 |
روايه:- مكتوب بدمي
بقلم:- ( منى سليم )
الفصل:- الثالث
بعد كام يوم مصطفى بيقابل واحد مجهول وفى ايده ملف
مصطفى: اخبارك ايه يا ابو الصحاب
المجهول: تسلم نحمده على كل حال
مصطفى: جبت إللى قلتلك عليه
المجهول: ايوه يعم الملف بتاع البت اها بعد كده متسالنيش ع حاجه تانى خده ،بس انت هتعمل بيه ايه
مصطفى: خد الملف وحرقه.....اديك عرفت هعمل بيه ايه
المجهول: طب ما هي تقدر تطلع مستخرج تانى
مصطفى: مين إللى هيطلعلها غيره أبوها وهيسافر ،وانا مش فاضى وشريف ميقدرش يعصانى يلا عاوز حاجة
المجهول: ايوه حاسب قبل ماتمشى
مصطفى: طول عمرك م"ف"ن. اها يا خويا
المجهول: سلام يا فاعل الخير
محمد: يلا يا هنا عشان نلحق المدرسه قبل ما تقفل
هنا: يلا يا ميدو بس استنى اشوف الطرحة مظبوطة كده
ف الطريق
هنا : ايه الحلاوة دى ياميدو انا كدة اخاف تتعاكس مني
محمد: ههههه لو امك سمعتك تموتك دى لسه بتغير عليا
هنا: من حقها تغير مش جوزها من
محمد: طب بس كفاية فضايح
ف المدرسه
الموظف: للاسف الملف مش موجود
محمد: يعنى ايه انت بتهزر صح
الموظف: يااستاذ محمد ف حد سحب الملف بتاع ينام
محمد ف نفسه عملتها يا مصطفى
محمد: يلا ياهنا
هنا : بس يابابا
محمد: طول ما انا معاكي متخافيش
هنا: بثقه انا عارفه ،وفى نفسها عارفه ان عمها هو إللى عمل كدة وبتسال نفسها هو بيعمل كده معاها ليه يا ترا
وبعد كام يوم محمد بينده على هنا بفرح
محمد : هنا....هنونه.....تعالى عندى ليكي خبر هيطيرك من الفرح
هنا وهى بتجري على أبوها
هنا بلهفة : ايه يا ميدو فى ايه
محمد: جهزي نفسك بكره الصبح هتروحي تقدمي ف الكليه
هنا: وحياة النبى........ لولولولولولى......
اخواتها ف صوت واحد عايزين الحلاوة
ايمي:انا عايزه شيكولاتة
نورهان : وانا كمان عايزه شيكولاتة
ولاء: انا بقى عايزه حقى ناشف
هنا: ااه يا ماديه
احمد: وانا عايد فلوت. (انا عايز فلوس) اصله الدغ ف السين والزين
هنا: خلصتو كلامكو ولا حد هياخد مني حاجه
بتجري هنا وهما بيجرو وراها مع صوت الضحك العالي طبعا
محمد: يا ولاد المجانين
زينب: ربنا يخليك لينا وميحرمناش منك يابوااحمد
محمد بغمزه : انا عندي اعز منكو يازوبه
زينب: بس ياراجل العيال يشوفك
عند مصطفى كان قاعد لاطايق سما ولا ارض وبيكسر اي حاجه قصاده
وفاةبخبث: إللى كنت خايف منه حصل ياسبع
مصطفى : هو إللى جابه لنفسه وعياله
وفاة: هتعمل ايه
مصطفى: انتى عليكى تتفرجى ،بس الصبر
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
بعد تلات سنين وهنا فى. سنه تالته هندسه و ولاء فى سنه اولى معاها فى نفس الكليه... ما خلاص هنا فتحت باب الكليه لبنات العيلة حتى بنات عمها صمموا يدخلوا الجامعة
محمد: مبروك ياهنا جالك مازن ابن عمك
هنا :ايه بس انت عارف يابابا انه بيحب ولاء وانا مقدرش اخد حاجه اختى عينها فيها ما بالك بقى لم يبقى إللى عايزه تتجوزه
محمد: مين إللى قالك كده ؟
هنا : انا عارفه حتى اسال مازن
هنا: الوو يا نفين الحقينى .......فى مصيبه ابويا عايز يجوزنى مازن بن عمي
ولاء. كانت معديه بالصدفة وسمعت هنا وبتتكلم فعلي صوت بكاها وهنا شافتها
هنا: ولاء ....ياولاء
و ولاء قافله على نفسها باب اوضتها وتسمع هنا صوت شهقاتها
هنا:.............
يتبع:-.....
ياترى هنا هتعمل ايه؟
على فكره الحكايه لسه هتبتدى اشوفكم على خير ف الفصل إللى جاي
روايه/ مكتوب بدمي
بقلم/ مني سليم
الفصل/ الرابع
تذكير 👈: ولاء سمعت هنا بتكلم نفين بكت وجرت على أوضتها.. .
هنا: ولاء.......يا ولاء....انتى يا بت
ولاء: عايزه ايه يا هنا امشي الوقت
هنا: صح احترس من اقترب من الارض عالعموم يا قوزعه انا قولت لابوكي مازن عايز ولاء مش انا...... سلاملم يا قطة
ولاء : فتحت الباب بسرعه بتقولي ايه
هنا بضحك: لا ما تاخديش في بالك
ولاء: ياست اخلصى وابوكي قال ايه
هنا: لا لا لا اصل انتي جرحتيني
ولاء: معلش هنشوف الجرح بعدين ها ابوكي قال ايه؟
هنا: مازن لم كلم بابي
ولاء: بابي ...كملي
هنا: بت.....طب مش هحكيلك طقي بس 😜
ولاء: خلاص بعد ما كلم بااااابي هههه ايه إللى حصل
هنا: بس هو وعمك كان فاكرين انه عليا انا بحكم ان انا الكبيره انا وضحت سوء التفاهم اللي بينهم وقولتهم انه عاوز الاخت ولاء بس يا ستي هي دي الحكايه
ولاء : بتكلمي جد.....طب احلفي......طب هيجوا متا
هنا : يا اختي ما هي دي المصيبه مش هيجوزوكي ولا هيخطبوكي غير لما انا اتخطب عشان انا الكبيره قال ويلا بقى عشان عندنا كليه الصبح ولا زي العاده ناس تعل
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
وبعد كم شهر محمد ابو هنا وجدتها بيقولوا لها اتاخرت ليه النهارده عندنا خبر هيطيرك من الفرحه انت اتخطبتي مبروك يا حبيبتي ربنا يتمم بخير
هنا: هنا ايه ده الله ده بجد طب والنبي قبل الفرح ابقواا قولولي علشان نفسي احضر فرحي خالص وهو بالمره ابقى عامله حسابي
محمد: بنت انت مش عايز لماضه انا عارف ان هو هيعجبك
هنا: طالما عجبك يا ميدو يبقى عجبني هو في كلام بعد كلامك
محمد: خلاص اجهزي عشان الفاتحه بعد يومين
هنا: حاضر
جدتها: يحضر لك الخير يا قلبي يا حته السكر
هنا: ايه ده انا مش واخده على الدلع ده كله طب يا رب يهدينا كل يوم عريس علشان ترضى علينا يا طفطف
عواطف: شف البنت يا اخويا ولماضتها انا راضيه عنك على طول يا حبيبتي
في الكليه
نفين: ايه يا بنت هتتجوزي واحد عمرك ما شفتيه
هنا: يا ستي طالما عاجب بابا يبقى اكيد هيعجبني حتى لو ما عجبنيش انا عايزه ارضي ابويا وولاء كمان مستنيه ان انا اتخطب علشان خطوبتها هي ومازن. وبعدين انا مافيش حد ف دماغي اصلا
نيفين: ايه ده مين اللي بيتكلم هنا لا لا لا اكيد بحلم طب وعلى كده تعرفي شكله
هنا: هيكون ايه يعني اكيد واحد بكرش من صحاب عمي هو انا ما قلتلكيش مش العريس يبقى ابن اخت وفاء مراات عمي ربنا يسترها يا خوفي يكون شبهها تبقى مصيبه
نيفين: هههههههه معاكي حق
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
يوم الفاتحه والكل مبسوط وكان يوم جمعه هنا واخواتها واولاد عمها واولاد عمتها وخالها اللي في القاهره حاضر وكمان صاحبتها نيفين موجوده واهل العريس كلهم حاضرين قراوا الفاتحه والكل قال فين العروسه ونده محمد على هنا
هنا: هنا دخلت ومش عارفه مين فيهم سلمت على الكل وبعد كده قالت في نفسها هو هيروح فين يلا بلاش اتصدم دلوقت قصاد الناس يا خوفي يكون ده ابو جلابيه ولا ده اللي وشه مكشر
محمد :ايه ما سلمتش على خطيبك ليه
هنا: ما انا سلمت يا بابا
محمد : يا بنت خطيبك قاعد جنبي وانت ما سلمتيش عليه
هنا : بتبص جنب ابوها وبتقول في نفسها يا لهوي يخرب بيت حلاوتك صح اللي بيصبر ينول طب ده انا امشي معه في الشارع ازاي
محمد قاطع تفكيرها ايه يا هنا سلمي
سلمت هنا بكسوف ودخلت جوه
وبعد كم يوم حددوا ميعاد الشبكه هنا وولاء يشتروا الشبكه في نفس اليوم واختاروها شكلها جميل ولائق وبعد اشتروا الشبكه مازن خطيب ولاء اخذ الاذن من محمد ان هم يخرجوا مع بعض بصحبه هنا والعريس
في الكافيه
هنا :هو انت اسمك ايه
ههه يخرب بيتك انت ما تعرفيش اسمي لحد دلوقت ايه
هنا : لا والله هم قالوا لي انتم اتخطبت وانا قلت لهم على البركه هو انت اسمك ايه بقى
انا يا ستي اسم حاتم الهواري ضابط في الجيش ومش بانزل المنيا كثير
هنا : انت كمان ضابط
حاتم : اوعي تقولي انك ما تعرفيش امال تعرفي ايه عني
هنا :اعرف ان انت ابن اخت مراات عمي فنفسي اتسدت ما رضيتش اسال عليك
حاتم: ههههههههه دمك خفيف عكس ما كنت اتصورك
هنا : ليه ان شاء الله كنت متصور ايه
حاتم بضحك: لا ابدا
هنا : طب يلا نمشي اتاخرنا يلا يا لولو يلا يا عاشق
مازن: طب ما تخلينا شويه
ولاء: يا هنا استنى شويه
حاتم : ما تستني
هنا : يلا يا بابا عندنا جامعه الصبح
ف الطريق
ولاء : هو قالك خلاكي تاكلي في نفسك
هنا: انا شكلى دمى تقيل ماااشي
ولاء بضحك: هو لحق يعرف هههههه ده برميل مفهمومية نيييههههه
هنا بشر: بت
ولاء بخوف مصطنع: خلاص خليها عليك ياسطا
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
وبعد كم يوم وهنا في الجامعه جاء لها تليفون
هنا : ايوه يا هدير
هدير: الحقي يا هنا. ..... ولاء اختك ماتت
هنا:...........
يا ترى ولاء ماتت ازاي؟.........
ا ده اللي هنعرفه الفصل الجاي اتمنى انك يكون عجبكم الفصل ومعلش طولت عليكم بس كان لازم اقول لكم التفاصيل هاستنى تعليقاتكم وارائكم شجعوني اكمل في رعايه الله
 الفصل:- الثالث بعد كام يوم مصطفى بيقابل واحد مجهول وفى ايده ملف مصطفى: اخبارك ايه يا ابو الصحا…){kind=link}
تعليقات
إرسال تعليق