 |
#شهد
#البارت_الاول
_انا حامل
بصلي بصدمه وبعدين اتحولت لجمود
_اللي في بطنك لازم ينزل
_اي انت بتقول اي
_اللي سمعتيه انا مقبلش أن يكون عندى ولد من الحرام
_حرام !!! دلوقتي بقى حرام ادركت الحقيقه دلوقتي
قرب منى وباسني من جيبيني
_احنا متفقين أننا عمرنا ما هنجيب اطفال الا لما نعلن جوازنا صح
_صح بس دي كانت حاجه غصب عني اعمل اي
_تنزليه
_بالبساطه دي انت عارف انا مستنيه اللحظه دي من امتى من يوم ما شوفتك من يوم ما اتجوزنا في السر علشان اهلك ضحيت بكل حاجه علشان اكون جنبك وببساطه كدا جاي تقولى انزله اسفه يا فارس مش هقدر
فارس بعصبية:يعني اني مش هتقدري يعني اي ها انتى عوزا تخسريني كل حاجه انتى مش عارفه مكانتى بقت ازاي في الشركه انتى عوزا تخسريني كل حاجه ومعتز لو عرف حاجه زي دي هيقتلني انتى عارفه كدا كويس
_ميهمنيش اي حاجه ولو مش عاوز تشوفني تاني انا مستعده بس مش هضحي بابني علشانك كان فين تفكيرك في معتز وانت بتخدعني وبتتجوزني انا مبقاش يهمني اي حاجه في ابني
_واهلك والناس
_وكانو فين أهلى يوم ما جيت وقولتلي نتجوز في السر وانا وافقت علشان بحبك يومها انت كنت فكرت في أهلى ها ساكت لي
بص يا فارس انا قولتلك اللى عندى واللى انت شايفه اعمله حتى لو هخسرك مبقاش يهمني علشان انت اناني ومش بتحب الا نفسك سلام
_استنى
وقفت وانا على أمل انو يقولى استنى انا هاجى اطلب ايدك ونعلن جوازنا لقيت رد تاني خالص
_لو منزلتيش الطفل دا انا هعرف ازاي انزله ومتبقيش تزعلى وقتها
بصتله بكسره:انا مبتهددش يا فارس بيه متزعلش انت من اللي انا هعمله..
خرجت من الشقه بنتقابل فيها بالسر وكأننا مش متجوزين جرحني اووي وهوا بيقول مش عاوز عيال من الحرام كنت هصدقه لو مكانش مأذون اللي كتب كتابنا!!
نزلت وروحت البيت السجن اللي انا عايشه فيه اللي كل يوم خناقه شكل ويتكون علي اتفه الأسباب مش عارفه هواجه المشكله اللي انا فيها دي ازاي بس واثقه أن ربنا معايا انا عارفه انى غضبته كتير بس كان غصب عني الحب عماني واكدب عليكوا لو مقولتش الفلوس كمان!!
الاب:اهلا يشهد هانم كنتي فين كل دا
حاولت اتجاهله وادخل الاوضه بتاعتي
_بابا ارجوك بلاش كلام دلوقتي انا تعبانه وعوزا انام
_تعبانه من اي كف الله الشر بتشتغلى وبتصرفي علينا ولا بتجري على يتامى
_اي يبابا الكلام دا عن اذنك انا هدخل انام
دخلت الأوضه بتاعتى وانهارت من العياط مش متخيله أن فارس يعمل معايا كدا بعد ما سلمته نفسي وحياتى كلها انا عارفه أنه هيسيبني
حسست على بطنها:انا عارفه انك هتتظلم في الدنيا دي بس مش هقدر أضحى بيك كدا انا عارفه انك زعلان من بابا انو معترفش بيك بس متقلقش يا حبيبي حقك هيرجع..
نمت وصحيت الصبح على صوت الخناق اللي بقى مألوف ليا واللى كان السبب في استغلال فارس ليا
خرجت من البيت وانا مقرره انى لازم اخد حقى وحق ابني اللي لسه مجاش عالدنيا...
_السلام عليكم
ممكن اقابل معتز بيه ...
_اقوله مين يا فندم
_قوليله شهد جياله في حاجه تخص فارس بيه
*يا تري اي هيحصل
#يارا_عبد_السلام
#شهد
#البارت_الثاني
ممكن اقابل معتز بيه ...
_اقوله مين يا فندم
_قوليله شهد جياله في حاجه تخص فارس بيه
_اسفه مش هقدر ادخلك من غير ميعاد سابق
_نعم!لا انا لازم أقابله ارجوكى الموضوع مهم جدا ابوس ايدك خليني أقابله
_طيب استنى ثوانى
السكرتيره دخلت وخرجت بعد خمس دقائق
_اتفضلي بشمهندس معتز مستنيكي..
خبطت الباب ودخلت وانا مش عارفه ابدا منين ولا اقول اي كنت متوتره وخايفه كنت بفكر اجري واروح البيت ومش عوزا حاجه تاني اتوترت اكتر لما شوفته معقول دا الشخص اللي فارس دائما خايف منه صدقت كل كلامه عنه في اللحظه دي قلبي كان بيدق بعنف من الخوف والتوتر
فقت من سرحانى على صوته الغليظ اللي كان لايق على شكله وهيئته وهيبته
_هتفضلي واقفه كدا كتير اتفضلي قولى اللي عندك اللي يخص فارس
_احم انا انا اسمي شهد وابقى مرات فارس
_اي!مرات مين فارس انتى قصدك فارس اخويا متجوزك انتى
_ايوا متجوزني انا وكمان في حاجه كمان
بصلي بغموض:اي هى
اتوترت وكنت خايفه من هدوءه:انا انا حامل من فارس وهوا سابني ومش عاوز يعترف بيه مع اننا متجوزين عند مأذون
_اي انتى شكلك بتهزري يا بت انتى انتى مفكره الدور اللي داخله فيه دا انا هصدقه فارس متجوز وبيحب مراته
قرب مني وانا كنت مصدومه ورجلى مش شايلاني مسكني من شعري بعنف وانا كانت دموعى نازله على وشى :انتى مين باعتك يا بت
_مفيش حد باعتني والله حتى جيب فارس واسأله
في نفس الوقت دخل فارس واتصدم
_شهد!؟
شهد بصتله بدموع انت كنت المده دي كلها بتخدعني ومفهمني أن حياتك صعبه وانت متجوز وبتحب مراتك انت لي عملت معايا كدا
معتز بعصبية:انت تعرف البنت دي انت متجوزها فعلا
وحامل منك
فارس بص في الأرض ومش عارف يقول اي بصلي وقرب مني بعصبية:انتى اي اللي جابك هنا انا مش حذرتك مره اي اللي جابك
_انت مفكر انك هتتسلى بيا شويه وتبيعني انا عمري ما كنت اتخيل انك بالوقاحه دي بجد انا بندم عاليوم اللي سلمتك فيه نفسي تحت مسمى الحب انت رخصتني قدام نفسي انا بكرهك على قد حبي ليك
_انتى اللي اختارتى كل دا بكيفك انا مضربتكيش على ايدك
_للاسف كنت عاميه ومش شايفه غيرك ..
بصيت لمعتز اللي كان واقف بعصبيه:انا كنت مراته على سنه الله ورسوله يعني ابنى اللي منه دا بالحلال ارجوك انا مش طالبه منك غير أنه يعترف بابنه قدام الناس انا مش عوزا حاجه من الدنيا ارجوك ساعدني ومش هتشوف وشي تاني
معتز حس أن اخوه فعلا ضحك عليها وأنها مظلومه ...
فارس قرب منها بغضب ومسك أيدها بعصبية:ممكن تتفضلي تمشي ونتكلم بعدين
_انا مش عوزا اتكلم معاك ولا عوزا اشوف خلقتك انا كل اللي هاممني دلوقتي ابنى اللي بطنى اللي انت حكمت عليه وعلى أمه بالاعدام انت واحد عديم الضمير
في الوقت دا دخلت بنت
_فارس حبيبي انت هنا
كانت بنت جميله وملامحها هاديه ورقيقه شهد بصتلها بذهول وبصتله وهى مش مستوعبه اللي بيحصل ازاي قدر يخدعها بالسهولة دي باسم الحب قد اي هى طلعت هبله وصدقته وفرطت في شرفها بسببه..
البنت قربت من فارس وباسته من خده :حبيبي بقالى فتره مستنياك في المكتب وانت مجتش
_احم ساره حبيبتي كان في شوية شغل مع معتز روحى انتى وانا جاي وراكي
_ماشي يا حبيبي
وبصتلى من فوق لتحت ومشيت من غير ما تعلق..
انا سبتهم واقفين ومشيت وانا حاسه الدنيا كلها بتلف بيا دموعى نزلت بغزاره وقلبي بقاش مستحمل كنت ماشيه تايهه فجأه دوخت ووقعت ...
السكرتيره جريب عليها وفضلت تصرخ فارس ومعتز خرجوا من المكتب وجريوا عليها وكان فارس خايف عليها جدا
_شهد شهد فوقى
كانت فاقده للوعى ساره جت
_في اي مالها ومين دي
معتز:مش وقته
بعد فارس عنها شالها بين ايديه وبص عليها وحس أنه عاوز يقتل اخوه ...
راحوا المستشفى اللي كانت قريبه منهم
دخلوها اوضه الكشف
الدكتور:مين جوزها
معتز:انا....
فارس وساره بصدمه:اي!!
#يارا_عبد_السلام
تعليقات
إرسال تعليق