 |
روايه. (مكتوب بدمي )
بقلم. (مني سليم )
الفصل. الحادي عشر
[ ] شرفتنا.........
الدكتور عماد: اانت مين !؟
هنا : تؤ تؤ بقى مش عارف مين
عماد: لامش عارف ااكيد انتي غلطانه
هنا: معاك حق انا غلطانه إني سلمت اختي لكلب زيك بس ملحوقه
عماد: أختك مممين
هنا بغضب: ولاءااا إللي اتفقت مع ناس عشان تقتلها تعرف انا مش واجعني غير اني دالته عليك وقلتلها صحبتي راحت عندك ومافيش اثر لعمليتها غلطت صح بس هصلح غلطي
عماد: اختك ماتت قضاء وقدر انا معرفش انتي بتكلمي عن ايه
هنا: تمام انا هعرفك بتكلم عن ايه ،بصت لسعيد واحضر لاب توب
سعيد : اتفضلي ياست البنات
هنا: هفرجك على فيلم كوكتيل بقا جنان فيه كل حاجه تعجبك
شغلت هنا الفيديو وكان فيه الدكتور ف احدى الشقق المشبوهة وايضا وهو بياخد رشوه من رجل واخيرا بيعمل عمليه إجهاض لاحدى السيدات
الدكتور: انتوا جبتوا الحاجات دي منين
هنا: بسيطة اقولك من الممرضة بتعتك والسواق
عماد: ولاد الكلب الخونه
هنا: ههههه خونه اومال انت يتقال عليك إيه.......اخلص مين اللي اتفق معاك وقتلتها ازاي
عماد: حاضر حاضر
هي فعلا اختك جتلي العياده واتفقنا على العمليه وطلبت منها شويه فحوصات وتحاليل وكل حاجه كانت تمام لحد قبل العمليه بساعه جاني شاب وطلب مني ازود البنج ف الاول رفضت بس كان معاه فيديو هددني بيه وانا اضطريت اعمل كده بس والله كان غصب عني لانه كان هيفضحني
هنا: إسمه إيه الشاب ده اهه
عماد: معرفش .....بس صورته ع الفون بتاعي
هنا : فين هو
عماد : اخدوه مني
هنا اخدت التليفون وادتهوله يفتحه وشافت الصوره
هنا بصدمه : ع ع عبد الله ازاي مستحيل ......انت متاكد
عماد : ايوا انا صورته لاني كنت حاسس ان نهايتي على ايده كان يوم أسود يوم ماشوفته
وقفت هنا مذهوله مش مصدقه إللي حصل لحد ما عينها وقعت على حديده ع الارض اخذتها وفضلت تضرب ف الدكتور بكل قوتها لحد ما فقد الوعي وابعدها سعيد عنه
هنا : الكلب ده يفضل هنا محدش يناوله كوبايه ميه غير بإذن مني ........وده حسابكم وده عشان تعملوا إللي هقولكوا عليه
لياخذ احد الرجال الفلوس ويقولها انتي تؤمري يا انسه
هنا : انا رايحه المصنع يا عم سعيد وابقى واكلمك تقولهم هيعملوا ايه تمام
سعيد: تمام يا ست البنات
🍂🍂🍂🍂🍂🍂🍂🍂🍂
ف المصنع
كامل: اتاخرتي ليه
هنا: معلش بس اتأخرت ف الجامعة .....المهم حضرتك عملت ايه
كامل: تمام حصل زي ما اتفقنا....بس انتي عرفتي شغلنا ازاي
هنا : أبويا الله يرحمه كان بياخدني معاه الإجتماعات وكمان حضرت صفقات كتير
كامل : ربنا يباركلك ويحفظك
هنا: هو حضرتك مش زعلان مني
كامل: لا يا حبيبتي زي ما هو ابني انتي بنتي
هنا : ربنا يخليك ليا وميحرمنيش منك
كامل: ويخليكي ليا
🍂🍂🍂🍂🍂🍂🍂🍂🍂🍂🍂🍂🍂
خير ف بيت العيلة
أسماء: عامله ايه يا ستي
عواطف: الحمد لله ،انتي عامله ايه انتي وعيالك
اسماء: الحمدلله كويسين
عواطف: وانت يا حماده أخبارك إيه
حماده: ماشي الحال الحمد لله
عواطف بقلق : خير فى حاجه
حماده: أهه لا مافيش حاجه
لتدخل هنا البيت وتسلم على اختها وزوجها
اسماء: هنا انا عيزاكي لوحدنا شويه
هنا: تعالي يااسماء ندخل جوه وبصت لحماده
هنا : خير ياسمسم
اسماء بارتباك: خير انااا كنت عايزه نصيبي من ورث بابا
هنا : حاضر تقدري تاخديه في اي وقت
اسماء : ايه ده يعني انتي موافقه
هنا : ده حقك بس هضطر ابيع المصنع وكل واحد ف اخواتك ياخد حقه اسم ابوكي إللي تعب فيه يتنسي......بس انا اهم حاجه راحتك وبكره هبدا ف الإجراءات
اسماء بلهفه: لا متبعيش حاجه انا كنت فاكره إنك مش هتوافقي
هنا: مش إللي كنتي فاكره ده جوزك صح اؤمات اسماء برأسها : ايوا هو قال مش هتديكي حاجه
هنا بغيظ: ع العموم انا عملت ليكي انتي اخواتك حساب وبحط لكل واحد فيكوا
نصيبه من الأرباح بتاع الارض والمصنع
اسماء: حقك عليا يا هنون
هنا :ولا يهمك يا قلبى انا بس عايزه اطمن عليكي
اسماء: اطمني انا كويسة
هنا : اااكيد
اسماء: اكيد ....يلا نطلع بره
هنا : يالا دا عيالك وحشوني قوى
حماده باستغراب: ايه الحصل
هنا: كله خير يا جوز اختي انا واخواتي عمرنا ماهنفترق وهنحافظ على إسم ابويا طول ما فينا نفس
حماده: ربنا يخليكوا لبعض ...... يالا اسماء هاتي العيال ويالا نمشي
اسماء : مع السلامه يا ستي سلام يا هنون
عواطف: الله يسلمك ابقي طمنيني عليكي
هنا : كلميني لم توصلي
اسماء : حا ضر
مشيت اسماء وهنا طلعت اوضتها وكانت زعلانه لانها حست ان علاقتها هي واخواتها ممكن تتاثر
لتقول في نفسها لازم اخلص ابقى
وطلعت تليفونها وكلمت سعيد
ايوا يا عم سعيد بص انا عيزاك تقول
تنفذ إللي اتفقنا عليه........
🍂🍂🍂🍂🍂🍂🍂🍂🍂🍂🍂🍂
ف بيت حاتم
حاتم : انا متاكد ان في حاجه هنا مخبياها عليا
صباح : وانا حسيت بكده........بس انت هتعمل ايه
حاتم: مافيش حل غير إني اراقبها واعرف هي بتعمل ايه
صباح: بس لوعرفت ممكن تزعل وتزيد المشاكل إللى بينكوا
حاتم: انتي ناسيه اني ظابط ولا ايه .......انا حاسس انها فى خطر مانا مش هستنا لم يحصلها حاجه
صباح: ربنا يوفقك ويوقف معاك
حاتم: ربنا يخليكي لينا وميحرمناش
مستحيل تسيبك تعرضي نفسك للخطر طول ام انا موجود
🍂🍂🍂🍂🍂🍂🍂🍂🍂🍂🍂🍂
عايزه اشوف رايكوا وتفاعلكم وياترا هنا وحاتم ناويين يعملوا ايه هتوحشوني من هنا لبكره ف رعايه الله 😗😗😗😗😗
مكتوب بدمي 💣💣💣💣
مني سليم ✍✍✍✍✍
راويه. (مكتوب بدمي )
بقلم. (مني سليم )
الفصل. الثاني عشر
بعد كام يوم وهنا ف الجامعة
نيفين: برضوا يا هنا مش عايزة تقولي مخبيه إيه
هنا بارتباك: ولا حاجه هخبي إيه يعني
نيفين: الله اعلم
هنا : بت إنتي مش هتعزميني على حاجه اكلها
نيفين: اهربي ......اهربي يلا يا ست
قاطع كلامهم رنه تليفون هنا بصت ولقيت سعيد
هنا : روحي انتي وانا جايه كمان شويه
نيفين وهي تعلم أن في حاجه: حاضر يا هنا براحتك
🍂🍂🍂🍂🍂🍂🍂🍂🍂🍂🍂🍂🍂
هنا: الووو ياعم سعيد
سعيد : ايواا ست البنات اخبارك ايه
هنا : الحمد لله ها عملت ايه
سعيد: تمام زي ما اتفقنا.....بس انتي متاكده من إللي قولتيه
هنا : ده لازم يتربى....كلم الرجاله
سعيد: يا هنا السكه دي خطر فكري ممكن نتراجع ونبلغ البوليس
هنا : بالله عليك ياعم سعيد انا مش عايزه مناهدة اعمل إللي قولتلك عليه
سعيد : إللي تشوفيه حاضر
هنا : مع السلامه
سعيد: الله يسلمك
🍂🍂🍂🍂🍂🍂🍂🍂🍂🍂🍂🍂🍂
في كافيتريا الجامعة
نيفين: في ايه مالك
هنا : حاسه بحد بيراقبني مش عارفه ليه
نيفين: متقلقنيش عليكي يا هنا
هنا : سيبيها على الله انا متوترة بس
نيفين: انا رايحه الحمام شويه وراجعالك
هنا: طيب يلا عشان اوصلك ف طريقي
نيفين: حاضر ياسطاا
هنا كانت قاعده ومتاكده انه في حد بيراقبها واتت لها فكره وفتحت شنطتها وطلعت مرايتها ووجهتها خلفها لترى من تشعق عيناها وتبتسم وبعدها مسكت تيلفونها
جلس شاب امام هنا
الشاب: الجميل قاعد لوحده ليه
هنا : لو سمحت اتفضل من هنا
الشاب: هو ده كرم الضيافة دا انتي بخيله
وقفت هنا ولسه هتمشي والشاب لسه هيمسك ايداها ليتفاجاة بلكمة قوية
الشاب : ااااه الله يخرب بيتك يا هنا
هنا : معلش يا عصام
حاتم: انت لسه بتكلمها
عصام: يا عم انا ماشي ايده تقيله ياهنا لازم اخد منك مكافأة
حاتم لسه هيضربه وقفت هنا قصاده وعصام هرب وكأنه فص ملح وداب
حاتم: مين الواد ده
رفعت هنا حاجبها: سيبك من الواد انا إللي طلبت منه يعمل كده عشان تظهر انت بتراقبني
حاتم بتوتر : واراقبك ليه انا كنت جاي عشان يعني
هنا : عشا ن ايه
حاتم: عشان اشوف واحد صحبي وشوفت الشاب ده بيعاكسك طبعا بحكم العشره كان لازم اتصرف
هنا تكتم ضحكتها لتقول : وشوفت صحبك
حاتم : ااااه
لتأتي نيفين من الحمام وترى حاتم وهنا مع بعض
نيفين بمرح: شكلي جيت في وقت مش مناسب
هنا :نيفين يالا عشان نمشي
لتدير ظهرها وتبتسم واسرعت اليها نيفين
حاتم بهمس مرات ظابط لازم تكون ذكيه
وصلت هنا نيفين البيت واتجهت للمصنع
ف المصنع
مصطفى: اتأخرتي ليه
هنا : كان عندي محاضرات كتير خير في حاجه
مصطفى: انا إللي جاي اسالك في حاجه متغيره معايا ليه يا بت اخويا
هنا بخبث : وهو حصل منك حاجه لاسمح الله تخليني اتغير معاك
مصطفى بتنهيده: لا بس انتي متغيره
هنا : يمكن من إللي حصل ماهو مكانش سهل
ولا ايه
مصطفى: يعز عليا فراقهم والله ،الله يرحمهم
هنا : أمين
ليقطع كلامهم رنه تليفون مصطفى
مصطفى : الو الو مين معايا
مع حضرتك ممرضه من مستشفى المنيا الجامعي حضرتك والد عبدالله مصطفى
مصطفى بلهفه: ايوا فيه ايه
الممرضة: اب حضرتك اتعرض لحادثه وهو عندنا ف المستشفى
ليقع التيلفون من ايد مصطفى وتسرع إليه هنا
في إيه يا عمي مين إللي كان بيكلمك
مصطفى: ع 'عبدااالله ف المستشفى
هنا : ايه بتقول ايه ازاي ده حصل
مصطفى وهو يسرع مش عارف مش عارف
هنا : طب استنى انا جايه معاك
ورحلوا للمستشفى مع بعض
ف المستشفى وبالتحديد من امام غرفه العمليات
وفاء كانت منهاره تماما ونفس الكلام مصطفى وشريف وعواطف وناديه وصباح
وحاتم وجميع العائله باستثناء مازن
ليخرج الدكتور والكل يتجه نحوه
شريف: طمنا يا دكتور
الدكتور : للاسف الحاله صعبه جدا والمريض نزف كتير واحنا لحد دلوقتي مش قادرين نسيطر على النزيف وفصيله دمه مش متوفره حاليا
لتسرع هنا : انا فصيله دمي مطابقة معاه
الدكتور: بجد طب روحي مع الممرضة بسرعه تعملك فحص وبعدها نقدر نسحب منك دم
هنا في غرفه العمليات وتنظر لعبدالله وبتقول في نفسها عجبك كده انت إللي وصلتنا للحاله دي ان نفسي اعرف قلبك طاوعك ازاي ، وبعده الدكتور طلب من الممرضة توقف
هنا : خير يا دكتور هيبقا كويس
الدكتور: احنا عملنا إللي علينا والباقي علي الله
هنا : مش فاهمه
الدكتور: يعني مش هنقدر نقرر إلا بعد 24 ساعة
خرج الدكتور من العمليات ونقلوا عبد الله العنايه المركزة وهنا اوضه عاديه نظرا لكميه
الدم إللي اتبرعت بيها
مصطفى: خير يادكتور ابني كويس
الدكتور: الحمد لله قدرنا نوقف النزيف والفضل يرجع بعد ربنا للأنسه وهو دلوقت ف العنايه
حاتم: طب وهنا
هي كويسه ف الاوضه اللي هناك بس شربوها عصاير كتير واكلوها لانها اتبرعت بكيسين دم
بس احنا لازم نبلغ البوليس
شريف: ليه
الدكتور: ابنكوا اتعرض لاعتداء عنيف
انا رايح دلوقتي بعد اذنكوا
وفاء : انا عايزه اشوف ابني
الدكتور: حاليا ماينفعش وسابهم ومشي
ف اوضه هنا
هنا : ازاي الحصل ده
سعيد : هو إللى مسك كوبايه مكسوره وجرح واحد فيهم
هنا : قولهم لو حصلوا حاجه هوديهم ورا الشمس
ليفتح الباب فاجاة
بتكلمي مين...............؟
🍂🍂🍂🍂🍂🍂🍂🍂🍂🍂🍂🍂🍂
ياترا مين سمع هنا وهي هتعمل ايه؟
عايزه اشوف رايكوا وتفاعلكم ❤❤❤❤
ف رعايه الله 😗😗😗
مكتوب بدمي 💣💣💣
تكملة الروايه من هنااااااا
 بقلم. (مني سليم ) الفصل. الحادي عشر [ ] شرفتنا......... الدكتور عماد: اانت مين !؟ هنا : تؤ تؤ بقى مش…){kind=link}
تعليقات
إرسال تعليق