وجريت على اوضتى
مراد بضحك" مجنونه وهتتعبنى
_______________
زين " يلاه انزلى واياكى المحك واقفه مع اى حد
تاليا بغيظ " حاضر
تاليا نزلت ودخلت الكليه وزين نزل وراها
____________
_ منصور انتَ ناوى على ايه
= قصدكِ ايه يا صفيه
صفيه بهدوء" يعنى ليه قررت تجوز احفادنا مراد وريتاا وأنت عارف انه من وقت ما مراد رجع من السفر وهما مش طايقين بعض
منصور ضحك وبصلها" مراد عنيد وريتاا مجنونه فاكره اليوم إللى اتولدت فيه ريتاا كان وقتها مراد عنده خمس سنين كان اول واحد شالها على ايديه وقتها هو بنفسه طلب انى اجوزهاله لما يكبر وانا وعدته انى اجوزهاله وانا عارف كويس انه مراد وريتاا هيحبوا بعض بعد جوازهم وصدقينى علاقتهم ببعض هتبقه قويه هما بس اتعودوا يبقوا زى القط والفار ومش هيتغيرو وأللى متاكد منه انه مراد بيحب ريتاا بس عناده وغروره مانعينه انه ينطق وكمان ريتاا مجنونه لكن بتحبه خلى واثقه فياا وهتعرفى انه قرارى ده هيبقه لمصلحتهم
صفيه بابتسامه" ربنا يكتبلهم الخير ويفرحنا بيهم
______________
_ طيب يا مراد اما وريتك
كنت رايحه جايه فى الاوضه بفكر اعمل ايه لحد ما قطع تفكيرى صوت الباب قومت بكل غضب وفتحته
_ نعممم فى حد يخبط كده
= الاه ما أنتِ دخلتى اوضتى بكل همجيه وأنا متكلمتش
_ هووف عاوز ايه يا مراد
مراد بخبث" جدى قال لازم آخدك علشان تختارى فستان الفرح تحبى تيجى ولا مش عاوزه لو مش عاوزه يبقه احسن برضوا علشان متعبش نفسى
بصتله بخبث" لااا طبعنا ازاى فى عروسه متخترش فستان فرحها اكيد يلاه بينا
مراد لنفسه" مراد جهز نفسك للمصيبه الجديده
بصتله بتركيز" سرحت فى ايه
ابتسملى بخبث " ولا أى حاجه هستناكى تحت متتاخريش علشان مش فاضيلك
قال كده وسابنى ومشى، قال مش فاضيلك قال شخص قليل ذوق
غيرت هدومى ونزلت لقيته واقف ساند على عربيته ولابس بدلته و نظارته الشمسيه يخرب بيت حلوته عامل زى أبطال الافلام ايه ده
_احم مراد من يومه قمر وكل البنات بتحبه ومعجبه بيه هو ناجح فى شغله وقدر فى وقت صغير يكبر شركة بابا وعمى وده مخليه شايف نفسه اووى وكمان عنيد اووى من الصعب حد يقدر يعارضه وأللى عاوزه لازم يحصل لكن للاسف أنا وهو عاملين زى القط والفار احنا مكناش كده لحد ما قرر يسافر علشان يكمل تعليمه بره وده غير حياتنا من بعد ما كنا اقرب اتنين بقينا بعيد اووى عن بعض وطول الوقت خناق وأللى اعرفه انه معتقدش اننا هنرجع زى الأول
مراد " أنتِ واقفه عندك كده ليه
_ قاطع تفكيرى صوته، قربت ووقفت قدامه " مفيش يلاه بينا
مراد بتنهيده " يلاه
ركبنا وهو بداء يسوق
______________
بعد وقت
= تاليا استنى
_ شادى لو سمحت سبنى فى حالى
شادى بهدوء" طيب لو سمحتى ادينى فرصه نتكلم بس
زين بغضب" تااااااااالياا
تاليا بصتله بخوف وو...
نهايه البارت الثالث
#روايه
#العنيد_والمجنونه
#بقلمى
#مارينا_عبود
رايكم مهم وانتظرو القادم
تعليقات
إرسال تعليق