 |
#روايه_كبرياء_اسيا_وغرور_اسر
#بقلم_بسمله_صالح_البارت_47
#اللهم_صلى_وسلم_وبارك_على_سيدنا_محمد
وفي صباح يوم جديد صحى أسر وآسيا وانصدموا لما شافوا منى ومحمود واسماء ادامهم وبيضحكوا وبيتهامسوا.
منى: احممم نحن هنا.
ولسه اسيا هتقوم من جمب أسر وفي لحظه كان أسر لف أيده حوالين وسطها.
وقال: مراتي الله هو حرام الواحد يحضن مراته وبعد اذنك سيبونا لوحدنا.
محمود: طيب راعي أن احنا واقفين ولا خلاص الكسوف مات يا عم ما نبقاش موجودين ابقى اعمل اللي انت عايزه لكن راعي اللي احنا موجودين وجايين نطمئن عليك.
أسر: وانا الحمد لله بخير.
محمود : يعني ده يا ابني جازاتنا اللي احنا جايين نطمن عليك وفي الاخر تقول كده يعني انت بتخرجنا بالذوق يعني.
اسيا: لا والله يا بابا انت فاهم غلط أسر ميقصدش كدا خالص بس دا تلاقيه بيخترف من كتر التعب اتفضل طبعا اقعدوا انتم واقفين ليه ولا ايه اسر.
اسر : اسيا معاها حق انا ما اقصدش كده خالص اتفضلي يا ماما ويا بابا ويا ماما اسماء.
قاعدوا كلهم حواليه واسيا قامت من جنبه بعد صعوبه.
وفي وسط كلامهم.
اسر : بعد 15 يوم هيكون فرحي انا اسيا بعد ما اكون اتعافيت مع اني عايزه اتعافى بدري عشان اتجوز بدري ولا ايه.
اسيا: بالعجل كده بعد 15 يوم وهنتجوز.
اسر بغمزه: امال ايه انا مش قادر استنى اساسا انا بقى لي سنه ونص مستني اللحظه دي.
اسماء: خير البر عاجله.
وانتهي اليوم وبعد مرور 12 يوم.
كانت اسيا في الوقت ده مع اسر بتهتم به ،وتعافى وخرج من المستشفى وكان ملك ومراد وسليم وقصي وجاسر ورقيه ومعتز وريناد بيعيشوا اجمل ايام حياتهم.
وفي صباح يوم جديد صحيت اسيا على صوت رنه تليفونها واتفاجئت لما سمعت صوت اسر.
وهو بيقول : صباح الخير يا من ملكت قلبي كل سنه وانت طيبه كل سنه واحنا مع بعض دائما كل سنه وانا دائما باشوف الضحكه منوره على وشك عيد ميلاد سعيد يا اجمل اسيا في العالم ،حبيبتي كبرت سنه وبقى عندها 26 سنه.
اسيا ببتسامه: وانت طيب يا اسو لسه فاكر عيدميلادي.
أسر: وانا ازاي هنسى تاريخ ميلاد اليوم الي اتولدت فيه حب عمري وشريكه حياتي وقره عيني ، والي من غيرها مش هقدر اعيش حياتي ، انا انسى نفسي ومنسكيش ، بحبك.
اسيا: حبيبي وانا بموت فيك.
أسر : هبعتلك دلوقتي بوكس مع السائق بتاعي وهتلاقي ظرف اقرئيه ، وان شاء الله المفاجأه هتعجبك.
اسيا: اي هي المفاجأه والظرف فيه ايه؟!
أسر: تؤتؤ دا مفاجأه اومال هي اسمها مفاجاه ازاي ما كنت قلت لك بقى لكن انا مش هاحرق المفاجاه هاسيبك تشوفيها بنفسك وتقولي لي رايك وانا واثق انها هتعجبك.
اسيا: أسر متشوقنيش بقا قولي بالله ، انا منتظره على نار.
أسر : وانا منتظر على نارين مش نار واحده.
يلا زمان السائق وصل افتحي الباب واستلمي البوكس واتصلي عليا ، وقولي ليا ايه رأيك.
وقفلت اسيا مع اسر وراحت فتحت الباب ولقيت السائق شايل بوكس كبير جدا ويكاد وش السائق اساسا مش باين من كبر حجم البوكس واخذته منه وشكرته وهو نزل وقفلت الباب ودخلت اوضتها وقعدت وهي متحمسه جدا وشدت اللفه اللي كانت متغلف بها البوكس وفتحته ولقت فستان احمر جميل جدا وبيوصل طوله الي الركبه ومنفوش بحمالات ومعه شوز احمر، ولاقت موجود نوع الشوكولاته الي بتحبها موجود الحجم الكبير بالبوكس ولاقت ورده حمراء وانسيال دهب ،وحلق جميل ، وبرفان مميز من ماركه اسيا بتحبها جدا وبتتعب علشان تشتريه، لانه نادر شوى.
ولاقت الظرف وفتحته ولاقت مكتوب فيه: اتمني ان الفستان يعجبك وتلبسيه النهارده ، واثق أنه هيبقى حلو عليكي ،وتيجي المكان اللي السائقه هتوديكي له النهارده الساعه 7:00 بالليل هانتظرك في مكان واثق انه يعجبك كل سنه وانت طيبه يا اجمل ما رات عيني بعشقك
اسر.
حضنت اسيا الظرف.
وقالت: وانا بعشقك وطلعت برا لمامتها وهي فرحانه جدا وبتقول وهي بتتنطط: ماما ماما يا ماما انتي فين؟
اسماء: انا في المطبخ يا سيا، صحيتي ي روحي.
اسيا وهي بتحضنها بسعاده : صباح العسل.
اسماء : صباح الجمال كل سنه وانتي طيبه يا جميلتي، انهارده ولدت اجمل بنوته في الكون.
اسيا : وانتي طيبه يا ماما انا فرحانه اوي أسر اعمل لي مفاجاه النهارده بالليل بمناسبه عيد ميلادي بس هو مش عايز يقول لي هو عامل ايه بس الساعه 7:00 بالليل هتيجي سائقه وهاركب معها وهي هتوديني المكان اللي اسر عامل فيه المفاجاه وبيقول لي ان هي هتعجبني قوي انا فرحانه قوي.
اسماء : ربنا يفرحك دائما يا حبيبتي واشوف دائما الابتسامه على وشك كده يلا اتوضي وصلي عقبال اما اجهز الفطار.
اسيا : حاضر.
وبالفعل اتوضت و صليت وبدات تفطر وكانت منتظره على نار لما الساعه تيجي 7:00 بالليل ودقت الساعه 6:00 وقامت اسيا تحضر نفسها.
واخذت شاور ولبست الفستان اللي كان عليها تحفه جدا وحطت مكياج سمبل وحطت ولبست الحلق وحطيت الورده في شعرها وخلت شعرها مموج ولبست الشوز ورشت البرفان وكانت جاهزه على الاخر وكانت زي الاميرات واجمل منهم وبصت لنفسها باعجاب وابتسمت.
ولاقت الساعه بقت سبعه الا ربع وجرس الباب بيرن جري بسرعه وفتحت ولقت السائقه
بتقول :اخبار حضرتك يا فندم انا السائقه الى دكتور اسر بعتني لكي اتفضلي حضرتك علشان هتركبي العربيه اوصلك للمكان ، ونزلت اسيا معها وركبت العربيه وساقت بها السائقه وبعد مده صغيره كانت وصلت اسيا لمكان ضلمه جدا وكانت مستغربه وبصت لما نزلت من العربيه لقيت العربيه اختفت وبصت حواليها في كل اتجاه وقعدت
تقول: اسر يا اسر انت فين يا اسر؟
وبصت حواليها وفي كل اتجاه ولاقت ضوء خفيف ظاهر من بعيد جدا ومشيت ناحيه الضوء وكل مره كانت ضوء بيبدا يزداد سنه صغيره ولاقت اسهم بتوجهها للطريق اللي هتمشي ليه وبدات تمشي مع اتجاه الاسهم لحد ما لاقت اضويه مختلفه بتتوجه عليها ،ولقت الارض مزينه ببلالين على شكل قلوب لونها احمر وبدات تمشي فيهم ووقع فوقها ورد احمر جميل بصت فوقها ومسكت الورد وكانت مبسوطه جدا والورد بينزل عليها وهي ماشيه في وسط البلالين وماشيه حسب اتجاه الاسهم وكانت فرحانه جدا والاضويه كلها كانت بتتوجه عليها ومش شايفه اي احد في المكان ولكنها ماشيه ولقيت ادامها البحر والموج عالي جدا والقمر فوقها.
ولاقت في نهايه البلالين رسمه قلب بالورد الاحمر ومكتوب فيها اسيا واسر وواقف ورا الرسمه شخص مش باين ملامحه لانه معطي ظهره، وباصص للبحر واقف بكل وقار لابس بدله رمادي مبينه عضلاته وريحه برفانه ماليه المكان وشمت اسيا ريحه البرفان وعرفت أن شخص دا أسر وقربت جدا وحضنته من ظهره بكل حب وهو غمض عينه، كان مشتاق جدا للحضن دا واتنهد ويبدو أيده في حاجه لانها ممدوده لي قدام.
وبص ليها بكل حب وبعد عنها وهو شايل بوكيه ورد كبير لونه احمر وبيقدمه ليها.
وهي اخدته وحضنته وهو حضنها وكان مشدد جدا على حضنها كأنه عايز يدخلها بين ضلوعها ورفعها من على الأرض وباس جبينها، وبعد مده خرجت من حضنه.
وهي بتقول :كل دا علشاني يا اسر.
اسر: دي حاجه بسيطه يا اسيا اتمنى تكون عجبتك، اي الحلاوه دي الفستان جامد عليكي ايه الجمال والحلاوه دي كلها قمر بل احلى من القمر 🥰.
اسيا: المفاجأه دي تجنن حبيتها كتير اوي انا بحبك شكرا على المفاجأه الجميله دي.
أسر : دا واجبي اني اعمل اي حاجه علشان اشوف الضحكه الحلوه دي الي بتنور وشك كدا يلا علشان دا جزء صغير من المفاجأه عارف انك بتحبي موج وهدوء البحر ودائما تقولي.
وقالوا في نفس الصوت : البحر هادئ وانيق وبداخله عالم عميق.
وضحكوا مع بعض.
اسيا : دا انت حافظ بقا.
أسر : الي بيحب حد لازم يكون حافظ كل تفصيله صغيره وكبيره وفيه وانا عشقتك مش حبيتك واحنا قررنا أننا نبدأ صفحه جديده ونرمي الماضي ورا ظهرنا ونعيش حياه سعيده ونكون اسره ومبيقاش في حياتنا اي جرح قديم ننسي الماضي لكن نتعلم منه، لما بعدت عني مبقتش سعيد عشت سنه ونصف حزين وضميري بيأنبني أدركت أن حياتي مرتبطه بحياتك.
وانا من غيرك اموت يا اسيا،انتي النفس الي بتنفسه، انا بقيت بدمنك بدمن كل جزء فيكي انتي ادماني وحياتي وكل حاجه ليا مهما اقول كل الكلام دا مش هيوصف حبي وعشقي ليكي ابدا مش هيوصف كل الاحاسيس الجميله الي حاسسها تجاهك. وطلع من جيبه علبه قطيفه وفتحها وكان عباره عن خاتم الماس بيلمع بشده ونزل على ركبته.
وقال: تقبلي تكملي حياتك معايا يا ملكه قلبي وعقلي، وكياني كله.
كانت اسيا دموعها نزلا على خدها وهزت رأسها بموافقه.
وقالت : اقبل، لاني عرفت اني مقدرش اكمل حياتي من غيرك مهما حصل.
ودخل الخاتم في اصبعها وباس ايديها برقه ووقف وطبع قبله على شفايفها بحب ورغبه وشوق وفرحه، وهي بادلته القبله المجنونه وهي مكسوفه.
وشالها ولف بيها وقال : بحبك يا معشوقتي.
وهي لفت ايديها حوالين رقبته وكانت بتضحك من كل قلبها.
ونزلها وحط حولين عينيها شريط اسود.
وقال: هاتي ايدك علشان في مفاجأه تانيه ويا حلاوه المفاجأت ومسك ايديها وهي ماشيه.
وبتقول : اي هي المفاجاه انا حاسه اني هقع أسر رد عليا.
واتفاجئت لما لاقت نفسها مرفوعه لان أسر شالها وقال : هششش انا شلتك اهه واول أما نوصل هنزلك، وفضل ماشي بيها شوى
وقال : انتي خسيتي كد ليه وزنك قل انتي مكنتيش بتكلي.
اسيا بغضب طفيف: والله دا على اساس اني كنت سمينه وانا معرفش انا في كل الأحوال جميله اصلا.
أسر بضحك: وانا مقدرش استغني عنك يا محبوبتي الجميله، في كل الأحوال هفضل احبك وكل يوم حبي هيزيد.
لفت ايديها حوالين رقبته وسندت على صدره.
وقالت : انا بحلم يا اسر معقول رجعنا لبعض، خايفه يطلع كان مجرد حلم جميل.
أسر : لا دا واقع جميل وان شاء الله تفضل حياتنا مغموره بالحب والسعاده، امنيتي في الحياه ان تفضلي بجانبي في كل لحظه، سأظل أحبك بجنوني وغيرتي وعنادي وعضبي وقلبي الذي امتلكتيه انتي.
ونزلها وبدأ يفك الشريط وبصت لتحت ولاقت ممر طويل مفروش وشموع محاوطاهم من كل اتجاه
ولقيت كرسيين وترابيزه ومفروشه بالورد الاحمر والشموع محاوطاها من كل اتجاه وفي اكل في الترابيه عشا رومانسي بقا وحاجه اخر حلاوه وادامها البحر وبلالين مكتوب عليها أسر يعشق اسيا.
شافت اسيا كل دا وحضنته وقالت : ياربي على الجمال كل دا علشاني بحبكككك.
بادلها أسر الحضن بحب.
وقعدوا يتعشوا وآسيا كانت طايره من الفرحه وهو فرحان لفرحتها وانه قدر يسعدها وبدأ يأكلها وهي تأكله وياكلوا سوا وفرحتهم لا توصف، وانتهوا من الاكل وجاء مجموعه بيعزفوا الجيتار وبداوا يعزفوا الجيتار ونزل أسر على ركبته مد أيده.
وقال: تستمحيلي بالرقصه الحلوه دي، ومدت اسيا ايديها في أيده ووقفوا وبداو يرقصوا رقصه رومانسيه في منتهي الروعه ولفت اسيا ايديها حولين رقبته وهو لف أيده حوالين وسطها والتصق جسدها بجسده وكان قريبين اوي من بعض ورفع اسيا وطلعت على رجله وكانت وقفه على رجله وهو بيرقص بها على عزف الجيتار وينظرون في عيون بعضهم بحب وبعد مده انتهوا من الرقصه .
وقال: تعالى معايا ومشيوا شوي في وسط الورد
،ولا قت كيكه كبيره اوي ومكتوب عليها
Happy birthday Asia🎂♥️
وغني لها وبدأت تقطع الكيكه واكلته وهو اكلها.
اسيا : أسر شكرا جدا انتي فرحتنيي اوي.
اسر وهو بيحط أيده على خدها : بحاول اعوضكم ي حبيبي 🥰 فرحتك هي فرحتي مفيش حاجه تغلى عليكي انا افديكي بروحي انتي حب حياتي الاول والاخير حب عمري انتي الي عرفتيني معني الحب ،وعرفتيني أن لا داعي للغرور، عرفتيني معني الحياه، دعينا نعيش اجمل لحظات حياتنا فالحياه لن تتكرر والايام لن تعود فقط يتبقى الذكريات لنترك لحظات جميله لنتذكرها.
اسيا استوب اكمل كلامك : فالحياه بسيطه جدا ، فلنعيش اجمل ايام حياتنا لنعيش كل لحظه لنسرق من العمر حياه قبل أن يسرق العمر اجمل سنوات حياتنا لنبتسم دائما.
أسر : ممكن طلب بقا.
اسيا : طبعا اتفضل.
أسر: ممكن تغني ليا اغنيه ارجعلى صوتك فيها تحفه كل كلمه الاغنيه بتقولها انتي بتغنيها من قلبك.
اسيا : حاضر.
وقعدوا على البحر وبدأت اسيا تغني وتقول :
حبيبي انا قلبي واجعني
انت عامل فيه ايه ؟
انت ساحرني ولا ايه؟
مكل الناس بتقدر تنسى تنسى
طب انا مش قادر انساك ليه؟
ارجعلي انا قلبي معك
مش قادر انسى هواك
يا حبيبي احلى ملاك
يا روح الروح ..
عندي امل كلي امل اشوفك تاني في حضني
وايه العمل ايه العمل ارجعلي تاني وخدني ..
انا تعبان من غيرك
لو عادي تسيبني لغيرك
انا والله اموت
ساكت ليه هتعمل ايه
يا مالك روحي وامري
شفت حصلي عشانك ايه
فرحني لو يوم في عمري
فين ايام ليالينا
والفرحة اللي في عنينا
لما بنكون لوحدينا
ودايبين في غرام ..
انا تعبان من غيرك
اسمعني وراضي ضميرك
لو عادي تسيبني لغيرك
انا والله اموت
واسر كان منسحر بجمال صوتها وبيسمعها وهي بتغني وعيونها مدمعه وهو عيونو دمعت وانتهت اسيا من الاغنيه.
وصفق وصفر ليها أسر وقال : اي الجمال دا سحرتني بصوتك!
اسيا : Merci 🥰
اسيا: انا بقي الي هطلب.
أسر: انتي تؤمري مش تطلبي.
اسيا: عايزه اتدرب على رقصه لينا نرقصها في فرحنا وتكون رقصه مميزه تعالى اعلمهالك.
ووقفت وهو وقف.
وقالت :في البدايه هنبدا الرقصه وانت بتمسك ايدي الاتنين كدا وبتشدهم وانا برجع بشكل دا وبعد كدا هنزل بجسمي على دراعك وانا برفع رجلي اليمين كدا وكانت بتمثل الحركه وهو بيعمل معاها، وبتنزل بجسمها وهو نزل معاها وخطف قبله وانصدمت اسيا وهو ضحك علي شكلها.
وقال: اعتقد ان الرقصه بقت كدا احلى قلب وش اسيا للون الاحمر.
أسر: مش هنكمل الرقصه بقا ولا ايه انا بقي الي هكمل الباقي وهعلمك رقص انما ايه هعجبك اوي.
ومسك أيدها لفوق وهي باقت تلف واختاروا رقصه جميله لفرحهم وبدأوا يشاركوا كل واحد برقصته لغيت ما ظبطوا الرقصه وكانت في منتهي الجمال والرومانسيه وقعدوا مع بعض يتكلموا ويهزروا لنصف الليل.
ومسكت اسيا فونها وقالت : يانهار ابيض احنا اتأخرنا الساعه باقت 2 بليل ماما زمانها قلقانه.
اسر وهو بيمسك ايديها وبيطمنها :متقلقيش انا عرفتها أننا هنسهر وهنحتفل زهقتي مني.
اسيا وهي بتمسك أيده: لا خالص انا مبسوطه اوي.
أسر: تعالي نتمشى على البحر واتمشوا على البحر وهما مشبكين أيديهم في بعض اسيا كان شعرها وفستانها بيطير مع الهواء.
وقفت اسيا فجأه قربت من أسر ولفت ايديها حوالين رقبته وهو لف أيده حوالين وسطها وتمايلوا يسارا ويمينا مع بعضهم
وقالت : "لم أكن احبك ولكنك أيقظت ما كان في صدري منذ سنين في سبات ، ماكنت لأريدك لكنك أنرت في روحي ما كان مظلما وأحييت ما كان ميتا ،
واخذت بيدي لطريق اضعته لم أكن احبك بهذا القدر ، لكنك بنيت لي بيتا في صدرك ، حيث انني لم اعد اجوب شوارع العزله بعد أن عرفتك واشتهيتها، لم أكن لأحبك ،لكنك انت من احببتني فيك".
أسر : انتي لقلبي حبا ،ولروحي حياه ،ولعيني اكتفاء وكل ما أريده أن تبقى في حياتي الى الابد.
أسر شالها ولف بيها وهي حضنته جامد وقال : بحبكككككك.
ولحد هنا خلص البارت دا انتظروا الحلقه الاخيره قريبا تفااااعل ي قمرات 🥰 تفاعلتكم وتوقعاتكم ورايكم يهمني جدا بحبكم كشيييررر 😊❤️( انتظروا البارت الاخير والخاتمه).
عايزه طلب صغنتوت ي جماعه الخير اخي مريض جدا يحتاج الي دعواتكم متبخلوش عليه بدعائكم بليز.
روايه كبرياء اسيا وغرور أسر ( عشقت كبريائها)
بقلم / بسمله صالح.
يتبع......
ربنا الشافى المعافى شفاء لا يغادر سقما ابدا عاجلا غير اجلا يآرب العالمين
ردحذف