 |
🖤البارت التاسع 🖤
البارت 9_10_11
طفلة التميم
تميم قام مفزوع على صوت صراخ فرح
بص حوليه ملقهاش بس سمع صوتها جاى من الحمام
قام بسرعه وحاول يفتح الباب بس مقدرش اضطر يكسره ودخل لقاها واقعه على الأرض وبتعيط
جرى عليها، وشالها طلعها بره وحطها على السرير وجاب علبت الإسعافات وبدأ يضمدلها الجرح إللى فى ركبتها وهى بتعيط من الوجع
بصلها بخوف:
- ايه إللى حصل ازاى وقعتى؟
اخدت نفس وهو بتشهق من العياط:
معرفش انا كنت داخله علشان اخد شاور وقفلت الباب بس فجاة اتكعبلت ووقعت
اتنهد وضمدلها الجرح واخدها فى حضنه:
- فرح قوليلى مالكِ؟ أنتِ بقالكِ فتره مضايقه ومش مركزه احكيلى ايه مضايقكِ
غمضت عنيها وحطت رأسها على صدره:
معرفش يا تميم من وقت موضوع مامتك وانا بقيت مرعوبه، وخايفه اووى مش قادره انسى اللة حصل، تميم ممكن متسبنيش؟
ابتسم وشدد على حضنها:
- متخفيش يا عيون تميم انا جنبكِ ومستحيل اسيبكِ اهدى ومتفكريش فى اى حاجه وانا اوعدك مستحيل اسمح لحد انه يقربلكِ وبخصوص موضوع ماما فا احنا كلنا قررنا نخرجها من حياتنا بعد إللى عملته وأنتِ كمان انسى اللى حصل
فرح هزت رأسها وفضلت قاعده فى حضنه لحد ما استسلمت للنوم ورجعت نامت
تميم شالها، ونومها على السرير، وغطاها كويس وباس جبينها بهدوء
- اوعدك مش هسمح لحد انه يقربلك او ياخدك منى وانى طول ما انا موجود مش هخليكِ تخافى من اى حاجه
اتنهد وقام غير هدومه وسابها ترتاح ونزل
__________________
مالك وقف العربيه قدام الاتيليه واخد تولين ودخلوا
ابتسم وبصلها بحب:
- يلاه ادخلى واختارى اى فستان يعجبكِ
هزت رأسها ودخلت تشوف الفساتين
مالك دخل ووقف جنبها لما لقاها محتاره
- مالكِ؟
ضحكِت:
- كلهم حلوين يا مالك مش عارفه اختار منهم
ابتسم ومسك فستان كان شكله جميل اووى وفخم
- خدى شوفى ده هيطلع حلو اووى عليكِ
ابتسمِت واخدته منه ودخلت تقيسه وهو وقف منتظرها
دقايق وطلعت بالفستان وكانت تشبه للملكات
مالك قام وفضل متنح شويه، بيتامل ملامحها الجميله، قلبه كان بينبض بسرعه كبيره وجواه مشاعر كتيرر متلخبطه فاق من شروده على صوتها
تولين فضلت تلف حولين نفسها بفرحه:
- اى رأيك
ابتسم ومسك ايدها لفها حولين نفسها بأعجاب:
- جميل اووى وأللى لابساه اجمل طبعنا
قرب وحاوط خصرها وعيونهم اتلاقت لثوانى:
- تعرفى انى محظوظ بوجودكِ معايا أنتِ عوضتينى عن حاجات كتيرر اووى، ومن وقت ما دخلتى حياتى، وحياتى بدأت تتظبط وبفضلكِ رجعت مالك بتاع زمان
كانت واقفه وبتسمع كلامه وقلبها بينبض بشده نفسها تقوله انها بتحبه وانه هو كمان عوضها عن حاجات كتيرر فى حياتها بس جواها فى حاجه بتمنعها وشها آحمر وده خلاها اجمل واجمل
مالك بهيام:
- هو فى كده
ضحكِت وزقته ودخلت تغير وهو حط ايده فى شعره وفضل يضحك
- حاسس انه شويه وهتجننى
تولين طلعت وقررت تاخد الفستان إللى مالك اخترهولها ومالك اخدها وراح اتيليه تانى واشترهلها هدوم كتيرر جديده
__________________
فى الشركه كان عمار نايم على الاريكه ورافع رجليه فوقيها وماسك الفون وتميم قاعد على الكرسى وراجع بضهره لوراء وبيفكر
عمار نزل الفون وبصله:
- بتفكر فى ايه يا تميم ؟
تميم مكنش واخد باله من كلام عمار وكل تفكيره فى فرح
عمار رفع صوته:
- تميييييييم بتفكر فى ايييه؟
تميم فاق من شروده وبصله بغيظ:
- فى ايه يا حيوان بتزعق كده لييه
عمار بهدوء:
- منا بقالى شويه بسألك بتفكر فى ايه وحضرتك مش معايا خاالص فى اييه؟ اييه إللى واخد عقلك
اتنهد:
- مش عارف يا عمار فرح من وقت إللى حصل وأللى عملته ماما وهى بقت خايفه وطول الوقت مش مركزه ومش عارف اعمل معاها اييه
ابتسم:
- أنتَ حبيتها يا تميم؟
بصلها بحيره وتعب باين على وشه:
- صدقنى مش عارف، مش قادر احدد مشاعرى اتجاها ايه حب ولا مسئوليه
لما بابا قرر يجوزهالى، جوزهالى علشان تبقى من مسئوليتى وابقا الواصى عليها من ولاد عمها
- ولاد عمها!! هى عندها غير مالك؟
اتنهد :
- اه عمى جلال عنده اخ تالت بس معرفش اسمه خلينا فى المهم بابا راح فين؟
- قاعد مع اونكل جلال فى المكتب
تميم كان هيتكلم بس قاطعه صوت خبطت باب المكتب اول ما اتفتح
عمار بغضب:
- أنتَ ايه جابكَ هنااا يا زفت؟
نهايه البارت "وانتظرو البارت القادم "
🖤البارت العاشر🖤
-أنتَ ايه جابك هناا يا زفت
غسان قفل الباب وقعد قدام تميم وبص لعمار ببرود ورجع بص لتميم بتساءل:
- ماله الاخ ده مش طايقنى ليه بقاله كام يوم
تميم بص لعمار وضحك:
- علشان هتاخد اخته منه غيران منك
عمار اردف بغيظ:
- انا اصلا رافض الجوازه ديه
غسان بصله وهو بيرقص حواجبه:
- خليك بتاكل فى نفسك كده، وانا برضوا هاخدها وبعدين أنتَ عاوز البت تقعد جنبك وتخلل مش كفايه انا خللت جنبها
عمار نزل الفون وضحك:
- احسن تستاهل هما كام يوم وهلاقيك بتشد فى شعرك منها
غسان بصلهُ بغيظ ورجع بضهره لوراء:
- ياعم اتنيل كفايه تقى عندى فى البيت يبقه تقى ورهف ديه هتبقى حاجه صعبه
تميم كان هيتكلم بس مالك دخل وهو بيدندن ومبسوط
عمار اتعدل وفضل يضحك:
- أهلا أهلا بالباشا إللى داخل ومزاجه رايق اهو ده الوحيد إللى مش خايف عليه من الجواز
غسان بخبث:
- كنت فيين يا مالك؟
مالك زق عمار وقعد جنبه:
- كنت مع تولين بنجيب حاجات الفرح
عمار بضحك:
- لا بقولكم ايه جوزونى بدل وربى لبوظلكم الجوازه
غسان ببرود:
- تعال اجوزك تقى اختى على الاقل ارتاح شويه منها وانتوا اصلا اتنين مجانين وهتبقوا جامدين مع بعض
عمار بغيظ:
- لا ديه مستحيل اتجوزها ديه واحده مجنونه وانا مش ناقص
غسان بغضب:
- بس يا بابا انتَ تطول تتجوزها اتنيل
تميم بهدوء:
- طيب كفايه نقاش ويلاه بينا على اوضة الاجتماعات علشان عندنا شغل ومتنسوش انكم كلكم معزومين النهارده على العشاء
تميم قام وطلع وهو باين علي وشه الإرهاق والتعب
مالك بتساءل:
- عمار تميم ماله؟
عمار قام وقفل فونه وحطه فى جيبه:
- تميم حاليا عايش فى دوامه من التفكير ومش عارف يحدد علاقته بفرح هتكمل ولا لا
غسان بهدوء:
- ومتكملش ليه فرح وتميم فرق السن بينهم مش كبير اووى دول بس 6 سنين وبعدين فرح كبيره مش صغيره هى بس تخلص السنه بتعتها ديه وحياتهم هترجع تمشى طبيعى
مالك بهدوء" غسان عنده حق يا عمار
عمار بتفهم:
- عارف يا شباب بس هو خايف انها ترفض تكمل معاه لانه هو اخد قرار انه يكمل معاها حياته لكن هى لسه ماخدتش قرار وكمان بقالها فتره تعبانه بسبب موضوع والدتى وده مضايقه
مالك قام وحط ايده على كتف عمار:
- طيب سيبلى الموضوع وانا هتكلم معاها
عمار هز رأسه واخدهم وطلعوا على اوضة الاجتماعات يكملوا شغل
_____________
فرح كانت قاعده فى الجنينه وشارده وقامت مفزوعه اول ما حست بأيد حد بتتحط على كتفها
رهف بهدوء:
- اهدى يا حبيبتى ديه انا
فرح اتنهدت وقعدت تانى ورهف قعدت جنبها:
- انا عارفه انكِ خايفه من وقت إللى حصل بس يا حبيبتى لازم تنسى إللى حصل الحمدلله عده عده على خير وكمان الشر إللى فى حياتنا خلاص انتهى وأنتِ لازم الفتره ديه تفوقى كده وتركزى على دراستك وبعدين تميم معانا متخفيش طول ما تميم موجود محدش يقدر يقربلكِ
فرج ابتسمت وهزت رأسها بهدوء
رهف بخبث: قوليلى بقاا ايه اخبار علاقتكِ بتميم؟
فرح بصتله باستغراب وعدم فهم:
- مالها علاقتى بتميم
رهف بابتسامه:
- يعنى قررتى تكملى معاه ولا لا
ابتسمت:
- اكيد يا رهف تميم شخص كويس اووى وانا محظوظه بوجوده وبعدين احنا خلاص اتجوزنا فا اكيد مش هنهى علاقتنا اول مخلص دراسه لا انا ناويه اخلص السنه ديه وابدأ من جديد مع تميم بس لسه مشاعرى من نحيته متلخبطه شويه
رهف قامت وفضلت تتنتنط بفرحه:
- عاااا انا مبسوطه اووى بجد كنت خايفه اووى انك تقررى تبعدى عنه
ضحكت بهدوء:
- اكيد لا
رهف قعدت جنبها وحطت ايدها على كتفها:
- طيب لو سمحتى قوليله كده واتكلمى معاه النهارده لانه مضايق اووى من فكرة انك ممكن تبعدى عنه
ابتسمت وهزت رأسها بالموافقة:
حاضر بس قوليلى أنت وغسان بتحبوا بعض من امتى
رهف ضحكت:
- من الطفوله انا وغسان نعرف بعض من الطفوله بصى بما اننا بقينا صحاب فى هحكيلكِ كل حاجه عنى وأنتِ كمان اتفقنا
فرح ابتسمت:
-اتفقنا
رهف وفرح فضلوا يحكوا لساعات عن حياتهم لحد ما حل المساء والكل اتجمع بليل فى فيلا الدمنهورى
تولين اخدت تقى وعرفتها على فرح وكمان اتعرفوا على تولين وقعدوا يحكوا ويضحكوا مع بعض واتفقوا يكونوا صحاب وكل واحده اخدت رقم التأنيه والشباب كانوا واقفين بيبصوا لبعض بخوف
غسان بغيظ:
-بقولكم ايه يا شباب البنات دول مينفعش يتجمعوا مع بعض كده خطر علينا
مالك بهدوء:
- غسان عنده حق دول اربع مجانين ولمتهم على بعض ديه حاجه مطمنش خاالص
تميم بضحك:
- فى ايه منكِ لييه انتوا اتجننتوا ولا ايه
غسان بسخريه:
-دنت كام يوم وهتشوف الجنان على حق لما الاربعه دول يتفقوا علينا بعد كده
عمار قاعد ومتابع الحوار وبيحاول يكتم ضحكته على شكلهم
غسان بغيظ:
- خليك بتضحك، هيجيلك يوم وربنا لطلع عينك بس الصبر
عمار مقدرش يكتم ضحكته وفضل يضحك بشده
تميم كان هيتكلم بس قاطعه صوت بنت
- تيمووا حبيبى
تميم بصلها بصدمه والبنت جريت عليه وحضنته وسط صدمه كل الموجودين
نهايه البارت "وانتظرو البارت القادم"
#رواية
🖤البارت الحادى عشر🖤
تميم بصلها بصدمه والبنت جريت عليه وحضنته وسط صدمه كل الموجودين
عمار بهمس:
- اوبااااا ديه هتبقاا ليله فل
فرح اتعصبت وقربت زقت البنت ووقفت قدام تميم وهى بتبصلها بغضب.
غسان بحماس:
- ها قد بدأت المعركه يا رفيق عاش يا وحش خلصى عليها.
مالك بصلهُ وضحك:
- اسكت الله يخرب بيتك هو ده وقت هزار
فرح بغضب:
- ايه يا ماما أنتِ داخله زريبه ابوكِ أنتِ ميين يابت؟
البنت بصتلها من فوق لتحت واردفت بتكبر:
- مين ديه يا تميم؟
عمار بضحك:
- الله يرحمك يا تميم
تميم بضحكه مكتومه:
- احم فرح اهدى ديه ريا صديقتى من أيام الجامعه ولسه راجعه من امريكا
وتابع بهمس:
ومعرفش ايه جابها فجاة كده
فرح اتعصبت وبصتله:
- ايوه يعنى مفهمتش هى تُحضنك بتاع ايه ؟
تميم كان بيحاول يكتم ضحكته على شكلها ومستمتع بغيرتها عليه
ريا بغيظ:
- تيمووا ميين المجنونه ديه وازاى تكلمك كده
فرح برقت بعنيها وبصتلها بشكل خله الكل يضحك
فرح ابتسمت بتوعد وسخريه:
- تيمووا!!! امممممم امممم انا هقولك يا غاليه انا ميين
تعاليلى بقااا يا بتاعت تيمووا
فرح شدتها من شعرها ووقعتها فى الارض وهى بتضر*بها
الكل واقف مصدوم وعمار مقدرش يتمالك نفسهُ ووقع على الارض من كتر الضحك
غسان بضحك:
الله عليك يا حبيب والديك عااش يابنتى
مالك بضحك:
- يا بنتى خلاص هتموت فى ايدكِ حرام القمر ده يمو*ت كده
تولين برقت وقربت وقفت قدام مالك:
- أنتَ قولت ايييييه؟
عمار بضحك:
- البس يا كبيرررر والحق انضم مع المرحومه
غسان بص لرهف لقاها واقفه وبتبصله بتحذير ضحك وقعد جنب عمار:
- عمار الحق اختك بتتحول
عمار نام على الأرض وهو بيضحك:
اااه يا بطنى مش قااااادر
مالك بضحك :
اهدأ يا شبح دنا نيتى شريفه
ضربتهُ على كتفه:
- شريفه ديه تبقااا خالتك ياخويا
جلال بضحك:
- اسكت يا مالك علشان تلحق تتجوز يابنى الستات دول غضبهم صعب
سوزان بغيظ:
- بتقول حاجه يا جلال
جلال بضحك:
- ابدًا يا عيون جلال انا اقدر
عاصم بضحك:
- هو ده وقت رومانسيتك يا جلال الحق يا تميم البنت هتموت فى ايدها
تميم كان بيحاول يبعد فرح عن ريا لحد ما تعب قرب وشال فرح وهو بيضحك:
- كفايه بقااا
فرح بصراخ:
- عااااا نزلنى نزلنى
تميم وهو شيلها وطالع بيها على فوق:
- اسكتى خاالص مش عاوز اسمع صوت
فرح ببراءه:
ياعم نزلنى بس وانا مش هعمل حاجه انا بس هعلمها غلطها نزلنى يا تميييييم عااااا
غسان وعمار ومالك وقفوا وبصوا لريا إللى اغمى عليها من كتر الضرب
عمار بضحك:
- ينهار اسود ديه ما*تت.
تقى ببرود:
- الله يرحمها كانت رخمه
تولين بهدوء:
- جماعه حد يشوفها ليكون حصلها حاجه علشان البنات إللى من نوعها بتبقى فافى اووى
مالك بضحك:
- لا وانتوا الجامدين اووى يابت
تولين بهمس:
- أنتَ تسكت خاالص يابو نيه شريفه علشان هطلع عينك بس نرجع البيت الصبررررر يا مالك
مالك بضحك:
- أنتِ مين قلكِ انى راجع البيت انا هبات هناا مع عمار
عمار بضحك:
- حبيبى تنورنى فى اى وقت متقلقش
عاصم بضحكه مكتومه:
- عمار شيلها وطلعها اوضة الضيوف لحد ما اطلب الدكتور
عمار هز رأسه بالموافقه وشال ريا وطلعها اوضه الضيوف
وكان طالع بس ثوانى وكان واقع على الارض وو....
نهاية البارت "وانتظرو البارت القادم "
#رواية
#طفلة_التميم
#الجزء_الثانى
#بقلمى
#مارينا_عبود
تعليقات
إرسال تعليق