 |
# طعنةُ من قريب
# الجزء الثاني
# البارت 5
سليم وهو خارج من الشقة : هاجى وصدقينى المرة الجاية هموته !؟؟؟
ولو مكنش وهو فى بطنك !!؟؟
هموته وهو قصاد عينيكى !!؟؟
فى اوضتى ومروان ماسك أيدى بدموع وهو بيوسينى بعد ما صحيت من غفوتى الغبية دى
مروان : ما تستسلميش لكلامه يا هنا
رديت عليه بدموع : هو أنا طلعت مجنونه وعبيطة وساذجة لدرجادى طب ازاى !؟؟
أنا طلعت عايشه طول حياتى وسط ناس مستعدين يموتونى ويقضوا عليا فى اى لحظه أنا بقيت بشك فى نفسى وفى صوابع ايديا من كتر الخوف أنا خايفه منك أنت شخصيا يا مروان
شوف بعد اللى عملته معايا لسه خايفه !!؟؟
جاه جنبى على السرير واخدنى فى حضنه : كملى يا هنا !؟
فضفضى يا روح مروان !؟؟
كملت بوجع أكبر : أنت مش عارف يعنى ايه أخت تنصدم فى اختها ويعنى إيه زوجه وشريكة عمر ودرب تنخدع فى قلبها وحبيبها !؟؟؟
أنت عارف يعنى ايه حد يعتدى عليك وأنت مش عارف انت فى دنيا تانية ولا حاسس بيه ولا إيه !!؟؟؟
أنت مش هتقدر تحس بكسرة ضهرى بعد موت أبويا وخرجوا من حياتى من غير ضهر وراجل اتسند عليه كان هو حمايتى من الدنيا
وماما اللى لسه دمها ما بردش فى تربتها مش عارفه أعبر عن كسرتى وضعفى والله مش قادرة !!؟
هشمونى كسروا كل حاجه فيا ما سبوش حاجه حلوة أو كويسة فيا اقدر أكمل بيها !؟؟؟
فضل يحسس على حجابى بخفة لغاية ما روحت فى النوم
الدكتور جاه وأنا نايمه وإدانى حقنة مهدئة عشان ضغطى واطئ والدكتور قال لمروان
الدكتور : دكتور مروان خلاص
المريضة على مشارف الولادة ولازم الراحة الفترة الجاية وميكونش فيه ضغط عصبى أو أى حزن ياريت عشان سلامة البيبى وسلامتها قبل أى شئ
مروان وصل الدكتور وجاه غطانى وفضل نايم قدامى على الكنبه
صحيت الصبح على شكله وهو نايم قومت وأنا بتسند على الجدران بتاعت الأوضة وقربت منه عشان اغطيه بس سرحت فى ملامحه الجميلة اللى لأول مرة أخد بالى منها
غطيته كويس وميلت قدامه وردفت بألم : يا ترى أنت كمان جاى تكمل عليا !؟؟
ولا جاى تسند روحى وقلبى وحياتى إللى بقوا على مشارف الوقوع
بس وأنا بغطيه لمحت أثر حقن على رقبته كتيره وكأن رقبته بقيت عامله زى الخريطة من كتر الحقن اللى بياخدها
اتنفضت من قدامه وفضلت اتسند لغاية الحمام بخوف وأنا بقرأ فى سرى أية الكرسى من سورة البقرة
دخلت الحمام وبصيت المرأيا بدموع وردفت بقوة ولمعه احتلت عيونى
: شكلك كده يا مروان وراك حكاية كبيرة قوى !!؟؟؟؟؟؟؟؟؟
يتبع .….….…..خرجت من الحمام لاقيته قصادى وهو بيبص لى بحنان غريب وردف بحب : صباح الخير يا ماما هنا
أبتسمت أيوة ضحكت فرحت قوى بكلمته ليا وأنى هبقى أم خلاص
ردفت لي من بين ضحكى : صباح النور يا بابا مروان
مسك خدودى بصوابعه بخفة وقالى : بابا طالعه منك زى الشربات يا روح مروان
وشى اتحول لعصير طماطم بس من بتاع المحلات الاحمر قوى ده 😂😂
وحمحمت بخجل وقولتله : هدخل أعمل فطار ما تمشيش غير لما تفطر
بص لى بعشق غريب وهو بيلفح بأنفاسه العاشقة دى وشى : أنا مش همشى أنتى هتيجى معايا يا ملاكى
بصيت لي بأستغراب : هنروح فين !!؟؟؟؟؟
رد عليا بنفس العشق : هنروح بيتنا يا زوجتى !؟؟
انتبهت لكلامه اكتر بعد ما كنت سرحانه فى ملامحه إللى بقيت بحبها من ثوانى
: ازاى يعنى هنروح بيتك !؟؟
وأنت بتقولى زوجتك ليه !!؟
إحنا لسه ما تجوزناش !؟؟
مروان : هيحصل يا حبيبتى !!؟؟
أجهزى النهاردة كتب كتابنا عايزك تكونى قمر وأنتى قمر من غير حاجه
هنروح البيت أنا جيبتلك فستان أبيض بسيط خالص هيزداد جمال على جسمك يا هنا
و هجيب المأذون البيت ونكتب الكتاب النهاردة إيه رأيك !؟؟
وقفت مبلمه مش عارفه أنطق بس قولت كده كده هو معايا وعيب لما يبقى قريب منى قوى كده وهو ما يقربليش حاجه
والصراحة كده شكلى بدأت اتعلق بيه والله أعلم 😂😂
هزيت رأسى بموافقه زى الأطفال
قرب منى اكتر وقالى : هتبقى مرآتى يا هنا عيونه دمعت قوى وبدأ يبكى
بس أنا استغربت هو ازاى حبينى وليه !؟؟
أنا بنى أدمه محطمه من كل حاجه فيا ازاى حبينى !؟؟؟
مسحت دموعها بأيدى بس وأنا بمسح دموعه مسك أيدى وباس أيدى بحنان رهيب جسمى فجأة اقشعر وحسيت أن قلبى بينبض قوى بغباء
سحبت أيدى بخفة وقولتله : عيب يا سطا مروان إحنا فينا من كده 😂
ضحك اه كان نفسى اشوف ضحكتك دى من زمان وحشيتنى من آخر مرة
الصراحه يعنى بقيت مُدمنه لضحكه مروان !؟؟؟
بعد ساعات طويلة من اليوم عديت مروان اخدنى وراح بيا الشقة أول ما دخلت جالى صاعقة من اللى شوفته اتهزيت قوى وفضلت أعيط بحرقة وصوت تنهيدتى وعياطى بيزيد : مروان كل ده ليه !!!!!!؟؟؟؟؟؟
يتبع ..............
# طعنةُ من قريب
# الجزء الثاني
# البارت 5
بقلمى /
روان محمد صقر
بصوا يا جماعة الناس اللى بتقول البارت قصير
قدرت اطوله وبعدين الفترة الجاية هيبقى كل يوم بارتين صغيرين الرواية ما بقتش رخمه ولا حاجه الرواية لسه فيها أحداث وتشويق كتير مش عارفه مليتوا بسرعة كده ليه 😔😔😔
# طعنةُ من قريب
# الجزء الثاني
# البارت 6
بعد ساعات طويلة من اليوم عدت مروان أخدنى وراح بيا الشقة أول ما دخلت جالى صاعقة من اللى شوفته اتهزيت قوى وفضلت أعيط بحرقة وتنهيدتى وعياطى بيزيد : مروان كل ده ليه !؟؟
أول ما دخلت لاقيت الشقة متزينة بطريقة حلوة قوى تليق بكل حاجه حلمت بيها وبلونات على شكل قلب وبلونات لونها ازرق احتفالاً بطفلى اللى على وصول خلاص
كملت وأنا ببص لي بعشق مش عارفه طالع منين والله بس تقريباً كده ده طالع من قلبى والله أعلم : أنا ما استهلش كل ده يا مروان والله
حاوط بأيده وشى وقرب عليا بحذر وعشق
مروان : أنتى تستاهلى اكتر من كده يا هنا
مسكت أيده اللى على وشى وبوستها بحنان أول مرة أحس الإحساس ده والله أنا محستوش قبل كده حتى مع سليم وقربت اكتر منه وكلمته بعيون مليانه دموع ممزوجه بعشق : أنت بتحبنى بجد ولا بتضحك عليا وعايز تكسرنى زيهم
عرفنى إذا كنت فعلاً حابب توقف جنبى ولا عايز تعمل زى ما عملوا معايا وكسرونى !؟؟؟؟
مروان ساعتها وعدنى وعد لو احلف سنين قدام أنى حسيت أن وعده ده خارج من قلبه مش من لسانه وعدنى وعد طالع بروحه وقلبه والصراحة بقى الوعد خيم على وروحى وقلبى أنا كمان
مروان : أنا أقدر اكسرك !؟
وعد منى ويشهد عليا ربنا أنى عايز أسعدك و أقف فى ضهرك لغاية ما ربنا ياخدنى عنده وعد من قلبى يا قلب مروان أنى مش هخذلك زيهم إلا أنتى والله عندى أنتى كنز لاقيته ومش هفرط فيه إلا بروحى
تاه فجأة وقال حاجه أنا مفهمتهاش
مروان : ده أنا مصدقت لاقيتك بعد كل السنين دى يا هنا !؟؟؟؟؟؟؟؟
حضنته بطفولة وهو ردف حضنى بعشق وشغف الدنيا
خرجت من حضنه وجريت على أوضة من غير ما أعرف هى أوضة مين !؟؟؟
دخلت واتصدمت وفضلت واقفه مبلمه وبضحك بهستيريا من كتر الفرحة لاقيت بلونات زرقة مكتوب عليها أهلا بطفلى الغالى
وسرير صغير قوى باللون الازرق والابيض وكروت مكتوب عليها دعوات حلوة قوى وألعاب كتيره الاوضة كانت تهبل وهدوم لطفلى شكلها يجنن وصغنونه قعدت على الأرض وبكيت وحسست على بطنى بسعادة غامرة قلبى وخلاص سكنت جواه روحى : أهلا بيك يا روح ماما
باين كده أنت هتيجى على حياتى وهتجيب معاك السعادة وانت جاى يا سند
ماما وبابا مروان بيحبوك قوى
فجأة لاقيت مروان ماسك أيدى اللى على بطنى بخفة وفضل يكلم سند
مروان : أنت يا شبلى الصغير أوعى تتعب ماما فى آخر أيام ليك جواها اتفقنا
ضربته على كتفه وقولتله : لا مسموش شبل يا أستاذ إسمه سند هسميه سند يا مروان
فرح قوى بالاسم
مروان : من ساعة ما عرفتك وأنتى مميزة يا روح مروان حتى الأسماء مميزة شبهك ❤️❤️
حمحمت بخجل
مروان : أنا خارج اشترى شوية حاجات و أكلم المأذون بالمرة يجى وأنتى أجهزى يا روح مروان
خرج من البيت وأنا فضلت استكشف فى المكان !!؟؟؟
مروان وهو فى الطريق
مروان : ازيك يا شيخنا الفاضل أنا كنت عايزك تيجى النهاردة تكتب كتابى وأنت زى أبويا ونفسى أنت اللى تكتب كتابى ممكن !؟؟
الشيخ بفرحه : أكيد يا دكتور مروان ده أنت نولتنى الشرف ؟!
مروان : ده أنا اللى هيزدنى شرف
بس فى حاجه يا شيخ كنت عايز استفسر عنها
الشيخ بأستغراب : قول يا مروان يا بنى قلقتينى
مروان بقلق مبالغ : لا الموضوع ما ينفعش على التليفون هجيلك المسجد
الشيخ : مستنيك يا بنى
وصل مروان المسجد ورحب بيه الشيخ جدا
قعد مروان وحكى الشيخ كل حاجه حصلت مع هنا وأنها حامل وأنه هيتجوزها عشان هو بيحبها ومحتاجها فى حياته
الشيخ بعد ما مروان خلص كلامه بص لمروان بقلة عقل
الشيخ : أولا فعلك صحيح وأنك تنتشلها من الوجع والظلم اللى حصلها ده شئ كويس وليه ثواب كبير عند ربنا
كمل بوجه مليان غضب : وأنت مش عارف يا دكتور مروان أن لايجوز أنك تتجوز من ست مطلقة وحامل إلا بوضع جنينها ولا إنجلترا ما علمتكوش الحاجات دى
مروان بتفهم : بس هى مش عارفه هى حامل من مين يا شيخنا
الشيخ وهو بيملس على ايد مروان : طب لما تتأكد وحتى لو مطلعتش حامل من طليقها برده لازم ما تغلطش
إلا ده يا بنى متوقعش فى الشرك وأنا بنفسى بعد ما تجيب المولود بإذن الله هاجى بنفسى اكتب كتابك
خرج مروان بعد ما شكر الشيخ وهو تايه طب هيعمل ايه وهيتصرف ازاى
بس أصر أنه لازم يعرف مين ابو الطفل ده ولازم ينهى أى علاقة ممكن تبعده عن هنا !؟؟؟؟؟؟؟؟؟
فى شقة مروان
أنا فضلت استكشف المكان بتعمق اكتر لغاية ما دخلت أوضة غريبة قوى من حيث كل حاجه الديكور وألوانها كانت مميزة عن كل الغرف تحس أنها مش من ضمن البيت
دخلت ولاقيت مكتب قعدت على الكرسى بتاعه وفضلت سرحانه فى ديكور الغرفة لغاية ما لاقيت دفتر مكتوب عليه
إلى زوجتى العزيزة لم أهديكِ شئ سوا قلبى ولكنى والله كنت على استعداد أن أعطيكِ روحى وحياتى ولكنه القدر يا صغيرتي الذى حال بينى وبينك وبين ثالثاً مازال مستقراً بإحشائك اطمئنى وارقدى أنتى وطفلى بسلام فأنا سأتحسن ولكن أن مت لا تلفظينى من قلبك لا تجهضى حبى منكِ يا كل علمتِ قلبِ الحياة وأصبحتُ لا أبصر إلا حبكِ وحياتكِ أنتِ أنارتِ عتمتِ بقلبك وحبك لى ولكن بعد رحيلك كيف تعود حياتى إلى رشدها أخبريني فوالله أنى احتضر على غيابك يا رفيقة القلب والروح والحياة ورفيقة كلى يا كلى
" من زوجك ورفيق دربك : مروان العمرى إليكِ أنتى يا هناً قلبى وكلى "
ارتعبت وبكيت بحرقة مين دى!؟؟؟ وأي اللى حصلها !؟؟؟
و أى ده !؟؟؟
أسئلة كتيرة كانت فى دماغى
وافتكرت الحقن اللى رقبت مروان اللى كنت نسيه وقولت لنفسى لازم أعرف أى حكايته هو كمان لازم اعرف مروان مخبئ أى عنى أنا معرفش عنه حاجه
وفجأة ومن دون سابق إنذار لاقيت حد بيكتم انفاسى من وراء ضهرى وكان ماسك سكينة فى أيده وجهه على بطنى بسرعة رهيبة وفجأة كانت السكينة جات فى قلبى وحياتى طعنت كل حاجه فيا هزت كيانى وروحى مرة واحدة
قتلت اللى بقى من حب حد فى حياتى ❤️❤️❤️❤️
يتبع .....
#طعنةُ من قريب
# الجزء الثاني
# البارت 6
بقلمى /
روان محمد صقر
وما تقلقوش أحب أقول الكلمة دى بس عشان أنا شايفه ناس هتموت وتعرف أى اللى حصل ما تقلقوش محصلش حاجه 😂😁🌚🌚❤️❤️
تعليقات
إرسال تعليق