 |
اسكريبت ضرة بدون علمي بقلم اية الموافي في موسوعة القصص والروايات جميع الفصول كامله وحصريه
اسكريبت ضرة بدون علمي بقلم اية الموافي في موسوعة القصص والروايات جميع الفصول كامله وحصريه
بإنهيار وهي بترمي الفازة اللي قدامها:
- انتِ ازاى بالبحاجة دي، جاية تقوليلي انك ضُرتي وعايزانا نحط ايدينا في ايد بعض علشان ناخد حقنا منه.
مضغط أحلام اللبانة ببرود وقالت:
- صدقيني دا مش وقت انهيارك خالص، جوزك اتجوزني ومقاليش انه متجوز، انا أصلاً معرفش هو متجوز مين فينا الأول بس أنا كُل اللي يهمني دلوقتي الفلوس اللي نصب عليا فيها بحجة انه هيعمل مشروع كبير وهو رايح يتجوز علينا التالتة.
اعدت نرمين بإنهيار على الكنبة وقالت بصدمة وهي بتلطم:
- دا واخد مني ال٥٠ ألف جنيه اللي ورثتهم علشان يعمل مشروع، جواز ايه اللي بتقولي عليه!
ضحكت أحلام بسخرية وقالت:
- طلعتي مغـ ـفلة زيي.
بصت عليها ميرنا بإنهيار وقالت بقهرة:
- انا عارفة ان مصطفى عينه زايغة بس مش لدرجة انه يتجوز عليا وينصب عليا.
قامت أحلام من مكانها بملل وقالت:
- هتحطي ايدك في ايدي ولا أكمل أنا الطريق لوحدي.
نظرات ميرنا اتحولت للحقد وقالت:
- هحط ايدي في ايدك، ورحمة ابويا لأندمه على اللي عمله فيا.
ابتسمت أحلام ابتسامة باردة وقالت:
- بحب اللي مبيسبش حقه.
_____________________________________
• عند مصطفى
كان قاعد في الكافية بخبث وقدامه كنزي وهي بتبصله بإحراج، اتعدل من مكانه وقال بغمزة:
- الجميل مكسوف من ايه؟!
اتحرجت أكتر وقالت:
- مش مصدقة ان كلها يومين وهبقى على ذمتك.
ابتسم وقال بمشاكسة:
- دا أنا اللي مش مصدق يا جميل.
بصت عليه بخوف وقالت:
- اوعدني انك عُمرك مهتخوني.
ابتسم بسخرية من غير ما تاخد بالها وقال بملل:
- أوعدك يا روحي اني عُمري مهبص لواحدة تانية غيرك لأن انتِ اللي في القلب.
مسك ايدها وقال:
- هو في حد يبقى معاه الجميل دا ويبص بره برضو؟!
ضحكت بإحراج وقالت:
- بطل تكسفني بقى.
ضحك عليها وقال وهو بيقوم:
- يلا لما اروحك.
ابتسمت بهدوء وقامت علشان يوصلها للبيت.
_____________________________________
بعد ما هدت ميرنا بصت على أحلام وقالت:
- هو نصب عليكي في قد ايه؟!
ضغطت أحلام على ايدها جامد وقال بغل:
- ١٥٠ ألف جنيه.
شهقت ميرنا وقالت بصدمة:
- دا ناصب عليا في ٥٠ ألف وهموت فيها.
بصت أحلام عليها بملل وقالت:
- ال١٥٠ ألف دول عادي بالنسبالي اقدر اجيب ضعفهم بسهوله، أنا بس اللي حارقني ان الطول الوقت دا كان مستغفلني وأنا زي الحمـ ـارة مأخدتش بالي.
بصت ميرنا للجنب التاني وقالت ببرود:
- يبقى اكيد هو اتجوزك انتِ عليا لان واضح عليكي انك غنية اوي وأنا زي ما انتِ شايفة اهو.
اتنهدت أحلام وقالت:
- احنا متجوزين بقالنا سنة.
وسعت ميرنا عيونها بصدمة وقالت بعدم تصديق:
- سنة بحالها متجوز عليا وأنا زى الحمـ ـارة مش حاسة.
ضحكت أحلام عليها وقالت:
- يعني أنا اللي فالحة يعني ما أنا برضو طول السنة دي محستش انه متجوز عليا ابن الوا*رمة.
ضحكت ميرنا على حالهم وقالت:
- مش هو اللي ذكي احنا اللي اغبـ ـية.
نفت أحلام كلامها وقالت:
- احنا اللي طيبين علشان كدا حصل فينا كدا.
يتبع
#ضرة_بدون_علمي
بقلم/ آية الموافي
#ضرة_بدون_علمي
البارت الثاني (اسكريبت)
بصت ميرنا عليها وقالت بقلق:
- انتِ متأكدة من اللي احنا هنعمله دا؟!
بصت أحلام عليها بملل وقالت:
- طالما انتِ خايفة اوى كدا هتنتقمي معايا ليه؟!
رفعت ميرنا راسها بكبرياء لفوق وقالت بشجاعة مصطنعة:
- ومين قالك ان انا خايفة؟! انا بس بقولك كدا علشان أتاكد من الخطة.
ضحكت بسخرية وقالت:
- اه طبعاً ما أنا واخدة بالي.
رنت أحلام الجرس فسكتت ميرنا بس وسعت عيونها بصدمة لما خرجت واحدة اقل ما يقال عنها انها جميلة.
اتصدمت أحلام هي كمان بس دارت تعيرات وشها، صفرت ميرنا بإعجاب وقالت:
- مين المزة دي.
بصتلها البنت بحيرة وعدم فهم بس أحلام قرصت ميرنا بغيظ وقالت بهمس:
- ايه مزة دي انتِ جاية تخطبيها دي هتبقى ضُرتك يا بنت الهبلة.
بصت عليهم البنت وقالت بنفاذ صبر:
- انتوا مين؟!
بصتلها أحلام وقالت بإبتسامة سمجة:
- احنا ضرايرك يا اختي.
بصتلها البنت بعدم فهم بس صرخت بعصبية وقالت لما أحلام زقتها ببرود ودخلت البيت:
- انتِ مين سمحلك انك تدخلي.
ابتسمت أحلام ببرود وهي بتعد على الأنتريه وقالت:
- وفري اعصابك على اللى جاى.
دخلت ميرنا هي كمان وقالت بتريقة وهمس وهي بتبص على نفسها:
- ليه حق يتجوز المزة دي عليا.
اعدت جنب صفاء وأحلام قالت ببرود:
- زي ماقولنالك قبل كدا، معاكي ضريرك مستقبلاً.
وقفت هايدي قدامها بعصبية وقالت بصوت عالِ:
- انتِ قصدك ايه؟!
اتنهدت أحلام وميرنا قالت ببرود:
- اكيد تعرفي مصطفى العشري.
بصتلها هايدي بتركيز وقالت بقلق:
- اه دا خطيبي انتِ مين!
طلعت أحلام اللبانة من شنطتها واكلتها وهي بتقول ببرود:
- وطبعاً قالك ان عُمره مهيخونك وهيحطك جوا عيونه وعُمره مهيبص لواحدة تانية ابداً لانك الوحيدة اللي مالية عينه.
خافت هايدي جدا لان كلامهم طلع صح وقالت:
- انتوا مين؟!
نفخت أحلام بملل وقالت:
- احنا مرتاته.
ايه!!، صرخة هايدى بصدمة وحطت ايدها على قلبها ومرة واحدة اغمى عليها.
شهقت ميرنا بفزع وجرت عليها، بس أحلام عملت بلونة باللبانة وطرقعتها وهي بتقول بسخرية:
- خرعة اوي.
فضلت ميرنا تخبط على وشها بالراحة علشان تفوقها بس مبتفوقش، بصت ميرنا على احلام وقالت بخوف:
- البت مبتفوقش لتكون ماتت.
يارب، قالت أحلام الكلمة دي بنفاذ صبر وراحت على المطبخ بعد ما اعدت تدور عليه، فتحت التلاجة وجابت ازازة ماية ساقعة وكبتها على هايدي ببرود.
فاقت هايدي بفزع وقالت بصراخ:
- انتِ غبيه.
ابتسمت أحلام بسماجة وقالت:
- انتِ اللي مستحملتيش وطبيتي ساكتة كنتي عايزاني اعملك ايه يعني؟!
قامت هايدي من مكانها وقالت بصراخ وعدم تصديق:
- انتوا كدابين مصطفى لايمكن يعمل كدا.
اتنهدت ميرنا بحزن وقالت:
- ياريتنا كنا بنكذب.
مسكت شنطتها وطلعت ورقة وقالت وهي بتديها لهايدى:
- دي قسيمة جوازنا.
مسكت هايدي الورقة وايديها فضلت ترتعش بخوف، بعد ما قرأتها دموعها نزلت وقالت بإنهيار:
- ازاى يعمل فيا كدا!
طبطبت عليها ميرنا وقالت بحزن:
- احمدي ربنا انك متجوزتهوش انتِ لسه في البر انما احنا لبسنا فيه واتنصب علينا كمان.
بصتلها هايدي بوجع وقالت:
- هو نصب عليكم كمان؟!
دموع ميرنا نزلت وهايدي فضلت تبكي بعنف، بعد شوية من الوقت قامت أحلام من مكانها وقالت:
- احنا مش جاين هنا علشان نمنع الجوازة هو كدا كدا معدتش يفرق معانا.
بصتلها هايدي بحيرة وقالت:
- اومال انتوا جيتوا هنا وقولتولي ليه؟!
نظرت أحلام لها بشر وقالت:
- علشان ننتقم منه.
بصت أحلام عليها بتركيز وقالت:
- موافقة تحطي ايدك في ايدنا وتنتقمي معانا؟!
فضلت هايدي تبصلها بتفكير وافتكرت كل وعوده الكذابة علشان يوقعها ويستغلها، افتكرت الألم اللي هي فيه دلوقتي بسببه وقالت بتوعد:
- مستعدة اعمل اى حاجة علشان اشوفه مذلول قدامي.
ابتسمت أحلام وميرنا بخبث وقالوا:
- أهلاً بيكي وسطينا.
يتبع
بقلم/ آية الموافي
#ضرة_بدون_علمي
البارت الثالث
نظرت ميرنا لهم وقالت بتردد:
- هو ايه فايدة اللي انتوا بتعملوه دا؟!
نظروا لها بملل وقالت أحلام ببرود:
- اللي احنا بنعمله دا أصلاً المفروض انتِ كنتي تعمليه من زمان، اى نعم كلنا متفقين ان مصطفى حقـ ـير بس ايه المنظر اللي انتِ بتظهري بيه قدامه دا!!
بصت ميرنا على نفسها بعبوس بعدين بصتلهم وقالت بجزن:
- اعمل ايه يعني مهو مشتكاش.
ضحكت هايدي بعدم تصديق وقالت:
- هو لازم يشتكي علشان تهتمي بمظهرك قدامه، شعرك المقصف دا ازاى سايباه كدا من غير ما يتقص .. وضوافرك المكسرة دي ازاى سايباها كدا وبشرتك البهتانة دي ازاى مش مهتمية بيها.
حست ميرنا بالإحراج فقالت أحلام:
- انتِ هتبقي الطرف الأساسي فينا علشان انتِ ليكي دور مهم اوي في الخطة دي.
اتنهدت ميرنا وقالت بغيظ:
- واشمعنا انا.
نفخت هايدي بضجر وقالت:
- علشان انتِ اكتر واحدة هو بيعد معاها، المطلوب منك انك تهتمي بمظهرك وتشيلي البوز الفقر اللي على وشك دا، فرفشي كدا وعلقيه بيكي علشان يقضي معاكي اكتر وقت ممكن وبعدها بقى انتِ عارفة هتعملى ايه.
اتنهدت ميرنا بملل وقالت:
- شوفوا انتوا هتعملوا ايه خلصوني.
بصت هايدي وأحلام لبعضهم بحماس واول حاجة عملوها انهم ودوها الكوافير علشان تقص شعرها وتعمل جلسة نضارة لوشها.
ميرنا بحيرة لأحلام وهي عاطية ايدها للبنت علشان تُبردها:
- انتِ بتعملي ايه؟!
مبصتش أحلام عليها وقالت وهي بتبص على موبايلها بتركيز:
- بطلب هدوم شيك اونلاين.
ضمت ميرنا بين حواجبها بإستغراب وقالت:
- وتطلبي هدوم ليه انا عندي كتير.
ضحكت أحلام بسخرية وقالت:
- وهو اللي عندك دي هدوم!!
رفعت ميرنا حاجبها وقالت بإستنكار:
- اومال ايه يعني؟!
رفعت أحلام حاجبها وقالت:
- حببتي انتِ كُل الهدوم اللي عندك نفس الاستايل الفرق بس ان الألوان مختلفة، كملت كلامها وهي بتقول بعدم تصديق:
- وبعدين هو ايه اللون الأخضر الفاقع اللي انتِ لبساه دا هو في حد لسه بيلبس اللون دا في العبايات.
بصت هايدي على ساعتها وقالت بإستعجال:
- خلصوا يلا بسرعة علشان كلها ساعة والبيه يوصل البيت.
بصت ميرنا على ساعتها وقالت بتأكيد:
- فعلاً عندك حق.
بصتلهم أحلام وقالت:
- كلها نص ساعة والهدوم توصل.
وقفت هايدي قدامها وقالت بتأكيد:
- زى ماقولتلك قبل كدا، اول مايوصل البيت ابتسمي بدلع واتكلمي برقة وقوليله وحشتني يا حبيبي.
بصتلهم ميرنا بتوتر وقالت:
- بس هو كدا مش هيشك لما يلاقيني بتدلع مرة واحدة.
بصتلها أحلام وقالت:
- قوليله انك عايزة تعيدى تجربة شهر العسل عادي، او قوليله انك زهقتي من مسؤليات البيت وعايزة ترفهي على نفسك وعليه.
اقتنعت ميرنا وقالت:
- فكرة برضو.
_____________________________________
• بعد ساعة
وصل مصطفى البيت بس استغرب لما شم ريحة برڨان حلو، دور على مصدر الريحة بس اتصدم ووسع عيونه بصدمة والحاجة اللي كانت في ايده وقعت
ابتسمت ميرنا برقة وقالت:
- وحشتني يا حبيبي.
قفل عينه ودعكها جامد وفتحها مرة تانية وهو مش مصدق نفسه، اتكلم اخيرا وقال:
- انتِ ميرنا.
ضحكت بدلع وقربت منه وهي بتقول:
- انت شايف ايه؟!
بص عليها بتركيز وقال:
- انا شايف واحدة مزة قدامي.
كانت هتتعصب عليه وتنفعل بس لحقت نفسها وقالت بعبوس طفولي:
- هو ايه اللي شايف قدامك واحدة مزة، قصدك يعني اني مكنتش مزة.
ضحك وقال وهو بيلمس شعرها:
- انتِ طول عمرك مزة بس اتغيرتي خالص.
ابتسمت وقالت:
- اتغيرت ازاى يعني.
بص عليها بإعجاب وقال:
- شعرك بقى مترتب اكتر ولابسة بيچامة جميلة وحاطة برڨان حلو، في اختلاف كبير اوى.
حست بالذنب علشان مكنتش مهتمية بيه ولا بنفسها قبل كدا بس نفضت الإحساس دا وقالت بحزن في عقلها الباطن:
- اوعي يصعب عليكي في اللي هتعمليه دا واحد ناصب عليكي في الفلوس اللي حيلتك واتجوز عليكي واحدة وبرضو ناصب عليها دا غير التالتة اللى كان مصيرها هيبقى نفس مصيرنا لولا اننا لحقناها.
بعدت عنه وطلعت العصير من التلاجة وقالت وهي بتصبه في الكاسات:
- غير هدومك وتعالى علشان نُعد مع بعض شوية.
ابتسم بحماس وقال:
- ثواني وجايلك.
اول ما مشي اتأكدت انه مش شايفها وطلعت حبوب الهلوسة من جيبها وقالت بضحك خبيث:
- استاهل بقى من اللي هيجرالك
يتبع
بقلم/ آية الموافي
#ضرة_بدون_علمي
اسفة على التأخير
البارت الرابع
فضلت ميرنا تضحك عليه وهي شيفاه بيتخيل حاجات مش موجودة، طلعت موبايلها وصورته فيديو علشان هتحتاجه لما يقوم.
فضل يهلوس لحد ما نام وبعد ما ميرنا اتأكدت انه نام اتصلت بهايدي وأحلام فيديو كول علشان تعرفهم.
ابتسمت أحلام بخبث وقالت:
- كدا اجه دوري انا.
ضحكت ميرنا وقالت:
- أنا مش مصدقة اللي احنا بنعمله دا.
اتكلمت هايدي بعد ما ضحكت وقالت بحماس:
- بالرغم من اننا بننتقم علشان اللي هو عمله فينا، بس انا مستمتعة باللي احنا بنعمله دا، انا حاسه اني في مغامرة.
ضحكت ميرنا عليهم وأحلام بصتلهم بملل.
____________________________________
• بعد شوية وقت
قام مصطفى من مكانه وهو حاسس بصداع رهيب في دماغه، قام من مكانه وخرج من الأوضة بإستغراب، بص على ميرنا اللي واقفة في المطبخ بتطبخ وقال:
- هو ايه اللي حصل؟!
اتصنعت الإستغراب وقالت:
- حصل ايه مش فاهمة؟!
بص في الساعة بإستغراب وقال:
- انا نمت امتى!
ضحكت ميرنا برقة عليه وقالت:
- انت يادوبك قومت من جنبي من هنا ودخلت اوضتك ونمت من هنا.
استغرب جداً بس بعدين تجاهل الموضوع وقال:
- يمكن كنت تعبان من الشغل ولا حاجة.
قربت منه وقالت بدلع:
- كدا تتعب نفسك للدرجة دي.
ابتسم ليها وقال بغمزة:
- انتِ خايفة عليا ولا ايه؟!
بصت عليه بعدم فهم وقالت:
- هو انت مش جوزي برضو.
ضحك عليها وقال:
- اصل يعني انتِ مكنتيش بتهتمي إذا كنت أنا تعبان من الشغل ولا لأ.
ولتاني مرة تقف مصدومة وتقول في عقل بالها:
- هو أنا للدرجة دي كنت هملاه!
فاقت من شرودها لما باس خدها وقال وهو بيمشي من قدامها:
- انا لازم امشي علشان ورايا حاجة مهمة تبع الشغل.
ابتسمت بسخرية لما مشي وقالت:
- شغل برضو.
______________________________________
• في الكافيه
كان قاعد بملل وهو بيبص في ساعته، وسع عيونه بصدمة لما لقى أحلام جايه عليه وقال بخوف:
- هي ايه اللي جابها دي.
حاول يداري نفسه بس هي خلاص كانت شافته، قربت منه وقالت بإبتسامة:
- معلش انا اتأخرت عليك علشان كنت لسه في الشغل.
بص عليها بإستغراب وقال:
- هو انتِ جيالي انا؟!
بصت عليه بإستغراب مصطنع وقالت:
- اومال جاية لمين يعني؟!
هز راسه وقال:
- انا قصدي هو احنا كنا متفقين اننا نيجي هنا؟!
بصت عليه بعدم فهم وقالت:
- في ايه يا مصطفى انت مالك غريب انهاردة؟! هو مش احنا اتكلمنا انهاردة الصبح واتفقنا اننا نتقابل هنا علشان نغير جو شوية؟!
رفع حاجبه بعدم تصديق وقال:
- لا مكنش انتِ!
رفعت حاحبها وقالت بضجر:
- مصطفى انا مش ناقصة هزارك البايخ دا دلوقتي علشان انا على اخري.
مردش عليها وطلع موبايله بس اتصدم لما لقى انه مكلم امبارح أحلام مش هايدي.
قام من مكانه وقال:
- انا رايح الحمام وراجع تاني.
ابتسمت أحلام بخبث وهي بتفتكر خطتهم امبارح
Flash back
بصت أحلام عليهم وقالت بخبث:
- مهمتك يا ميرنا انك تغيري اسمي من على تليفون جوزك وتخليه هايدي وتغيري اسم هايدي لأحلام ونبدل الخطوط انا وهايدي مؤقتا لحد ما ننفذ اللي في دماغي.
بصوا عليها بعدم فهم وقالوا:
- احنا مش فاهمين حاجة.
اتكلمت بمكر وقالت:
- هايدي هترن عليه بكره الصبح وتخليه يقابلها على الساعة ٦ كدا بعد ما يروح لبيت ميرنا، فميرنا هتبدل الأسامى بعد ما يكلم هايدى وتديله حبوب الهلوسة ونبدل احنا خطوط بعض.
وبدل ما هايدي تروح هي تقابله هقابله انا، وطبعاً اول مهيشوفني هيتصدم واول حاجة هيعملها انه يتأكد انه مكلم هايدي بس هيتصدم لما يلاقي اسمي انا اللي مكتوب.
وبالنسبة لما احنا نبدل الخطوط فهو هيرن على اسم هايدي وهي اللي هترد علشان هيكون معاها الخط بتاعي وهيتصدم لما هايدي تنفي ان هو كلمها من الأساس.
صقفت ميرنا بذهول وراحت باست دماغها وهي بتقول:
- دا ايه الدماغ الجامدة دى!
End flash back
رجع مصطفى من الحمام بملامح مصدومة، بص على أحلام بشحوب وقال:
- معلش يا أحلام انا لازم امشي علشان انا حاسس اني تعبان.
اتصنعت الخوف وقالت:
- مالك يا حبيبي انت كويس؟!
ابتسم بتصنع وقال:
- حاسس بصداع بس.
قربت منه وقالت:
- طب ما تيجي عندي البيت يا مصطفى.
بص عليها بتعب وقال:
- انا عارف اني مقصر معاكي ومبجيش البيت كتير بسبب ضغط الشغل بس اعذريني.
ابتسمت ابتسامة صفراء وقالت:
- ولا يهمك يا روحي.
يتبع
بقلم/آية الموافي
جميلة جداً جداً
ردحذف