 |
روايه/(مكتوب بدمي )
بقلم/(مني سليم)
الفصل/ : السابع
عدى يومين وخال هنا وصل المنيا
هنا : اسمعني يا خال اوعى تسيب اي حد فيهم يخرج لوحده
وبالذات احمد وخلي بالك منهم ومتخلهمش يجيوا غير لم انا اقولك
سعد: حاضر وخلي بالك انا بعمل كده بناء على وصيه ابوكي
لولا كده انا ماكنتش سبتك وحدك هنا ابدا
( سعد المصري رجل أعمال قوي وله اسمه معروف باعماله الخيريه وفى نفس الوقت مش بيسامح إللى بيغلط في حقه
اهم حاجه عنده سلامه عيلته ده رقم واحد عنده)
هنا: انا محدش يقدر يقربلي متقلقش
سعد: لو تقوليلي مخبيه ايه هارتاح
هنا : هخبي إيه يعني مافيش حاجه سيبها على الله ويلا
عشان تسافرو قبل اليل
زينب: خلي بالك من نفسك وكلي كويس
هنا: ماشي ابقي طمنيني عليكي، وحضنتها
احمد ببكاء : تعالي معانا ياهنا
هنا: كلها كام يوم وهاجي عندك اهم حاجه تسمع كلام خالك وماما اتفقنا
احمد: اتفقنا. بس متتاخريش عليا
هنا: حاضر ياقلبى وبصت لا نورهان وايمي وحضنتهم
ركبوا العربيه ومشيت وهنا فضلت واقفه حتى غابوا عن عينيها وبعدها طلعت تيلفونها واتصلت بحاتم
هنا: الو.....حاتم
حاتم: اخيرا انا كنت هموت واسمع صوتك انتي كويسه
هنا: انا عايزه اشوفك ممكن
حاتم: إيه بتكلمي جد
هنا : اااه
حاتم: اكيد وحشتك زي ما انتي واحشتيني صح
هنا بدموع: اخلص يا حاتم انا مستنياك عند ستي متتاخرش سلام وقفلت على طول
...................
حاتم: انا خارج يا امي عاوزة حاجه
صباح: رايح فين .....ووشك ماله مخطوف كده ليه
حاتم: مافيش هنا اتصلت وقالتلى اروحلها عند. ستها
صباح: طب ده خبر حلو يفرح بس وشك بيقول العكس
حاتم: مش عارف بس قلبي مقبوض صوتها مش مريحني
صباح: انت متهيألك والبنيه إللي شافته مش سهل روحلها واستعيذ من الشيطان الرجيم
حاتم: اعوذ بالله من الشيطان الرجيم
انا ماشي سلام
صباح: مع السلامه ربنا يستر طريقك
ف بيت مصطفى
مصطفى على آخره وبيكسر كل حاجه حواليه
وبيصرخ حتى لم مت سبقني بخطوه ليه الحظ
معاك دايما. ليييييه
عبد الله: يعني كل إللي عملناه راح بلاش
مصطفى: بضحكه صفره: اهم حاجه خلصت منه واللى جاي كله سهل
عبد الله: ما تستهونش بهنا انت مشوفتش بصتها ليك عامله كيف لا وأمها واخواتها إللى بعدتهم عن هن اكيد ف راسها حاجه حقه دي تبقى مصيبه لو كانت عارفه حاجه من إللي عملناه
وفاء : خير عملتوا إيه
عبد الله: ها لا ولاحاجه انا ماشي سلام
وفاء : وانت هتمشي ولاهقولي عملت إيه
مصطفى: يوووووه انتي حاشره منخيرك ف كل حاجه
انا كمان ماشي ارتحتي اكده
وفاء: اقطع دراعي ان ماكنت انت وابنك عاملين مصيبه وانا لازم اعرفها
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
ف بيت العيلة:
عواطف: شوفي مين إللى بيخبط
ناديه: حاضر ياما
إزيك يا حاتم تعال ادخل جوه ياما ده حاتم
عواطف: تعال يا حبيبي امك وأبوك عاملين ايه
حاتم: الحمد لله كويسين وبيسلموا عليكي ياستي
هنا و ف ايديها صندوق نازله من على السلم ببطئ وكأن مش عايزه الدرج ينته
هنا ببرود : أخبارك إيه
حاتم بإستغراب: الحمد لله. وانتي اخبارك ايه والجرح خف على فكره انا بقالي اكتر من شهر بحاول اشوفك وانتي كنتي
مش بترضي
هنا: احم احم بعد اذنك يا ستي هتكلم انا وحاتم ف الجنينه بره
عواطف: روحي يا بتي
هنا : يلا يا حاتم ..........ومشيوا
عواطف: هات العواقب سليمه يارب
ف الجنينه
حاتم : واحشتيني قوي قوي
هنا مش عارفه تقوله هو كمان واحشها اكتر ممايتخيل لتقول لقلبها احنا بنعمل كده عشانه. لازم يكرهنا لازم لترد بقوة لاتعرف من أين أتت
هنا : اسمع يا حاتم احنا مش هنكمل مع بعض
حاتم: دايما هزارك دبش كده هههههه
هنا : انا مش بهزر ومعنديش وقت إللى عندي قولته
حاتم: بصدمه: ايه هو إللي عندك ؟
هنا: اللي سمعته انا مش هكمل معاك
حاتم: اهدي انا عارف ومقدر إللي انتي شوفتيه خلينا نقعد ونتكلم واكيد هنلاقي حل بس ماقوليش كده
هنا وهى تتجنب النظر لعنيه لتحافظ على قوتها قدامه
بتتكلم بصوت عالي لدرجه أن الكل دخل على صوتها
هنا: اسمعني كويس انا لم وافقت ع الجوازه ديه كان عشان ابويا وولاء بس بعد إللي حصل انا مش مضطرة اكمل معاك
حاتم بضيق: وطي صوتك كله بيتفرج علينا
هنا: خليهم يسمعوا يابن الهواري انا مش عايزاك وخد شبكتك وحاجتك واتاكل على الله خلاص فضينا المولد
حاتم بحزن وقهر: بس انا بحبك زي مانتي بتحبيني عشان خاطري مضيعيش حبنا بايدك
عواطف: استهدي بالله يا بتي
هنا بتعب مايعلم بيه غير ربنا: يووووه ماخلاص ياخي خلي عندك كرامة
حاتم بضيق: عندك حق لازم يكون عندي كرامة عشان كده حبي ليكي هيتحول كره وبكره تشوفي ....ولسه هيمشي ويوقفه صوت هنا
هنا : خد حاجتك معاك
حاتم: انا ليه عندك حق ومش هسيبه وادي الحاجه ليرميها على الارض وشعل عود كبريت وحرقها وقالها اعتبري حبي ليكي ف قلب النار ومافيش في قلبي غير الكره ليكى وسابهم ومشي
لتنزل كلماته على قلبها كساككين بتقطع فيه
عواطف: ليه يا بتي عملتي كده ده. كان شاريكي
هنا: معلش يا ستي انا مش قادره اتكلم وعايزه انام
لتتركهم وتمشي وراحت اوضتها وقفلتها على نفسها وابتدت بالبكاء الشديد وحطت ايديها على قلبها وقالت خلاص بقى بيكرهنا خلاص ونزلت على الارض وتقول يارب ليه كل ده حصل ليه وبعد شويه سمعت التلفون بيرن مسحت دموعها وفتحت
هنا: ايوا يا عم سعيد عملت ايه ؟
سعيد : كله تمام زي ما قولتي بالضبط
هنا: اهم حاجه مش عايزه غلطه
سعيد: ماتقلقيش كله هيتنفذ بكره
هنا: ماشي نتقابل ف. المصنع بكره ان شاء الله
سعيد: ماشى عايزه حاجه
هنا:تسلم
هنا: اجهز يا مصطفى لبكره هتكون دي بدايه نهايتك
ايه اللي هيحصل ده إللي هنعرفه بكره
هستنى تفاعلكم وتعليقاتكم بالله عليكوا تفرحوني ف رعايه الله 😗😗😗❤❤❤❤❤❤❤
✍✍✍✍منى سليم
روايه. (مكتوب بدمي )
بقلم/ منى سليم
الفصل. / الثامن
ثاني يوم الصبح قامت هنا وهي تتوعد لمصطفى
دخلت الحمام اخدت شاور وطلعت اوضتها لقيت
الدبله ع السرير مقدرش تسيطر على دموعها وقطع
تفكيرها رنه تيلفونها لتمسكه وتمسح ودموعها وردت
هنا. / ايوه يا عم سعيد
سعيد/ إيه يا هنا هتيجي امتى؟
هنا. / ساعه واكون عندك ...كل حاجه زي ما اتفقنا
سعيد. / دي صبحيه سوده على دماغه
هنا. / تمام .....انا مسافه السكه وجايه
لتقوم هنا وتبدل ملابسها بأسرع وقت
ف بيت حاتم
صباح. : ياحبيبي قوم نام شويه ده انت طول الليل مانمتش
حاتم. : لو سمحت ياما عايز اقعد لوحدي
صباح. : اسيبك واحدك وانت ف الحاله دي ازاي
حاتم بضيق: هتسيبيني لوحدي ولا امشي واسيبلك البيت
صباح. :حاضر ..... .ربنا ينتقم من وصلك للحاله دي
حاتم بهمس: بعد الشر...بعد الشر ، انا عارف ان غصب عنك وان فى سبب خلاكي تعملي كده وانا لازم اعرفه ده معناه
اني مش هاسامحك لما صوتك علي علي ازاي تعلي صوتك على زوجك المستقبلي وابتسم ابتسامه خفيفه
ف. المصنع:-
مصطفى: تمام الطلبيه هتوصل في ميعادها ان شاء الله
بتدخل هنا وتفتح الباب بقوه وتقول
طلبيه ايه اللي هتوصل في ميعادها يا عمي ما فيش حاجه هتخرج من هنا الا باذن مني
مصطفى: وانتي ايه فهمك شغلنا
هنا: والله الميل مالي وانا حره فيه
العميل: ايه ده يا حاج مصطفى ومين دي ازاي تدخل علينا بالشكل ده ما هو مش كلام عيال
هنا: طب العيله دي بتقول لك ان الاتفاق اللي بيننا اتلغى وملكش عندنا طلبات شف مصنع لحوم ثانيه اتفق معه يلا تفضل بره من غير مطرود
العميل: ايه ده يا استاذ مصطفى مين ده وازاي بتتكلم معي بالشكل ده انت عارف انا ممكن اعمل ايه
هنا : ما ترد يا عم ساكت ليه قل له انا ابقى مين
مصطفى: اهدا يا حاج مسعود دي هنا بنت اخويا والمصنع دلوقت ملكها ولها حريه التصرف في اي حاجه
هنا: سمعت يا عم الحاج
الحج مسعود: ايوه سمعت وانا ماشي دلوقت واكيد لنا قاعده ثانيه ما يكونش فيها عكننه زي دلوقت يلا السلام عليكم
هنا: حضرتك تشرفنا وقت ما تحب وعليكم السلام ورحمه الله
هنا بتبص لسعيد وكانها بتسالوا فين اللي اتفقنا عليه وبعد شويه سمعت تليفون مصطفى بيرن فبتسمت ابتسامه خبث
مصطفى: الو. مين .......... يا نهار ابوك اسود ازاي ده حصل اقفل مسافه السكه واكون عندك هي صبحيه باينه من اولها
ليخرج مصطفى مسرعا وكلم عبد الله انه يحصله وهنا سالت يا عم رايح فين قال لها اه اه لا ما تاخذيش في بالك ومشي من المصنع
هنا : تسلم يا عم سعيد يلا كلم الرجاله قل لهم حسابكم هيوصل لكم بالليل ان شاء الله واشكرهم قوي
سعيد: يلقاه دلوقت بيعيط زي النسوان بس الخطه اللي انت قلتيها ما تجيش على بال ابليس نفسه
فلاش باك""
هنا : الو يا عم سعيد انا كنت عايزه منك خدمه
سعيد : اؤمري يا ست البنات
هنا : كنت عايزه منك تجيب رجاله تكون واثق فيها علشان يقضوا مصلحه
سعيد : ايه هي المصلحه دي
هنا : هنحرق مزرعه المواشي بتاع عمي طبعا بعد ما يطلعه كل البهايم اللي فيها
سعيد : طب ما نحرقها بالبهايم اللي فيها وتبقى خساره من كله
هنا : يا عم سعيد انا سمعت ستي بتقول لتاخذ العيل بذنبي والديه ولا البهيمه بذنب اصحابها وهناخذ ايه لما نحرقهم احنا هناخدهم وهندبحهم ونوزعهم على الغلابه اهو نكفر شويه من ذنوبه اهم حاجه الرجاله اللي هتجيبهم تكون واثق
فيهم
سعيد : ولا يكون عندك هم بس هياخذوا فلوس كثير
هنا ما يهمش الفلوس المهم اللي قلت لك عليه يتنفذ في اول يوم هادخل فيه المصنع عشان يبقى ذكرى لي ولمراته يلا نشوف هتعمل ايه وابقى كلمني سلام.
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
ابتسمت هنا وقالت في نفسها دي البدايه اجهز يا عمي للي جاي عشان هيبقى ثقيل عليك قوي اللي جاي هيبقى ضرب نار وريني هتعمل ايه لازم ابيعك اللي قدامك ووراك
..........................................
ف المزرعة
مصطفى: كيف ده حصل وازاي وانتم كنتم فين يا بهائم
الغفير ١: هي بيهدي لو كانوا كثير و خدونا على خوانه
الغفير. ٢: يا بيضه كانوا معهم سلاح كثير قوي وبعد ما ضربونا وعملوا اللي عملوه
عبدالله: يا ابويا المزرعه فاضيه ما فيش اثر لاي بهيمه يعني سرقوا البهائم وبعديها حرقوه المزرعه
مصطفى: ااااه عايزكم من هنا لسواد الليل تعرفوا مين اللي عمل كده فااااااهمين
ليرد الكل بخوف فاهمين يابيه
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
ف المصنع
هنا قاعده وكانت بتتخيل شكل عمها لما يشوف المزرعه كانت تتمنى لو تشوفه وهو. مقهور على مزرعته لانها عارفه
هو تعب فيها قد ايه ليقطع تفكيرهارنه الموبيل بصت ولقيت
نيفين
هنا : ايوا يا نيفين اخبارك ايه
نيفين : انا كويسه المهم انتي عامله ايه
هنا: تمام عايشه
نيفين: متجيش الجامعة ليه انتي عارفه بقالك قد ايه مش بتيجي
هنا : كل جامعه وانتي طيبة انا مش هروح تاني
نيفين: بتهزري
هنا: تؤتؤ بتكلم جد
نيفين: اه انا كده فهمت بص يا هنا انا صاحبه عمرك ومش هاسيبك تدمري نفسك بايدك لو ما جيتيش الكليه انسي اللي لك صاحبه اسمها نيفين انا عارفه ان انت بتعدي بيه صعب بس ده مش على حساب حلمك وكمان دا كان حلم ابوكي فاكراه وقفلت التليفون
هنا : بتصعبيها علي ليه يا رب يقف معي وما تسبنيش ليه خبط الباب.......... ادخل
سعيد: صاحبك قايد نار وعمال يلف حوالين نفسه
هنا : تمام خلي عينك عليه
وفاجاة باب المكتب اتفتح
هنا: انت إيه إللي جابك ؟........
؟؟؟؟؟؟؟؟؟؟؟
يارب يعجبكم ف رعايه الله 😗😗😗😗
مكتوب بدمي❣❣❣❣❣❣❣
مني سليم ✍✍✍✍✍✍
أتفاعلواا😉😉😉😉😉😉
تكملة الروايه من هنااااااا
.
 بقلم/(مني سليم) الفصل/ : السابع عدى يومين وخال هنا وصل المنيا هنا : اسمعني يا خال اوعى تسيب اي حد فيهم يخرج لوحده و…){kind=link}
تعليقات
إرسال تعليق