مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

🖤البارت الواحد والعشرون🖤

مالك ببرود" أنا قووولت اقعدى 

تولين زفرت بضيق ورجعت قعدت

مالك بهدوء" مفيش اى حل تانى ماما تعبانه وهى مش بتستحمل الزعل وانا من غضبى نسيت وزعقت معاها رغم انه ديه المره الاولى اللى اعمل فيها كده لو سمحتِ وافقى على الحل ده معندناش غيره هى عنيده اووى واللى فى دماغها بتعمله وعارف انها مش هتسكت ولو فضلت اعاند معاها وزعلتها وقتها هى هترجع تتعب كمان ماما عامله عملية القلب من سنه يعنى مش هتستحمل زعل بصى احنا هنتجوز وانا اوعدك هحطك فى عينى بس وافقى 

تولين بتنهيدة حزن" انا من وقت ما دخلت بيتك وانا اعتبرت مامتك امى ولانى اتحرمت من امى وانا صغيره عارفه كويس احساس الخوف انك تفقد امك وعلشان خاطر ماما سوزان هوافق 

- يعنى لازم اتعب الاول علشان توافقوا 

مالك قام بفرحه وجرى عليها " أنتِ ايه قومك من سريرك وأنتِ تعبانه 

سوزان بحب " متخفش عليا انا كويسه المهم قولولى قررتوا ايه كّنت سامعه كلمه موافقه هنااا 

مالك بابتسامة" اه انا وتولين قررنا نسمع كلامك 

سوزان بفرحه" بجد 

تولين بحب "بجد يا ست الكل احنا ملناش غيرك وميهونش علينا زعلك 

سوزان بفرحه وسعاده كبيره" خلاص هبلغ ابوك واول ما ييجى نعمل الخطوبه وبعدها بأسبوع نجوزكم 

مالك بحزن " ماشى اللى أنتِ عاوزاه هنعمله 

سوزاو بابتسامة" طيب يلاه روح البس وتعال علشان نروح نبارك لفرح وتميم 

مالك بغصب" بس يا ماما...

سوزان بمقاطعه" متنساش انه بنت عمك ملهاش غيرنا 

مالك بتنهيده" حاضر يا ماما بعد اذنكِ 

مالك طلع اوضته غير هدومه ونزل اخد سوزان وتولين علشان يروحوا يباركوا لفرح

 

________________________ 

فرح كانت بتدور على عاصم وفجاة اتخبطت فى شيرى

شيرى بغضب " ايه يا عميه مش تفتحى 

فرح ببرود" ولله محدش اعمى هناا غيرك وياريت تتكلمى بأسلوب احسن من كده ومتنسيش انه أنتِ مجرد ضيفه فى البيت ده وكام  يوم وهترجعى من مكان ما جيتى 

شيرى بغضب اعمى" لا دنتِ شكلك نسيتى نفسك يا روح امك ورفعت ايدها علشان تضر*بها بس تميم مسكها ووقف قدام فرح 

تميم بغضب جح*يمى" اقسم بالله لو فكرتى مجرد تفكير انك تمدى ايدك عليها لخليكِ تندمى على اليوم اللى عرفتينى فيه 

قال كده وزقها وقعت على الارض وفرح حطت ايدها على بؤقها تكتم ضحكتها 

شيرى بغضب " تميم أنتِ بتهزقنى علشان الطفلة ديه 

فرح بغيظ وقربت همست فى اذن تميم " باشا ما تسيبنى اوريها الطفلة ديه ممكن تعمل فيها ايه 

تميم بصلها وابتسم ورجع بص لشيرى بغضب" اللى بتتكلمى عليها ديه مراتى يا شيرى وست البيت ده فأ متنسيش نفسك انك مجرد ضيفه هنااا فأ الافضل تقعدى الفترة ديه بأحترام ومتفكريش تقربى من مراتى علشان مخلكيش تندمى 

تميم وقف جنب فرح وحاوط خصرها واخدها وشيرى بصتلهم بغل وتوعد 

تميم قرب بأس ايد عاصم ومعطاش اى اهتمام لصفيه اللى بتبص لفرح بغضب 

تميم قعد وفرح قعدت جنبه 

وشيرى نزلت وقعدت جنب صفيه وهى بتبصلهم بغضب ورهف وعاصم بيحاولوا يكتموا ضحكتهم 

صفيه بغيظ" ايه يا تميم هى مراتك محدش علمها الاصول ولا ايه هى مش المفروض تقوم وتشرف على الاكل وتقدمهولنا 

تميم ببرود" ولله مراتى مش خدامه عند حد يا صفيه هانم هى هنااا ست البيت حضرتك لو عاوزه حاجه تقدرى تقولى لبنت اختك تعملهالك 

صفيه بغضب" هى مين ديه اللى ست البيت؟! أنتَ نسيت نفسك ولا ايه يابن عاصم انا هنا ست البيت 

تميم ببرود" لا شكلك أنتِ اللى نسيتى نفسك يا صفيه هانم ونسيتى انه من وقت ما طلعتى من البيت ده وسبتينا مبقتيش هانم البيت  وبقيتى زى الناس الغرباء  واتمنه زيارتك تكون خفيفه علينا ومن غير مشاكل 

 

وبص لفرح اللى بتبصله بصدمه ومسك ايدها وقبلها بحب " ست البيت دلوقتى هى طفلة التميم ومن النهاردة هى هانم البيت مش حضرتك

 

صفيه اتعصبت وقامت وهى بتخبط على تربيزة السفره بغضب ولسه هتتكلم قاطعها دخول سوزان ومالك وتولين 

صفيه اول ما شافت سوزان فى البيت وجن جنانها 

فرح جريت وحضنتها والكل وقف وراح يستقبلهم 

صفيه بصتلهم بغضب ووو....

#نهاية البارت "وانتظرو البارت القادم" 🖤

🖤البارت الثانى والعشرون🖤

صفيه بغضب وزعيق"أنتِ ازاى تتجرائى وتيجى بيتى اطلعى برررره.

عاصم بحده" صفيييه الزمى حدودك.

صفيه بغضب "حدود ايه الست ديه هى وابنها لو مطلعوش من البيت ده انا اللى هطردهم بره.

مالك بغضب " صفييييه  اتكلمى مع امى بأدب. 

صفيه كانت هتتكلم بس قاطعها صوت تميم وهو بيبصلها بغضب جحيمى " اقسم بالله كلمه كمان وهنسى انك امى وهطردك أنتِ والز*باله اللى معاكِ بره البيت، ماما سوزان عندى اغلى من الكل واللى يفكر يهينها مش هرحمه أنتِ فاهمه يا صفيه هانم والافضل انك تاخدى بنت اختك وتطلعى على فوووق..

صفيه بصتلهم بغضب وتوعد وطلعت فوق وشيرى بصت لمالك اللى واقف مش مديها اهتمام وطلعت وراء صفيه.

تميم بحب " اتفضلى يا امى.

كلهم قعدوا 

تولين بصوت منخفض"ماالك.

مالك بصلها ورفع حواجبه" اييه 

تولين بابتسامة" هى القمر ديه عندها كام سنه 

مالك بص لفرح بحب" 18 

تولين بصدمة" نعمممم وهى تتجوز ليه فى السن ده؟ 

مالك بهمس" اسكتِ دلوقتى وبعدين هفهمِكِ

فرح بمرح" ايه يا مااااالك مش ناوى تعرفنى على ضيفتك ولا ايه 

مالم ابتسم وكان هيرد.... بس قاطعته سوزان 

سوزان بحب" صحيح كُنت هنسى اعرفكم ديه تولين خطيبة مالك 

كُلهم بصولها بصدمة اجتاحت وجوهم 

عاصم بهدوء"معقولة يا سوزان مالك يخطب ومتقوولناش 

سوزان بابتسامة" لا باذن الله هتكون اول المدعويين يا عاصم بس انا مستنيه جلال ييجى من لندن وهنعمل خطوبتهم علطول 

فرح بفرحة" مبروووك يا ماالك 

مالك بحزن " الله يبارك فيكِ يا فرح وبص لولدته وتابع" ماما يلاه بينا علشان عندى شغل 

عاصم " ما تقعدوا معانا شوية يابنى 

مالك بهدوء" معلش يوم تانى انشالله يلاه يا تولين 

تولين وقفت ومالك اخدها واخد سوزان ومشيوا 

وطول القعده ديه تميم متكلمش خاالص وكان مركز مع مالك وبيفكر فى كلام فرح 

فرح بصتله لقته شارد قربت وبصوت عالى" تميييييم 

تميم فاق من شروده وبصلها " ايه 

فرح بهدوء" مالك ؟ 

تميم بابتسامة" مفيش يا طفلتى يلاه اطلعى اوضتكِ وانا هروح الشركة علشان عندى شغل مهم 

فرح هزت رأسها بالموافقة وطلعت فوق وتميم طلع فونه وكلم غسان 

غسان بمرح" ايه يا عريس 

تميم بجدية" ساعة بالظبط وعاوزك تكون فى مكتبى فاهم 

قال كده وقفل فى وشه وغسان بص للتليفون بصدمة " دن ايه العيله المجنونه ديه ياربى  

________________________

مر وقت ومالك وصل والدته الفيلا واخد تولين ومشى 

تولين بغبظ" يابنى مش هتقولى واخدنى على فين 

مالك بضحك" متخفيش مش هخطفكِ 

تولين بابتسامة" انا مش خايفه بس عاوزه اعرف أنتَ رايح على فين 

مالك بهدوء" مفيش فكرت اننا نخرج نغير جو 

تولين " طيب ليه مجبتش ماما سوزان معانا 

مالك بابتسامة" ماما تعبانه طلبت منها تيجى بس رفضت وقالت عاوزه ترتاح 

تولين هزت رأسها بتفهم وحطت راسها على الشباك 

دقايق والعربيه وقفت قدام كافيه شكله جميل 

مالك وتولين دخلوا الكافيه ومالك طلب اكل 

مالك بتنهيده" توولين عاوز اخُد رأيك فى موضوع 

تولين بأهتمام " اكيد اتفضل 

مالك اخد نفس عميق وبصلها " بصى انا بفكر انسى كل الماضى وابدأ من جديد

تولين بفرحه" قرار جميل اووى و...

مالك بمقاطعه "معاكِ 

تولين بصتله بصدمة وعدم فهم 

مالك بتنهيده" انا عاوز ابدأ معاكِ الحياه الجديده ديه عاوزكِ جنبى ممكن 

تولين بهدوء" مالك لو عاوزنى معاك علشان بس اكون بديل لفرح فأ انا اسفه مش هقدر اعمل كده 

فرح قامت وسابته وطلعت من الكافيه ومالك فضل باصص قدامه بصدمه وبيحاول يستوعب كلامها فاق من شروده وطِلع وراها 

_______________________ 

شيرى بخوف" خالتو لو سمحتى اهدى

صفيه بغل " بقاااا كلهم يوقفوا ضدى بسببها حتى ابنى الوحيد خدته فى صفها 

شيرى بسخريه" احم خالتو الظاهر كده خطتك اللى عملتيها من اربع سنين علشان تفرقيهم كلها فِشلت بسبب البنت اللى اسمها فرح 

صفيه بهدوء مرعب" فرح ديه حسابها بعدين خلينا دلوقتى فى سوزان انا عاوزه اخلى سوزان كل يوم تموت بالبطئ 

شيرى بتوتر " خالتى أنتِ ناويه على ايه 

صفيه بضحكه خبيثه" هنتخلص من نقطه ضعف سوزان الوحيده واللى لو اختفت من حياتها قادره تدمرها 

شيرى بخوف " أنتِ قصدك مين 

صفيه بخبث" مالك جلال انا ناويه احرق قلبها على ابنها زى ما حرقت قلبى زمان 

شيرى بصتلها بصدمه وو.....

تكملة الروايه من هنااااااا 

#رواية

#طفلة_التميم 

#بقلمى 

#مارينا_عبود