 |
اسكريبت حكم القدر البارت الاول والثاني والثالث والرابع بقلم هاجر العفيفى في موسوعة القصص والروايات جميع الفصول كامله وحصريه
: بحبها بحبها افهمى بقا
قالها سليم بانفعال وغضب
شيماء بصدمه ودموع : بتحبها !!!
سليم بتوتر من انفعاله وكلامه : شيماء انا
شيماء قاطعته بدموع وانفعال : بتحبها ياسليم بتحب ال سابتك زمان وبتقولها ليا كده عادى بكل برود مشاعر انا بكر"هك ياسليم بكر"هك
سابته ودخلت تجرى على أوضتها وقفلتها واترمت على السرير وعيطت بشده
عند سليم كان واقف مصدوم من ال حصل وبيلعن غباءه على تسرعه وكلامه : غبى غبى هى متستاهلش كل ده منك
قرب من الأوضه وخبط عليها بتوتر : افتحى نتفاهم انا اسف والله كان وقت غضب وانفعال منى شيماء ردى عليا
مفيش رد منها وهو اتاكد أن هى مش طايقه تشوف وشه خرج من الشقه بأكملها وهو بيسب نفسه
شيماء كانت نايمه وبتعيط وبتفتكر المواقف بتاعته معاها
شيماء بابتسامه : حمد لله على السلامه ياحبيبى حالا هحضر ليك الغدا
سليم بضيق : اتغديت فى الشركه كلى انتى
شيماء بزعل : بس انا مستنياك من بدرى
سليم بزهق : يوووه انتى مبتفهميش قولتلك اتغديت ايه العيشه دى
سابها ودخل الاوضه وهى وقفت حزينه من أسلوبه بس أقنعت نفسها أن هو تعبان من الشغل
رجعت من تفكيرها ومسحت دموعها بإنفعال وقالت بإصرار : كفايه بقا مش هعيش دور الضحيه ده تانى انا لازم اندمك ياسليم هندمك على كل حزنى الشهور ال فاتت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
أسر بغضب : انت غبى ازاى تعمل كده وكمان بتعترف ليها بكل برود دى ليها الحق أنها تطفش من وشك
سليم بضيق : خلاص بقا يا أسر انا مش جاى ليك عشان تقطمنى انا عارف ان غلط بس
قاطعه أسر بحده : يابنى انت عارف معنى الكلام ال قولته دى لو بتعشقك بعد ماعرفت انك بتحب غيرها مستحيل تطيق تبص فى وشك اصلا
سليم : طب والمفروض اعمل ايه دلوقتى
أسر بسخريه : روح بقا حب فى السنيوره بتاعتك ال رجعت أكلت بعقلك من تانى
سليم بغضب : انا مش ناقص تريقه انت عارف من الأول أن بحب روان من زمان ولما سابتنى كان غصب عنها
أسر بضحك : اه عارف فعلا لما هربت
سليم بغضب : اسرررر
أسر بخنقه : بلا أسر بلا بتاع بقا فوق لنفسك قبل ماتخسر كل حاجه أنا ماشى سلام
سابه ومشي وسليم حط ايده على وشه بقلة حيله
#هاجر__العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى منتصف الليل
سليم دخل وشاف البيت هادى جدا قلبه اتقبض وخاف يكون مشيت دخل بهدوء وشافها قاعده بتتفرج على التلفزيون وماسكه نسكافيه ولابسه بيچامه مريحه وتجاهلته تماما
سليم : احم السلام عليكم
شيماء بلامبلاه : وعليكم السلام
سليم بحزن : ممكن نتكلم
شيماء ببرود : حاليا لاء عشان بتفرج على البرنامج ممكن بعدين
سليم اتضايق من تجاهلها دايما بتصدق تفتح كلام معاه وتتكلم وبتضحك دلوقتي كله راح بسبب غباءه
الباب خبط بشده وهما اتخضوا
شيماء بخضه : مين هيجى فى الوقت ده
سليم : أهدى هاروح اشوف مين
فتح الباب واتصدم لما شاف روان
روان بدموع : سليم احنا لازم نتجوز دلوقتى أبويا حالف يمو"تنى
سليم اتصدم من كلامها وبيتلفت يشوف شيماء واتصدم لما شافها واقفه ببرود ومتهزتش
يتبع
ياترى شيماء ناويه على ايه وروان بتمثل ولا دى حقيقه وسليم بيحب مين فيهم توقعاتكم يابنات وتفاعل بقا
متنسوش ذكر الله ❤️
#حكم_القدر
شكرا على التفاعل يابنات❤️ البارت الثاني
روان بدموع : احنا لازم نتجوز دلوقتى ياسليم أبويا حالف يمو"تنى
سليم اتصدم لما التفت يشوف شيماء واتصدم لما شافها واقفه ببرود ومتهزتش
سليم بتوتر : روان أمشى دلوقتى انا مش عايز مشاكل
روان بدموع اكتر : يعنى هتسيبنى انا وقفت قدام ابويا عشانك وهربت ولو شافنى هيق"تلنى
شيماء قربت ببرود وسليم اتوتر اكتر
شيماء بابتسامه : لاء طبعا ميصحش اتفضلى ادخلى لحد لما موضوعك يتحل
سليم اتصدم اكتر وفتح عيونه بدهشه
روان مسحت دموعها وقالت بمسكنه : انا اسفه أن دمرت حياتك بس سليم اصلا بيحبنى من قبل مايتجوزك
سليم بعصبيه : روااان اسكتى
شيماء بوجع داخلها ردت وقالت ببرود : عارفه هو قالى بنفسه يلا ادخلى اتفضلى
دخلت أوضتها وسابتهم وروان ابتسمت بخبث
سليم بجمود : برررره
روان بصدمه : سليم !!!
سليم بغضب : قووولت بررره مبتفهميش وحسابك معايا بعدين
روان اتعصبت منه وخرجت من البيت وهى بتتوعد ليهم
سليم اتنهد بحزن وراح عند أوضة شيماء وخبط بهدوء ودخل شافها قاعده على السرير وبتبص للفراغ قعد جمبها وقال بحزن : أسف
ابتسمت بسخريه وقالت : اسف على ايه ؟؟؟
سليم مسك ايدها وقال : على كل حاجه شيماء انتى اكتر واحده عارفه أن متلغبط قد ايه انا فجأه لقيت ابويا بيجبرنى اتجوز وموافقش على روان وفجأه لقيتنى مع واحده تانيه بس صدقينى غصب عنى انا تايهه اووى ومش عايزك تسبينى عشان خاطرى خليكى معايا
شيماء بجمود : انت مش عيل صغير عشان حد يجبرك على الجواز
سليم : انتى عارفه أن والدى تعبان ونفسه يشوف حفيد ليه ومقدرتش اكسر كلامه
شيماء بحزن : مبقاش منه فايده الكلام ياسليم خلاص هى فتره قليله ونطلق وانا هقول السبب عندى انا وتقدر وقتها تتجوز روان انا مقبلش اعيش مع واحد قلبه مع غيرى
سليم بلهفه : بس انا عايزك انتي والله
شيماء قامت وقفت وقالت : راجع نفسك ياسليم عشان متخسرش كل حاجه
سابته وخرجت من الأوضه وهو فضل يفكر فى كلامها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
روان بغل وغضب : بقولك كنت خلاص هتمكن من الشقه وادخل وكنت هطفشها بس هو طردنى
زينه : هو انتى فاكره سليم هيصدقك بسهوله ماهو عارف ان أبوكى مبيرفضش ليكى طلب ازاى بقا فجأه هيق"تلك ومعنى أن عمل كده أن هو بيحب مراته
روان بصوت عالى :بس اسكتى هو بيحبنى انا بس مبيحبش مرااااته هو مجبور عليها وفتره وهيطلقها
زينه بسخريه : اهو فى الفتره دى هيعشقها مش بس هيحبها
روان بغضب وحقد : وانا مش هدييها الفرصه دى انا هخرب عليهم
زينه : مش مطمنه ناويه على ايه
روان ضحكت بشر وقالت : هقولك
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
أسر : عايز نصيحتى خد مراتك وسافروا وأبعدها عن المشاكل وانسى روان خالص
سليم بحزن : هى مش راضيه تدينى فرصه والله اكلمها انا ندمت أن قولت ليها الكلام ده بس صدقنى انا حبيتها بجد انا محدش اهتم بيا فى حياتى قدها دلوقتى فقدت اهتمامها ده وحزين اووى على كسرة قلبها
أسر بتنهيده : الستات طبعهم أن اقل كلمه واصغر هديه تطيب خاطرهم بس لو زعلوا جامد بقا محدش يقدر عليهم ولو انت دخلت صح وفعلا ناوى تصلح الوضع بينكم عوضها يا سليم عن أى حزن وصدقنى هى هتنسى اى كلمه انت قولتها وهتحبك أكتر
سليم بابتسامه : هحاول والله مش هخسرها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى المساء
دخل سليم الشقه واتوجه لأوضتهم وملقهاش بس سمع صوت الدش عرف انها فى الحمام ابتسم وراح عند الدولاب بتاعها وفتحه عشان يحط هديه ليها بس فى حاجه وقعت من الدولاب نزل خدها وفتحها واتصدم وهى خرجت فى الوقت ده وهى بتنشف شعرها واتصدمت لما لاقته ماسك الورق وواقف مصدوم
سليم بصدمه وغضب : حامل بقالك شهرر ومتقوليليش
يتبع
اسف يابنات أن منزلتش امبارح بس والله كنت تعبانه جدا ولحد دلوقتى دعواتكم كتير بقا ورأيكم على البارت❤️
متنسوش ذكر الله ❤️
شكرا على التفاعل يابنات❤️ البارت الثالث
سليم بصدمه وغضب : حامل من شهر ومتقوليليش
شيماء بتوتر : ا انت فتحت الدولاب بتاعى ليه
سليم قرب مسك ايدها بعصبيه وقال : انطقققى ازاى متقوليش حاجه زى كده مستنيه تقوليلي يوم ماتولدى يعنى
شيماء بصتله بخذلان وحزن : عشان عارفه انك مبتحبنيش قولت اعمل المستحيل واخليك تحبنى ووقتها كنت هقولك والله بس كان نفسى لما تعرف تكون بتحبنى بجد وأشوف لمعة عيونك وانت فرحان بيا وبالحمل هو ده كان تفكيرى لكن مكنتش هخبى عليك الحمل
أنهت كلامها ودموعها نزلت بحزن على حالها وعلى اتهامه ليها
سليم ساب أيدها وقال بحزن : شيماء أنا
شيماء قاطعته بتنهيده : مش محتاج تبرر حاجه ياسليم كل حاجه بقت على المكشوف انا مستعده أتنازل المره دى بس صدقنى مش هحرمك من الطفل ال جاى
سليم بصدمه وعدم استيعاب : ق قصدك ايه
شيماء بدموع نازله زى المطر قالت بصوت متقطع : ط طلقنى ياسليم
سليم بصدمه مسك أيدها وقال برفض : لاء لاء مش هيحصل كله الا الطلاق أزعلى منى عاقبينى باى حاجه لكن بعدك عنى لاء عشان خاطرى لاء
شيماء بتنهيده ودموع : صدقنى ده الحل الوحيد ليا وليك انا هقعد فى بيت أهلى وهوهب حياتى للطفل ال جاى بس وانت تتجوز ال قلبك اختارها
سليم بحزن : قلبى اختارك انتى والله
شيماء : للأسف انت دلوقتى مشتت ياسليم مينفعش تفكر فى الوقت ده عشان متندمش افصل شويه وشوف انت عايز ايه وفى الوقت ده هكون فى بيت أهلى عشان تعرف تفكر من غير ضغط عليك
سليم بحزن : بس
قاطعته شيماء : ده الحل الوحيد اول مالنهار يطلع همشى وانت فكر كويس
سابته وكانت هتخرج من الأوضه بس هو مسك أيدها وقال : راحه فين دلوقتى
شيماء بصت على ايده ال مسكتها وقالت : هنام فى أوضة الاطفال لحد الصبح
سليم برجاء : عشان خاطرى ناامى جمبى النهارده محتاجك والله
شيماء بقلة حيله : ماشى
نامت وهو نام جنبها وشدها فى حضنه وهو حزين على أنها هتفارقه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
تانى يوم
روان بخبث : اكيد انت عايز تعرف انا كلمتك ليه
أسر بنفاذ صبر : ياريت بسرعه بس عشان مش فاضى
روان بهدوء ومكر : انا عارفه انك كنت بتحب شيماء
أسر بصدمه وتوتر : ا ايه ال انتى بتقوليه ده انتى اتجننتى
روان بخبث : لاء متجننتش دى الحقيقة وانت بقا عملت فيها دور الشهم ال هيضحى عشان صاحبه بقا وكده وانت اتفاجات أن سليم اتجوزها يوم الفرح اصلا
أسر وقف وقال بحده : كلامك كله غلط فى غلط
روان قالت : تؤ تؤ خلينا نتفاهم مش كده انا عندى خطه تقدر تخلى شيماء دى تكون ليك من بكره وسليم يكون ليا معايا ولا لاء
أسر بتفكير اتنهد وقال : خطة ايه
روان بضحك : كده تعجبنى اقعد نتفاهم
أسر قعد وروان ابتدت تحكيله خطتها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
شيماء بدموع : بحبه اووى يامريم بحبه
مريم بحزن : طيب طالما بتحبيه سبتيه ليه
شيماء بحزن : عشان كان نفسى يحبنى بقدر حبى ليه بس هو قلبه مع غيرى
مريم : مش هو اعترف ليكى أن هو عايزك
شيماء بتنهيده : متردد لسه هو مش عارف هو عايز ايه دلوقتى
مريم : خلاص سيبي بعدك عنه يحكم هل فعلا هيشتاق ليكي ويختارك ولا لاء ووقتها انتى هتعرفى مشاعره من ناحيتك
شيماء بقلة حيله : حاضر ربنا يهديك ياسليم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى الشركه عند سليم
كان قاعد بيفكر فى شيماء وحزين جدا على بعدها وكان بيفكر هل فعلا بيحبها ولا هو لسه متلغبط بس وصل لحل وهو أن بتوحشه جدا وهى بعيد وبيشتاق ليها عكس روان قليل جدا لو فكر فيها وأتأكد أن هو بيحب شيماء بالفعل
قاطعه صوت خبط على الباب وكان أسر دخل وهو متوتر عكس عادته وقعد على الكرسى قدامه
سليم باستغراب : مالك يا أسر شكلك متغير
أسر بتوتر : الصراحه كده ياسليم فى حاجه كنت عايز اقولها ليك
سليم بعدم فهم: ايه هى
أسر : ............
سليم بغضب : ايييييه !!!!!
يتبع
ياترى أسر قال ايه لسليم وهينفذ خططته هو وروان ولا ايه ؟؟؟ توقعاتكم بقا ورأيكم فى رد فعل شيماء ايه مع سليم ؟؟
#حكم_القدر
بقلمى #هاجر_العفيفى
دمتم في حفظ الرحمن 💚
شكرا على التفاعل يابنات❤️ البارت الرابع
شيماء فتحت ليه وهى لابسه الاسدال وكان باين عليها النوم
سليم بابتسامه : بقا يجيلك نوم وانتى بعيد عنى وخاطفه النوم من عينى كده
شيماء فتحت عيونها بصدمه وقالت : سليم
دخلت تجرى على الأوضه وهو دخل باستغراب من رد فعلها وضح وقال : دى مجنونه
خرجت بتوتر بعدها وقالت : بابا وماما مش موجودين على فكر
سليم بضحك : بس انا جوزك مش خطيبك يعنى عادى على فكره
شيماء بغباء : اه صح
سليم شدها وقعدها وقعد جمبها وقال بحب : وحشتينى
شيماء بصدمه وضعت أيدها على جبينه وقالت : سليم انت سخن
سليم بضحك : لاء ياعديمة الرومانسيه
شيماء بضيق : اومال ايه بقا وحشتينى والكلام ده
سليم بابتسامه : عشان وحشتينى فعلا
شيماء : انا لسه سيباك امبارح
سليم : ماهى الليله دى عرفتنى أن مقدرش اعيش من غيرك والله
شيماء : ماهو ياسخن يابتشرب حاجه سليم انت بتشرب بجد ؟؟؟
سليم وهو على وشك البكاء : يابنتى بقا ابوس ايدك بطلى فصلان واحد وبيحب فى مراته لازم يكون بيشرب يعنى
شيماء بحزن : بيحب فيها ده لو بتحبنى اصلا إنما أنت مش بتحبنى ياسليم
سليم بملل : رجعنا تانى لشغل العبط
شيماء بصدمه : انا عبيطه ياسليم !!!
سليم بضحك : اه ياروح سليم
شيماء فجأه فقدت الوعى
سليم بصدمه : بت انتى موتى ولا ايه شيماء
قرب منها وعرف انها فقدت الوعى بس النبض منتظم ابتسم وقال : طب كويس وفرتى عليا كتير
شالها بحب ونزل بيها وحطها فى العربيه وهو بيضحك على فعلته وكان بيبصلها طول الطريق بحب وبعد كده افتكر كلام أسر ليه فى المكتب
أسر بتوتر : روان ناويه توقع بينك انت وشيماء وكمان تشكك فى اخلاقها عشان انت تطلقها
سليم بغضب : اييييييه !!!
أسر : هو ده ال حصل وكلمتنى عشان اتفق معاها على خطتها وانا طبعا مقدرش اخو"ن صاحب عمرى وده تسجيل ليها وهى بتتفق معايا دلوقتى الحكم فى ايدك انت احكم صح ياسليم بعقلك بلاش قلبك يتحكم فيك سلام
قام خرج من المكتب وسليم كان على صدمته وفتح التسجيل وسمع كلام روان وال كانت ناويه تبعت واحد لشيماء عشان تلعب لعبتها سليم قبض بغضب على ايده وقرر يروح البيت عند شيماء ويرجعها بيته عشان تكون تحت عينه بعيد عن أذى روان
رجع من تفكيره وهو بيتوعد لروان بكل شر
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
روان بخبث : ألو يا أسر عملت ال قولتلك عليه وروحت لسليم
أسر : ايوه
روان : وقالك ايه
أسر : طبعا اتعصب وكده بس هى اصلا مش فى بيتها شيماء عند أهلها
روان بخبث : يعنى خطتنا ماشيه صح روحت طبعا قولتله أن اخلاقها مش كويسه وانك شوفتها بتقابل شاب فى كافيه
أسر بتوتر : طبعا قولت كده
روان : تمام جه دورى بقا أن أنفذ
أسر بخوف : هتعملى ايه
روان بمكر : ملكش دعوه بقا انت خلصت ال قولتلك عليه دلوقتى دورى سلام
قفلت فى وشه وهو كان خايف على صديقه جدا ان حياته تدمر
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على سيدنا محمد
شيماء فتحت عيونها وبربشت برموشها وبعدين قامت بخضه وقالت : انا فين انت خطفتنى
سليم بضحك على منظرها : خطفتك!!! انتى فى بيتك ياشوشو والله
شيماء اتعدلت وقالت بتوتر وحده : ا انت ازاى تعمل كده وتاخدنى البيت وانت عارف ان مش عايزه ارجع هنا تانى
سليم بندم وحزن : سامحيني والله انتى متعرفيش الليله ال فاتت عدت عليا ازاى من غيرك
شيماء بتنهيده : اتعودت على وجودى بس و
قاطعها سليم وهو بيقول : حبيتك مش اسمه تعود اسمه حب
شيماء بدموع : سليم عشان خاطرى كفايه
سليم ضمها وقال بحنان وحب : عشان خاطرى انتى كفايه بعد بقا
الباب خبط وهو قام يشوف مين وفتح الباب وشاف روان واقفه
سليم بغضب : انتى تانى
روان دخلت بثقه وقالت : تؤ تؤ مينفعش تتعامل معايا كده ده انا معايا اخبار تخليك تفوق من الغفلة ال انت فيها
شيماء كانت واقفه تبصلها بعدم فهم
سليم قال بعصبيه : لو مخرجتيش من هنا دلوقتى متزعليش من ال هيحصلك
روان طلعت تسجيل وفتحته قدامهم وكان صوت أسر
(بقولك بحب شيماء جدا والله ومستعد اعمل اى حاجه عشانها بس هى توافق على عرضى)
شيماء اتصدمت من الكلام
روان قالت بانتصار : ها بقا لسه واثق فى ست الحسن وصاحبك
سليم كان واقف بجمود وبدون رد فعل
شيماء بدموع : سليم ده ك كذب
سليم بعصبيه : اخرررررسى
شيماء بصدمه :............
يتبع
ياترى ايه التسجيل ده وفعلا سليم صدق أن فى حاجه بين أسر وشيماء ؟؟؟ توقعاتكم بقا علشان انزل الاخير
متنسوش ذكر الله ❤️
#حكم_القدر
بقلمى #هاجر_العفيفى
دمتم في حفظ الرحمن 💚
البارت الخامس الأخير من هنااااااا
تعليقات
إرسال تعليق