 |
#عشقت قمر الصعيد #ندي سامي
part 15
قمر نزلت من علي السلم وبتبص فجاه لاقت باسل وهو بيقع من طوله
قمر: باااااااااااااسل
وركضت بسرعه الي باسل لطمئن عليه
قمر بعياط: بااسل فوق عشان خاطري فوق بالله عليك
قمر: طب اعمل اي دلوقتي ياربي وركضت الي غرفتها
قمر: انا هروح اجيب برفان ولا اي حاجة
ناديه صحيت هي وصالح
ناديه: يا ساتر يارب في اي الصوت دا جاي منين
صالح الدمنهوري: تعالي ننزل نشوف ف اي
صحيت تالين كمان علي الصوت وفتحت بابا غرفتها ولقت قمر في وشها
تالين بخضه من منظر قمر المرعوب
تالين: في اي يا قمر حصل اي وخايفه كدا لي يبنتي ردي عليا
قمر بعياط: الحقيني يا تالين باسل واقع من طوله تحت ومش راضي يفوق ومش عارفه اعمله اي انا داخله اجيب برفان وانزل بسرعه
تالين بخضه: باااسل حبيبي انا هنزل وركضت بسرعه
ناديه وصالح شافوا تالين وهي بتجري وقمر بتعيط
صالح: في اي يولاد حد حصله حاجه
ناديه بقلق: ما تردوا علينا ف اي
قمر جريت علي اوضتها عشان تلحق تفوق باسل
وتالين قالت بسرعه: مش وقت اسئله دلوقتي باسل اغمي عليه تحت
ناديه: ابني حبيبي
نزلوا هما التلاته بسرعه عند باسل
ناديه: فوق يحبيبي طمني عليك اطلب الدكتور بسرعه يا صالح
صالح بسرعه مسك الفون بتاعه واتصل علي الدكتور
قمر نزلت ومعاها البرفان وفضلت تفوق فيه ومسكت ايده وكان جسمه بارد اووي
صالح بيهدي ناديه اللي منهاره وتالين بتعيط هي وقمر
الحراس شالوا باسل وطلعوه اوضته والدكتور وصل
ناديه بعياط: ابني يا دكتور طمني عليه
الدكتور: اهدي يا ناديه هانم متقلقيش وبدا بالكشف علي باسل
الدكتور: باسل باشا بقاله فتره اعصابه تعبانه ومبيكولش خالص وانا قولت قبل كدا لازم ياخد علاجه لما يحس انه مضغوط انا اديته حقنه مهدئه وياريت يرتاح يومين وياخد العلاج ف مواعيده وياكل كويس وياريت حد يقعد معاه ويهتم بيه
قمر بتسرع: انا يا دكتور هقعد معاه
لاحظت قمر تسرعها في الكلام وقالت
قمر: قصدي يعني انا فاضيه وهقعد معاه
الدكتور: طب كويس ياريت تهتمي بيه وياكل كويس وياخد العلاج
قمر: حاضر يا دكتور
صالح الدمنهوري طلع يوصل الدكتور وناديه قعدت جمب ابنها وتالين وقمر قعدوا بعيد شويه
ناديه لسه بتعيط ومنهاره
ناديه: الف سلامه عليك ياحبيبي ربنا يطمني عليك يارب
قمر: اهدي يا ماما باسل هيكون كويس ان شاء الله روحي انتي ارتاحي وانا هقعد جمبه ولما يفوق هنادي عليكي
ناديه: لا يحببتي انا هفضل جمبه
قمر: عشان خاطري قومي ارتاحي خديها يا تالين لو سمحتي وروحي انتي كمان ارتاحي متقلقوش
تالين: حاضر يلا قومي يا ماما
ناديه: ماشي يحببتي خدي بالك منه يا قمر ومتنسيش لما يفوق نادي عليا
ابتسمت قمر عشان تطمنها
قمر: حاضر والله
تالين خدت ناديه وراحوا يرتاحوا وقمر جابت كرسي وقعدت جمب سرير باسل وفضلت سهرانه طول الليل
صباح يوم جديد
باسل الشمس جت علي عيونه وفتح لاقي قمر نايمه علي الكرسي كالملاك وشكلها طفولي
باسل لسه هيمد ايده يلمس وشها فجاه!!
يتبع
تكملة الروايه من هنااااااا
تعليقات
إرسال تعليق