 |
4_5_6
كل الي اعرفه انها اختفت من خمس سنين ومرجعتش وانا زي ما انتوا شايفين صحتي ع قدي دورت عليها ع قد ما اقدر وملقيتهاش وبعدين تعبت لما شفت الصوره معاكم افتكرتكم تعرفوا هي فين قوليلي جبتي الصوره دي منين
نور : ادينا بردو معرفناش حاجه عنها واي الي محيرني ازاي كانت بتقعد معايا ونتكلم سوا وهي اصلا مش هنا
احمد: سمعتي عن التخاطر
نور : ايوا بس دا لما اتنين قريبين من بعض اخوات مثلا او صحاب
احمد : او يمكن هي محاجه مساعدتك
نور : دا الي انا حاسه بيه طول الوقت واي الي بشوفه كمان ف احلامي
احمد : انا بقول الوقت اتأخر هستأذن انا يريت تحاولي تنامي ومتفكريش كتير
نور : إن شاء الله
"""""""""""
نور تجلس ع سريرها وتفتح مزكرات ايسل وتبدأ ف قرأتها
( انهارده يكون مر ٣ شهور ع وفاه ماما مش عارفه اعمل اي خصوصا بعد ما سبت الكليه عشان اكون جنبها وهي تعبانه ودلوقتي لا بدرس ولا بشتغل ولا معايا فلوس ان شاء الله من هدور ع شغل ....... كل الشركات الكبيره بتطلب شهادات جامعية وانا !..
النهارده يوم جميل قوي بقالي شهر بدور ع شغل واخيرا النهارده لقيت شركه تقبلني ومش اي شركه دي شركه استثمار ومقاولات كبيره وهبدا شغل علطول واخيرا .... .. ) تغلق نور عينيها وهي تقرا مذكرات ايسل لتغرق ف النوم وتستيقظ نور ف صباح اليوم التالي
في الجامعه يتقابل احمد ونور بعد انتهاء المحاضرات
نور : امبارح فتحت مزكرات ايسل وبدأت اقرا فيها
احمد : بعصبيه نور حاولي تنسي ايسل دي الامتحانات قربت وركزي ف محاضراتك
نور : انا حاسه انها محتاجه مساعدتي
احمد: وبعدين
نور : احمد لو مش عايز تساعدني خلاص عن اذنك
احمد : نور اهدي انا مقصدتش انا .. انا مش عايز اساعدك نور انا بقالي سنتين مش بعمل حاجه ف حياتي غير اني براقبك وانتي ف المحاضره وانتي ف المكتبه بتقراي بساعات وانتي ف الكفتيريا وانتي بتضحكي حتي وانا نايم بشوفك ف احلامي انا بحبك ومكنتش قادر اقولك كدا لانك كنتي طول الوقت بعيده عني من اول شفتك ف الكليه وانا بحبك وانتي كل دا مش واخده بالك
نور : بدهشه ا انا.. !
احمد : مقاطعا متقوليش حاجه انا عارف انك اتفاجأتي انا بس حبيت اصارحك بمشاعري لكن مش عايزك تقولي اي حاجه مش حاسه بيها ودلوقتي كنتي بتقولي قريتي اي ف مذاكرات ايسل هانم الي معكننه علينا عيشتنا
نور : بصوت متوتر تخبر احمد بما قرأته لينظر لها احمد بدهشه : انتي بتقولي اسم الشركه اي ...
نور شركه ****
احمد وتعرفي مين صاحب الشركه دي
نور : لا
احمد : طيب تعالي معايا ويقوم احمد بأخذ نور في عربيته وبتوقف امام شركه فخمه ويدخل احمد ونور الي مكتب مدير الشركه ونور في دهشه ازاي محدش بيمنعنا ولا بيقول انتو رايحين فين لتختفي دهشتها حين تجد مدير الشركه ينظر الي احمد وبيقوله انت عمرك ماعملتها يعني وجيت الشركه مع اني طول الوقت بطلب منك تيجي عشان تتعود ع الشغل من دلوقت ثم يشير بيده الي نور مين القمر دا
احمد : دي نور زميلتي ف الجامعه ودا يستي الاستاذ فريد الراعي صاحب مجموعه شركات الراعي للمقاولات والدي وكده يعني
نور : اتشرفت جدا بمعرفه حضرتك
احمد تعالي معايا
نور : هنروح فين يستي مش ايسل كانت بتشتغل هنا هنطلب الملف بتاعها وهنعرف هي ساكنه فين دلوقتي وينتهي الموضوع
نور تراقب كل هذا بصمت لينادي احمد ع سكرتير والده : انا عايز موظفه كانت بتشتغل هنا اسمها ايسل او امينه تقريبا ايوا امينه
فينظر إليه السكرتير الذي بالكاد يبتلع ريقه ويقول انا اسف الملف دا مش موجود يعني اي مش موجود انتوا مش بتحتفظوا بملفات الناس الي بتشتغل هنا
السكرتير : ايوا
لكن الملف دا مش موجود
نور : يعني اي مش موجود انا متأكده انها كانت بتشتغل هنا من فضلك اديني الملف
ليخرج فريد بيه من مكتبه
فريد: اي الدوشه دي
احمد : بابا انا عايز ملف واحده كانت بتشتغل هنا والسكرتير بينكر وجود الملف بتاعها
فريد: اسمها اي الي بدور ع الملف بتاعها
احمد : امينه فهمي
فريد : اي معندناش واحده بالاسم ده
نور : ازاي دي كانت بتشتغل هنا
فريد : بنظره غضب مفيش حد بيشتغل هنا من غير موافقتي وزي ما قالكم الملف دا مش موجود احمد يريت تخليك ف دراستك احسن
تنسحب نور وتخرج غاضبه فيخرج احمد ورائها مسرعا استني ي نور انا اسف ع الي بابا عمله اركبي العربيه هوصلك ونتكلم
وفريد بيه في شرفه مكتبه يراقب ويقول للسكرتير : عايز اعرف كل حاجه عن البنت دي فاهم كل حاجه..............
يتبع
#الجزء_الرائع
#نور
#بقلم هدي ناجي
السكرتير: تحت امرك
فريد: عايز اعرف عنها كل حاجه سمعت ..... الملف بتاع امينه وديته فين؟
السكرتير : ودا سؤال يفندم حرقته طبعا ومستحت كل بياناتها
فريد: طيب غور من وشي دلوقت
"""""""""
في العربيه احمد ونور
احمد انا اسف
نور : لا رد
احمد : نور انتي سمعتي
نور : ها بتقول اي
احمد: انتي مش معايا خالص بتفكري ف اي
نور : بأستغراب حاسه ان في حاجه غلط مع احترامي لوالدك بس انا حسيته بيكدب لما قال محدش بيشتغل عندنا بالاسم ده خصوصا ان نظراته اتغيرت وبان عليه التوتر اول ما قولت اسمها
احمد : قصدك اي يعني هيكون بابا مخبيه مثلا بابا عنده مجموعه شركات كبيره غير الشركه دي صحيح دي اهم واحده فيهم بس بابا الي بيديرهم كلهم وطلما قال مفيش حد بيشتغل عندهم بالاسم ده يبقي مفيش
نور : يمكن . .. وقف العربيه ي احمد
احمد : ليه انا قولت هوصلك لا انا عايزه اتمشي شويه لوحدي عن إذنك
نور : تجلس ع النيل وتفتح مذكرات ايسل وتقرأ فيها
( اول يوم ليا ف الشركه كنت فرحانه اوي مكنتش متخيله اني ممكن اشتغل ف مكان كبير زي ده زي بردو مكنتش متخيله ان فرحتي هتنتهي بسرعه كدا النهارده كان ف واحد ف اجتماع مع فريد بيه كان صوتهم عالي وكان فريد بيه بيهدده لما دخلت عليهم عشان اخد امضه فريد بيه ع فايل من البنك وخرج الضيف الي عند فريد بيه وبعدها فريد بيه كلم السكرتير الخاص بتاعه وتاني يوم الشركه كلها كانت بتتكلم عن رجل الاعمال المشهور الي العربيه انفجرت بيه هوا وعيلته وماتوا كلهم لما شفت صورته عرفت ان هوا ايوا نفس الشخص ال كان مع فريد بيه امبارح لما دخلت عليهم طبعا اي حد مكاني كان هيشك ف فريد وده الي انا عملته بردو برغم ان كنت متابعه اخبار الحادثه الي عرفت انها اتأيدت ضد مجهول لكن انا مين عشان اروح اشهد ف النيابه واقول الي سمعته ف مكتب فريد بيه ومين هيصدقني انا مجرد موظفه بسيطه معرفش حاجه ومش معايا دليل غير احساسي وشكي الي بدأ من اول يوم شغل ليا واتأكد مناقصات الشركه بتكسبها من غير ما تقدم العروض المناسبه اوراق كتير بتتقدم وهي غير قانونيه كل دا محركنيش اني اعمل اي حاجه كنت بكتفي اني اضحك ع نفسي واقولها انا مالي انا طلما شغلي سليم مليش دعوه يعني الي زي فريد بيه وغيره القانون هيخوفهم ف اي لحد اليوم الي قبلت فيه مراد مهندس ف الشركه كان مسئول عن فحص الخامات الي بتستخدمها الشركه ف أعمال المقاولات وكتب تقرارير ان الخامات الوجوده ف الشركه غير مطابقه للمواصفات القياسية وعمل مشاكل كتير اوي ف الشركه لحد ما وصل لمكتب فريد قدام كل سلطه فريد وفلوسه كان واقف خايف قدام مراد خصوصا لما مراد هدده انه لازم يغير الخامات دي والا هيقدم التقارير الي عنده للنيابه وخرج مراد من مكتب فريد وفريد بيغلي وعمل اجتماع لكل موظفين الشركه وبعدين اتهم المهندس مراد انه بياخد رشوه من كل العملاء ورفع عليه قضيه والموظفين شهدوا معاه طبعا مقدرتش اسكت عن كل ده وروحت لمراد النيابه وطلب اقابله وانا معاه قولتله اني هشهد معاه وسألته انت لي ساكت لحد دلوقتي ليه مقدمتش الورق والملفات الي معاك للنيابه والحقيقه ان لما اتقبض ع مراد فريد جاله قبل التحقيق وهدده انه لو قال اي حاجه هيقتل والده وطبعا ومراد اتضطر يسكت من خوفه ع والده لكنه قالي اروح لوالده واخد منه الملفات والورق واخليهم عندي
وفعلا اخدتهم وخبتهم كويس ف مكان محدش يعرفه )
نور تقرأ كل هذا وهي في حاله من الدهشه معقوله يكون بكل الإجرام ده احمد مش لازم يعرف اي حاجه عن الي قريته ولازم يفهم اني خلاص بطلت ادور عليها ومش عايزه اعرف حاجه عنها
""""""""""""""""""""""""""
ف صباح اليوم التالي
/ صباح الخير مع اننا لا نمنا ولا احنا بخير/ 🖤🥀
نور راحت الكليه عشان احمد مش يلاحظ اي تغيير لكن من جواها اقسمت انها مش هتبطل تدور ورا صحبتها
احمد : صباح الخير
نور : صباح النور
احمد : والنور هيجي ازاي وانتي مكشره كده
نور : نعم ؟! انا ورايا محاضره
احمد: مفيش محاضرات دلوقتي الدكتور لسه مجاش
نور : يبقي هروح المكتبه
احمد : ماشى نروح
نور : طيب ماشي
احمد : حاسك متغيره شويه
نور : انا ! هتغير ليه واي هيغيرني انت بس الي بيتهيقلك .... أسر أسر
احمد : بتنادي عليه ليه
نور : عايزه اتكلم معاه ف حاجه كده عندك مانع
احمد : لا بس مش كنا رايحين المكتبه ؟!
نور : لا مش مهم
نور تتحدث الي أسر زميلها ثم يعلو صوت ضحكاتها
لينظر لها احمد بغيظ
فتتجاهله نور وتكمل في كلامها مع أسر ثم تتجه مع أسر الي المحاضره وتتعمد ان تجلس بعيده عن احمد وبعد انتهاء المحاضرات
احمد : نور
نور : نعم
احمد : يلا عشان نروح
نور : نروح ؟!
احمد : قصدي يلا عشان اوصلك للبيت
نور : لا شكرا أسر هيوصلني
احمد وقد بان ع وشه ملامح الغيره والغضب: طيب
نور في سرها : عارفه اني بضايقك بالي بعمله بس غصب عني انا بقي هدفي ادخل ابوك السجن يعني عمرنا ما هنكون لبعض ومش عايزاك تتعلق بيا اكتر من كده ولا عايزه اتعلق بيك تاني
( وكيف للروح عن الروح ان تغيب والروح بالروح تسكن )💜🥀
أسر: سرحانه ف اي وصلنا
نور : ولا حاجه سلام
نور تتجه الي غرفتها وتخرج مذكرات ايسل وتكمل قراءه
( لحد دلوقتي مكنتش بعمل حاجه غير اني براقب لكن فريد مكتفاش بحبس مراد لا دبر لقتله ف السجن صحيح مأمور السجن قال انو انتحر لكن انا متأكده انو اتقتل وقتها مبقاش في حاجه شغلاني غير كرهي لفريد وازاي اسجنه واذا كان مراد ضحي بعمره وسكت عشان ابوه فأنا معنديش حد اخاف عليه من هنا ورايح يفريد مش هخليك تنام هكون كبوسك كنت عايزه اجمع كل ورقه وكل ملف اقدر ادخل بيه فريد السجن ميطلعش منه كان ممكن اقدم الورق الي ادهولي مراد بس كنت عارفه ان هينكر كل حاجه وهيلبسها لمراد لانه كان المهندس المسئول وبموته كل الورق معايا معدش له قيمه فبدأت ادور بنفسي فكل مكان ف الشركه وفعلا ف وقت قصير عرفت ان فريد بيحتفظ بكل ورقه سواء كبيره او صغيره ف خزنه مكتبه وقررت ادخل الشركه باليل عشان اخد الورق ده و..... )
نور تتفحص باقي اوراق المذكرات : اي دا مفيش حاجه مكتوبه تاني بقيت المذكرات فاضيه
اخر تاريخ هنا من ٥ سنين
نور ف نفسها : لازم اعرف اي حصل ف الخمس سنين دول ثم تفكر قليلا
مفيش فايده لازم الجئ لاحمد بس اكيد مش هقوله حاجه عن الي عرفته عن والده مش يمكن هوا عارف كل حاجه عن والده وعن حقيقته دا اكيد
نور تتصل بأحمد
احمد : الو
نور : احمد ممكن نتقابل دلوقتي
احمد:..........
#الجزء_الخامس
#نور
#بقلم هدي ناجي
الي فات كوم والي جي كوم تاني خالص 🙂🤝😂
نور : مفيش فايده لازم الجئ لاحمد بس اكيد مش هقوله حاجه عن الي عرفته عن والده مش يمكن هوا عارف كل حاجه عن والده وعن حقيقته دا اكيد
نور تتصل بأحمد
احمد : الو
نور : احمد ممكن نتقابل دلوقتي
احمد : اكيد
نور واحمد قعدوا ف مطعم ع النيل
نور : مش عارفه اي الي خلاني اكلمك يمكن انت الشخص الوحيد الي لازم ابعد عنه دلوقتي
احمد : ليه بتقولي كده وليه عايزه تبعدي عني انا زعلتك ف اي
نور : انت مزعلتنيش ولا حاجه بس خايفه تزعل مني بعدين
احمد : صدقيني مفيش سبب يخليني ازعل منك
نور : متتسرعش ف ردك مين عارف يمكن اعمل حاجه تزعلك
احمد اقترب منها وبهمس انا بحبك ومفيش اي سبب ف الدنيا يخليني ازعل منك
نور بعدت عنه
احمد شدها من ايدها
احمد : نور ، بتحبيني؟!
نور ابتسمت بخجل وده الي مخليني مش قادره افكر ف اي حاجه يمكن الي هعمله يخليك تكرهني
احمد : دي مش الاجابه ع سؤالي
نور : ايوا ب
احمد : ايوا اي
نور : بحبك
احمد ابتسم بفرحه وكأن قلبه اتحرك من مكانه مش قادر يتكلم
احمد بصوت متقطع قولتي اي
نور : لا منا مش هقدر اقولها تاني
احمد : انا اكيد بحلم
نور : لا انت صاحي
احمد اقترب من نور ومسك ايديها وباسها وبص لنور بعيون كلها شوق وحب اوعدك عمرك ما اخليكي تندمي ع حبك ليا وبعد ما نتجوز هخليكي اسعد انسانه ف الدنيا
نور توقفت عند كلمه نتجوز ليذهب تفكيرها لفريد والد احمد ثم تنظر بحزن الي احمد : نتجوز ؟!
( نور بتحب احمد زي ما بيحبها واكتر بس هي خايفه من الي ناويه تعمله ف فريد لانها اقسمت انها هتكون السبب فى سجنه وخايفه طبعا لما احمد يعرف كدا يكرها )
احمد : ايوا طبعا هنتجوز وهنسافر وهنلف العالم وهنكون اسعد زوجين ف العالم
نور بنظره فرح يملؤها الالم : انت قلبك طيب اوي يا احمد
احمد طب يلا عشان اروحك وبعدين هكلم والدي وانتي تكلمي عمتك وتحددي معاد عشان اجي اخطبك
نور : تكلم والدك لا ..لا
احمد : اي الي لا
نور بتوتر : قصدي لسه بدري انت ناسي اننا لسه بندرس
وبعدين انا انا
احمد : مالك!
نور : تعبانه وعايزه اروح
""""""""""""""
في فيلا فريد الراعي
فاتن والده احمد لزوجها : احمد اول مره يتأخر برا البيت
فريد : اهدي شويه دلوقتي يجي واول ما يجي تقوليله اني عايزه ف المكتب
احمد : انتي اي الي مصحيكي لحد دلوقتي يحجه
فاتن : اي حجه دي
احمد : ما ترسوا ع حل بقي لا عجبكم ماما ولا حجه طب اقول اي طيب
فاتن : قولي مامي وبعدين انت كنت فين لحد دلوقتي
احمد : كل الطول دا واقول مامي والله ما تليق يا حجه وبعدين انتي من امتي بتسأليني كنت فين واتأخرت ليه اي بتخافي عليا يا قمر اه بس لو مكنتيش امي
فاتن : طب بطل هزار بقي وشوف باباك عايزك ليه
احمد : خير
فاتن بهمس : مستنيك ف المكتب وسأل عليك اكتر من مره شكلك عامل مصيبه
احمد : انا يا امي
احمد خبط ع مكتب فريد
فريد ادخل ( فريد الراعي شخصيه قويه وجباره وخصوصا ف شغله وعنده حيل كتير واساليب كتير ف شغله غير الاساليب القانونيه بني بيها مجموعه شركات الراعي )
احمد : بابا بيقولوا انك عايزني
فريد بنظره غضب : كنت فين
احمد : كنت مع نور
فريد بغضب ومكر : نور مين
احمد : نور زميلتي ف الكليه الي حضرتك شفتها
فريد بمكر : وانت كل زمايلك ف الكليه بتخرج معاهم ف وقت متأخر كده
احمد: لا طبعا نور مش بس زميلتي
فريد : يعني ؟!
احمد : احنا بنحب بعض وهنتجوز بس لما نخلص الكليه
فريد بمكر : يعني انت مقرر كل حاجه اهو حتي متعبتناش واخدت رأينا ف حاجه وبعدين مين نور دي اصلا وكنت جايبها الشركه ليه ؟
احمد : كانت جايه تسأل ع واحده صحبتها كانت بتشتغل عندكم ف الشركه وبعدين لازم اقرر كل حاجه لوحدي مش دا مستقبلي انا واكيد كنت هاخد رأي حضرتك ف الوقت المناسب
فريد مقاطعا : تاخد رايي ف اي البنت دي انت مش هتشوفها تاني البنت دي مش من مستوانا وانا مش عايزك تعرفها تاني
احمد : انا اسف مش هقدر انفذ الي حضرتك قولته انا بحبها وهي بتحبني ومفيش قوه ع وجه الارض تقدر تمنعنا
احمد خرج من مكتب والده وطلع ع اوضته وفتح موبايله ع صوره نور
ممكن تصدقي ان في حد يقدر يبعدك عني او يبعدني عنك انا الي من ساعه ما شفتك مبفكرش ف حد غيرك ملكتي قلبي بنظرتك من غير ما تتكلمي فمبالك بعد ما اعترفتيلي بحبك اوعدك يا نور حياتي اني عمري ما هتخلي عنك
""""""""""""""""""""
في صباح اليوم التاني ف الجامعه
احمد قاعد مستني نور الي اتأخرت وطلع تليفونه وبيرن عليها مش بترد وبدا يقلق عليها
نور وصلت الجامعه وبتبص وتدور بعنيها ع احمد لحد ما لاقته مشيت ناحيته بأبتسامه
احمد اول ما شفها طلع علبه صغيره من جيبه
نور : اي دا
احمد نزل ع ركبته وفتح العلبه وكان فيها خاتم وقلها بهمس بحبك
نور اتكسفت وبعدت
احمد مسك ايديها وقالها تسمحيلي ولبسها الخاتم وباس ايديها برقه
نور سحبت ايديها وقالتله اي الي بتعمله دا الناس بتتفرج علينا قالها مش خطيبتي
نور : خطيبتك؟!
احمد : اي عندك مانع وهنتجوز بعد ما نخلص الكليه
نور ابتسمت بخجل ثم تحولت الابتسامه وكشرت اول ما افتكرت ايسل والي قراته ف مذكراتها عن فريد الراعي والي هي عاوزه تعمله
احمد : مالك
نور : ولا حاجه يلا عندنا محاضره دلوقت
احمد برقه: اتفضلي يا ملاكي
""""""""""""""
في نفس الوقت كان في مكتب فريد الراعي راجل غريب
بيبلغ فريد الراعي عن تحركات نور وعن انها ساكنه في نفس
العماره الي كانت ساكنه فيها امينه وف الشقه الي قصدها
فريد الراعي : يبقي اكيد تعرف حاجه او كانت حاكيلها حاجه ومش بعيد تكون معاها نسخه من المستندات
الرجل الغريب : حضرتك تؤمر بس وانا اخلصك منها ومن الصداع دا كله ........
متنسوش تفاعلكم يا حلوين 😌😂😂
#الجزء_السادس
#نور
#بقلم هدي ناجي
تكملة الروايه من هنااااااا
................................................................
تعليقات
إرسال تعليق