 |
اسكريبت فرصه تانيه بقلم هاجر العفيفى في موسوعة القصص والروايات جميع الفصول كامله وحصريه
: قولتلك اتجوز وخلصنى من الزن بتاع كل يوم ده
قالتها ناريمان بعصبيه وغضب
ريان بصدمه : زن !!!! بقا لما اطلب منك نروح للدكتور نشوف الحمل أتأخر ليه يبقى زن
ناريمان وقفت وقال بانفعال : ايوه زن من وقت لما اتجوزنا وانت كل يوم تقولى تعالى نروح للدكتور ونطمن انا مش عايزه اطمن ولا مستعجله اصلا ولو انت مستعجل اتجوز وريحنى بقا
ريان كانت صدمته فيها اكبر : انتى مش عايزه تخلفى منى يانريمان
ناريمان بحده : احسبها زي ماتحسبها بقا انا تعبت
قالت اخر كلامها ودخلت الاوضه ورزعت الباب بغضب
ريان اتعصب من كلامها وأتأكد أن هى فعلا اتغيرت بعد الجواز ومن ضمن القرارات انها متخلفش منه عشان تبعده عنها قام أحد مفاتيحه وخرج من الشقه بغضب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
رهف بهدوء : عمتى انا عملت ال قولتيلى عليه
سعاد : ماشى ياحبيبتى شوفى الباب بيخبط
رهف فتحت الباب وكان ريان دخل وهو متعصب
سعاد باستغراب : مالك يا ريان يابنى
ريان بضيق : مفيش
رهف بهدوء : اعملك حاجه تشربها يا أبيه
ريان : ماشى
رهف دخلت المطبخ وسعاد قالت : مالك ياحبيبى زعلان انت وناريمان صح
ريان بغضب مكتوم : الهانم مش عايزه تخلف انا طول حياتى بحلم ان يكون عندي طفل يشيل اسمى وهى رافضه نهائى حتى نروح للدكتور
سعاد بضيق : قولتلك يابنى هى مش من النوع ال تخلف وتشوف بيتها وجوزها و
قاطعها ريان : خلاص يا أمى انا مش ناقص تقطيم بالله انا جاى هنا عشان مضايق وعايز ارتاح
قاطعهم خروج رهف ال وضعت الشاى على الترابيزه وكانت هتدخل وقفها صوت ريان : راحه فين يارهف
رهف بإحراج : داخله جوه عشان تكونوا على راحتكم
ريان بابتسامه : لاء تعالى اقعدى معانا مفيش حاجه
رهف قعدت جمب عمتها
(رهف من وهى صغيره اهلها توفوا وعمتها هى ال ربتها وعلمتها وكانت عايشه معاها دايما طبعا ريان كان دايما فى سفر ورهف كانت بتحبه بس مبتظهرش بس هو اتجوز ناريمان زميلته وقال ان بيحبها)
ريان وهو بيشرب الشاى : ها بقا مروحتيش الكليه النهارده ليه
رهف : روحت وجيت بدرى
ريان : اممم مرتاحه فيها
رهف بابتسامه وهى بتحاول تغض بصرها عنه : الحمد لله مرتاحه جدا دايما اختيار ربنا لينا بيكون احسن
ريان : ربنا يوفقك يارب يارهف انتى تستاهلى كل خير
رهف : يارب شكرا
سعاد بابتسامه : يلا يارهف ساعديني نعمل الغدا عشان ريان هياكل معانا
ريان بابتسامه : ياريت يا أمى وحشنى الاكل البيتى اووى وبعدين قال بسخريه اصل الهانم دايما تطلب دليفرى
سعاد بابتسامه : عيونى ياحبيبى يلا يا رهف
اخدت رهف ودخلوا المطبخ
سعاد بهمس : زعلانه عشان شوفتيه صح
رهف اتنهدت بحزن : زعلانه عشان هو زعلان دايما بحب ليه الخير حتى لو مش معايا
سعاد بحزن : معلش ياحبيبتى كل حاجه نصيب والله
رهف بابتسامه مصطنعه : عارفه والله ياعمتى يلا بقا عشان منتاخرش عليه
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى المساء
ريان دخل الشقه وكانت ناريمان بتكلم صاحبتها فى التلفون ولما ريان دخل تجاهلته وكملت كلام عادى
ريان بصلها بغضب ودخل عشان يغير هدومه دخل الأوضه وفتح الدولاب يطلع الهدوم بس وهو بيطلع فى حاجه وقعت وهو نزل يجيبها بس اتصدم لما شاف برشام منع الحمل
ريان بصدمه : منع حمل!!!!
وقع من ايده بغضب وقال بصوت عالى : ناريماااااااان
ناريمان اتنفضت من مكانها بخوف
يتبع
شكرا على التفاعل يابنات❤️ البارت الثانى
ريان بغضب : ناريمااااان
ناريمان اتنفضت من مكانها بخوف واتصدمت لما شافته خارج من الأوضه وهو متعصب
ريان بعصبيه : بتاخدى حبوب منع الحمل بقا أنا نفسى فى طفل وانتى بتمنعينى من حقى أن أكون أب
ناريمان بعصبيه : اه مش عايزه أخلف منك ومش عايزه أخلف خالص انا حره انت مش من حقك انك تطلب منى كده
ريان كان مصدوم من كلامها بس قال بغضب وهو بيحاول يتحكم فى أعصابه : تمام ابويا الله يرحمه قالى عمرك فى حياتك ماتمد ايدك على ست وكمان لو الست دى مراتك وانا مش هكسر كلام ابويا بس هعمل حاجه واحده بس
ناريمان ربعت ايدها بسخريه وقالت : حاجة ايه
ريان : انتى طالق ياناريمان
ناريمان بصدمه : طلقتنى
ريان بغضب : ايوه طلقتك ومش عايز اشوف وشك ده قدامي تاني عشان معملش حاجه اندم عليها هتفضلى اكبر غلطه حصلت فى حياتى وهفضل ندمان أن ضيعت جزء من عمرى مع واحده زيك متستاهلش يلا غورى فى داهيه من وشى
ناريمان كانت مصدومه من كلامه وان طلقها هى مكانتش فاكره أن ممكن الموضوع يوصل لكده
ريان بتحذير : انا همشى بس الصبح لو جيت ولقيتك هنا متلوميش غير نفسك
قال اخر كلامها وبصلها بقر"ف وساب البيت ومشى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
ريان وصل بيت أهله وكان معتقد أن كلهم نايمين وخبط وهو عارف ان ممكن محدش يفتح بس اتفاجئ لما رهف فتحت وهى لابسه إسدال الصلاه وعليه خمار
رهف باستغراب : أبيه ريان انت كويس
ريان بهدوء عكس ال بداخله : ايوه كويس متقلقيش انتى فتحتى الباب متأخر كده ليه مش خايفه يكون حد غريب
رهف بابتسامه : انا اتأكدت من العين السحريه قبل لما افتح متقلقش
ريان وهو بيلعب فى شعره بحيره : هى امى نامت ؟؟ وانتى صاحيه ليه لحد دلوقتى
رهف بهدوء : عمتى صاحيه وبتصلى وانا كنت بصلى دلوقتى
ريان باستغراب : بتصلوا ايه ده مش ميعاد صلاه
رهف بتلقائيه : قيام الليل
ريان بدهشه : قيام الليل !! يعنى ايه ؟؟
رهف كانت تتكلم وعيونها فى الارض عشان غض البصر قالت بهدوء : قيام الليل ده فضله عظيم جدا بيكون من بعد صلاة العشاء إلى قبل صلاة الفجر بربع ساعه بس هو مش عدد ركعات محدده بس الرسول عليه الصلاة والسلام
ريان بابتسامه : عليه افضل الصلاة والسلام
رهف كملت وقالت : كان بيصلى ١١ ركعه مثنى ويسلم مثنى ويسلم وفى الاخر يوتر اهم حاجه الوتر بيكون ركعه واحده طبعا الوقت ده اجمل وقت الاستغفار والدعاء وقراءة القرآن لان ده افضل وقت الاستجابه
ريان بإحراج : اول مره اعرف الصراحه طب هو ينفع اصلى دلوقتى
رهف بابتسامه : اه طبعا لسه بدرى على الفجر
(ملحوظه رهف كانت بتتكلم معاه وهى واثقه أن عمتها بتصلى جمبهم فى الصالون يعنى هى موجوده عشان محدش يفتكر أن هى تتكلم معاه بدون حياء)
ريان ابتسم ودخل الأوضه بتاعته القديمه
ورهف اتكلمت بحيره : ياترى هو ايه ال حصل وهو جاى زعلان ليه
سعاد : رهف يارهف فين ريان
رهف : فى اوضته ياعمتى هيصلى
سعاد بتنهيده : اكيد نكدت عليه تانى الله يسامحها
رهف بحزن : ربنا يصلح حالهم يارب ياعمتى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
ناريمان بدموع : طلقنى ياماما طلقنى
والدتها فى التلفون : هو مجنون ده ولا ايه يعنى ايه يطلقك عشان الحمل والخلفه هو عافيه
ناريمان بغضب : معرفش اكيد شايفله واحده تانيه عشان كده عايز يخلص منى
والدتها : وانتى هتسبيه بالسهولة دى
ناريمان : لاء طبعا بس مش دلوقتى عشان اعرف ارجعه ليا تانى ويكون معايا زى الاول
والدتها بخبث : جدعه يابت
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى الصباح
ريان صحي من النوم وخرج وشاف أمه ورهف بيحضروا الفطار ومشغلين إذاعة القرآن الكريم ابتسم على الدفا ال شافه فى المكان ده
اتكلم وقال : صباح الخير
سعاد ورهف : صباح النور
سعاد بحب : نمت كويس ياحبيبى محبتش اقلقك امبارح
ريان بارتياح : الحمد لله حقيقى لما صليت قيام الليل نمت وانا مطمن ومرتاح جدا وكمان صليت الفجر
سعاد : ربنا يسعد ايامك كلها ياحبيبى
ريان ابتدأ ياكل وقال بهدوء : انا طلقت ناريمان وقررت اتجوز تانى
سعاد اتصدمت ورهف متقلش صدمه عنها
سعاد : ليه يابنى كده بس الأمور مينفعش تتاخد كده كان لازم تديها فرصه
ريان بسخريه : اديتها كتير وتعبت الصراحه كنت دايما بدى حب واهتمام واخد تجاهل وعدم مصداقيه فى الاخر اكتشف أن الهانم بتاخد حبوب منع الحمل
سعاد بحزن : لاحول ولاقوة الا بالله العلي العظيم
ريان : ودلوقتى انا قررت اتجوز واحده تستاهل الحب والاحترام ومستحيل ارجع ناريمان تانى
رهف كانت حزينه على حاله بس ساكته ومش عارفه ترد
ريان بتنهيده عميقه قال بتردد : ت تتجوزينى يارهف
رهف كانت بتشرب مايه وشرقت من الصدمه
يتبع
ياترى رهف هتوافق ولا لاء وناريمان ناويه على ايه توقعاتكم♥️
متنسوش ذكر الله ❤️
شكرا على التفاعل يابنات❤️ البارت الثالث
ريان بتنهيده عميقه وتردد : ت تتجوزينى يارهف
رهف كانت بتشرب مايه وشرقت من الصدمه
سعاد بلهفه وهى بتمسح على ظهر رهف بحنان : حبيبتى انتى كويسه
رهف هزت راسها بصدمه وسكتت
ريان بقلق : فيكى حاجه
رهف قامت وقفت وقالت بتوتر : ل لاء لاء عن أذنكم
دخلت تجرى على الاوضه وريان كانت مستغرب من فعلها
ريان : هى مردتش عليا ليه
سعاد بتنهيده : اتصدمت من كلامك ال صدمنا كلنا ايه الجديد عايز تتجوز رهف ليه
ريان بتوتر : هو أنا ممكن ادخل اتكلم معاها وبعدين اجاوبك على أسئلتك دى كلها
سعاد : لاء مينفعش انا هنديها هنا وتكلمها بس انا هكون قريبه منكم
دخلت وريان اتنهد وقام يستناها فى أوضة الصالون بعد وقت خرجت رهف وقعدت قدامه وهى عيونها فى الأرض بدون كلام
ريان اتكلم وقال بهدوء : انا عارف ان طلبى صدمك شويه بس انا فعلا متأكد من طلبى انا عايز اتجوزك يارهف
رهف رفعت عيونها وقالت : عايز تاخدنى بديل لطليقتك
ريان بسرعه : لاء والله اوعى تفتكرى كده انا امبارح بس اكتشفت أن كنت فى دايره ملهاش اى طعم ولا معنى انا مكنتش عايش انا اعجبت بشكل ناريمان بس لكن اتأكدت أن عمرى ماحبيتها عشان كده عايز اعيش من الأول تانى انا لسه مكبرتش عشان أدفن نفسى من دلوقتى
رهف بسخريه : واشمعنا انا
ريان : هجاوبك على كل الأسئلة لما توافقى
رهف بتنهيده : سيبنى افكر ممكن
ريان بهدوء : طبعا خدى وقتك
رهف قامت واستأذنت ودخلت اوضتها
ريان اتنهد وقال : يارب اكتبلى الخير
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
سعاد : وانتى عايزه توافقى
رهف بحيره : مش عارفه ياعمتى خايفه يكون لسه متردد ومش عارف هو عايز ايه عشان كده طلب يتجوزنى وبرضوا خايفه أن مديهوش فرصه واندم
سعاد : بصي يارهف يابنتي انتي عارفه انك بنتى ال مخلفتهاش وان مصلحتك عندى تهمنى زيك زي ريان بالظبط لو هتظلمي نفسك مع ريان بلاش يابنتى ولو انتي عايزه توافقى وهتلاقي أن ده صلاح ليكي وافقى وانا معاكى فى كل الحالات ولو اتجوزتى ريان وزعلك أو ظلمك انا بنفسى هقف ليه وهطلقك منه
رهف اترمت فى حضن عمتها وقالت بابتسامه : انا بحبك اووى ياعمتى
سعاد بحنان : وانا بحبك يانور عينى ها نويتى على ايه
رهف : هصلى استخاره وهشوف
سعاد بابتسامه : ماشى ياحبيبتى
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
هادى : واشمعنا رهف رغم أن هى كانت قدامك قبل ناريمان بكتير
ريان : تصدق لو قولتلك مش عارف انا دلوقتي حاسس ان مرتاح جدا عكس لما كنت عايز اتجوز ناريمان كنت حاسس بخنقه طول الوقت بس كنت بقنع نفسي أن بحبها وان لازم أتجاوز اي شئ عشانها بس من اول يوم فى جوازنا وأنا اكتشفت أن عمرى ماكنت بحبها وان كنت موهوم لما اتعاملت مع رهف اكتر حسيت أن فعلا دى هى ال تشبهلى انا عايز اعيش من جديد انا مش مجبر افضل عايش فى وهم الحب انا عايز احب بجد
هادى : نصيحه منى ياصحبى متاخدش خطوه ناحية رهف الا لما تتأكد الاول بلاش تظلمها معاك انت لسه خارج من تجربه بلاش هى تكون الضحيه ال فى قصتك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹اذكروا الله
فى المساء
ريان دخل البيت بتعب وهو بيفكر فى كلام هادى صديقه كويس جدا قاطعه صوت والدته ال قالت : حمد الله على السلامه ياحبيبى
ريان بابتسامه : الله يسلمك ياحبيبتى
سكت شويه وبعدين قال بتوتر : هى فين رهف
سعاد بخبث : مش هنا بتجيب طلبات من تحت
ريان كان لسه هيرد بس قاطعه صوت جرس الباب راح يفتح بس اتصدم لما شاف فى شاب غريب واقف وكانت مبتسم
ريان باستغراب : مين حضرتك
الشاب : احم انا كنت جاى طالب القرب من حضرتك
ريان بدهشه : فى مين ان شاء الله
الشاب بابتسامه عريضه : الانسه رهف
ريان بصدمه وغضب : مييين
يتبع
ياترى ايه رد فعل ريان وياترى رهف هتوافق ولا لاء توقعاتكم♥️
#فرصه_تانيه
بقلمى #هاجر_العفيفى
دمتم في حفظ الرحمن 💚
تعليقات
إرسال تعليق