رواية زينة القلب البارت السابع عشر والثامن عشر 17_18بقلم يارا عبد العزير في موسوعة القصص والروايات جميع الفصول كامله وحصريه رواية زينة القلب الفصل السابع عشر والثامن عشر 17_18بقلم يارا عبد العزير في موسوعة القصص والروايات جميع الفصول كامله وحصريه  |
رواية زينة القلب البارت السابع عشر والثامن عشر 17_18بقلم يارا عبد العزير في موسوعة القصص والروايات جميع الفصول كامله وحصريه
🦋 زينة القلب البارت السابع عشر 🦋
حمزة : مفيش فرامل
زينة بصدمة: ايه
حمزة : افتحى الباب ونطى يا زينة
زينة بخوف: مش هعرف
حمزة بصوت عالى: قولتلك افتحى الباب ونطى
زينة بعياط: صدقنى مش هعرف
حمزة فتح الباب من عند زينة وزقها وهو كمان نط
ولحسن الحظ ان الطريق كان فاضى وقتها
حمزة قام وراح عند زينة بس كان مغمى عليها وكانت بتنزف من دماغها
حمزة بخوف: زينة زينة ردى عليا يحبيبتى يا زينة فوقى
وقتها فيه عربية جت وحمزة وقفها وشال زينة
حمزة بصوت عالى ودخل زينة العربية: اقرب مستشفى بسرعة
فى العربية
حمزة : بسرعة لو سمحت وقف وانا هسوق وحمزة وقتها ساق بسرعة جنونية وهو ميت من خوفه عليها وكان طول الطريق بيبص عليها فى المراية
صاحب العربية دا كان راجل كبير فى السن
صاحب العربية: متقلقش يبنى هتبقى كويسة باذن الله
حمزة : يارب يارب انا مقدرش اعيش من غيرها خليها تفوق يارب
فى المستشفى
حمزة دخل المستشفى وهو شايل زينة
حمزة بزعيق: معايا حالة تعالوا بسرعة
وطبعاً كل اللى فى المستشفى كانوا يعرفوا حمزة وبالفعل دخلوا زينة اوضة الكشف وكانت اوضة خاصه طبعا لانها مرات حمزة الاسيوطى
حمزة : انا عايز دكتورة هى اللى تشوفها
الممرضه: حاضر يفندم
حمزة لدكتورة: انا عايز ادخل معاكوا
فى اوضة الكشف
حمزة : هى كويسة صح
الدكتوره: حضرتك انا لسه بكشف عليها
حمزة بصوت عالى : لو مراتى حصلها اى حاجه انا ميكفنيش انى اقفلقوا المستشفى دى كلها اعملى اى حاجه عشان تفوقيها فى اسرع وقت
الدكتوره بخوف: حاضر
بعد ربع ساعة وحمزة كان بيموت فى كل دقيقه بتمر عليه وهو شايف زينة فاقده الوعى
الدكتوره: هى مخبوطة فى دماغها هو دا اللى ادى الى الاغماء بس متقلقش حضرتك نص ساعة بالكتير وهتفوق عن اذنك
حمزة فضل قاعد جنب زينة
حمزة وهو بيبص على زينة : مكنتش اعرف انى بعشقك اوى كدا فوقى بقى يا عمرى انا مش قادر اشوفك كدا
زينة وبدأت تفتح عينها
زينة بوجع : اه
حمزة بفرحة : زينة انتى كويسة حاسة بحاجة
زينة : دماغى وجعانى شوية هو انا مت ولا لسه ايه اللى حصلى
حمزة بخوف : بعد الشر عليكى انتى كويسة الدكتورة طمنتنى عليكى
زينة ببتسامة: هو ايه جو افلام الاكشن اللى انا عايشه فيه دا اللى هو نطى يا زينة وبعدين بتزقينى ليه يا عم انت ايه بتحطنى قدام الأمر الواقع
حمزة : لا كنت سيبتك تتقلبى مع العربية
زينة : لا تقوم انت اللى تقلبنى مكنش العشم خالص يا حمزة الصراحة
حمزة : انتى ليه لازم بتعاندى فى كل حاجه كدا حقيقى يا سبحان ما صبرنى عليكى انتى لو كنتى حد تانى كان زمانى قتلتك من زمان
زينة : مبقاش انا زينة لو معندتش يا حضرة الظابط على العموم انا حقيقى مش عارفه اشكرك ازاى على انقذك حياتى هى دى المرة الكام نسيت من كتر ما هم كتير والله حقيقى شكرا من قلبى على وجودك
حمزة : انا معملتش حاجه تستاهل الشكر على فكرة
زينة : هى العربية ادمرت اوى
حمزة : اه
زينة بضحك: يا خسارة دا انا كنت ناوية اخادها منك
حمزة : شاورى انتى بس على اى عربيه وانا هجبيهلك بس انتى بتعرفى تسوقى
زينة : معاك زينة الرفاعي واخدة المركز الاول فى النط من العربيات
حمزة وهو ميت من الضحك: ودا ايه علاقته بالسواق
زينة بضحك: يبنى اللى تعرف تنط النطة اللى نطتها دى تعرف تعمل اى حاجه
حمزة : اشحال انا اللى ذقك اسكتى
زينة : اسكت بقى متفكرنيش كل اما اتخيل نفسي اقعد اضحك
حمزة : عارفه احلى حاجه فيكى ايه
زينة : ايه
حمزة : انك ديما بتقدرى تحولى الجو اللى مليان حزن وخوف لجو مليان ضحك وهزار
زينة : شفت عشان تعرف قدراتى بس
زينة : الحمد لله انها جت على اد كدا واحنا بخير اى حاجه تانية مقدور عليها
حمزة : الحمد لله
الباب خبط
حمزة : ادخل
الدكتور: حضرتك عاملة ايه دلوقتي
زينة : حاسة بشوية وجع فى دماغى يا دكتور
الدكتور: دا بس من اثر الخبطة
دا كله وحمزة كان مولع لانها بتتكلم معاه
الدكتور: ممكن ايدك بس عشان اقيس النبض
زينة كانت لسه هتتكلم بس حمزة قاطعها
حمزة بعصبية: قولت ايد مين
الدكتور: ايد المدام عشان اقسلها النبض
حمزة بصوت عالى: لا طبعا وكفاية اصلا انى سبتك تتكلم معاها الشوية دول روح هات الدكتورة اللى كانت معاها تقيس النبض
الدكتور: حضرتك دكتورة زينب مش فاضية دلوقتي وانا مكانها
حمزة بصوت عالى جدا ارعب الدكتور و زينة: اطلع برا وأما تخلص ابعتها أو ابعت دكتورة تانية
الدكتور بخوف شديد : حاضر عن اذنكوا
وخرج الدكتور
حمزة : وانتى بتتكلمى معاه ليه انتى كمان
زينة : بيسألنى عاملة ايه مردش يعنى
حمزة : ايوا ومترديش على اى راجل تانى سواء كان فى وجودى أو فى غيابى
زينة : ليه يا حمزة
حمزة : عشان انا عايز كدا
زينة : ليه برضوا
حمزة : عشان
وكان لسه هيقول بس خبط الباب قطعه
حمزة : ادخل
الدكتوره زينب : حضرتك عاملة ايه دلوقتي
زينة : دماغى وجعانى شوية
الدكتورة: طب ممكن اقيس النبض
حمزة : اتفضلى
الدكتوره: لا النبض كويس أهو الحمد لله
حمزة : نقدر نمشى امتى يا دكتورة
الدكتورة بأعجاب: هنعمل بس شوية اشعة على المخ عشان نطمن وبعد كدا تقدروا تروحوا
زينة ولاحظت اعجابها بحمزة: تمام حضرتك هتعمليلى اى حاجه تانيه
الدكتوره وهى بتبص لحمزة: لا انا هبعت لحضرتك حد من الممرضين ياخدك لمركز الاشعة
زينة بضيق: على فكرة انا اللى هعمل الأشعة مش هو
الدكتورة: ايوا ما انا عارفه
زينة : فعلا اصلك بتبصيله هو فكرتك نسيتى ولا حاجه
الدكتورة بأحراج: طب عن اذنكوا
حمزة بضحك: خلتيها واقفة فى نص هدومها
زينة بضيق: تستاهل دا كان ناقص تقولك اتجوزنى
حمزة : بس انا متجوز ومراتى عجبانى اوى على فكرة
زينة بخجل وخدود حمرة: امم
حمزة راح قعد على السرير وبا**س خدودها وكان لسه هي**قرب من شفا*يفها بس الباب خبط
زينة : الباب بيخبط على فكرة
حمزة بضيق: متدخلش
زينة : حمزة
حمزة : ادخل
الممرضه: حضرتك جاهزة
زينة : ايوا
واخدت زينة وحمزة مسبهاش
الممرضه: على فكرة جوز حضرتك بيخاف عليكى اوى انتى مشفتيش عمل ايه وكان هيموت من خوفه عليكى
زينة بصت على حمزة وابتسمت وقلبها كانت الفرحة مش مسياعه
وبعد كدا حمزة اخد زينة وسندها وهم ماشين فى المستشفى
زينة : هو احنا هنروح ازاى
حمزة بضحك: اسألتك بتبهرينى يا زينة الصراحة اكيد هنروح بالعربيه
زينة : ازاى مش هى باظت
حمزة : انتى بتكلمى حمزة الاسيوطى يبنتى بإشارة منه بس يجبلك عشر عربيات بالسوقين بتوعهم
زينة : ماشى يا عم حمزة الاسيوطى
وروحوا البيت وكل اللى فى البيت كانوا قاعدين
حمزة : على مهلك
الجدة بخوف: ايه دا زينة مالك يحبيبتى ايه اللى حصلك
زينة : متقلقيش يا تيتة انا كويسة
دادة توحيده: ايه اللى حصل
حمزة : حادثة بسيطة كدا بالعربيه
سيليا: انت كويس يا حمزة حصلك حاجه
زينة بضيق: حمزة انا عايزه اطلع ارتاح فوق لو سمحت
حمزة : حاضر عن اذنكوا
الجدة بخوف: حاسة بى ايه يحبيبتى
زينة : متقلقيش يا تيتة والله انا كويسة والدكاترة هناك عملولى اشعه وقالوا انى كويسة متوتريش نفسك ومتقلقيش عليا
الجدة : ربنا يشفيكي ويحافظك من كل شر
زينة : امين يارب عن اذنكوا
دادة توحيده: اتفضلوا يحبايبى
وطبعاً كان فيه عيون بتبص عليهم بكل حقد
عند منة
مازن: بشمهندسة منة جهزى نفسك عشان رايحين الموقع كمان نص ساعة
منة : تمام يبشمهندس
وسابها ومشى
منة فى نفسها: هو فيه حلاوة كدا يخربيت جمالك يجدع يختااى عليا غضى بصرك يا منة غضى بصرك الله يهديكى
عند حازم
حازم: يعنى ايه الاتنين كويسن
_ حمزة عرف ينقذ نفسه وينقذها المرة دى برضوا
حازم: مينفعش الاتنين لازم يموتوا بأى طريقة مينفعش اى حد فيهم يعيش
_ معرفلكش بقى شوف انت هتعمل ايه وبلغنى
حازم : طب اقفلى
حازم وهو بيرمى كوبايه الوسيكى من ايديه: كل مرة بيفلت منها ابن يوسف الأسيوطى بس مش هستسلم يا حمزة ويا انا يا انت
دينا دخلتله المكتب بصوت عالى: تانى يا حازم تانى بتحاول تأذى ابنى تانى
حازم بعصبية : وياريتنى عرفت اذيه ابنك عامل زى القطط بسبع اروح
دينا : يبقى مأخدتش كلامى وتحذيرى ليك على محمل الجد يبقى متزعلش من اللى هعمله بقى
حازم: هتعملى ايه يعنى
دينا بعصبية : هفضحك يا حازم وهدخلك السجن انت مينفعش تبقى برا لانك طول ما انت برا حياة ابنى هتبقى فى خطر
حازم : اكيد مش هتعملى كدا
دينا : لا هعمل كدا عشان احمى ابنى منك هعمل كدا
وكانت لسه هتمشى بس فجأة لقيت حد بيضربها على دماغها
يتبع......
#زينة_القلب_البارت_السابع_عشر
#يارا_عبدالعزيز
🦋 زينة القلب البارت الثامن عشر 🦋
وقفنا البارت اللى فات على دينا اما كانت لسه هتمشى بس فجأة لقيت حد بيضربها على دماغها
حازم : انا أسف يا دينا أسف يحبيبتى بس مفيش قدامى اى حل غير كدا
حازم : يا عوض انت يا زفت ياللى اسمك عوض
عوض: نعم يباشا
حازم: ابعت هات الدكتور بسرعة
عوض: حاضر يباشا
حازم : هاا يا دكتور
الدكتور: انا ضمدتلها الجرح وادتيها مخدر زى ما انت طلبت يباشا
حازم : تمام
حازم: عوض
عوض: ايوا يباشا
حازم: حضر العربية عشان هنروح الڤيلا القديمة اللى فى الشرقية
عوض: تمام يباشا
عند زينة وحمزة
زينة كانت قاعدة على السرير وحمزة كان قاعد على الكنبة بيشتغل على اللاب وزينة كانت بتفكر فى الكلام اللى قالته الممرضه وفى كل حاجه حصلت فى المستشفى
زينة فى نفسها وهى بتبص على حمزة : حقيقى مبقتش فاهماك يا حمزة بس اكيد كل اللى حصل دا مجرد إنسانية وجدعنة منه وكمان لانه المسؤول عن حمايتى فمينفعش يحصلى أى حاجة وانا معاه بس مش اكتر اكيد مبيحبكيش يا زينة بطلى تحلمى احلام اكبر منك وبعدين اصلا ميهمنيش بيحبنى ولا لأ بمجرد ما هيقبض على القاتل هنطلق وكل واحد فينا هيرجع لحياته وهو اصلا بيحب سيليا
حمزة لاحظ ان زينة بتبص عليه
حمزة : لدرجة دى انا حلو ومش قادرة تشيلى عينك من عليا
زينة : لا عادي سرحت شوية
حمزة بخبث: سرحتى فيا
زينة : لا وانا هسرح فيك ليه
حمزة بخبث: لانك بتحبيني مثلا
زينة بتوتر : أن انا مين قالك كدا
حمزة : فيه ايه يا زينة مش مستاهلة كل التوتر دا انا بس بهزر معاكى
زينة بزعل: يا ريت بلاش الهزار اللى من النوع دا لو سمحت
حمزة : مالك يا زينة
زينة : مالى ما انا كويسة قدامك اهو
حمزة بيحط اللاب على التربيزة وراح يعقد قدامها على السرير
حمزة : لا يا زينة انتى من انبارح وانتى متغيرة معايا
زينة : عادى يا حمزة
حمزة بحنية: عملت اى حاجه زعلتك طيب لو فيه حاجه قولى
زينة : لا ومتشغلش بالك بيا
حمزة : لو مش هشغل بالى بيكى هشغل بالى بمين يعنى
زينة بسخرية: شوف انت بقى
حمزة مسك ايدها
حمزة : طب انا اسف لو عملت اى حاجه زعلتك بس لو سمحتى متتعمليش معايا بالطريقة دى ممكن
زينة حمزة صعب عليها
زينة برقة : تمام
حمزة وهو بيحط ايده على دماغها: بتوجعك اوى
زينة : شوية بس الدكتور قال من اثر الخبطة
حمزة بغيرة: فاكره كلامه اهو
زينة : ما هو لازم اما الموضوع يكون بيخص صحتى لازم افتكره
حمزة : تمام متتكلميش عليه تانى بقى
زينة بعصبية: لا يا حمزة هتكلم براحتى انا مبعملش حاجه غلط
حمزة وهو بيحاول يتحكم فى اعصابه: متعنديش يا زينة اسمعى الكلام وخلاص
زينة بصوت عالى: لا انا هعمل اللى انا عايزاه وبلاش تعملنى كأنى الجارية اللى اشتريتها انت جوزى على الورق وبس يا حمزة
حمزة مسك ايديها بع**نف وقربها منه وقب**لها بعنف لدرجة ان زينة مكنتش قادره تاخد نفسها وبعد كدا حس بدموعها اللى بدأت تنزل فسابها ومشى
زينة بدموع : يا رب
حمزة راح اوضة الذكريات بتاعته وكان ماسك صورة والدته وبيبص عليها
حمزة : ليه مش عارفه اقولها انى بحبها معقول بسبب اللى عملتيه فيا وانا مبقتش عايز اتعلق بحد بقيت اخاف ان كل ما حب يسبنى ويمشى
حمزة وهو بيمسح دموعه: لا يا حمزة فوق لنفسك انت اتولدت بس عشان تكون لوحدك مينفعش تتعلق بحد عشان ميسبكش وتتوجع مرة تانية من اقرب الناس ليك
عند منار
كريم : منار
منار : نعم يا كريم
كريم : بالنسبة لى اللى حصل انبارح فأنا اسف انتى اكيد هتقدرى انى مكنتش فى وعى ومكنتش عارف بقول ايه
منار بزعل: مكنتش عارف بتقول ايه !!
كريم : ايوا انا اسف مرة تانية عن اذنك
منار: استنى يا كريم انا بجد خلاص طاقتى خلصت ومبقتش قادرة كفاية عليا كدا بقى وقول الحقيقة أنا عارفة كويس اوى انك بتحبنى زى ما انا بحبك بس اللى معرفهوش اى السبب اللى مخليك تخبى دا فياريت بلاش نعقد نوجع فى بعض وكفاية كدا
كريم بصوت عالى: هو انتى معندكيش دم لدرجة دى ايه مفيش كرامة قولتلك مبحبكيش ايه هتخلينى احبك بالعافية يعنى
منار بدموع و وجع: انت شايفنى كدا يا كريم معنديش كرامة اوك يا كريم حقيقى انا اسفة لانى رميت نفسي عليك واوعدك انى مش هضايقك تانى عن اذنك يا ابن عمي يا اخويا الكبير
عند دينا وحازم
دينا وهى بتبدأ تفوق: اه ايه دا انا فين
حازم كان قاعد على كرسي فى الاوضة: حمد لله على سلامتك يحبيبتى
دينا : حازم انا فين
حازم : متخافيش يحبيبتى انتى معايا بس معلش بقى هتفضلى هنا كام يوم كدا لحد اما عقلك يرجعلك وتبطلى الهبل اللى انتى بتقوليه دا
دينا بصوت عالى: انت ايه يا اخى حرام عليك اللى انت بتعملوه دا انت مفيش قلب خالص كدا
حازم: لا فيه بدليل انك لسه عايشه لحد دلوقتي عارفه يا دينا لولا انى بحبك كان زمانك دلوقتي بقيتى فى عداد الموتى اسيبك انا بقى ترتاحى شوية
دينا بصوت عالى : مش هسيبك يا حازم يا سيوفى مش هسيبك وهعمل المستحيل عشان أنقذ ابنى من شيطان زيك
حازم تجاهلها وسابها ومشى
دينا بعياط : يا رب ساعد ابنى واحميهولى يا رب
عند حمزة فى المديرية
خالد : حمزة انت كويس سمعت انك عملت حادثة بالعربيه
حمزة : انا تمام يا خالد
خالد : طب ايه اللى حصل
حمزة : الفرامل مكنتش شغاله
خالد: طب ما انت روحت بيها انبارح وكانت شغالة يبنى
حمزة بتفكير: فيه حد عطل الفرامل انهاردة الصبح والعربية مخرجتش من جراچ الڤيلا
خالد : قصدك اللى عمل كدا حد من جوا ڤيلتك
حمزة : بالظبط
خالد : بس مين
حمزة : دا اللى هيعرفهولنا الكاميرا بتاعت الجراچ انا موصلها على اللاب بتاعى
خالد : طب يلا شوفها بسرعه
حمزة : تمام
حمزة بدأ يفتح اللاب بتاعه ويشغل محفوظات الكاميرا بتاعت الجراچ
حمزة : ايه دا
يتبع.......
يتبع ؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تكملة الروايه اضغط هناااااااا
#زينة_القلب_البارت_الثامن_عشر
#يارا_عبدالعزيز
تعليقات
إرسال تعليق