 |
رواية رساله ماسنجر البارت الثالث والرابع بقلم ايمان هنداوي في موسوعة القصص والروايات جميع الفصول كامله وحصريه
رساله ماسنجر
#الفصل_التالت
انتبهت ليه وبصيت جامد وانا قلبي هيقف من الخوف ورديت عليه *ايوه
وسط خوفي وافكاري سمعت صوت ضحكته بقيت مش عارفه هو بيضحك عليا ولا على شكلي ولا كميه الرعب لي هتنط من عيني
سمعت صوته لي بيرعبني أكثر
*بعد ٣٠دقيقه هتجيلك مكالمه من أحمد هيطلب منك تقابليه في كافيه
اياكي تروحي
بصتله بستغراب *اياكي ليه أن شاء الله انت هتتحكم في حياتي ولا ايه وبعدين هي دي المصيبه والفضيحه انا غلطانه فعلا اني تكلمت معاك
*هتندمي أشد ندم وقتها متلوميش غير نفسك
كنت لسه هرد عليه لقيته قفل وعملي بلوك بقيت قاعده محتاره ومش عارفه اعمل ايه بس كنت مراقبه الوقت لغايه بالظبط ما عدي ٣٠ دقيقه
ولقيت التلفون بيرن حسيت قلبي هيقف وكان رقم غريب
فتحت وسمعت صوت احمد
*رحمه عامله ايه
*بخير الحمدالله انت اخبارك ايه
*مال صوتك المهم انا عايز اقبلك ضروري انا هاجي من القاهره مخصوص عشان اشوفك
*جي ازاي هتيجي أمته بالظبط
*انا في الطريق جهزي نفسك عشان هقبلك في كافيه بسرعه يرحمه انا اعملك احسن مفاجأه
ملحقتش ارد عليه ولقيته قفل السكه بقيت قاعده على السرير بين حيره من خوفي من الكلام لي سمعته وعقلي لي بيحاول يقنعني ان كل لي حصل وهم وهبل
طب حتى لو هو كداب عرف ازاي المعاد بالظبط
رديت على نفسي طب ما يمكن بيخترع اي كلام وخلاص
محدش يعرف علم الغيب إلا ربنا
قمت وانا برمي لي حصل ورا ضهري وبجهز نفسي عشان اروح قابل احمد لي مشفتهوش ولا مره في الحقيقه أخرى فيديو كول
جهزت نفسي وتحججت اني رايحه اقابل صحبتي لي تعبانه ورحت الكافيه
كنت كل خطوه بمشيها حاسه اني هندم بس وقتها قولت لازم اثبت لنفسي ان كل لي حصل من شويه وهم وكدب.
رحت وقفت قدام الكافيه لقيت عربيه سوده وقفت قدامي ببص لقيت احمد كل لي جه في بالي انه قد ايه احلي من الصور
لقيته بيشورلي عشان أقرب من العربيه
قربت بفرحه وانا مصدومه انه طلع غني لا وكمان احلي من الصور__ قطع صوت تفكيري صوته
*رحمه
رديت بلهفه
*اه انت احمد صح
*ايوا عامله على فكره انتي احلي من الصور
رديت بفرحه *بجد
سمعت صوت ضحكته وهو بيفتح باب العربيه
*اه والله تعالي اركبي نتمشى بالعربيه شويه ونروح مكان ناكل فيه
ركبت وانا هطير من الفرحه *عشان تبقا بدايه النهايه *
لما ركبت حسيت ان فيه حد راكب ورا بس كنت بحاول اطمن نفسي اقول لنفسي دا بيحبني عمره ما يأذيني
لقيته بيبصلي وعلى وشه ابتسامه كبيره وبيديني نوع الشكولاته لي بحبها
*تفضلي اشترتهالك مخصوص لازم تكليها
بصتله بحب وفرحه ورحت بدون تفكير أكلها
*عجبتك
*اه جميله خالص
*طب كويس
حسيت ان دماغي بدأت تتقل ولقيت حد كأنه بيمسكني من كتفي
بصيت وانا عيوني بتقفل ورايا عشان القى شب شكله يخوف بيبصلي بفرحه
مسك ايدي جامد وبص على عروقي وكشف طرحتي وبص على وشم رقبتي
سمعت صوته بفرحه *دي طلعت من النوع الزهري
مكنتش عارفه ابعد عنهم
سمعت صوت تلفون احمد وهو بيرن فتح عليه وقاله
جهز نفسك وتأكد بس اني بعرف اختار صح طلعت زهريه زي ما قولتلك وهتساعدنا في فتح المقبره
المهم جهز الفلوس وكلم الكاهن لي هيقوم بعمليه الدبح
النهارده لازم الموضوع يتم
غمضت عيني وانا مصدومه ملي بسمعه وكل لي جه بالي شخص المقنع
نزلت اخر دمعه مني عشان من بعدها محسش بنفسي
غير وانا بفوق على كابوس
#الفصل_التالت
رساله ماسنجر
#الفصل_الرابع
فقت على صوت احمد وهو بيتكلم مع حد دقنه كبيره ولبس جلبيه متقطعه وماسك سكي***نه حسيت ان روحي هتتسحب مني
حولت احرك جسمي عشان بس اعرف اتصرف ولما فشلت حولت اركز مع كلامهم
*هتعمل ايه فيها
*انا تأكدت انها زهرية يعني دم*ها يفتح المقبره لما الساعه ١٢تيجي يكون القمر اكتمل وتتم عمليه الذبح
*خلاص تمام انا هكلم البص وشوف رأيه
*هو مش هيجي
*مش عارف بس احتمال ميجيش
لقيت احمد بعد ما خلص كلام بيحاول يقرب مني عشان يشوف انا فقت ولا لا حولت اكتم نفسي وخوفي لغايه لما يمشي غمضت عيني برعب وفزع
لسه بيقرب مني سمعت حد بينادي عليه
لما مشي كنت هعيط من فرحتي مكنتش عارفه هو كان ممكن يعمل فيا ايه
ولي هون عليا شويه ان جسمي بدا يفك
مكنتش عارفه افكر في ايه بس جة في بالي الشخص المقنع قعدت الوم نفسي اني مسمعتش كلامه واعيط على غبائي
لغايه لما سمعت صوت خطواتهم بيقرب مني غمضت عيني بخف
لقيت احمد والدجال ورجلين شكلهم يخوف
لما قربوا مني عملت تاني اغبى حاجة صوت وعرفتهم اني فايقه
سمعت صوت ضحك احمد وقعد يشاور عليا ويتكلم
*اغبى حد شوفته انتي ازاي بجد مستحمله نفسك لا والادهي من كدا ان فيه حد حذرك وانتي برضوا صممتي
بس اشربي بقا
رديت عليه بصدمه وانا بحاول اعافر من الرجلين لي بيحولوا يمسكوني
*حد حذرك وانت ايه عرفك
بصلي بضحك *معتش ينفع الكلام بقا
قعدت اصرخ واحاول اسحب ايدي من الرجلين
*لا كلمني مين لي حذرني
انت الشخص المقنع قول قول يا واطي
اخيرا عرفت أشد نفسي منهم جريت على أحمد ومسكت فيه قعدت أضرب فيه
*انت الشخص المقنع قول متكدبش
لقيته مسكني من رقبتي وكأنه هي*موتني
*لا مش أنا بس هموتك عشان تبقى تمدي ايدك عليا يا حلوة
كنت خلاص بطلع في الروح سمعت صوت حد كأني سمعته قبل كدا بصيت بصدمه اتجاة الصوت
وحسيت ان خلاص هموت من صدمتي
كان نفس الشخص المقنع لقيت احمد رميني على الأرض قعدت ابص عليه انا متأكده انه نفس القناع انا عمري منساه لا وكمان نفس الصوت اكيد مش بحلم يعني
لقيته قرب من احمد وضربه بالقلم
*ازاي تقرب منها يا كلب انت
*بس هي لي مدت ايدها عليا
*اول واخر مره انت فاهم
سمعت الدجال وهو بيتكلم
*ياله عشان الوقت ميعديش
لقتهم قربوا مني وشدوني بقيت بصوت على أخرى ومرعوبه بقيت ببص حوليا ملقتش غير صحرا والدنيا ضلمة جدا
وراجل ماشي قدامي قاعد يقول كلام مش مفهوم حسيت ان دي نهايتي
لقيتهم رموني قدام حفره كبيره و الدجال مسك سك*ينه كبيره
وبص على الشخص. المقنع
*ادبح***ها
رد عليه *لا متدبح**هاش اقط*ع ايديها الايمين مش دم*ها يكفي
*ايوا
*خلاص خلص دلوقت
بقيت هتصعر من الخوف ومن الرعب لقيت الدجال قرب مني وانا قاعده اصرخ على اخري والكلمة لي قاعده تطلع مني
*يا ماما يا ماما الحقيييييني
محستش بنفسي غير وراجل ضخم ماسك ايدي والدجال ماسك السك**ينه وقاعد يج**رح في أيدي
بقيت هتجنن من الوجع وصوت صريخي ملا المكان
ببص على الحفره لقيت نور فظيع بيطلع منها والمكان لي حوليا بقا دم
والدجال قاعد يتكلم بصوت مش مفهوم لغايه لما سمعته بيقول
*أتيت لك بالقربان فافتح لنا ما يجود في باطن الأرض
لقيته سكت فجأه وبص عليا وعينه مليانه سواد ورفع السك**ينه عشان تنزل على أيدي وتقط*ها بقيت حاسه اني هنصعر من الصدمه
بصيت على الشخص المقنع وفقدت الوعي
*هنعمل فيها ايه يا بص
*المهم الدنيا تمام ولا ايه انا اهم حاجة عندي المقبره
*تمام متقلقش
*خلاص لما تتأكد ان المقبره اتفتحت حد يبقى يلم الج**رح ويرميها قدام بيتها
*تمام يا بص
*******************
فقت على صوت صويت وضرب امي ليا وهي بتصوت ومش بتقول غير
*حرام عليكي فضحتنا ودمرتي سمعتنا اخوكي هيد***بحك
بصيت على امي وهي بتلطم على وشها وتخبط على جسمي
*مين لي عمل فيكي كدا ولا من عمايلك السوده
بصيت حوليا عشان استوعب انا فين من كثر الألم بقيت هتجنن لقيت كل الجيران حواليا
سمعت صوت واحده فيهم بتقول *يلهوي دا خوها قط***علها ايديها
رديت ست تانيه *تستاهل الا انتي متعرفيش هيا عملت ايه دا اخوها امبارح شال السكينه وبقا يجري في الشارع ويقول هدبحها
بس ارجع وقولك ياختي من عاميلها السوده دي عملت!!!!
*لو التفاعل كان كبير هنزل الخامس على طول
#رساله_ماسنجر
#ايمان_هنداوي
تعليقات
إرسال تعليق