اسكريبت زواج لهدف اخر البارت الاول والثاني والثالث والرابع بقلم هاجر العفيفى في موسوعة القصص والروايات جميع الفصول كامله وحصريه
 |
اسكريبت زواج لهدف اخر البارت الاول والثاني والثالث والرابع بقلم هاجر العفيفى في موسوعة القصص والروايات جميع الفصول كامله وحصريه
: عايز تتجوزنى وانت متجوز انت بتفكر ازاى ده جنان
قالتها حنين بغضب وعصبيه
رائف ببرود : وانا قولتلك إن مش بحبها وبعدين والدك وافق اصلا يعني مفيش غيرك ال معارضه
حنين بعصبيه من بروده : انت معندكش مشاعر وبتحس زينا انت عارف كسر"تها هتكون عامله ازاى لما تعرف
رائف بسخريه : بلاش قلبك الحنين ده ملكيش دعوه بيها هى عارفه وموافقه
حنين بحده : انت انسان انانى وانا مستحيل اوافق على واحد زيك
رائف ببرود : هنوافقى غصب عنك
حنين بتحدى : لو وافقت هتندم يارائف انك فكرت فيا حتى
رائف بسخريه : ماشى عايز اندم اخر كلام كتب الكتاب بكره بليل كده كده هتوافقى سواء برضاكى أو غصب عنك
قال كلامه وسابها ومشى
حنين بغضب : ماشى يارائف هخليك تندم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
حنين بدموع : شوفتى أبوكى عمل فيا ايه باعنى لابن صاحب الشركه ال شغال فيها
رنا : بس انتي هتتجوزى على سنة الله ورسوله فين بقا البيعه دي
حنين بعصبيه : رنا متعصبنيش انتي كمان يعني انتي شايفه أن دي طريقة جواز ده هياخدني بشنطة هدومى
رنا : لازم تستحملى انتي عارفه ظروف ابوكي مش حمل مصاريف جهاز ولا غيره
حنين بدموع : وانا ال لازم أضحي طول الوقت حتى فى مستقبلى والراجل ال هعيش معاه باقى حياتى هيكون بالغصب وده كله عشان التضحيه طيب انا محدش فكر فيا
رنا : خلاص بقا يا حنين متكبريش الموضوع
حنين بصتلها بخذلان وسكتت لأنها عارفه أن اختها مش هتريحها دايما ضدها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بارك الله لكما وبارك عليكما وجمع بينكما في خير
قالها المأذون وبعدين استأذن هو والشهود ومشيوا
راضى قرب من بنته وقال : مبارك يابنتي
حنين بكسره وسخريه : الله يبارك فيك
والدها بحزن : انا
قاطعته حنين وقالت بجمود : مفيش كلام هيفرق تاني خلاص
رائف : مش يلا ولا ايه
حنين نزلت من غير كلام وحتى من غير ماتودع ابوها واختها ورائف استغرب سكوتها بس نزل وراها وركبوا العربيه واتحركو
رائف بسخريه : دى شكل عروسه كتب كتابها النهارده ده انتي راحه عزا بالمنظر بتاعك ده
حنين بانفعال ودموع محبوسه : انا مش ناقصه كلام منك دلوقتي بلا عروسه بلا زفت ده كله تم بالعافيه وغضب عني اصلا يبقا محدش يناقشنى تانى
قالت كلامها وهى بتحارب دموعها متنزلش
رائف سكت محبش يطول معاها وصلوا البيت وهى دخلت اول أوضة قابلتها بدون نقاش
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تاني يوم هي صحيت قبل رائف وقامت تصلى الضحى وبعدين قامت تقف فى البلكونه شويه عشان تشم هوا وفجأه سمعت صوت رائف
رائف : صاحيه بدرى يعني
حنين بشرود : متعوده
رائف لسه هيرد قاطعه صوت جرس الباب راح يفتح باستغراب مين ال جاي الصبح كده فتح واتصدم وقال : نيرره !!!
نيره دخلت وقالت بخبث : ايوه نيره قولت لازم اكون اول واحده واجي أصبح على جوزى واباركله
حنين دخلت من البلكونه : جوزها هو انتي تبقى
قاطعتها نيره وهى بتقول بغرور : بس كويس عرفت تنقى خدامه مش بطاله عشان تخدمني انا وانت
حنين اتصدمت من كلامها الجارح والقت نظرها على رائف ال واقف بدون رد فعل
يتبع
هتكون مختلفه إن شاء الله توقعاتكم ♥️
متنسوش ذكر الله ❤️
#زواج_لهدف_أخر
بقلمى #هاجر_العفيفى
شكرا على التفاعل يابنات❤️ البارت الثاني
نيره بخبث : مالك مصدومه ليه هو رائف مقالكيش ولا ايه
رائف بغضب : نيرررره امشى دلوقتى
نيره بدلع : ماشى ياحبيبى بس متنساش بقا تجيلى عشان عايزاك ضرورى سلام ياحنون
قالت كلامها وفتحت الباب وخرجت
حنين كانت واقفه ومبتتكلمش رائف قرب عليها ولمس إيدها وقال : حنين
حنين زقته وقالت بعصبيه : ابعددد عنى ملتمسنيش انت واحد حقيرررر ومستغل
رائف أتمالك أعصابه وقال : اهدددى واسمعى هفهمك
حنين ضحكت بسخريه وقالت : تفهمنى ايه ماكل حاجه من الأول واضحه انت اتجوزتنى بالإجبار استغليت ظروفنا وعيشتنا ده كله عشان ايه عشان ترضى ست الحسن صح عايزه اقولك إن عمرى ماهسامحكم ابدا على كسرة نفسى وقلبى فى اكتر يوم البنت بتنتظره انا بكر&هك يارائف بكر"هك
رائف كان بيسمع كلامها وغمض عيونه من وقع كلامها وفتح لاقاها دخلت اوضتها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
نيره بضحك : مشوفتيش منظرها كانت واقفه عامله ازاى
ريتال : يخرب عقلك طيب مخوفتيش من رائف
نيره بغرور : رائف ميقدرش يعملى حاجه اصلا
ريتال : بس إيه ال خلاكى توافقى على جوازه وانتى بتحبيه
نيره وهى بتشرب القهوه قالت : ومين قالك إن بحبه
ريتال بدهشه : بتهزارى !!!!
نيره ببرود : انا بحب فلوسه وبس اصل رائد فلوسه كتير
ريتال بخبث : اممم قولتيلي
نيره : يلا انا همشى بقا
ريتال : تمام
نيره مشيت وريتال ضحكت بخبث وقالت : خلاص يبقا نقرب احنا بقا ونستغل الفرصه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
حنين كانت بتبكي فى أوضتها بقوه ومش قادره تتنفس لأنها عندها ضيق تنفس حاولت تستعيد نفسها من تانى من الهوا بس شهقاتها كانت بتعلى اكتر قاطعها صوت تلفونها وكانت رنا اختها
حنين وهى بتحاول تكون طبيعيه : ا السلام عليكم
رنا : وعليكم السلام عامله ايه
حنين : الحمد لله تمام
رنا بغيظ : مالك ياحنين بتكلميني كده ليه
حنين بنفاذ صبر وتعب : رنا انا مش ناقصه دلوقتي
رنا بسخريه : قطعت لحظاتك الحلوه مع حبيب القلب
حنين بدهشه : رنا ايه ال بتقوليه انتي عارفه الموضوع كويس
رنا بخبث : مانتي ال غبيه فى حد يبقا معاه القمر ده ويضيعه بسهوله
حنين اتصدمت من كلام اختها وقالت بغضب : ايه الكلام الفارغ ال بتقوليه ده
رنا بحزن مصطنع : بتغيرى عليه مني
حنين بعصبيه : لاء بس ال بتقوليه ده قلة حياء واحترام انتي ازاى تسمحي لنفسك انك تركزى فى واحد غير محارمك انتي مجنونه فين الاحترام وغض البصر
رنا بسخريه : سبنالك الاحترام ياست حنين
حنين بعصبيه : سلام يارنا
قفلت معاها وهى واثقه أن المناقشه مع اختها بدون نتيجه ورجعت لحزنها تانى ونامت على السرير وغمضت عيونها بتعب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
رائف كان رايح جاي بحيره ومسك دماغه بتعب من كتر التفكير قاطعه صوت تلفونه وكانت ريتال صديقة نيره
رائف باستغراب : انتى مين ؟؟
ريتال بطيبه مزيفه : انا واحده وعايزه مصلحتك
رائف بدهشه : مصلحتى ؟؟
ريتال : ايوه انا عارفه كل حاجه عن حنين وماضيها كله ال عامله فيها المثاليه
رائف بغضب : انتى مجنونه انتى بتقولى ايييه
ريتال بخبث : والله لو عايز تعرف هبعتلك العنوان ال هتجيلى عليه بكره وتعرف كل حاجه
قفلت الخط وهو كان واقف مصدوم بس حاول يكون طبيعي ورمي التلفون وراح عند اوضة حنين وفضل يخبط عليها بس مكانش فيه رد وهو قلق عليها خبط بشده بس هى كانت قافله من جوه حاول كسر الباب وبالفعل نجح واتصدم لما شاف
يتبع
ياترى رائف هيقابل ريتال ولا لاء واتصدم وشاف ايه توقعاتكم♥️
متنسوش ذكر الله ❤️
#زواج_لهدف_أخر
بقلمى #هاجر_العفيفى
دمتم في حفظ الرحمن 💚
شكرا على التفاعل يابنات ❤️ البارت الثالث
دخل رائف أوضة حنين واتصدم لما شافها نايمه على السرير وفاقده الوعى جرى عليها حاول يفوقها مفاقتش شالها بسرعه ونزل يجرى على العربيه وطلعوا على المستشفى
بعد وقت وصلوا والدكتوره كشفت عليها
رائف بقلق : خير يادكتور طمنينى
الدكتوره : حالة اغماء بس ممكن تعمله التحاليل دى وتجيبها تانى ليا
رائف بخضه : ليه هو حضرتك شاكه فى حاجه
الدكتوره : لاء إن شاء الله مفيش اي حاجه بس زيادة اطمئنان ممكن بس تعملوها
رائف : تمام ممكن ادخلها
الدكتوره : اتفضل
رائف دخل وشاف حنين ووشها باين عليه التعب
رائف : عامله ايه
حنين بسخريه : متخافش لسه عايشه
رائف : حنين من فضلك مش وقته السخريه دى
حنين غمضت عيونها وقالت بتعب : وانا مش قادره اتكلم يارائف من فضلك
رائف : طب يلا عشان نروح
حنين هزت راسها بدون كلام ورائف قرب عليها وشالها
حنين بشهقه وصوت عالي : ايه ال عملته ده نزلنى
رائف بانزعاج : بسسس صوتك خرم ودنى اسكتتى
حنين بغضب : نزلنى
رائف ببرود : لاء واسكتي عشان والله هعمل تصرف مش هيعجبك
حنين بصتله بغيظ وسكتت وهو كتم ضحكته على منظرها وطلعوا على معمل تحاليل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
فى البيت
وصل رائف وفتح اوضتها ونيمها على السرير وهى كانت بتبصله باستغراب من أسلوبه
حنين باستغراب : رائف انت سخن ؟؟
رائف ؛ لاء ليه ؟؟
حنين : اصل انت كنت عايز تضربنى الصبح ودلوقتي بتعاملني كويس
رائف بضحك : ده انتى عشان تعبانه بس غير كده ليكي معامله تانيه
حنين بصتله وقالت : انت بتكرهني يارائف ؟؟
رائف وقف ضحك وقال : انتى معتقده كده
حنين رفعت كتفيها بقلة حيله وقالت : كل أفعالك بتدل على كده وكمان مراتك ال قالت إن انت متجوزنى عشان اكون خدامه ليكم
رائف بحده : مسمعكيش بتقولى كده تاني انتي ست البيت ده ومش كلام اهبل زي ده يخليكي تقولى كده انا مستحيل أكون متجوزك عشان كده
حنين بحيره ودموع : طب اتجوزتنى ليه ؟؟؟
رائف بتنهيده : بعدين ياحنين بعدين نامي دلوقتي بقا عشان ترتاحى وانا هروح احضر ليكي حاجه تاكليها عشان العلاج
حنين مسحت دموعها وقالت : انت بتعرف تطبخ !!!
رائف بغمزه : عيب عليكي ده انا اعجبك أوى
حنين ضحكت عليه بصوت عالى
رائف : احم انا هروح اعمل الاكل احسن
خرج من الاوضه وقفل الباب
حنين بتنهده : مبقتش عارفه يارائف انت بتحبنى ولا لاء
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
رنا بسخريه : اشمعنا ست حنين اول لما جالها عريس وافقت عليه ولا هى بنتك وانا من الشارع
محمد والدهم : عشان ال اتقدم لحنين انا واثق أن هو هيحافظ عليها انا عمرى ماهرمى بنتى كده
رنا بغيره : ده واحد متجوز يعني هيكون بيحب مراته الاولى اكتر منها
محمد : مستحيل يحصل انا عارف رائف كويس
رنا بسخريه : لاء حصل
محمد بعدم فهم : هو ايه ال حصل
رنا بكدب : حنين كلمتني وهى منهاره وبتقولى أن هو بيعاملها وحش ومراته جت وهو كان واقف معاها
محمد بصدمه : هى قالتلك كده
رنا بخبث : ايوه اومال هكدب يعنى
محمد بعصبيه : لازم اروح اشوفها بكره ولو فعلا كلامك صح انا مش هقعد بنتى على ذمته ساعه واحده
رنا ابتسمت بخبث وعرفت أن خطتها نجحت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تانى يوم
رائف كان نايم وصحي على صوت تلفونه وكانت ريتال
رائف بسخريه : نعمم
ريتال : هتيجي فى الميعاد صدقنى لو مجتش هتفضل مغفل باقى حياتك
رائف بغضب : احترمى نفسك واعرفى انتى بتكلمي مين حنين دي اشرف منك ومن ال زيك ومش هاجي فى مواعيد ولو حاولتى تقربي مننا صدقيني انا بنفسى همحيكي من على وش الأرض
قال كلامه بغضب شديد وقفل المكالمه فى وشها وقام عشان يطمن على حنين ال كانت صاحيه من بدرى
رائف : صباح الخير
حنين بهدوء : صباح النور التحاليل ال عملتها امبارح وصلت دلوقتى
رائف بقلق : طب أنا هروح للدكتوره
حنين باستغراب : دلوقتى !!!
رائف : ايوه دلوقتى
قال كلامه ودخل الاوضه يغير هدومه
بعد وقت كان عند الدكتوره وفى أيدها التحاليل
رائف بقلق : خير يادكتور
الدكتوره بتنهيده : الشكوك طلعت صحيحه زوجة حضرتك عندها كانسر فى المخ
رائف الصدمه ألجمته ومعرفش يرد
يتبع
توقعاتكم فى الجديد واسفه على التاخير وشكرا لدعواتكم الجميله♥️
متنسوش ذكر الله ❤️
#زواج_لهدف_أخر
بقلمى #هاجر_العفيفى
دمتم في حفظ الرحمن 💚
شكرا على التفاعل يابنات❤️ البارت الرابع
رائف دخل البيت وكان باين عليه الصدمه والحزن حنين قربت منه وكانت مستغربه
حنين بدهشه : مالك يارائف
رائف بصلها بحزن وقلبه وجعه عليها وقال : انتي كويسه صح
حنين بعدم فهم : ايوه كويسه الحمد لله مالك بقا انت كنت ماشى كويس
رائف حضنها بدون وعى منه وعيونه دمعت وكان بيضمها بشده
حنين رفعت إيدها وطبطت عليه بقلق : اهدا بس في ايه قلقتنى
رائف بعد عنها وقال بدموع : انتى مش هتسبينى صح
حنين بصدمه وتوتر : ا اسيبك ازاى يعنى فهمني
رائف بتنهيده وحاول يكون ثابت : حنين انا محتاجك جمبى متسبنيش
حنين بصدمه : بس
قاطعها رائف وقال : مش قادر افهمك حاجه دلوقتي بس كل ال عايزه منك إن متسبنيش
حنين بدموع : حاضر مش هسيبك
رائف ضمها بحب وبعدين سابها ودخل الاوضه
حنين كانت واقفه مصدومه من كل حاجه بتحصل وتغير رائف المفاجئ
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
رائف كان نايم على السرير وبيفتكر كلام الدكتوره
الدكتوره : حضرتك ده نصيب بس متقلقش فى علاج طبعا لانها فى مرحله اولى
رائف بأمل : بجد يادكتور يعني اقدر اساعدها أو اسفرها بره وتتعالج
الدكتوره : كل ال هيتم بره هيتم هنا مفيش داعي للسفر المهم تقنعها فى أقرب وقت تبتدي جلسات
رائف بحزن : يعني هي هتخف
الدكتوره بابتسامه : الامل فى ربنا كبير متيأسش
رائف وقف وقال بشرود : تمام شكرا لحضرتك
رجع من تفكيره وقال بإصرار : هفضل معاكى ياحنين لحد لما ترجعي احسن من الاول
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
نيره وصلت عند بيت رائف وكان هو مش موجود خبطت وحنين فتحت
حنين بعصبيه : ايه ال جابك هنا تانى
نيره زقتها وقالت بغرور : انا اجى وقت مانا عايزه ده بيت جوزى وانتي هنا خدامه وبس
حنين وقفت قدامها وقالت بغضب : ال يجي البيت ده يحترمه وانتي اصلا مش محترمه يبقا متدخليش هنا تانى مفهوووم
نيره اتعصبت منها ورفعت أيدها وكانت هتضربها بس لقت ال يمسك ايدها بغضب
نيره بصدمه : رائف !!!
رائف زقها وقال بعصبيه : جايه البيت وانا مش موجود عشان تضربي مراتى فى بيتها اقسم بربى انا لولا العشره ال كانت بينا كنت دفنتكك مكانك
نيره كانت واقفه مصدومه من كلامه وحنين بتبصلها بانتصار
نيره بغضب : بقا بتفضل عليا بنت الشوارع دي انت اتجننت يارائف صح
قلم شديد نزل على وشها من رائف والصمت كان سيد المكان
حنين حطت ايدها على بوقها بصدمه
رائف بغضب جحيمي : كلمه كمان منك وربنا هتندمى على ال هيحصل فيكي اطلعى برررره انتى طالق
نيره بغضب وجنون : ماشى يارائف ماشى بس متندمش على ال هيحصل فيك من بابى هخليه يدمرك ويدمر اسمك كله من السوق ومش هخليك تتهنى مع السنيوره كتير
رائف بصلها بقر*ف وقال ببرود : كل ال عندك اعمليه ولا يهمني يلا بره بقا
نيره بصتله هو حنين بغل وخرجت
حنين قربت منه واترمت فى حضنه وهو اتصدم من فعلها بس فرح وضمها اكتر
حنين بدموع : شكرا انك دافعت عنى يارائف انا عمرى ماحسيت بالأمان غير دلوقتي بس
رائف بابتسامه : وطول مانتي معايا هتكوني فى امان
حنين بثقه : وانا واثقه
رائف بتوتر : ممكن نتكلم شويه بعد الغدا
حنين : اكيد طبعا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ريتال بخبث : عايزينه يشك فى ست الحسن
الشخص : عايز تفاصيل عنها اكتر
ريتال : ال اعرفه انها اسمها حنين بس هعرف عنها اكتر وهقولك
الشخص : تمام وانا منتظرك
ريتال قفلت معاه وقالت بمكر : خلاص يارائف هتكون ليا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
حنين : ها بقا عايزني في ايه
رائف بتردد وحزن : كان فى موضوع مهم عايز اقولك عليه بس انا عايزك تكوني قويه وتفهمي ال هقوله
حنين : متقلقش يارائف انا بتفهم كويس اتفضل قول
رائف بارتياح نسبيا وقال بتوتر : انا روحت للدكتوره وقالت
قاطعته حنين وقالت بهدوء : وقالت إن عندي كانسر صح
رائف بصدمه : انتي عارفه !!!!
حنين بابتسامه وهدوء : من زمان يارائف
رائف اتصدم من رده فعلها
يتبع
تفاعل يابنات بقا توقعاتكم♥️
ومتنسوش ذكر الله ❤️
#زواج_لهدف_أخر
بقلمى #هاجر_العفيفى
دمتم في حفظ الرحمن 💚
يتبع ...انضم لجروب التليجرام ( هينزل فيه الرواية كاملة )اضغط هنا
مجمع الروايات الكامله والحصريه اضغط هناااااااا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا
تكملة الروايه من هنااااااا
تعليقات
إرسال تعليق