 |
🖤البارت الثانى عشر🖤 12_13_14
- شعرى يا بنت المجنونه اهدى
ريا كانت ماسكه فى شعر عمار وبتضر*ب فيه بغيظ وغل:
- بقاا يا جزمه انا اضر*ب الضر*ب ده كُله بسببك، وبسبب أفكارك الغبيه لا وكمان توقف تضحك ومتفكرش حتى تدافع عنى وربنا ما هسيبك
عمار ضحك وقومها من عليه:
- اهدى بس يا جميل وبعدين انا ايه عرفنى انها هتطلع بالقوه ديه وتعمل فيكِ كده
ريا بسخرية:
- وحضرتك بقااا قولتلى انها مش بتحبه اومااال لو بتحبه كانت عملت فيا ايييه
عمار بضحك:
- لا منا خلاص اتأكدت انها بتحبه ديه مش بس بتحبه ديه بتمو*وت فيه والدليل شكلك ده
قال كده وقعد على الكرسى وهو بيضحك على شكلها
ريا اتعصبت ووقفت قدامه:
- ده كله ميخصنيش انا همشى دلوقتى ومش عاوزه اشوف وشك
ضحك وشدها قعدها جنبه:
- ما خلاص بقا ريرو انا اسف حقك عليا متزعليش
ابتسمت:
- خلاص يا عمار هعديها علشان خاطرك أنتَ وتميم بس انا بجد لازم ارجع الفندق لانى عندى سفر بعد اسبوع
ابتسم:
- وترجعى الفندق ليه خليكِ هناا لحد معاد سفركِ
بصتلهُ بخوف:
- ومين ينقذنى من المجنونه مرات تميم
ضحك:
- متقلقش هتكونى فى حمايتى طول الاسبوع ده بس اوعى تقولى لحد انى انا إللى طلبت منك تيجى وتعملى الحوار ده وقتها تميم مش هيرحمنى
ريا بضحك:
- متقلقش يا كبير سرك فى بير
حط رأسه فى شعره وضحك:
- وده إللى مخوفنى المهم عاوزكِ طول ما الفتره إللى أنتِ هتقعدى معانا فيها تحاولى تخلى فرح تتجنن وتغير على تميم
بصتله بغيظ:
- انسه ده مستحيل انا مش هعمل كده تانى ولا حتى هفكر اقرب منها ديه شوهتنى ياعم
ضحك وبصلها برجاء:
- معلش علشان خاطرى بس وافقى وانا اوعدك مش هخليها تقرب منكِ
اتنهدت وبصتله بيأس:
- طيب يا عمار لما نشوف اخرتها معاك
ضحك وقام علشان يطلع:
- هبعت الدكتوره مع رهف علشان تضمدلك جروح وشك إللى اتبهدل ده علشان بصراحه بقيتى تخوفى اوووى
بصتله بغضب وقامت مسكت المخده وكانت هتضربه بس هو جرى وطلع من الاوضه وقفل الباب
________________
تميم دخل الاوضه وحط فرح على السرير وهو بيحاول يكتم ضحكته:
- ممكن أفهم ايه الهبل إللى أنتِ عملتيه تحت ده؟
بربشت بعنيها وبصتلهُ ببراءه:
- صدقنى انا معملتش حاجه هى إللى قليلة أدب يعنى عاوزنى اشوفها بتحضنك واسكت
قرب وحاوط خصرها وهو بيبصلها بخبث:
- هو الجميل بقااا بيغير ولا ايه؟
اتوترت ودقات قلبها بقت مسموعه بالنسباله ووشها إللى بقاا آحمر وزادها جمال فوق جمالها
- لا طبعنا مش بغير بس إللى حصل مكنشى ينفع يحصل أنتَ راجل متجوز ولا نسيت
ابتسم:
- لا طبعنا منستش
قرب وهمس فى اذنها بهدوء:
- بس مكنتش اعرف انك بتطلعى حلو اووى كده وأنتِ مكسوفه
تميم طبع قبله على خدها وسابها وطلع وهى فضلت واقفه ومبرقه
فاقت من شرودها وحطت ايدها على خدها:
- هو إللى حصل دلوقتى كان حقيقه ولا خيال؟!
خبطت بايدها على جبينها:
- فرررح فوووقى يخرب بيتكِ ده مش وقت غرام هتسقطى قريب بس ده ميمنعش انى متجوزه قمررر وهقع فى حبه قريب
ضحكِت ودخلت تغير هدومها
__________________
غسان بهمس:
- ايه يا زفت بقالك ساعه فوق بتعمل ايه؟
عمار بضحك:
- كنت فى ألحمام بطنى وجعتنى من الضحك
غسان بصله بشك وعدم اقتناع وعمار بصله وضحك
الضيوف استاذنوا وكل واحد رجع بيته
تميم بتساءل:
- عمار هى ريااا ايه جابها على هنا فجاه كده
عمار بتوتر:
- وانا ايه عرفنى يا تميم ابقاا اسألها الصبح
تميم هز رأسه وطلع اوضته وعمار فضل باصص لطيفه بابتسامه:
- برضوا مش مرتاح غير لما اجمع عصافير الحب بتوعى
- اممممم وعلشان كده جبت رياا على هنا
عمار اتوتر والتفت وبصلهُ بصدمه ووو....
نهاية البارت "وانتظرو البارت القادم "
🖤البارت الثالث عشر🖤
عمار التفت وبصلهُ بصدمه وتوتر:
- بابا أنتَ منُمتش ليه ؟
عاصم وقف قدامه وهو مربع ايديه قدام صدره وبيبصله بخبث:
- سيبك منى وقولى حضرتك ناوى على ايه
ضحك:
- انا مش ناوى على حاجه خااالص
عاصم بهدوء:
- عمار اوعى تعمل حاجه تخلى فرح وتميم يبعدوا عن بعض انا..
قاطعه عمار :
- أنتَ بتقول ايه يا بابا انا مستحيل اعمل كده طبعنا، كل الموضوع انى عاوز اقرب فرح وتميم من بعض عاوزهم يعرفوا حقيقة مشاعرهم وعلشان كده طلبت من رياا تيجى على هنا وهى اصلاً مسافره بعد اسبوع
عاصم ابتسم وهو بيربت على كتفه:
- ماشى يابنى روح دلوقتى وارتاح
عمار ابتسم وهز رأسه وطلع على اوضته وعاصم اتنهد ورجع اوضته
___________________
مالك دخل الاوضه واتفاجأ بتولين واقفه قدامه وبتبصلهُ بغضب
مالك لنفسه:
- هى ليله مش معديه انا حاسس
ابتسم وقرب وقف قدامه:
توليم أنتِ واقفه كده ليه فى اييه ؟
تولين بسخريه:
- يعنى حضرتك مش عارف فى ايه
ضحك:
- وحياتك يا جميل معرفش
بصتلهُ بغضب ومسكت المخده وفضلت تضرب فيه:
- اه يا خاين يا جبان بقااا بتعاكس البنت وانا واقفه قدامك هى حصلت؟!!
مالك بضحك:
- اهدى بس انا معملتش حاجه لكل الغضب ده يخرب بيتك اهدى
تولين بغيظ وهى بتقلده:
- يعينى حرام القمر ده يموت كده، ما تموت ولا تغور أنتَ مالك؟
مالك مسك ايدها وشدها ليه:
- ما تهدى بقااا ايه مش قادر عليكِ
تولين بغضب:
- سبنى يا مالك احسن ما اصوووت والم عليك كل إللى فى البيت
مالك بسخريه:
- صووتى ولا يفرق معايا
ابتسمت بتحدى :
بقااا كده طييييييب:
- عاااااااااا
مالك حط ايده فمها وهو بيبُصلها بصدمه:
- بس يا بنت المجنونه فضحتينا
زقته ورفعت سبابتها فى وشه،وهى بتبصله بتحذير، وعصبيه:
لاخر مره يا مالك بحذرك لو فكرت مجرد تفكير انك تكلم بنت غيرى وقتها متلومش غير نفسك
قالت كده وسأبته وطلعت، وهو قعد على الكرسى وفضل يضحك:
- شكلى كده أدبست فى الجوازه ديه ومفيش مفر
_______________
تميم رجع اوضته، وكانت فرح قاعده ولابسه نظارتها وبتقراء بتركيز
قفل الباب، وقعد جنبها، وسحب الكتاب
اردفت بغيظ:
- تمييم ليه كده؟
- سيبكِ من الكتاب دلوقتى وركزى معايا عاوز اتكلم معاكِ فى موضوع
اخدت نفس عميق وقلعت نظارتها، وبصتلهُ باهتمام:
- عارفه أنتَ عاوز تقول ايه وعلى فكره انا اخدت قرار بخصوص الموضوع إللى اتكلمنا فيه
بصلها باهتمام وخوف من فكرة انها ممكن تسيبه:
- وايه قراركِ ده يا فرح؟
ابتسامه جميله اترسمت على شفايفها، ومسكت ايده وبصتلهُ واردفت بهدوء:
- تميم انا لما عمو عاصم عرض عليا اتجوزك بصراحه موافقتش، لانى خوفت منك، دائماً كُنت بسمع بابا وعمو بيتكلموا عليك وعمو بيشكى من عصبيتك الزايده علشان كده انا خوفت اتجوزك، خوفت تطلع شخص قاسى ومبقاش مرتاحه معاك لكن لما اتجوزتك، ودخلت البيت ده عرفتك كويس ومستحيل انسى وقفتك معايا فى اى وقت انا كنت محتاجلك في، ولا اهتمامك بكل تفاصيل حياتى ومحاولاتك، علشان تقدر تخلينى احس انه بابا مفارقنيش انا من وقت ما اتجوزتك وشوفت فيك كل حاجه حلوه وبقيت أنت سندى الوحيد يا تميم من بعد ما اهلى اتوفوا، وكمان انا مش مجنونه علشان انهى علاقتى بيك بالسهوله ديه صحيح متجوزناش عن قصة حب كبيره لكن جوازنا اتبنى على الاحترام والموده وانا متاكده انه الحب هيبقى أساس علاقتنا مع الوقت لكن انا اخدت قرارى انى أكمل حياتى معاك وانى اول ما اخلص السنه الصعبه ديه هدى علاقتنا ديه فرصه واحاول اكون زوجه كويسه ليك ولا أنت عندك رأى تانى
ابتسم وشدها لحضنه، وهو قلبه بيرفرف من الفرحه لانها قررت تكمل معاه، وجواه صوت بيقوله انه خلاص حبها وسكنت قلبه
بعدت عن حضنه وبصتله بمرح وقبل ما نتكلم سمعوا صوت صراخ جاى من بره ووو.....
نهاية البارت 💞💞
🖤الفصل الرابع عشر🖤
بعدت عن حُضنه وبصتله بمرح وقبل ما تتكلم سمعوا صوت صراخ جاى من بره
بصوا لبعض وقاموا بسرعه طلعوا بره وقابلوا عمار فى وشهم
اردف تميم بخوف:
- فى ايه يا عمار ؟
عمار بنوم:
- معرفش حاجه انا قومت على صوت الصراخ بس الصوت جاى من اوضة الضيوف
رهف طلعت من اوضتها وبصتلهم بخوف:
- مين اللى بيصرخ؟
فرح أنتِ فيكِ حاجه ؟
فرح هزت رأسها بمعنى لا
عمار بهدوء:
- طيب تعالوا نشوف فى ايه
تميم اتنهد واخدهم وراحوا اوضة الضيوف فتحوا الباب وكانت ريا واقفه على السرير وهى بتصرخ وماسكه عصايه فى ايدها
عمار ضحك على شكلها:
- ايه يا بنتى إللى أنتِ عملاه فى نفسك ده؟
تميم بصلها بقلق:
- فى ايه يا رياا بتصرخى ليه؟
- فى فاااار يا تميم فى الاوضه
كلهم بصوا لبعض ورجعوا بصولها وهما متنحين ثوانى وسمعوا صوت ضحك
عمار وتميم بصوا وراهم كانت فرح قاعده على الأرض وبتضحك بشده ومش قادره توقف
تميم بضحك:
- أنتِ بتضحكِ على ايه؟
فرح بضحك:
- فار يا سلعوه أنتِ خايفه من فاااار؟!!!
ريا بغيظ:
- بت انا مش عاوزه اسمع صوتكِ خاالص أنتِ وحده مجنونه وانا مش عاوزه ادخل معاكِ فى مشاكل
فرح بصت لتميم ببراءه:
- باشا قومنى لو سمحت؟
ضحك ومسك ايدها قومها
فرح قامت وبصتلها بغضب:
- بقااا انا مجنونه يا فافى أنتِ طب تعاليلى
كانت رايحه تضربها بس عمار مسكها وهو بيضحك:
- ابوس ايدكِ بلاش البنت ضيفه عندنا ولازم تطلع من هنااا سليمه اهدى كده
ريا بخوف :
- عمااار خد البنت المجنونه ديه وطلعها بره انا بحذرك لو قربت منى وقتها هعمل تصرف مش هيعجب حد
عمار بضحك:
- ياختى اتنيلى هو ده وقته دنتِ مش قادره على فار هتقدرى عليها.
تميم بغضب:
- بس خلاااص منك ليها وأنتِ يا فرح تعالى هنااا
فرح بصتله بغيظ ورجعت وقفت وراه
تميم بهدوء:
- ريا مفيش فيران هناا وبعدين هو فى وحده فى سنكِ تخاف من الفار
ريا بخوف:
- لا يا تميم انا متاكده فى فار هناا وبعدين أنتَ عارف انى عندى فوبيا منهم
عمار اتنهد وبص لرهف:
- رهف لو سمحتى خديها اوضه تانيه غير ديه
رهف هزت رأسها بالموافقه
تميم التفت لقه فرح بتبص لريا بغضب وشكلها يضحك اووى
ضحك وشدها وطلع، رجع اوضته
تميم بهدوء:
- وبعدين بقااا أنتِ ليه مضايقه منها
فرح بغيظ:
- تميم متعصبنيش انا اصلا مش مرتحالها من وقت ما شوفتها
اتنهد:
- طيب يلاه ننام علشان عندنا بكره يوم طويل مقدمناش غير يومين علشان تجهيزات فرح مالك ورهف
فرح بصتله بصدمه وشاورت بايدها:
يومييين؟ بس يومييين ليييه
اتنهد وقعد قصادها على السرير:
- علشان عمى جلال عنده شغل ولازم يسافر بعد اسبوع فا بابا قرر انه نعمل الفرح خلال اليومين الجايين وبعدين ديه حاجه كويسه
اتنهدت وطلعت على السرير:
- ماشى مفرقتش كتيرر المهم يتجوزوا علشان البس الفستان
بصله بدهشه وتساءل:
- فستاااان؟!!!!
ضحكت:
- اااه فى فستان حلو اووى من ضمن الفساتين إللى اشتريناهم انا وأنتَ من كام يوم وبصراحه كنت مقرره البسه فى فرح مالك ومتحمسه اووى تحب تشوفه؟
ضحك وقام طفه النور ورجع قعد جنبها وشدها لحضنه:
- طيب نامى دلوقتى وبكره ابقى وريهولى
بصتله وابتسمت:
- ماشى موافقه
__________________
وفى يوم جديد غسان قام مفزوع على صوت اخته
- غساااااااااان
- ايه فى ايه البيت وقع ولا ايه؟
- لا
- طيب حد حصله حاجه
- برضوا لا
مسك المخده ورماها عليها:
- اومااال جايه تصرخى ليييييه وتصحينى بالشكل ده
تقى ببراءه:
- مفيش يا باشا بصراحه حضرتك نومت كتيررر اووى وانا قولت اصحيك
بصلها بسخريه:
- قلبك حنين اوووى يابت اخلصى قولى عاوزه ايه
ابتسمت بخبث:
- انا بحبك وانتَ فاهمنى هات فلوس بقااا علشان بابا نايم ولو صحيته ممكن يطردنى من البيت
- اممم وانشالله الحلوه هتاخد الفلوس وتروح على فين
ابتسمِت:
- عادى أنتَ عارف انه رهف عرفتنى على فرح مرات تميم وكمان تولين مرات مالك وعلشان كده اتفقنا نطلع النهارده ونتفسح سواء
غسان رجع بضهره لوراء وهو بيكلم نفسه:
- هى حصلت يطلعوا مع بعض ده شكله هيبقاااا مرار طااافح
تقى بغيظ:
- بتقول ايييه يا غسان
ابتسم بسخريه ومسك محفظته وطلع منها فلوس:
- مقولتش حاجه ياختى اتفضلى الفلوس وبلاش تتاخروا
اخدت منه الفلوس وهى بتضحك:
- ماشى ميرسى برووو
طلعت وهو اتنهد ورجع يكمل نوم
_________________
- ماااااااالك
قام مفزوع:
- فى ايه يا بنت المجانين على الصبح
ابتسمِت ببراءه:
- انا رايحه مشوار فا قولت اقولك
مالك بعدم فهم:
- مشوار ايه معلش ؟
ابتسمت:
- امبارح اتفقنا انا والبنات اننا نطلع نتفسح علشان كده هخلى السواق ياخدنى وهاخد فرح ورهف وتقى
- ده مستحيييل مفيش خروج من البيييت ده
بصتله بصدمه وو...
نهاية البارت "وانتظرو البارت القادم "
#رواية
#طفلة_التميم
#الجزء_الثانى
تعليقات
إرسال تعليق