مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

انا قتلت بنتى ..مسكت الاباجورة التقيلة و فضلت 

انزل بيها على دماغها لحد ما الدم طرطش على الحيطان و مخها طلع من رأسها ..مكنتش متخلية

انى ممكن اعمل كده بس كان لازم اعمل كده ..

هالة بنتى كان عندها تمن سنين ..كانت سبب تعاستى

و بؤسى ..كنت بعتبرها مصدر شؤم ..من يوم ما جات و اتولدت و كل حاجة فى حياتى بقت تعيسة 

و منهارة ..هالة يوم ما اتولدت ابوها مات فى حادثة

سير ..كنت فاكرة ان الموضوع ده صدفة و ان ربنا

رزقنى بيها عشان يعوضنى عن جوزى اللى راح ..

لكن لا ..كنت فاكرة الموضوع غلط ..مواقف كتير 

مريت بيها خلال التمن سنين دول اثبتوا لى انها فعلا

شؤم ..ابويا بعد شهر واحد من ولادتها مات و بعدها

بشهرين اخويا اكتشف خيانة مراته عشان يقتلها 

و يقعد فى السجن عشر سنين ..انت متخيل كل ده

حصل بمجرد ما اتولدت ..اكيد انا مش بفكر غلط ..

مستحيل كم الاحداث ديه كلها تحصل فى وقت

قصير زى ده ..كنت كارهها جدا ..كان شكلها قبيح

جدا و الصراحة انا كنت متعمدة اهملها ..بعد وفاة

ابويا و سجن اخويا لقيت نفسى لوحدى فى الدنيا

مش عارفة اعمل ايه ..ماليش ظهر اتسند عليه ..

عايشة بطولى مع بنت قبيحة جدا و المفروض انى

اصرف عليها ..مكنتش عارفة الاقيها منين و لا منين

..من مصاريف هالة و لا فواتير المية و الكهرباء

و لا ايجار الشقة ..قررت كتير وقتها انى اتجوز بس

كل العرسان اللى بيتقدموا لى بمجرد ما يشوفوا 

هالة كانوا بيهربوا ..فى منهم اللى كانوا شايفين 

انها مسؤولية كبيرة و هما مش مضطرين يصرفوا

عليها هى كمان ..و فى منهم اللى كانوا شايفين ان

شكلها وحش و يجيب شؤم و انقطاع رزق ..

هالة الصراحة كانت حياتها صعبة ..كانت بتتعرض

لكمية تنمر فظيع فى المدرسة و ده بسبب انها بتتلعثم فى الكلام ..كل يوم كانت بتيجى من المدرسة و هدومها متقطعة ..كل يوم كانت بتقفل

عليها اوضتها و تعيط بالساعات ..انا الصراحة 

مكنتش فاضية ليها ..انا كنت بشتغل ستة عشر 

ساعة فى اليوم عشان اعرف اصرف عليها و على 

البيت ..لحد ما جاه اليوم اللى رجعت فيه البيت 

عشان الاقى هالة قطعت شرايين ايدها و الدم

مغرق كل حتة على الارض ..كنت مترددة وقتها 

اروح بيها فى المستشفى و لا اسيبها غرقانة فى 

دمها لحد ما تموت و اخلص من الهم ده كله ..

كنت ندمانة وقتها انى رجعت البيت بدرى لانها 

كانت لسه بتتنفس ..فى الاخر قررت انى اشيلها 

و اروح بيها على المستشفى عشان يوقفوا النزيف 

و تفوق و ترجع لوعيها من جديد ..بعد ما فقت 

من الغيبوبة كانت رافضة تأكل و تشرب و بدأت

تتهرب من المدرسة و تقعد فى البيت ..انا الصراحة

مكنش عاجبنى التصرف ده ..يعنى ايه تقعد فى 

البيت ..امال انا بدفع الفلوس ديه كلها للمدرسة 

ليه ؟ ..اتخنقت معاها و طلبت منها انها ترجع المدرسة تانى ..كانت بتتحايل عليا انها متروحش

المدرسة تانى ..كانت بتعيط جامد ..لكن انا مكنش

بيعجبنى الدلع ده ..انا مش عايزة انى اقسى عليها

..انا كنت عايزة اعلمها تتصرف و تواجه مشاكلها ..

بعد يومين بس المدرسة اتصلت بيا فى الشغل عشان

اروح لهم ..مكنتش عارفة هم عايزينى ليه ..اكيد

بخصوص هالة ..كنت عمالة افكر وقتها هى عملت 

ايه ؟ ..اكيد هى عملت مشاكل فى المدرسة ..

لما رحت المدرسة لقيت هالة قاعدة على كرسى 

بتعيط و جنبها ناظرة المدرسة ..اول ما قربت من

هالة لقيت ناظرة المدرسة بتسلم عليا و بتقولى 

ان هالة لقوها مغمى عليها فى الحمام من كتر الصريخ و العياط اللى عيطته بعد ما مجموعة

من الطلاب قفلوا عليها باب الحمام و سابوها لوحدها

تلات ساعات جوه .. فى الاخر الناظرة قالت لى 

ان هالة محتاجة انها تقعد فى البيت شوية لحد

ما اعصابها تهدئ و نصحتنى انى اوديها مدرسة 

تانية ..شكرت الناظرة وقتها و خدت هالة و روحت

بيها على البيت و اول ما رجعت البيت فضلت اضربها

على وشها و اصرخ فيها و ازعق و اقولها 

" كل يوم مشاكل ..كل يوم نفس المشاكل ..انتى 

مش بتحسى ..انت بهيمة ..قولت لك مش عايزة

مشاكل ..ما تفهمى بقى "

فضلت اضربها على وشها لحد ما لقيتها نزلت دم

من بوقها و مرة واحدة لقيت نفسى ماسكة 

الاباجورة و بنزل بيها على راسها و انا بصرخ و بقول جملة واحدة بس 

" انا هحللك مشاكلك ..انا هحللك مشاكلك ..

صدقينى مفيش غير الحل ده ..الحل ده هيريحك

و يريحنى "

فجاة لقيتها جثة هامدة غرقانة فى دمها ..اول حاجة

عملتها انى سحبت الجثة و نزلت بيها البدروم 

و فضلت احفر فى البدروم حفرة كبيرة ..بعد

ما حفرت الحفرة رميت جثتها فيها و غطتها بالتراب

..كنت مجهزة كل حاجة كأنى كنت بحلم باليوم ده

من زمان ..اليوم اللى ارتاح فيه واريحها من كل مشاكلها ..صدقينى يا بنتى ده الحل الوحيد ..

كنت بضحك بهستريا و انا بدفنها مش عارفة ليه ..

رتبت كل حاجة و بعد اربع و عشرين ساعة من دفنها

بلغت البوليس و قولت لهم انها اختفت و مش لقية لها اثر ..قولت لهم و انا بمثل انى ببكى و بصرخ ان

بنتى هالة كانت بتلعب مع صحابها فى الشارع و فجاة لقيتها اختفت ..كنت متوترة جدا ليعرفوا 

ان انا اللى قتلتها ..كنت فاكرة انهم هيبعتوا قوة 

و يسألوا و يستفسروا عن الموضوع ..لكن الموضوع

كان روتينى جدا ..كل اللى طالبوه منى صورتها 

و بعض المعلومات عنها و قالوا لى انى اجى للقسم

بعض يومين يمكن يلاقوها ..مكنتش متخيلة ان

الموضوع بالبساطة ديه ..بجد الموضوع كان سهل 

خالص ..محدش شك و لو لحظة واحدة انى ممكن

اكون سبب فى اختفائها ..من حسن حظى ان جوزى

كان مقطوع من شجرة و مالوش عيلة و انا كمان

ماليش حد من اهلى غير اخويا اللى فى السجن 

يعنى الموضوع عمره ما يتعرف و الجريمة عمرها

ما هتنكشف ..عدت الايام و السنين و بعد سنتين 

من الحادثة اتجوزت حسام ..حسام كان شخص

لطيف جدا اتعرفت عليه لما كنت بحاول اخلص ورق فى المحكمة ..كان شغال محامى ..لقاء فى التانى 

اعترف لى بحبه و اتجوزنا و خلفنا بنت جميلة اسمها

جانا ..جانا كانت جميلة جدا عكس هالة اللى كانت قبيحة اوى و ملهاش شكل ..كل شئ كان ماشى 

كويس ..كل شئ كان ماشى زى ما انا مخططة لحد

ما حصلت حاجة مش لقياها تفسير ..حاجة غريبة

و عجيبة .. بعد ما جانا بقى عندها تمن سنين ..

او بالتحديد فى يوم عيد ميلادها كنت بغسل الصحون لقيتها قربت منى و حضنت رجلى بدلع ..

قولت لها 

" بحبك يا جانا "

قالت لى 

" و انا كمان بحبك يا ماما بس بلاش تضربينى 

بالاباجورة زى المرة اللى فاتت "

يتبع ..

#محمود_محمد

#القتيلة_١

#الجزء_الاول

#القصاص

البارت الثاني من هنااااااا