 |
- يابنتي اتصلي بخطيبك شوفيه فين .. المعازيم كلهم جم والمأذون على وصول !
= ياماما منا عمالة اتصل بيه قدامك مبيردددش اعمل ايه
- قولتلك أحمد ده مش بتاع مواعيد وهيسوحنا كلنااا واديه سوحنا ، عمك لو دخل دلوقتي الأوضة وعرف إنه لسة مجاش هتبقي ليلتنا طين كلنا
= انتي شايفة إن ده وقته تقوليلي الكلام دا ياماما مانا زيي زيك واديني مازلت عمالة اتصل اهو
ايه دا ! احمد تليفونه اتقفل ياماما
امها بخضة : يانهار اسو...
- عمها بيفتح الباب وداخل : ها عروستنا جهزت ؟
= بتوتر : ب... بص ياعمي
عمها : خير ياايسل فيه ايه ؟!
ايسل : بصراحة فيه حاجة غريبة شوية حاصلة .. احمد مختفي اختفاء عجيب وبتصل بيه مبيردش وحالياً تليفونه اتقفل
عمها : نعم !!!! معناه ايه الكلام دا ؟؟
ايسل : انا بقولك كدا عشان تحاول توصله بأي شكل ، انا مهما كان واقفة بالفستان ومش هعرف اتصرف
عمها : لااااا ياحلوة ، انتي مش هتدبسيني مع واد خرع مش قد المسؤولية ولا قد المواعيد وتيجي دلوقتي تقوليلي اتصرف ، انا هديكي مهلة نص ساعة بالظبط مسافة ما المأذون يوصل الفندق لو مكنتيش وصلتي لاحمد انا هبدأ اتصرف بطريقتي وقتها
ايسل : يعني ايه ياع...
قبل ما تكمل كلامها كان سابها وخرج من الأوضة
عدت نص ساعة كاملة وايسل عمالة تحاول تتصل بخطيبها مبيردش عليها ولا عارفة توصله، رايحة جاية ف الاوضة عمالة تعيط
امها : يابنتي اهدي هتبوظي الميك اب ، دلوقتي يظهر
ايسل بعياط : دلوقتي يظهر ايه بس ياماما النص ساعة عدت وهو لسة مظهرررش وزمان المأذون على وصول يارررربي
وهي بتتكلم وصلها ماسدج ع الواتس اب من احمد "خطيبها" جريت فتحتها بسرعة
"أحمد : مش عارف اجيبهالك ازاي ، بس انا مكنتش مبسوط في الجوازة دي من أول الخطوبة وكنت بعدي في الأيام على أمل إني أقدر أحبك قبل مانتجوز ، بس للأسف اللي اكتشفته قبل فرحنا بساعات .. إني فعلاً مش قادر أحبك
انا آسف "
أيسل ماسكة التليفون بصدمة ، ايديها بتترعش وعينيها مليانة دموع
امها : ايه يابنتي خير ؟؟؟
ايسل بتنزل على الأرض وبتسيب الفون من ايديها من الذهول
امها بتمسك الفون وبتقرا الرسالة
امها بصدمة : اللي قريته ده بجد ؟؟!!!!!
ايسل بعياط : ليه عمل فيا كدا ؟؟؟؟
ليه ياماما ، ليييييييييييه
عمها داخل : هاااا .. النص ساعة عدت والمأذون وصل ، اللافندي ظهر ؟؟؟؟
ايسل وامها ساكتين
عمها : انا بكلمكووووو ايه بلعتوا لسانكو
امها وعينيها مدمعة : اللافندي مش هيظهر أصلا يامصطفى
مصطفى: يعني ايه!
امها : شارحة نفسها..
انزل انهي كل حاجة وعرف الناس إن مفيش فرح
أحمد بعتلها رسالة دلوقتي اعتذر عن الجواز
مصطفى: نعممممممم .. اعتذر عن الجواز!!
هو لعب عيال ولا ايه ؟؟؟؟
كلهم ساكتين تماماً ومش لاقيين حاجة يقولوها
مصطفى : طيب إذا كان كدا ولسانكو اتبلع يبقي أتكلم انا
انتي هتتجوزي واحد غيره ياايسل
أيسل بترفع وشها وبتبصله بعينيها اللي غرقانة دموع : نعم ؟؟؟
مصطفى : نعم الله عليكي ياروح عمك .. المعازيم اللي تحت دي ناس من كبارات البلد ولو سمعوا إن مفيش فرح إحتمال نروح في داهية وسمعتنا تنزل الأرض وانا مش هقبل بده
أيسل : وانا مش هتجوز اي واحد لمجرد إني اتجوز ياعمي .. مادام احمد اعتذر يبقي كتر خيره وانا خلاص مش هتجوز حد
قامت وقفت وبدأت تفك في احبال الفستان عشان تقلعه... قام مصطفي مسك ايديها وهي بتفك
مصطفى : ولو قولتلك إن الموضوع متعلق بمنه اختك ؟؟
أيسل : دخلها ايه منه ؟؟؟!!
مصطفى : دخلها إن لو موافقتيش تتجوزي دلوقتي مش هتشوفيها تاني ياحبيبة عمك .. هتقوليلي ازاي دا المصحة مفتوحة للجميع !!
هقولك إن الجناح اللي موجودة فيه منه مش هيفتح غير بإذن مني انا ، في حال إنك موافقتيش يبقي مش هيتفتح خالص
أيسل: انت بتهددني بأختي ياعمي !!!!
عمي : افهميها زي ما تفهميها ، المهم دلوقتي إنك هتتجوزي اللي اشاورلك عليه
امها : بس اللي بتقوله دا مش عدل يامصطفى
مصطفى : انا اللي قولته هيتنفذ بالحرف ، إلا إذا كانت ايسل معندهاش مانع تتحرم من اختها بقيت عمرها بقي
دخل من باب الاوضة شاب لابس بدلة ، ريحة البرفيوم بتاعته سابقة خطواته وشعره أسود بنفس لون دقنه .. الشاب ده يبقي فارس "اخو احمد خطيبها"
فارس : انا جاهز
كلهم بيتلفتوا عليه وبيبصوله
مصطفى : جاهز لايه ؟
فارس : بتدور على عريس يتجوز ايسل النهاردة ، وانا جاهز اتجوزها
ايسل بتمشي خطوتين في إتجاه فارس
ايسل : جاهز تتجوز مين يافارس ؟؟؟؟؟
فارس وعينه في عينيها بثقة : جاهز اتجوزك ياايسل .. لحد من ساعة كنتي هتبقي مرات اخويا المستقبلية ، حاليا هتبقي مراتي المستقبلية 😂
#زواج_بالخطأ
البارت التاني ❤️❤️❤️❤️
فارس : لحد من ساعة كنتي هتبقي مرات اخويا المستقبلية ، حاليا هتبقي مراتي انا المستقبلية 😂
ايسل بتضحك جامد وبتضرب كف على كف من الذهول : لالا دي وسعت منكو ع الاخررررر 😂😂😂
مصطفى عمها : وانا موافق ، واهو جُحا أولى بلحم توره بردو .. هنبدأ في كتب الكتاب امتى ؟؟
ايسل : كتب كتاب ميييييين ما كفاية هيصة بقي انتو اتجننتوا كلكوا !!!!!
أحمد خطيبي يختفي فجأة وميظهرلوش اثر هوب يبعتلي ماسدج معلش مش هعرف اتجوزك هوب يبقي هنجوزك واحد غيره ياايسل ماهي الليلة مش هتعدي كدا هوب يطلعلي اخوه اللي هو اخويا أصلا يقولي هتجوزك انا .. لا والله؟؟؟؟!!!
أمل امها : انا مخي مش قادر يستوعب اللي بيحصل .. هي دي الأمانة اللي اخوك امنك عليها قبل مايموت يامصطفى !!!!!!
مصطفى : لما الرجالة تتكلم الحريم متحطش رأيها ياام ايسل
أمل بتقوم : لا لا انا اعصابي مش هتستحمل اللي بيحصل دا انا هقوم أنزل ، بس قبل ماانزل هقولك كلمتين .. ابو اليتيمه دي هيفضل غضبان عليك لحد ما تروح تقابله ☝🏻
*قامت نزلت*
فارس : بعد اذنك ياعمي انا عايز أتكلم مع أيسل ٥ دقايق على إنفراد
مصطفى : مفيش وقت للكلام دا يافارس المعازيم كلهم مستنيين تحت
فارس : خمس دقايق بالظبط
مصطفى : مممم
خلاص ماشي, خمس دقايق بالثانية وهدخل اخدكوا
خرج مصطفى وسابهم لوحدهم
ايسل رجعت بضهرها لورا قعدت على حرف السرير وهي باصة لفارس بضحكة سخرية
أيسل : اتفضل اشجيني ؟؟
فارس : تتجوزي واحد غريب متعرفيش هو مين ولا هيعمل معاكي ايه ، ولا توافقي تتجوزي اخو خطيبك شهر بالظبط ويطلقك ويادار ما دخلك شر ؟؟
أيسل : أخوك فين يافارس ؟
فارس : سافر
ايسل : نعم !!
فارس : زي ما سمعتي
بقاله حوالي أسبوع بيجهز أوراق غريبة كنت شاكك فيها لحد ما اكتشفت النهاردة الصبح انه سافر وساب كل حاجة وراه ، وانا عشان أخوه الكبير وميرضنيش إنه يبهدل بنات الناس معاه ويفضحها قررت إني انضف وراه واجي اتجوزك انا
ايسل : ولو انا رفضت الاختيارين اللي خيرتني بينهم في اول كلامك ؟؟
فارس : مش انا اللي هتأذي وقتها
انا مجرد واحد جاي ينقذك من ابتلاء اتحطيتي فيه ، انتي اللي هتتأذي لما تتحرمي من أختك اللي محجوزة في مصحة نفسية بقيت حياتك
ايسل بتبص في الأرض ونظرتها مش مفهومه تماماً
فارس : قولتي ايه ؟
ايسل : ...... موافقة
فارس : عين العقل .. يلا بينا
عمها بيفتح الباب : خلاص ؟؟
فارس : خلاص ياعمي جاهزين
ايسل : ادوني ١٠ دقايق أجهز نفسي وانزل وراكوا
مصطفى : متتأخريش ياايسل هننزل نستناكي تحت مع المعازيم
مصطفى اخد فارس ونزلوا على تحت .. قامت ايسل قعدت على الكرسي قدام التسريحة وبدأت تبص لنفسها في المراية
تحط ايديها علي بشرتها البيضا اللي احمرت من الذهول والمفاجآت اللي اخدتها ، تبص على عينيها العسلي اللي بتلمع من الدموع اللي ملياها .. تمشي ايديها على شعرها العسلي اللي عامل ميكس قمر مع عيونها
دخلت من برا فرح "بنت خالها" وصاحبتها
فرح بتنهج : ايه ياسولتي جهزتي ؟ 😍
معلش والله انا عارفة إني اتأخرت بس يدوبك على ما روحت جبت ماما بسرعة وجيت
بس ايه القمر داااااا بقي أحلى عروسة في الكون اقسم بالله 🙈🙈
ايسل : .......
فرح : ايه يابنتي ساكتة ليه كدا بكلمك
هو حصل حاجة ولا ايه
ايسل بتضحك بسخرية : لا محصلش
فرح : اوعي تقوليلي انك اتخانقتي انتي واحمد 😱 لا والنبي دا انتو فرحكو كمان دقايق متهزروش
ايسل : ماهو الجديد إنه مبقاش فرحي انا واحمد
فرح : 😂😂😂 اومال فرحك انتي وابن الجيران يعني
ايسل : بقي فرحي انا وفارس .. اخوه
فرح بصالها بصدمة : 😂😂😂😂😂😂
بطلي هزار بقي بلاش بواخة يلا عشان منتأخرش عليهم
أمل ام ايسل داخلة عليهم : ايسل مبتهزرش يافرح
احمد بعتلها رسالة اعتذر عن الجواز وقالها إنه مكانش بيحبها وعمها صمم إنها تتجوز واحد تاني عشان المعازيم وبالصدفة اللي كان جاهز وقتها فارس
فرح بتبعد خطوات لورا : ااااايه اللي بتقولوه دا فارس اااايه اللي تتجوزه انتو هتهزروا ياجدعان الجوازة دي لا يمكن تكمل ، ماتقولي حاجة ياايسل
قامت ايسل وقفت : يلا عشان منتأخرش
فرح بتمسك ايديها وبتوقفها : ايسل متهزريش انتي مينفعش تعملي كدا
ايسل بتنزل ايديها : انا نازلة
خرجت ايسل من الأوضة وكان فارس واقف برا مستنيها .. وقفت لحظات بتبصله وعينيها مليانة غموض
قرب منها مسك ايديها وبدأوا ينزلوا السلم في اتجاه القاعة .. وصلوا القاعة
بعد زغاريط وتسقيف واحتفال الناس بيهم قعدوا على الترابيزة جنب المأذون وبدأوا إجراءات كتب الكتاب
المأذون : أيسل محمد فاروق هل تقبلي الزواج بفارس المنياوي ؟؟
تتوقعوا أيسل هتقول موافقة ولا هيحصل حاجة خارج توقعات كل المعازيم ؟؟
#زواج_بالخطأ
تعليقات
إرسال تعليق