رواية الصغيره والأربعيني البارت 1_2_3_4_5بقلم الاء محمد في موسوعة القصص والروايات جميع الفصول كامله وحصريه اسكريبت الصغيره والأربعيني الفصل 1_2_3_4_5بقلم الاء محمد في موسوعة القصص والروايات جميع الفصول كامله وحصريه  |
سكريبت
#الصغيره_والاربعيني
بقلم الاء محمد
" نحتاج دائما من يخبرنا أن لوجودنا معني ."❤️
نزلت من التاكسي وهي لابسه نظاره و هوت شورت و بلوزه واسعه من فوقه وكانت رافعه شعرها كعكه لفوق فضلت واقفه لحد ما جي الراجل اللي معا مفتاح شقتها الجديده اللي هتسكن فيها من بعد ما رجعت من امريكا
الراجل بابتسامه .. يا welcome العماره نورت
هي بابتسامه رغم التعب .. thanks يا
الراجل .. عبده يا هانم خدامك عبده
هي .. شكرا يا عم عبده
عبده بابتسامه .. شكلك بتتكلمي عربي احسن مني
هي بابتسامه .. طبعا يا عم عبده هو عشان عايشه برا هنسا لغتي الام
عبده .. والله متاخذنيش بس اللي بشوفه غير كدا يا هانم
هي بابتسامه .. مش كل الناس زي بعض وانا حبه اتمسك بلغتي وبعدين ايه هانم دي انا اسمي فيروز
عبده .. عاشت الاسامي يا ست البنات اتفضلي شقتك اهي ولو عوزتي اي حاجه قولي يا عبده بس
فيروز بابتسامه .. شكرا يا عم عبده
دخلت الشقه كانت شقه كبيره و مفروشه وكل حاجه فيها زي الفل راحت سابت الشنطه بتاعتها وراحت فكة شعرها الاصفر وراحت بقت تتفرج علي الشقه و تتعرف عليها لحد ما وصلت ل عند البلكونه وكانت زي ما هي بتحب كبيره و كلها زرع كل حاجه كانت زي ما هي اختارتها حتي الفرش مفروش زي ما هي عوزه راحت داخله علي الحمام و بقت تاخد شور و مشغله موسيقي زي العادي بتاعها
عند بطلنا كان واقف في البلكونه بيشرب السيجاره بتاعته وهو واقف لابس شورت لفت نظره خيال في البلكونه اللي جنبه بس ملحقش يدقق فيه بسبب الصوت اللي جي من وراه
هي .. سفيان
سفيان بانتباه .. ايه يا جيجي
جيجي .. انا همشي عشان اتاخرت علي البيوتي هشوفك بليل تاني
سفيان .. اوكي يا جيجي
جيجي وهي بتبوسه من خده .. سي يو يا سيفو
مشيت جيجي وطبعا سفيان راح وصلها وقبل ما يقفل الباب سمع صوت موسيقى في الشقه اللي جنبه راح عقد حواجبه بستغراب وراح نده علي عبده
عبده .. ايو يا كابتن
سفيان .. ايه الصوت ده يا عبده
عبده .. اصل الشقه اللي قدامك سكنت يا كابتن
سفيان .. اممم ماشي يا عبده روح انت
نزل عبده و فضل سفيان واقف مكانه شويا وبعدين راح داخل وقفل الباب
عند فيروز طالعة من الحمام وهي بتنشف شعرها وراحت لابسه بيجامه ولسه هتنام لقيت الفون بتاعها بيرن فيديو كول
( الحوار مترجم بالعاميه )
المتصل .. بردو عملتي اللي فدماغك و نزلتي مصر يا فيروز
فيروز .. ماما ممكن تهدي شويا انا حبه اتعرف علي بلد بابا و اشوف البلد مش اكتر
الام سيلين .. وانا قولت لا مفيش نزول مصر وحدك
فيروز .. ماما بليز انا لسه وصله وتعبانه وعوزه انام اول ما هصحي هكلامك يلا باااي
وراحت قفله وسط صراخ سيلين راحت فيروز غمضت عيونها وراحت في النوم وبعد أربع ساعات كانت صاحيه كان الوقت ليل راحت قامت وطالعه برا ودخلت المطبخ وعملت ساندوتش و النسكافيه بتاعها وراحت قاعده علي الكرسي في المطبخ وبقت تاكل الساندوتش وراحت ماسكه الماج بتاع النسكافيه وطلعت البلكونه وبقت تشرب وهي واقفه وعيونها علي شكل السماء والقمر
عند سفيان كان لابس بنطلون جينز و قميص وكان طبعا حاطت من البيرفيوم بتاعه وراح لسه هيطلع برا الشقه افتكر أن هو نسي السجائر راح دخل البلكونه لقاها علي الترابيزه راح وطي اخدهم ولسه هيطلع راح شاف واحده واقفه في البلكونه اللي جنبه فضل واقف يبص عليها لحد ما نسي نفسه مفقش غير علي صوت الفون بتاعه راح رد و هو عينه عليها
سفيان .. الو
جيجي .. ايه يا حبيبي مجتش لي السهره هتبداء وانت لسه مجتش
سفيان .. جي يا جيجي
وراح قفل الفون من غير كلام تاني وعيونه عليها وبعد شويا كان نازل من الشقه وركب الموتسكل بتاعه وبقا يسوق بسرعه
عند فيروز خلصت النسكافيه بتاعها وراحت داخله جواء بقت تسمع اغاني وراحت اندمجت مع الاغاني وبقت ترقص عليها وهي بتنط لفوق و شعرها بقا يجي علي وشها وابتسامتها علي وشها
وصل سفيان النادي الليلي و بقا قاعد وسط صحابه و جيجي كانت معاهم طبعا راح اتكلم واحد
زين .. ايه يا دنجوان مش ناوي تغير
سفيان .. ايه عندك مزه ليا وانا معرفش
زين بضحكه .. اصل اول مره تطول مع واحده بشكل ده ايه نقول مبروك
سفيان .. لا ولا مبروك ولا حاجه كل الحكايه أن لسه مجتش اللي تخطفني
زين بضحكه .. مش ممكن بقا كابتن سفيان اللي موقع بنات الجيم في هواء ممكن يقع في يوم و يلاقي واحده تلمه
سفيان .. ايه تلمه دي ما تشوف كلامك يا زين ولا بص علي نفسك الاول ما الحال من بعضه
زين .. ياخي انا نفسي في واحده تعلمني الادب من اول وجديد اصل انا بعيد عنك متربتش
فضل زين وسفيان يضحكو مع بعض لحد ما السهره خلصت وكل واحد روح بيته وصل سفيان عند العماره اللي ساكن فيها وراح طالع بالاسنسير ودخل شقته ودخل غير هدومه وراح طالع البلكونه وعيونه بقت تبص علي البلكونه اللي جنبه
صباح يوم جديد نزلت فيروز وهي لابسه تيرنج رياضي و كوتشي و بقت تجري في الطريق المخصص للجري وهي كانت حاطه الهاند فري وبتسمع اغاني ولمه شعرها ديل حصان وبعد شويا كانت وصلت عند العماره اللي ساكنه فيها وراحت داخله في الوقت ده كان سفيان نازل و شافها بشكلها اللي يخطف راحت بصت لي وابتسمت وحيته برأسها وطالعه علي السلم بسرعه و سابت سفيان واقف مكانه لحد ما عبده واقف قدامه
عبده .. صباح الخير يا كابتن
سفيان .. صباح النور يا عبده مين اللي لسه طالعه دي
عبده بابتسامه .. دي السكنه الجديده اللي ساكنه قصادك يا كابتن
سفيان راح هز رأسه وراح طالع راكب الموتسكل بتاعه وهو شايف ابتسامتها قدام عينه وراح ساق بسرعه زي العادي بتاعه
تفتكرو ايه اللي ممكن يحصل بعد كدا 🤔🤷
سكريبت
#الصغيره_والاربعيني_2
بقلم الاء محمد
"ابتسم فهناك شتاء قادم وصباحات ممطرة."❤️
عدا اسبوع و سفيان كل يوم يصادف فيروز من غير اي جديد ولا حتي عارف يتعرف عليها بقا عنده فضول أن هو اللي يتعرف عليها عكس اللي كان بيحصل معا أن أي واحده هي اللي كانت بتيجي تتعرف عليه بس المره دي كانت غير كل مره فيروز كانت شاغله سفيان اووي لحد ما قرر أن هو ينزل يجري في نفس الوقت اللي هي بتجري فيه عشان يبقا عنده فرصه يتعرف عليها وحصل فعلا وبعد ما نزل لقاها هي كمان نزلت و كانت بتجري زي كل يوم وكانت حاطه الهاند فري وبتسمع اغاني وهي بتجري ومكنتش واخده بالها من سفيان اللي كان بيجري جنبها وبيحاول أن هو يلفت نظرها كان حاسس ان هو مراهق بحركاته بس فضوله كان قتله أن هو يتعرف عليها ومره واحده وهو بيجري وبيبص عليها راحت فيروز بصت عليه وراحت ضاحكه ليه راح سفيان واقف مكانه وهو كله أمل أن يتعرف عليها بس اللي حصل أن فيروز كملت جري وسابت سفيان واقف مكانه والابتسامه اللي كانت علي وشه انمحت لما هي سابته وكملت جري
سفيان بضيقه .. اي ده هو مش انا وقفت لي مواقفتش هي كمان
سفيان بقا مضايق من اللي حصل عشان هو مش متعود علي كدا كان علي طول هو اللي بيحصل فيه كدا أن أي واحده تواقفه و تحاول تكلمه
بعد شويا كانت فيروز طالعه من الحمام وهي بتنشف شعرها وراحت عملت النسكافيه وطلعت البلكونه وبقت تشرب الورد مياه لحد ما قطع عليها صوت الفون وكانت مامتها راحت ردت
( الحوار مترجم بالعاميه )
سيلين .. هترجعي امتي يا فيروز
فيروز بضيقه .. مامي انا مش صغيره وبعدين ارجع ازاي وانا لسه وصله مبقليش اسبوع
سيلين .. انتي ناويه تجننيني يا فيروز قصدك ايه مكملتيش اسبوع انتي ناويه تفضلي عندك لحد امتي
فيروز .. مامي بليز بلاش نتخانق انا هرجع بس مش دلوقتي اعتبري اني في رحله سياحيه
سيلين .. رحله سياحيه وانتي عايشه لوحدك في بلد غريبه وسط ناس معرفهمش
فيروز .. مامي حصل ايه لكل ده انتي عمرك ما كنتي كدا حتي وانا كنت في امريكا كنت قاعده لوحدي معملتيش كدا ليه
سيلين .. عشان كنت مطمنه عليكي انك جنبي لكن دلوقتي انتي بعيده عني وانا معرفش عنك حاجه
فيروز بتريقه .. قصدك جواسيسك مبقوش يوصلو ليكي اخباري زي الاول بس احب اريحك انا مش هرجع دلوقتي اوكي يلا ياااي
قفلت فيروز وهي كانت مضايقه من اللي حصل هي جت مصر عشان تتعرف علي البلد اللي ابوها كان علي طول بيحكي عنها ليها وهي صغيره
عند سفيان خد شور وراح طلع واقف في البلكونه وهو لابس شورت وكان مضايق من اللي حصل راح ماسك السيجاره اللي مش بيمسكها غير وهو مضايق بس راح لسه هيولعها لقها واقفه في بلكونتها وهي بتتكلم في الفون وكان باين أن هي مش واخده بالها منه راح رامي السيجاره ودخل جوا وغير هدومه وراح نزل ركب المتسيكل بتاعه وساق بسرعه
عند فيروز كانت قاعده زهقانه فا قررت أن هي تنده ل عبده تسئله علي اماكن تقدر أن هي تروحها عشان هي من وقت ما جت مصر وهي مخرجتش خالص وبعد شويا كانت غيرت هدومها واخدت شنطتها ونزلت كان عبده طلب ليها اوبر راحت ادته العنوان اللي خدته من عبده
عند سفيان وصل الجيم بتاعه وراح دخل اول ما دخل لقي زين قدامه بلبس رياضي
زين .. ايه يا دنجوان اخرت علي معادك النهارده
سفيان بضيق .. زين اخفي من وشي عشان انا مش طايق حد
زين .. الله حصل ايه يعني
صوت من وراء سيف .. ايه يا بوب اخرت ليه
سفيان بصوت كله عصبيه .. في ايه انت و هو هتحسبوني ولا ايه
زين راح بص علي سيف بستغراب عصبيه سفيان
سيف .. مالك يا كابتن انت تعبان
سفيان .. ابعد عن وشي يا ابن ايمان
وراح سابه ومشي وراح عند المكان المخصص للبوكس
سيف .. هي حصلت ابن ايمان
زين بضحكه .. تراهن أن اللي قلب حال خالك مزه ومش اي مزه اكيد واحده ايه فورتيكه
سيف .. بقولك ايه بلاش سفيان يا زين عشان نروح بسلام النهارده انا حابب احتفظ بواسمتي
زين بسخريه .. واسمتك تب يلا روح شوف اللي وراك وانا هشوف الصروخ اللي دخله دي
نزلت فيروز من الاوبر عند الجيم اللي خدت اسمه من عبدالله وراحت داخله وهي مبسوطه ان هي قدرة تروح مكان جديد غير شقتها اللي حفظتها وراحت اول ما دخلت لقيت واحد جي عليها
زين .. اهلا وسهلا اول مره تشرفينا
فيروز بابتسامه .. ايوا اول مره
زين .. اتفضلي معايا عشان اقدر اساعدك
دخلت فيروز وهي بتتفرج علي الجيم وكانت مبسوطه وسط نظرات اللي موجودين في الجيم
بعد وقت كانت فيروز بتدرب راح وصل سفيان جنب زين اللي كان عيونه مركزه مع المشتركه الجديده راح سفيان واقف وبقا يبص عليه
سفيان .. مالك متنح لي كدا
زين بهيام .. مهو لو تشوف اللي انا شايفه هتنح انت كمان
سفيان بقا يبص حوليه و هو بيتكلم .. اشوف ايه
راح عيونه شافت فيروز راح واقف تنح مكانه
سفيان بتوهان .. مين دي
زين .. دي مشتركه جديده بس ايه وتكه
سفيان فرح أن هو شافها في الجيم وكدا بقا عنده فرصه أن يتعرف عليها معنا كدا أن هي كمان جت هنا عشان تتعرف عليه فاق علي صوتها
فيروز .. كابتن لو سمحت
سفيان راح ضحك ولسه هيتحرك ليها راحت فيروز اتكلمت
فيروز .. كابتن زين ممكن دقيقه
سفيان واقف مكانه وهو مضايق اكتر من الاول من بعد ما هدي راح زين بص ل سفيان و غمز ليه
زين .. عن أذنك يا دنجوان اشوف الوتكه دي
زين راح ل فيروز وبقا يساعدها في التدريب وسط نظرات سفيان اللي كان هيولع مكانه
سفيان .. هو ايه اللي بيحصل ده بقا انا سفيان حتت بت صغيره تشقلب حالي كدا
عقل سفيان .. بس متقولش بت صغيره دي وتكه علي رئي زين
سفيان راح ضارب الجهاز اللي جنبه برجله وراح عند زين اللي كان واقف مع فيروز
سفيان .. زين تلفونك بيرن
زين .. بيرن ازاي و هو فاصل اصلا حتي شوف ولسه هيطلعو من جيبه
سفيان وهو بيتحكم في أعصابه .. زين الحق امك بتموت
زين بخضه .. ايه وبعدين ركز كدا وبقا يتكلم
زين يرفعة حاجب .. بتموت ازاي وهي ماتت من عشر سنين
سفيان بضيقه .. متفهم يا حمار انت
زين بسخريه .. طب متزقش كدا قول انك بترقني وانا هفهم
سفيان بسخريه .. بتفهم قوي يلا غور من وشي
كل ده و فيروز كانت مركزه في التدريب بتاعها و حاطه الهاند فري ومش مركزه معاهم اصلا بعد شويا لقيت الجهاز وقف راحت شالت الهاند فري وبقت تبص علي اللي واقف الجهاز
فيروز .. في حاجه
سفيان وهو مركز في عيونها .. في حاجات وعيونه كانت عليها
فيروز بستغراب .. نعم
سفيان برزانه .. انا الكابتن اللي هتابع معاكي التدريب عشان كابتن زين الجدول بتاعه مليان
فيروز بابتسامه .. اوكي مفيش مشكله
سفيان بابتسامه راح مد أيده .. سفيان
فيروز بابتسامه .. فيروز
واديهم لمست بعض وعيونهم اتقبله بس سفيان كان زي المسحور واديها كانت التعويذه فضل سفيان يساعد فيروز في التدريب وسط تعارفهم لبعض وبعد وقت كانت فيروز تعبت من التدريب
فيروز بتعب .. كفايه كدا انا تعبت اوي النهارده
سفيان بابتسامه .. اوكي كفايه نكمل بكره
فيروز وهي بتبص عليه وشعرها كان بينزل علي عيونها .. شكرا اووي يا كابتن
سفيان .. مش قولنا سفيان بلاش كابتن
فيروز .. اوكي يا سفيان يلا همشي انا بقا
سفيان بسرعه .. تحبي اوصلك
فيروز .. مفيش داعي وكمان مش عوزه اعطلك
سفيان .. لا ولا عطله ولا حاجه وبعدين احنا طرقنا واحد
فيروز بستغراب .. ازاي طرقنا واحد
سفيان بضيقه خفيفه .. واضح انك مش واخده بالك ان احنا ساكنين في نفس العماره
فيروز بتفاجا .. بجد
سفيان .. ايوا بس غريبه أن انا عرفتك وانتي لا
فيروز بتلقائيه .. اصل انا مش بحفظ وشوش الناس بسرعه غير لو اتعملنا مع بعض كذا مره
سفيان .. لا من حيث كدا يبقا هتحفظي وشي بعد كدا محنا ساكنين في نفس الدور و كمان مع بعض في نفس الجيم ولا ايه
فيروز بابتسامه واستغراب .. اكيد
سفيان .. اوكي يلا عشان نمشي
فيروز .. اوكي هغير هدومي واجي
وراحت ماشيه راحت المكان المخصص لتغير الهدوم وسفيان راح علي زين اللي كان واقف عند جهاز مع واحده بيدربها
سفيان .. زين انا همشي خالي بالك من سيف سلام
سفيان مستناش ان زين حتي يبص عليه وراح داخل المكان المخصوص بتاعه عشان يغير هدومه بسرعه وسط نظرات زين و سيف اللي جي واقف مع زين وبعد شويا كان سفيان بيفتح الباب ل فيروز و علي وشه ابتسامه جميله
سيف بفضول .. هو رايح فين
زين بضحكه .. مش بقولك الحكايه فيها مزه بس المره دي واقع واقف البت ايه جاامده وشكلها مش مصريه اصلا
سيف .. عشان كدا قالي يا ابن ايمان بس حقه علي رئيك المزه جامده احسن من جيجي
زين .. لي السيره دي شوفت حضرت ازاي يلا علي شغلك خلي اليوم يعدي
سيف مخدش باله من كلام زين غير لما سمع صوت واحده جي من وراه
جيجي .. هااي يا كباتن امال سفيان فين هو مجاش ولا ايه
زين و سيف مع بعض .. جيه/ مجاش
جيجي بستغراب .. هو ايه اللي جيه و مجاش هي فزوره
سيف .. طيب يا زين انا عندي تدريب يلا سلام
جيجي ل زين .. في ايه انتو مخبين عليا حاجه
زين .. هنخابي ايه وبعدين تلفونك في ايدك اتصلي ب سفيان واعرفي مجاش ليه بس لو اتعصب عليكي انا مليش دعوه سلام عشان ورايا شغل
وراح سابها واقفه مكانها وهي مش عارفه تعمل ايه ولا تتصرف ازاي لحد ما قررت أن هي
تفتكرو جيجي هتعمل ايه
وايه رئيكو في حركات الدنجوان و ممكن يوقع فيروز ولا العكس اللي هيحصل
وايه رئيكم في زين و ابن ايمان اقصد سيف 😂
لايك بقا وكومنت عشان نكمل و شكرا علي التفاعل الجميل بجد خليتو لينا نفس اكتب تاني بعد ما كنت فاقده الشغف والامل اني ممكن اكتب تاني ♥️
سكريبت
#الصغيره_والاربعيني_3
بقلم الاء محمد
لست شخصاً صعب الفهم
ولكن نادرون الذين أشعر معهم بالراحة ."❤️
سفيان طلع هو و فيروز من الجيم وكانو بيتكلمه مع بعض لحد ما سفيان وصل عند الموتسكل بتاعه وراح واقف وماسك الخوزه بتاع الحمايه عشان يديها لفيروز
فيروز بصدمه .. ايه ده
سفيان .. البسيها عشان اوصلك
فيروز وهي مصدومه .. هو انا هركب علي ده وكانت بتشاور علي الموتسكل
سفيان بابتسامه علي شكلها .. ايوا عندك مشكله
فيروز .. انا اول مره اركبه و خايفه بصراحه مجربتوش قبل كدا
سفيان .. لا انا مقدرش اركب غيره بحس اني طاير وحر مش العربيه بتبقا خانقه يلا هيعجبك اووي
فيروز راحت اخدة منه الخوذه بتردد وبقت تلبسها وهي قلقانه عشان اول مره تجرب حاجه زي كدا وبعد وقت كانت راكبه وراء سفيان اللي كان بيضحك عليها وهي ماسكه فيه جاامد
سفيان وهو بيسوق بسرعه .. متخافيش قومي و افردي ايديكي وانتي هتحسي انك طايره
فيروز بخوف .. لا اخاف اقع
سفيان بضحكه .. متخافيش قومي جربي و انتي هتحسي انك حره
فيروز فضلت ماسكه في سفيان وهي خايفه لحد ما بقت تشجع نفسها وبقت تحاول تقف مكانها وبقت حاطه اديها علي كتاف سفيان بخوف لحد ما اتشجعت وبقت تسيب ايد وبقت تفردها في الجو
سفيان بتشجيع .. متخافيش انا معاكي
فيروز اول ما سفيان قال كدا راحت فرده اديها التانيه وبقا الهواء يطير شعرها و هدمها لوراء بقت تضحك من قلبها وكانت اول مره فيروز تجرب حاجه مجنونه زي كدا وفعلا حست أن هي طايره زي ما سفيان قال وبعد وقت كان سفيان واقف قدام العماره ونزل من الموتسكل وقف قدام فيروز اللي كانت بتشيل الخوذه وهي بتضحك
فيروز بابتسامه .. بجد شكرا يا سفيان علي التجربه المجنونه دي
سفيان .. لازم تبقي اقوي من كدا مفيش حاجه تستاهل الخوف ده كله
فيروز ابتسامتها بقت تختفي .. شكرا علي التوصيله كمان تعبتك
سفيان بابتسامه .. مفيش تعب المشوار واحد
وراح شاور ليها ان هي تمشي وراح ماشي معاها لحد الاسنسير وراح ركبو فيه مع بعض وسط نظرات سفيان اللي كانت عليها وهي واقفه مش واخده بالها راح الاسنسير وصل عند الدور بتاعهم
فيروز .. شكرا مره تانيه يا كابتن
سفيان وهو مش عايز الوقت يخلص ويفضل معاها
سفيان .. مفيش شكرا بينا احنا مش بس جران لا وأصحاب كمان سفيان قال اخر كلمه وهو مد أيده ليها ش
فيروز بابتسامه .. اكيد طبعا وراحت مسالمه عليه
سفيان بترقب .. حيث كدا بقا انا جعان ايه رئيك اعزمك علي الغداء
فيروز بتفكير .. بس
سفيان بتسرع .. منغير بس انا زهقت من الاكل لوحدي واكيد انتي كمان يلا خدي شور وانا هستناكي سلام
سفيان مدلهاش فرصه ان هي ترفض أو تقبل وراح داخل شقته وقبل الباب وعلي وشه ابتسامه جميله عكس الصبح مكان مش طايق نفسه
سفيان بفرحه وهو بيحرك أيده .. ياس ياس وراح بقا يمشي وهو بيصفر في الشقه
طلع سفيان من بعد ما خد شور راح لبس شورت و تيشيرت واسع بحملات و كانت عضلاته باينه و السلسله الجلد اللي لبسها كمان كانت باينه وراح رش من البيرفيوم بتاعه شكل سفيان كان مثير جدا هو اصلا استايل لبسه ميلقش علي سنه خالص واهتمامه بالرياضه مخلي شكله صغير راح طالع جهز السفره و بقا يعمل جو جميل وهو بيرس الاطباق اللي كانت اكل صحي و سلاته و شغل شمع كان مدي منظر جميل للسفره و كان ريحته حلوه كمان وراح بقا واقف وهو بيبص علي كل حاجه بعد ما خلص و كان مبسوط فجاء جرس الباب رن راح بسرعه عشان يفتح الباب لقي فيروز واقفه و كانت لابسه لبس مريح عباره عن بنطلون واسع و بلوزه صغيره لحد وسطها و كانت لابسه فوقها قميص ومكنتش لابسه كويس يعني كم معدول و التاني واقع وكتفها باين و عمله شعرها دفيره جميله
سفيان بهيام .. اتفضلي
فيروز .. thanks
فيروز دخلت وبقت تتفرج علي شكل الشقه اللي كانت شبابيه جدا و مودرن وسفيان بقا يبص عليها و علي شكلها وبرائتها اللي كانت باينه في عيونها و طفولتها اللي واضحه في التصرف عكس أي واحده كان يعرفها قبل كدا راح مشاور ليها علي الاكل
سفيان .. اتفضلي
فيروز بابتسامه راحت قاعده علي الكرسي وبقت تبص علي الاكل و الشمع وكانت مستغربه اهتمامه سفيان لسه هيقعد لقي جرس الباب رن تاني راح استائذن منها بابتسامه وقام و اول ما فتح
سفيان بضيقه .. جيجي ايه اللي جابك
جيجي وهي بتدخل .. كدا يا بيبي ايه هو انا موحشتكش
جيجي قالت اخر كلمه براحه وهي بتبص علي فيروز اللي كانت قاعده علي السفره
جيجي وهي بتبص علي سفيان .. ايه ده مش تقول إن عندك ضيوف يا حبيبي
سفيان بقا واقف مضايق من وجود جيجي وراح واقف قدامها
سفيان .. مفيش ضيوف ولا حاجه دي فيروز جارتي الجديده و كمان مشتركه عندي في الجيم
جيجي بابتسامه صفراء .. فرصه سعيده يا فيروز انا جيجي خطيبته سفيان وراحت بصه علي سفيان اللي شكله اتغير
فيروز بابتسامه .. مبروك شكلو لايق علي بعض
سفيان مداش فرصه ل فيروز ان هي تكمل كلامها راح ماسك جيجي من دراعها
سفيان بغضب مداري .. بعد اذنك يا فيروز وراح متحرك هو و جيجي من قدام فيروز اللي فهمت ان سفيان كان محضر الجو ده عشان خطبته ويعرفها عليها راحت ابتسمت علي شكلهم وهما ماشين قدامها
جيجي بمياعه .. براحه يا حبيبي مش كدا انت ناسي أن عندك ضيوف
فيروز بابتسامه صوت واطي وبلغه اجنبيه
فيروز .. يالهم من ثتائي لطيف
سفيان بغضب .. ممكن افهم ايه اللي قولتيه برا ده
جيجي .. قولت ايه
سفيان بهدوء ما قبل العاصفه .. ازاي تقولي أن انا خطيبك انتي اتجننتي يا جيجي
جيجي .. اتجننت عشان بحافظ علي حقي فيك و بعدين انت اضيقت لي انت مسمعتش فيروز وهي بتقول أن احنا ليقين علي بعض
جيجي قالت اخر كلامها وهي قصده ان هي تعرف سفيان ان فيروز مش شايفه غير جار مش اكتر
سفيان بضيق من كلامها .. بلا ليقين بلا زفت انتي هتطلعي دلوقتي تقولي انك كنتي بتهزري و تمشي و اوعي تعملي غير اللي انا قولته وبعدين مين الداكي حق فيه عشان تحفظي عليه
جيجي بغضب .. سفيان انا مش ممكن اخلي واحده تانيه تقرب منك ولا انت كمان تقرب من واحده غيري و بعدين من أمتي و انت اللي بتجري وراء بنات حواء مش طول عمرهم هما اللي بيجرو وراك ولا هي عشان حلوه و صغيره هتريل عليها
سفيان بغضب اول مره جيجي تشوفه راح ضربها بالقلم وبقا يتكلم
سفيان .. اظاهر أن انا دلعتك كتير و سكت علي غلطاتك اكتر بس لحد انك تغلطي فيا بالشكل ده انا مش هسكت ابدا وبالنسبه ل فيروز فا احب اقولك أن ايوا عجباني تعرفي ايه اكتر حاجه عجباني فيها ان هي مش سهله زيك
جيجي كانت خايفه من شكل سفيان اللي كان علي طول يتعامل بهدوء بس اللي قدامها ده واحد تاني اول مره تشوفه واللي وجعها اكتر أن هو شايف أن هي كل متقرب منه بتكون بترخص نفسها
جيجي بدموع .. سفيان انا بحبك
سفيان بسخريه .. جيجي حبيبتي بلاش نضحك علي بعض اللي بينا مش حب ولا عمره هيكون اللي بنا مصلحه مشتركه انتي بتشوفينا وانا كمان مش بقصر معاكي وراح غامز ليها بعينه
جيجي كانت واقفه دموعها بتنزل هي مش هتنكر ان هي عارفه أن إللي بينها هي وسفيان مصلحه زي ما هو بيقول بس هي مش مستوعبه أن ممكن سفيان يقدر يساغنا عنها وكل ده عشان مين عشان واحده صغيره هي اصلا مش شايفه قطع تفكيرها صوته
سفيان بجديه .. دلوقتي تطلعي تخترعي اي حاجه و تنهي موضوع الخطوبه ده و ابقي اعتذري وامشي وجودك مش مرغوب فيه وسطنا
عند فيروز كانت واقفه وهي بتتفرج علي صور سفيان لقيت مره واحده تلفونها رن
( الحوار مترجم بالعاميه )
فيروز بملل .. نعم مامي
فيروز سمعت صوت غير صوت مامتها خالها بقت خايفه وبقت تترعش و دموعها هتنزل محستش بنفسها غير وهي بتجري وتفتح باب الشقه وتطلع برا في نفس اللحظه اللي سفيان وجيجي ظهرو فيها
سفيان وهو بيلحقها .. فيروز
تفتكرو فيروز سمعت ايه
و سفيان هيلحقها
و جيجي موقفها كان صح ولا غلط
ورد فعل سفيان ايه رئيكم فيها
سكريبت
#الصغيره_والاربعيني_4
بقلم الاء محمد
قد لا نستطيع إصلاح كل شيء ، لكننا نستطيع الابتعاد عن كل ما يعكر مزاجنا و يؤذينا...🥀
فيروز بملل .. نعم ماما
؟؟ مرحبا حلوتي
فيروز بخوف .. ج ج جيك
؟؟ أجل حلوتي انهو انا جيكاب
فيروز .. ماذا تريد واين امي
جيكاب .. انتي اريدك انتي حلوتي وسوف احصل عليكي
فيروز قلبها بقا يدق جامد بخوف من صوته وراحت طالعه تجري ومخدتش بالها من صوت سفيان اللي كان بينده عليها وبقت تجري وهي خايفه لحد ما طلعت برا العماره وهي بتجري زي اللي بيهرب منه و صورته بتلحقها في كل مكان لحد ما تعبت و راحت قاعده علي جنب علي سلالم وبقت دموعها تنزل مره واحده اتخضت اول ما لقيت ايد بتلمسها
سفيان بقلق .. اهدي ده انا سفيان مالك حصل ايه ولي كنتي بتجري كدا ولي دموعك دي
فيروز فضلت ساكته مبتردش علي سفيان اللي قاعد جنبها وبقا يبص عليها وهو مش عارف ايه اللي حصل قلب حالها كدا بعد شويا كانت هديت
سفيان .. انا معرفش مالك بس انا معاكي ولو اقدر اساعدك مش هتأخر ابدا
فيروز كانت محتاجه حد يطمنها حتي لو بالكلام راحت سانده راسها علي كتف سفيان براحه اول مره تحسه اللي كان شكلها صعبان عليه وقلبه وجعه عليها ودي اول مره سفيان يحس أن هو أتأثر من دموعها عكس دموع جيجي اللي كانت بتنزل بسببه بس إحساسه دلوقتي مختلف خالص عن إحساسه نحيت جيجي عشان هو عارف ان هما كانو قريبين من بعض عشان كل واحد محتاج التاني لغرض عكس فيروز اللي شقلبت كيانه من اسبوع واحد بس وهو بقا مراهق اول مره يحب سفيان اول ما تفكيره وصل ل الكلمه دي ( يحب ) قلبه بقا يدق جامد ومبقاش قادر يسيتر علي دقاته اللي زادت مع صوتها
فيروز بتعب .. شكرا لوجودك جنبي يا سفيان وراحت نايمه ورأسها علي كتفه
سفيان كان متابع كلامها لي و عيونه علي شفايفها اللي نطقت اسمه بطريقه سحرته بيها راح بقا يحاول يتحكم في نفسه عشان ميتهورش و يخوفها منه رح بص عليها لقاها نامت راح شالها براحه وبقا يمشي بيها لحد ما وصل عند شقته وراح داخل بيها لحد ما نيمها علي سريره وبقا يغطيها وراح قاعد علي الكرسي وبيتأمل ملامحها البريئه فضل قاعد مكانه لحد ما راح في النوم
امريكا
( الحوار مترجم بالعاميه )
سيلين راحت واخده الفون من جيكاب بغضب وبقت تتكلم بعصبية
سيلين .. انت ازاي تدخل مكتبي وتمسك تلفوني بالشكل ده
جيكاب ببرود .. براحه يا سيلين محصلش حاجه لكل ده
سيلين .. كنت بتعمل ايه بتلفوني يا جيكاب
جيكاب بنفس البرود .. ابدا كنت بطمن علي فيروز
سيلين .. انت مجنون انت ازاي تكلمها مش كفايه انك السبب ان بنتي تفضل بعيد عني
جيكاب .. سيلين انا سايب فيروز كل ده براحتها بس هي مش راضيه تتعدل وبعدين انتي ناسيه أن هي خطبتي
سيلين بسخريه .. هه خطبتك اللي هربت منك بسبب معملتك ليها قولتلك قبل كدا فيروز مش بتيجي بالعنف مفيش واحده هتقبل تكون مع واحد زيك يا جيكاب الا لو كانت مجنونه
جيكاب بضحكه .. منا عارف عشان كدا مش راضي بغير فيروز
سيلين بغضب .. فيروز مش مجنونه وانت عارف ان هي اتعرضت لي صدمه لما كانت مع بابها في العربيه وقت الحدثه
جيكاب .. انتي عارفه كويس ان انا وقت عصبيتي مش بشوف قدامي
سيلين .. عشان كدا كنت بتضريها لما يحصل تضيقك مع انها مش بيكون ليها دخل فيها
جيكاب .. هحاول اهدي نفسي شويا واتحكم في غضبي بس قبل كل ده لازم فيروز ترجع هنا والا
سيلين .. والا ايه يا جيكاب لو فكرت تقرب من فيروز انا مش هسكت اكتر من كدا انا بنتي كرهتني بسببك عشان علي طول كنت فصفك وعمري ما وقفت معاها ولا حسستها اني قريبه منها
جيكاب مهتمش بكلام سيلين وراح طالع براء المكتب ورزع الباب جامد سيلين اول ما هو طلع برا المكتب بقت تحاول ترن علي فيروز بس كان الفون مقفول راحت قاعده علي الكرسي بحزن علي اللي بيحصل في بنتها اللي كانت هي كمان سبب في اللي وصلت ليه
صباح يوم جديد صحي سفيان من النوم وكان بيدعك رقبته اللي وجعته من النومه اللي مكنتش مريحه خالص راح بقا يبص علي السرير لقي فيروز لسه نايمه راح ابتسم علي شكلها وهي نايمه وقام طلع برا الاوضه سفيان راح داخل المطبخ وبقا يحضر فطار لي هو و فيروز وكان علي وشه ابتسامه جميله وبعد شويا كانت فيروز طالعه من الاوضه و هي مستغربه أن هي بتعمل ايه هنا لقيت سفيان في المطبخ بيرص الاطباق
سفيان بابتسامه .. صباح الخير نمتي كويس
فيروز .. صباح النور هو انا بعمل ايه هنا وجيت ازاي
سفيان .. انا جبتك امبارح بعد ما كنتي مضايقه وطلعتي تجري
فيروز .. شكرا يا سفيان علي وقفتك جنبي
سفيان .. مفيش شكرا بينا بس ايه اللي حصل امبارح
فيروز .. محصلش حاجه اتخنقت شويا فقولت اطلع برا
سفيان وهو بيسحب الكرسي عشان تقعد .. قهوه ولا نسكافيه
فيروز بابتسامه .. شكرا مش عوزه اتعبك
سفيان .. يبقا نسكافيه صح
فيروز ابتسمت وهزت راسها بمعني صح بعد شويا كانو قاعدين بياكلو و سفيان عيونه علي فيروز اللي كانت سرحانه ومش بتاكل لكن ماسكه مج نسكافيه وكانت في دنيا تانيه خالص مش سامعه سفيان ولا حتي واخده بالها فيه
سفيان وهو بيحط أيده عليها .. فيروز بكلمك
فيروز بخطه راح المج واقع في الأرض اتكسر ميت حته اول ما المج ما وقع راحت فيروز قامت بخوف وبقت في حاله مش طبيعيه
فيروز بخوف من رد فعل سفيان .. انا اسفه مختش بالي
وبقت توطي عشان تلمه ودموعها بقت تنزل سفيان اول ما شفها بتعمل كدا راح قام بسرعه وبقا يقرب منها وسط خوف فيروز اللي بقا يذيد مع قربه ليها
سفيان بستغراب .. اهدي يا فيروز محصلش حاجه لكل ده
فيروز بخوف وهي بتبعد .. انا اسفه متضربنيش
سفيان بصدمه .. اضربك متخفيش يا فيروز
وبقا يقرب منها براحه لحد ما اخدها في حضنه وبقا يهدي فيها
سفيان .. اهدي انا عمري ما امد ايدي عليكي
فيروز بقت تدفن نفسها في حضن سفيان اللي اول مره تحس بأمان كدا وبقت دموعها تنزل
فيروز بدموع .. يعني انت مش هتضربني يا سفيان
سفيان بحب .. عمري ما اعملها يقلب سفيان ♥️
فيروز انكسفت من نظرت عيون سفيان ليها وبقت تبعد عن حضنه براحه وسفيان كان ماسك فيها زي الطفل مش عاوز بسبها بعد شويا كانت فيروز طلعت من حضن سفيان اللي عيونه كانت عليها فجاء جرس الباب رن راحت فيروز بصت علي سفيان وعيونها جت في عيونه اللي كانت بتبص ليها نظره اول مره تشوفها في عيون حد
سفيان .. اقعدي افطري لحد ما شوف مين وملكيش دعوه بالي في الأرض
سفيان قال كلامه وراح سابها وراح يشوف الباب و اول ما فتح لقي
سفيان بعقدة حاجب .. سيف عاوز ايه يا بن ايمان علي الصبح
سيف بضحكه .. صباح النور يا بوب انا بخير الحمدلله
سفيان بنفاذ صبر .. اخلص يا خفيف عاوز ايه
سيف .. طب دخلني طب وانا هقولك
سفيان ببرود .. لا واخلص قول جي لي
سيف بضيقه .. كداب
سفيان بغضب .. هو مين ده يلا
سيف .. المثل اللي قال إن الخال والد طلع كداب
سفيان .. انت صح هتلخص وتقول جي لي ولا
سيف بصيقه .. ايمان عوزه تشوفك وصممت أن اجي اقولك ان هي مستنياك النهارده علي العشاء
سيفان .. تمام انا هكلمها ومداش فرصه لسيف وراح قفل في وشه الباب
سيف بضيقه .. والله انا غلطان عشان جيت ده معبرنيش بسندوتش ولا كوبايت شاي
في أمريكا عند جيكاب كان قاعد في المكتب بتاعه علي الكرسي و بيبص علي السقف وبيفكر في فيروز
جيكاب .. هتروحي مني فين يا فيروز هجيبك تاني منا وانتي لبعض حتي لو غصب عنك
بليل فيروز كانت قاعده في الاوضه بتاعتها وهي بتفكر تعمل ايه تاني عشان تبعد عن جيكاب اللي كان سبب اساسي في أن هي تهرب منه و تيجي هنا فاقت علي رن جرس الباب راحت قايمه تفتح و اول ما فتحت لقيت سفيان قدامها كان لابس قميص و فاتحه من فوق و بنطلون جينز راح بص عليها
فيروز .. سفيان في حاجه
سفيان .. لا بس انا عزمك علي العشاء ايه رئيك
فيروز بتردد .. بس
سفيان .. مبسش يلا خمس دقائق وتكوني جاهزه وانا هستنا هنا
سفيان و هو بيكلمها كان بيحركها لجواء وراح مشاور علي كرسي وقاعد عليه وسط صدمة فيروز
سفيان .. هتفضلي واقفه كدا كتير وراح بص في الساعه كدا هنتاخر
فيروز راحت داخله اوضتها و فضلت واقفه مكانها شويا فجاء سمعت صوت عالي
سفيان .. بسرعه يا فيروز مش وقت تفكير
راحت اتحركت وبقت تلبس بسرعه اول حاجه جت قدامها وبعد شويا كانت واقفه قدام سفيان اللي كان مسحور من شكلها وهي لابسه فستان لونه اسود قصير و في ورود بيضه و كانت عامله شعرها ضفيره من اول شعرها لاخره كان شكلها يخطف الأنفاس راح سفيان بقا يحاول يسيطر علي نفسه وراح قام
سفيان بهيام .. شكلك حلو اوي
فيروز بكسوف .. شكرا بس احنا رايحين فين
سفيان .. نص ساعه وتعرفي
وراح قرب منها ومد أيده ليها راحت فيروز بصت في عيون سفيان وبقت متردد أن هي تمد ادها لي راح سفيان بقا يشجعها ينظرت عيونه اللي كلها حب راحت رافعه ادها براحه ومسكت ايد سفيان
وراح نزل بيها علي تحت لحد ما وقف قدام الموتسكل
فيروز .. تاني يا سفيان
سفيان بابتسامه .. منا قولتلك اني مش بحب خنقت العربيه وبعدين انتي خايفه من ايه امسكي فيا وانا عمري ما هسيبك وراح راكب وبقا يبص عليها
فيروز وهي بتركب .. مجنون
سفيان بضحكه .. سمعتك وراح بقا يسوق بسرعه
تفتكرو جيكاب هيعمل ايه
و سفيان ايه هيكون رد فعله لما يعرف اللي هي عاشته
وفيروز الراحه والأمان اللي بتحسه مع سفيان ممكن تدوم ولا ايه اللي هيحصل
وسفيان واخد فيروز فين
لايك بقا وكومنت كتييييير واسفه علي التأخير وشكرا علي التفاعل 😘❤️😘❤️😘❤️😘❤️
سكريبت
#الصغيره_والاربعيني_5
بقلم الاء محمد
"الأمر لا يتعلق كله بالحب بل بالأمان و الثقة"🖤
وصل سفيان هو و فيروز عند بيت بس شكله قديم وراح نزل من الموتسكل بتاعه وسط فضول فيروز
فيروز بفضول .. انت مش قولت انك عزمني علي العشاء ايه واقفنا هنا وبتشاور علي البيت
سفيان .. انا فعلا عونك علي العشاء بس حابب اعرفك علي واحده اكيد هتحبيها اووي
فيروز بعقدة حاجب .. واحدة مين
سفيان راح ماسك ادها وبقا يدخل البيت وراح رن الجرس واتكلم بابتسامه
سفيان .. واحده حبيبتي
سفيان قال اخر كلمه مع فاتح الباب وصوت واحده بيتكلم
ايمان بزعل .. اهلا با البيه اللي مش بيسئل علي حد
سفيان بضحكه .. حقك عليا يا حبيبتي عامله ايه
ايمان وهي بتشمر اديها .. كويسه الحمدلله ادخل مالك واقف مكانك لي كدا
سفيان بجديه .. ايمان اهدي انا معايه ضيفه ماشي يا حبيبتي مش وقت جنانك دلوقتي
ايمان بفضول .. ضيفه مين دي
سفيان راح ماسك فيروز من ادها وبقا يعرفها علي ايمان وسط نظرات ايمان ليهم
سفيان بابتسامه .. فيروز اعرفك ب ايمان اختي ايمان اعرفك علي فيروز
ايمان بابتسامه وهي عيونها علي سفيان .. اهلا وسهلا اتفضلوا ادخلوا
فيروز بصوت واطي .. شكرا فرصه سعيده
ايمان بطيبه .. انا اسعد اتفضلي يا حبيبتي
وراحو داخلو جواء البيت اللي شكله من جواء غير شكله من برا وسط نظرات سفيان في المكان
سفيان .. الا امال فين الشباب
ايمان .. سيف في الجيم زمانه جي و التاني في الشغل
سفيان بستغراب .. انا نفسي افهم الواد ده طالع لمين
ايمان .. سفيان ملكش دعوه بيه كفايه سيف اللي مش عارفه اتلم عليه زيك بظبط
سفيان .. طول عمرك ظلماني يا ايمان يا اختي
ايمان بسخريه .. تعمل ايه بقا منا مفتريه وانت الغلابان
فيروز كانت متابعه سفيان و ايمان وكان علي وشها ابتسامه و في نفس الوقت مكسوفه بعد شويا كانت ايمان جهزت السفره و الاكل كله محطوت عليها ومفيش دقيقه والجرس رن
ايمان بابتسامه .. اهو سيف جي هروح افتح
سفيان .. خليكي انا هفتح وراح فتح لقي سيف في وشه
سيف بتعب .. اوع تكونو اكلتو من غيري انا واقع من الجوع
سفيان بسخريه .. ادخل يا عم الواقع لسه مكلناش
دخل سيف و اول ما قرب من السفره لقي فيروز قدامه قاعده بتتكلم مع ايمان
سيف بإعجاب .. اوباااا مين المزه الجامده دي
سفيان من وراه .. عارف لو ماقعدتش بأدب هلعب في وشك البخت
سيف بمشاكسه .. ايه يا سيفو بتغير ولا ايه
سفيان بجديه .. سيييف
سيف .. بهزر والله خلاص
وراح دخل وبقيو كلهم قاعدين علي السفره بياكله في جو عائلي وسط نظرات ايمان ل سفيان اللي كان عيونه فيها لمعه وهو بيتابع فيروز وبعد شويا كانو خالصو اكل
سيف ل سفيان .. ايه رئيك بقا نلعب بلي ستيشن
سفيان .. لا
سيف .. قول بقا انك خايف اغلبك زي اخر مره
سفيان .. العب غيره برضو لا
سيف ل فيروز .. ليكي في البلي ستيشن
فيروز .. مش اووي بس لو هتلعبه ممكن اشجع
سيف .. انا كدا ضمنت اول المشجعين برضو مش هتلعب يا بوب
سفيان بص علي فيروز وهي بصت ليه وعيونهم اتقبلو
سفيان .. جهز نفسك ل الهزيمه يلا نلعب
سيف راح قام جهز البلي ستيشن راح قاعد علي شلته في الأرض و سفيان نزل جنبهم وفيروز بتضحك عليهم الاتنين راحت ايمان طالعه من المطبخ وهي جايبه الحلو و العصير
ايمان ل فيروز .. كل مره يقعدو يلعبو و ينسوني خالص بس المره دي انتي معايه فرصه نتعرف علي بعض اكتر
سيف و سفيان بقو يلعبو وصوتهم بقا يعلي مع اللعب و سط ابتسامة ايمان و فيروز عليهم
ايمان بحب .. تعرفي سفيان مش بس اخويا لا ده ابويا عمره محسس حد من ولادي أن هما يتمه من وقت ما طارق ما مات وهو بقا ابو ولادي رباهم و كبرهم شال عني كتير و واقف جنبي كتير وعمره ما احتاجه وقالي لا كان سندي بجد عمره ما حسسني أن انا الكبيره لا طول الوقت بيعاملني علي اني بنته مش أخته بجد محظوظه اللي سفيان هيسلم قلبه ليها عشان هتلاقي سند بجد
فيروز كانت بتسمع كلام ايمان وعيونها كانت بتيجي علي سفيان هي فعلا يتحس معا ب امان عمرها ما حسته و علي طول بيكون موجود وقت متكون بتهرب من الدنيا بتلاقي هو قدامها بقت تفكر كتير في سفيان اللي من وقت صغير مواقف جمعتهم سوا و كل المواقف اللي حصلت بينهم تفكرها وقف عند كلمة ايمان ليها ( محظوظه اللي سفيان هيسلم قلبه ليها ) قلبها بقا يدق جامد من تفكيرها فاقت علي صوت سفيان هو و سيف ملقيش ايمان جنبهم
سيف .. يلا يلا قربت
سفيان .. احلم بس انا اللي هكسب المره دي
الجو بينهم كان حماس كل واحد عاوز يكسب راحت فيروز نزلت قاعده جنبهم وبقت تشجع سفيان اللي الكوره كانت مع لعب الفريق اللي هو بيلعب بيه وبيقرب من الشبكه التانيه و قرب يسجل هدف راحت فيروز بقت تشجع سفيان
فيروز بتشجيع .. يلا يا سفيان يلا قربت
سيف بقا يحاول أن هو يا خد الكوره من لعب الفريق التاني بس سفيان كان بيلعب المره دي بحماس و شكل تاني غير كل مره المره دي فيروز كانت جنبه و هي اللي بتشجعه وفي خلال ثواني كان سفيان مسجل هدف
فيروز بسعاده وصوت عالي .. جووووووال
سيف راح سايب الجهاز بتاع البلي ستيشن وراح قايم هو مضايق راحت فيروز قربت من سفيان وراحت راميه نفسها في حضنه بفرحه راح سفيان اختل توزنع وراح نايم على ضهرو و فيروز بقت فوقه سفيان بقا يبص عليها وعيونه بتضحك قبل شفايفه اللي كانت مبتسمه راحت فيروز انكسفت وبقت تبص في عيون سفيان بارتباك وبقت تحاول تقوم راحت سنده با اديها علي صدر سفيان وحست بدقات قلبه تحت اديها
فيروز بصوت واطي .. اسفه اتحمست بزياده
سفيان بهيام .. محصلش حاجه
قطع لحظتهم دي صوت ايمان اللي كانت متابعه سفيان من وقت ما وصل
ايمان .. سفيان ممكن ثواني
قام سفيان وراح يشوف ايمان و فيروز راحت قايمه وبقت تاخد نفسها وتحاول تسيطر على ارتباكها
سفيان .. ايوا يا ايمان
ايمان بابتسامه .. اول مره تعملها و تجيب واحده تعرفها علينا وكمان عيونك بتلمع يا سفيان شكلك وقعت
سفيان .. مش هخبي عليكي يا ايمان اول مره احس بالي انا فيه ده بس في نفس الوقت خايف
ايمان .. خايف من ايه يا سفيان مدام بتحبها ايه يخوفك مش احسن ما كل يوم مع واحده شكل
سفيان .. مهو ده اللي مخوفني فيروز بريئه و صغيره مش عارف إذا كنت هقدر اخليها تحبني ولا لا
ايمان .. هي اه صغيره بس مش مشكله الحب ميعرفش سن وبعدين انت مفيش حد يعرفك و ميحبكش
سفيان .. ماشي تصبحي علي خير يا حبيبتي
ايمان طلعت وراء سفيان و بقت تودعو هو وفيروز
ايمان .. ابقي خاليني اشوف تاني ماشي
فيروز بابتسامه .. اكيد
سيف بابتسامه .. الحظ كان معاك المره دي عشان كدا كسبت وراح غمز بعينه ليه راح سفيان بقا يضحك علي حركات سيف
نزلت فيروز هي و سفيان وركبوا الموتسكل بتاعه وبقا يسوق لحد ما وصلو عند العماره اللي ساكنين فيها و قبل ما فيروز تفتح الباب بتاع شقتها راحت لفت ل سفيان اللي كان واقف وهو ساند ضهرو علي الباب بتاع شقته ومستنيها أن هي تدخل
فيروز برقه .. بجد شكرا يا سفيان علي الوقت الجميل اللي قضيتو النهارده
سفيان و عيونه في عيونها .. شكرا ليكي انك كنتي معايا يا فيروز
فيروز ارتباكة من نظرات سفيان ليها وبقا قلبها يدق كل ما عيونهم تتقابل راحت فاتحه الباب ودخله براحه وسنده ضهرها علي الباب شويا وبقت تاخد نفسها براحه سفيان اول ما فيروز دخلت فضل واقف مكانه شويا وبعدها راح داخل وقفل الباب
عدت الايام وسفيان و فيروز بقو طول الوقت مع بعض من خروج و سهرات وكل مدا سفيان بيقع في حب فيروز اكتر و بقا ميقدرش يبعد عنها مصدق أن هو لقي الحب اللي كان بيدور عليه و لقا معاها هي مع فيروز اللي هي كمان لقيت مع سفيان الامان اللي كان مسروق منها علي طول بقت في قربه تحس براحه و حست فعلا أن هو سند تقدر تتسند عليه و ترمي عليه كل وجعها بقت تتمنا أن هي تكون علي طول جنبه
في يوم فيروز و سفيان كانو متفقين أن هما يتفرجو علي فيلم مع بعض بس مش في السينما فيروز كانت صاحبت الفكره وعشان كدا هي اللي جهزت السهره عندها في شقتها وبقت مستنيا سفيان لحد ما خبط عليها راحت قامت تفتح ليه وهي بتضحك
فيروز .. تأخير عشر دقايق
سفيان وهو بيدخل .. اسف بس كنت بجيب ده
وراح مطلع من ورا ضهرو بوكيه ورد مع شكلاته وكان شكله جميل راحت فيروز ابتسمت وهي يتاخده منه
فيروز .. شكرا بجد ليك يا سفيان علي كل حاجه بتعملها عشاني
سفيان بحب ظاهر .. سفيان اتخلق عشان يسعد فيروز و يشوف الضحكه الحلوه دي
فيروز بقا قلبها يدق وبقت تبتسم .. يلا عشان الفيلم هيبداء
سفيان شاور ليها ان هي تتحرك ادمه .. اتفضلي يا صغيرتي انتي الاول
فيروز ابتسمت علي اللقب اللي سفيان بيقوله ليها الايام اللي فاتت وراحت داخله هي و سفيان وبقو يتفرجو علي الفيلم وهما قاعدين جنب بعض وأغلب الوقت سفيان كان عيونه علي فيروز اللي كانت متابعه الفيلم و مبسوطه بالبطل و البطله اللي باين عليهم الحب والسعاده ومش واخده بالها من سفيان اللي مركز معاها بشغف كبير
عند جيكاب كان واقف قدام صورة فيروز وعيونه كلها غضب و شوق ليها راح بقا يتحرك لحد الفون بتاعه وعمل مكلمه وبعدها راح بقا يتكلم وهو عيونه كلها إصرار
جيكاب .. حان الوقت لكي ترجعي لي يا حلوتي لقد مللت الانتظار ولكن يجب أن اعيدك لي
تفتكرو السعاده الامان والراحه اللي فيروز فيها دي هدوم
وجيكاب هيعمل ايه مع فيروز
وسفيان ايه اللي هيعمله
وايه رئيكم في ايمان و شعورها نحيت سفيان
لاف بقا وكومنت كتييييير وشكرا ليكو علي التفاعل الجميل و الكومنتات الحلوه زيكم
عوزين الحكايه تكون طويله ولا تبقا قصيره انا عندي افكار كتير بس اللي انتو عوزينه انا هعمله ❤️😘❤️😘❤️😘❤️😘❤️😘❤️😘❤️😘❤️
تكملة الروايه اضغط هناااااااا
ابداع فى النشر
ردحذففين بقيت قصه الصغيره والاربعيني
ردحذف