 |
#عشقت قمر الصعيد #ندي سامي
البارت الخامس
اشرقت صباح يوم جديد علي ابطالنا واستيقظ الجميع لكي يبداوا يومهم ماعدا قمر الغارقه ف نوم عميق
استيقظ باسل هو ووالده لكي يذهبوا الي الشركات التابعه لهم
رن المنبه ف غرفه باسل استيقظ ودخل المرحاض لياخذ شاور ويتناول الفطار ويذهب لشركته
ناديه قامت بدخول المطبخ مع الخادمين لكي تشرف ع تجهيز الطعام بنفسها
ناديه: داده سعاد جهزي الفطار وحطيه ع السفره واطلعي اوضه تالين وقمر وخليهم ينزلوا يفطروا وكمان عدي علي اوضه باسل خليه ينزل يفطر
صالح الدمنهوري: صباح الخير
داده سعاد وناديه ف نفس الوقت: صباح الخير
صالح الدمنهوري: الولاد منزلوش ولا اي يا ناديه
ناديه:قولت ل داده سعاد هتطلع تنادي عليهم
صالح الدمنهوري: ماشي يحببتي تعالي نقعد علي السفره لعند لما ينزلوا
كان باسل نازل من علي السلم
باسل ولم ينظر لوالده
باسل: صباح الخير
ناديه وصالح الدمنهوري: صباح الخير يبني
وجلس باسل علي السفر ليتناول الفطار
تالين: يلا يقمر يحببتي اصحي عشان نفطر كلنا مع بعض
قمر بنعاس: سيبيني انام شويه يا مرات عمي
تالين: مرات عمك اي يبنتي انسيهم بقا انا تالين
فتحت قمر عيونها ونظرت الي تالين ثواني واستوعبت وتذكرت ما حدث
قمر: لا يا تالين روحي انتي انا مش هنزل عشان باسل اخوكي ميقولش حاجه
تالين: هيقول اي يبنتي بس والله ابيه باسل طيب خالص بس ف مشاكل حصلتلها خليته يتصرف كدا مع اي بنت مش هاي كلاس ومش اوبين مايند وكدا (متفتحه يعني يجماعه) بس مش هسيبك غير لما تنزلي بقا يلا عشان خاطري يقمري
قمر: حاضر بس يعني وكانت خجله
تالين: بس اي يبنتي ما تقولي مكسوفه لي
قمر: اصل يعني ممعيش لبس وهدومي وقعت لما خبطت ف العربيه ومينفعش انزل كدا هو انتي مش محجبه؟!
قالتها قمر بتساؤل
تالين: بصي انا ماما كانت جيبالي دريس وطرحه حلوين اووي عشان اجربهم واتحجب بس انا لسه مش جاهزه يعني للموضوع دا عايزه البسه عن اقتناع هجيبهم بقا تلبسيهم يعيوني
قمر: بس الحجاب جميل اووي يحببتي بصي انا هعلمك يتلبس ازاي ولو معجكبيش يبقا براحتك
تالين: ماشي يعيوني يلا هطلعهم ليكي لعند لما انتي شاور وننزل سوا
قمر: حاضر وذهبت الي المرحاض لتاخد شاور
تالين بصوت عالي نسبياً لكي تسمع قمر وهي ف المرحاض
تالين: ماشي يقمري انا هسيبهم هنا ع السرير وهنزل اجيب حاجه من تحت وهاجي عشان ننزل سوا
نزلت تالين تحت وانهت قمر الشاور بتاعه وبدا ف لبس دريس ابيض شتوي وحجاب من اللون النبيتي
دخلت تالين بعد لما طرقت الباب عده مرات وسمحت لها قمر بالدخول وفجاه!!!
عشقت قمر الصعيد #ندي سامي
البارت السادس
دخلت تالين بعد لما طرقت الباب عده مرات وسمحت لها قمر بالدخول وفجأه!!
وجدت تالين قمر تبكي بشده ومتوتره
تالين: اي دا مالك يقمر بتعيطي لي حد قالك حاجه او ابيه باسل جه هنا تاني يبنتي طمنيني
قمر من وسط دموعها: انا خايفه انزل تحت باسل يعمل مشاكل تاني وبصراحه انا حاسه بالذنب عشان اتخانق مع ناديه هانم وصالح باشا بسببي
تالين: اي اللي بتقوليه دا يبنتي بس لا طبعا انتي ملكيش ذنب وبعدين هما دايما كدا اسأليني انا وضحكت وقالت يلا بقا يقمر ننزل وانتي سكر كدا دا اي الحلاوه دي يبنتي بس
قمر ضحكت برغم حزنها ونزلت مع تالين ليتناولوا الفطار
صالح: ما تتطلعي يا ناديه شوفي البنات مالهم اتاخروا كدا لي
ناديه وهي تنظر بالصدفه
ناديه: لا هما نزلوا اهم
نظر باسل لقمر بصدمه من رقتها وشكلها الجذاب برغم انها ليست شديده الجمال
قال باسل ف نفسه معقول البرائه دي بجد ولا راسمه قناع البنت الطيبه البريئه علينا بس هي جميله اووي ثم قال اي دا يا باسل اللي بتقوله دا انت اتجننت ولا اي مين دي اللي ابصلها اصلا
تالين بخبث: ابيه بااااسل يا ابيه سرحان ف اي كدا وضحكت
باسل بتوهان: ها لا ولا حاجه انا هروح الشركه عندي اجتماع مهم ونظر ل قمر بقرف
قمر اتضايقت جدا وكانت هتطلع تاني بس ناديه نادت عليها
ناديه: تعالي هنا يبنتي اقعدي جمبي عشان تاكلي كويس زي ما الدكتور قال
تالين: الله الله يست ماما وانا بقا روحت فين ولا من لقي احبابه نسي صحابه
ضحكوا جميعا علي مشاكسه تالين لوالدتها
ناديه: انتوا الاتنين وباسل كمان نور عيني من جوا ربنا يعلم انا من اول ما شوفت قمر وانا حبيتها كأنها بنتي اللي خلفتها
قمر: والله يا ناديه هانم وانا كمان حبيتكم جدا واعتبرتكم عيلتي
ناديه: هانم اي يا قمر بس انا اسمي ماما يحببتي دا لو مش هيضايقك يعني
قمر: يضايقي اي يا هانم قصدي يا ماما وعيونها دمعت من الفرحه
فرحوا جميعا لفرحه قمر
صالح الدمنهوري: انا هقوم اروح الشركه التانيه وممكن اعدي علي باسل في الشركه اشوف الاوضاع هناك عامله ازاي
ناديه: وانا كمان هروح النادي عندي مؤتمر
تالين: وانا وقمر هنقعد هنا بقا هفرجها ع اوضتها وننزل نعمل شوبينج
ناديه وصالح: ماشي يحبايبي خلوا بالكم من نفسكم
تالين وقمر: حاضر
ذهب صالح الدمنهوري للشركه وناديه للنادي وقمر وتالين لغرفه قمر الجديده وهناك من كان يراقب البعض
احد الخدامات: الو ايوا يا باسل باشا اه الهانم والبيه نزلوا وتالين هانم وقمر لسه في البيت هينزلوا يشتروا شويه حاجات
باسل: تمام عايز عينك متتشلش من علي اللي اسمها قمر دي طول ما هي ف الفيلا
الخادمه: حاضر يا باشا
فلاش باك:
باسل لاحد الخدامات: بقولك اي انا عايزك تراقبي كل تحركات قمر وتفضل دايما قدام عينك مفهوم
الخادمه: ازاي بس يا باشا دا لو الهانم او البيه عرفوا هيطردوني من البيت
باسل: اسمعي اللي بقولك عليه من غير نقاش ومتخافيش
الخادمه حاضر يا بيه ﺣ حاضر
نرجع بقا لقصتنا
داده سعاد: بتكلمي مين يا رحاب؟!
يتبع
تكملة الروايه من هنااااااا
تعليقات
إرسال تعليق