 |
روايه جديده
ليالي_الزين
البارت الاول
زين بصوت عالى جدا انت بتقول ايه يا بابا اتجوز مين
مهاب وطى صوتك وانت بتكلمنى وال سمعته هتتجوز بنت عمك احمد الله يرحمه دى اوامر جدك
زين بحده وعصبيه الكلام ده مش عليا انا مش هتجوز غير ال انا عوزها مش حتت بت فلاحه معرفش شكلها حتى عوزين تجوزهالى وتشيل اسم زين الفيومى وبعدين دى عيله هو جدى اتجنن
مهاب بعصبيه زين احترم نفسك وانت بتتكلم عن جدك انت اتجننت وازى تتكلم بالاسلوب ده عن بنت عمك
زين عوزنى اتكلم ازاى يعنى وانت عارف ان فرحى بعد شهر على بنت عزت السيوفى وفى بنا مصالح عاوز تهد ال ببنيه عشان بنت اخوك العيله
مهاب بزعيق شكلك اتجننت فعلا واعمل حسابك جدك عوزك وهنسافر بكره ولو ما سفرتش معايا البلد جدك بيبلغك ان كل حاجه تحت ايدك هتنسحب مفهوم وانا مش هزعل والدى عشان خاطر جنابك وخصوصا انو تعبان من بعد موت احمد اخويا
زين بعصبيه وخبط على المكتب تمام يا بابا هسافر ل جدى وانا ال هقنعه انو ينسى الموضوع ده تماما
وساب المكتب ل والده وخرج
مهاب قعد على كرسى المكتب باراهق وفك رابطه عنقه وحط راسه بين ايده وافتكر
فلاش بالك
تلفون مهاب بيرن الساعه 2 باليل
ناديه يا ساتر يا رب من بيتصل دلوقتى
مهاب بيمسك تلفونه بيشوف رقم والده بيقوم بفزع ويرد
الو ايوه يا حاج خير فى ايه حصلك حاجه
ايمن بدموع احمد مات يا مهاب اخوك مات وسابنى
مهاب قام مفزوع من على السرير وبصدمه انت بتقول ايه يا بابا احمد مات ازاى
ناديه بخضه لاحول ولا قوه الا بالله
مهاب والدموع فى عنيه على فراق اخيه الاكبر ال كان بمثابت الاب الروحى له وسنده اقفل يا بابا وانا جايلك حالا
ناديه استنى هلبس واجى معاك البلد لازم اكون معاك يا مهاب
مهاب قعد على السرير والدموع مغرقه وشه وبصوت مكسور احمد مات يا ناديه اخوايا راح منى خلاص
قربت ناديه منه وحضنته ربنا يرحمه ويغفرله لازم تجمد عشان والدك وبنته
مهاب بنته انا قصرت مع بنته اوى تصدقى مشفتتهاش من 5 سنين اخر مره شفتها كان فى الاعداى
ناديه ايوه فاكره لما الحج صمم اننا نفضل هناك يومين
عشان كل لما كنت بتسافر بترجع فى نفس اليوم عشان الشغل
زمانها كبرت يلا نجهز ونسافر عشان ابقى جمبها يا عينى خسرت باباها ومامتها
وجهزوا نفسهم وسافروا على العزبه بتاعتهم فى المنصوره وصلوا على بدايه الصباح
مهاب اول ما دخل البيت ل والده جرى عليه وارتمى فى حضنه
ايمن بيحاول يبقى قوى ومسيطر على الموقف
بعد مهاب عن حضنه وقاله
اطلع شوف اخوك قبل ما يغسلوه لاننا هندفنه بعد صلاه الظهر
مهاب بدموع حاضر
ايمن مهاب ابنك فين مجاش معاك ليه
زين فى المانيا يا بابا بيتفق على صفقه جديده
ناديه البقاء لله يا عمى
ايمن حياتك الباقيه يا بنتى اطلعى ل ليالى فوق فى اوضتها لانها مش مبطله عياط واغمى عليه وجبنالها الدكتور وخلى بالك منها
ناديه حاضر يا عمى دى فى عنيا زى مى بظبط
ايمن عارف يا بنتى هيا مى ما جاتش معاكى ليه تقعد مع بنت عمها
ناديه عندها امتحان هتخلصه وهبعت العربيه تجبها
وطلعت ناديه اوضه ليالى
وخبطت ودخلت
لقت حد من الخدم قاعد جمبها وهيا نايمه زى الملاك وشعرها مفرود جمبها والمحلول فى ايدها
ناديه روحى انتى شوفى شغلك وانا هقعد جمبها
الشغاله ماشى يا هانم
ناديه قعدت جمبها على السرير وفضلت تحسس على شعرها وتقول بسم الله ماشاء الله كبرتى يا لى لى وبقيتى عروسه قمر
ربنا يصبرك يا بنتى على الجاى
بعد شويه قامت ليالى مفزوعه من النوم وبصوت مخنوق بابا انت فين
جريت عليها ناديه وحضنتها اهدى يا بنتى وادعيله بالرحمه
لا بابا مامتش وسابنى هو كمان زى ماما سبونى ل وحدى لا لااهدى يا بنتى ووحدى الله وادعيله هو محتاج لدعائك دلوقتى
وفضلت ليالى فى حضن ناديه لحد ما نامت وهديت
وجه وقت الدفن والعزا وانهيار مهاب على فقدان اخوه الاكبر
مى دخلت اوضه ليالى بسرعه لقتها قاعده على السرير بتعيط اخدنها فى حضنها وفضلت تطبطب عليها وتهديها ماما روحى انتى ارتاحى وانا هفضل مع لى لى وبات معاها
ناديه ماشى يا بنتى وانا هنزل اشوف بباكى وجدك
وعدت ايام العزا وليالى مش بتبطل عياط رغم محاولات مى انها تخرجها من ال هيا فيه
فى يوم الصبح مى قعدت تفكر ازاى تحاول تخرج ليالى من اوضتها وضحكها وتخفف عنها
قربت من ليالى وهيا نايمه ومشت على خدها ورده حمرا
ليالى قامت وبابتسامه هاديه صباح الخير
مى اللهم صلى على النبى ايه القمر ده ال على الصبح هو القمر بيطلع بنهار
ليالى بهدوء شكرا يا مى على وقفتك جمبى
مى انتى مجنونه احنا خوات يا بنت بس قوليلى انتى احلويتى اوى دى ليه كده
ليالى بزعل مهو انا مشفتكيش يجى من اربع سنين
⬇️فى الوقت ده خبطت ناديه ودخلت
صباح الخير على لى لى القمر عامله ايه النهارده
انا كويسه يا طنط شكرا ليكى اوى
على ايه يا حبيبتى انتى زى مى بس بسم الله ماشاء الله كبرتى واحلويتى
ليالى بكسوف شكرا
مى بضحك منا لسه بقولها يا ماما انها حلوت اوى وبقت مزه طحن
دى الصور ال كنت بتبعتهالى غير الحقيقه خالص
ناديه انا مشفتهاش من يجى 5 سنين كانت لسه قى 3 اعدادى تقريبا
وبعدها الكام مره ال جتهم مكنتيش موجوده
ليالى اصل حضرتك يا طنط كنتى بتجى فى الصيف وانا كنت بسافر ل سيف اخويا بره اقعد معاه الاجازه
وبعدين انتم مش بتجوا كتير هنا
ناديه بصوت هامس اصل الصراحه بخاف من جدك طبعه صعب ومش بيعدى اى حاجه عشان كده مش بحب اجى هنا خالص
ليالى بابتسامه هاديه هو فعلا صعب بس حنين
مى بغمزه اصلك انتى عنده حاجه تانيه خالص بس وحشتنى اوى يا لى لى
ليالى بزعل مش انتى ل سبتنى وسفرتى تكملى درستك برا
مى طب متزعليش منا مستحملتش اكمل اكتر من كده ونزلت مصر
يا سلام نزلتى مصر ومفكرتيش تجى تشوفينى
مى طب منا كلمتك وفهمتك هخلص ورق الجامعه وهجيلك على طول وبعدين دخلت على طول فى امتحانات ومترحمتش وبعدين تعالى هنا مش انا قلتلك سافرى معايا وناخد الثانويه بره ونكمل كليتنا ونحضر الماجستير والدكتوراه حلمنا ال حلمناه سوا واننا احنا ال نكبر مجموعه الفيومى وانتى اتخليتى عنى
ليالى انت عارفه غصب عنى بابا وجدى كانوا رافضين يسبونى خالص ومحبتش ازعلهم خصوصا بابا كان متعلق بيا بعد وفاه ماما ده مرضاش يخلينى اسافر مع اخويا وخالى اصلا واكمل تعليمى بره وكنت بس بسافر زيارات ليهم مع بابا ونرجع على طول
وبعدين مش احنا اداره اعمال زى بعض مش ده اتفقنا
مى خلاص انتى تتنقلى جامعه القاهره وتجى تعيشى معانا ولا ايه يا ماما
ناديه والله فكره حلوه جدا وتبقى مع مى على طول
ليالى جدى مش هيوافق
ناديه سيبى جدك عليا هخلى عمك مهاب يكلمه ويلا ننزل عشان جدك مستنكى على الفطار وقالى متزلش غير بيكى وانتى عارفه
ليالى حاضر هغير وانزل
يتبع
رباب احمد
ليالي الزين
البارت الثانى
دخلت لى لى تاخد شور ولبست درس اسود وسرحت شعرها الحرير ورغم حزنها كانت زى القمر وفاتنه
مى الله الله على الشمس ال نورت قصر الفيومى
ليالى بكسوف شكرا يا مى ربنا يخليكى ليا
مى ويخليكى ليا يا قلب مى يلا ننزل نفطر جدك مستنيكى وشكلنا اتاخرنا عليه وهيطخنا عيارين
ليالى بابتسامه لغتك اتغيرت خالص هو انتى سفرتى بره ولا كنتى فين
مى ههههههه انا كنت فى شوارع لندن يلا بينا
ونزلوا الاتنين يفطروا
ايمن اول ما شاف ليالى
اهلا يا بنت الغالى تعالى يا قلب جدك اقعدى جمبى
ليالى بابتسامتها الرقيقه صباح الخير يا جدو وميلت باست اديه
وراحت ل عمها صباح الخير يا عمه وبسته من خده
مهاب صباح الخير يا حبيبتى كبرتى يا لى لى وبقيتى زى القمر
ايمن بفخر ليالى اجمل بنت فى المنصوره
مى وانا يا جدو ا
جدها بابتسامه وانتى اجمل بنت فى القاهره حلو كده
مى بمشاكسه ايوه كده
وهما بيفطروا دخل عليهم سيف
وبصوت جنون لى لى
ليالى سمعت صوت اخوها قامت تجرى من على السفره وارتمت فى حضنه
بابا مات يا سيف بقيت ل وحدى
سيف متقليش كده انا جمبك وجدو معاكى اهو
ايمن الجد تعالى يا سيف عامل ايه يا حبيبى
سيف بعد عن اخته وراح للجد سلم عليه وباس ايده
وسلم على كل الموجودين
مى اول ما شافته تنحت وميلت على ليالى وقلتلها
اخوكى لوز العنب يا لى لى جوزهولى
لى لى خبطتها فى درعها هو ده وقته اسكتى
مى انا هسكت مؤقت بس لازم تجوزهولى ده مز اخر حاجه وشكله شحصيه جامده
سيف بعتاب ازاى يا جدى متبلغونيش غير امبارح
الجد والله يبنى الواحد كان فى عالم تانى وبعدين انا كنت عارف ان مناقشه الدكتوراه بتعتك قربت محبتش اعطلك
سيف تعطلنى ايه يا جدى ده ابويا ال مات وانت عارف انا كنت بحبه ازاى
الجد عارف يابنى وهو مكنش عنده اغلى منك وكان بيعتبر عنده زى لى لى بظبط
رفع سيف وشه وبص ل ليالى وفتحلها دراعه عشان تجى تقعد جمبه فى حضنه
جريت ليالى لحضنه وفضلت قاعده جمبه
مى فى نفسها يا بنت المحظوظه يا لى لى يا بختك بحضن المز ده اوعدنى يا رب بالمز ده
ناديه خبطت بنتاها مى ال متنحه ل سيف
اتلمى يا بت بتبصى كده ليه
مى اه ولا حاجه الموقف مؤثر يا حاجه ناديه لا والله
مى اه تصدى ودموعى هتنزل من الحضن الاخوى ده
ناديه اتلمى يا مى
مى ماشى يا كبير هتلم بس مش كتير اوى اصل الصراحه الواد ده قمر
ناديه واد ده دكتور نفسى وان شاء الله هخليه يعلجك من الجنان
مى بابتسامه وانا موافقه اوى انى اتعالج على اديه لانى حاسه فعلا بعلمات جنون الحقينى هههههههههه
ناديه يارب صبرنى اما اقوم اكلم اخوكى اشوفه هيجى امتى
مهاب بس بسم الله ماشاء الله بقيت راجل يا سيف
سيف بابتسامه تسلم يا عمى
الجد سيف عندى انا واحمد ابننا بظبط وبعتبره دايما انه ابن عيله الفيومى
سيف وده شرف ليا يا جدى وعمرى ما انسى ال عملته انت وبابا احمد عشانى
مهاب باعجاب فعلا احمد ليه حق يحبك اوى ده مكنش مستحمل بعدك
سيف بابا احمد مكنتش بعتبره جوز امى لانه عمرى ما حسسنى بكده انا مشفتش ولدى اتوفى وانا صغير بس بابا احمد عوضنى بحنانه واحتوائه ليا حنان الاب
الجد خالك مجاش معاك ليه
سيف خالى بيصفى كل شغله ال هناك وقررنا ننزل مصر وكفايه كده سفر ومعرفش ينزل لان فى اجتماع بكره هيبع شركته
مهاب ربنا معاه
لى لى بفرحه يعنى مش هتسافر وهتفضل معايا
سيف اه يا حبيبتى بس هسافر بعد اسبوع اناقش الرساله بتاعتى واخلص كل ارتباطاتى هناك وارجع انا وخالك سوا
لى لى بزعل هتغيب يعنى
سيف لا يا قلبى هما شهرين بالكتير وهرجعلك على طول
الجد ربنا يوفقك يا بنى
وعدى الاسبوع وسيف بيحاول يخفف عن اختهويخرجها وطبعا مى لزقت فيهم وكانت بضحكهم بخفت دمها وحس سيف انو منجذب ناحيتها بسبب برائتها وعفويتها بس مبينش لانه راجل من النوع التقيل ال مش بيظهر مشاعره بسهوله
وبعديها سافر سيف يناقش رسالته ويرجع تانى
لى لى كانت حزينه بعد ما سافر جدا ال صبرها وجود مى معاها
ومرات عمها ناديه الحنونه
وفى يوم بليل وهما بيتعشو \
الجد مهاب عوزك فى المكتب بعد العشا
حاضر يا بابا
وبعد العشا
الجد بص ل ناديه وقالها
تبقى هاتى القهوه لينا قى المكتب يا ام الزين
ناديه بابتسامه حاضر يا عمى
دخلوا المكتب وشويه دخلت ناديه ليهم القهوه وخرجت
مهاب بقلق خير يا بابا
الجد اسمعنى كويس وال هقوله لازم يتنفذ
انا تعبان وعندى سرطان
مهاب بخضه انت بتقول ايه يا بابا
ايمن اسكت واسمعنى كويس انا ايامى قليله فى الدنيا دى وكنت فاكر ان احمد هو ال هيدفنى مش انا ال هدفنه
مهاب طب اهدى يا بابا
ايمن اسمعنى فى ناس كتير طمعانه فى بنت اخوك وعوزنها عشان فلوسها وجمالهامهاب عوزنى اعمل ايه يا بابا
ايمن الزين يتجوز بنت عمه ليالى
مهاب بخضه بتقول ايه يا بابا ازاى ده اكبر منها ب 12 سنه
الجد وايه يعنى الفرق مش كبير وابنك فى عز شبابه والراجل مش بيكبر
والزين هو ال يقدر يحافظ على بنت عمه ومالها وهو اولى بيها من الغريب
مهاب بس يا بابا مهاب خاطب وفرحه بعد شهر
الجد بعصبيه انت بتسمى خطبته بالبت الملزقه دى خطوبه دى بنت طمعانه فيه هى وابوها
مهاب هما مش محتجاين يا بابا عشان يطمعوا
ايمن انا مر عليا من الاصناف دى كتير يا مهاب وصدقنى البت دى وابوها مش كويسين
مهاب زين مش هيوافق
الجد بعصبيه ازاى هو هيلاقى فى جمالها ولا اخلقها فين يا مهاب ليالى عمرها ما خرجت بره خالص ولا تعرف حد كنا انا وابوها الله يرحمه بنخاف عليها من جمالها وطمع الناس فيها كانت بتخرج باالعربيه والحرس وراها عمرها ما عرفت حد ولا ليها صحاب ليالى وحيده وانا خايف اسبها بعد اموت الكل هيطمع فيها ويجى واحد ابن حرام يمثل عليها الحب وياخد ال وراها وال قدمها ويبهدلها
مهاب طب منا جمبها واخوها كمان
ايمن يابنى طولت العمر ليك بس انت مش دايملها ولازم اطمن عليها مع راجل بجد يقدر يصونها ويحافظ عليها وعلى مالها
واخوها سيف طيب كده زيها ويمكن اى واحد يجى يرسم عليه الاحترام ويتقدملها وهو يوافق ويطلع طمعان فيها صدقنى يا مهاب الزين اولى واحد ببنت عمه
وصدقنى هيحبها وميقدرش يستغنى عنها كمان
مهاب افرض موفقش
الجد خبط بعصاه الارض يبقى تقله بيقولك جدك كل ال تحت اديك هيتاخد وملكش حاجه عن عيله الفيومى
مهاب طب اهدى يا بابا وانا اتصرف انا هسافر بكره الصبح هرجع القاهره وهو هيوصل بعد يومين وهكلمه
ايمن بصرامه مهاب كلامى هيتنفذ مفهوم
خلص الفلاش باك
رفع مهاب راسه يارب قوينى على الجاى
وللحديث بقيه
يتبع
تكملة الروايه من هنااااااا
تعليقات
إرسال تعليق