 |
رواية رساله ماسنجر البارت الاول والثاني بقلم ايمان هنداوي في موسوعة القصص والروايات جميع الفصول كامله وحصريه
رساله ماسنجر
فتحت جروب * كائن جامعي * كعادتي اتفرج هما نزلوا بوستات ايه عن التنسيق الجامعي
وانا بقلب في الجروب لفت انتباهي بوست للأدمن
'حالتك ايه دلوقت بعد الثانويه ايه'
فتحت التعليقات عشان اشوف الشباب والنبات قالت ايه لقيت تعليقات كثيره
منهم لي كانت أجمل سنه في حياته وتاني لي تعتبر بداية الجحيم بنسباله
رحت معلقه وقتها وقولت ( بنسبالي كانت ازبل سنه)
مفيش غير ثواني ولقيت حد عاملي إشارة على الجروب
دخلت على طول اشوف مين لقيت اكونت اسمه ( المجهول)
بيقولي في الكومنت( تحبي تعرفي مستقبلك)
للحظه كدا جالي زهول وبعدين قولت مستحيل ادخل بس كان فضولي أقوى مني
وفعلا دخلت كلمته عشان تبقا بدايه الجحيم بنسبالي
:سلام عليكم
! وعليكم السلام
تنهدت بخوف وكملت كتابه
انا شفت رسالتك على جروب انك بتعرف المستقبل ممكن تقولي هيحصلي ايه
لقيته سكت شويه ومردش عليا
قولت اكيد دا حد نصاب من لي بيضحك على البنات عشان تدخل تكلمه وفضلت ألوم نفسي الأني غبيه
بس بعد فتره لقيته باعت رساله ليا بيقولي
برجك ايه
رديت عليه في أقل من ثانيه (العقرب)
وسنك
: عندي ١٩سنه وكملت ليه بقا هطلعلي بطاقة
رد عليا وقتها وقالي
أنتي الفتره دي خايفه اوي ومخبيه حاجة عن اهلك
لما بعتلي الرساله دي اترعبت الأني فعلا مخبيه حاجة عن اهلي ولو عرفوها مش بعيد يقتلوني
ولقيته بعتلي رساله تاني
تحبي اعرفك انتي مخبيه عن اهلك ايه!!
#الفصل_الاول
رساله ماسنجر
#الفصل_التاني
تحبي اعرفك انتي مخبيه ايه عن اهلك
انا لما شفت الرساله حسيت ان قلبي هيقف مبقتش عارفه اتصرف ازاي او اعمل ايه بس كل لي جه في بالي اني اعمله بلوك
لسه هعمل بلوك لقيت رساله منه فتحتها تعيطي
رديت عليه بسرعه *اعيط ليه هتعمل ايه
رد عليا *شوفي دا كدا
لقيته بعتلي صوره فيها اكونت اخويا
رديت عليه وانا بترعش *انت عايز ايه وايه هو السر دا لي انا مخبيه عن اهلي
*انتي هتستهبلي بس انا هقولك عارفه برنامج شات مجهول
غمضت عيني من الصدمه برنامج بقيت هتتجنن ازاي عرف كدا
*لا معرفش
*لا تعرفي وكمان عارفه احمد ولا متعرفهوش هو كمان
*أنت عرفت الحاجات دي منين
لقيته رد عليا بأموش ضحك
*مش بقولك لو عايزه تعرفي المستقبل اقولك انا حبيت اأكدلك بس اني اقدر أقولك ايه لي هيحصل في حياتك
ردت عليه وانا جوايا خوف رهيب *طب طب انت عايز ايه
*وانا هعوز منك ايه انا جي عشان افيدك وعرفك ايه هيحصل في مستقبلك بس
*طب انا مش عايزه اعرف
*ههههههههه خلاص معتش ينفع
اخدت نفسي ومع شده الرعب لي انا فيها فضولي كان أقوى مني كنت عارفه ان فضولي دا هيوديني في مصايب بس قررت اني أخوض التجربه
*طب انا عايزه اعرف ايه هو مستقبلي
قعدت مستنيه رده بفارغ الصبر
*انا محتاج اشوفك عشان اعرف احدد ايه لي هيحصل
رديت عليه بستغراب ::تشوفني
*اه اشوفك افتحي الكاميرا عشان اشوفك وشوف ايدك
وقفليها عشان انا حاسس انك هتمري بكارثه في حياتك ولازم. أحذرك منها
رديت بخوف وتردد *كارثه
**ايوا ولازم أحذرك منها ولو مش حابه تفتحي الكاميرا فأنتي حره وكوني على موعد مع فضيحه هتدمر حياتك
حسيت اني هموت من الخوف والرعب فضيحه وللأسف قدر الشخص دا وقتها يعملي غسيل مخ
*طب انا هفتح الكاميرا وهكون مداريه نص وشي
**لا كدا مش هعرف ايه لي هيحصل بالظبط لازم اشوف وشك كله ورقبتك وايدك
*بس دا مينفعش
**انتي لازم تلحقي نفسك
حسيت ان تفكيري وقف مبقتش عارفه انا هعمل ايه اكلمه فيديو كول ولا لا بس وقتها جه في بالي كلامه ازاي عرف اني كنت بنزل برنامج دردشه عشان اتكلم فيه براحتي وازاي عرف بموضوع الشب لي تعرفت عليه منه لا وكمان عارف اسمه ايه
وانا وسط تفكيري وصلني رساله منه
*قررتي ايه
رديت عليه بسرعه وانا للاسف بأخد قرار هينهي حياتي
*انا موافقه *
ملحقتش اغمض عيني لقيته بيتصل عليا كنت خايفه قوي ومتوتره بس قررت أنهى الحيره دي وافتح عليه
اتفجعت لما لقيت الشخص لي قدامي مغطي وشه ولابس قناع مخيف
وقتها مخدتش بالي انا كنت لبسه ايه بس وقتها كان لبسي مكشوف
من صدمتي من منظره وربي حسيت ان هيغمي عليا لغايه لما فقت على صوته
لي كان خشن وقوي جدا كأنه طالع من حفره
*عايزه تعرفي ايه الكارثه والفضيحه لي هتحصلك
انتبهت ليه وبصيت جامد وانا قلبي هيقف من الخوف
ورديت عليه*ايوه
#رساله_ماسنجر
#ايمان_هنداوي
تعليقات
إرسال تعليق