مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية الصقر الجريح البارت الاول والثاني والثالث بقلم نوره عبد الرحمن في موسوعة القصص والروايات جميع الفصول كامله وحصريه 

رواية الصقر الجريح البارت الاول والثاني والثالث بقلم نوره عبد الرحمن في موسوعة القصص والروايات جميع الفصول كامله وحصريه 

رواية الصقر الجريح البارت الاول والثاني والثالث بقلم نوره عبد الرحمن في موسوعة القصص والروايات جميع الفصول كامله وحصريه 

الحمد لله رب العالمين💚

الصقر الجريح💓

في الريف

_انت مين وبتعمل ايه هنا..

= بألم ساعديني يابنت الناس انا بموت..

_اسرعت اليه ايه مالك…

=متصاوب وبنزف من الصبح..

_ياخرابي وانا هعملك ايه .. انت لازم تروح عند حكيم يداويك..

=لا لا حكيم لا هيقتلوني ..

_يامصيبتي انت هربان من ايه ومهبب ايه...ويقتلوك ليه.

= بتعب يابنت الاصول انت هتسيبين اموت وانت عماله تسألي..

_ لا بس انا مش عارفه اساعدك ازاي انا لورحت فاوقت اخوي مراته هتطين عيشتي…

=صقر ولم يعد يحتمل الالم عندك بوتجاز هنا…

_لا..اه.اه عند هنا مع الكركيب..

=صقر بتعب هاتيه وجيبي معاه سكينه..

_يامصيبتي سكينة ليه..

=صقر بنفاذ صبر يارب صبرني قومي قومي يابنت الناس انا عمال اموت ..

_حاضر اسرعت واحضرت ماطلب.

امسك السكينة من يدها وطلب ان تشعل البوتجاز الصغير..وضع السكينة عليه حتى اصبحت كتلة من الجمر…

_قالت وهي تراه يقلب السكينة ..هتعمل ايه بيهم …

=صقر مش انا اللي هعمل انتي..

_بخوف وانا هعمل ايه..

=هتطلعي الرصاصه من دراعي..

_بصدمه انا..لا لا مقدرش ..روح عند اي حكيم..بص هناك بعد بيتنا عند الطريق في بيت الحكيم عبده. روح اتعالج عنده..

=مقدرش قال بألم وارهاق..قولتلك هيقتلوني ..بصي يابنت الناس ساعديني والله مش هتندمي ربنا امر بالرحمه ..مابالك بواحد عمال يموت قدامك..

_بس انا مبعرفش ..

=متخفيش بصوت يكاد يختفى ..حاولي انا حياتي بين اديكي بصى انت هتطلعي الرصاصه واكوي الجرح كويس بالسكينه فهمتي ..

_ببسس اننا خايفه ..

=متخفيش بالله عليكي يابنت الناس انا مراتي وابني لوحدهم...ومش عارف هيحصلهم ايه..

_ بخوف هحاول..علمها كيف تكوي الجرح وتخرج الرصاصه.

اخذ شالهها ..

_بحده انت بتعمل ايه ..

=مش عاوز اطلع صوت ليحشر شالها  بفمه

ثم غرزت السكين التي تحولت لجمرة بذراعه برعب واخرجت الرصاصه وسط خوفها وصراخ الاخر المكتوم ..

_لتقول بسعادة طلعتها وهي تنظر اليه لتجده لا يتحرك ويتصبب عرقا..

=بخوف اقتربت منه تتحسس نبضه لتقول لنفسها الحمد لله لسه فيه النفس اخرجت شالها ومسحت العرق على وجهه ..لتقول الصبح طلع انا هعمل ايه بالمصيبه دي. هخليه هنا واللا اعمل ايه يارب ساعدني..انا هخليه بمخزن الكراكيب لحد ما يفوق..واطلع قبل محد يحس عليا …

اسرعت الى المنزل جهزت الفطار لاخيها وزوجته وابنائهم وبعد ان غادر اخيها الى عمله وزجته ايضا فهي مدرسه وودعت ابناء اخيها الصغار عندما ذهبو الى المدرسه..لتسرع اليه بخوف..

لتجده يتصبب عرقا..

_ده محموم يارب هعمل ايه...

اسرعت الى غرفتها لتجد حقنة تعطيها لابناء اخيها عندما ترتفع حرارتهم(( فقد تعلمت اعطاء الحقن وهي تهتم بالوالدتها التي توفيت.))

اعطته الحقنه وهي تضع الكمادات  على جبينه..

ذهبت بسرعه الى المطبخ لتعد الحساء له ...قبل ان يستيقظ لتصدم برجال يحاوطون المنزل …ووووو

يتبع.......

الصقر الجريح 💔 2

_ بحده انتو مين وعايزين ايه.

احد الرجال صاحبنا متصاوب وبحاله وحشه قوي ..ولقينا عربيته قريب من هنا..قولت يمكن شفتوه ..

_ لا ياخويا ماشفتش حد لتردف بحده طفيفة ..وبعدين ياخويا انا بنت لوحدي بالبيت ومش حلوه وقفتكم كده...واخويا مش موجود.دلوقتي.

الرجل  بحرج عدم المؤاخذة احنا اسفين هنمشي بس لو شفتيه اتصلي بينا على الرقم ده..

_ هو انت مش قولت صاحبكم متصاوب..

الرجل ايوا ..

_و يبقى اكيد لو لقاه حد هياخده عند الحكيم عبده بيته هناك بعد بيتنا بشويه على الطريق..

الرجل متشكرين ..

_ العفو ياخويا

دخلت المطبخ لتضع يدها على صدرها تتنهد براحه الحمد لله عدت على خير ..دول مش رجاله دول بهايم طول بعرض..يامصيبتي انا كان مالي ومال المشاكل دي.

حضرت الطعام وأخذته سريعا ..

_  انت فوقت..قوم كلك لقمه ترم بيها عضمك

=متشكر يابنت الاصول وقفتك مش هنساه ابدا.

_ لا متقولش كده الناس لبعضيها ياخويا..بعدين انا عاوزه اقولك على حاجه..بس متخفش

=اتفضلي..

_هما فيه شوية بهايم...قصدي رجاله جم يدورو عليك..

= بابتسامه اه منا شفتهم..وسمعت كلامك معاهم..

_ والله معاك حق تهرب منهم دول يخوفوا ..

= بس انا مهربتش على فكره ان متصاوب وجريح وهما معاهم سلاح..والكتره تغلب الشجاعه مش كده..

_ايو كده..مقصدتش ياخويا ازعلك..

= محصلش حاجه عشان ازعل...بس انتي تعرفي تكدبي..كويس لو مكنتش هنا انا نفسي كنت هصدقك..

_ اه ..شوفت خلتهم يبعدوا عن بيتنا ازاي..

=انتي فخوره قويي انك تعرفي تكدبي..

_لا مهو انت مش عارف..في كذبه بيضه..انا بكدب مرات عشان ولاد اخويا ..امهم متضربهمش..ومرات عشان متتعصبش عليا وتعمل مشاكل ليا..وكدبت النهارده عشانك..

=بس الكدب كدب مهما حصل ..وعلى فكره الكدب حرام..

_ أمي قالت لما تكذبي عشان تساعدي حد وتنقذي حياته تبقى كدبه بيضه.وربنا يسامحنا عليها...عشان نيتنا خير..

=بس انا مبحبش الكدب.

_يوووه يا عم انت عايزني اروح اندهلهم واقولهم تعالوا الراجل عندي هنا كانوا هيقطعوك..

=هههههههه لا لا وعلى ايه يابنتي ..انا بتكلم عشانك.

_متشكره ياسيد بس انا بكدب كدبه بيضه ومأذيش حد بيها..

=انتي زعلتي انا بهزر .

_ يا سلام انت بتهزقني ومش عايزني ازعل….ينهار اسود.

= بسم الله الرحمن الرحيم  مالك خضيتينى..!!

_مرات اخويا هتبهدلني لو رجعت ومالقتش الاكل جاهز هقوم احظره..

=استنى هنا ..

_عايز ايه بسرعه والنبي عشان الحق..؟؟؟؟

=عندك موبايل..؟؟

_ لا ..معنديش ليه...اه افتكرت استنى ابن اخويا عنده واحد وبيدهولي العب بيه بالليل اما ينام..

=تقدري تجيبهولي..

_اه هحاول بس مش دلوقتي عشان خدوه معاه...اه صحيح مقدرش اجي اطمن عليك لحد بالليل اما يناموا..انت عندك علبة الميه وده كيك عملته امبارح للعيال.. وده دوا مسكن للألم لو حسيت بحاجه وجعاك .سلام دلوقتي عشان احظر الاكل..عشان مش ناقصه مشاكل..

بقي يراقبها وهي تغادر بصمت..

مضى الوقت والشاب بقي نائما حتى شعر بها تدخل عليه..

_كنت نايم صحيتك..

=لا فايق بس مليت من القعده هنا مش متعود..

_معليش كلها كم يوم وهتبقى زي الحصان..

=انتي اسمك ايه مقولتليش..

_فتون اسمي فتون..وانت

=اسمك جميل قوي ورقيق..

_بحرج متشكره..

=انا اسمى صقر الشرقاوي..وهو يراقب ردت فعلها ..وكانت عاديه جدا..

_ اقدر اسىلك ايه هيا حكايتك.وهربان من ايه..

=هقولك بس مش دلوقتي..انتي متعلمه..

_ لا متعلمتش انا خلصت متوسط وبس..

= ليه..!!

_ عشان امي وابويا قالوا البنت مالهاش بالعلام..واخرتها على بيت جوزها واعيالها.

=امممممم وانت عندك كم سنه .

_عند تمنطعشر سنه . .

=انتي متجوزتيش لحد دلوقتي ليه..

_لااااا مهو انت مشوفتش العرسان عليا كده هو...بس اخويا قالي ..مينفعش اجوز دلوقتي واخلي عياله ..ومراته مدرسه تبقى مشغوله كل الوقت..

=اممممم وانت عادي معندكيش مشكله بده ..

_اه عادي...وانت مقولتليش عندك كم سنه..

=انا ياستي عند32 سنه متجوز وعند ولد جميل جدا ..

_ربنا يخليهملك..

=اه فكرتيني جبتي الموبايل معاكي..

_اه خد ياخويا كلمهم..

= بجد مش عارف اقولك ايه ..متشكر وربنا يقدرنا واردلك الجميل…

_ياخويا وانا عملت ايه..ربنا بعتك ليا عشان ليك عمر احمد ربنا ياخويا..

=الحمد لله..اخذ الهاتف واجرى بحثا على الانترنت ليصدم ويسقط الهاتف من يده …

_مالك ياخويا فيك ايه ..انت خشبت كده ليه ..شوفت ايه

صقر……..

الصقر الجريح 💔 3

صقر مراتي وابني ماتوا..

فتون بشهقه ياخرابي.. ربنا يرحمهم ويصبرك ياخويا

صقر ممكن تسيبيني لوحدي..

فتون ياخويا مش هينفع تبقى لوحدك بالوقت ده..

صقر بهدوء وجمود معلش سبيني لوحدي..

فتون حاضر ياخويا ربنا يصبرك..اخذت الهاتف من الارض وغادرت..

اليوم التالي صباحاً بعد ان ودعت فتون الجميع اسرعت واخذت الطعام له..

فتون باين عليك تعبان قوي .

صقر ….

فتون انت مانمتش مبارح..

صقر …..

فتون ربنا يرحمهم ياخويا ويصبر قلبك..بس ماينفعش اللي بتعمله بنفسك ده..

صقر بختناق عايزاني اعمل ايه.

فتون نعمه سمعت صوتك ياخويا انا قولت اتخرست قوم كولك لقمه واشرب كوباية الشاي اللي حضرتهالك .

صقر ماليش نفس يابنت الناس ..خودي الاكل معاكي.وروحي..

فتون ليه مابتاكلش ..هما هيرجعو بكده لا..ياخويا مش هيرجعوا..لوكان الميت يرجع ..كنا عملنا ايه.. عشان نرجع حبيبنا..بس دول راحوا عند اللي احسن مني ومنك عند ربنا..

صقر ونعم بالله بس..ابني ومراتي مره وحده اتكسر ظهري..

فتون ربنا يرحمهم ابنك بقى طير من طيور الجنه هناك عند ربنا.وبعدين بكرى هيشفعلك ..ياخويا بلاش تتعب نفسك وقوم كولك لقمه..عشان تخف بسرعه...وانا هروح اسخنلك الميه واجيب الحوض عشان تستحمى وتغير هدومك عشان اغسلهملك قبل مايجي حد…

صقر والله ماليش نفس..

فتون وعشان خاطري هو ماليش خاطر عندك والله ايه..

صقر خاطرك كبير عندي يابنت الاصول..

فتون بابتسامه انا هروح اجيبلك هدوم والميه واجيك القيك مخلص الاكل ده كله..

بعد فتره..

فتون دي قلابيت ابوي الله يرحمه مقدرتش اجيبلك من هدوم اخويا عشان ميحسوش عليا..القلابيه ديه غاليه عليا قوي اخر حاجه فضلالي منه ..خود بالك منها عبالي مااغسل هدومك وانشفها..عندك الميه والحوض استحمى واما تخلص اندهلي..

صقر اوما براسه..ممكن اطلب منك طلب كمان..

فتون اه اتفضل ياسي صقر ..

صقر ممكن تجيبيلي الموبايل اليوم كمان..

فتون اه حاضر بس بالليل عشان انت عارف..

صقر اه مفيش مشكله وشكرا على كل حاجه..

فتون العفو ياخويا...خلص واندهلي..

مر الوقت سريعا وحل المساء..

فتون اتاخرت عليك مش كده..

صقر لا عادي انت بتسهري دايما..كده..

فتون انا مبسهرش انا بنام بدري وافوق قبل الفجر بساعتين اصلي الفجر واشوف ورايا ايه واعمله.....

صقر همممممم.

فتون بضحك قالبيت ابويا قصيره عليك قويي.خد دي هدومك خبيتهم باوضتي عشان محدش يشوفهم..

صقر متشكرين ياست فتون..بتتريقي عليا..

فتون وانا اعمل ايه والله شكلك يضحك قويي.

صقر ضحك على ضحكتها الجذابه..تناول ثيابه منها متشكر غلبتك معايا..

قتون وعلى ايه ده اقل واجب..اه نسيت ده التلفون اللي طلبته..

صقر اخذ الهاتف والله معرفش اقولك ايه وقفتك معايا ولا اجدعها راجل..

فتون اكتفت بابتسامه..

وبعد لحظات كان صقر يتكلم بالهاتف ..

صقر اه عرفت كل حاجه بكرى تجيني من الصبح..

………

صقر انا عند ناس طيبه قوي .

…….

صقر العنوان.******

………

صقر مستنيك متتاخرش .يلاا سلام

اغلق الهاتف ..واعطاها اياها..

فتون بحزن يعني خلاص هتروح بكرى.

صقر انا لازم اروح قعدتي هنا مالهاش لزمه..

فتون ربنا معاك ياخويا انا هروح..وهجيلك الصبح اما يروحوا كلهم..

صقر راقبها بضيق وهي تغادر…

في الصباح..

غادر الجميع لتحظر فتون الطعام لصقر ..

فتون صباح الخير..

صقر صباح الخير.

فتون عامل ايه النهارده..

صقر كويس الحمد لله وكل ده بفضلك..

كانت تجلس على الارض مقابلة له وعيناها تراقبانه باهتمام فاليوم لاخر مرة تراه فيها ..هي نفسها لاتعلم لما تفعل ذلك..

صقر مالك يابنت الناس..

فتون هتروح كمان شويه..

صقر اه لازم اروح مش هفضل هنا على طول ..وجميلك هفضل شايله العمر كله..ليخرج من جيب سترته كرتاً..وبأي وقت لو احتجتي حاجه اتصلي عليا هنا هتلقيني عندك فظرف ساعه..

فتون اخذت الكرت متش .

قاطعهم دخول زوجة اخيها واخيها..لتهدر زوجة اخيها مش قولتلك يامحمود مش قولتلك شوف بعينك اختك الطاهره العفيفه بتعمل ايه..

فتون…….

صقر…...

يتبع.....

تكملة الروايه من هنااااااا