مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية قدر ي الأسود البارت 14_15بقلم غاده رجب في موسوعة القصص والروايات جميع الفصول كامله وحصريه 

قدري الاسود البارت 14

رحاب بتوتر: هقولك ياست اصل لازم امشي حالا علشان اروح مع رحمه عند الدكتور 

مي: لا لا استني انا جايه معاكي 

حاولت امسك نفسي من العياط وبدأت اسألها 

_مي هو انتي بتحبي احمد من امتي 

بدأت تتنهد واترسمت ضحكه ع وشها وقالت: بصي انا اعرف احمد من ست سنين هو مكنش حب ف الاول كان صداقه هو كان اخويا وصاحب عمري لحد مافي يوم قالي بحبك تعرفي ان قلبي كان بيرقص من الفرحه مكنتش متخيله ان بعد العمر دا كله اتحب واعيش زي البنات واتحب من مين من واحد زي احمد

_طيب هو عمل ايه علشان يثبتلك انه بيحبك مجاش ليه اتقدم ولا طلبك ف الحلال

مي: علشان هو مكنش جاهز يتجوز دلوقتي هو كان لسه متخرج يعني كانت حياته بايظه ساعدته كنت بعمل كل حاجه علشان يبقي ناجح كنت بشوفه مسؤول مني مش العكس 

_طيب وهو دلوقتى حياته اتظبطت ليه ماتقدمش

مي: علشان انا بدأت انشغل مع رحمه وف شغلي علشان كدا بقولك احمد فيه بنت تاني بتلعب عليه احمد بيتسرق مني تعرفي احساس اما حب عمرك تشوفيه بيتسرق منك ع الجاهز 

_مين اكدلك بس انه بيحب غيرك مايمكن تكوتي غلطانه

مي بكسره: لا مش غلطانه يارحاب اما حب عمرك ينسي عيد ميلادك ويبعد عنك ف يوم زي دا يبقي انا مش غلطانه اما تتصلي بيه وتقوليله انا محتاجه لوجودك وانا بحبك يرد عليكي وانا مش فاضي يبقي مش غلطانه احمد كسرني ف وقت انا محتاجه فيه سند 

_كنت بسمع كلام مي وقد ايه هي بتحب احمد وكسرها ووجع قلبها كنت بعيط بعيط ع وجع مي ووجع قلبي ماهو انا كمان بقيت بحب أحمد اوي هو شاطر اوي في شقط البنات بسهوله

_____

رحاب: يلا يارحمه معادك جه عند الدكتور

_حاضر  يارحاب بلبس بس 

مي بستغراب: وايه القرف اللى انتي لابساه دا محسساني انك عندك ميت سنه

_مبقاش ليا نفس البس ولا انزل ولا اشوف حد يامي والله انا انطفيت اوي انا بقيت نسخه بايخه اوي مني 

_لقيت مي حضنت رحمه وفضلوا يعيطوا قلبوها دراما 

رحمه:مالك ياامي انتي مش بخير

مي:انا مكسوره اوي يارحمه موجوعه بجد 

رحاب: معاش ولا كان اللى يكسركم وانا موجوده يلا يابت منك ليها ننزل للدكتور ونخرج نغير جو ياولاد مصاحيه اتنين مطلقين 

____

الدكتور: انتي يارحمه عندك نسبه بسيطه من الايدز يعني بالعلاج والنفسيه تتظبط والامتناع عن حاتم باذن الله هتخفي 

رحمه: بجد يادكتور ممكن اخف والنبي 

الدكتور: اه والله يامدام رحمه بس لازم تمشي ع العلاج بالظبط واهم حاجه النفسيه 

رحاب: طيب يادكتور: هو المرض ممكن ينتقل من التعامل عادي يعني مثلا لو حد اتعامل معاها او حاجه 

الدكتور: تقصدي يعني لو انتي اتعاملتي معاها او ماما مثلا لا اطمني هو شبه المرض الجنسي كدا بينتقل من العلاقات الزوجيه فقد متقلقيش هي هتاخد العلاج دا وهتخف باذن الله

_شكرا اوي ليك يادكتور وشكرا انك طمنتني 

______

رحمه: بالمناسبه الحلو دي هنخرج نتمشي ع الكورنيش زي زمان 

مي: بس انا ماليش نفس اخرج انا عايزة ابقي لوحدي 

رحمه: نعم استاذه مي تبقي لوحدك واحنا هنا تعالي احكي مالك

رحاب: تشربوا حمص شام وتاكلوا بطاطا معايا ياولاد

رحمه: ياااه والله زمان ياجدعان وحشني كورنيش اسكندريه والمشي معاكم 

مي: عايزه اكل ترمس هات ياعمو حبه ترمس 

_اكلنا وفضلنا نتمشي لحد ما رحمه اخدت مي ف حضنها وقالتلها احكي

مي: لا مش هحكي دي اختك اللى هتحكي مالها البت دي بتحب يارحمه من ورانا 

رحمه: ياسلام ياسلام احكي ياختي بتحبي مين

رحاب بتنهيده مش مفهومه: تعرفي اما تشوفي واحد وتقولي هو دا عوض ربنا ليا اما تحبي من كل قلبك اما يجيلك العوض مره واحده بدون استأذان هو دا بالظبط اللى حصل معايا اه اعرفه من اربع شهور لكني حبيته اوي حبيت يامي حبيت حبه ليا اهتمامه حتي خوفه عليا 

مي: الله الله ياست رحاب قولي اسمه او هاتي صورته

_تعرفي ان احمد عمره ماتصور معايا ولا حتي فكر يتصور معايا تعرفي ان احمد غير كل الشباب بحسه بابا مش حبيبي يعني عنده 32سنه ناضج وكبير وفاهم

مي: الله ياست وهيتقدم امتي 

_مش عارفه بس هيتقدم قريب اوي 

______

رحاب:الو ايوه يااحمد

احمد:ايوه يارحاب عامله اية ياقلبي

_بخير ياحبيبي

احمد:كنت لسه هكلمك دلوقتي فيه مفاجأةعايزه اقولك عليها

_قول يابني دا انا نفسي ف مفاجأة

احمد بفرح:انا بحبك اوي يارحاب اوي بجد انا جاي اتقدملك بكره انا فرحان اوي بيكي 

_اقسم باالله بجد انت بتقول ايه يافرحه قلبي بيك انا صبرت ونولت بجد انا فرحانه اوي احمد انا بحبك

_قفلت معاه وقولت للبيت كله ان احمد جاي يتقدم بكره وعزمت مي وكل اصحابي اخيرا هعمل النهارده هكلم ابوكي بقي 

_انا فرحانه اوي اوي ياولاد 

مي: ربنا يفرحك ع طول ياقلبي 

رحمه: ربنا يجعله زوج صالح ليكي 

_وبالفعل جه احمد واصحابي كانوا بيصوروا ولسه بيخبط فتحت مي الباب اتصدمت اوي وفضلت باصه عليه

احمد.... 

#قدري_الاسود

#بقلم_غاده_رجب

قدري الاسود البارت 15

احمد بصدمه شديده: مي بتعملي اية هنا 

مي بزهول واستغراب: انت بتعمل ايه هنا وجاي هنا ليه وايه ال ف ايدك دا مش انت قولت انك نازل المنوفيه علشان ماما تعبانه انطق بتعمل اي هنا 

احمد بارتباك: اهدي وانا هفهمك كل حاجه بلاش تعملي مشاكل خلي اليوم يعدي ابوس ايدك 

مي: يعدي اي وزفت اي ايه جايبك هنا انطق 

لقيت احمد اتوتر والكل طلع يستقبله لكن مي معرفتش تداري دموعها قدامهم لقت الكل بيرحب اوي بااحمد وبإهله لكن اول ما مامت احمد شافت مي 

طنط: انتي تاني البت الملزقه دي ايه جابها هنا 

ماما: دي مي صاحبه رحمه ورحاب بناتي انتي تعرفيها

طنط: طنط اه اعرفها دي زميله احمد اتقابلنا قبل كدا لكن محبتهاش

ماما: بس دي مي قمر وتتحب 

لقيت ميت داخله عندي انا ورحمة بتعيط بهستريه

رحمه: مالك يامي ف ايه 

مي بكسره وعياط: انتي عارفه مين ال بره دا 

رحمه:اه الشاب ال جاي يتقدم ل رحاب وحبيبها انتي بقي بتعيطي ليه 

رحاب:بتعيط ومكسوره لان الشاب دا يبقي احمد هو هو اللى مي بتحبه من ست سنين هو هو الشاب ال اختارني انا وسابها 

رحمه بصدمه:انتي متخلفه انتي بتقولي ايه وازاي تقبلي ع نفسك انك تحبي حبيب اختك انتي فاهمه ان مي دي اختك زيي ولا لا 

رحاب وهي بتخرج من الاوضه:اه عارفه ان مي اختي واكتر وبحبها لكن انا اما حبيت احمد مكنتش اعرف ان مي بتحبه ولا كنت اقصد اخده منها هو ال خاين هو قدر يحبني ويخطبني ومحبهاش هو حب ال كان بياخده منها لكن محبهاش هي وانا حبيته ومش هخسره

مي بصدمه:صدقيني مش هتعرفي تفهميه ولا تفهمي دماغه ولا هو امتي بيبقي مبسوط او امتي بيبقي زعلان بلاش تعملي ف نفسك وفيا كدا انتي لسه عيله قدامك الطريق طويل 

رحاب:افهمي بقي هو مش بيحبك وبعد اذنك علشان متأخرش 

_وبالفعل خرجت ليهم لكن اول ما مامت احمد شافتني فضلت تقول قد ايه انا حلوه وقمر ولايقه ع ابنها انا كنت شايفه الخوف والتوتر ف عيون احمد وكأنه عيل صغير

_مالك يااحمد

احمد:ماليش قلقان احس عمي يرفضني 

_لا ياقلبي مش هيرفضك هو عارف اني بحبك

وبالفعل عدا اليوم وكلهم كانوا فرحانين لكن انا مكنتش فرحانه ولا زعلانه كنت عاديه كنت بفكر ازاي هبص ل مي بعد كدا لكن برضو انا حبيت احمد اوي مش هسيبه علشان مي يعني اصلا احنا حددنا معاد للخطوبه بعد اسبوعين

______

مي:ليه يااحمد تعمل كدا ليه

احمد:انا مش عايز اكمل ف حياتك 

مي:مالقتش غير رحاب دي عيله قدرت تضحك عليها 

احمد:انا حبيتها مضحكتش عليها انا لقيتني بنشد ليها اوي هي عندها كل حاجه انا بدور عليها

_طيب وانا دا انا حبيتك بطريقه لو لفيت عمرك كدا مش هتلاقي حد يحبك قدي انا عملت كل حاجه اقدر عليها او مقدرش عليها علشان تبقي مبسوط انا ضحيت بكل حاجة علشانك ليه 

احمد:انا منكرش انك عملتي كثيرعلشاني لكن انا محبتكيش حبيتك ف الاول لكن بعد فتره لقيت نفسي مش بحبك كزوجه انا بحبك ك ام ك اختي لكن انتي نسيتي نفسك انك بنت كنتي بتجبيلي كل حاجه لكن نسبتي الدلع نسيتي اني شاب وهزهق

_كنت بعمل كدا علشانك طيب هي هتعرف تحتويك هتعرف امتي بتزهق وتقفل وامتي بتبقي بتهزر هتعرف تعملك ام اما تغلط ولا اخت اما تتعب ولا هتعرف تعملك صاحب اما تحتاج فلوس يمكن قصرت ف شكلي بس علشان اهتم بيك انت وبشغلك 

احمد:مي انا مليت بعد ازنك سبيني اعيش ف سلام وبلاش حد يعرف اننا كنا نعرف بعض وبالذات رحاب انا بحبها ومش عارف اطلقها

_انا بكرهك يااحمد حقيقي بكرهه وحقيقي بكره هترجعلي لكن وقتها هيكون الوقت اتأخر 

______

رحمه:الو ي مي عامله اي

مي:عامله نفسي بخير يعني حاسه ببرود ف قلبي وف مشاعري حاسه اني مشلوله يارحمه تعرفي الشلل  عارفه اما الضربه تجيلك من اقرب اتنين ليكي يبقي هتقسم الوسط

رحمه:حاسه بيكي والله ومعرفش ليه رحاب تعمل كدا

مي بعياط:متقوليش حاسه بيكي انا محدش حاسس بيا انا ف الدايره دي لوحدي انا كنت ومازلت لوحدي 

_انا بس نفسي اساله ليه؟؟

هو انا استاهل منه كل دا!؟؟

_٠طيب قوليلي يارحمه انا عملت ايه وحش علشان احبه كل الحب دا ويسيبني؟

_انا مش لاقيه حاجه  حلوه عملها هو عمل كل الوحش ال ف الدنيا هو كسرني اوي ومش عارفه  اكرهه تخيلي ان بعد كل اللى عمله دا انا لسه بحبه  انا عملت كل حاجه  ف ايدي علشان متبقاش دي النهايه يارحمه انا موقفه حياتي عليه انا خسرت انا خسرت نفسي 

رحمه: طيب حاولي تهدي والله  ربنا هعوضك كفايه زعل عليه لحد دلوقتي فكري ف نفسك شويه هو مكنش يستاهلك هو ماحبكيش  

مي اتنهدت وقالت: محدش ليه الحق مهما كان مين يقولي كفايه زعل او عديها لان محدش مكاني انا مش زعلانه ع حد انا زعلانه ع نفسي اوي زعلانه ع كرامتي ال بقت ف الارض زعلانه ع تعبي النفسي والجسدي ال حصلي زعلانه ع خذلاني زعلانه ع عياطي طول الليل لوحدي خايفه امي تسألني مالك ومعرفش ارد زعلانه ع طاقه الحب ال كانت عندي زعلاني اني حبيت زعلانه من الوم والعتاب ونظره الانتصار وطريقه كلام الكل اني انا كنت غلطانه.من الاول  زعلانه اني حسيت نفسي رخيصه وانا السبب ودي اول مره احس بكدا زعلانه ع ست سنين  راحوا ع الفاضي واخدوا جامد من طاقتي ومني زعلانه اني متقدرتش حتي بكلمه زعلانه اني هونت انا من حقي اكمل حزني ع نفسي للاخر من غير مايتقالي كفايه وهو مش كفايه انا لسه تعبانه مخفتش منه

رحمه: حقك عليا انا حقك عليا بجد

_________

رحمه: انتي ليه عملتي كدا يارحاب؟! 

_علشان  بحبه 

=بس انتي عارفه انه بيحب مي ومي بتحبه

_لا استني بس هو مابيحبش مي هو كان بيضيع وقت معاها لحد مايلاقي الحب ال بجد واهو لقاني 

=انتي بتتكلمي كدا ليه انتي بعقلك يابنتي مالك مكنتيش كدا 

_وبقيت كدا حد عنده مانع بعد اذنك بقي علشان نازله  اشتري الدبله

_وبالفعل سبتها ونزلنا نشتري الدبله كان باين ف عيون احمد الحب والفرحه والانتصار كان باين انه بيحبني  اوي تفتكروا هو دا اللى اسمه الحب الحقيقي

احمد: انا فرحان اوي بيكي 

_وانا فرحانه اكتر بيك وبحبك

احمد: انا بحبك من قبل ماعرفك اصلا

_رجعنا البيت وجه اليوم اللى كنت مستنياه طول حياتي يوم خطوبتي ع احمد لكني انا اثريت ان مي لازم تحضر مش علشان  اكسرها لا ولله  علشان  بحب وجودها 

مي: مبروك ياعروسه 

_الله يبارك فيكي  ياقلبي عقبالك

ولسه مي هترد لكني انا كنت عامله مفاجأة  غير متوقعه للكل خلت الكل ف زهول... 

#قدري_الاسود

#بقلم_غاده_رجب

تكملة الروايه من هنااااااا