 |
رواية قدري الأسود البارت 12_13بقلم غاده رجب في موسوعة القصص والروايات جميع الفصول كامله وحصريه
12 قدري الاسود
بدء يتنهد ويقولي: انا كنت لسه متخرج من كليه الهندسه وبابا كانت الوقت دا الشركه بتخسر الاسهم بتاعتنا وانا كنت عيل طايش ف بدايه عمره لقيت واحده ست كبيره كانت شريكه بابا كان اسمها رشا بتطلب مني اللى عمري ماكنت اتخيله
رشا:علشان امضي الاسهم ماتنزلش اكتر من كدا لازم تيجي تسهر معايا
حاتم:اجي اسهر معاكي ليه بقي
رشا: كدا علشان تنقذ اسهمك
وفعلا روحت سهرت معاها لكني مكنتش معني كلمه عشا عمل كنت صغير وفعلا حصلت بينا علاقه كامله بس انا كنت صغير
رحمه بستحكار:يعني اي كنت صغير مكنتش فاهم يعني اي بيحصل انت بتقول مبرر اوسخ من الذنب نفسه ومن هنا بقي انتقل المرض
حاتم:لا انا لقيتها شغلانه حلوه ف كنت دايما مع رشا دي ولو فيه اي حاجه مش بتتقضي كنت بعمل نفس الحوار دا كنت حبيت الموضوع
رحمه بعياط؛اخرس ياحاتم
حاتم بعصبيه:لا مش هخرس فعلا كنت حبيت الموضوع نقذت شركتي وكنت بعمل كل حاجه بنفس الطريقه حبيتها لحد مافي يوم تعبت جامد كنت ف حضن بنت وكنت بموت تقريبا سابتني مرمي ونزلت من كتر تعبي اتصلت ب بابا وبعد تحاليل وتعب اكتشفت اني عندي الايدز جالي من اي واحده فيهم منيش عارف بس وقتها قررت هنقل المرض لكل بنت كنت معاها
رحمه بعياط؛ طيب ليه اخترتني انا وانا عمري مكنت اعرفك ليه قررت تنهي حياتي معاك
حاتم: انا مكنتش اعرفك والله فيه واحده قالت لبابا انك انتي بنت مكسوره ومالكيش حد وكل الناس بتعايرك بكبر سنك والناس ف البلد بتقولك عانس كنت فاكر انك وحشه او كبيره بقي وباين عليكي سنك كنت بقول اي بنت والسلام اهي بنت تأدي الغرض والناس تقول اني متجوز كنت جاي عندكم وانا كاره نفسي لكنك دخلتي عليا لقيتك قموره وشكلك اصغر من سنك بنوته كيوت ومثقه اول ماتكلمت معاكي حسيت برتياح كنت شافك ملاك قولت لبايا هي القمر دي ليه متجوزتش لحد دلوقتي
رحمه بعياط: ماصعبتش عليك وانت شايفني قدامك مظلومه طول حياتي
حاتم: لا مصعبتيش قولت هعوضك حب وحنان وحنيه قولت هخليكي اسعد واحده ف الدنيا قولت كدا كدا مش هطلقك فهتفضلي ف حياتي
رحمه: وماصعبتش عليك وانا بتعذب قدامك ونفسي ابقي ام زي باقي الناس نفسي اسمع كلمه ماما نفسي اخدها ف حضني واشوفهم قدامي بيكبروا ويروحوا المدرسه نفسي انا اتعب الاقي ايد ولادي بطبطب عليا انت وسخ اوي ياحاتم
حاتم: ياست مايمكن يكون مش عندك المرض
_كنت لسه مخلصناش كلامنا ولقيت الباب بيرن حاتم حاول يلم شتاته ويرجع طبيعي ويفتح الباب لقيتها مي صاحبتي
مي بعياط وخضه خدتني ف حضنها: التحاليل ظهرت وانتي طلع عندك المرض
_فضلت باصه ل مي وانا مصدومه
مي باحتواء:ماخفيش والله هتخفي هتاخدي علاج وهتبقي كويسه
_كويسه بعد اي كويسه وانا بدمر
حاتم بعياط:انا اسف ليكي يارحمه حقك عليا
_تعرف انا لو قبلت اعتذارك دا ابقي انا قليله قيمه ماهو مينفعش ترشق سكينه ف قلبي وتقولي اسف اسف ع ايه ولمين اسف ع كدبك ولا ع حياتي اللى دمرتها اسف ع ايه خد اسفك واطلع بره ياحاتم سيبني لوحدي ولا اقولك خليك دا بيتك انت اولي بيه انا هنزل اقعد عن ماما
حاتم بخضه:هتروحي فين ابوس ايدك خليكي انا ماليش غيرك خليكي والنبي انا بحبك انا معترف بغلطي انا عمري ماعرفت اخلي حد يحبني ويفضل فى حياتي انا فاشل جدا ف كدا معاده انتي انتي كنتي سندي وبيتي
_بصتله كدا وقلت؛...
______
احمد:وبنت قلبي سرحانه ف ايه
رحاب بضحكه؛انت هنا من امتي
احمد:انا هنا من اول مابدأتي تضحكي لنفسك
رحاب بتوتر:كنت بفتكر حاجه علشان كدا ضحكت
احمد:انا جاي اقولك حاجه مهمه اوي بالنسبالي
رحاب:قول ياعم
احمد:انا عايز رقم بابا عايز اتقدملك
رحاب بفرحه:نعم انت قولت اي
احمد:قولت عايز اتقدملك اتجوزك يعني يابت
_طيب طيب ممكن تقعد مع اختي الاول تتعرف عليها هي مش اختي هي صحبت اختي وبحبها اوي
احمد:ماشي ياست البنات خديلي منها معاد هي الاول
تعرفي يارحاب
_٠قول
احمد:انا بحبك اوي كتت حاسس ان كل اللى فات من عمري كان انتظار ليكي
_ايه ياعم الكلام الجامد دا
احمد:الكلام الجامد دا مش بيطلع غير ليكي
_لسه قاعد وهرد عليه لقيت فوني بيرن مي بتتصل
رحاب: اهي اختي اللى كنت بكلمك عليها بتتصل
احمد:هو دا وقته برضو مترديش
رحاب:لا طبعا هتقلق دا يمكن تكون عند رحمه اختي
_الو ايوه يامي عامله ايه
مي:الو يارحاب انتي عامله اية كنت عايزه اقولك حاجه مهمه
رحاب:وانا كنت عايزه اقولك حاجه اهم انا فرحانه اوي يامي فرحانه بغباء انا.اخيرا قلبي دق بصي لا اخيرا حبيت بجد
مي بعياط:وانا عايزه اقولك ان رحمه تعبانه اوي
رحاب بخضه:تعبانه ازاي انتي بتقولي اي انتي فين يامي انطقي
مي:احنا عند رحمه ف البيت تعالي حالا
_طيب سلام سلام دقيقه وهبقي عندك
وبالفعل قفلت مع مي لكن احمد اثر انه يوصلني لاني كنت منهاره عياط ع اختي هي رحمه مش بس اختي دي سندي وضهري دي امي وصاحبتي دي كل دنيتي
احمد: قولي العنوان بسرعه
رحاب:خلاص انا هركب التاكس وهوصل امشي انت
احمد: لا طبعا امشي واسيبك ازاي
رحاب: انا خايفه اوي يااحمد
احمد: متخفيش ياقلبي
وبالفعل احمد وصلني لحد البيت ولسه طالعين انا واحمد عند مي ورحمه برن الجرس لقينا صدمه مكنتش متوقعه انها تحصل...
#قدري_الاسود
#بقلم_غاده_رجب
13 قدري الاسود
لقيت مامه احمد بتتصل بيه ان والده تعبان اوي ولازم ييجي علشان يشوفه
احمد: معلش يارحاب انا لازم امشي اشوف بابا
رحاب: اه امشي انت وابقي طمني يااحمد اول ماتوصل وخلي بالك من نفسك
احمد: حاضر وابقي طمنيني ع رحمه
___
رحاب بصدمه: مالها رحمه يامي حصلها ايه
مي بعياط: دي عرفت ان عندها ايدز ف دخلت ف حاله نفسيه وحاله صرع زي م انتي شايفه كدا
رحاب بعياط: ايدز اختي انا عندها ايدز منك لله ياحاتم انت السبب لازم ناخدها مستشفي بسرعه طيب اعمل حاجه بدل م انت واقف زي الصنم كدا
حاتم بعياط شديد: انا حاسس بالذنب انا السبب انا مش مسامح نفسي انا مني لله
رحاب بعصبيه: مش وقت الكلام دا ياحاتم يلا ننزل المستشفى
وبالفعل نزلنا المستشفى الدكتور قال ان عندها حاله نفسيه وصرع ولازم تاخد مهدء وترتاح ومفيش حاجه تأثر عليها ولا تزعلها لانها متعرضه لضغط نفسي شديد
_عدا يومين وانا فوقت فوقت لكني مش طايقه حاتم ولا نفسي اول مافتحت عيوني لقيت حاتم جمبي بيعيط
رحمه: طلقني يااحاتم
حاتم: لا يارحمه انا مش هطلقك انا بحبك بحبك ومقدرش اعيش من غيرك انتي بنتي وامي ومراتي
_انا قولت طلقني ياحاتم علشان متوصلش بينا لمحاكم
حاتم: لا انا هسيبك اسبوع اتنين تفكري وتهدي كدا بس امانه عليكي بلاش تظلميني وبلاش يكون ردك قاسي بالنسبالي
_فعلا خرجت من المستشفى ع بيت ماما لكني اول ماشوفت ماما مقدرتش امسك نفسي
:تعرفي ياماما انك السبب الرئيسي ف وجعي وتعب قلبي دا انت ازاي ام وتعملي ف بنتك كدا انت السبب كنتي بتعيريني ان نصيبي لسه مجاش ميت مره احاول اشرحلك اني مسميش عانس اسمي اتإخرت اسمي لسه مجاش اللى يستاهلني كنتي محسساني اني عندي ميت سنه ليه يامي تعملي فيا كدا مش حرام عليكي اللى انتي عملتيه دا
ماما: وانا مالي انا كنت زي اي ام نفسي افرح بيكي واشوفك ف بيتك وعندك حياتك واسره كان نفسي اشيل ولادك كنت بتعب من نظره الناس ليكي وازاي وصلتي للتلتين ولسه متجوزتيش
_ودلوقتي فرحتي بيا وشلتي ولادي اتمتي نظره الناس تكون لسه فارقه معاكي دا انتي ياامي وافقتي وشجعتيني اني اوافق ع الكانديوم والعيشه الهباب دي انتي اللى خلتيني كدا حرام عليكي انا عمري ماحسيت بحنانك انتي عارفه يامي انتي عمرك ماحضنتيني زي اي ام عمرك ماسمعتيني كنت دايما بحسك عدوه ليا مش امي عاجبك حالي كدا ياامي عاجبك مرضي اللى هفضل عايشه بيه عمري كله دا
ماما: يااه انتي شايله ف قلبك كل دا ليا حرام عليكي وجعتي قلبي انا كنت بخاف عليكي كنتي عايزه اطلع منك بنت قويه مش بتتهز
_ايه ياامي وطلعتيني قويه لكن بدون قلب طلعتيني معنديش ثقه ف نفسي انا بكره نفسي لكن معرفتش اكرهكم انا حياتي ادمرت انتوا السبب انتوا السبب
_وفضلت اعيط كتير اوي اعيط ع سنيني وع تعبي وع ايامي و حياتي ال ادمرت بعيط علشان انا مش قادره انسي بعيط علشان انا حاسه اني عايشه ف صراع مع قلبي وعقلي قلبي يقولي سبيني اجرب مره كمان لاني محبتش حد زي ماحبيته انا شايفاه مختلف عن اشباه الاربعين ودي اوحش حاجه ف العالم ان قلبي لسه شايفك احلي حاجه رغم كل الاذي دا
اما عقلي بقي بيلومني ع كل يوم وكل لحظه حبيتك فيهم عن اهتمامي الغلط وبيقنعني اني استاهل حد يحبني ويحب قلبي يحب خوفي وضعفي حتي سكوتي وكلامي حد يشوفني اكبر احلامه وانا لحد دلوقتى مش عارفه اسمع لمين اسمع لقلبي ال واجعني عليك ولا اسمع لعقلي ال بيلومني عليك وكأني واقفه ع حفر من نار والاحساس دا قاتلني انا انتهيت ولسه واقفه ولقيت رحاب بتحضني جامد
رحاب: عيطي يارحمه انا حاسه بيكي حاسه انتي قد ايه تعبانه ومكسوره حاسه بضعفك وقله حيلتك بس لازم تقوي وتعدي وتفكري هتعملي ايه
_انا موجوعه اوي يارحاب موجوعه اوي
رحاب: انا معاكي لحد ماتبقي كويسه بس لازم تنزلي تتعالجي يامي لازم نبدء ف العلاج انا هنزل دلوقتي احجزلك عن دكتور كبير وهتخفي ماهو لازم تخفي
وبالفعل اخدت شنطتي ونزلت جري اشوف دكتور لكن وانا ف الطريق لقيت مي بتتصل بيا
______
مي: الو يارحاب انتي فين
رحاب: انا كنت جايه من عند الدكتور كنت بحجز لرحمه
مي بخنقه طيب تعالي الكافيه عايزه اشوفك
_روحت ليها بسرعه ماهي اكيد تعبانه لكن روحت لقيتها بتعيط
مالك يامي فيه اي
مي بخنقه: موجوعه اوي يارحاب احمد واجع قلبي اوي يارحاب انا حاسه انه متغير معايا احمد مبقاش بيحبني
رحاب: مالك بس حصل اي قوليلي
مي بتنهيده: انا تعبانه اوي انا ايديلي فتره حاسه ان احمد متغير انا ف وقت كنت محتاجه وجوده كنت محتاجه عنه يطمني انا المفروض اقوي بيه مش سهل عليا ان صحبه عمري تبقي تعبانه كدا المفروض يبقي سندي ف فتره زي دي لكن احمد قالي انه مش فاضيلي وانه مشغول واني اعتمد ع نفسي بقي وقالي كلام كتير وحش
رحاب: طيب وهو ليه يقول كدا
مي: مش عارفه اشمعني دلوقتي بالذات محتاجه وجوده رغم انه عمره مكان موجود اصلا انا دايما لوحدي بعدي لوحدي انا دايما كنت السند ليه ليه هو ميبقاش سندي لو لمره انا كنت ببقي تعبانه ولازم احل مشاكله او اسمعه كنت ليه ام مش بس حبيبه
_متزعليش والله اكيد هيعرف غلطه وجايز يبقي مشغول فعلا
مي بعياط: انا حاسه ان فيه واحده ااني ف حياته
_ليه بس بتقولي كدا وبعدين انا عايزه اشوفه عمري ماشوفته
مي؛ بقول كدا يارحاب علشان قلبي بيقولي ان تغيره دا سببه واحده تاني دا بيبقي اونلاين طول اليوم واجي اكلمه يقولي اقفلي او باي
_عايزه اشوفه يابت
لقيتها بطلع صور ليهم مع بعض انا كنت فرحانه ان اول مره اشوفه لكني شوفت صدمه عمري لقيت احمد دا هو نفسه احمد اللى بحبه طلعت انا البنت الخاينه اللى بتخلي مي تعيط انا البنت اللى خطفت حبيب اختها
مي بستغراب: مالك يارحاب وشك جاب اللوان ليه
رحاب بتوتر: هقولك ياست اصل...
#قدري_الاسود
#بقلم_غاده_رجب
تعليقات
إرسال تعليق