رواية زينة القلب البارت الخامس عشر والسادس عشر 15_16بقلم يارا عبد العزيز في موسوعة القصص والروايات جميع الفصول كامله وحصريه رواية زينة القلب الفصل الخامس عشر والسادس عشر 15_16بقلم يارا عبد العزيز في موسوعة القصص والروايات جميع الفصول كامله وحصريه  |
رواية زينة القلب البارت الخامس عشر والسادس عشر 15_16بقلم يارا عبد العزيز في موسوعة القصص والروايات جميع الفصول كامله وحصريه
🦋 زينة القلب البارت الخامس عشر 🦋
دينا بعصبية شديدة: هو اللى سمعته دا صح
حازم: هو انتى بتتصنتى عليا
دينا: ايوا لما الموضوع يبقى بيخص ابنى لازم اسمعه
حازم: ايوا اللى سمعتيه دا صح حمزة لازم يموت وجوده بقى خطر عليا
دينا بخوف على حمزة: يعنى ايه هتموته بس دا مكنش اتفقنا
حازم: بقولك ابنك بقى خطر عليا حمزة مش هيسكت إلا لما يقبض عليا الدنيا خلاص مبقتش تسعنا احنا الاتنين
دينا بصوت عالى: إذا كان وجودى معاك هنا بسبب انك قولتلى انك مش هتقربله ولا هتأذيه دلوقتي جاى تقولى انا هقتله اسمع يا حازم يا سيوفى ابنى لو جراله اى حاجه انا هفضحك وهفضح كل حاجه انت عملتها صدقنى وقتها حتى ميكفنيش انى اقتلك بأيدى
حازم : واهون عليكى يا دينا
دينا : انت عارف كويس أوى انى عمرى ما حبيتك وانى وافقت انى اجاى معاك عشان متأذيش ابنى أو حتى تفكر انك تقرب ناحيته
حازم: ليه ديما بتعملى فيا كدا يا دينا فى الاول اخترتى انك تكونى مع يوسف ورفضيتنى ودلوقتي بتهددينى ليه يا دينا محبتنيش وانتى عارفه انى عمرى ما حبيت غيرك
دينا: يعنى انت كنت عايزانى اسيب جوزى اللى بحبه وابنى واجاى معاك
حازم : فاكرة يا دينا اما كنت بقولك انك هتبقى معايا سواء كان برضاكى أو غصبن عنك بس انتى اللى عاندتى وقتها وايه اللى حصل في الأخر بقيتى معايا ومراتى برضوا
دينا: حقيقى انت مفيش قلب بس صدقني يا حازم ابنى لو حصله اى حاجه انا هزعلك
حازم: انتى بتهددينى
دينا : اعتبره تهديد اعتبره تحذير سميه زى ما تسميه المهم ابنى متجيش ناحيته انت فاهم
وسابته ومشيت
عند زينة
زينة : الو السلام عليكم يا شهد
شهد وكان باين ع صوتها انها متعصبة: وعليكم السلام يا زينة
زينة : مالك يبنتى متعصبة كدا ليه
شهد حكت لى زينة كل حاجه حصلت
زينة : انتى بتهزرى يا شهد هو ذنبه ايه تتكلمى معاه بالطريقة دى
شهد : مش هو اللى طلب مترجم
زينة : يحبيبتى ما هو طلبه عشان محتاجه
شهد : مش عارفه بقى يا زينة
زينة : نفسى فى مرة تبطلى الدبش اللى انتى فيه دا
شهد : انا دبش يا زينة ماشى يستى شكراً
زينة : يحبيبتى مش قصدي بس الراجل ذنبه ايه
شهد : يعنى انتى شايفة انى غلطت
زينة : الصراحة اه
شهد : انا كمان شايفة كدا برضوا خلاص انا هعتذرله
زينة : تمام يحبيبتى
شهد : انتى كنتى بترنى ليه
زينة : عشان اطمن وصلتى ولا لسه
شهد : لا وصلت الحمد لله تسلميلى
زينة : طب اسيبك لشغلك بقى عايزة حاجة
شهد : لا سلامتك يحبيبتى
زينة : ايه دا حمزة بيرن
زينة : الو السلام عليكم
حمزة : انتى ويتنج دا كله مع مين
زينة : دا كله دا انا مكملتش خمس دقايق
حمزة : كنتى بتكلمى مين يا زينة
زينة : دى شهد هو انت بتشك فيا
حمزة : لأ
زينة : لأ طريقتك عاملة زى ما تكون بتحقق معايا أنا اكيد مش هكلم واحد يعنى وانا متجوزك
حمزة : زينة مش قصدي
زينة : مع السلامه يا حمزة
حمزة : زينة يا زينة قفلت الخط
وبعدها حمزة حاول يرن عليها كذا مرة بس مردتش
حمزة بصوت عالى: ايه اللى انا هببته دا
خالد: ايه يبنى انت بتكلم نفسك
حمزة : جبتلى اسامى الناس
خالد: للأسف العربية مش متسجلة ورقم الموبايل من الخطوط اللى بتتباع فى الشارع
حمزة : صفقة الأدوية دخلت المينا
خالد: لا طارق النويرى وقفها على اخر لحظة زى ما قولتلك
حمزة : تمام مكان ما هى موجودة ابعت الخبرة بتوعنا يفحصوها
خالد: تمام بس الموضوع دا هياخد وقت انت اكيد عارف التصاريح اللى محتاجنها عشان نفحصها
حمزة : تمام وانا اللى هروح بنفسى مع الخبرة وهم بيفحصوها
خالد: تمام
عند شهد
شهد : بشمهندس زياد
زياد: ايه لسه فيه كلام عايزه تقوليه
شهد : لا انا كنت حابة اعتذر من حضرتك على طريقتى فى الكلام معاك انا اسفة
زياد: خلاص محصلش حاجه وانا كمان اسف لانى عليت صوتى
شهد : انا عارفه انى انا اللى استفذت حضرتك فأنا مش مضايقة عادى
زياد: تمام يلا بينا
شهد : احنا هنروح الموقع
زياد: لا هنروح نعقد فى مطعم الاول عشان هنقابل الوفد هناك الاول وبعد كدا هنروح الموقع
شهد : تمام
فى لندن
منار: كريم ممكن تساعدني فى المسألة دى مش عارفه احلها
كريم : أكيد يا منار تعالى
كريم : هاا فهمتى كدا
منار: ايوا الحمد لله انت عارف انت المفروض تكون مدرس رياضيات
كريم : طبيعى انى اعرف افهمهلك يا منار انا مهندس على فكرة
منار : واحلى مهندس كمان
كريم : انا همشى انا بقى عشان شغلى وكان لسه ماشى بس منار وقفته
منار : هو انت ليه ديما بتتهرب منى
كريم وقف وحاول يستجمع قوته وبصلها
كريم : مش فاهم
منار: لا انت فاهم كويس اوى وعارف انا قصدي ايه
كريم : انتى عايزة ايه
منار: عايزاك تقول الحقيقة
كريم : حقيقة ايه
منار : حقيقة مشاعرك من ناحيتى
كريم : مبحبكيش يا منار قولتلك مليون مرة قبل كدا انتى زى اختى وبس
منار: طب بص فى عيونى كدا وانت بتقولها
كريم : يواه بقى انا ماشى
عند محمود وشذى
فى المكتبة
محمود كان رايح ياخد كتاب وشذى كانت عايزاه برضوا
محمود : اتفضلى
شذى : حضرتك اللى جيت الاول فتفضله انت
محمود : لا خلاص اتفضلى انا مش محتاجه اوى
شذى : اوك شكراً
محمود: بدأتى فى المشاريع بتاعت دكتور مارك
شذى : الصراحة لأ
محمود : ليه
شذى : خايفة اوى اعمل اى حاجه متعجبهوش
محمود : خوفك دا مش هيخليكى تعملى حاجه تعالى نعقد
شذى : اوك
محمود: يلا قوليلى الأفكار اللى عندك وهنعملهم مع بعض
شذى : بجد
محمود: ايوا اكيد مش بهزر يعنى
وبدأوا يتنقاشوا فى المشاريع
محمود : طب ما انتى افكارك حلوة انى خايفة ليه بقى
شذى : يعنى عجبوا حضرتك
محمود: جدا
شذى : شكرا جداً ليك حضرتك طيوب اوى
محمود : طيوب !
شذى : ايه
محمود : فكرتينى بواحدة عزيزة عليا اوى بتقول الكلمة دى برضوا
شذى : مراتك
محمود : لا انا مش متجوز ولا خاطب حتى دى بنت عمى واختى فى نفس الوقت
شذى : ازاى يعنى
محمود : اختى فى الرضاعة
شذى : اوك فهمت عن اذن حضرتك بقى عشان عندى محاضره وشكرا مرة تانية
محمود : العفو لو احتاجتى اى حاجه انا موجود
شذى : اوك عن اذنك
محمود : اتفضلى
محمود بتوهان: اه لو تعرفى انتى عملتى فيا ايه من ساعة ما شفتك مش عارف ابطل تفكير فيكى وطلعت شبهك اوى يا زوزة
عند منة
كانت قاعدة على مكتبها فى الشركة
مازن : بشمهندسة منة
منة بزعل: نعم
مازن: انا اسف جدا ليكى على طريقة كلامى معاكي وزى ما زعقتلك قدام الكل فأنا جاى اعتذرلك برضوا قدام الكل بتمنى انك تقبلى اسفى
منة ببأتسامة واعجاب: عادى محصلش حاجه انا اللى اسفة و اوعد حضرتك أن اى حاجه انا هعملها حضرتك هتكون اول واحد تشوفها
مازن: تمام
عند شهد
شهد بتوتر: هم اتأخروا كدا ليه
زياد: مش عارف هو انتى بتعملى ايه
شهد: مبعملش حاجه
زياد: لا باين انك بتراجعى على الكلمات صح
شهد : الصراحة اه انا اول مرة اقعد كدا واترجم وحاسة من كتر التوتر والخوف انى ناسية كل حاجه
زياد : متوتريش ومتقلقيش انا معاكى ولو وقعتى فى حاجة هساعدك
شهد : بجد انت غريب اوى
زياد: ليه
شهد : واحد غيرك كان قال انى فاشلة وطلب مترجمه تانية غيرى
زياد: اولا انتى مش فاشلة محدش بيوصل انو يشتغل فى شركة من شركات حمزة الاسيوطى بيكون فاشل لأن حمزة معروف انو مبيخترش غير اللى كفاءتهم عالية وثانيا انا مش هطلب غيرك ولا حاجه عشان انا مقدر كويس اللى انتى فيه وعارف انها اول مرة واكيد انتى متوترة وتعالى بقى اثبتلك انك مش فاشلة زى ما بتقولى
شهد : ازاى
زياد : هقولك بعض الجمل وانتى تترجميها اوك
شهد : اشطا يختااى قصدي تمام
زياد: يختاى ليه
شهد: عشان انت مديرى فى الشغل والمفروض انقى كلامى
زياد: لا براحتك قولى كل اللى انتى عايزاه
فى المساء عند زينة
زينة كانت قاعدة لوحدها فى الريسبشن تحت لوحدها بتتفرج على التلفزيون
حمزة : ببتفرجى على ايه
زينة مش بترد عليه
حمزة : مش بتردى عليا يا زينة لدرجة دى زعلانة منى
زينة : يعنى انت شايف انى المفروض مزعلش
حمزة : انا اسف حقك عليا بس صدقيني انا مضغوط جدا فى الشغل ضغطة مخلينى مش عارف انا بقول ايه
زينة : خلاص يا حمزة محصلش حاجه
حمزة : يبقى لسه زعلانة انا والله ما اد زعلك دا اعمل ايه طيب عشان متزعليش
زينة ببأتسامة: خلاص انا مش زعلانة
حمزة : بتتفرجى على ايه بقى
زينة : توم وجيري
حمزة : وبتزعلى اما بقول طفلة
زينة : بجد يعنى انت شايف كدا
حمزة : بتتفرجى على توم وجيري هشوف ايه غير كدا
زينة : اوك اختار انت نتفرج على ايه
حمزة بضحك : لا خلاص انا هتفرج معاكى على توم وجيري
وبصوا هم الاتنين لبعض وبعدها ماتوا من الضحك
وفجأة لاقوا واحدة دخلت عليهم وحمزة لما شافها قام وقف وفجأة البنت دى راحت على حمزة
_ وحشتني اوى يا حمبوزى
يتبع ......
#زينة_القلب_البارت_الخامس_عشر
#يارا_عبدالعزيز
🦋 زينة القلب البارت السادس عشر 🦋
وقفنا البارت اللى فات على واحدة اما راحت لحمزة
سيليا: وحشتنى اوى يحمبوزى
زينة بصدمة وهى بتبص لحمزة : حمبوزها انتى مين يماما
سيليا: ايه دا انتى اللى مين
زينة: ما تعرفنا يا حمزة
حمزة : زينة دى سيليا صديقتى من ايام الجامعة فى لندن
زينة : فعلا وانت صحابك كانوا مسمينك حمبوز
سيليا: انتى مين
زينة : انا زينة يحبيبتى مرات حموزتى
سيليا: حموزتى !!
زينة : قصدى حمزة معلش اصل انا بدلعه كدا مراته بقى ولازم ادلعه
سيليا بزعل: ايه دا يا حمزة انت اتجوزت
زينة :اه يحبيبتى اتجوز لو مش مصدقة اطلع اجيبلك قسيمة الجواز عادى
سيليا: على فكرة أنا مش بكلمك انتى انا بكلم حمزة
زينة : اه شكلك عشتى فى لندن كتير بقى ونسيتى مصر بصى يستى عندنا فى مصر الست وجوزها واحد فعادى جدا لو لقتينى برد بدل جوزى
سيليا: اوك انا طالعة اوضتى
زينة : اوضتى هو انتى مقيمة فى البيت ولا ايه
سيليا: عادى بس كنت اما باجى فى الاجازة كنت بعقد هنا
زينة بصت لحمزة بعصبية
حمزة : هى فى اوضة وأنا فى اوضة والله
سيليا وهى بتحاول تغيظ زينة : ايوا يا زينة كانا بنخرج نتفسح وبعد كدا كل واحد فينا بينام فى اوضة
حمزة : عادى يا زينة كنت بفرجها على مصر
زينة : ليه هى مش مصريه
حمزة : لا مصرية بس عايشه برا من بقالها مدة
زينة : طول عمره حمزة بيحب يساعد الناس اتفضلى يحبيبتى ما هو اكرام الضيف واجب برضوا دا احنا مبسوطين ان عندنا ضيفة كدا قصدى يعنى قمر كدا
زينة وهى بتمسك ايد حمزة: يلا يحبيبى نطلع بقى عشان انا عايزة انام
على الرغم من ان حمزة عارف ان زينة بتعمل كدا عشان تغيظ سيليا الا انه انبسط جدا من رد فعلها
حمزة بتوهان فى زينة : ماش يا عمرى
زينة : عن اذنك يقمر
زينة وهى ماشية بصت على سيليا
زينة : ياا
سيليا بصتلها
زينة : كان اسمك ايه اه سيليا اعتبرى البيت بيتك يحبيبتى ولو عوزتى اى حاجه ابقى قوليلهم زينة هانم مرات حمزة بيه بنفسها اللى موصية عليا
زينة : يا صافية
صافية: نعم يا هانم
زينة : طلعى حاجة الانسة فوق فى اوضة الضيوف
صافية: تمام يفندم
زينة : يلا يحبيبى
فى الاوضة
زينة : وانتوا علاقتكم ببعض كانت عاملة ازاى بقى لما كنتوا فى لندن
حمزة : عادى يا زينة مجرد صحاب
حمزة وهو بيقرب منها: بس انا مكنتش اعرف انك بتحبينى اوى كدا
زينة بتوهان: هاا على فكرة انا بس كنت عايزة اوقفها عند حدها مش اكتر لانى مبحبش البنات اللى من النوع دا
حمزة وهو بيقرب اكتر: عارفه انتى وحشتينى اوى انهاردة
زينة نبضات قلبها بدأت تزيد وبتحاول تبعد بس حمزة مسك ايدها
حمزة : ممكن تسبينى اتوه جوا عينكى دول شوية
زينة : انا
حمزة بمقاطعة وبحنية : هشش متتكلميش خلينى ابص لعيونك دول وبس
بس فجأة تليفون حمزة رن
زينة : الفون بيرن
حمزة : سيبك منه
والفون فضل يرن
حمزة : عايز ايه يا زفت
زياد: نفسى فى مرة ترد عليا بطريقة كويسة الوفد مجاش فى المعياد اللى حطينه
حمزة بعصبية: هم بيهزروا يعنى هم اللى مقدمين المعياد وبرضوا مجوش ابعتلهم اخر تحذير يا زياد اخر تحذير وبعد كدا لو حصل منهم اى حاجه الغى العقد من غير حتى ما ترجعلى
زياد: تمام
زينة : هى شهد معاه
حمزة : مش عارف
زينة : طب ممكن تسأله
حمزة : شهد معاك
زياد : ايوا
زينة : انا عايزاها خليه يدينى الفون اكلمها
حمزة بعصبية وغيرة: والله ما تاخدى التلفيون تكلميه احسن
زينة : خلاص قولها ترد على فونها
حمزة : قول لشهد ترد على زينة عشان عايزها
زياد : زينة مين
حمزة بغيرة : اعمل اللى بقولك عليه يا زياد من غير ما تسأل
زياد : حاضر
زياد : بتقولك زينة ردى عليها
شهد بصدمة : ايه دا انا حاطة الفون صامت وماما رنت كتير
شهد : الو السلام عليكم يا زينة
زينة : وعليكم السلام يختى مش بتردى على طنط ليه رنت عليا وقالتلى انك مش بتردى عليها احنا اصلا مصدقنا اقنعنها ردى عليها بدل ما تيجى تجي**بك من شع**رك وانتى عارفه طنط
شهد : والله كنت حاطه صامت ومسمعتوش خلاص انا هكلمها دلوقتي
زينة : طيب يلا عايزه حاجه
شهد : لا سلامتك
عند زينة وحمزة
حمزة : قاعدة عمالة تقولى فون وانا ساكتلك
زينة : اسفة بس انا متعودة عليها فمش هعرف ابطلها بسرعة
حمزة : خدى راحتك
زينة : اتعشيت
حمزة : لا وجعان اوى الصراحة
زينة : نص ساعة والعشا يكون جاهز
حمزة مسك ايدها: لا خليكى قاعدة معايا انا هقولهم يحضروه تحت
زينة : اوك بس هنتعشى فى البلكونه
حمزة : تمام
عند شهد رنت على مامتها وطمنتها عليها
زياد : هى مين زينة
شهد : صاحبتى
زياد : وشغالة مع حمزة يعنى
شهد بضحك : لا مراته
زياد : بتهزرى صح
شهد : لا والله زينة مراته فعلا
زياد بصدمة : هو حمزة اتجوز
شهد : ايوا مش يلا بقى انا عايزة انام الصراحة وهم شكلهم مش جاين
زياد : تمام يلا
زياد فى نفسه: بقى كدا يحمزة تتجوز من غيرى مكنش العشم يا ابن عمي
عند زينة وحمزة
زينة : هو انتوا لسه معرفتوش اى حاجه عن القاتل
حمزة : لا ايه زهقتى منى
زينة : لا والله مش قصدي كدا بس بطمن بس
حمزة : زينة
زينة: نعم
حمزة : تفسرى ايه انك كل اما تشوفى شخص معين بتحسى انك اسعد انسانه فى العالم وبتحبى يبقى معاكى طول الوقت وبيوحشك على طول ولما بيقرب منك بتحسى انو قلبك هيطلع من مكانه ودقاته بتبقى مسموعة تسمى كل دا ايه
زينة بزعل : هو على حسب ما اعرف فدى تبقى علامات بتقول انك بتحب الشخص دا
حمزة : مالك
زينة : انا عايزة انام تصبح على خير
حمزة : هو انا قولت حاجه ضايقتك
زينة بدموع : لا انا هدخل الحمام وبعد كدا هنام
حمزة بخوف: انتى كويسة طيب تعبانة
من حاجة تحبى نروح لدكتورة
زينة : لا انا تمام الحمد لله عن اذنك
حمزة بزعل: اتفضلى
فى الحمام
زينة وهى واققة قدام المراية وبتعيط
زينة : اكيد بيسأل السؤال دا لانو حس بكدا اول ما شافها انهاردة والا سأل السؤال دا ليه بالذات انهاردة اكيد عشان هى ظهرت
زينة : وانتى بتعيطى ليه ايه مفكرة أنو بيحبك اكيد هيحب واحدة من مستواه الاجتماعي هو اصلا هيحبنى على ايه وهو اكيد شاف بنات كتير احسن منى
زينة وهى بتمسح دموعها: فوقى يا زينة ومتعيطيش ومتحلميش احلام اكبر منك
وخرجت زينة لحمزة
حمزة : انتى كويسة
زينة : ايوا الحمد لله تصبح على خير
حمزة : وانتى من اهله
الساعة الثالثة صباحا بتوقيت لندن
منار: هو كريم اتأخر كدا ليه يا رب يكون بخير
وفجأة سمعت صوت عربيته وطلعت جرى على البلكونه
منار بفرحة: جيه الحمد لله
ونزلت تحت
منار: كريم انت اتأخرت كدا ليه
كريم كان وقتها سكران جدا
كريم : ايه دا منار انت صاحية لحد دلوقتي
منار: كريم انت شارب
كريم بدموع: ايوا عشان انساكى بس مش عارف مش عارف خالص
منار: وتنسانى ليه
كريم : عشان لازم تطلعى من قلبى بقى مينفعش مينفعش يا منار
منار: ليه يا كريم ليه مينفعش
كريم : عشان
وبعدها كان هيقع
منار بخوف: حاسب يا كريم تحب اسندك لى الاوضة
كريم : لا انا انا هطلع لوحدى بس بالله عليكى كفاية عليا كدا ومتزوديهاش عليا
وبعدها طلع وسابها
منار بفرحة: كنت متأكدة انك بتحبينى بس ليه مينفعش يا كريم بس لازم هعرف اكيد
فى الصباح
عند زينة
صحيت من النوم وشافت مسدج على تليفونها
زينة : يا نهار ابيض
حمزة : فيه ايه
زينة : بعتولى فى الكلية عشان فيه امتحان مهم ولازم اروح
حمزة : امتحان ايه
زينة : فى الترجمة المفروض اصلا انو الامتحان دا دفعتى امتحانته من كام يوم وانا اتوصلت معاهم وقالولى انى ممكن امتحنه أون لاين عادى بس دلوقتي بعتولى بيقولولى مش هينفع أون لاين ولازم اروح
حمزة: خلاص البسى وتعالى نفطر وبعد كدا انا هوديكى واستناكى لحد اما تخلصى
زينة : تمام معلش هعطلك
حمزة : ولا هتعطلنى ولا حاجه
ولبست زينة ونزلوا تحت
على السفرة
سيليا: دادة توحيده ازيك مشوفتكيش انبارح عشان اسلم عليكى
دادة توحيده بضيق: الله يسلمك
سيليا: هو حضرتك جدة زينة
الجدة: ايوا يحبيبتى
زينة بزعل: انا شبعت الحمد لله
حمزة : يلا بينا
سيليا: على فين كدا
حمزة : كلية زينة
زينة : عن اذنكوا
فى عربيه حمزة
حمزة ولاحظ زعل زينة : متقلقيش باذن الله تحلى كويس
زينة : ان شاء الله
حمزة : ايه دا
زينة وهى بتبصله : فى ايه خير
حمزة : مفيش فرامل
زينة بخوف: ايه
يتبع.......تكملة الروايه اضغط هناااااااا
#زينة_القلب_البارت_السادس_عشر
#يارا_عبدالعزيز
تعليقات
إرسال تعليق