 |
البارت الثالث
ليالي الزين
قام مهاب من مكتبه مخنوق وطلع اوضته
ناديه
مالك يا مهاب فى ايه زعلان كده ليه
مهاب
الحاج عاوز يجوز ليالى لزين ومصمم على كده وابنك مش موافق وخايف يشد مع جده والموضوع بكره
ناديه بفرحه
بجد يا مهاب ياريت ليالى دى بنوته عسل وقمر وهاديه وانا بحبها اوى واحسن من الزفته ال عاوز يتجوزها المعصعصه
مهاب بدهشه
انتى موافقه بجد افتكرتك هترفضر عشان فرق السن 12 سنه
ناديه
وارفض ليه وسن ايه ال كبير يا مهاب انت ناسى ان انا وانت الفرق بينا 10 سنين وعادى جدا وبحس انك اوسم واجمل من شياب كتير وبعدين زين شب ميترفضش
مهاب بابتسامه
بجد يا ناديه لسه شيفانى حلو بعد السنين دى كلها
راحت ناديه قاعده جمبه ومسكت اديه وبصتله
طول عمرك هتفضل اجمل واحلى زوج فى الدنيا يا مهابى
مهاب يااااااه مقلتيش الدلع ده من زمان ربنا يخليكى ليا
ناديه
ويخليك ليا يا حبيبى وتفرح ب زين ومى
وبجد انا نفسى الجواز هدى تتم مش هلاقى اجمل ولا احسن من لى لى لابنى ومع عمى فى كل ال هيعمله من زين ولازم يتجوزها غصب عنه
مهاب باستغراب
غريبه ليه مصممه اوى كده عشان الفلوس متخرجش بره يا ناديه
ناديه بزعل
فلوس ايه يا مهاب هو انت ناقص فلوس ولا محتاجين ده الفلوس ال عندنا تكفينا احنا و ولاد ولاد ولدنا هبص انا ل فلوس اليتيم دى
مهاب
مقصدش بس مستغرب اصرارك واول مره تتفقى مع والدى فى حاجه بالطريق دى
ناديه
يا مهاب ابن من ساعت ما رجع من بارا بعد ما خلص تعليمه ومسك الشركات وقلبه بقا جامد حجر كل تفكيره الشغل والفلوس وانو يحتقر السوق وبس ونسى قلبه ونفسه
مهاب
طب لازم تفرحى ان ابنك عاوز يكبر اسمه
ناديه
لا يا مهاب ال يفرحنى اكتر ان زين يلاقى البنت ال تنور حياته ال بقت ظلمه وقاسيه وتخليه يشوف ان الحيايه فيها حاجات حلوه كتير يحب ويجيب ولاد وياسس اسره سعيده يعوض شبابه ال بيضيعه فى الشغل وبس
عارف يا مهاب انا مكنتش موفقه خالص على خطوبته من البت المعصعصه ال اسمها نسرين دى خالص بس قولت يمكن دى ال تغيره وتعدل حاله بس لقيت العكس زين بقا اسؤ لما خاطبها واكتشفت انها انسانه عمليه جدا زيه ويمكن اكتر وبتحب الفلوس ومعندهاش مشاعر عشان كده ابنك متمسك بيها لانه حس انها شبهه ومعندهاش وقت للعواطف وبتالى مش هتعطله عن شغله
مهاب
طب وانتى ايه عرفك ان ممكن ليالى تغيره
ناديه بمكر وثقه
وهو فى حد ما يشفش ليالى غير لما يعشقها مش يحبها بس انت شوفت جمالها ازاى دى تهوس اى راجل
وكمان قلبها طيب جدا ورقيقه
يعنى فيها كل حاجه تجذب وانا متاكده انها هيا دى ال هتغير ابنك وتعدل حياته وتستاهل تبقى ام ولاده
مهاب
اه منك بس للاسف ابنك مش طايق يسمع سيرتها اصلا مش يشوفها
ناديه باصرار
الجوازه تتم بس وانا وانت علينا الباقى وصدقنى هيجى اليوم ال ابنك هيكون مجنون بيها وبحبها
مهاب
يارب يا ناديه يلا بينا ننام لانى هسافر انا وزين بكره المنصوره
فى صباح يوم جديد
ناديه ومهاب ومى بيفطروا
ونزل زين بكل هيبه وجاذبيه طاغيه
زين صباح الخير
الكل صباح النور
مهاب جاهز عشان نسافر ل جدك
زين وهو بيبص فى ساعته ماشى يا بابا بس انا هرجع النهارده ورايا شغل كتير
مهاب بضيق يعنى ايه ترجع النهارده حتى اقعد مع جدك يوم ولا انت مبقاش عندك احساس ولا مشاعر
زين بثقه
مشاعر ايه يا بابا فى الزمن ده الزمن ده بتاع الفلوس والبزنس وبس
مهاب بص ل ناديه وتاكد ان كلمها صح وابنه لازم يتغير
خلصوا فطار وسافر مهاب وزين المنصوره
اما فى المنصوره بيفطر الجد ايمن وحفيدته ليالى
الجد
لى لى انا عوزك فى موضوع مهم
لى لى
خيرى يا جدوا فى ايه
الجد
انا هجوزك ل زين ابن عمك
ليالى بخضه وشرقت
انت بتقول ايه يا جدو ازاى
الجد بصرامه
ازاى يعنى ايه بقلك هتتجوزيه
لى لى بدموع لا يا جدو مش موفقه اولا انا مشفتوش من سنين اخر مره شوفته لما رجع من برا ومسك الشغل وشوفته وهو فى المكتب معاك وبيتناقش معاك بشديه
وكمان مى بتقول انو صعب جدا ومعندوش مشاعر ومش بيحس بحد ده اخته بتخاف منه وبتتجنبه عوزنى انا اتجوزه
الجد بتاثر من كلام حفديته بس مظهرش ده وعارف ان معاها حق فى ال بتقوله
ليالى بصى يا بنتى انا هقلك حاجه كنت مخبيها عليكى بس هقولك عشان تعرفى انى مصمم على الجوازه ليه
انا تعبان يا لى لى وعندى سرطان
ليالى بخضه بتقول ايه يا جدو
الجد
ليالى اهدى واسمعينى انا ايامى معدوده وعمك مصمم اسافر بره اتعالج وانا مقدرش اسيبك ل وحدك هنا ونفسى اطمن عليكى قبل ما اموت وافرح بيكى وصدقينى لو عارف ان الزين مش هيشيلك فى عنيه ويعمل كويس مكنتش هجوزهولك
لى لى بدموع انا خايفه يا جدوا
الجد
متخافيش يا حبيبتى وصدقينى انا بعمل ل مصلحطك انتى فيكى الطمع الكل طمعان فيكى وفى فلوسكو لازم ال ياخدك يصونه والزين هيفكر الف مره قبل ما يعملك حاجه لانه هيقدر انك بنت عمه ومن لحمه ودمه انتى بنت الفيومى
لى لى بخوف
طب لة خايف عليا سيف حلاص كلها شهرين ويرجع وهيبقى جمبى وعمى مهاب كمان
الجد سيف اخوكى وبيحبك بس هيبقى ليه حياته وشغله وهياسس اسره وانتى هتفضلى ل وحدك برضوا انا بخترلك الحمايه واسره تفضلى جواها
مش انتى بتحبى عمك ومراته ومى
لى لى بحبهم جدا
الجد
خلاص يبقى اسمعى كلامى
لى لى
لا يا جدوا انا خايفه
الجد بيحاول يقنعها
طب بصى نخليها خطوبه بس هنكتب الكتاب عشان تقدرى تعيشوا معاهم فى الفيلا فى القاهره على مسافر وارجع ولو ارتحتى نتمم الزواج ولو مش مرتاحه نخلص الموضوع ماشى
لى لى
طب سبنى افكر يا جدوا
الجد بمكر وبيمثل التعب كده يا لى لى اول مره متسمعيش كلامى وكمان عارفه انى تعبان وممكن اموت
قامت لى لى تجرى على جدها وحضنته بعد الشر عنك يا حبيبى خلاص هعمل ال انت عوزه المهم متزعلش
الجد بابتسامه مكر تسلميلى يا حبيبتى
لى لى طب مش هقول ل سيف ده يزعل منى
الجد سيبى سيف عليا انا وهكلمه كمان شويه يلا انتى عشان متتاخريش على الجامعه
لى لى حاضر وخلى بالك من نفسك انت ال فضلى يا جدوا بعد موت بابا
الجد متقلقيش يا حبيبتى وخلى بالك من نفسك وخلى الحرس معاكى ميمشوش فاهمه
لى لى حاضر سلام
الجد سلام يا قلب جدك
بعد ما خرجت ليالى راحت الجامعه اتصل الجد ب سيف اخوها
الجد
الو ازيك يا سيف
سيف ازيك يا جدى انا بخير المهم انت وصحتك
الجد تمام
المهم كنت عوزك فى موضوع
سيف خير يا جدى
الجد
زين حفيدى طلب ايد لى لى وهيا موافقه بس مكسوفه تتكلم معاك
وانا عاوز اعمل خطوبه واكتب كتابهم قبل ما اجيلك اعمل العمليه
سيف هى لى لى عرفت بالعمليه
الجد اه لسه قيلها
سيف طب ما كنتش قولتلها انى عارف من زمان عشان متزعلش منى
الجد لا متقلقش مقلتلهاش المهم موافق ولا لا
سيف باحترام زائد ال انت تشوفه يا جدى صح اعمله
الجد بفخر بسيف
تسلم يا حبيبتى طول عمرك بتريحنى وصدقنى يا سيف انت عندى اغلى من حفيدى زين انت ابن قلبى وروحى
سيف ربنا يخليك لينا يا جدىطب حضرتك ما تخليها خطوبه بس بلاش كتب كتاب
الجد بمكر
لا يا حبيبى انا هسبها تقعد معاهم هناك فى الفيلا وهيا مخطوبه ليه مش اصول واحنا فلاحين مهما رحنا ولا جينا ونعرف الاصول
سيف
عندك حق يا جدى خلاص ال شايفه صح اعمله وانا هستناك بعد بكرا فى المطار وحجزتك المستشفى وكل حاجه
الجد تسلم يا بنى سلام يا غالى
سيف سلام
وبعد شويه وصل زين ومهاب المنصوره
مهاب ازيك يا حاج
ايمن الجد
ازيك يا مهاب وبيبص ناحيت زين الساكت
مش هتقول ل جدك ازيك وتسلم عليه
زين بثقه وقرب من جده وسلم عليه ازيك يا جدى
الجد احسن لما شفتك
مهاب سبنى مع الزين شويا لوحدنا
مهاب حاضر يا بابا
وللحديث بقيه
يتبع
ليالي الزين
البارت الرابع
دخل زين وجده المكتب وقعد قصاده بكل ثقه
الجد
بابتسامه بشوشه تعرف انك نسخه من جدك فى كل حاجه فى الثقه والطموح والجبروت كل حاجه بس انت قلبك قاسى زياده عن الزوم حتى على اقرب الناس ليك
زين
بثقه لا متناهيه وغرور
يشرفنى انى شبهك يا جدى بس انا عملى زياده بس المشاعر اخر حاجه افكر فيها
الجد
ودى حاجه مش كويسه يا زين كده قلبك هيموت
زين
بابتسامه هادئه مايموت يا جدى المهم عقلى يفضل شغال هو ده ال هيكبر امبراطوريه الفيومى
الجد بحزن
لا يبنى ال يكبر العيله هما ولادك ال هيخلوا استمرار العيله واسمها
زين ببرود اكتسبه من بلاد الخارج
اى واحده ممكن تجيب الولاد يا جدى
الجد بعصبيه
اى واحده ازى هى اى واحده تنفع تبقى ام ولادك تشيل اسمك وتحافظ عليه وتعرف تربى ولادك صح وتخليهم اسوياء تعلمهم الصح والغلط وانهم يعرفوا دينهم كويس
تعلمهم معنى العيله احترام ابوهم وامهم وميعملوش الغلط
زين بنفس البرود
فى ناس مخصصه تعلم الاطفال ده وتربيهم مش مهم الام وبعدين فين الامهات ال بتعلم اولدها دلوقتى كلهم مش بيهتموا غير بشكلهم وعمليات التجميل والشوبنج واخر حاجه بيفكروا فيها اولادهم وبيجبلهم مربيات من برا وخلصت يا جدى
الجد
ده كلام فارغ شكل قعدتك بره كتير بوظت مخك مش كل الستات زى ال انت خاطبها والا ال اتعملت معاهم برا فى بنات كتير عارفه يعنى ايه بيت واسره وتعرف تحافظ عليهم
زين بستهتار
اه وطبعا تبقى بنت عمى احمد صح
الجد بعصبيه من طريقه كلامه
اه يا زين ليالى ست بيت من الدرجه الاوله وهتحافظ عليك
زين ومين قلك انى عاوز ست بيت عاشت عمرها كله فى الفلاحين متعرفش تتعامل مع الناس حتى
الجد بعصبيه
زين اتكلم عن بنت عمك باحترام
وبعدين انت شفتها اصلا
زين مقاطعا جده
ومش عاوز اشوفها اصلا وانسى يا جدى موضوع جوازى منها لانى منفعهاش ولا هيا تنفعنى
الجد وقد فقد اعصابه
ومين ال تنفعك البت ال متسواش ال خاطبها
زين على نفس بروده
ايوه عقلنا زى بعض وتفكيرنا واحد ومفيش مجال للمشاعر فى حياتنا
الجد وقد فقد صبره
طب بص بدل الكلام مش هيجيب معاك نتيجه انت هتكتب على بنت عمك النهارده وهتسافر معاك لانى مسافر اعمل عمليه برا بكرا وانا عارف انت مش هتشغل بالك بعملتى
زين
سلمتك يا جدى طب انا مش موافق على الجوازه دى
الجد بامر
لا هتوافق حتى لو غصب عنك او تنسى المجموعه بالكامل وطموحك
زين
انت بتهددنى يا جدى
الجد
اعتبرها زى ما تعتبرها يا تجوز ليالى يا تنسى المجموعه بالكامل وهسحب التوكيل ال عملهولك بالاداره وخليك فى شركتك انت بس وشوف هتكبر ازاى من غير مجموعه الفيومى واه هكتب المجموعه باسم ليالى ومى وهنسى ان ليا حفيد اسمه الزين
الزين اول مره يتخلى عن بروده وبيضغط على اسنانه وجواه غضب يدمر ويتوعد بداخله ل ابنه عمه وجده الذى سيجعله يوما يطلب منه ان يترك حفديته وياخذ كل شئ قرر فى داخل نفسه ان يجعل الرياح تمر بسلام وبعديها سينتقم براحته
رفع وجهه لجده
تمام يا جدى هخطبها ونكتب الكتاب
الجد بفرح وخوف فى نفس الوقت لانه يعلم ان الزين حفيده لان يجعل الامور تمر بسلام ولكنه متاكد ان ليالى ستغيره وسيقع هو فى عشق ابنه عمه
خلاص تمام والفرح لما ارجع من برا واعمل حسابك لو زعلتها انا ال هقف فى وشك يا بن مهاب فاهم
زين وبحاول يدارى غضبه
ماشى ويلا نخلص من الموضوع ده
الجد طيب العصر المؤذون هيجى ونكتب الكتاب
بعد شويه رجع مهاب ودخل ل والده المكتب
مهاب
كله تمام يا بابا ولا ايه
طبعا ابوك يعرف يسيطر على ابنك يا مهاب وصدقنى ال بنعمله فى صالح الكل
ابنك مش هيغيره غير العشق وهو هيحب ليالى
وليالى محتاجه الامان والحمايه والحضن الدافى وهتلقيه فى الزين بس لما تغيره
مهاب عندك حق يا بابا
وصلت ليالى من الكليه وطلعت اوضتها
شويه وخبط جدها الباب
ليالى
ادخل
الجد
حبيبت جدواخبارها ايه
ليالى بابتسامه هاديه
تمام يا جدوا
الجد
طيب يا قلب جدك احنا هنكتب الكتاب دلوقتى وهتسافرى مع الزين وعمك لانى مسافر بكره ل سيف عشان العمليه
ليالى بتوتر ماشى يا جدو ال حضرتك تؤمر بيه
الجد بفرحه
تسلميلى يا قلب جدك وصدقينى جدك بيعملك المصلحه
هنزل وهبعتلك عشان تمضى على القسيمه
نزل الجد وسرحت ليالى فى اخر مره شافت فيها الزين
كانت بنوته صغيره وكان هو شاب فى العشرينات بعد ما رجع من برا ومسك المجموعه
شافته من بعيد مع جدها فى المكتب وبيكلم جدها بكل ثقه وغرور حست قد ايه هو قوى وشخصيه جامده وخافت منه ورفضت تدخل ليهم المكتب
وكانت كل فين وفين لما تشفلوا صوره على الانترنت او الجرايد ويتحدثون تحتها عن انجازات الشاب وكيف طور مجموعه الفيومى وانه يساهم فى بناء الاقتصاد
ولا تنكر انها كانت مبهوره بشكله وواسامته ورجولته الطاغيه ولكنها كانت تخاف منه ايضافاقت على رنين هاتفها
ليالى
الو مى وحشتينى
مى بفرحه مبروك يا مرات اخويا
ليالى بكسوف
انتى عرفتى منين انا كنت لسه هكلمك
مى
بابا كان بيكلم ماما دلوقتى وانا جمبها وقلها انا فرحانه اوى انك هتجى تعيشى معانا هنا ونروح الكليه سوا
ليالى
وانا فرحانه انى هقعد معاكى انتى وطنط ناديه بس خايفه من اخوكى
مى
لا اجمدى كده لازم زين يحس انك جامده ومش خايفه منه ويكون شخصيتك جامده ده اخويا وانا اعرفه
ليالى
انتى بتخوفينى انا والله وافقت عشان خاطر جدى
مى
ماتخافيش انا جمبك وبابا و ماما كمان
ليالى
ربنا يستر بس جدى قال دى خطوبه ولو مرتحتش لما يرجع من برا هيفشكلها
مى
بصى يا بت زى ما اتجوزتى اخويا جوزينى اخوى المز ده
يخربيت جماله
ليالى
ههههههه مجنونه حاضر لما يرجع هخطبهولك
مى
حبيبتى حبيبتى حبيبتى رجوله وجدعنه والله يا بنت عمى
ليالى
طب اقفلى جدى بينادى عليا
كان زين حاطط ايده فى ايد جده وكتب الكتاب
ومضى زين على القسيمه ومستنين ليالى تنزل تمضى
جه تلفون ل زين
زين
الو يوه يا نادر
نادر 00000
زين
بتقول ايه انا جاى حالا
مهاب فى ايه يا زين
زين
المخزن اتحرق ال فيه قطع غيار السيارات ال جبتها من المانيا
مهاب ايه ازاى ده حصل
الزين وهو بيخرج من باب المكتب بسرعه بعدين يا بابا
انا هسبقك على القاهره تبقى حصلنى
طلع يجرى بسرعه
فى الوقت ده كانت ليالى نازله من على السلم وشافته من ظهره
دخلت المكتب ل جدها وحست بتوتر
ليالى
فى ايه يا جدو انت تعبان
الجد
لا يا حبيبتى انا كويس
ليالى
امال فى ايه
مهاب
متقلقيش يا حبيبتى فى مشكله كبيره حصلت بس فى الشغل وبس
ليالى
عشان كده زين خارج بيجرى
مهاب بابتسامه اه
يلا امضى يا حبيبتى عشان نسافر انا وانتى دلوقتى
ليالى بابتسامه مهزوزه
حاضر يا عمو
وبصت ل جدها ومسكت القلم
الجد
بصلها وابتسم بمعنى التاكد امضى ومتخافيش
ومضت ليالى على القسيمه لتصبح زوجت الزين
وبعديها بشويه طلبت من عملها يفضلو اليوم ده فى المنصوره وتسافر بكره مع جدها حتى تودعه فى المطار
مهاب وافق
وتانى يوم ودعت ليالى جدها بدموع وبعديها راحت مع عمها على الفيلا
يتبع تكملة الروايه من هنااااااا
تعليقات
إرسال تعليق