1 🌵🍃
اغتصبوا راجل ؟ معقول !
اه والله دا اللي عرفته
يعني البنت اغتصبته ؟ مش فاهمه.....مش داخل دماغي ان دا يحصل اصلا !
استني خدي التقيلة دي كمان دا قتل ابنه..
قاطعهم صوت قوي بيقول انتي ي زفته منك ليها قوموا كملوا تنظيف وبطلوا رغي الباشا قرب يوصل
ميليسا : حاضر ي ست جليلة ، يلا ي كلياني قومي خلينا نخلص بدري
كلياني وهي بتنفخ بزهق : طيب
جليلة : ميليسا اطلعي انتي روقي اوضة ركان بيه وانتي التانية تعالي معايا
طلعت ميليسا بعد ما وصفتلها الست جليلة مكان الاوضة لانه هي لسه شغالة جديد اول ما دخلت الاوضة اتصدمت من منظرها : اعوذ بالله من الشيطان الرجيم
، كل حاجه في الاوضة اسود ، الحيطة و السيراميك الدولاب السرير
دخلت وعينيها بتيجي ع كل حاجه موجودة في الاوضة خطواتها بطيئة لغاية ما وصلت عند الدولاب فتحته براحه وقالت بصوت واطي : الراجل دا والله ما عنده زوق حتي اللبس اسود
خدت الهدوم اللي موجودة ناحية الشمال زي ما قالتلها الست جليلة وحطتهم في سبت الغسيل وبدأت تروق الاوضة بعد ما خلصت كانت تعبانه جدا وقالت بنبرة غيظ : اه ي ضهري ولا ايدي مش قادرة يا حظك النيلة ي ميسو من صغرك شغالة خدامه حتي في بيت امك بسبب اللي ما يتسمي جوز امك
ميليسا بغيظ وهي بتمسك سبت الغسيل وبتطلع لقت في وشها راجل باين عليه الثراء لابس بدلة سودا وباين شيك جدا مشي بخطوات بطيئة ناحيتها وقال بصوت رجولي هادي الي حدا ما : ميليسا ال New servant( الخادمه الجديدة)
ميليسا تنحتله لما عرف اسمها بس هي مفهمتش الانجليزي اللي قاله فقالتله ببلاهة: نعم حضرتك ؟
بيبصلها من فوق لتحت وقال بقرف : بقول ال New servant ايه ما بتسمعيش ؟
اتغاظت من كلامه بس حاولت تهدي نفسها لانه من هيئته باين انه حد من صحاب المكان : هو حضرتك شايفني اجنبية ؟ انا مصرية كلمني عربي
بصلها بنظرات مش مفهومه هل هو كدا اتعصب ولا لا فرد عليها بصوت عالي شوية : اوك go out
بصت في السبت وبعدين بصتله تاني وهي بتقول في مخها يارب انا ما بكرهش في حياتي الا الانجليزي وديما كنت بشيله يارب متحطنيش في موقف زي دا انا والله حاولت اذاكره بس هو مادة رخمه ، حاولت تدور ع رد بسرعه يكون مناسب لاي حاجه فقالت بتوتر : انا نظفت الاوضة وهنزل محتاج حاجه حضرتك ؟
سابها ودخل وقفل الباب وراه جامد
غمضت عينيها وقالت بصوت واطي لنفسها : اهدي دا شغل وطبيعي نواجه حاجه زي كدا ، راجل قليل الذوق صح معندوش دم
نزلت متضايقة بسبت الغسيل
°•°•°•°•°•°•°•°•°•°•°•°•°•°•°•°•°•°•°•°•°•°•°
في جانب تاني
بنت قاعده نايمه ع الارض هدومها مقطعه بطريقة وحشية علامات ع جسمها ودموعها نازلة وبتردد وتقول : حسبي الله ونعم الوكيل
بيتكلم راجل وراها وبيقول : خلاص يا حلوة خدنا اللي عايزينه
ويرد الاخر بسخرية : بس اي دي طلعت صاروخ بص يعني مشوفتش في جمالها
الراجل الاول بيغمزله بوقاحه : روح اتدلع مع الصاروخ شوية عشان كمان شوية هنرجعه لمكانه
البنت سمعاهم وهي بتعيط وبتحاول تقوم ونقاوم الراجل اللي بيحاول يقربلها
بس للاسف مفيش مقارنه في القوة ما بينهم
°•°•°•°•°•°•°•°•°•°•°•°•°•°•°•°•°•°•°•°•°•°•°
ركان خد دوش ونزل قعد ع السفرة
وكانت ميليسا بتحط اخر طبق ع السفرة وقالتله بهدوء : بالهنا والشفا ، محتاج حاجه تاني ؟
قالها بإستفزاز : انا فيا لسان اتكلم لو عايز حاجه يعني
وشها احمر من الاحراج فهزت راسها بمعني ماشي وجاية تمشي
قال بصوت عالي : bring me my phone (هاتي موبايلي )
وقفت وهي مش فاهمه هو قال اي فرجعتله بهدوء وسألته : نعم حضرتك؟
اتنرفز منها هو حاسس انه بيتكلم هيروغليفي عشان كدا مبتفهموش ، هي دي طريقة كلامه ومعظم تعاملاته مع ناس في نفس طبقته الاجتماعية حتي الخدامه اللي قبلها كانت اجنبيه فرمي المعلقة من ايده في الارض وبزعيق : هو انتي غبية ولا مبتفهميش ؟
اتنفضت خوف منه ومن ملامحه اللي اتغيرت خالص وكأنها ارتكبت جريمه
فقالتله بخوف : اناانا اسفه حضرتك بس انت اتكلمت انجليزي او لغة تانيه فمش فاهمه حضرتك
بصلها بقرف ورد : كمان جاهله !
عينيها دمعت وردت عليه وهي متضايقة من الموقف ومن نظرته واستهزاءه بيها : طالما حضرتك بتعرف تتكلم عربي كلمني
قام من ع السفرة بحركه سريعه خلاها تخاف وترجع خطوتين لورا
: انتي جاية منين ها فهميني؟
بصت في الارض وبإحراج وردت : من امبابة
نادي بصوت عالي : جليلة يا جليلة
جات الست جليلة بسرعه : نعم ي ركان بيه في مشكله ؟
قالها بصوت عالي وهو بيبص لمليسا بقرف : جايبالي واحده من الشارع تشغليها عندي
جليلة بصتلها بنظرة حاده وبعدين ردت : انا بعتذرمن حضرتك بس هي مؤقته في حين رجوع الخادمه الاساسية
ركان قعد ع السفرة وكمل اكل بدون ما يرد عليهم ودا طبعه لما بيتعصب بيرجع يهدي من غير ما يتكلم ولا كلمه بمعني اخر بينسحب
°•°•°•°•°•°•°•°•°•°•°•°•°•°•°•°•°•°•°•°•°•°•°
نرجع عند ميليسا اللي خلصت اول يوم شغل ليها وعدي بصعوبة جدا بسبب المشكلات اللي بتواجها مع صاحب المكان
كانت الساعه ١٢ بليل
خبطت ع الباب وفتحلها جوز امها اللي منتظرها بفارغ الصبر ومستحلفلها ع التأخير ، شدها من شعرها : ادخلي ي بنت ال ***
قفل الباب وراها جامد
وهو لسه ماسكها من شعرها جامد وبيسألها : انتي مش قولتي ي بنت ال *** انه الزفت الشغل هيخلص ٨ ، بتستغفليني ي بت عنيات
هي ماسكه ايده اللي ع شعرها وبتحاول تفكها وردت عليه وهي موجوعه : لا والله بس دا عشان اول يوم كان في تعليمات وااااااااااه حرام عليك شعري
رماها ع الارض بقوة وقالها : فين قبض النهاردة ي يت
ردت وهي بتقوم وبتعدل هدومها : لسه هقبض اول الشهر الجاي
جات مرته وباسته وقالت بتدلع : حبببي انت صحيت
رد عليها بعد ما مسك ايديها وسحبها ع الاوضة : بسبب بنت ال *** اللي راجعه بليل لوحدها دي
قفل الباب وراهم
وقالت ميلسيا بغل : ناس وس**خة
ودخلت اوضتها وقفلت الباب وحدفت نفسها ع السرير وهي بتعيط
هتفضل ع الحال دا لامتي حاليا قربت تكمل ال ١٩ سنه ولسه تحت خدمه الناس وعبيدة للراجل اللي اتجوز امها وضحك عليها
من حوالي ٩ سنين
ميليسا ماسكه ايد مامتها وبتعيط : ماما انتي هتصحي وربنا هيشفيكي صح
مسكت صباح ايد بنتها وباستها بتعب وقالتلها بحنيه : يا حببتي زي ما قولتلك هروح عند ربنا في الجنة الحلوة
حضنت ميليسا مامتها وقالتلها : طب خديني معاكي يا ماما انا مش عايزاكي تسيبيني
حضنتها مامتها جامد ومقدرتش تمسك نفسها وعيطت هي كمان
دخل عليهم جوز امها اللي اول ما تشوفه ميليسا بتترعب وبتخاف وقال بتمثيل : حببتيي صباح عاملة اي دلوقتي
صباح قالت لبنتها تطلع برا وبالفعل البنت بعدت عن حضن مامتها بصعوبة من كتر ما هي مش عايزة مامتها تشيبها وتمشي وبصت علي جوز مامتها بكره وخوف فؤ نفس الوقت وطلعت برا
صباح بحزن : الدكتور قالي انه قدامي يومين بالكتير للاسف مش هقدر اعيش اكتر من كدا يا جمال
باس ايديها وقالها بتمثيل : بعد الشر عليكي ي حببتي انتي مش عارفة لو موتي هيحصل فيا اي ، انا مش هقدر اهيش من غيرك
صباح دموعها نزلت وقالتله : انا بحبك يا جمال زي ما انت بتحبني واكتر وبثق فيك اكتر من نفسي عشان كدا هأمنك علي بنتي وكمان هكتبلك البيت وكل فلوسي في البنك بأسمك ونصيب ميليسا تدهولها لما تكمل السن القانوني
كل دا وميليسا واقفه ع الباب بتسمعهم وبتعيط
°•°•°•°•°•°•°•°•°•°•°•°•°•°•°•°•°•°•°•°•°•°•°
عند ركان
كان قاعد بيرن ع اخته بقلق ، اول مرة تتأخر وبعت رجالته يدورو عليها
خبطت الست جليلة عليه ودخلت ووشها كله اصفر وباين عليه القلق
ركان بسرعه : جات ؟
هزت راسها يمين وشمال بمعني لا وقالتله بصوت متخوف : بس في حد بعت الظرف دا
بص في الظرف وفتحه ولقي صور اخته للاسف في منظر وحش ومع الرجالةالرجالة اللي اغتص*بوها
#رواية_بريشيا 🌵🍃
متنسوش لو الرواية عجبتكوا لايك وكومنت حلو ♥️
تعليقات
إرسال تعليق