مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

🖤البارت التاسع عشر🖤

#طفلة_التميم

صفيه قامت من على الكرسى وضر*بتها بالقلم " اخر*سى واياكِ الموضوع ده يتفتح مره تانى أنتِ فاهمه.

 تميم لو عرف الحقيقة مستحيل يرحمنى او يغفرلى اللى حصل.

شيرى بغيظ" فاهمه بس برضوا مر اربع سنين على الموضوع ده وحضرتكِ مقولتليش ايه سبب كُرهك الكبير لمالك جلال وامه.

صفيه بغضب" شيرى قولتلك مِيَتّ مره متدخليش فى اى حاجه ومتسأليش أنتِ بس تنفذى.

 

انا جبتك هنااا علشان اقربك من تميم مره تانى واطرد البنت ديه فأ خليكِ عارفه حدودكِ كويس ويلاه اتفضلى على اوضتكِ.

شيرى بصتلها بغضب وطلعت وقفلت الباب وهى بتكلم نفسها وبتتوعد لصفيه" صدقينى اول ما تميم يرجعلى ويكون ليا وقتها هطردك بره البيت ده واكشفلهم حقيقتك بس لحد الوقت ده مضطره اسمع كلامك وتابعت بسخرية" يا خاالتى 

________ 

 رهف كانت قاعده مضايقه وفونها رن.

قربت ومِسكت الفون وِكان غسان فتحت وهى مضايقه" عاوز ايه يا غسان

 

غسان بدهشه" يخرب بيت الدُبش ايه يابنتى مالك مضايقه كده ليه.

رهف بدموع " طول ما صفيه هانم موجوده عاوزنى ازاى اكون مبسوطه.

غسان بهدوء" اهدى يا رهف ديه مهما كانِت اُمكِ ومينفعش كده.

رهف بغضب " غسان قولتلك متقولش عليها امى.

مفيش ام بتسيب ولادها لوحده تانيه تربيهم بس علشان تروح تقضيها فسح وشغل 

ومفيش ام بتبعد عن ولادها بالشكل ده 

دى مش ام دى كل عشقها الفلوس، غسان احنا مشوفناش منها اى حاجه كُل اللى شوفناه منها الجفا*ف والقسو*ه

 

غسان علشان يخرجها من الموضوع و يهون عليها "طيب سيبك من سيرتها دلوقتى وقوليلى البنت ام شعر احمر الحر*بايه ديه عملت اى مشاكل؟

رهف غصب عنها ضحكت ومسحت دموعها" أنتَ لسه لحد دلوقتى بتكر*ها

غسان بضيق" مش بطمنلها ديما حاسس انها وراها سر كبير وخصوصا بعد الحادثه اللى حصلت مع مالك وتميم فى الفندق مش عارف اصدق اللى قالته ومتاكد انه كلام مالك صح وانه كل اللى حصل خطه منها بس مش عارف اثبت ده ومش عارف هى استفادة ايه من اللى عملته.

رهف بتفهم" انا كمان مش برتحلها ولا بحب وجودها الحمدلله انها متجوزتش تميم.

غسان بخبث" بس انا عاوزك تراقبيها طول  هى فى البيت ولو خرجِت تقوليلى علطول عاوز اعرف كل تحركاتها

رهف بتساءل" ليه؟

غسان بذكاء" عاوز اعرف البنت ديه ناويه على ايه انا مُتاكد انه فى مصيبه من وراها.

رهف  طيب متقلقش سيب الموضوع ده عليا،

 

غسان بمُشاكسه" طيب ايه مش ناويه تحنِ بقاااا انا قربت اخلل جنبك يا ست هانم.

رهف بضحك" احسن تستاهل.

غسان ضحك" ماشى يا رهف انا هربيكِ بس لما تبقى فى بيتى.

رهف ضحكت وفضلوا الاتنين يحكوا مع بعض لحد ما ناموا 

_____________________ 

مالك بعد اصرار كبير من تولين انه يطلع وافق واخدها وطلعوا وراحوا قعدوا على البحر 

تولين " استاذ مغرور 

مالك بغيظ" نعم 

تولين بابتسامة ساحرة ونظره بريئه " ممكن تروح تجبلى ايس كريس من الراجل اللى هناك ده 

مالك بصلها وسرح فى عنيها 

تولين بصوت عالى " مااااالك 

مالك بتوهان " يا عيون مالك 

تولين بغرور " امممم هو انا حلوه وقمررر واخطف القلب بس مش للدرجه ديه.

مالك بصلها بغيظ" ده ايه يابت الغرور ده طب على فكرة أنتِ لا حلوه ولا قمرر.

 

تولين بهدوء"  اممم يعنى ده رأيك.

مالك بخبث" طبعنا يا ماما

تولين ابتسمت باستفزاز"اممم شايف صندوق القمامه اللى هناك ده؟

 اهو حضرتك خد رأيك وروح حطه هناك علشان ميفرقش معااايا انا عارفه انى قمر ومش محتاجه رأيك.

 

مالك بضحك وبرطمه "مجنونه ومغروره.

تولين بغيظ" بطل برطمه وروح هاتلى ايس كريم قبل ما الراجل يقفل.

مالك اتنهد وراح يشتريلها ايس كريم

مالك بغيظ" اتفضلى يا ست هانم 

تولين بابتسامة" شكررا يا حِلو

 

مالك قعد وفضل باصص للبحر 

تولين بهدوء" حياتنا مينفعش انها توقف على حد  لانه ده غلط كل واحد فى الدنيا دي ليه نصيب وهياخده وهى مش من نصيبك.

مالك بحزن" اعمل ايه كُل مره قلبى بيختار الناس الغلط.

تولين بابتسامة" عادى متزعلش نفسك هو اصلا قلبك ده محتاج ضرب جزمه

 

مالك بصلها وفضل يضحك 

تولين بحماس " طيب بما انى عرفت اطلعك من المود يلاه بينا بقااا علشان انا عاوزه انام وبكره نكمل.

 

مالك ضحك وقام مسك ايدها وشدها علشان تقوم واخدها ورجعوا البيت وهما مبسوطين

سوزان كانِت قاعده قلقانه ومستنياهم واول ما شافت مالك داخل وبيضحك بصت ل تولين بامتنان وسعاده 

مالك " ماما ايه مصحيكِ لحد دلوقتى.

سوزان بحب " كُنت قلقانه عليك يابنى.

 

مالك بص  ل تولين اللى نايمه على نفسها وراه وابتسم ورجع بص لسوزان بحب" متخفيش انا كويس يلاه روحى ارتاحى 

سوزان هزت رأسها بالموافقه وطلعت وهى مبسوطه 

مالك " وأنتِ يا تولين اطلعى نامى

 

تولين بنعس"طيب وأنتَ 

مالك بابتسامة" وانا كمان هطلع اوضتى 

تولين شاورتله بايدها زى الاطفال وطلعت  " تصبح على خير يا حِلو 

قالت كده وطلعت اوضتها ومالك فضل واقف بيبص لطيفها بابتسامة " شكلها حِكايتكِ هتكون حكايه معايا يا تولين 

مالك ابتسم وطلع اوضته نام 

_______________________ 

وفى صباح يوم جديد

 

تميم قام مفزوع على صوت صراخ فرح ووو...... 

#نهاية البارت "

🖤البارت العشرون🖤

تميم قام مفزوع على صوت صراخ فرح قام لقاها واقفه على السرير وبتبصله بغضب

 بصلها بصدمة" فى اييييه؟

فرح بغضب" انا ايييه جابنى هنااا؟

تميم بعدم فهم" هنااا فين بالظبط أنتِ اتهبلتى يابت.

فرح بغيظ" انا ايه جابنى لحضنك انا مش كُنت نايمة على الاريكه.

تميم مسح على وشه بغضب" فرح ايه شغل الاطفال ده، الناس بتصحى على صباح الخير وأنتِ صاحى تصرخى زى الاطفال.

 يعنى اكيد انا اللى جِبتكِ هنااا.

فرح بعناد" وأنتَ تنومنى فى حُضنك لييييه اخدت اذن منى.

تميم بسخرية" وكمان محتاج اذنك لا أنتِ شكلك شاربه حاجه على الصبح.

فرح بغيظ" تميم متعصبنيش.

 

تميم باستفزاز" فرح بلاش شغل الاطفال ده وانزلى من على السرير يلاه.

فرح " قولتلك متقوليش يا طفلة أنتَ..

 

تميم بمقاطعه"  طفله، طفله، طفلة، أنتِ هتفضلى فى نظرى طفلة واتهدى بقااا علشان متعصبنيش عليكِ 

فرح لسه هتتكلم تميم قاطعها ومسك ايدها وشدها وقعت تحتيه وهو اعتلاها وعنيه مركزه على عنيها

فرح بخوف من نظراته " ت تميم ممكن تبعد 

تميم مكانشِ مركز معاها وعنيه بس مركزه على عنيها ذات اللون البنى الساحر 

تميم قرب وقبلها بحب وهى اتصدمت

بعد عنها لما حس باحتياجها للهواء 

تميم غمض عنيه بغيظ" فرح ثانيه بالظبط ومش عاوز اشوفكِ قدامى والا هعمل حاجه...

قرب وهمس فى اذنها وتابع " بصراحه همو*ت واعملها 

فرح بصتله بصدمة ووشها  اتحول للون الاحمر وزقته وجريت اخدِت هدوم ودخلِت الحمام 

تميم قعد على السرير وهو بيبص لطيفها "طيب دى هتعامل معاها ازاى دى؟!

 تابع بضحك وهو بيكلم نفسه" بس هى مش طفلة زى ما أنتَ مسميها يا تميم  دى قمرر وكمان كام سنه هتجننك بحلاوتها 

فرح فى الوقت ده طلعت وهى بتبصله بغباء" ينهاررر اسود أنتَ كمان بتكلم نفسك 

تميم فاق من شروده وبصلها ورجع بص لفوق ورفع ايديه الاتنين وهو بيضحك" يارب ارحمنى من غبائها معرفش عاوزه تبقى دكتوره ازاى ديه 

فرح بخبث" متقلقش اول حد هجرب فيه هتكون أنتَ 

تميم بخبث واستفزاز" اهون عليكِ يا طفلتى عاوزه تمو*تينى فى عز شبابى 

فرح بضحك" عز شبابك اييه يابنى أنتَ قربت تعجز 

تميم بغرور" لا يا حِلوه انا لسه شباب وكمان لسه بدرس تخيلى

فرح بتساءل" ليه أنتَ عندك كام سنه؟ 

تميم بغرور " 23 سنه  يعنى اكبر منك ب 6 سنين، وغمزلها " هو بابة مقلكيش ولا ايه

فرح بصدمه " نعمممممم يا كذاب أنتَ اكبر من كده 

تميم قام وهو بيضحك وقرب وقف قدامها " لو مش مصدقانى بابا تحت تقدرى تسأليه وهو هيقولك الحقيقه 

فرح فتحت بوقها وبصتله بصدمة 

تميم فضل يضحك عليها وسابها ووقف قدام الدولاب وطلع هدوم ورجع لقاها على نفس الحاله

 

تميم بضحك" بت اقفلى بوقكِ الحشرات هتدخل كده 

فرح بصتله بغيظ" يعععععع ايه القرف ده 

تميم ضحك وسابها ودخل الحمام 

فرح بشك" اكيد بيكدب مش ممكن يكون ده 23 سنه 

فرح نزلت تحت وفضلت تدور على عاصم 

______________________ 

مالك نزل وباس ايد والدته " صباح الفل يا ست الكُل 

سوزان بحب " صباح الورد يا حبيبى طمنى عليكَ 

مالك بابتسامة" انا بخير يا حبيبتى وبص حوليه ورجع بصلها  " هى المجنونه مصحيتش لحد دلوقتى

سوزان بضحك"  لا شوفتها قبل ما انزل وكانِت غرقانه فى النوم فأ محبتش اضايقها 

مالك قعد على السفره وسوزان بصتله بخبث" مالك أنتَ بتحبنى مش كده 

مالك بضحك" ده ايه السؤال ده اكيد طبعنا انا ليا غيرك يا ست الكُل 

سوزان " يبقه توعدنى انك توافق على طلبى 

مالك بصلها بأهتمام " وايه بقاا طلبكِ 

سوزان بتنهيده" تتجوز تولين 

مالك كان بيشرب شرق وفضل يكح وبص لولدته بصدمه" أنتِ بتقولى ايه يا ماما 

سوزان بحزن " يا بنى انا معنديش غيرك علشان خاطرى وافق وانا مش هلاقى احسن من تولين ليك 

_ وانا مستحيييل اوافق يا ماما 

الكل التفت لقه تولين واقفه على السلم 

تولين قربت وبأست ايد سوزان وقعدت قدامها بأحترام" أنتِ عارفه انا بحبك قد ايه بس اللى حضرتكِ بتطلبيه ده صعب 

سوزان بهدوء" بس انا أخدت قرار وكمان كلمت جلال وهو كمان يومين وهينزل من السفر

 

مالك وقف بغضب" هو انا لعبه أنتِ ازاى يا ماما تعملي كده انا مستحيل اوافق على الجوزاه ديه 

سوزان وقفت وبصتله بتعب " يابنى اسمعنى انا معنديش ولاد غيرك ونفسى افرح بيك واشوف ولادك بيلعبوا قدامى فى البيت أنتَ بقالك اربع سنين رافض الفكرة ديه بس انا تعبت علشان خاطرى يابنى وافق 

مالك بغضب وصوت عالى" لا يا ماما انا اسف بس مستحيل اوافق على طلبك ده 

سوزن كانِت هتتكلم بس فجاة حست بدوخه ووقعت فى الارض.

مالك بصدمة" مااااااما 

مالك وتولين جريوة عليها بخوف

مالك بصراخ" كاااااااظم 

كاظم دخل بخوف" اوامرك يا مالك باشا 

مالك بغضب" هات دكتور بسرررعه يلاه 

كاظم هز راسه وطلع بسرعه 

تولين بدموع " مالك يلاه ناخدها فوق لحد ما الدكتور ييجى 

مالك شال سوزان  وطلع اوضتها حطها على السرير وقعد جنبها ومسك ايدها بخوف وعيون مدمعه " ماما فتحى عيونك علشان خاطرى وانا ولله هعملكِ اللى انتِ عاوزه بس فوقى 

كاظم باحترام" مالك باشا الدكتوره وصلت 

تولين بلهفه" دخلها بسرعه 

الدكتوره دخلت ومالك وتولين طلعوا بره 

ودقايق والدكنوره خرجت 

مالك بخوف " دكتوره طمنينى عليها 

الدكتوره بهدوء" هى حصلها هبوط وده لانه ضغطها نزل فأ ياريت متضغطوش عليها او تخلوها تتعرض لأى زعل او ضغط نفسى انا كتبتلها على شوية ادويه خلوها تاخدهم فى معادهم وهى هتفوق كمان شويه بعد اذنكم

مالك بتفهم" تمام يا دكتوره اتفضلى 

مالك دخل وبأس رأس سوزان وطلع مسك تولين من ايدها واخدها ونزل تحت علشان يفكرو فى حل 

تولين كانت رايحه جايه ومالك قاعد قدامها على الكرسى وبيبصلها بغيظ" ممكن تتهدى وتقعدى شويه علشان نعرف نلاقى حل 

تولين بغيظ" منا اهوو بفكر 

مالك بتنهيده "انتِ كده مش بتفكرى انتِ خيلتينى وتابع بزعيق" اقعدى بقااا 

تولين اتخضت وقعدت قدامه

مالك بجمود" مفيش غير حل واحد 

تولين بسخرية" وايه هو يا ذكى ابهرنى 

مالك باستفزاز" ادبس واتجوزكِ 

تولين وقفت وبصتله بغضب "نعمممممممم ياخويا

تكملة الروايه من هنااااااا 

نهاية البارت "وانتظروا البارت القادم"

#رواية 

#طفلة_التميم 

#بقلمى

#مارينا_عبود