 |
🖤البارت الخامس عشر🖤15_16_17
-ده مستحيل مفيش خروج من البيييت ده
تولين بصِتلهَ بصدمه وغضب:
- نعممم هو انا هتحبس يعنى؟
ابتسم ببرود:
- اه واطلعى بقااا وسبينى انام
مالك شد البطانيه وسابها ونام
تولين اتعصبت ورجعت شدت البطانيه من عليه:
- مااالك لو سمحت
مالك لنفسه:
- طيب اقولها ايه ديه لمتهم على بعض هتخسرنا اووى
مالك اخد نفس وبصلها وابتسم:
- ماشى يا تولين روحى بس متتاخريش
ضحكِت بفرحه :
- ماااشى ميرسى اووى يا حِلو
قالت كده وسأبته وطلعت وهو ابتسم ومسك فونه كلم غسان
غسان بنوم:
- يا نعم
مالك بغيظ:
- فوووق يا زفت مش وقت نوووم
غسان قام بكسل وعدل نفسه:
- عاوز ايه يا مالك يعنى معرفش انام شويه منكم
مالك بسخريه:
- ولما حضرتك تنام مين يجهزلك فرحك قوم يالااا البنات اتلموا وطلعوا مع بعض واحنا قاعدين
غسان بضحك:
- اه أنتَ مصحينى علشان كده
مالك بغيظ:
- لا عاوزك تجهز هعدى عليك آخدك وناخد تميم وعمار ونشترى البدل بتاعت الفرح ونحجز القاعه ولا حضرتك نسيت فرحك
غسان بحب:
- هو حد ينسى يوم زى ده، دنا طول عمرى بحلم بيه
مالك بضحك:
- غسان أنتَ بقت رومانسى شويتين وديه حاجه مطمنش خاالص انا بقولك اهوو
غسان بغيظ:
- اقفل يا مالك اقفل الله يخرب بيتك
غسان قفل الفون وقام يجهز نفسه ومالك فضل يضحك وقام هو كمان دخل الحمام ياخد شاور
________________________
تميم نزل وكانت معاه فرح قعدوا على السفر ه علشان يفطروا
رهف بهدوء:
- تميم بعد اذنك انا هاخد فرح معايا علشان نشترى حاجات الفرح
ابتسم:
- اكيد يا حبيبتى مش محتاجين إذن منى روحوا بس متتاخروش
- صباح الخير يا شباب
كلهم التفتوا وكانت ريا لابسه قصير وفارده شعرها ووشها كله ميكب
عمار بهمس:
- الله يخرب بيتكِ دنتِ شكلكِ ناويه على مُوتكِ
فرح بغضب مكتوم:
- استغر لله العظيم الصبر يارب من عندك
كلهم بصوا لفرح وضحكوا
فى اللحظه ديه تقى وتولين دخلوا
وتولين اول ما شافت ريا زقتها وقعتها على الأرض
فرح ضحكت وسقفت بحماس:
- الله عليكِ يا بنتى براااافوا
تميم بصلها فرجعت تبص فى طبقها
ريا بغضب:
- أنتِ عميه يعنى ايه ده!!
تولين بسخريه:
- سورى يا قطه مشوفتكيش
تقى بهدوء:
- معلش يا حبيبتى اكيد مش قصدها هاتى ايدكِ اساعدكِ
ريا اتنهدت بغضب ورفعت ايدها وحطتها فى ايد تقى وقبل ما تقوم تقى سحبت ايدها ورجعت وقعتها
فرح مقدرتش تكتم ضحكتها وفضلت تضحك بشده
عمار قام وهو بيحاول يكتم ضحكته وقرب من ريا قومها :
- معلش يا ريا انا اسف
ريا بصتله بغضب وطلعت على اوضتها
تميم بهدوء:
- عاجبكم إللى عملتوه ده ؟
فرح ببراءه :
احنا معملناش حاجه خاالص وبعدين احنا اتاخرنا اووى يلاه يا رهف قومى
فرح قامت بسرعه علشان تهرب من تميم وشدت رهف وتولين وتقى طلعوا وراها ولأنها اقصر وحده فيهم فكان شكلها يضحك اوووى
البنات وهما طالعين قابلوا غسان ومالك
غسان بسخريه:
- أهلا شلة المصايب منورين ولله
رهف بغيظ:
- طيب اوعوا كده علشان متأخرين
غسان ومالك فتحولهم الطريق ومشيوا
مالك دخل وقعد جنب تميم وهو بيضحك:
- هى فرح بقت زعيمة العصابه ولا اييه؟
تميم بضحك:
- ومراتك بقت مديرة أعمالها
غسان بتساءل:
- وبالنسبه لأختك ايه الحوار
عمار بضحك:
- لا ديه ماشيه وراهم وخلاص
تميم بهدوء:
- طيب يلاه بينا كده علشان منتاخرش
تميم والشباب طلعوا وقضوا يوم جميل مع بعض واشتروا بدل الفرح واتغدوا وكل واحد رجع شغله
كمان البنات قضوا يوم جميل سوا واتعرفوا على بعض اكتر وكل واحده رجعت بيتها
تميم رجع البيت بعد ما خلص شغل لقه ريا فى وشه
ريا بابتسامة:
- تيمووا اخبارك ايه
ابتسم:
- انا بخير بس قوليلى ايه إللى جابكِ فجاة كده
ريا بتوتر:
- أحم بصراحه حصلت مشكله فى الفندق إللى انا قاعده فيه وعلشان كان الوقت متاخر ملقتش مكان غير هناا قولت اجى واقعد معاكم الاسبوع ده لحد معاد سفرى، بس أنتَ ازاى تتجوز ومتقوليش بجد زعلانه منك اووى
تميم بابتسامة:
- معلش يا ريرو الموضوع حصل بسرعه وملحقتش اقول لحد وكمان بعتذرلكِ على تعامل فرح معاكِ امبارح
ابتسمت بهدوء:
- لا عادى محصلش حاجه هى شكلها بتحبك اووى وبتغير عليك كمان
فى اللحظه ديه فرح وعمار كانوا نازلين وقابلوا بعض بالصدفه
عمار بضحك:
- هلا يا طفلة التميم اخباركِ
فرح بضحك:
- أنتَ ازاى عرفت الاسم ده
عمار بخبث ومشاكسه:
- ولله عرفت بطريقتى المهم استمتعتوا النهارده فى المشوار ولا لا ؟
كان كانت هتتكلم بس سمعت صوت ريا وهى بتضحك بمياعه التفت واتصدمت اول ما شافت ريا وتميم واقفين وبيضحكوا مع بعض وجن جنانها
عمار لنفسه: ينهار اسود الله يرحمكِ يا رياا كنت صديقه كويسه ولله
فرح بغضب وغيره:
- الله يخرب بيتكِ والبيت اللى جنب بيتكِ يا شيخه وحياة امكِ ما هرحمكِ المرادى
فرح نزلت بغضب ووو....
نهاية البارت "وانتظرو البارت القادم"
🖤البارت السادس عشر🖤
الجزء الأول
فرح بغضب وغيره:
- الله يخرب بيتكِ والبيت اللى جنب بيتكِ يا شيخه وحياة امكِ ما هرحمكِ المرادى
فرح نزلت بغضب
تميم اول ما شافها ابتسم و وقف قدام ريا
- طفلتى أنتِ ليه مجهزتيش لحد دلوقتى ؟
بصتله بتساءل:
- جهزت؟
تميم غمز لعمار علشان ياخد ريا وعمار ابتسم وفهم قصده
تميم قرب ووقف قدام فرح ولف دراعه حولين رقبتها واخدها وطلع فوق
- تميم أنتَ واخدنى على فييين؟
تميم بابتسامة:
- هاخدكٍ ونطلع نتمشى شويه
فرحه بصتله بحزن:
- لا مش عاوزه اطلع
- ليه؟
فرح قعدت على السرير وبصتله بتعب:
- لفينا كتيررر انا والبنات النهارده وبعدين انا عارفه أنتَ عاوز تطلعنى ليه بلاش هروب من الموقف
ضحك وقعد جنبها:
- يا بنتى ريا اختى الصغيره بطلى غيره بقاا
- غيرررره!!!
بصلها بخبث:
- ما خلاص بقااا الناس كلها عرفت انكِ بتغيرى عليا
اردفت ببراءه:
- بص انا صح بغير بس بغير شويه صغيرين يعنى مش اووى
نام على السرير وفضل يضحك
بصتله بغيظ:
أنتَ بتضحكَ على إيه ؟
ابتسم وشدها لحضنه:
- اممم ده اعتراف منكِ انكِ بتغيرى، وده معناه انكِ وقعتى فى حبى يا طفلة
- اه، قصدى لااا طبعنا
ضحك وقام يغير هدومه:
- خلاص بقااا وقعتى بلسانكِ
وشها احمر بخجل ومسكت المخده ورمتها عليه:
- أنتَ مُستفز وانا بكرهكَ
مسك المخده وبصلها وهو بيضحك:
- قصدكِ بتحبينى العكس يا ماما بوشكِ إللى بقااا فراوله ده
قال كده ودخل الحمام يغير هدومه وهى اتعصبت وحطت رأسها على المخده:
- يعنى كان لازم تقولى الحقيقه استحملى بقاا رخامتهُ عليكِ
مسكت المخده التأنيه وحطتها على وشها ونامت
دقايق وتميم طلع واول ما شافها ضحك وقرب قعد جنبها وشال المخده من على وشها لقاها راحت فى النوم
- يا قلبى ملاك وأنتِ نايمه وعفريت وأنتِ صاحيه
فرح نامت على جنبها واردفت بنوم:
- طيب نام يا تميم علشان العفريت ميتجننش عليك دلوقتى
ضحك وطبع قُبله على جبينها وشدها لحضنه ونام
___________________
مالك كان داخل البيت وهو بيدندن لمح تولين واقفه فى الجنينه ورافعه رأسها للسماء ويتكلم حد
مالك بحيره:
- ينهار اسود هى وصلت انها تكلم نفسها
مالك قرب ووقف وراها وسمعها بتكلم مامتها وصوته باين عليه انها بتعيط
ابتسم بحزن وحط ايده على كتفها:
- هى فى مكان احسن دلوقتى ادعيلها يا تولين هى اكيد سمعاكِ
التفت وبصتله وهى بتعيط:
- نفسى تكُون معايا فى اللحظات ديه يا مالك وحشتنى اووى
قرب واخدها فى حضنه:
- حبيبتى هى اكيد حاسه بيكِ ومبسوطه علشانكِ وبعدين احنا كلنا معاكِ وماما كمان معاكِ
مسحت دموعها وطلعت من حضنه:
- حقيقى مش عارفه اشكر ربنا ازاى انه جمعنى بيكَ أنتَ عوضتنى عن حاجات كتيررر وبسبب بقاا عندى عيله جميله زيكم وهكون محظوظه انه عندى زوج زيك
ابتسم بحب:
- حبيبتى انا إللى محظوظ بوجودكِ فى حياتى، وبعدين يابت أنتِ بقيتى رومانسيه فجاة كده ليه
ضحكِت وضربته على كتفه:
- أنتَ لازم تبوظ اى لحظه حلوه ما بينا يا عديم الرومانسيه
ضحك وشدها لحضنه:
- اتجوزكِ بس الأول وبعدين هوريكِ عديم الرومانسيه ده هيعمل ايه
ضحكت بشده:
- واااثق اوووى يا ولااا
مالك طلعها من حضنه وبصلها بهيام:
- قلب الولاااا ولله يلاه بينا داخلين علشان ترتاحى عندنا يوم طويل بكره
ابتسمت:
- ماشى يلاه بينااا
مسك ايدها واخدها ودخلوا وهما بيحكوا مع بعض فى تفاصيل يومهم
_________________
تانى يوم كانت فرح فى اوضتها وبتجهز نفسها علشان فرح رهف وغسان مالك وتولين
اول ما سمعت الباب بيخبط سابت إللى فى ايدها وراحت تفتح
- أنتِ ايييه جاااابكِ هنااا
نهاية الجزء الأول من البارت وشويه كده وهنزل التكمله❤
🦋تكملة البارت السادس عشر🦋
- أنتِ ايه جابكِ هنااا؟
ريا ضحكِت وزقتها ودخلت قعدت قصادها على السرير
فرح استغربت من برودها وبصتلها بغضب:
- هو انا بكلم نفسى ولا الظاهر أنتِ عاوزه تتهزقى مره تانيه
ريا بضحك: يا بنتى اتهدى شويه واقعدى عاوزه اتكلم معاكِ
فرح اتنهدت وقفلت الباب ومسكت كرسى وقعدت قصادها وهى بتبُصلها بغضب
ريا اخدت نفس وبدأت تتكلم: بصى يا فرح لازم تفهمى انه تميم اخويا وبس وانا اصلاً مسافره بعد كام يوم بس حابه اقولكِ انه تميم بيحبكِ اووى وباين عليكِ انكِ أنتِ كمان بتحبيه عموما اتمنه متزعليش منى واتمنه كمان نبقى صحاب أى رأيك
ريا مدتلها ايدها وفرح ابتسمت وحطت ايدها واتفقوا يبقوا صحاب
ريا بخبث: طيب بما اننا بقينا اصحاب فا تعالى اجهزكِ علشان الفرح
فرح بابتسامة : اوك موافقه
ريا ابتسمت وقعدتها قدام المرايه وبدأت تجهزها
_____________________
مالك وغسان أخدوا تولين ورهف ووصلوهم الكوافير ورجعوا بيت مالك علشان يجهزوا
مالك بهدوء : غسان هو تميم فين؟
غسان : صدقنى معرفش كلمته كتيرر مبيردش عليا
فى اللحظه ديه تميم وعمار دخلوا
تميم قرب من مالك وحضنه : الف مبروك يا حبيبى يتمملك على خير
مالك ابتسم وبادله الحضن : الله يبارك فيك يا باشا
غسان بضحك: ايه تميم باشا نسيت انه فى عريس تانى هناا ولا ايه
تميم ضحك وقرب حضن غسان: انا اقدر برضوا يا صاحبى
عمار بص لغسان بتحذير: اختى فى عينك يا غسان اقسم بالله لو فكرت بس تزعلها هندمك خليك فاكر
غسان بحب: عيب عليك رهف فى عينى
تميم بهدوء: طيب اسبقونى انتوا على القاعه وانا هجيب فرح واجى وراكم
عمار برجاء: وريا كمان هاتها معاك
تميم بهدوء: اوك سلام
______________
تميم طلع واخد عربيته ومشى وغسان ومالك ورهف اخدوا عربياتهم وطلعوا على الكوافير يجيبوا البنات
وبعد ساعه وصلوا وكل واحد دخل ياخد عروسته
عمار وهو داخل خبط فى تقى
عمار بمشاكسه: ايه يابت القمر ده
تقى بابتسامة: ميرسى يا مغرور اول مره تقول حاجه كويسه
عمار بضحك: تصدقى انا غلطان برضوا هتفضلى شبه جعفر
تقى باستفزاز: طيب يلاه يا جعفر علشان هطلع معاك فى عربيتك مضطره بقاا اعمل ايه
عمار غمزلها وضحك: وماله، العربيه تنور يا باشا اتفضلى
تقى بغرور: ميرسى ميرسى افتحلى باب العربيه بقاا خليك واد جنتل
عمار ضحك بشده وبصلها: ليه ايدكِ اتكسرت مثلا
تقى بغيظ: ياربى انا بكلم مين بس اطلع يابنى اطلع ربنا يكون فى عون إللى هتاخدك
عمار بخبث: إللى هو أنتِ يعنى
تقى بغرور وهى بتشاور عليه: انا اتجوزك انتَ ليه اضربت فى دماغى
عمار : ياعم اتنيلى أنتِ تطولى اصلا تتجوزينى اطلعى اطلعى اهو اكسب فيكِ ثواب
تقى بصِتلهُ بغيظ وركبت العربيه
عمار بضحك: مغروره بس قمر
___________________
تميم وصل البيت وطلع فوق حاول يفتح باب الاوضه بس لقاه مقفول
ريا فتحت الباب وتميم بصلها بدهشه:
- ريا أنت ايه جابكِ هنااا وفرح فيين ؟
ريا بابتسامة:
- اتفضل مراتك جوا
تميم اتنهد ودخل الاوضه وهو مستغرب ثوانى ووقف متنح ومصدوم اول ما شاف.....
نهاية البارت السادس عشر
وانتظرو البارت القادم
️🦋البارت السابع عشر ️🦋
الجزء الأول
-ريا أنتِ ايه جابكِ هنااا وفرح فيين ؟
ريا بابتسامة:
- اتفضل مراتك جوا
تميم اتنهد ودخل الاوضه وهو مستغرب ثوانى ووقف متنح ومصدوم اول ما شاف فرح واقفه قُدامه ولابسه فستان طويل وعليه تاج زى الاميرات ولابسه شوز عالى وشعرها الطويل مفرود على ضهرها
ريا بضحك: مراتك هتتفوق على العرايس النهارده
تميم بص لريا وابتسم وهى ضحكِت وطلعت علشان تسيبهم يتكلموا
تميم قرب ووقف قدام فرح وهو بيبصلها وعنيه بتلمع بأعجاب وحب كبير:
- طيب وبعدين فى حلاوتكِ ديه أنتِ عاوزه تجننينى يعنى
فرح ابتسمت بخجل ووشها آحمر وزادها جمال فوق جمالها
تميم ضحك وقرب طبع قبله على خدها:
- انا بقول يلاه بينا علشان متهورش
ابتسم ومدلها ايده وهى حطت ايدها فى ايده واخدها وطلع
ريا اول ما شافتهم نازلين ابتسمت بفرحه
تميم اخد ريا وفرح وراح القاعة بس بسبب زحمة العربيات اتاخروا وكانت مراسم الجواز اكتملت
مالك مسك عمار وهو بيبصله بقلق: عمار تميم اتأخر كده ليه كلمه اطمن عليه
عمار بابتسامة: متقلقش انا كلمته وقالى انه قرب يوصل
غسان بهدوء : اتأخر كده ليه كان المفروض يكون هناا من ساعتين
عمار : لما كلمتهُ من شويه قالى انه فى زحمة فى الطريق وعلشان كده هيتاخروا روحوا انتوا اقعدوا جنب البنات ومتقلقوش هيجى بعد شويه
مالك اتنهد واخد غسان وكل واحد قعد جنب عروسته
رهف: غسان تميم فين ؟
غسان مسك ايده وابتسم:
-متقلقش يا حبيبتى قرب يوصل بس الطريق كان زحمه علشان كده اتأخر
عمار بمشاكسة: تقى
- نعممم
عمار ابتسم ومدلها ايده: تعالى نرقص
تقى بابتسامة: وماله يلاه بينا
ضحك واخدها وطلعوا الاستيدج وبقوا يرقصوا
مالك بضحك: غسان الحق عمار هيخطف اختك
غسان ببرود: ما احنا قررنا نعمل تبديل انا اتجوز اخته وهو يتجوز اختى
مالك بضحك: مظنش خاالص
غسان بصله بثقه: استنى وشوف
مالك ضحك واخد تولين وطلعوا يرقصوا جنب عمار
غسان بص لرهف ومدلها ايده: يلاه بينا يا جميل
رهف ضحكِت وحطت ايدها فى ايدهُ وهو اخدها وطلعوا يرقصوا
ودقايق وتميم دخل وفى ايده فرح إللى العيون كلها بقت عليها من اول ما دخلت
عمار بابتسامة: الباشا بتاعنا وصل اهوو وخطف الأنظار
تميم اخد فرح وطلع يباركلهم ووقف قدام رهف وباس رأسها واخدها فى حضنه:
- الف مبروووك يا حبيبتى
رهف ابتسمت وبادلته الحضن : الله يبارك فيك يا اجمل اخ فى الدنيا
عمار بغيره: وانا خارج الحسابات ولا ايه
ضحكِت ومدتله ايدها وهو ساب تقى وراح حضنها
غسان بصلهم وضحك: ايه ياجدعان احترموا انه جوزها واقف
تميم ضحك وضربه على كتفه: واحنا اخواتها يا ظريف
غسان ضحك وحضنه
- خلى بالك منها وتحطها فى عينك أياك تفكر تزعلها
- متقلقش يا تميم رهف فى عينى
الاغانى اشتغلت وعمار اخد الشباب وفضلوا يرقصوا وبعد ساعات من الرقص والفرحه كل واحد اخد مراته ورجع بيته
_________________
رهف افتحى الباب بلاش هزار
قالها غسان وهو واقف قدام باب الاوضة بعد ما رهف دخلت وقفلت على نفسها
رهف بضحك: معلش يا حبيبى روح نام فى اوضة الأطفال
غسان بتوعد: بقااا كده
ضحكِت: اه ده آخر كلام عندى روح بقاا تصبح على خير
غسان ابتسم بخبث ودخل اوضته وو....
نهاية الجزء الأول من البارت وشويه كده وهنزل الجزء التانى ❤🎶
️🦋️ ️️️تكملة البارت السابع عشر ️️🦋
غسان دخل اوضته التأنيه وطلع البلكونه ولأنه الاوضتين البلكونات بتاعتهم جنب بعض نط ودخل الاوضة إللى فيها رهف ولحسن حظهُ انه باب البلكونه كان مفتوح
دخل بشويش لقاها واقفه وماسكه الفون وبتضحك
قرب وحاول يسمع هى بتقول اييه
- يا بنتى قفلت عليه الباب وسبته ينام فى اوضة الأطفال المهم أنتِ عملتى إيه مع مالك
تولين بضحك: قولتله انى تعبانه اووى وعملت نفسى مغمى عليا وهو سابنى وواقف فى البلكونه بره
رهف بضحك: برافوا عليكِ
غسان بغيظ: يعنى حضراتكم بتتفقوا علينا؟
رهف بصِتلهُ بصدمة ورمت الفون فى الارض وهى بتضحك:
- بص.. بص ولله الفكرة مش فكرتى ديه فكرة تووولين انا مليش دخل
غسان بتوعد: قولتيلى فكرة تولين طب تعاليلى بقااا
رهف جريت بالفستان وطلعت على السرير وهى بتضحك
غسان بغيظ : انزلى يا رهف احسلك
رهف بضحك: اهدأ بس يا باشا العصبيه غلط على صحتك
غسان اخد نفس عميق وبصلها وعلى وشه ملامح الخوف: رهف الحقى فى حاجه وراكِ على السرير
رهف التفت و ثوانى وكان غسان اخدها ووقعوا على الارض
رهف بغضب: عااا يا كذاب بتضحك عليا
غسان بسخرية: وأللى أنتِ عملتيه ايه
رهف ضربته على صدره وكانت هتقوم بس هو مسكها وبصلها بخبث: على فين يا قطه أنتِ خلاص وقعتى
رهف بتوتر: هروح اغير الفستان
غسان بسخريه : لا انا عاوزكِ تقعدى بالفستان
مسك ايدها كويس وطلع فونه ب الايد التانيه وكلم مالك
مالك كان قاعد فى البلكونه وقاعد على الكرسى وبيفكر فاق من شروده على صوت الموبيل
مالك ضحك وفتح المكالمه: ايه يا عريس اتعطلت أنتَ كمان ولا ايه
غسان بعيظ: انا عاوزك تدخل وتعلم البنت إللى عندك ديه الأدب
مالك بعدم فهم: مش فاهم قصدك ايه؟
غسان اتنهد وحكاله كل حاجه
مالك بخبث: طيب سيبهالى وقوم بالواجب مع إللى عندك
غسان قفل وبص لرهف إللى واقفه بتبصله بخوف
غسان بخبث: تعاليلى بقااا يا قطه
رهف بضحك: غسان خليك مكانك ولله اصوت والم عليك الناس
ضحك وقرب منها وووو
_______________
مالك دخل وبص لتولين بخبث:
- طييب اما وريتكِ مبقاش مالك
مالك قفل فونه خاالص وقرب وقف جنب السرير ورفع الفون على ودانه واتعمد يرفع صوته
- ايوه يا حبيبتى
-لا يا روحي مراتى فى سابع نومه دلوقتى شكلها تعبت من اليوم المهم سيبك منها وخلينى معاكِ
تولين اول ما سمعتهُ وجن جنانها، فتحت عنيها وقامت بغضب ووقفت على السرير : اه يا خاين يا غشاش انا كُنت حاسه انك بتخونى
مالك ابتسم بانتصار ورفع الفون فى وشها :
بقاااا بتعملى عليا مقلب يا تولين؟ طب وحياة امكِ منا سايبكِ النهاردة
تولين اتوترت ومسكت بطنها: ااااااه بطنى بتوجعنى اوووى يا مااالك
مالك بصلها بسخرية وحاول يكتم ضحكته: يا قلب مالك صعبتى عليااا انزلى ياختى انزلى
تولين نزلت وهى بتبصله بخوف وقبل ما تجرى وتهرب منه مسكها وو
__________________
تميم وفرح وعمار وريا رجعوا البيت وهما بيضحكوا بس كلهم وقفوا مصدومين اول ما شافوا ....
نهاية البارت السابع عشر
#رواية
#طفلة_التميم
#الجزء_الثانى
#بقلمى
#مارينا_عبود
تعليقات
إرسال تعليق