 |
روايه. (مكتوب بدمي )
بقلم. ( مني سليم )
الفصل. ( التاسع)
وفاجاة الباب اتفتح
هنا: انت إيه إللي جابك
صباح: انتي إللي بتعملي ايه
هنا : انا هنا في مصنعي
صباح: ده مكتب جوزي
سعيد: اسمعي ياست ام حاتم ده كان مكتب الاستاذ محمد
وبعد ما ربنا افتكره الأستاذ كامل الهواري بقى بيباشر الشغل
علشان هنا ما كانتش بتيجي
هنا : حصل خير اتفضلي اقعدي وعم سعيد هيبعت لا عمي
صباح: لا انا هستناه ف مكتبه تعال ياستاذ سعيد وراهولي
سعيد: اتفضلي
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
يخرب بيتك يا هنا انت فاكره إنها جايه تصلح بينك وبين ابنها ده كويس انها بصت في وشك وبعدها شردت في تفكيرها لحد ما دخل سعيد المكتب وهي مش حاسه بيه
سعيد: اااه النهارده كان يوم صعب قوي
وهنا مش منتبها إنه قصادها
هناا.....ياهناااا
هنا بارتباك: إيه انت هنا من امتى
سعيد بقالي كتير ....بتفكري في ايه
هنا : اها لا ابد بس كنت بفكر هي ولاء ماتت ازاي
سعيد: قصدك ايه؟
هنا : ايوا ايه سبب موتها ......في حد مع عمي
اكيد الدكتور إللى عمل العمليه. وحد تانى ولازم اعرفه
سعيد : هي كانت عمليه إيه إللي عملتها
هنا : كان عندها كيس دهني ف ضهرها وراحت تشيله
عمليه سهله مافيش منها خطوره ده إللى خلاني مروحش معاها واروح الجامعة عشان احضر الامتحانات. يارتني مسبتها. ياررريت
سعيد : ربنا ينتقم من إللي كان السبب
هنا : بص انا عايزه اعرف كل حاجه عن الدكتور ده من ساعت ما اتولد لحد اللحظه اللي تجبيلي فيها المعلومات عنه لازم نبقا سابقينه بخطوه
سعيد: تمام أي حاجة تاني
هنا : لا تسلم ...انا هامشي دلوقتي
سعيد : خلي بالك من نفسك
هنا: على الله
ف بيت العيلة.............
هنا: السلام عليكم ورحمة الله
عواطف وناديه: وعليكم السلام ورحمة الله وبركاته
هنا : خير مالكم قاعدين كدة
عواطف: هيجي منين الخير إيه عملتيه عشييه ده
هنا : ستي بالله عليكي مش عايزه اتكلم ف الموضوع ده
عواطف: انا عارفه القيها منك ولا من عمك
هنا : ماله عمي
ناديه: حرميه سرقوا البهايم وولعوا المزرعة ينتقم منهم ربنا
هنا بخبث : حصل متا الكلام ده
ناديه : النهاردة الصبح
هنا : ايوا عشان كده مشى ملهوف وكلم عبدالله......يلا ربنا يسترها
عواطف: يارب
هنا : انا طالعه ارتاح شويه
عواطف: روحي يا ضنايا. ......مش هتاكلي
هنا : لا كلت وانا جايه
وتصعد هنا وعلى وحهها ابتسامه وبتقول دي حاجه صغيره
التقيل لسه جاي
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
حاتم: كنتي فين ياما
صباح: كنت عند ابوك فالمصتع وعارف شوفت مين
حاتم : مين ؟
صباح: هنا كانت قاعده على المكتب الكبير
حاتم: ثواني بس.....وهي بتعمل ايه هناك ؟!
صباح: اصل ابوها كتبلها كل حاجه يملكها وهي هناك
بتدير المصنع بدل ابوها
حاتم: متاكده من الكلام ده
صباح : ايوا دا اناشوفت بعيني وسمعت بودني........يلقا خالتك وفاء لا على حامي ولا بارد
حاتم: ربنا يستر.... وبعدها ابتسم وقال لقيتها
وفاء : لقيت إيه
حاتم: اهه لا متاخديش ف بالك. ......انا طالع
ف بيت مصطفى
مصطفى:اعمليلي كوبايه شاي تقيله راسي هتنفجر
وفاء : وانت ليك نفس تشرب ولا تاكل
مصطفى: يا مثبت العقل والدين ياوليه متخلنيش اقطع لسانك إللى زي السم
وفاء. : ليه هو انت مقدرتش ع الحمار تقدر ع البردعه ده مر ايه دا اها رايحه اعمل شاي
ليدخل عبدالله البيت
مصطفى بتوتر: عرفتوا حاجة
عبدالله: مافيش اي حاجه سبوها وراهم حتى الحكومه ماوصلتش لحاجه
وفاء : ما هما شافوكوا هفيه فقالوا يوجبوا معاكو
عبدالله: انا طالع بره
مصطفى: خدني معاك احسن ما اخنقها وارتاح واريح الكل منها
وطلعوا الاتنين بره
وفاء : واللي خلق الخلق انا مظلومه ف العيله دي وانا كنت قولت إيه يعني .....ودخلت المطبخ
ف الليل
هنا : يالا يا ستي انتي وعمتي
عواطف: على فين
هنا: عند عمي نطمن عليه
عواطف: معاكي حق استني انا جايه معاكي انا وناديه
هنا :انا هستناكوا بره
طلعت هنا مستنية بره وبتهمس لنفسها
عايزه اشوف شكلك انت واالعقربه إللي معاك ليقطع تفكيرها صوت جدتها يالا يا هنا ومشيوا سوا ووصلوا البيت
هنا بتخبط واتصدمت من إللي فتح الباب
هنا. : انت
حاتم بتجاهل: اتفضلي ياستي
دخلوا ولقيوا حاتم وابوه وامه مما ذاد التوتر على وجه هنا
وكان واضح عليها
عواطف: ازيك يا أبو حاتم
كامل: الحمد لله يا سانا
صباح: ازيك خاله
عواطف: نحمده على كل حال
اهه يا مصطفى عرفت المحروق اللي عمل كه
مصطفى: لسه ياما بس هعرفه وسعتها هولع فيه حي
هنا : انا مش عارفه إيه إللي بيحصل ده؛ دا انت حتى عمرك ما اذيت حد ولا إيه يا مرت عمي
وفاء بسخرية: امال إيه هو فيه زي عمك
هنا : اومال فين مازن انا مشفتوش بقالي كتير
وفاء : سافر من وقت إللى حصل ومن وقتها وانا بطمن عليه من زملاته
هنا : ومحدش قالي ليه
عواطف : انتي كنتي واعيه بحاجه
وفاء بخبث ومكر: إيه رايك ف بت الحج سلامه يا صباح
صباح: الحج سلامه مين
وفاء : صاحب ابو عبدالله وشريكه
صباح: ايوا مالهم
وفاء بمكر: إيه رايك ف بته لحاتم ابنك ، دا البت ايه قمر
صباح وقد فهمت نيه اختها : انت تعريفيها
وفاء: : ايوا دا حتى هنا تعرفها ؛ ولا إيه ياهنا
هنا فهمت انها بتحاول تستفزها فمسكت اعصابها وردت بكل
برود وبداخلها العكس
هنا : يازين مفكرتي فعلا حنان لايعلى عليها
اتصدم حاتم من ردها بس شاف دموعها إللي واره ابتسمتها
ليقول: شكرا على رأيك
وفاء: يعني موافق نروح نشوفها
حاتم: ..............
يا ترا رد حاتم ايه ؟ اتوقعوا كده
يارب ينال القليل. من اعجابكم😍😍😍😍😍
روايه مكتوب بدمي ❤❤❤❤❤❤❤❤❤❤
الفصل. 👈 التاسع.
✍✍✍✍✍✍✍مني سليم
روايه. (مكتوب بدمي )
بقلم. (مني سليم )
الفصل. العاشر
وفاء : يعني موافق نروح نشوفها
حاتم : ليه لا. ....بس خليها الاجازة الجايه
وفاء بمكر: إيه رايك يا خالتي
عواطف. : ربنا يقدمله إللى فيه الخير
وفاء : وانتي يا هنا
هنا بالم يعتصر قلبها: ستي قالتها ربنا يقدم إللي فيه الخير
وفاء: خلاص يا صباح احنا نروح نشوفها الاول وبعدين ناخد
حاتم.......وبالمره هنا تيجي معانا
صباح عارفه حاتم قال كده ليه ،ووفاء بتعمل كده ليه برضوا
صباح: إللي فيه الخير يقدمه المولى
فهي تعلم مدى الالم إللى بتمر بيه هنا وحاسه انه في سبب قوي خلها تعمل كده
عبدالله: عملتي إيه النهارده ف المصنع
هنا ابتسمت لأنها هترد كيد وفاء : ما هو ده السبب الرئيسي إللي أجي
عبد الله: قصدك ايه
هنا. : إحنا قبلنا التوكيل بتاع الشركه الايطاليه مش كده ياعمي كامل
كامل: ايوا دا حتى هنا قالت إنه هينقل المصنع حته تانيه
مصطفى: وانت وافقت
كامل: طالما فيه خير لينا يبقى على بركه الله
مصطفى بحده: بس انا مش موافق
هنا بابتسامةجانبيه: ياريت ينفع والله وكلامك على راسي بس إحنا مضينا ياريت ينفع
مصطفى: يعني ايه ده
بصت هنا لوفاء: يعني فركش الموضوع انتهى
مصطفى: انتي بتقولي ايه انتي اتهبلتي
كامل: اهدا يا استاذ مصطفى لو لغينا العقد هنتلزم بشرط جزائي احنا ف الغنى عنه
هنا: يلا يا ستي نروح عشان عندي جامعه وشغل كتير بكره
عواطف: يلا يا بتي......السلام عليكم
عبدالله: تحبوا اوصلكم بعربيتي
هنا : لا احنا معانا السواق بتاع ابويا
للتترك خلفها وفاء ومصطفى وعبدالله يموتون غيظا أما حاتم وامه كانوا مستغربين من طريقة كلام هنا مع عمها ده اكد لحاتم إنه في سر كبير هنا مخبياه عليه
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
هنا وصلت البيت ودخلت اوضتها وقفلتها والقت نفسها على السرير مقدرش تسيطر على دموعها وقالت حقك عليا ياحاتم بس لازم تبعد ده لمصلحتك انا مش ضمانهم ممكن يعملوا ايه
مسكت تلفونها وكلمت امها واطمنت عليها هي واخواتها وقفلت وبعدها فضلت تبكي لحد ما نامت
تاني يوم ف الجامعة
نيفين: كنت عارفه انك هتيجي وانك مستحيل تخسريني
هنا : انتي بتقولي فيها ياختي انا فعلا مقدرش استغنى عنك واياكي اسمعك بتقولي كده تاني هتلاقيني مكسره دماغك على طول
نيفين: ههههههه خلاص خليها عليك ياسطا المرادي
وحضنوا بعض هنا وهي ف حضن نيفين مقدرش تسيطر على دموعها
نيفين: فيه إيه مالك انا حاسه إنك مخبيه عليا حاجه
هنا بارتباك: لا بس افتكرت ولاء
نيفين وهي تعلم أن في حاجه تانيه: ربنا يرحمها ويغفر لها ويسكنها فسيح جناته
هنا : أمين يارب........ايه ده إنتي عرفتي الدعاء ده ازاي
نيفين بضحك: هو عشان انا مسيحيه معرفش اقوله عادي يا ستي شوفته ع الفيس بوك ومن وقتها وانا بقوله
هنا : ربنا يخليك لينا وميحرمنيش منك يا ابو الصحاب
نيفين: طب يلا كفايه حب ونلحق المحاضره
هنا : يلا يا ختي
خلصت هنا محضراتها ووصلت نيفين بيتها ومشيت بالعربيه وقالت للسواق يروح المصنع ومسكت تيلفونها واتصلت لسعيد
هنا : ايوا يا عم سعيد إيه الاخبار
سعيد: ايوا ياست البنات كله تمام الطير ف عشنا
هنا بحماس : بتتكلم جد
سعيد : جد الجد يا ست البنات
هنا : طب انا مسافه السكه واكون عندك
نزلت من العربيه وطلبت من السواق يروح بيته واتاكدت انه اختفى بعد ها وقفت تاكسي
فى مخزن قديم جدا
ااانتو عايزين مني ايه.......انا هوديكو في مصيبه .....انتوا مش عارفين انا مين ........حد يكلمني فيكوا يا بهايم
لياتي له صوت كاد أن يعرفوا
شرفتنا ...............
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
يا ترا مين إللى مخطوف 🤔🤔🤔🤔🤔
واللي هنا بتعمله صح ولا لا 🤔🤔🤔🤔🤔🤔
عايزه اشوف رايكوا وتفاعلكم ❤❤❤❤❤❤❤
دمتم ف رعايه الله 👋👋👋👋👋👋
مكتوب بدمي 💣💣💣
مني سليم ✍✍✍✍✍
 بقلم. ( مني سليم ) الفصل. ( التاسع) وفاجاة الباب اتفتح هنا: انت إيه إللي جابك صباح: انتي إللي بتعملي ايه ه…){kind=link}
تم
ردحذف