البارت التالت 🔥🔥🔥
المأذون : أيسل محمد فاروق هل تقبلي الزواج بفارس المنياوي ؟؟
وبعد لحظات كانو فيها كل المعازيم مركزين جدااا عشان يشوفوا ردها خصوصاً وان منهم ناس مستغربين إنها هتتجوز واحد غير خطيبها
ايسل : موافقة ..
فرح بتلطم على وشها من الصدمة .. أمل امها بتبرق
مصطفى بيغمض عينه وبياخد نفسه فرحان إنها مفضحتهومش قدام المعازيم
سلوى حماتها (أم فارس واحمد) بتبصلها باستغراب
المأذون : تمام على بركة الله .. فين وكيل العروسة
مصطفى : انا .. عمها ووكيلها
المأذون : بطاقتك ياحج
بدأوا كتب الكتاب ودموع ايسل بتسابق القلم اللي بتمضي بيه على عقد الجواز
*بعد كتب الكتاب*
المأذون : بارك الله لكما وبارك عليكما وجمع بينكما في خير
أيسل بترفع عينيها اللي مليانة دموع وبتبص لفارس .. قرب منها باس دماغها
فارس : نورتي حياتي ❤️❤️
بدأت الناس تسلم عليهم وتباركلهم .. فرح واقفة بعيد مذهولة مش قادرة حتى تيجي تبارك لصاحبة عمرها ولا قادرة تتخيل إنها اتجوزت فارس فعلاً
امها قربت منها وخادتها في حضنها وبصوت واطي ميسمعهوش غيرها : على عيني كل اللي بيحصل دا يابنتي .. بس ما باليد حيله
وبعد ما خلصوا فقرة السلام الطويلة دي .. فارس مسك ايد ايسل واخدها على الاستيدج عشان يرقصوا اسلوه ، اشتغلت الأغنية وبدأوا رقص فعلاً .. فارس باصصلها ومبتسم وهي عينيها بتهرب في اي مكان الا انها تبص في عينه
وفجأة.... 💥💥
النور اتطفى من القاعة كلها تماماً .. بدأت الناس تشغل الكشافات وتسأل فيه ايه ، عمها جري بسرعة راح للمسؤول عن القاعات يسألوا عن سبب القفلة اللي حصلت
وبعد محاولات كتير جدا .. النور رجع
اتلفت فارس حواليه يمين وشمال ملقاش ايسل !!!
فارس بيبص لمصطفى : ايسل راحت فين ؟؟؟؟
مصطفى بيبص حواليه : ايه ده هي راحت فين ؟؟!!!!
بدأوا يدوروا عليها من غير ما المعازيم تحس خالص
خرج فارس من الفندق خالص بسرعة وبدأ يدور بردو مش لاقيها .. دخل الجراج وهو بيدور
ايسل قاعدة في عربيته على الكرسي اللي جنب الدركسيون وباصة قدامها ... جري علي العربية بسرعة
فارس : هو ده إسمه ايه مش فاهم ؟؟؟؟
انتي قاعدة هنا واحنا هنتجنن جوا وقالبين عليكي القاعة !!!!!
ايسل : صممتوا تنفذوا اللي في دماغكوا واتجوزنا صح ؟؟ مش هكمل في المسخرة دي دقيقة كمان
بعد اذنك روحني شقتي
فارس بعد سكوت لحظات ..... تمام ياايسل اللي تشوفيه
لف الناحية التانية ركب العربية وداس بنزين
🔥🔥🔥🔥🔥🔥🔥🔥🔥🔥🔥🔥🔥🔥
*بعد ساعة*
ايسل : هو احنا رايحين فين
فارس : مروحين بيتك
ايسل : بس دا مش طريق بيتي !
فارس : لا طريق بيتك
ايسل بتتعدل وبتبصله: لا هو انت تقصد أنهي بيت معلش ؟؟
فارس : البيت اللي هتعيشي فيه شهر .. بيت جوزك
ايسل : لااااا انا مش قصدي بيت جوزي انا اقصد بيت ابويا ، انا نفذتلكو اللي عايزينه واتجوزت بس مش هرجع غير علي المكان اللي اتربيت فيه عشان دي كلها علي بعضها جوازة مزيفة
فارس باصص ع الطريق : هل كل الناس اللي حوالينا يعرفوا إن دي جوازة مزيفة ؟؟
ايسل : معناه ايه الكلام دا
فارس : معناه إن امضتك على عقد الجواز تشمل تمثيلك قدام كل الناس إننا مبسوطين مع بعض عشان مش هتبقي حلوة في حقك ولا حقي إننا نكون اتجوزنا ع الورق بس عشان كلام الناس ..
شقتك اللي جهزتيها وفرشتيها علي ذوقك موجودة وهنعيش فيها ومتقلقيش مش هتفرق انا اللي قعدت معاكي فيها ولا احمد في الآخر الشقة في بيت العيلة
ايسل : وانا قولت اللي عندي يافارس ، مش هرجع غير علي بيت ابويا وبعد اذنك افتح الباب دا خليني انزل
فرمل العربية جاية تنزل منها لقت نفسها قدام العمارة اللي فيها شقتهم
ايسل بتبص لفارس : بردوووو عملت اللي في دماغك .. بتعاند معايا عشان اسيبك و أطلب تاكسي اركبه بفستان الفرح
طيب لو ده هيريحك هعمله
فارس بيمسك ايديها وبيوقفها : صووووتك احنا في الشارع والساعة 11 بالليل ، تعالي معايا بهدوء ومن غير شوشرة
ايسل بتزقه : بقولك مش هطلللللللع
فارس : شكل الكلام مش هيجيب نتيجة معاكي
وفجأة شالها وطلع بيها على فوق وهي بترفص برجليها عشان تنزل .. نزلها قدام باب الشقة ومسك ايديها عشان يوقفها ، طلع المفتاح من جيب البدلة بالايد التانية وفتح الباب
ايسل واقفة متمسرة وبتزق نفسها عشان متدخلش لحد ما فارس شدها جامد دخلها الشقة ودخل وراها ، قفل الباب بالمفتاح وحط المفتاح في جيبه
ايسل : هو انت ايه معندكش دماغ ؟!!!!
فارس : لاااا مش عايزين نبدأها غلط .. انا لحد دلوقتي محترمك تماماً ومش عايز اجرحك بكلمة عشان عارف إن اللي اخويا عمله مش قليل
بعد اذنك احترميني انتي كمان واقعدي عشان نتكلم كلمتين عاقلين
ايسل : مش هقع...
فارس بيجز علي سنانه : اقعددددي عشان نتكلم
ايسل : انت بتزعقلي !
فارس : اقعدي بعد اذنك
ايسل : ماشي
اديني قعدت .. اتفضل
*فارس بيقعد على الكرسي هو كمان*
فارس : عارف إن الموضوع صعب وإني مهما قولت مش هقدر أتخيل الوجع اللي جواكي ، بس عارف كمان إن شكلك قدام الناس واختك عندك كمان مهمين وعشان كدا وافقتي تتجوزيني رغم إنك لحد من ساعة كنتي شايفاني اخوكي
فبعد اذنك كل اللي طالبه منك نقضي الشهر ده مع بعض في مودة كدا وسلام نفسي لحد ما نخلص وكل واحد يروح لحاله ، وانا إذا كان عليا ياستي مش هطلب منك أي حق في حقوق الجواز خالص
ايسل : خلصت ؟
فارس : خلصت
ايسل بتتنهد : تمام ..
بابا مات وانا عندي ١٤ سنة ،، وليك حق التخيل يعني ايه حتة لحمة حمرا لسة تتوجع وجع زي دا , وياريتها جت على موته وبس .. أختي اللي كان عندها وقتها ١٠ سنين جالها حالة نفسية وشبه اتجننت من صدمتها إن بابا خلاص مبقاش موجود
وفوق كل ده طلعلي عم عايش معايا في نفس العمارة متحكم في كل تحركاتي انا وامي واختي المريضة ، تحكماته دي وصلت إنه يرفض إنها تعيش تحت سقف واحد معانا لمجرد إن لو حد شافها كدا سمعتنا هتتدهور وقرر يحطها في مصحة نفسية بعيد عننا ورؤيتنا ليها تكون بحساب ومواعيد 💔💔
وسط ده كله ظهر أحمد في حياتي ، حببني فيه ونورلي امل جديد إني هطلع من بيتنا اللي كان بالنسبالي سجن وهروح على بيت يحتويني واب يحتوي طفولتي اللي ضاعت بدري وحبيب يطبطب على روحي .. عيشت في حلم طووويل فتحت منه على كابوس إن حتى أحمد مش موجود
ودلوقتي انت بتطلب مني أعيش معاك تحت نفس السقف بمودة وسلام نفسي عشان ارحمك من وجع الدماغ ، وانا كان مين رحمني ؟؟؟
فارس : وانا ذنبي ايه غير إني بحاول اصلح اللي اخويا عمله ياايسل
ايسل قامت وقفت : ذنبك إن اخوك دمررررررني يافاااارس
قتل الطفلة اللي جوايا اللي كانت بتتمني تترد فيها الروح من تاني ، قتل كل الأحلام اللي كنت عايشة على أمل تتحقق
ولو انت جاي دلوقتي عايز تصلح اللي هو عمله هنتقم منه فيك
فارس : وانا موافق
ايسل : متأكد ؟؟
فارس : متأكد .. اعملي كل اللي نفسك فيه وخليكي متأكدة إن الشهر ده مش هيخلص غير وانتي زي الفل
ايسل : انت اللي اختارت
فارس : وانا قد كلامي
ايسل بتبص علي باب الشقة : وأثناء الشهر ده هعتبر نفسي في سجن صح ؟؟
فارس: حاجة زي كدا
اتحركت ايسل ناحية اوضة النوم .. دخلت وقفلت الباب وراها
دخل فارس أوضة الأطفال بات فيها
💛💛💛💛💛💛💛💛💛💛💛💛💛💛
عدى الليل كله .. تاني يوم الصبح
بدأ فارس يفوق ويصحي من النوم .. قام دخل الحمام ظبط نفسه وخرج غير هدومه .. بدأ يستغرب من الهدوء الغريب اللي في أوضة ايسل لحد الوقت ده رغم إنه عارف إنها بتصحي بدري
بدأ يتحرك ناحية اوضتها : ايسل .. ياايسل
مفيش اي صوت ولا حركة .. بدأ يعلي صوته اكتر وينده عليها
فارس : ايسسسسسسسل
لا مبدهاش بقي لازم افتح الباب
فارس بيفتح باب الأوضة وداخل .. ايسل واقعة علي الارض سايحة في دمها وشرايين ايديها مقطوعة
فارس : ايسسسسسل .. ايه اللي عملتيه دا يخربيييييتك
شالها بسرعة وخرج بيها على برا وبيحاول يفتح باب الشقة عشان ينزل بيها وفجأة لقى قدامه **** 💥💥
🔥🔥🔥🔥🔥🔥🔥🔥🔥🔥🔥🔥🔥🔥
#زواج_بالخطأ
وفيت بوعدي أهو 😹❤️
🔥❤️البارت الرابع ❤️🔥
شالها فارس بسرعة وخرج بيها على برا وبيحاول يفتح باب الشقة عشان ينزل بيها وفجأة لقى قدامه حماته جاية صباحية بنتها .. اول ما شافت ايسل في ايده وايديها غرقانة دم بالمنظر دا الشنط اللي في ايديها وقعت
أمل بتلطم على وشها : بنتتتتي 😱😱
فارس : اهدي ياامي ، اهدي انا هاخدها على أقرب مستشفى وهلحقها بس بالله عليكي وسعيلي عشان اعدي
أمل : اوسعلك اااايه انا مش هسيبك تروح بيها على مكان انت عملت في بنتي اااايه
فارس : طب هنقف نتساير ونتخانق ودمها بيتصفى يعني ؟!!!!! وسعي ياامي الله يرضي عنك البت هتموووت
وسعتله أمل نزل يجري بيها على تحت وهي وراه .. حطها في العربية وركب امها جنبها وركب قدام وداس بنزين في إتجاه المستشفي
💛💛💛💛💛💛💛💛💛💛💛💛💛💛
بعد نص ساعة وصلوا المستشفي
نزل فارس جري فتح الباب اللي ورا وشالها دخل بيها على قسم الطوارئ بسرعة .. اخدوها منهم وخرجوهم برا
أمل بعياط : ممكن تقولي بقي عملت في بنتي ايه !!!
فارس : ياامي وانا هعمل فيها ايه هو انا لحقت أصلا .. انا صاحي من النوم لا بيا ولا عليا ملقتلهاش حس داخل ابص عليها لقيتها قاطعة شرايينها وعاملة كدا
أمل بنظرة تحدي ووجه : ايسل لو حصلها حاجة انا مش هسيبك يافارس يامنياوي
فارس : طب ممكن بعد إذنك نأجل الخناق والعتاب والتهديد لحد ما نتطمن عليها الأول عشان انا واقف دمي ناشف لوحدي
أمل بتحط ايديها في شنطتها : هكلم عمها ييجي
فارس بيمسك ايديها : بلاش ياامي بعد إذنك
أمل : وده ليه كمان !!!!
فارس : مش عايزين شوشرة وقلق هي بإذن الله هتبقى زي الفل بس نهدى ونصبر
أمل : خلاص يبقى هتصل بفرح بنت خالها تجيلها
💛💛💛💛💛💛💛💛💛💛💛💛💛💛
*في شقة حماة أيسل*
أميرة أخت فارس : ايه ياماما مش هننزل نصبح عليهم بقي ونسلم على العروسة
سلوى حماتها : نصبح على مين يااميرة ؟؟
اقعدي اسكتي الله يباركلك
أميرة : ياماما بغض النظر عن كل اللي حصل هي في الآخر بقت مرات إبنك خلاص
سلوى : بقت مرات إبني بعد مااتسببت في ان ابني التاني يسافر عشان يهرب من وشها .. مش هسامحها لحد ماابني يرجع تاني لحضني
أميرة : حرام عليكي ياماما هي ذنبها ايه ، إبنك هو اللي سافر بكامل إرادته عشان مش قد كلمته
سلوى بغضب : انتي يابت اتكلمي عدل عن اخوكي
أميرة : ماشي ياماما .. لو مش حابة تنزلي انتي بلاش بس انا لازم أنزل اصبح عليهم واشوفها مهما كان أيسل صاحبتي بردو
قامت تلبس عشان تنزلهم ..
💛💛💛💛💛💛💛💛💛💛💛💛💛💛
*في المستشفي *
فارس واقف متوتر جدااااا وحاطط ايده علي الحيطة .. أمل رايحة جاية في الطرقة عمالة تعيط
فرح داخلة بتجري : فيه ايه ياجماعة ايسل مالها
بتبص لفارس وبخجل : ازيك يافارس ، ايه اللي حصل
فارس : دخلت عليها لقيتها سايحة في دمها ، حاولت تنتحر
فرح : يانهار ابيض .. والله انا مكنتش مستبعداها بعد كلللل اللي بيحصلها دا
أمل بترمي الكلام : ماهو كله بسببهم
فرح : خلاص يا عمتو ميصحش الكلام دا وهو فارس ذنبه ايه يعني .. ربنا يسترها ويخرجهالنا بالسلامة يارب
الدكتور خارج من الاوضة
فارس بيجري عليه : ايه يادكتور طمني
الدكتور : وقفنا النزيف بصعوبة جدا وعملنالها خياطة للجرح وكلها دقايق وتبدأ تفوق
فارس بيغمض عينه : الحمدلله يارب
أمل : الحمدللللله الف حمد وشكر ليك يارب
الدكتور : بس في حاجة
فارس : خير يادكتور
الدكتور : انا لازم أعمل محضر محاولة إنتحار عشان هي كدا غير آمنة على نفسها
فارس بخضة : لااا محضر ايه بس يادكتور احنا مش حمل محاضر انا هفهم حضرتك
فارس اخد الدكتور ومشي بعيد عشان يفهمه وضعها
💛💛💛💛💛💛💛💛💛💛💛💛💛💛
أميرة واقفة قدام باب شقة فارس وايسل عمالة تخبط محدش بيفتح
أميرة : ايه ده هما فين ؟!!
طلعت تليفونها واتصلت بفارس ... المكالمة ترن للآخر وتفصل من غير رد
طلعت على فوق جري وفتحت باب الشقة
أميرة داخلة : الحقي ياماما فارس وايسل مبيفتحوش وبتصل بفارس مبيردش
سلوى بتتعدل : ازاي يعني !!!! انا هنزل اشوفهم
💛💛💛💛💛💛💛💛💛💛💛💛💛💛
*في المستشفي*
*تحديداً في الأوضة اللي فيها ايسل*
ايسل بتبدأ تفتح عينيها واحدة واحدة .. بصت حواليها ملقتش اي حد
رفعت ايديها وبصت على الجرح اليمين بصت على الجرح ، رفعت ايديها الشمال وبصت على الكالونا اللي متركبة ومتعلق فيها محاليل .. غمضت عينيها من الألم اللي حاسة بيه
وهي مغمضة عينيها حست برجل حد داخل عليها الاوضة
بدأت تفتح عينيها ببطئ شافت شخص جاي ناحيتها
الشخص : حمدالله على سلامتك ياايسل
كنتي عايزة تموتي ؟؟
ياترى مين الشخص اللي دخل عليها وهل نيته ناحيتها هتكون خير ولا شر ؟
ده كله هنعرفه البارت الجاي ... قولوا توقعاتكم في الكومنتات وتفاعلوااااا ❤️❤️❤️❤️❤️🔥🔥🔥
#زواج_بالخطأ
تعليقات
إرسال تعليق