 |
رواية زينة القلب البارت الثالث عشر والرابع عشر 13_14بقلم يارا عبد العزيز في موسوعة القصص والروايات جميع الفصول كامله وحصريه
🦋 زينة القلب البارت الثالث عشر 🦋
وقفنا البارت اللى فات على الشخص اللى كان عايز يضرب زينة بالمسد**س
حمزة بصوت عالى: حااااسبى
وقام شددها من قدام المسد**س والرصاصة طارت فى الهوا وحمزة ضرب نار على العربية بس اختفت
حمزة : انتى كويسة
زينة وحضنت حمزة من كتر خوفها وهى منهارة من العياط: انا خايفه اوى
حمزة وقلبه بينبض بسرعه: طب اهدى ومتخافيش أنا حنبك خلاص هو مشى متخافيش يا زينة
زينة بعدت عنه بعد ما لاحظة اللى عملته: أنا اسفة
حمزة : اهدى ومش هكرر الجملة دى كتير انا جوزك مفيش داعي انك تعتذرى
زينة وبدأ وشها يحمر: هو انت كويس الطلقة مجتش فيك صح
حمزة بضحك: جت ازاى وانا بتكلم قدامك شبحى اللى بيتكلم معاكى يعنى انا بخير يا زينة وانتى بخير
زينة وكانت أول مرة تشوف ضحكته: ضحكتك جميلة اوى بجد
حمزة : عجبتك اوى كدا
زينة وخدوها بقيت عاملة زى الفراولة: امم
حمزة : عارفه بقيت مستعد اعمل اى حاجه عشان اشوف الفراولة اللى فى خدودك دى
زينة : يا نهار ابيض هم على طول كسفانى كدا
حمزة ببأتسامة وخبث: بس ولا أروع الصراحة هديتى صح
زينة : ايوا الحمد لله
حمزة وهو بيحاول يهدى نفسه: خرجتى ليه بقى
زينة : هو انت هتبدأ تتحول خلاص انا لسه مهدتش
حمزة : فعلا طب متغيريش الموضوع يا زينة انا هادى أهو وبحاول متعصبش خرجتى من البيت ليه
زينة : عشان اقنع والدة شهد أنها توافق توديها شرم
حمزة : يعنى انتى خرجتى وعرضتى حياتك للخطر عشان السبب دا
زينة : ايوا لانها كانت بتعيط وانا استحالة اسيبها كدا من غير ما اساعدها
حمزة : حتى لو على حساب حياتك
زينة : ايوا الله فى عون العبد مادام العبد في عون اخيه وبعدين الحمد لله ربنا سترها ومحصلش حاجه
حمزة : لولا انى جيت فى الوقت المناسب كان زمانهم اتخل**صوا منك
زينة برقة: ما هو خلاص أنت جيت وانقذت حياتى للمرة الثالثة يا حمزة
حمزة : انتى قولتى ايه
زينة : ايه
حمزة : قولتى حمزة صح
زينة : ايوا مش انت قولتلى حاولى تقولى حمزة من غير بشمهندس
حمزة : ياريتنى ما قولتلك يشيخة
زينة بزعل: خلاص أنا آسفة
حمزة : دراما كوين أوى وطفلة اوى
زينة بعصبية: متقولش طفله
حمزة ببأتسامة: خلاص حاضر
زينة: ليه الضحكه دى مبتطلعش خالص وليه ديما بشوف جوا عيونك حزن العالم كله
حمزة : انتى شايفة كدا
زينة : أيوا لو حابب تحكى انا مستعدة اسمعك
حمزة : سيبك منى انا تعالى نتكلم عنك انتى
زينة : حابب تعرف ايه عنى
حمزة : تعالى نروح اى مكان ونتكلم
زينة : اوك يبقى كورنيش النيل
حمزة : غريبة فكرتك هتقولى نروح مطعم وكدا
زينة : مطعم ايه هو احنا هناكل احنا هنتكلم ومفيش احسن من كورنيش النيل اللى نعقد نحكى عليه
حمزة : تمام يلا
حمزة : غريبة هتركبى قدام دلوقتي
زينة بضحك: ما انت مش سواق الهانم بقى
حمزة : اوماال انا ايه
زينة بضحك: يعنى زى جوزها كدا
حمزة ببأتسامة: زى تمام يستى هنمشيها زى
مجهول بعصبية: يعنى ايه معرفتش تخ**لص عليها
_ يباشا حمزة الاسيوطى جيه وانقذها ولولا انى فلت بجلدى كان زمانه قبض عليا
مجهول بعصبية: ما أنا مشغل معايا شوية بها**يم اقفل دلوقتي
مجهول بصوت عالى وعصبية: حمزة حمزة حمزة لازم يطلعلى فى كل حاجه كدا طالع لى ابوه بس الظاهر ان ابتدا العد التنازلي لقت**لك يا حمزة أنت واللى بتحميها استنى عليا بس يا ابن يوسف الأسيوطى
عند حمزة و زينة
زينة : يلا اسألنى اى حاجه انتى عايزاه
حمزة : مش هسأل هسيبك انتى تتكلمى عن نفسك
زينة: تمام انا يسيدى زينة ماهر الرفاعى بنت بسيطة مامتها وبابها اتوفوا فى حادثة وهى طفلة وجدتها هى ربتها بعد ما اعمامها اتخلوا عنها هى وجدتها وسافروا ولما كبرت عشان اساعد نفسى واساعد تيتة بدأت اخاد كورسات جنب الكلية واخدت شهادات معتمدة كتيره فى الانجليزي فلما قدمت فى شركة طارق النويرى الله يرحمه قبلونى وبس هى دى زينة
حمزة : وانتى مبسوطة
زينة : بص هو انا راضية بكل حاجه وراضي دا مخلينى مرتاحة ومبسوطه اللى هو ديما بقول الحمد لله وبوكل كل امورى لى ربنا عشان كدا ديما ربنا سترها معايا ومرضينى الحمد لله وعارف فيه حاجه غريبه اوى كمان
حمزة : ايه هى
زينة : ان ربنا ديما بيبعتك انت عشان تنقذ حياتى حقيقى الحمد لله أولاً وشكرا على وجودك ثانياً
حمزة : تصدقى انى انا اللى عايز اشكرك على انك دخلتى حياتى
زينة : بجد ليه
حمزة : لأن حمزة الطيب مبيخرجش غير معاكى انتى انتى بتخرجى كل حاجه حلوه جوايا بتخرجى كل حاجه انا بحاول اظهر عكسها
زينة : انت عارف انهم كانوا بيقولوا عندك انفصام في الشخصيه
حمزة : مش مهم هم المهم انتى شايفنى ايه
زينة : زى ما انت قولت حد بيحاول يظهر عكس اللى جواه شخص جميل جدا وطيب وجدع حقيقى يسلموا اللى رابوك
زينة : هو انت ملكش حد يعنى مفيش غير دادة توحيده
حمزة : لا فيه فيه عمتو وبنتها وفيه عمو ومراته و ولادهم
زينة : طب ما انتوا كتير اهم اومال مش بنشفهم ليه
حمزة : كل واحد مشغول بحياته محدش فيهم فاضلى بس زياد ومنة ولاد عمى شغلين معايا فى الشركة
زينة : اها ومنة دى عندها كام سنة وبتشتغل معاك ازاى يعنى
حمزة : عادى ٢٢ سنة وهى المفروض بتدرب فى الشركة معانا بس حاجه عسل وطيبة جدا بس عيبها الوحيد ان مبيتبلش فى بوقها فولة
زينة بغيرة : شكلك عارفها كويس اوى أهو ومن الواضح انك معجب بيها جامد متجوزتهاش ليه بقى
حمزة بخبث: عادى مجاش الوقت المناسب اللى اروح اتقدملها فيه
زينة بزعل وعيون مليئة بالدموع: يعنى انت بتحبها
حمزة: انتى هتعيطى ولا ايه لا مش بحبها والله هى زى اختى مش قصدي ازعلك انا اسف
زينة : ايه دا انت اعتذرت معقول حمزة الاسيوطى بيعتذر
حمزة : شفى بقى انتى وصلتى حمزة الاسيوطى لى ايه
زينة : على فكرة أنا مش زعلانة وانا هزعل من ايه حب اللى انت عايز تحبها واتجوز اللى انت عايز تتجوزها
حمزة : طب ما هو انا اصلا متجوز
زينة : بس مسيرنا هنطلق اكيد وبعدها كل واحد هيعيش حياته
حمزة بعصبية شديدة: هتعيشى حياتك ازاى يعنى
زينة : عادى اتجو
حمزة بمقاطعة وعصبية: اوعى تكملى الجملة الجملة أو تفكرى تقوليها تانى يا زينة انتى فاهمة
زينة : انا مش فاهماك على فكرة
حمزة : ولا انا فاهم نفسى من ناحيتك انتى بالذات
حمزة : تعالى معايا
زينة : هنروح فين
حمزة : تعالى بس
واخد حمزة زينة وراحوا الڤيلا ودخلها الاوضة القديمة الموجودة في الجنينة
يتبع ......
#زينة_القلب_البارت_الثالث_عشر
#يارا_عبدالعزيز
🦋 زينة القلب البارت الرابع عشر 🦋
حمزة : تعالى يا زينة
زينة أول ما دخلت لقيت أوضة قديمة ومش متجددة ومتعلق فيها صور كتير وكأنها اوضة معمولة لتجميع الذكريات ومعظم الصور لواحدة ست
زينة بزعل : مين دى حبيبتك
حمزة : لا دى امى
زينة : مامتك طب وليه حاطط صورها هنا مش موجودين برا ليه
حمزة : لانى مش عايزهم يبقوا قدامى طول الوقت قدام عينى ومش عايز أى حد يشوفهم على الرغم من أنى برضوا مش بقدر ابعد عنهم وتقريباً بدخل الاوضة دى كل يوم عارفه ساعات ببقى عايز انعزل عن العالم كله واعيش هنا
زينة : مش فاهمة منين مش عايز تشوفهم ومنين عايز تعيش حياتك كلها هنا
حمزة : هو انتى ليه عمرك ما سألتنى عن امى او عن ابويا
زينة: عادى حسيت ان ممكن السؤال يزعلك
حمزة بدموع: انا ابويا اتوفى قضاء وقدر وامى بعدها هربت مع حبيبها سابتنى فى اكتر وقت كنت محتاجها فيه
زينة راحت عليه واخدته فى حضنها وطبطت عليه وحمزة وقتها مسك فيها زى الطفل اللى ماسك فى والدته
زينة وهى بطبطب عليه: اهدا تعال نخرج من هنا ونعقد فى الجنينة
حمزة وهو بيمسح دموعه: ماشى
زينة راحت قعدت ع كنبة فى الجنينة وبعدها لقيت حمزة راح حاطط راسه على رجليها
حمزة : أنا تعبان اوى يا زينة جوايا كمية وجع مفيش اى حد يقدر يتخيله أنا بس كل اللى انا عايز اعرفه انا عملت فيها ايه عشان تعمل فيا كدا هى كانت عارفه انا كنت متعلق بيها اد ايه و سابتنى
زينة : هى اصلا كانت بتتصرف معاك بقساوة
حمزة: لا خالص دى كانت احن واطيب أم فى الدنيا
زينة : طب وايه اللى حصل بعد كدا
حمزة : عادى سافرت أنا ودادة توحيده لندن وكملت دراستى هناك وبعد كدا رجعنا مصر وبعدها بدأت اشغل نفسى عشان مفكرش بس للاسف معرفتش معرفتش انساها يا زينة
زينة : طب هى مفكرتش ترجع خالص تانى يعنى محاولتش تتكلم معاك
حمزة : لا ولا كأنها خلفتنى اصلا
حمزة بدموع وهو بيفتكر : انتى مشفتيهاش وانا قاعد اتحايل عليها واقولها يماما متسبنيش متسبنيش يماما وقتها هى سابتنى ومشيت ومهماش انى قاعد اعيط وامسك فيها عشان متمشيش
زينة أول ما شافت دموعه بدأت تنزل مسحتها بأيدها وحمزة مسك ايدها
حمزة : انتى كمان هتسبينى صح
زينة : مش عارفه أقول ايه بس احنا جوزنا دا كان لسبب ولما السبب دا يتحل ويختفى احنا مش هنبقى مع بعض
حمزة : صح معاكى حق
زينة : هو انتى ليه قولتلى
حمزة : مش عارف بس حسيت انى محتاج اشركك حزنى وحسيت انى محتاجك هو انا ممكن اطلب منك طلب
زينة : اكيد اتفضل
حمزة : ممكن تخليكى جانبى الشوية اللى هنعقدهم مع بعض متعمليش فيا زى ما هى عملت وخلينا اصحاب مقربين ممكن
زينة : عارف انت الصداقة اللى ما بين ولد وبنت دى انا مش بعترف بيها نهائى بس انا هبقى موجودة لانك جوزى ومن حقك عليا انى اشاركك كل همومك واحزانك ومتقلقش لحد اما تقبض ع القاتل انا هفضل جنبك ومش هسيبك
حمزة : انتى عارفه انى مبقتش عايز اقبض عليه عشان تفضلى معايا على طول
زينة بخجل: امم مش بقولك مش فاهمك
حمزة : اما افهم انا هبقى افهمك بس انتى غيرتى أوى من منة
زينة : وانا اغير ليه
حمزة : يعنى مغيرتيش
زينة : ايوا مغيرتش
حمزة : بجد طب عينى فى عينك كدا
وبعدها تاهوا فى عيون بعض
حمزة بضحك: على فكرة وجودك معايا فيه خطر عليا وعليكى وعليا انا بالذات
زينة : على فكرة انت بتقول كلام كتير انت مش ببقى فاهمه
حمزة : أحسن
زينة : بقى كدا عادى خالص مش عايزة افهم اصلا
حمزة : ماشى يستى انا هروح الشغل
زينة بزعل: ليه
حمزة : عشان لسه مخلصتش شغل انا مشيت بس عشان الحقك وهرجع تانى
زينة : هتتأخر
حمزة : مش عارف شغلى دا ملوش مواعيد
زينة : طب مش هتتعشى
حمزة : لا لازم امشى دلوقتي
زينة : طب اعملك اكل تاخده معاك
حمزة : بقولها لازم امشى دلوقتي تقولى اعملك اكل
زينة : اعمل ايه قصدى اسخن اللى جوا
حمزة بضحك: ااه يااانى منك بجد
زينة : عملت ايه انا بقى دلوقتي
حمزة : معملتيش حاجه خالص انا ماشى بقى عشان اتأخرت ومش بعيد اروح المديرية الاقيهم رافضونى
زينة : هو انت ظابط ولا مهندس
حمزة : الاتنين انا خريج الكليتين
زينة : لا برڤوا بجد دا انا هموت ويجى اليوم اللى هتخرج فيه يبنى
حمزة : بعد الشر عليكى متقوليش الكلمة دى تاانى
زينة ببأتسامة: حاضر
حمزة : يلا سلام
زينة : لا اله الا الله
حمزة : محمد رسول الله
فى المديرية
خالد: الصفقة الأخيرة لشركة طارق النويرى اتوقفت والورق بتاعها اختفى
حمزة : اتوقفت ليه
حمزة : مش عارف الموظفين بيقولوا انو وقفها على اخر لحظة
حمزة : كانت صفقة ايه
خالد : كانت صفقة ادوية رايحة نيويورك هو دا اللى قدرت اعرفه من الموظفين
حمزة : تمام هكتبلك رقم عربيه ورقم تليفون اعرفلى الارقام دى متسجلة بإسم مين
خالد: تمام
حمزة فى نفسه: يا ترى مين بيساعدنى ومين اللى مش عايز زينة تتأذى اكيد الشخص دا عارف القاتل يبقى مين
وفضل حمزة موجود فى المديرية لمدة طويلة وبعد كدا رجع البيت ودخل اوضته ولقى زينة نايمة زى الأطفال
حمزة وهو رايح عندها وبيبصلها: معقول اكون حبيتك وقعتى قلب حمزة الاسيوطى انهاردة من الخوف عليكى
فى الصباح
زينة : صباح الخير
حمزة : صباح النور
زينة : انت صحيت امتى
حمزة : من نص ساعة كدا
زينة : تمام
حمزة : يلا غيرى هدومك عشان ننزل نفطر كلنا مع بعض
زينة : اشطا
حمزة بضحك: اشطا !
زينة : ايه بتضايق من الكلمة دى كمان ولا ايه
حمزة : لأ
زينة دخلت اوضة الملابس وخرجت وهى ماسكة قميص رجالي ابيض
زينة : هو انت ممكن تغير الاسود اللى انت لابسه دا وتلبس دا
حمزة : انتى بتقولى ايه اكيد لا
زينة برقة: عشان خاطرى
حمزة : يبنتى حرام عليكى بقى
زينة : البسه بقى
حمزة : ماشى
على تربيزة السفرة
حمزة وزينة نزلوا مع بعض
حمزة وزينة : صباح الخير
دادة توحيده وجدة زينة : صباح النور يحبايبى
دادة توحيده وهى مصدومه: ايه دا انت لابس ابيض يا حمزة
حمزة : اعمل ايه فى اللى جانبى دى
دادة توحيده : لا يا زينة بجد انتى تاخدى نوبل على اللى عملتيه دا
زينة : عشان تعرفوا بس
حمزة : هتشتهرى على حسابى اهو
زينة : شكرا شكرا
دادة توحيده فى نفسها: ربنا يسعدك ديما يا حمزة ويحفظك من كل شر يحبيبى
عند شهد وصلت شرم الشيخ وقابلت زياد هناك
زياد: انتى المترجمه اللى باعتها الشركة صح أهلا بيكى انا البشمهندس زياد ومدلها ايديه
شهد بنرفزة: مبسلمش
زياد: اوك انا أسف
شهد بعصبية: هو انت البشمهندس زياد اللى طلبت المترجم صح
زياد: ايوا
شهد : وبتطلب مترجم ليه
زياد: هم مقالولكيش انتى جاية تعملى ايه
شهد : لا قالولى بس هو انت مش بتعرف تتكلم انجليزي
زياد: اكيد بعرف
شهد بصوت عالى: طب ادام انت بتعرف طلبت مترجمة ليه
زياد بعصبية: عشان دى مش وظفتى انا المهندس اللى بشرف على المشروع مش جاى هنا عشان اترجم وبعدين انتى متعليش صوتك عليا مكنتيش حابة تيجى كنتى قولتيلهم هناك متجيش تعلى صوتك عليا هنا اتفضلى دا رقم ومفتاح الجناح بتاعك ونص ساعة وتكونى تحت دا ايه البلاوى اللى بتتحدف علينا دى يا رب
وسابها ومشى
مجهول: حمزة الاسيوطى لازم نخلص منه
_طب تحب اخلص عليه دلوقتي يباشا
مجهول: لا مش دلوقتي استنى منى مكالمة
_ تمام يباشا عن اذن حضرتك
دا كله وكان فيه واحدة بتتصنت على كلامهم ودخلتله المكتب بعصبية
يتبع.....
تكملة الروايه اضغط هناااااااا
#زينة_القلب_البارت_الرابع_عشر
#يارا_عبدالعزيز
تعليقات
إرسال تعليق