مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

خادمة قلبي ٤

ملك مسكت الشبشب و جريت ناحية وليد و هي بتقول: انت بتغلط في التركي بتاعي 

وليد في ثواني جري من قدامها و قال: لا دا انتي مجنونة على الأخر

ملك بغيظ: اغلط اغلط عشان بدل ما يبقي شبشب واحد يبقي تلاته تعالالي يا اللي عامل نفسك فإن دام تعالالي 

وليد دخل اوضه و قفل عليه و هو بيقول: برضوا مش تركي يا سيد قشطه

ملك بتخبط على الباب و بتقول: افتح يا سعادة البيه كنافة بالمنجة افتح هفهمك براحة مش هتهو"ر

وليد بصوت عالي: مشيها يا مالك و انا هتعدل والله انا عارف انك بتنتقم مننا 

حازم أخيراً استوعب اللي بيحصل و وقع على الأرض من كتر الضحك 

حازم بصوت عالي: جتلك اللي هتطلعة عليك يا وليد جتلك اللي هتربيك من اول وجديد كنت قولت أنه تركي و خلاص لازم تعاند معاها 

مالك كان كاتم ضحكته عشان هيبته و في نفس الوقت فرحان باللي ملك بتعمله هو عاوز يعدل اخواتة و مفيش غيرها هيربيهم قرر أنه يسيبها تتعامل معاهم بس بعد ما يعمل فحص شامل عنها 

ملك بصت عليهم لقت حازم على الأرض من كتر الضحك مسكت شبشبها و راحت ليه 

ملك و هي بتقلب عنيها: تركي وإلا مش تركي يا سعادة البيه كريم شانتيه

حازم خاف من منظرها قام وقف و قال بصوت مهزوز: تركي والله العظيم تركي

ملك بتبريقة: انا إسمي ايه ؟ 

حازم: جميلة الجميلات

ملك : انت هتعاكسني كمان و البيه الحليوة واقف على اوضتك

حازم : نعم 

ملك : يظهر مسمعتش وطت جابت فرده الشبشب التانية و قالت: على

قبل ما تكمل كلامها كان حازم دخل اوضه و قفل عليه و هو بيقول: سامحيني والله ما هعمل كدا تاني 

ملك رمت الشبشب على الأرض و لبسته بصت لـ مالك و قالت: لا مؤاخذه يا سعادة البيه الحليوة لكن سعادة البيه كريم شانتيه و سعادة البيه كنافة بالمنجة محتاجين رباية من اول وجديد و انا هقوم بالمهمة دي انا راحة أكمل الغذا و مسكت البصلة و بقت تغني طالعة في دماغي نروق شوية أمسك شبشبي و أعجنلي حبه و كلت حته من البصلة و قالت: قطيعة محدش بياكلها بالساهل و دخلت المطبخ حطت اديها على بوقها تكتم صوتها من كتر الضحك اللي بتضحكه

ملك : يلهوي دول طلعوا هبل و ميح خالص دا احنا هنضحك ضحك ربنا يقدرني عليهم هخلص منهم الجديد و القديم

مالك دخل اوضة أول ما قفل عليه و افتكر اللي حصل كله ضحك جامد جدا أول مره واحده تأثر فيه و يضحك كدا افتكر لما قابل ملك في المكتب و الحوار اللي دار بينهم

فلاش باك

مالك : تمام بصي يا انتي مش هتكوني بس خدامة انا عندي اخين واحد صايع و علطول خروح و مش هامه غير نفسه و التاني جبان و بيخاف من خياله انا عاوزك تعلميهم الاتنين الأدب

ملك : اللهم صل على النبي اخواتك عاوزين تربيه من جديد و صايعين ايه محدش رباهم قبل كدا

مالك بتبريقة : نعم انتي بتقولي ايه

ملك بخوف: ولا حاجة يا بشا تحب امسكلهم المقشة عشان يعملوا الواجب

مالك ببرود : لا مش هتوصل لكدا بصي انا مش هعرف اشرحلك الوضع انتوا لما تتقابلوا هتعرفيهم

ملك : طب فتك بعافية بقي يا سعادة البيه انت واخد خدامة و إلا مربيه للعيال

مالك : كل دا هتاخدي مقابل ليه أنا مش بتكلم على الفاضي

ملك : انت بتقول أخوك صايع و مشافش بربع جنيه تربية عاوزني استئمن نفسيتي إزاي عندكم افرض اتغرغر بيا اعمل انا ايه ساعتها بقي 

مالك بقرف: انتي هبله يا بت ما تبصي لنفسك في المراية بقي في حد هيتغرغر بيكي إنتي 

ملك وحطت صابعها في وشه : لا بقولك ايه انا عندي استعداد اربيك أنت كمان مع اخواتك بصتله لقيته مبرق ليها فكملت بتوتر معلش إحنا بنتكلم عشان تعرف بس اني أقدر اعمل كدا هستلم الشغل امتي يا سعادة البيه الحليوة

مالك : من دلوقتي حالا خدي العنوان دا و اسبقيني على هناك 

باااك

والله شكلك هتربيهم من أول وجديد فعلا يا جميلة و هتغيري فيا أنا كمان حاجات

........

وليد قاعد في الاوضة هيفرقع من أخوه و الخدامة الجديدة بص لنفسه في المرايا و قال بغيظ بقي أنا حتت خدامة زي دي سيد قشطة اللي بره تعمل فيا كدا انا هربيكي من أول و جديد لولا بس مالك محذرني اجي جمبك كنت ضر*بتك قلم على وشك اللي محتاج الإعدام دا جاب أجلك بس هنروح من بعض فين هو مالك قاعدلك علطول اصتبري عليا بس 

........

ملك حطت الأكل و راحت قالت لمالك و مالك خبط على وليد و قاله يجي يأكل و راح خبط على حازم 

حازم من ورا الباب: مين 

مالك : انا يا حازم افتح يبني قافل على نفسك ليه 

حازم بخوف: انت عاوز حاجه يا مالك 

مالك: تعال كل يلا الأكل جهز 

حازم: لا كل انت انا مش هخرج من هنا غير لما جميله تقول انت عاوزني ادوق شبشبها

مالك اتصدم من كلامه و كتم في نفسه الضحكة: يلهوي للدرجة دي خايف منها 

مالك : أخرج متخافش

حازم: والله ما هخرج عير مهي تقول

مالك راح لملك  و طلب منها تخرج حازم عشان يأكل 

ملك راحت لحازم الاوضة و خبطت عليه و هي بتقول: افتح يا سعادة البيه كريم شانتيه متخافش

حازم أول ما فتح : نعم يا فندم تؤمري بحاجة اعملهالك

ملك : تعال ورايا على السفرة

حازم مشي وراها بخوف منها و من شبشبها بقي يبص على الشبشب اللي هي لبساه و عينه تفنجل بخوف

ملك : اتفضل يا سعادة البيه كريم شانتيه أقعد كل و قولي ايه رأيك في طبيخي بقي 

وليد : زي الزفت

ملك ببرود : لو سمحت يا سعادة البيه كنافة بالمنجة لما يجي دورك ابقي اتكلم لكن دلوقتي دور سعادة البيه كريم شانتيه

مالك : اقعدي كلي معانا يا جميلة

ملك بحرج: ميصحش برضوا يا سعادة البيه الحليوة

مالك: اقعدي بقولك 

ملك قعدت و حازم و مالك شكروا في الأكل و وليد مش طايقها و هيموت و يضر*بها

ملك : خلصتوا أكل كل واحد يشيل طبقوا و يوديه المطيخ بصت لـ مالك و قالت: و أنت كمان معاهم يا سعادة البيه الحليوة

مالك تنح و لسه هيتكلم لقي وليد قام وقف و بصلها بغضب و قال بز.عيق 

وليد بز..عيق : 

كومنتاتكم بتفرحي والله 🥹

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الفصل ارابع وعشرون والخامس وعشرون والسادس وعشرون والسابع وعشرون والثامن وعشرون والتاسع وعشرون والثلاثون والواحد والثلاثون بقلم ريحانة الجنة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الفصل الثامن عشر والتاسع عشر واعشرين والواحد وعشرون والثانى وعشرون والثالث وعشرون بقلم ريحانة الجنة

اقرا ايضارواية ملكة فارس( الجزء الثالث من أصبحت جارية )الفصل الرابع والخامس بقلم أمل حمادة

اقرا ايضارواية مابين الضلوع الفصل التاسع 9 بقلم امانى سيد

الكاتبة

خادمة قلبي ٥ 

وليد بز..عيق : ايه اللي انتي بتقوليه دا هو مين اللي شغال عند التاني

ملك : التعاون يا اخ كنافة بالمنجة التعاون معلش يخويا من هنا ورايح كله هيشتغل و بصت لـ مالك و قالت: طبعاً الكلام مش موجه ليك و وقفت و حطت اديها في وسطها و قالت: في أروبا و الدول المتقدمة كله بيخدم نفسه 

وليد : بس متعصبنيش اصحي كدا و فوقي لنفسك انتي مجرد خدامة هنا

مالك كان لسه هيتكلم لكن ملك سبقته كالعادة و قالت: شششش مسمهاش خدامة يا جاهل إسمها هاوس كليبر 

حازم : هاوس ايه 

ملك بغرور: انت متعرفش انجلش وإلا ايه يا سعادة البيه كريم شانتيه انت كدا محتاج كورس وانا اللي هتديهولك انا شاطره أوي فيه هو و التركي

وليد بعناد : مش تركي يا انثه البغبغاء انتي 

ملك : اللهم اخذيك يا شوشو بلاش تطلع دلوقتي عيل و غلط مش قصده يغلط في التركي بتاعي عيل و غلط 

وليد كان ماشي نحيتها و هو بيقول: هو مين دا اللي عيل دا إنتي عاوزه تتربي بقي و انا اللي هرييكي

مالك مسكه و وليد بيعافر عشان يروح عنها 

ملك : امسكه اوعي تسيبه يا سعادة البيه الحليوة و هو عامل زي الاندر تيكر كدا 

مالك مش عارف يضحك وإلا يحوش عنها 

وليد : سبني يا مالك سبني لحسن دي خلاص جابت اخرها معايا بت احسنلك امشي من البيت دا ملكيش أكل عيش هنا 

ملك : ليه يخويا كنت بتاكلني من حيبك انا بأكل من جيب سعادة البيه الحليوة إنما انت يا سعادة البيه كنافة بالمنجة ملكش لازمه أصلاً قالتها و هي بنتفخ في ضوافرها

وليد بيحاول يفك نفسه من. مالك و هو بيقول: سبوني عليها و الله لامو*تها في ايدي اوعي يا مالك 

ملك : تقـ'ـتل مين يا عنيا أنت فاكرها سايبة وإلا ايه لا اصحي دا أنا جميلة و الأجر على الله

مالك : ما تتهدوا بقي انا فرهدت

حازم : معلش يا جميلة امسحيها فيا أنا المره دي و ليكي عليا يا ستي هشيل انا الأطباق كلها

ملك : والله ما تحصل يا سعادة البيه كريم شانتيه بس تصدق بالله يا شيخ إنك أحلي واحد في القاعدة دي حتي من أبو قردان اللي واقف دا أي رايك اجوزك البت اشجان صحبتي 

حازم بصدمة: ها اشجان 

وليد باستفسار: هي قصدها أبو قردان دا أنا صح 

مالك هز رأسه ببرود و وليد اتجنن على الأخر: هو مين دا اللي أبو قردان يا بت دا انتي صورصار افعصك برجلي

ملك اتجننت من الكلمة و راحت مسكت في خناق و ليد و مالك بقي واقف في النص حايش وليد عن ملك بالعافية 

ملك : تفعص مين يا عنيا سمعني كدا لا دا انت متعرفنيش و حظك إن جناني يطلع عليك مرتين و ضربته بالشلو'ط في ظهره

وليد مسكها من شعرها

ملك : سيب شعري يا سعادة البيه كنافة بالمنجة إحنا متفقناش على كدا

وليد و هو بيشد شعرها جامد: أنا مش ماسك شعرك أصلا انا بعدل الدش الإشارة مضببه 

حازم بيحاول يخلص شعر ملك من وليد و غصب عنه شده 

ملك : اااه كدا يا سعادة البيه كريم شانتيه طيب و قامت عضتوه

حازم : ااااه في أي يا جميلة إن حق عليا بحوش عندك

ملك : تسلم يا سعادة البيه كريم شانتيه هو تور هايج مسك في شعري هيخلعة في ايده 

الوضع كالآتي مالك بيحاول يبعد وليد و وليد ماسك شعر ملك مش راضي يسيبه و حازم بيحاول يسلك شعرها من ايد وليد 

ملك في نفسها : صبرك عليا يا وليد الكلب و ربنا لاوريك بصت على رجله و ضحكت في خبث و قالت: حلوه الفخده طرية برضوا و راحت عضته

وليد و هو بيرميها: اااااه يا يا حيو*انة سيبي اه يا بنت الـ*** 

ملك أول ما سمعته قال كدا عنيها دمعت حست يالايهانه و قفت و قالت: بعد اذنكم

وليد : في ألف داهية تاخدك

ملك دخلت الاوضة بتاعتها و سمحت لعيونها تنزل دموعها وقفت قدام المراية و ظبطت المكياج و خرجت الشنطة اللي جابتها معاها

مالك ضر'ب وليد بوكس و قاله: من امتي بنغلط في الناس يا استاذ يا محترم لا و بتشتم كمان شتيمة و'سخة زيك 

اتفضل صلح اللي عملته دا يا غبـ'ـي انا اللي مديها الصلاحية تعمل اللي هي عاوزاه 

حازم سألهم و راح على اوضه ملك خبط عليها و قال: افتحي يا جميلة أنا الكريم شانتيه انا آسف بالنيابة عن وليد لكن متناميش زعلانه عشان خاطري افتحي الباب

ملك ضحكت من جوه و قالت في نفسها: أطيب واحد فيهم انت يا حازم والله لكني معتش ليا قاعدة معاكم و مسكت شنطتها و فتحت الباب و بصت لحازم و قالت: مع السلامه انت إنسان جميل أوي لكن ناقصك إنك تلاقي حد يحتويك يمكن لو كنا اتقابلنا في ظروف أحسن من كدا كنت دليتك عليها 

حازم: اوعي تقولي أشجان

ملك ضحكت و قالت: متقلقش مش هي يلا بقي سلام

حازم : هتروحي في الجو ليل

ملك بجدية : مش مهم و شالت الشنه و خارجة متجه لباب الشقة

مالك بصرامة: جميلة اقفي عندك 

ملك و هي بصه في الأرض: نعم يا سعادة البيه

مالك : راحة فين في الوقت دا ؟ اتفضلي ادخلي جوه

ملك : انا آسفة مش هقدر أقعد في مكان اتهانت فيه بعد اذنك همشي أرض الله واسعة و تساعي من الحبايب ألف

و لسه هتمشي حازم لحقها و قال: عشان خاطري متمشيش البيت دي الضحكة رجعتله من ساعة ما دخلتيه اينعم معداش يوم لكن غيرتي فيه كتير 

مالك بصلهم كلهم و قال بحزم : جميلة مش هتمشي من هنا و كل اللي هي عاوزاه هيحصل و أنا اهو بقولك قدامهم البيت دا بيتك زيهم بالظبط و ليكي صلاحية انك تعملي اللي انتي عاوزاه مرضية كدا يا ستي 

وليد: مالك انت بتقول ايه

ملك : مش عاوزيني امشي 

حازم: لا 

ملك : ارشوني و بصت ليهم بنص عين

حازم : عاوزه ايه ؟ 

ملك بانشكاح: باسورد الواي فاي و اندومي بقي 

حازم بصدمة: باسورد الواي فاي و اندومي كل دي معلوماتك عن المصالحة دا انتي طلعتي هبله أوي

ملك : عندك مسمحاكش يا سعادة البيه كريم شانتيه انت مش عارف دي حاجة قيمة قد إيه و بصت لوليد بخبث آخر طلب بقي 

مالك بابتسامة: قولي و هيتنفذ فوراً

ملك : سعادة البيه كنافة بالمنجة يلم الأطباق كلها و يغسلها كمان

وليد بصدمة: لا مستحيل دا يحصل علي جثتي سامعين و كمل في نفسه اه يا بنت الكلـ"ـب بتنتقمي مني 

بعد شويه 

وليد واقف في المطبخ و لابس مريلة و بيغسل الأطباق و بيبرطم

حازم جه على باب الطبخ و شغل أغنية يا دنيا طفيتي شمعتي 

وليد بصله بغيظ و اتكي على سنانه و مسك كوباية بلاستك و حدفها على حازم

حازم بسخرية: مقدترتش على الحمار بتتشتطر على العبد الله يا سعادة البيه كنافة بالمنجة و ضحك و سابة و مشي 

وليد : صبرك عليا يا سيد قشطه والله لهطلعة عليكي صبرك عليا

يتبع

تفاعل يا جماعه كومنتاتكم بتفرحي والله 🥹

خادمة قلبي ٦

تاني يوم ملك قررت انها تنتقم من وليد و نفذت اللي في دماغها

ملك : يلا هي مو*ته و السلام

و دخلت على حازم الاوضة

ملك : يا سعادة البيه كريم شانتيه اصحي يا اخويا النهارده الجمعة

حازم : هشش عاوز أنام يا مالك 

ملك بصدمة مضحكة: مالك مين انت شايفني بشنبات قدامك جت جمب ودنه و صر*خت : سعادة البيه كريم شانتيه

حازم اتفرع و قام قعد على السرير و هو بيقول: زلزال زلزال يا مالك 

ملك بابتسامة و هدوء : صباح الخير يا سعادة البيه كريم شانتيه

حازم بعد ما استوعب اللي حصل بصلها و قال: انتي بتعملي ايه هنا يا جميلة

ملك : النهارده الجمعة يا سعادة البيه كريم شانتيه يعني غسيل كنيس شقلباظ هيتعمل النهارده في البيت و انا الصراحة عاوزه منك طلب دا غير انك هتساعدني طبعاً في شغل البيت 

حازم: مين دا اللي هيساعدك في شغل البيت 

ملك بحزم : انت طبعا و مش انت و بس دا كله هيشتغل المهم

و قالته على اللي هي عاوزاه

حازم: انتي كدا شنيتي الحرب على وليد و مش هيسكت على فكرة

ملك بلا مبالاة مش مهم المهم اننا ننبسط و ننجز شغل 

حازم : يلا انا أصلا مبقوق منه هنبدا امتي يا كبيرة

ملك : دلوقتي حالا عبال ما اعمل نيولوك التنضيف

حازم : لا هو التنضيف بقي له نيولوك

ملك : طبعاً خلص بس انت على ما أجهز الحاجة بره 

حازم بزهق : طيب 

ملك خرجت جهزت نفسها فدخلت الجلبية الرجالي في بنطلون بجامة شبابي لبساه تحت الهدوم و ربطت شعرها باشارب

مسكت طشط كبير و حطته في وسط الصالة و خلته قريب شوية من اوضه وليد و حطت الهدوم جنبها 

 حولت ماية للطشط و حطت مسحوق و بصت لحازم اللي لسه خارج و اتصدم من منظرها قالتله جاهز

حازم بصدمة ايه اللي انتي عملاه في نفسك دا 

ملك بانشكاح: عجبك النيولوك بتاعي 

حازم : ها اه طبعاً طبعاً

ملك : طب يلا

حازم كان لابس تيشيرت نص كوم و شورت لحد الركبة جاب الصب و حطه جنبهم و علاه على الأخر و قال : استرها يا رب 

ملك : شغل و متخلكاش جبان

حازم شغل الصب و الصوت بقي عالي أوي و قعد قصاد ملك يغسل معاها

الأول جرجرتك، من خيبتك خدرتك

الأول جرجرتك، من خيبتك

الأول جرجرتك، من خيبتك خدرتك

وبقيت تعرف تكدب، وبتلعب على جارتك

وبقيت تلعب بوكر وبتشرب چون ووكر

بقيت تلعب بوكر وبتشرب

وبتشرب چون ووكر، وبتشرب چون ووكر

بقيت تلعب بوكر، وبتشرب

وليد كان نايم و سمع صوت الأغاني حط المخده على ودانه بنوم بس برضوا الصوت واصل ليه 

وليد فوق و قال:والله العظيم ما هسيبك النهارده

ملك كانت بتغسل الهدوم في الطشط و بتغني و متكيفة أوي و بترقص بكتافها شوية

حازم كان بيقلدها بس خايف عليها من وليد

مالك صحي على الصوت متعصب و خرج يشوف في ايه أول ما شاف حازم بيقلد ملك من صدمته بقي واقف و الضحكة على وشه زي الاهبل

وليد خرج من الاوضة متعصب بص عليهم أول ما حازم شافه كدا بص لملك و قال مع الأغنية

من بعد ما طاوعتك مبقتش عارف أعيش

وديتني لحد النار وهناك معرفتنيش

الشيطان قال للعبد

ما تنفض وتهلس، ما تهرتل وتفيس

لو عايز تتنمرد، طب مانت كدا كويس

من خيبتك

و بقي يلطم و يولول على وشه و على رأسه و هو بيقول:

يابا يابا يابا، يابا يابا يابا

يابا يابا يابا، يابا يابا يابا

مالك شافه كدا قعد على ركبته من كتر الضحك بقي ياخد نفسه بالعافية

ملك شافت وليد متعصب مسكت تشيرت مبلول ماية و حدفته عليه و هي بتقول بصوت عالي عشان يسمعها: يلا يا سعادة البيه كنافة بالمنجة إيدك معانا لحسن لسه فيه شغل كتير أوي 

وليد راح للصب بعصبية و طفاه و قال بزعيق: في ايييه يا زفته انتي شكلك مش هترتاحي غير لما امو*تك في ايدي و أخلص منك بقي 

ملك : كدا يا سعادة البيه كنافة بالمنجة و انا اللي عوزاكم تعملوا تمارين الصباح و انتوا بتساعدوني مش كدا وإلا ايه يا سعادة البيه كريم شانتيه

حازم بصلها و تنح و بص لـ وليد شافه متعصب رجع بص تاني لـ ملك و قال : ها 

ملك : هو ايه اللي ها انت مش بتعمل تليين لكف إيدك دلوقتي الله متحسسونيش إن أنا بغصبكم على حاجة

حازم بصدمة: نعم 

وليد: يكش البعيدة تحس على دمها بقي و تعرف إن إحنا متنيليين نايمين و إن النهارده الجمعة يعني اليوم اللي بنستريح فيه 

ملك بصدمة مصطنعة: احلف كدا يا سعادة البيه كنافة بالمنجة

وليد: أحلف على إيه انتي هتصاحبيني يا بت انتي وإلا إيه

ملك ببرود: مش النهارده الجمعة يعني يوم راحه يبقي راحة ليه أنا كمان فتوكم بعافية بقي هدخل استريح في اوضتي على الباد بتاعي و أشير بوستات تافهه

حازم :. كفاية بوستات يا جميلة التايم لاين مش ناقص بس عندي استفسار ايه الباد انتي معاكي أيباد

ملك : هشش أسكت طلما مش عارف المعني متفتيش بص يا سعادة البيه كريم شانتيه الباد دا يعني السرير بتاعي 

حازم : ايوه بس مين اللي هيلم المعجنه دي 

ملك: لا مليش فيه دا بقي طلما مش هتساعدوني يبقي هدخل استريح سعادة البيه الحليوة قال إني زي زيكم هنا 

وليد اتعصب و كان رايح عليها لكنه اتكعبل في طرف السجادة وقع على وشه 

حازم و ملك بصوا لبعض و ضحكوا جامد عليه 

ملك من بين ضحكتها: ربنا بياخد حق عباده من غير ما يتدخلوا احسن أحسن فرحانة فيك

وليد قام بغيظ عشان يروح ليها تاني اتزحلق في شوية ماية بمسحوق و وقع في طشط الهدوم اتغرق ماية

ملك بقت تضحك جامد و حازم من كتر الضحك وقع على الأرض

أما مالك حط ايده على بوقه يكتم الضحك على منظر أخوه

ملك بضحك من وسط ضحكها: هو اللهم لا شماتة و كل حاجه بس انا شمتانه فيك يا سعادة البيه كنافة بالمنجة

حاسب بقي أحسن الماية بتبوظ الكنافة و بتدوب المانجة و رجعت تضحك تاني 

وليد قام من الطشط و هدومه كلها بتنقط ماية دخل اوضته و هو بيقول: ماشي كسبتي أول جوله بس الشاطر اللي يضحك في الآخر و رزع الباب في وشها

ملك بغناء: أهدي حبه لـ تطبي ساكتة متعمليش في نفسك كدا 

حازم: كياده درجة أولي

و فضلت ملك طول النهار كنس و غسيل و تنضيف بعد ما طلبت من حازم يسببها تعمل كل حاجه لوحدها

خاص اليوم و ملك كانت خلصت معاه خدت دوش و قفلت الباب بالمفتاح و نامت زي القتيلة على السرير و هي بتقول: يا سنه سوخة دا ايه الحزن دا بقي بجد شابو ليا جدا و نامت 

---------- 

تاني يوم الصبح مالك خرج على الشركة أول ما دخل جاب ملف ملك مسك البطاقة و قال: نشوف حكايتك ايه بقي يا ست جميلة

بعث عن إسمها ملقاش الإسم و الرقم القومي دا مع الرقم القومي

استغرب و بحث على الرقم القومي بس طلعة إسمها و صورتها الحقيقة

مالك : يا سنه سوخة ايه دا دا انا هوديكي في ستين داهية صبرك عليا يا ملك بس الصراحة هي جميلة أوي

يتبع

تكملة الروايه من هنااااااا