 |
: انا حامل
قالتها شروق بفرحه وسعاده وهى ماسكه ايده ومش مصدقه
عمر ببرود : بس انا مش عايز عيال منك ياشروق
شروق ابتسامتها اختفت وقالت بصدمه : ع عمر انت بتهزر صح
عمر على نفس بروده : لاء مش بهزر دى حقيقه
شروق الصدمه زادت عليها وقالت : انت مبقتش تحبنى ياعمر
عمر لف وشه الناحيه التانيه وقال : انا متجوز ومعايا طفل ياشروق ومش هقدر أشيل مسؤوليه اكتر من كده
شروق بدموع وصراخ : متجوز !!!! اخرتها ياعمر تتجوز عليا بعد لما وقفت جمبك اول لما تقف على رجلك تبيعنى
عمر بعصبيه : انتى هتذلينى وبعدين انا كنت معتقد انك مش هتخلفى لانك اتأخرتى فى الخلفه عشان كده اتجوزت مانا مش هضيع حياتى عشانك
شروق مسحت دموعها بجمود وابتسمت بسخريه وقالت : فعلا مش هتضيع حياتك عشاني تمام ياعمر تمام ربنا يسعدك
كانت داخله الأوضه مسك إيدها وقال : راحه فين
شروق زقت ايده وقالت : هفضيلك الشقه علشان تجيب فيها مراتك وابنك ميصحش يبقا جواز فى السر كده
عمر : بس انا مش متجوز فى السر كله عارف
شروق ضحكت بوجع وقالت : كله عارف !!! ومين هما بقا
عمر : أهلك وأهلى ومراتى تكون بنت عمك
شروق مستحملتش وجع اكتر من كده زقته بكل قوتها وصرخت فى وشه وقالت : مش هسامحك ياعمر وهخليك تندم انا بكر"هك بكر"هك
قالت كلامها ودخلت الاوضه وهى بتعيط ولمت هدومها كلها وبدلت ملابسها بعد لما كان اسعد يوم فى حياتها بقا أتعس يوم لما عرفت إن اول حب فى حياتها بكل سهوله رماها
خرجت من الأوضه وشافته قاعد على الكنبه بجمود بصتله بسخريه وكانت هتمشى وقفها صوته
عمر : متبقيش زي الاطفال وتغضبى ياشروق
شروق بوجع : متخافش ياعمر ده هيكون طلاق علطول مش مجرد زعل عشان امحيك من مسؤوليتي
قالت كلامها وبصتله بعتاب وحزن وخرجت من البيت
عمر بضيق : مكانش ينفع اتكلم معاها كده
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 أستغفروووا
شروق وصلت بيت أهلها ورنت الجرس ووالدتها فتحت الباب
والدتها بصدمه : مالك ياشروق وايه الشنطه دي وفين عمر
شروق بدموع : فين بابا
والدتها : جوه ادخلى
شروق دخلت ووالدها خرج وقال : مالك ياشروق ايه ال حصل
شروق مسحت دموعها وقالت : كنتوا عارفين ان عمر اتجوز بسنت ومحدش قالى وكمان كنته مشجعينه
أهلها اتوتروا ومش عارفين يتكلموا
شروق بسخريع : متقلقوش عرفت كل حاجه عارفين وجعي من عمر حاجه ومنكم انتوا حاجه تانيه خالص بقا تساعدوه إن يعمل كده فيا فى بنتكم
والدها : كنا خايفين على مصلحتك و
قاطعته شروق وقالت بصراخ : خايفين عليا تدمروا حياتى
والدتها بتوتر : يابنتى احنا قولنا لما يتجوز مش هيكلمك فى الخلفه تاني وكمان تفضلى على ذمته وميحصلش طلاق ويبقى اسمك مطلقه
شروق : امممم بجد اقتنعت فعلا هى المطلقه كده مينفعش تعيش فى المجتمع بس دلوقتي عرفت بقا وهكون اسمى مطلقه فعلا
والدها بغضب : انتى اتجننتى عيشى حياتك واسكتي بقا كل البيوت بيحصل فيها مشاكل انتي ال هتخربى بيتك
شروق ضحكت بوجع : وانا مش هعيش معاكم اصلا وهسيب المحافظه خالص وهريحكم مني
والدتها : لاء متقوليش كده يابنتي احنا كنا خايفين على مصلحتك
شروق ضحكت وقالت : فعلا خايفين على مصلحتي انا مش هسامحكم ابدا ابدا
قالت كلامها وكانت خارجه وقفها صوت والدها ال قال : لو خرجتي من هنا وروحتي على مكان غير بيت جوزك اعتبرى إن ملكيش أهل
شروق خرجت من البيت ونزلت مشيت فى الشارع
والدتها : هتسيبها تمشى
والدها : لما مش هتلاقي مكان هترجع بيت جوزها وتعقل
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
شروق وهى ماشيه بشنطة هدومها وصلت رساله فتحتها وكانت من رقم غريب
(شوفتى نفذت وعدى ودمرت ليكي حياتك كلها وفى الاخر عمر بقا ليا انا وبس )
شروق اتوجعت ورمت التلفون بغضب وعصبيه فى الارض والتلفون اتكسر
كملت مشى بس اتصدمت لما شافت ال مكانتش متوقعاه
يتبع
ياترى شافت ايه وليه اتصدمت رأيكم فى البدايه توقعاتكم بقا♥️
شكرا على التفاعل يابنات❤️ البارت الثاني
شروق بصدمه : سيف !!!!
سيف كان شايل طفل صغير وراح عندها وقال باستغراب وذهول : شروق مالك وأزاى تمشى فى وقت زى ده لوحدك
شروق دموعها نزلت بوجع وقالت : انا تعبانه اووى ياسيف ومش لاقيه مكان اروحه دلوقتي
سيف بصدمه : ط طيب فين عمر وعمى ومرات عمى
شروق كانت بتعيط بس
سيف بحزن : اهدى ياشروق عشان خاطرى وفهمينى
شروق حاولت تهدا وقالت : عمر طلع بيخدعنى بس انا متصدمتش فيه قد ماتصدمت فى أهلى ال ساعدوه انا اتخذلت منهم كلهم
سيف بغضب مكتوم : عملك ايه الزفت عمر
شروق بسخريه : قول معملش ايه عمر اتجوز أختك ياسيف
عمر بصدمه : نور !!!
شروق : ايوه نور ال دمرت حياتى كلها
سيف بعصبيه : دى اتجننت عشان انا سافرت هى مشيت على حل شعرها وكمان اتجوزت فى السر
شروق بدموع : لاء متخافش ابويا سندى وضهرى هو ال وقف معاها لحد لما اتجوزت عمر
سيف بحزن : انا هجيبلك حقك منهم كلهم بس إهدى
شروق ابتسمت وقالت وهى بتحاول تغير الموضوع : ابنك ده ؟؟؟
سيف وهو ينظر الى الطفل النائم بابتسامه : ايوه إياد
شروق بتردد : ممكن أشيله
سيف بابتسامه : أنتى بتستأذنى اتفضلى ياشروق
شروق شالته بحنان وحب لأنها اتحرمت من الحمل سنين ويوم ماعرفت انها حامل يحصل كل ده
سيف بابتسامه : لسه زى مانتى بتحبى الاطفال
شروق وهى بتضم اياد بحنان وقالت : جدا جدا صحيح هى فين كلمته
سيف بحزن : توفت
شروق بزعل : لاحول ولاقوة الا بالله ربنا يرحمها انا اسفه مكنتش اعرف
سيف بابتسامه : ولا يهمك
سكت شويه وبعدين قال بتردد : تيجى معايا البيت
شروق بصدمه : نعم !!!!
سيف مسرع : هتفضلي فيه لوحدك وضع مؤقت لحد لما تشوفى هتعملى ايه وانا مش هبات معاكى فى مكان واحد هروح عند صاحبى
شروق بإحراج : بس
سيف : شروق انا مش هسيبك لوحدك كده ولسه لينا كلام مع بعض
شروق بقلة حيله : حاضر
مشيوا وركبوا تاكسى وطلعوا على البيت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروا
عمر بعصبيه : ازاى مش عندكم
والد شروق : انا قولت لما مش هتلاقى مكان تروح فيه هترجعلك
عمر : ومرجعنش ايه العمل بقا ياترى راحت فين
والدتها بدموع : احنا السبب اااااه يابنتي ياترى انتي فين
والدها : بطلى ندب بقا ده انا لو شوفتها هق"تلها فى واحده محترمه تسيب بيت أهلها
وجوزها وتهرب
عمر بغضب : مش وقته كلامكم ده مش هينفع اسألوا عليها كل قرايبكم هي مش ناقصه مصايب
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
شروق كانت نايمه على السرير وحاضنه اياد الطفل الذي لا يتجاوز عمره السنتين بعد لما طلبت من سيف أن يسيب اياد معاها رجعت بتفكيرها لخمس سنين
شروق بفرحه : سييييف
سيف يخصه : قطعتيلي الخلف فى ايه يا أخرة صبرى
شروق : عندى ليك خبر هيفرحك اووى
سيف : ايه هو
شروق : امممم عمر جاى يتقدملى النهارده
سيف بصدمه : ايييييه !!!!!!
شروق : مالك انت مفرحتش ولا ايه انت تعرف أن عمر ده كان دعوتى الثابته فى كل صلاه
سيف بغضب : عمر أخلاقه مش كويسه ياشروق انا حذرتك منه كتير
شروق بصدمه : انت ازاى طلعت بالحقد ده
سيف يصلها بذهول وقال : حقد !!!!
شروق بعصبيه : ايوه حقد انت طول عمرك بتكر"هه وعايز تطلع فيه كل الصفات الوحشه عمر مفيش احسن منه وانا هتجوزه
سيف بصلها بحزن وقال : انا اسف ربنا يسعدك
قال كلامه وسابها ومشى
شروق رجعت من تفكيرها ودموعها نزلت وقالت : كان عندك حق ياسيف عمر طلع أحقر انسان شوفته فى حياتى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
نور بغضب : انت زعلان عليها ليه ما تروح فى ستين داهيه
عمر بعصبيه : نوووور صوتك ميعلاش وبعدين شروق مراتى زيها زيك بالظبط وكمان حامل
نور بسخريه : صحيح موضوع الحمل ده حصل ازاى
عمر بحده : انتى مجنونه هو ايه ال حصل ازاى
نور بغضب : زعلان عليها اووى وعلى الحمل مش انت برضوا ال كنت بتحطلها حبوب منع الحمل عشان كده الحمل اتأخر اي نسيت المره دى لييه ولا انت غيرت رأيك وعايز تخلف منها بقا
يتبع
ايه رأيكم في كمية الصدمات دي كلها😂♥️تفاعل ياكتاكيتى
متنسوش ذكر الله ❤️
بقلمى #هاجر_العفيفى
دمتم في حفظ الرحمن 💚
تم
ردحذفتم
ردحذف