 |
❤️❤️❤️البارت الخااامس ❤️❤️❤️
الشخص : حمدالله على سلامتك ياايسل
كنتي عايزة تموتي ؟؟
ايسل بتحاول تركز : مين ؟
الشخص : لا لا كدا ازعل .. معقولة محستيش بيا
مش كفاية اتجوزتي في غيابي ومفكرتيش تعزميني
ايسل : انا تعبانة جدا ومش شايفة قدامي يا تقول انت مين يا تتفضل من هنا أحسن مااصوت والم المستشفي كلها
الشخص : انا فريد ، اخوكي ياايسل
ايسل بصدمة : اخويا !!!!!
فريد : اه اخوكي ، ايه كنتي فاكراني هفضل بقيت حياتي مسافر .. كان هييجي عليا وقت وارجع
ايسل بعد لحظات : لا لا انت مش فريد
فريد : يمكن شكلي اتغير شوية ، بس انا فريد والله
ايسل : لااااا مش فريد انت بقولك .. اتفضل اطلع برااا بعد اذنك
وهي بتتكلم باب الأوضة اتفتح ودخل منه أمل امها وفرح بيجروا مسروعين على صوتها
أمل : ايه ايه مالك يابنتي بتزعقي ليه بس ، ألف حمدالله على سلامتك يانن عين امك .. كدا تخضيني الخضة دي وتوجعي قلبي عليكي
فرح : حمدالله على سلامتك ياايسل
ايسل عمالة تبص حواليها يمين وشمال تدور على فريد ومستغربة هو اختفى ازاي بالشكل دا !
أمل : مالك ياحبيبتي بتتلفتي ليه كدا
ايسل : هو راح فين !!!!!
أمل : فارس ؟
ايسل : فريد .. راح فين
أمل بصالها بصدمة
فرح : فريد مين ياايسل ؟
ايسل : فريد اخويااا .. كان فيه شاب واقف في الأوضة مكانكو دلوقتي وبيقولي انه فريد أخويا راح فيين
أمل بتطبطب عليها : اهدي ياايسل .. شكلك تعبانة ومش مركزة ياحبييتي
ايسل : انتي فكراني اتجننت ياماما ؟ بقولك كان واقف مكانكوووو دلوقتي مش مصدقيني ليه ، اخرجوا دوروا عليه اعرفوا مين دا
أمل : ياحبيبتي انتي مريتي بيوم صعب اوي وطبيعي أعصابك تعبانة وبيتهيألك حاجات آثار الأدوية اللي اخدتيها ، اهدي كدا ونامي عشان انتي لسة تعبانة
ايسل : بردو هتقوليلي بيتهيألك !
ماشي ياماما خلاص
رجعت ايسل بضهرها لورا تاني عشان تريح
فرح : المحلول قرب يخلص ، هروح انده الممرضة تحط واحد غيره
بتلف فرح عشان تخرج لقت فارس داخل الأوضة وقفت مكانها تاني تشوفه هيعمل ايه
*فارس داخل في إتجاه أيسل*
فارس : ده إسمه كلام بردو ياايسل ؟
اومال لو مكنتيش متعلمة ومثقفة كنتي عملتي ايه .. هانت عليكي روحك للدرجة دي !!!
ايسل بتلف عينيها وبتبصله : مش قولتلي هتصلح كل اللي اخوك عمله ، اعتبر ده كمان تابع للخراب اللي اتسبب فيه اخوك
فارس : دلوقتي مش اخويا اللي بيخرب دلوقتي انتي اللي بتعكككي ومش دريانة باللي بتعمليه
بتحاولي تنتحري ياايسسسسل ؟!!!!!
أمل : جرا ايه يافارس ؟؟ هتزعق لبنتي قدامي كمان
فارس : لا مؤاخذة ياامي انا آسف بس حالياً دي مراتي ومسؤولة مني وانا هتسأل عليها قدام ربنا وقدام نفسي
أمل : وانا مش مقتنعة إنها مراتك بقي ولا هقتنع عشان دي جوازة مزيفة اصلاااا
فارس : اقتنعنا او مقتنعناش سامحيني ياامي دي الحقيقة دلوقتي
أمل : امي امي امي .. لا أنا مش امك يافارس ، امك في البيت حتى بالمناسبة مكلفتش خاطرها تيجي تبص على مرات ابنها زي مانت بتقول
فارس : امي متعرفش حاجه أصلا وبتتصل بيا من الصبح مبردش عشان معملش شوشرة وأقول اللي أيسل عملته في نفسها
ايسل : خلااااااص انتو هتتخانقوا جنبي انا اللي فيا مكفيني مش ناقصة
فارس : خلاص اهدي طيب متزعقيش انتي تعبانة
قرب منها واخد الدوا اللي ع الكومودينو جنبها فتحه وبدأ يديهولها .. فرح واقفة بعيد باصة عليهم وعينيها حمرا ومدمعة ، ياترى ليه ؟
لسة مش عارفين
الباب اتفتح ودخل مصطفى "عمها" .. اتلفتوا كلهم باستغراب !!!!
وقف قدام ايسل ، رفع عينه وبصلها بغضب
مصطفى : سؤال واضح وصريح
ممكن أفهم اللي حصل دا حصل ازاي ؟
ايسل بصاله وساكتة
مصطفى بيمشي ايده على دقنه : ااه .. كمان مش هتردي
طيب هسألك السؤال بصيغة تانية .. مفرقش معاكي شكلنا كان هيبقي ازاي قدام الناس لو جرالك حاجة فعلاً ؟؟؟
ايسل : كل اللي هامك شكلنا قدام الناس ياعمي ؟؟
بيدب ايده على حديد السرير : ايوووووة هو ده اللي هيهمني لما انتي واحدة هانت عليكي نفسك ومفرقتش معاكي هتفرقي معايا انا ؟!!!!!
ايسل بتبصله وعينيها مليانة دموع
مصطفى بيقرب عليها ونيته شر : ماترددددي عليا
ايسل بترجع لورا مفزوعة وخايفة يضربها .. دخل فارس بين ايسل ومصطفى ووقف وشه لمصطفى
فارس : بعد إذنك يااستاذ مصطفى
مصطفى بيبصله بذهول : افندم 😳
فارس : من هنا ورايح ايسل تبقي مراتي ومحدش ليه الحق يحاسبها على حاجة غيري
مصطفى : لا يا شيخ ؟؟ انت صدقت نفسك ولا ايه
فارس : أستاذ مصطفى
انا لحد اللحظة دي محترم إن حضرتك في مقام والدي الله يرحمه وبكلمك بأسلوب مهذب بعد إذنك مضطرنيش أتعامل بطريقة تانية .. لحد امبارح كنت بتبهدل ايسل في الرايحة والجاية ومحدش كان بيقولك تلت التلاتة كام
دلوقتي ليا زوج يقدر يحافظ عليها ويحاسبها لو غلطت
مصطفى : لاااا ده انت زودتها اوي .. واضح إني غلطت لما وافقت اجوزهالك ومفكرتش كويس في الموضوع وللاسف مش هقبل إنك تطلقها تاني يوم ونتفضح
مسك ازازة الدوا كسرها وحطها بسنها على رقبة فارس : مفيش حل غير إني اخليها أرملة وفي الآخر يبقى قضاء وقدر
أمل بتلطم على وشها .. أيسل بتبرق 😳😳
فرح جريت جابت الفازة اللي ع الكومودينو وضربتها في دماغ مصطفى 💥💥💥🩸
🔥🔥🔥🔥🔥🔥🔥🔥🔥🔥🔥🔥🔥
ومن هنا هتبدأ الأحداث تدخل في الجد ويبقى فيها دم 🩸🩸لو لقيت تفاعل حلو على البارت ده هخلي البارت الجاي طويل ويشمل أحداث كتير جداً ❤️❤️❤️❤️🔥🔥
#زواج_بالخطأ
البارت السادس ❤️❤️🔥
فرح جريت جابت الفازة اللي ع الكومودينو وضربتها في دماغ مصطفى .. 💥🩸
قعد مصطفى ع الأرض حط ايده على دماغه اللي غرقت دم وبدأ يتألم
فارس بيبص لفرح : ايه اللي عملتيه دا يخربيييتك 😱 انا هروح انده اي ممرضة تيجي تتصرف بسرعة
*بعد ساعتين*
فارس بيفتح باب الشقة وايسل جنبه
فارس : ادخلي ياايسل
ايسل : للمرة التانية طلعتني بالغصب !
فارس : هتدخلي بهدوء ولا اشيلك ؟
ايسل : هدخل يافارس
دخلت ايسل الشقة ولسة هتدخل على اوضتها رجعت تاني
أيسل : هو انت مش هتوديني اشوف عمي بكرا ؟
فارس : وده من حبك فيه يعني
أيسل : بحبه او مبحبوش ده عمي ولازم اشوفه
فارس : ولما يقعد يقتت فيكي ويقولك صحبتك اللي عملت واللي سوت ؟
أيسل : ساعتها هقوله إنها اضطرت تعمل ده عشان كان حاطط الازازة على رقابتك
فارس : طيب ربنا يسهل بكرا نتكلم في الموضوع ده
ايسل : طيب عايزة اسألك سؤال تاني
فارس : اتفضلي
أيسل : هو انت مشوفتش شاب خارج من اوضتي في المستشفي قبل ما تدخلوا ؟؟
فارس : شاب مين اللي هيخرج من اوضتك !
أيسل : شاب وخلاص يافارس
فارس : لا مشوفتش ، مين ده بقي؟؟
أيسل : لا خلاص متاخدش في بالك
دخلت أيسل على اوضتها .. قعدت على السرير
بصت على ايديها والجرح اللي فيها وبدأت تمشي ايديها عليه وهي بتعيط ، وفجأة عملت فلاش باك على الوقت اللي كان قاعد معاها فريد وبدأت تفكر إذا كان هو فريد فعلا ولا حد غيره ؟ طب ازاي اختفى بالشكل دا أول ما امل وفرح ظهروا ؟!
قامت وقفت فتحت الدولاب وجهزت هدومها ودخلت الحمام عشان تاخد شاور
🤍🤍🤍🤍🤍🤍🤍🤍🤍🤍🤍🤍🤍🤍
*في بيت مصطفى *
مصطفى نايم على سريره ودماغه ملفوفة بشاش وبلاستر .. سماء مراته داخلة وفي ايديها طبق شوربة
سماء : عملتلك شوربة لسان العصفور اللي بتحبها أهو ، هتخليك زي الفل
مصطفى : مش عايز حاجة
سماء : وده اسمه كلام بردك !
متغلبنيش بقي واشرب الشوربة
مصطفى : بقوووولك مش عايز اتزفت اشرب حاجة خلصنااا
سماء : خلاص يااخويا متعصبش نفسك ، ادي الشوربة اهي بلاش منها بس روق كدا
مصطفى : بنت الكلب بتضربني انا بالفازة على دماغي ، لولا كنا في المستشفى كنت طلعت بروحها
سماء : مانت بردو كنت واقف في وضع غريب يامصطفى عايزهم يسيبوك تقتل الواد ؟؟
مصطفى : حسابهم الجوز معايا بعدين
سماء : يوووه .. هتفضل طول حياتك تصفي في حسابات ، ياأخي كفاية بقي تعبنا
مصطفى : انتي ايش اخششك انتي في حساباتي واللي عايز اعمله ؟؟! قومي ياولية اعمليلي كوباية طفح اشربها
سماء : حاضر يامصطفى ، حاضر
🤍🤍🤍🤍🤍🤍🤍🤍🤍🤍🤍🤍🤍🤍
*في الشقة اللي تحتهم*
أمل : بس انتي بردو مكانش ينفع تضربي مصطفى الضربة دي يافرح ، افرضي كان راح فيها ؟
فرح : يعني كنتي عايزاني اسيبه يموت فارس ياعمتو ؟ منا كنت لازم أتصرف
أمل : واشمعنا انتي اللي تتصرفي وتوقعي نفسك في الغلط ماكلنا كنا واقفين
فرح : انا اللي جه في دماغي التصرف ده وقتها بقي ، خوفت بصراحة لا يعمل فيه حاجة
أمل باستغراب : وانتي ايه اللي خوفك على فارس اوي كدا
فرح بتبلع ريقها : مش المفروض بقي جوز أختي خلاص ، يعني لو حصله حاجة اختي هتبقى أرملة من تاني يوم جواز
أمل : اممم .. ماشي
ربنا يسترها بقي ويعديها علي خير ومصطفى ميحطكيش في دماغه
فرح : خليها على الله ياعمتو
🤍🤍🤍🤍🤍🤍🤍🤍🤍🤍🤍🤍🤍🤍
فارس واقف في أوضة النوم بيجيب هدومه من الدولاب ومستغل فرصة إن أيسل في الحمام بتاخد شاور .. وفجأة وسط تركيزه في الهدوم ، باب الحمام اتفتح وخرجت ايسل على الأوضة لابسة هدومها بس شعرها مبلول
بصلها فارس وسرح لثواني
ايسل : فيه حاجة ولا ايه !!!
فارس : لا لا مفيش حاجة ، انا هاخد هدومي بس واخرج واسيبك براحتك
ايسل : ماشي
جرس الباب رن .. فارس ساب اللي في ايده وراح عشان يفتح الباب ، ووراه أيسل عشان تشوفه مين اللي جالهم
سلوى داخلة بغضب : مانتو موجودين اهو !! اومال مبتفتحوش ومبتردوش ع التليفونات ليييييه نشفتوا دممممي
ايسل بتنزل كم البيجامة على ايديها عشان تداري الجرح اللي في ايديها
فارس : كنا في مشوار ياامي ولسة جايين
سلوى : مشوار ايه ده اللي تروحوه تاني يوم فرحكو الصبح كدا ؟!!!!
فارس : طيب تعالي نقعد الأول وبعدين هقولك
*دخلوا هما التلاتة قعدوا ع الانتريه*
فارس : عم ايسل تعب فجأة فاضطريت اخدها ونروح نشوفه ، الأصول بتقول كدا
سلوى : ومقولتليش ليه إنك رايح مشوار ؟
فارس : مكانش فيه وقت ياامي ، وبعدين انا من امتي بقولك وانا رايح او جاي
سلوى : من اول دلوقتي ياحبيبي
بتبص بطرف عينيها على ايسل : من اول ما تدخل في حياة جديدة مع حد غريب لازم تقولي تحركاتك عشان ابقي متطمنة عليك
فارس بيضحك بسخرية : متحسسنيش إني طفل بقي يا سوسو روقي كدا
ايسل : طمنيني عليكي ياماما عاملة ايه
سلوى : كويسة
انتو اخباركو ايه ؟؟ طمنيني
ايسل : بخير الحمدلله
سلوى : بقولك طمنيييني
ايسل بعد سكوت لحظات : اطمنك على ايه
سلوى : لا متعمليش عليا الشويتين دول بقي ده انتي ام المفهومية كلها ، طمنيني عليكو ياماما
امبارح كانت دخلتكو
ايسل بتبص لفارس ووشها أحمر من الكسوف والخجل
فارس : مفيش داعي نتكلم في الكلام ده ياامي
سلوى : لا ده فيه وفيه كمان ، اوعى يكون إحساسي صح !!
فارس : وهو ايه إحساسك
سلوى : قضيتوها اخوات ؟!
فارس وايسل ساكتين وباصين في الأرض
سلوى : اه يبقي إحساسي صح
بتبص لايسل : هما أهلك قبل ما تيجي مفهموكيش الأصول ياحبيبتي !!
ايسل : فهموني اكيد ياماما ، بس حضرتك اكيد عارفة إن وضعي انا وفارس مش وضع اي اتنين متجوزين عادي .. احنا يعتبر متجوزين بالغلط كدا
سلوى : بلا متجوزين عادي بلا متجوزين كدا وكدا ، انتي اتحسبتي علي ابني زوجة يبقي تديله كل حقوقه .. ولا هو كان حلال لاخوه اللي مكانش جوزك وحرام عليه اللي هو جوزك !
أيسل بصدمة ... نعم !
سلوى : نعم الله عليكي ياماما .. اوعي تفكريني هبلة ولا مكنتش دريانة باللي كان بيحصل بينك وبين أحمد
فارس بيبرق ... أيسل وشها احمر وعينيها دمعت من الصدمة والغضب
تفاعلواااا ❤️❤️❤️❤️❤️❤️🔥🔥
#زواج_بالخطأ
تكملة الروايه بعد قليل
تم
ردحذف