 |
#عشقت قمر الصعيد #ندي سامي
البارت السابع
داده سعاد: بتكلمي مين يا رحاب؟!
رحاب بتوتر واضح: دا دا يعني جوزي كان بيطمن عليا
داده سعاد بشك: ماشي يا رحاب روحي انتي علي المطبخ وبلاش تليفونات كتير ها
رحاب: حاضر يا ابله سعاد
تالين وقمر ف اوضه قمر الجديده
دخلت تالين الغرفه وقالت
تالين: اوضتك الجديده اهي يستي جمبي علي طول اي رايك بقا
قمر بفرحه وهي مش مصدقه نفسها انها هتعيش في اوضه زي دي بعد لما كانت عايشه في اوضه الكراكيب في بيت عمها
قمر: رايي ف اي بس يا تالين هو انا كنت احلم اعيش في اوضه زي دي ولا حتي انام علي سرير زي دا
تالين: للدرجادي يقمر اوضتك مكنتش كويسه زي دي
قمر ابتسمت بحزن: اوضه اي يا تالين دول كانوا معيشني في اوضه الكراكيب بتاعتهم وسط الحشرات ومكنش في سرير كنت بنام علي حصيره ومن غير غطا كمان بس ربنا كبير وعوضني بيكم مش متخيله ازاي ناس من لحمي ودمي يبهدلوني كدا وناس قلبهم طيب زيكم ميعرفونيش ويعيشوني عيشه كويسه كدا انا بحبكم اووي والله واتمني باسل كمان يتقبلني زيكم
تالين: يااه يا قمر انتي عيشتي حياه صعبه اووي معلش يا حببتي وانا جمبك ومش هسيبك انتي خلاص بقيتي اختي وربنا عوضني بيكي وبابي ومامي جمبك كمان وابيه باسل ان شاء الله هيفهم ان تفكيره غلط اكيد
قمر: يارب ربنا يخليكوا ليا يارب
نسيبهم شويه ونروح الصعيد بالتحديد في منزل عم قمر
عبدالباسط: انتي يوليه قومي شوفي مقصوفه الرقبه دي مصحيتش لي سليمان بيه علي وصول هو والماذون
مرات عبدالباسط: ماشي ياخويا هقوم اشوفها يكش نخلص منها بجا وتغور من خلقتنا
فتحت زوجه عبدالباسط باب غرفه قمر ولم تجدها وصرخت
زوجه عبدالباسط: الحقني يا عبدالباسط البت مش موجوده
عبدالباسط بغضب وركض بسرعه علي غرفه قمر
عبدالباسط: مش موجوده كيف يوليه
دخل الغرفه ولم يجد بها احد
عبدالباسط: يعني اي البت هربت منينا
قال جملته في دخول سليمان
سليمان بغضب شديد: مين دي اللي هربت يا عبدالباسط؟!
نقف لعند هنا ونكمل بكره
تعديل: اللي مقرأش الروايه من اولها يدوس علي اسمي وهيلاقي باقي الروايه اللي فاتتكم موجوده ♥
تعديل: التفاعل وحش جدا يجماعه وانا كمان بنزل كل يوم يعني ومبطولش عليكم لو لاقيت مفيش تفاعل كويس هنزل مرتين بس ف الاسبوع
يتبع
تكملة الروايه من هنااااااا
تعليقات
إرسال تعليق