مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

احببت مجنونة 3( احببتك رغمآ عني)  p6

في غرفة جني بعد منتصف الليل 

جني بتكون نايمه 

ونيفين جمبها بتكون ماسكه تليفون جني وبتراسل شخص وتبصلها بحرص خوف انها تصحا

اليوم التاني في المستشفي 

مراد بيكون خارج من المستشفى وبيتصدم بشهاب وبيكون معاه واحد تاني

شهاب _ مراد؟ 

مراد _ حمدلله علي السلامه جيت امتي

شهاب _ الله يسلمك حبيبي عامل ايه  .. لسه جاي

مراد _الحمدلله، جاي تشوف جودي طبعا

شهاب _ ايوه،  اعرفك دا الأستاذ حمزه،  وده مراد جوز بنت خالي  

حمزه بهيبه _ تشرفنا وبيسلم عليه 

مراد _ الشرف ليا، طيب انا كنت ماشي بس طالما جيت انا هروح معاك 

شهاب _ مش  عاوز اعطلك انا هشوفها وماشي 

مراد _ مفيش عطله ولا  حآجه  تعاله يلا،  

شهاب _ تمام يلا بينا يا حمزه 

حمزه _ تمام بس هستناك في الاستراحة مش حابب اضايق المريضه 

شهاب _ تمام  ماشي 

داخل غرفة جودي 

مراد _ تعاله يا شهاب

جودي بإبتسامة متعبه _ شهااب دا انا نسيتك  

شهاب_  سامحيني مكنتش قادر اجيلكم الف سلامة عليكي 

جودي بتعب _ الله يسلمك 

رودينا_ اخيرآ جيت انت مكنتش هتيجي ولا ايه 

شهاب_ كنت مستني حمزة يخلص شغله وجيت علي طول 

رودينا بإبتسامة_ حمزه هنا بجد، هو فين 

مراد ياخد باله من اهتمامها بشخص ده 

جودي بإبتسامة_ ليكون هو نفسه العريس 

رودينا بإبتسامة _ اه هو 

شهاب_ طيب ايه مش هتيجي تقابليه هو مستنيكي 

رودينا بإبتسامة_ هتكسف اقابلوه لوحدي فين ماما مش قولت هتجيبها معاك

شهاب_ اه جبتها بس كلمت مرات خالي واتفقو يجو مع بعض 

رودينا_ طيب وانا اقابله ازاي دلوقتي، 

جودي بإبتسامة_ بتتكسفي من امتي ههههه

رودينا بإبتسامة_ بس يابت بجد انا متوتره اوى ومش عارفه هقابله ازاي 

مراد يفهم انها بتحاول تبين انها فرحانه _ بسيطه خليه يجي هنا وسطنا كلنا 

رودينا _ ينفع يعني 

مراد_ اكيد اندهو يا شهاب 

شهاب _ تمام، وبيطلع علشان يندهو ومراد يبصلها من تحت لفوق باستحقا.ر _ حقيقي الف مبروك فرحتلك 

رودينا بإبتسامة_ متشكره اوي، يلا بقا انتي كمان شدي حيلك علشان مش هعمل الفرح من غيرك 

جودي بإبتسامة باهته _ ادعيلي

رودينا تحضنها_ بدعيلك من قلبي ان ربنا يزيح عنك الغمه دي ويبعد عنك كل شر 

مراد _ ايوه ماهو ربنا بدأ يستجيب لدعواتك،،، ويقصد ب يبعد عنك كل شر

رودينا بإبتسامة_ طيب الحمدلله، 

شهاب  وحمزه بيدخلو الغرفه،  

حمزه _ السلام  عليكم  

مراد_ وعليكم  السلام  اتفضل 

حمزه _ الف سلامه عليكي يا مدام جودي 

جودي _ متشكره  

رودينا تبصله باحراج وتوتر 

حمزه بإبتسامة _ عامله  ايه انسه رودينا  

رودينا بإبتسامة _ الحمدلله  كويسه وانت 

حمزه _ بخير  طول مانتي  بخير  

مراد يبص عليهم..  لنفسه _ قال يعني مبسوطه والمفروض اصدق انا بس بجد شاطره في الكد.ب بتعرف تمثل حلو

فلاش  باك  

يوم ولادة  جودي 

ملك ورودينا  بيروحو المستشفي مع ياسمين  وهشام ومي عشان يكونو جمبها،  وهي بتكون في اوضة العمليات 

مراد  رايح جاي بقلق 

هشام_ اهدي خيلتنا 

مراد_ اتأخرت ياعمي كل ده 

وفجاه بيسمع صوت بكاء البيبي 

الكل بيفرحو بمجرد سماع صوته 

ياسمين_ صوت البيبي سامعين 

مراد بفرحه_ ايوه صح 

وبعد شويه بتطلع الممرضة وتديلو سفيان الصغير 

مراد يبصله بفرحه وتأمل _ شوفي يا ماما شبهي ازاي 

مي _ ههههه هو لحق يكونلو شبه 

مراد_ اه شبهي، مش صحيح يا حماتي 

ياسمين_ ههههه لا مش صحيح هو شبه جودي 

مراد_ بتهزرو،  رودينا  طيب  بصي انتي  

رودينا تبص لسفيان بتأمل _ ياروحي  عليه،  هو شبهك فعلاً ربنا  يحفظه 

مراد بإبتسامة _ متشكر عقبال ما نفرح بيكي  انتي ويوسف 

ملك _ ما سابته المعتو.ها 

مراد _ سابته؟  ليه 

ملك _ منعرفش  كل  اللي  طالع عليها مش هرتاح وهظلمه 

مراد يبصلها بتركيز وبصوت خافت تسمعه هي  بس _ انتي بتظلمي نفسك،  قولتلك انسي وعيشي حياتك 

رودينا  بهمس_ متديش لنفسك حجم اكبر من الازم،  انا سبته عشان مش مرتاحه انت بره الموضوع، 

مراد _ انتي حره دي حياتك بس لو هتفضلي كده  كتير هتعيشي لوحدك 

رودينا بتهرب_ حمدالله  على  سلامتها،  انا  رايحه  اشتري حآجه ورجعالكم 

بعد وقت مراد بيكون عند جودي لوحده 

جودي_ ايه رأيك في البيبي 

مراد بشرود_ جميل 

جودي_ مالك يا مراد 

مراد بحيره _ زعلان من نفسي اوي 

جودي_ ليه كده 

مراد_ رودينا سابت يوسف وحاسس اني انا السبب، بجد بندم اني اتعاملت معاها 

جودي _ قصدك انها لسه بتفكر فيك 

مراد_ مش عارف بس احساسي بيقولي كده، اشمعنا دلوقتى ماهي مخطوباله بقالها اكتر من سنه ايه اللي جد 

جودي بخنقه_ حساك متعاطف معاها

مراد_  انا شافق عليها، وحاسس اني انا اللي عملت فيها كده 

جودي تسكت بعدم رضا 

مراد_ مالك انتي زعلتي ولا ايه 

جودي_ وعاوزني اعمل ايه وانا سامعه كلامك ده 

مراد_ انا اسف بجد حقك عليه، 

جودي_ ولا يهمك، ممكن نمشي مش قادره اقعد اكتر من كده 

مراد_ تمشي ازاي لازم تقعدي لبكره علي الاقل 

جودي_ لا انا همشي دلوقتى، انا مش والده قيصري علشان اقعد 

مراد_ بطلي عِند مش هينفع 

جودي_ طيب انا زهقانه ممكن تجبلي الاب توب من البيت 

مراد_ في واحده لسه والده تلعب بلاب توب بردو 

جودي_ عشان خاطري هو عليه حاجات بحبها وعاوزه اسمعها بالليل بدال ما احس بالملل 

مراد _ماشي هروح اجيبه، هندهلملك يقعدو معاكي يكون جيت 

جودي_ اوك ماشي 

بيروح مراد ويرجع يلاقي رودينا ماشية من عندها

مراد_ رايحه فين 

رودينا_ كنت عاوزه اجيب حاجتي الباقيه في المكتب قبل ما امشي، 

مراد_ تحبي اوصلك 

رودينا_ لا خليك مع البيبي 

مراد _ ماشي بسلامه... استني، مقولتليش عملتي ايه في الصور صحيح

رودينا _ حذفتهم انا كنت بلعب بس مش لدرجة اعملك مشكله 

مراد بإبتسامة_ متشكر، اتفضلي 

عند جودي بعد ساعة _ 

جودي_ مراد ممكن تحط تليفوني على الشاحن عشان هيفصل 

مراد_ تمام حاضر... بيروح يحطه على الشاحن ويرجع يقعد يقعد جمب سفيان ويتفرج عليه بإبتسامة _ شوفي حلو ازاي، بزمتك مش شبهي 

جودي بتلعب في الاب توب وبابتسامه_ لا بقا هو شبهي انا 

مراد_ يعني هو قمر زيك كده بردو 

جودي بإبتسامة _ ايوه بظبط 

مراد يقرب منها برومانسيه _ عارفه انك وحشتيني اوي 

جودي تسيب الاب توب وتقرب منه وتبصله في عنيه _ وانت كمان وحشتني اوووي تعرف....

وبيقاطع كلامها صوت اشعارات متواصله 

جودي_ مين الرخم اللي قاطع اللحظة الحلوه دي 

مراد بإبتسامة_ سيبك منه 

جودي بإبتسامة_ معلش هات اشوف من مين الرسايل يمكن حآجه ضروريه 

مراد_ حآجه ايه المهم اللي تخليه يبعت لواحده والده 

جودي_ ههههه مش عارفه، يلا بقا عشان خاطري 

مراد_ انا هشوف مين وا.شتمه 

جودي_ ههههه براحه ليكون بابا 

مراد يروح لتليفون ويفتحه وهو مدي ضهره لجودي، وبتتغير ملامح وشه لما بيلاقي الرساله من رودينا على المسنجر وفيها الصور ورساله مكتوب فيها،،، سيبيه قبل ما يسيبك بدال ما ابنك يتربا مع واحد خاين مر.افق السكرتيره، 

مراد  بارتباك _ مفيش حآجه مهمه دي رودينا بعتالك بتقولك انها هتمشي دلوقتي ومش هتقدر تجيلك تانى النهارده 

جودي_ الند.له دي ماشي يا رودينا هوريكي، هات التليفون اهز،قها

مراد_ على اخره شحن، لما يشحن كلميها، وبعدين بيبعت لنفسه  الرسايل  اللي  وصلو من  رودينا على  شكل سكرين شوت وبعدين بيمسح الرسايل من عند جودي ويسيب التليفون علي الشاحن، 

مراد_ معلش ورايا حاجه مهمه هعملها واجيلك فوراً 

جودي_ لا بتهزر هتسبني لوحدي ما انت عارف ان ماما وبابا راحو بيتنا هما وعمتو 

مراد_ مش هتأخر نص ساعة وهرجع 

جودي بخنقه_ طيب ارجع بسرعه 

مراد _ حاضر، بيطلع من الغرفه بانفعال يمشي بسرعه ويركب عربيته وهو بيلـ.ـعن في رودينا، 

في الشركة 

رودينا في مكتبها بتاخد شوية حاجات كانت سيباهم وفجاه بتسمع صوت قفل الباب وبتبص تلاقي مراد داخل عليها وهو شا.يط وبيمسك تليفونه ويفتح المسنجر ويوريها الاسكرينات 

رودينا تبص شويه وتركز في الكلام وقبل ما تنطق بكلمه كان قلـ.م نازل علي و.شها 

مراد بانفعال_ كنت فاكر انك غلبانه وانا قال ايه موجوع عشان علقتك بيه بس انتي من نحيه تانيه، عاوزه توقعي بينا ونطلق، طبعا علشان اتجوزك انتي

رودينا ببكاء وحيره _ محصلش والله ما انا 

مراد بزعيق_ امال ميين مش دي صفحتك ودي الصور اللي قولتي حذفتيها 

رودينا ببكاء و وجع_ اه بس مش انا والله ما انا صدقني 

مراد باستحقار _ رودينا، تمشي من هنا وفي حياتك مترجعيش تانى، ابعدي عني وعن جودي، والا والله هتشوفي مني اللي عمرك ما شفتيه 

رودينا ببكاء_ متظلمنيش بالله عليك انا معملش كده،وهعمل كده ليه اصلا 

مراد باستحقار_ علشان ملكيش عزيز وخاينه وميهمكش غير نفسك، بس خليكي عارفه ان محاولتك المريضه فشلت وجودي مشفتش رسايلك ولا هتشوفها، وانا عمرك ما تحلمي اني ابص في وشك 

رودينا بانفعال_ بقولك معملتش حآجه ومفيش اي مشاعر ليك عندي، انت واخد مقلب في نفسك ودي مشكلتك، وبيقطع كلا.مها قلم تانى، وبعدين بيزقها علي الكنبه ويحاويطها بايده ويبصلها بتركيز _ مش عارفه تخبي عشان انتي مفضو.حه مجرد ما اكون قريب منك بترتجفي وتتوتري وتهربي من البصه في وشي، لو حقيقي مفيش مشاعر مكنتيش هتبقي كده، زي دلوقتي مثلا شايفه منظرك 

رودينا بدموع ورجفه _ من فضلك وسع عاوزة امشى 

مراد بتحذير _ هسيبك تمشي  بس لو رجعتي تانى انا هتصرف معاكي  تصرف يز.علك وهعرف الكل قذا.رتك 

رودينا تبصله بذهول من غير ولا كلمه 

مراد  يبعد  عنها  وبز،عيق _ قوومي يلا 

باك

بيت يوسف 

شذا _ يوسف بتعمل ايه 

يوسف بتعب _ مش بعمل 

شذا _ مالك 

يوسف _ مفيش روحي شوفي بتعملي ايه 

شذا _ طيب قولي مالك انت شكلك تعبان 

يوسف _ ملكيش دعوه بيه 

شذا _ ممكن تهدا شويه وبطل زعيق كل شويه، وريني وتحط ايدها على جبينه 

يوسف يشيل ايدها_ ابعدي عني مش محتاج مساعدة منك 

شذا _ بقولك ايه متزودهاش،  لما تخف ابقا كمل عجر.فه وقلـ.ـة اد..... 

يوسف يجز على سنانه _ امشي من قدامي طيب 

شذا _ مش همشي غير لما تتنيل حرارتك تنزل،  انا هجبلك دوا وهدلكك بشوية زيت ولمون وهتبقا كويس 

يوسف _ ومتنسيش البكينج بودر والبيض هو ايه اللي ادلكك انتي نسيتي نفسك يابت انتي 

شذا بغيظ_ يووسف اتعدل معايا بدال ما انسا نفسي دلوقتي 

يوسف يقوم وهو  شايط_ هتعملي ايه وريني 

شذا برجفه _ ولا حآجه 

يوسف بتعب وبتردد_ طيب ممكن تعمليلي كباية جنزبيل عشان الاحتقان ولا لا 

شذا بإبتسامة _ اه طبعا حالا وبتجري على المطبخ

يوسف بزهق_ لسانها عاوز قصـ.ـه ودماغها ضاربه ورزله اوووي 

بعد شويه بتيجي بالجنزبيل وبابتسامه _ اتفضل،  لكن  هو مبيردش وبيكون نام وبيتمتم بكلمات مش مفهومه من التعب 

شذا تحط ايدها على جبينه  تانى _ دا مو.لع اعمل ايه دلوقتي، لو عملتلو كمدات هيصحا ويرمي كلمتين من بتوعه 

بعد شويه بيصحا يلاقيها قاعده  جمبه وبتعملو كمدات 

يوسف بتعب_ خلاص انا كويس خدي حاجاتك دي وابعدي عني

شذا بهدوء _ بص خف الاول وبعدين كمل والا ممكن  تمو.ت وملقيش حد يز.لني 

يوسف بتعب_ يابنت الناس انتي هتضيعي عمرك وانا مش عاوزك ولا  عمري  هقدر اتقبلك 

شذا _ مش  مهم،  انا  اصلا مش هينفع  اطلق دلوقتي  ناس كتير  مستنيه تشمت،  والكلام هيكتر ف لو تكرمت انا هكمل فترة  هنا وبعدين تقدر تطلقني 

يوسف _ اممم تمام 

شذا _ عنيك فتحت  اهي يلا اشرب الجنزبيل والدوا 

يوسف  يقعد وهي تديلو الدوا 

يوسف _ متشكر،  خلاص روحي لو هتنامي 

شذا _ لسه  بدري،  

يوسف بتردد _ هما مين دول  اللي  عاوزين يشمتو فيكي 

شذا _ ناس بيتمنولي الخير اووي 

يوسف _ اه واضح 

شذا بإبتسامة _ طيب  سلامتك انا هروح  اوضتي لو احتجت حآجه  اندهلي 

يوسف بتردد _ ماشي 

شذا بإبتسامة _ العفو 

يوسف _ العفو؟! 

شذا_ ايوه حسيتك عاوز تقول شكرا 

يوسف _ حساسه اوي انتي 

شذا تحس بتريقة  في  كلامه وبتنهيده _ سلامتك، وبتدخل اوضتها

يوسف بزهق_ ما تهدا على نفسك قالتلك فتره وهتمشي...

في المستشفي عند الدكتور  محمد  صاحب انور 

محمد _ ايه جابك هنا 

انور _ كنت  معدي من هنا  قولت  ادخل  اسلم عليك 

محمد _ نورت ياحبيبي عامل اية انت والمدام 

انور _ تماام وانت اخبارك  ايه 

محمد _ عايش اهو من المستشفي للعياده اللي جمب البيت 

انور _ تلاقيك بتلم الفلوس بالكوريك ههههه 

محمد _ ههههه انبر فيها خلي الناس تخف متعياش تانى 

انور _ صحيح ان مصائب قوم عند  قوم فوائد، ما تشغلني معاك ان شاءلله تمرجي 

محمد _ كنت محتاج حد  ينضف العيادة  ايه رأيك 

انور _ ههههه موافق 

محمد _ اتفقنا...  قولي  بقا في بيبي ولا  لسه 

انور بتنهيده _ لسه 

محمد _ ليه كده 

انور _ ربنا مأردش 

محمد _ وانت ساكت ليه ما تشوف دكتور 

انور _ شوفنا ومفيش جديد 

محمد _ طيب انا اعرف دكتور كويس هيقدر يساعدك 

انور _ لا مش عاوز ك صبا نفسيتها تعبت 

محمد _ ياخي جرب مش هتخسر حآجه 

انور _ مش  عارف 

محمد _ هاتها انت بس وانا هكلمه هو بيجي هنا مرتين في الاسبوع  وهو  تبقا محاولة  اخيره 

انور _ تمام هشوف واكلمك 

محمد _ ماشي ان شاءلله هتفرج على  ايده هو 

في شركة ياسين 

مازن قاعده علي مكتبه وبيبص لجني بإبتسامة وهي مش شيفاه وبعدين بترفع عينها تلاقيه بيبوصلها ومبتسم 

جني لنفسها _ مالو ده.  وبعدين  تكمل اللي  بتعمله  وتتجاهلو،  وهو  بيقوم ويروح عندها

مازن _ ازيك 

جني بجديه_ افندم في حآجه

مازن _ لا حبيت اسلم عليكي بس 

جني بجدية_ شكرا 

مازن _ هو انا ضايقت حضرتك  في  حآجه 

جني بزهق_ من فضلك ارجع مكانك كده هتعملي مشكله،  وفجاه  بيدخل رياض 

رياض _ ايه يا استاذ  مازن واقف وسايب شغلك  ليه

مازن _ أبدآ يا فندم  

رياض _ طيب اتفضل  مكانك 

مازن_ تمام وبيرجع مكانه ورياض بيكلم جني  بصوت خافت_ مالو بيكي  ده 

جني _ معرفش اهو  كل  شويه يتنططلي كده 

رياض _ غلط معاكي  في  حآجه؟! 

جني_ لا خالص 

رياض _ طيب لو اتنططلك تانى  قوليلي نرفده احسن ما ياسين يرفدنا كلنا  بسببه 

جني _ ههههه عندك  حق دا محظرني حد  يبصلي بس 

رياض _ وموصيني لو حد كلمك ارفده انتي ايه جابك هنا ههههه 

جني بإبتسامة _معرفش بفكر

 استقيل 

مازن يبصلهم بطرف عينه  يلاقيها بتضحك معاه علي  عكس تعاملها معاه هو ف يشرد بتفكيره وكانه بيخطط لحاجه 

في  المستشفي 

رودينا و حمزه قاعدين في  الاستراحة 

حمزه بكبرياء_ انتي اكيد  متعرفنيش كويس، انا حمزه بهاء الدين ابن بهاء الدين رجل  الاعمال اكيد سمعتي عنه 

رودينا _ الحقيقه  اول مره  اسمع عنه بس اهلا وسهلا 

حمزه _ غريبه  دا رجل أعمال ومركزه مرموق في  البلد ازاي  مسمعتيش عنه

رودينا  بزهق _ للأسف  مش  متابعه 

حمزه _ مش  مشكله  لما  نتخطب هعرفك علي عيلتنا كلها 

رودينا  بإبتسامة باهته_ متشكره 

حمزه بنرجسيه  _ اتمنا اننا نتقابل تانى الفتره الجايه علشان نتعرف علي بعض اكتر وتعرفي طبيعتي في التعامل وانا بحب ايه واكره ايه 

رودينا  لنفسها _ دا مسألنيش سؤال  واحد  عني باينه من اولها سواد يابا رشدي 

حمزه _ سرحتي في ايه 

رودينا _ ولا  حآجه 

حمزه _ لا قوليلي  انا  بحب اعرف ايه اللي  بيفكر فيه  الشخص  اللي  قدامي 

رودينا _ ولا  حآجه  كنت  بس بقول لنفسي ان حضرتك شخص  محترم 

حمزه _ متشكر  يا انسه،  وانا متأكد  انك هتكوني سعيده معايا 

رودينا لنفسها _ طيب  اديني فرصه احكم انت جبت منين التأكيد  ده...  هو  باين عليه حب الذات عنده عالي بس شكله  كويس،  هتعوذي اكتر ايه من كده،  علي  الأقل تمنعي اي كلام  هيقولو مراد يمكن  لما اتجوز  يقتنع بأني مش  عاوزه  افرق بينهم 

بعد شويه في غرفة جودي 

بتدخل  رودينا  وتلاقي مراد مميل علي جودي بحب وماسك ايدها 

رودينا _ اسفه وبتيجي تمشي لكن مراد بيوقفها 

مراد _ تعالي انتي مش غريبه 

جودي _ رايحة  فين  تعالي  قوليلي عملتي  ايه مع  العريس  

رودينا  بإبتسامة _ وافقت طبعاً 

مراد _ اخيرآ وافقتي علي  عريس،  دا أكيد  في  حآجه  مميزه شدتك ليه 

رودينا تحس بلوع في كلامه _ اكيد كفاية انه شاريني وقدر يخليني اعجب بيه 

جودي _ اعجاااب مره واحده دا انتي  مش  سهله

رودينا _ ههههه هكون  زيك يعني علي  الاقل انا صبرت سنين  بس انتي حبيتي واعجبتي وانتي صغيره،  قادره انتي 

مراد يتأمل ملامح  جودي _ اللي  زيها يتحب من  صغّره  لانها نضيفه من جوه 

رودينا  تفهم انه قاصد يهينها لكن  تتغاضا _ ربنا  يسعدكم ويخليكم لبعض 

مراد _ متشكر  يلا بقا شهلي واتجوزي عشان اردلك الواجب  اللي  عملتيه معايا 

جودي _ واجب ايه 

مراد  يبص ل رودينا _ هي عارفه 

جودي _ واجب ايه يا رودينا 

رودينا  بإبتسامة _ اكيد يقصد يوم ما خطـ.فك اصلي انا ساعدته 

مراد  لنفسه _ عرفت تطلع منها..  بس متقلقيش انا  مش  مستني يوم فرحك عشان اردلك معروفك،  ويقصد الرساله 

جودي _ بتهزري،  انتي  ساعدتيه بجد طيب  ازاي 

رودينا بإبتسامة _ كلمني وقالي علي  الخطه ولو تفتكري انا خليتك تستحمي وتلبسي احلي لبس عندك،  وبعدين  قفلت الباب  من بره وبلغته بان الدنيا  تمام 

مراد _ ههههه اتصدمتي صح،  صحبتك مش  سهله خدي بالك 

رودينا بزهق _ بتعلم منك،  اسيبكم شويه وراجعه، وبتمشي

مراد _ طيب  حبيبتي  انا  هوصل الشغل ساعه  وراجعلك 

جودي _ ماشي  حبيبي هتوحشني 

مراد _ وانتي كمان 

برا الغرفة رودينا بتكون  واقفه وبتقلب في  التليفون  واول ما بتلمحه بتجيب اكونت حمزه وتعمل انها  بتتفرج علي  صوره

مراد ياخد منها  التليفون ويبص بتطفل _ لا حلو بجد عرفتي  تختاري 

رودينا  تاخد  منه  التليفون_ شكرا 

مراد _ حاولي  تعجلي بالفرح شويه عاوزين نفرح وكمان علشان  نفسية جودي تتحسن

رودينا بحيره _ كنت تقصد ايه بأنك تودلي معروفي 

مراد _ اتجوزي بس  وانا هقولك  علشان  دي مفاجأة 

رودينا  بتحذير_ لو عملت  حآجه كده  ولا  كده هتزعل مني بجد 

مراد بحده_ متهدد.يش انتي  ليكي  عندي  معروف وهيترد انتي  فاهمه 

رودينا _ ولما تردهولي هترتاح يعني 

مراد _ طبعا ودي محتاجه  كلام 

رودينا  بتركيز في  عنيه _ ماشي طالما  هترتاحي انا  مستعده 

مراد _ اللي  يشوفك يقول  مش  فارق  معاكي الي  ممكن  يحصلك

رودينا بتركيز ودموع تبتدي تنزل _ برغم اني معملتش حآجه،  بس  طالما  أذيتي هتخليك تهدا وترتاح انا مستعده 

مراد بشرود _ مش  هتصعبي عليه،  ويمشي ويسيبها وهي تبص عليه  لغيت ما يختفي عن  نظرها

اراكم وتوقعاتكم وان شاءلله يخليكم راعو شعوري شويه تعبت من الاراء  السلبيه 😭

تكملة الروايه من هنااااااا