 |
حنين الليل الجزء الثاني
#البارت10&11❤
كارما بخوف ورعب : ا انت ميييييييين😳
الشخص بصلها ورش علي وشها مخد*ر
كارما : اااانت بتعمل ااااااي ب...... (وفقدت الوعي)
______
في البلكونه
وجدان : لاء ليه بقا ان شاء الله
حيدر : انا قولت كلمه ومش هقررها
وجدان : يابني احنا اتفقنا اننا هنخرج تاني يوم وتالت يوم العيد هنقضيه في الساحل فين المشكله في الموضوع
حيدر : انتي مش شايفه مشكله خالص هتخرجي انتي واصحابك البنات وهما هيجيبو معاهم اصحابهم الشباب وعايزاني اقولك ومالو ي قلبي سافري براحتك دانتي تحمدي ربنا اني مكسرتش دماغك
وجدان : منا قولتلك تعالي معايا وانت بتقول مشغول
حيدر : يبقا المفروض تقدري اني مشغول وتسكتي مش جايه تبجحي وتقوليلي هتسافري لوحدك معاهم
#بقلمي_اميره_رمضان
وجدان : قول كده بقااا انا مش هحبس نفسي في البيت عشان شغلك اللي واخدك مني طول الوقت انا قولت لماما وهي وافقت وخلاص مش مستنيه موافقه من حد تاني وهسافر الاسبوع الجاي
حيدر بصلها بغضب من كلامها وسابها ودخل
وجدان :انت سايبني ورايح فييين
ياربي هو انا عكيت ولا اي
امها طلعت من جوا : عكيتي بس انا لو مكانو كنت ولعت فيكي اي الكلام الزفت اللي قولتيه ده
وجدان بزعل : بس بقا ي مامي مش وقت الكلام ده هو سابني ودخل اعمل اي
(وبصت تحت شافته ماشي)
امها : اهو سابلك المنطقه ومشي اهو
وجدان بضيق : رايح فين بس
________
بعد ساعه تقريبا بتفوق كارما وبتلاقي نفسها نايمه علي سرير وطرحتها جنبها بتمسك الطرحه بسرعه بتحطها علي شعرها ومن خوفها علي ابنها بتصرخ وهي حاطه ايدها علي بطنها
كارما بصراخ: ااااانتو ميييييين وعاااااايزين مني اااااااي
بيدخل شاب وسيم وبيقول : منتي عارفه اني عايزك انتي ومش عايز اي حاجه تاني غيرك وبتصرخي ليه اوعي تقولي انك نسيتي بيتك
كارما باستيعاب : انت اللي جبتني هنا مفكر يعني انك هتحبسني ومش هعرف اطلع من هنا دانا هوديك في ستين داهيه
الشاب بهدوء: هتعملي اي يعني
كارما : هصرخ وهلم عليك الناس وهقولهم انك حرامي وخطفتني
الشاب بضحك : بس كده طب مستنيه اااي
كارما بصتله بغيظ وسكتت
الشاب : عرفتي الناس هتقول اي اقل كلمه هيقولو ده جوزك وده بيتك وحدي الله ي بنتي
(وقرب يقعد جنبيها علي السرير )
كارما : قوم من جنبي انا طالبه الطلا*ق ومفيش حد هيغير الفكره دي نهائى
عمر : طب ليه لحد دلوقتي مقولتيش لحد من عيلتك علي الموضوع ده ومفهماهم انك قاعده معاهم عشان انا مسافر مش عشان طالبه الطلاق
كارما : مش حابه انكد عليهم اليومين دول عشان العيد بس متقلقش هنتطلق وكل واحد يعمل اللي عايزو
عمر ببرود ؛ خلاص هتفضلي قاعده في بيتك معززه مكرمه لحد ما اليومين دول يخلصو وبعدين تبقي تقولي لاهلك
كارما : مين ده اللي هيخليني اقعد هنا ثانيه واحده وبعدين تفتكر اهلي هيسكتو دول هيقلبو الدنيا عليا
عمر بضحك: متقلقيش هما عارفين انك معايا مش عايزك تشغلي بالك بالموضوع ده
كارما بغضب : انت اكيد كنت متفق مع ماريا
عمر بابتسامه: هو انا ليا غيرها في المواقف دي
#بقلمي_اميره_رمضان
كارما : غبييييه طول عمرها بتقف معاك ضدي هي مش فاهمه اي حاجه
عمر : طب مش يمكن انتي اللي مش فاهمه
كارما : لاء انا فاهمه كويس اووووي وعارفه اللي لا ماريا ولا غيرها يعرفو
عمر : عارفه اي
كارما بانفعال: انت هتمثل عليااااا خلاص مفيش حاجه تخبيها وزعلان ليه هتطلقني وتتجوزها زي مانت وامك واختك عايزين
عمر بنفاذ صبر : طب بصي بقا عشان انا خلاص صبري خلص وجبت اخري من الموضوع ده انا قولتلك مليون مره اني بحبك انتي ومش بحب حد غيرك ايوا انا خطبت ميس فتره بس والله كانت خاليه من اي مشاعر ولو كنت بحبها هسيبها لييييه
كارما سكتت
عمر : انا حكتلك علي الموضوع ده من اول يوم عرفتك فيه وانتي تقبلتي الموضوع عادي ليه بقا الفتره دي مش طايق حد
كارما : انت اللي تصرفاتك الفتره دي مش مظبوطه ومديت ايدككككك عليا
عمر ؛ انا مضربتكيش من غير سبب انتي اللي مسمعتيش كلامي واستفزتيني لحد مضر*بتك
كارما بعصبيه : مش هسمع كلاااامك ومش هسمحلككككك تمد ايدك علياااااا تاااااني
(كارما حست انها دايخه غمضت عنيها وقالت سيبني لوحدي )
عمر: تمام بس شويه وهجيلك
_________
سندس : اخير وصلتوو
ميرا : عااايزه ااااشرررررب
حنين : يابنتي دانتي هتعملي جفاف في البلد بسبب المايه اللي شربتيها كل ده ولسه مشبعتيش
سندس : فين كارما
ماريا : روحت مع عمر
سندس بفرحه: هو عمر نزل من السفر امال كانت بتقول مش هياجي الا بعد العيد ليه (وبصت لخديجه وقالت بصوت واطي ) شوفتي احساسك كان غلط وهو كان مسافر ورجع اهو فكك انتي بقا من التفكير السلبي ده
خديجه بعدم اطمأنان : يارب يكون فعلا احساس غلط
#بقلمي_اميره_رمضان
ماريا : الحمد لله انه نزل خليها تعيد عنده العيد ده بتاع لحمه وهي كانت هتخلصها
خديجه : الف هنا وصحه علي قلبها ي حقوده انتي
ماريا : علفكره الحقوده دي بنتك برضوووو
عز دخل : اتاخرتو كده ليه
حنين : تاخير اي ي زيزو داحنا لفينا في ثانيه وجبنا حاجات بسيطه
عز : يعني انتو لسه هتنزلو تاني
جنه : تاني وتالت وعاشر
رعد وهو داخل مع ايان وسليم : ده عند امك (وبص لخديجه وقال)سوري ي عمتو
خديجه بضحك: خد راحتك
ميرا : هو ااااي يعني مش هنجيب لبس للعيد بقا ونتدلع ولا هنقضيه بالبجامات
عز : وحد كان منعكم انكم تجيبو لبس
ميرا : امال انتو بتقولو اي دلوقتي
ايان : ليكم مره كمان هتنزلوها ومش لوحدكم انا هكون معاكم وتخلصونا بقا من الحوار ده
جنه : يارب بس نعرف نجيب كل حاجه في المره دي
سليم : الله يرحم لما كنت بنزل اجيب اللبس ليله العيد
حنين : هو انت ياض هتقارن نفسك بينا
سليم : اي ده مين القطه اللي طلعلها صوت دي
ميرا : سيبك من القطه ياعم الديناصور واخلع من الحوار مش ناقصين تعقده يخربيتككككك
ايان : ماريا عايزك شويه في الجنينه
(طلعو برا)
ماريا ؛ نعم
ايان : انتو ليه جايين بعربيه عمر امال العربيه بتاعتك فين
ماريا : ماهو اصل كارما روحت بيها
ايان : طول عمرك مابتعرفيش تكدبي قولي اللي حصل من غير لف ودوران وحكايه ان عمر مسافر دي فكك منها لان عمر مطلعش برا المحافظه اصلا
ماريا : بس وعد الكلام ده بينا
ايان بصلها وسكت
ماريا : انا باكد بس شوف كارما علي اد ما بتحب عمر بتحب نفسها وكلمه تنازل في حياة كارما ملهاش وجود والطبيعي ان بعد الجواز بيحصل مشاكل كتيره لكن كارما من اتفهه المشاكل بتعمل حوار وعمتا هي هنا كانت غضبانه اصلا
ايان : وليه ومحدش قال
ماريا : هي قالتلي انا والبنات وقولتها تقول انها هتقعد معانا عشان عمر مسافر عشان متنكدش علي حد في ايام العيد مكنتش عايزه الموضوع يكبر
ايان : بس هي جات ولازم كنا خدنا حقها لو ليها حق انتي ناسيه انكم وراكم رجاله ولا اي
ماريا : عارفه ي ايان والله وعارفه انكم سندنا وكل حاجه لكن الموضوع مش مستاهل
ايان : قولي الموضوع وانا اشوفه مستاهل ولا لاء
ماريا : يعني هي جات عشان عمر ضر*بها بالقلم
ايان بانفعال : ضر*بها وتقوليلي الموضوع مش مستاهل امال مستنيه لما يقتلهااااا عشان يبقا يستاهل
ماريا وهي بتهديه:اهدي بس واسمعني واعرف اللي حصل كارما كانت في شقتها وعمر قالها في ضيوف قرايبه جايين والناس دي عمر مش بيقبلهم اصلا قالها متنزليش وهما تحت وكارما مسمعتش الكلام ونزلت
ايان : ومسمعتش الكلام ليه
ماريا : لانها كانت مفكره ان هو مش عايزها تنزل عشان يقعد مع بنات العيله براحته وكده يعني ولما نزلت لبست ضيق اوي وهو قالها قبل كده ان اللبس ده متنزلش بيه وهي نزلت بس فالما رجع اتعصب عليها وضربها
ايان بغضب : ويضر*بهاااا لييه كان المفروض فهمها بالعقل
ماريا : اهدي بس هو بصراحه مسك نفسه لما شافها وخدها وطلع الشقه واتعصب عليها وهي استفزته في الكلام لان زي مقولتلك حد مالي دماغها ان جوزها بيحب وحده من بنات العيله بمعني اصح الشيطان داخل بينهم وانا عارفه مين الشيطان ده بس فضربها بالقلم
ايان : طب وهي رجعتلو ليه
ماريا : عمر حاول يكلمها كتير وهي رافضه هو حس بالغلط اللي عمله لكن برضو بيقول كارما غلطت وهي اللي وصلته لكده فعايز يتكلم معاها عشان يحلو الخلاف واتفقنا انه يركب العربيه ويخطفها
ايان : ماريا انتي متخلفه ازاي تعملي في اختك كده
ماريا : ده الصح ي ايان كارما لازم تعرف ان طبيعي تحصل مشاكل ومش من اول مشكله تطلب الطلاق وبعدين عمر فاهمها اكتر مني وهيقنعها تشيل الفكره دي من دماغها وانت عارف عمر مستحيل ياذيها
ايان : برضو كان لازم قولولي الكلام ده من الاول وانا كنت اتصرفت
ماريا : هتعمل نفس اللي عملته بالاخص لما تعرف انها حامل
ايان اتفاجاء : بتتكلمي جد حامل
ماريا : ايوا والله وهي مخبيه علي عمر لانها عايزه تطلق من غير ميعرف بالحمل
ايان افتكر اللي امه عملته فيه غمض عينه و بدء يضغط علي اسنانه جامد
ماريا فهمت هو بيفكر في اي : ايان كارما مش هتعمل فيه زي ما طنط جاسمن عملت فيكم متقلقش هي ايوا مجنونه شويه لكن متقدرش تستغني عن ابنها ايااااااان في اي
#يتبع_البارت11❤
#بقلمي_اميره_رمضان
البارت 11❤
ايان افتكر اللي امه عملته فيه غمض عينه وبدء يضغط علي اسنانه جامد
ماريا فهمت هو بيفكر في اي: ايان كارما مش هتعمل فيه زي ما طنط جاسمن عملت فيكم متقلقش هي ايوا مجنونه شويه لكن متقدرش تستغني عن ابنها ايااااااااااان في اي
حنين طلعت وشافت ايان الحاله بدءت تظهر عليه حضنته جامد بدون مقدمات (وبعد شويه ايان بدء يهدي)
ماريا : ايان انا عملت كده عشان مش عايزاهم يبعدو عن بعض بالاخص عشان ابنهم اللي لسه مشافش دنيا
حنين بصدمه: انتي قولتيلو علي كارما
__________
وجدان : الو
مليكه : اي ي جلبي اتسحرتي ولا لسه
وجدان : لسه بقولك
مليكه : اي
وجدان : هو حيدر جه
مليكه : لاء لسه ده نزل من بدري ولسه مجاش شكلو هيصلي الفجر وياجي
وجدان : طب بالله عليكي لما ياجي في اي وقت خليه يرن عليا
مليكه بقلق : في حاجه ولا اي
وجدان : لاء مفيش بس هو زعلان مني شويه
مليكه : اه قولتيلي طب كويس انك قولتي عشان اخد حذري وابعد عنه هههههههه
وجدان : متنسيش بقا ماشي
مليكه : ماشي وانتي خلي في بالك انه بيحبك وهيسامحك بس انتي صالحيه حلو
وجدان بضحك : هبينلو حته من الكتف
مليكه : استغفر الله احنا في ايام صيام اللهم اني صايمه
وجدان قفلت مع مليكه واتنهدت وقالت
شوفتي لسه مجاش
مامتها : احسن خليكي قاعده محتاره كده عشان بعد كده تبقا تعرفي بتقولي اي
وجدان : انا مش عارفه هو رفض ليه وزعل اوي كده ليه ماهو عادي يعني اني اسافر هو انا هعمل حاجه غلط
مامتها : اه ده غلط انك تخرجي لوحدك انا لما وافقت انتي قولتي هيخرج معاكي وده جوزك كاتب عليكي فعادي يعني تخرجو وترجعو في نفس اليوم لكن ده طلع بتقوليلو يومين واصحاب اصحابك هياجو وحاجه اخر مسخره
وجدان : بقولك اااي انا مش ناقصه (سابتها ودخلت اوضتها)
_______
عند مليكه الباب خبط
مليكه : جاااااااايه ااااااااي
ندي : رايحه فين ي زفته استني انا اللي هفتح (فتحت الباب)
سليم : انتو هتتعازمو مين اللي يفتح خدو السحور اهو ومحدش يرن عليا تاني
مليكه : جبت فول
سليم : مش عارف بتتسحري ازاي بالفول
مليكه : ملكش دعوه يلا خد الباب في ايدك
سليم : مش هتقولولي اقعد اتسحر معانا
مليكه : احنا هنتسحر بفول (وقالت بسخريه) وحضرتك بتاكل باتيه
سليم : ماهو في جبنه وحاجات حلوه اي سبيني
ندي : اقعد ي قلب عمتك كل
مليكه : استغفر الله العظيم يعني جايبلنا السحور وعينه فيه
________
عمر رجع الشقه ومعاه اكل لسه داخل وتلفونه رن
_ الو ايوا ي امي
امال : اتاخرت كده ليه انت هتصوم بكرا
عمر : ايوا ان شاء الله
امال : طب تعالا كل لقمه
عمر : لاء انا هاكل انا وكارما
امال بسخريه : كارما وهي جات ست كارما
عمر : ايوا جبتها من شويه
امال : انت اللي رحت جبتها دي كنت تسيبها تاجي زي ا....
عمر بمقاطعه: اااامي انا ومراتي دلوقتي في الشقه فوق عايزه حاجه
امال بضيق : هعوز اي يعني سلام (وقفلت )
ميس : اوعي تقولي رجع كارما
امال : ايو جاب الزفته تاني هنا وبينها عايزه تخليه يعزل
ميس : اوووووف دانا قولت خلصت منها
امال : متقلقيش وحياتك عندي لنمشيها من هنا من غير رجعه تاني
#بقلمي_اميره_رمضان
عند عمر دخل الاوضه
كارما : انا مش قولت سيبني لوحدي
عمر : طب تعالي كلي الاول عشان الفجر قرب يأذن
كارما وهي حاسه انها هتتقئ : اي اللي انت جايبه ده ابعدو عني
عمر : اي ده جبنه قريش من اللي بتحبيها
كارما بأرف : ابعدها مش طايقه ريحتهاااااا
عمر باستغراب : مالك فيكي اي
كارما جرت بسرعه علي الحمام وبدءت تتقئ
عمر دخل ورها
كارما بتعب : اطلع برا
عمر : مش هطلع( وسندها وغسلها وشها وطلعها)
كارما بتعب اكتر : انا بردانه بردانه اوووي
#بقلمي_اميره_رمضان
عمر : طب ثواني
(جبلها بطانيه وغطتها وقعد جنبها حضنها اوووي عشان تدفي)
عمر : تعالي اوديكي لدكتور
كارما : لاء
عمر : انتي باين عليكي تعبانه بطلي عناد ويلا
كارما : انا قولتلك ابعد الجبنه عني وانت مسمعتش الكلام عاجبك كده
عمر : بس ازاي مش طايقه رحتها وانتي بتحبيها اووي
كارما بانفعال ومن غير متاخد بالها قالت : كنت بحبها الاول قبل الحمل لكن دلوووووقتي مش بطيقهااا.....(لحظه استوعبت اللي قالته)
عمر بزهول وفرحه : انتي حامل
كارما : اوعي من جنبي لاء مش حامل انا بقول اي كلام
عمر : كاااااارما انتي حامل
كارما بعناد : لاء
عمر : هو انا مش هعرف يعني( ومسك ايدها) تعالي معايا
كارما بانفعال: هتروديني فييييين
عمر : هشوف حامل ولا لاء
كارما : منا قولتلك لااااااااء
عمر : اسمعها من الدكتور
كارما بغضب وصوت عالي: خلاااااااص حامل ايوا حاااامل ارتحت
عمر وقف لحظه وبعدين حضنها اووووي ولف بيها : انا مش مصدق نفسي اخيرااا هبقا اب لعيالك
#بقلمي_اميره_رمضان
كارما كانت فرحانه من جواها علي ردت فعل عمر بس كشرت وقالت : هتبقا اب علي الورق بس لاني هطلق وهاخدو
عمر بغضب : بقولك ااااي كلمه طلاق دي تنسيها اصلا ومسمعهاش منك تاني ومحدش هيربي ولادنا غيرنا انا وانتي واعقلي كده وفكك من الهبل ده
كارما : مش هعيش معاك غصب عني
عمر : انا عمال احايل فيكي واقول هتعقل لكن موضوع الطلاق ده لو اتفتح تاني متلوميش الا نفسكككككك
كارما بخوف : طب خلاص هنام لوحدي في الاوضه
عمر : لاء هتنامي معايا
كارما : لاء بقاااا انا تعبا*نه وعايزه ارتاح وانت بتخنقني مش بعرف اخد راحتي
عمر اتنهد وقال : ماشي انهارده بس اما نشوف اخرتها
_________
تاني يوم
ماريا : يلا بسرعه
حنين : طب ثواني
رعد : رايحين فين علي الصبح كده
حنين بتوتر : ر را راحين
رعد : في اي انتي هتغني
ماريا : رايحين نزور وحده صحبتي
رعد : مين
ماريا : ياعم هو انت هتحقق رايحه ازور ريما في المستشفي
رعد : في المستشفي ليه
ماريا :اووووف التحقيق اللي مش هيخلص هي بتشتغل ممرضه في المستشفي عندك اساله تاني ولا نمشي
#بقلمي_اميره_رمضان
رعد : طب تعالو اوصلكم
حنين : لاء احنا هنروح بعربيه ماريا
رعد بحده: انا قولت هوصلكم
ماريا : وصل ي اخويا يلا قدامنا
______
في المستشفي
هدي : بس ايان ده اي يابنتي ملاك مسبناش لحظه واقف معانا
زهره : يا امي الدنيا فيها ناس حلوه مش كلها يعني الوحشين اللي في حياتنا
هدي : اه ده مهتم بيكي اوي هو مش حكايه انك دفعتيلو فلوس العلاج الموضوع اكبر من كده
زهره : انتي عملتيه موضوع كمان
هدي :تعرفي انا بدعي ربنا يكون من نصيبك
زهره : اهو دي الحاجه الوحيده اللي بتمني متحصلش
هدي : ليه كده بس ي بنتي
زهره : ماماااا انتي مش شايفه هو مين وابن مين ناس ليها قيمه في المجتمع وانا بنت خمو*رجي
هدي : عيب عليكي ي بت متقوليش علي ابوكي كده
زهره : هي دي الحقيقه ي امي مش هننكرها وبعدين انا راقده بقالي فتره هنا وهو مجاش حتي يشوفني عايشه ولا لاء
هدي بتحاول تلطف الجو : ماهو بيسالني عليكي كتير في التلفون ولما بروح اجيب حاجه
زهره : ماما متبرريش انا عارفاه هو يعني انا هتوه عنه ده تلاقيه زعلان عشان مش هقدر اشتغل الفتره دي واجبلو فلوس
هدي بحزن : سامحيني ي بنتي
زهره : ي امي مش كل مكلمك في الموضوع ده تعيطي وتشيلي نفسك الذنب ده نصيب وانا راضيه متزعليش انتي بقا
الباب خلط
هدي : ادخل
الممرضه دخلت ومعاه بنتين
هدي : اهلا وسهلا
= لو سمحتي حضرتك زهره اللي جايه في حاد*ثه عربيه
زهره باستغراب : اه انا انتو مين
#يتبع_البارت 12❤
#بقلمي_اميره_رمضان
#روايه_حنين_الليل 2
تعليقات
إرسال تعليق