 |
رواية حين تقع في الحب الجزء الرابع البارت السابع عشر 17بقلم ندى حبيب في موسوعة القصص والروايات جميع الفصول كامله وحصريه
حين تقع في الحب 4
البارت السابع عشر
الكاتبه /ندي حبيب
عمر :كنت حاسس وكنت اتمني يكون احساسي غلط
نورهان بستغراب :حسيت ازاي
عمر :من بصتها ليه من فرحتها لما بتشوفه من خوفها لما بيتأخر برا من لهفته لما يرجع كل الحجات دي انا واخد بالي منها بس اسر بيحب حبيبه وحبيبه بتحبه يعني بنتك المفروض تنسي
نورهان :هو اللي بيحب بيسني في يوم وليله يا عمر بنتك كبرت ياعمر واحنا مش وخدين بالنا
عمر فعد وحط ايده علي راسه :مبقتش عارف اعمل اي او اتكلم في اي بس انا بقيت خايف
نورهان حضنته من ضهره :لاء يا حبيبي سيب كل حاجه للوقت وهي هتنسي وهيجي واحد يحبها ويطلع كل حاجه وحشه دخلت جواها هينسيها كل الوجع والزعل حتي اسر هتنساه بس الصبر
عمر مسح وشه :خير انشالله المهم ابعدي خليني اعرف انام الواحد دماغه مصدع وعدل البطانيه ونام
نورهان بصت عليه :عمر انت مش ناوي تخرجني مره في حياتي
عمر :نورهان اتخمدي احنا لسه رجعين من رحلة اهو تخرجي تروحي فين
نورهان :عنب
عمر بص ليها :عليا النعمه من نعمة ربي ما انا رايح المكان دا علي جثتي لما ادخله دا انا بشرب كوباية الشاي ب 90 جنيه
نورهان بتفكير :ناخد كاتل الشاي واحنا ريحين محلوله اهي ؟
عمر بضحك :نورهان هو حد قالك ان ابويا كان وزير وكان معاه فلوس ملهاش حل افهم بس انتي شيفاني مكنة صرف فلوس
نورهان :لاء والله يا حبيبي انا شيفاك عمر جوزي بس انت بتحب تعقد المراكب السيره مش عرفه لي
عمر :يعني ماله الرحاب احلي خروجه واحلي قعدة وكل حاجه هناك معقوله ليه بقاا نروح عنب فشخره كدابه وخلاص
نورهان بغيظ :تصدق بالله انا ما خرجه في مكان اقوله عنب يقولي الرحاب في السوق القديم نااام ياعمر متحرقش دم اهلي علي المساا
عمر وهو بيتعدل تاني علي السرير :ما انا كنت نايم انتي اللي جايا تحاربي فيا
نورهان بغيظ وهي نايمه :راجل بخيل يشل
.....................
في البلد
نيرا نايمه في مكان من امبارح بسبب كيمة المخدر اللي شمتها وفجأة فاقت من شدة جردل الميه اللي نزل عليها
ميرا بصريخ :فييي اي انا فين انا مين بعمل اي انا مخطوفه
كريم بص ليها بصدمه :انتي مين وبتعملي اي هنا
نيرا بصت لي بعياط :انا اللي المفروض اسألك انا بعمل اي هنا مش انت تسألني انت خطفتني وانا والله معرفش اي حد ولا اعرف مكان حاجه
كريم بذهول :ممكن تسكتي شويه اسكتي وانت يا احمد يا زفت مين دي اللي انت جايبها فين ندي
احمد :هي دي اللي كانت ماشيه لوحدها الباقي كانو مع اجوزهم يا كريم بيه
كريم بص لنيرا :انتي تعرفي ندي منين
نيرا :ندي تبقي صحبتي ....... انا افتكرتك انت ابن عم ندي اللي ايجة لما كنا في الجبل
كريم :حلوو يعني عرفاني واكيد عرفه الواد اللي ماشي مع ندي
نيرا بفخر :ايوا عرفه عاصي خطيبها اللي ماشي معاها يبقي اخو حبيبه صحبتي
كريم بذهول :منين يودي علي فين مخطوبه ازاي لعاصي دا وهي مخطوبه
نيرا :يبني لاء ندي جدها عاوز يجوزها غصب عنها وهي جت اتحامت في ابيه غسان وعاصي قلها انا بحبك وعايز اتجوزك وهيتجوزها بس كدا وحطت ايدها علي بوقها بصدمه انا قولت كل حاجه
كريم بضحك :دا انا لسه مضربتش قلم واحد حتي وانتي مشالله قولتي كل حاجه طيب يا نيرو انتي كدا ياقمر هتنورينا هنا شويه علشان عوزك
نيرا بصدمه :خد يلااا انورك فين انا امي زمنها بتنادي عليا في جوامع مصر كلها
كريم طاع فونه :بسيطه خدي عرفيها انك لسه في المكان اللي كنتي فيه وهتباتي عند صحبتك
نيرا بتفكير هات واخدت الفون وكتبت رقم عاصي :الوو ازيك يا عاصي انت مخطوفه واللي خاطفني كريم ابن عم ندي والفون اتشد منها
ندي :عاااصي في اي ياااض مبلم كدا لي
عاصي :كريم ابن عم خطف نيرا
ندي بصدمه :احلف خطفها ازاي الاه طب ما هو في خطف اهو زي ما بشوف في الافلام انا نفسي اتخطف اووي
عاصي بص ليها :البت مخطوفه وانتي بتهزري
ندي :لاء دا تأثير الصدمه بس هنعمل اي لازم نجيبها دا متخلف عليه يعمل فيها حاجه
عاصي بتفكير :قومي معايا كدا وشدها من ايدها
ندي :استني يا عاصي هتخدني فين استني اقول لماما
عاصي :يا طنط انا هتمشي انا وندي شويه يلاا اخلصي ونزلو علي تحت عاصي دور العربيه وراح علي مكتب مأذون
ندي :راايح فين يا عااصي قولي
عاصي بص ليها :هكتب كتابي عليكي علشان اعرف اجيب نيرا
ندي :معلش يا عاصي مسمعتش قولي تاني كدا
عاصي :بصي انا لما اروح بيكي هناك سهل اووي يقولو دا عشقيها وانتي مش كويسه وسين وجيم لكن لما اروح وانا معايا قسيمة جوازي منك انتي مراتي محدش لي يدخل فيا وانا اوعدك هعمل فرح متعملش لحد في الدنيا
ندي بتفكير :طيب اهلك واهلي هيزعلو
عاصي :محدش ليه دعوه بيا ميهمنيش حد جاهزه تبقي معايا
ندي بخوف :انت مجنون بس انا جاهزه اشاركك الجنون دا
عاصي ابتسم وراح عند مكتب مأذون كتب الكتاب مع شهود زوجة المأذون وناس تانيه كان جواه فرحه كبيره اووي بس هو حاسس بخوف ندي وخلصو وطلعو من عند المأذون
عاصي حط ايده علي كتفها :واخيراا يا ندووش
ندي :شيل ايدك بس من علي كتفي علشان انا مش عرفه انا سمعت كلامك ازاي دا امي هتعمل مني مساحه سلالم
عاصي :اشيل ايدي اي دا انتي مراتي دا انا ليا اعمل حجات كتير اووي بس الصبر
ندي سابته وركبت العربيه :يلاا علشان نروح نجيب نيرا قلبي مش مطمن بس يلاا لما نشوف
عاصي ركب جنبها وساق علي البلد
(عاصي جواه مش همه حاجه ولا اهله ولا اي حد الاهم انه كتب كتابه علي ندي وضمن انها ليه وبس مجنون ايوا بس الحياه احيانا بتحتاج الجنون دا )
(ندي خايفه من امها ومن اهل عاصي وبتفكر هتقول ليهم اي بنت عمرها 17 سنه اتكتب كتابها جواها خووف من جدها لما يعرف الخوف الاكبر علي عاصي ومش عرفه تقول كل الكلام دا لعاصي او حاي تشاركة وجعها فا اختارت السكوت اللي هي متعوده عليه طول عمرها)
واخيرا وصلو البلد نزلو الاتنين مع بعض وخبطو والجد فتح الباب
الجد بغضب :جايا برجلك ليا هنا يا عار علينا
عاصي :لاء انا جايب مراتي وجي لاهلها علشان في امانه ليا عندكم
الجد :مراتك والنبي روح العب بعيد انت فاكرني اهبل شعري اللي شاب دا مشبش من لاشيئ يا اسمك اي
عاصي طلع قسيمة الجواز :اتفضل يا جد شوف بنفسك بس ياربت تقول لحفيدك يرجع اهتي اللي اخدها
كريم طلع وفي ايده نيرا بصدمه :اتجوزتو ازاي من غير موافقت اهلها
عاصي :عمري ما كنت هرفض لو وفقتو بالعكس كنت هبقي مبسوط وكلنا هنتبسط بس انتو شايفين حاجه تانيه وراح اخد نيرا من ايده ونيرا حضنت ندي بخوف
كريم لسه رايح يضرب عاصي عاصي ضربه بكل احتراف
عاصي :براحه علي نفسك شويه يا كبير
الجد :بس يا كريم متنساش ان دا بقا جوز بنت عمك ولي واجب واحنا يابني مش ضد سعادت ندي ندي حفدتي وانا محبش ليها الحزن
فريده :الكلام ملوش لازمه يا ابا الحج احنا بنتنا اتجوزت راجل يستاهلها وراجل كويس ومحدش ينكر كدا
الجد :معاكي حق في كلامك يا فريده يا بنتي ادخلي يا ندي ومعاكي جوزك بيتي اليله عندنا
عاصي :انا متشكر لحضرتك جدا علي ضيفتك بس لازم نمشي
الجد :دا بيت ندي يا بني يعني انت مع مراتك ادخل وخديه علي قوضتك باتو فيها النهارده يا ندي
ندي بصت لعاصي وبرقت عينها بصدمه ولسه هتتكلم
عاصي حط ايده علي كتفها :يلا يا حبيبتي همووت وانام
نيرا راحت جنب كريم :عليا النعمه لقتلك علي القلم اللي اخدته منك دا
كريم بهمس :خافي علي نفسك يابت وامشي من قدامي دلوقتي
نيرا بصت ليه بغيظ :وانا هنام فين يا جدو
الجد :خديها يا فريده علي قوضة الضيوف متقلقش يابنتي محدش هيتعرض ليكي في حاجه
نيرا هزت راسها ببتسامه وراحت معاها
( في اوضة ندي )
ندي بغيظ :ناااام يا عاصي السرير عندك اهو
عاصي بضحك :زوجتي انتي متعصبه لي كدا
ندي :علشان انا مبعرفش انام وحد معايا في الاوضه والجو برد ان انام علي الارض وحرام تنام علي الارض في البرد دا انت كمان ومش عرفه اعمل اي انا قوضتي مش زي اللي في الروايات مفيش فيها كنبه تنام عليها
عاصي وقف قدامها بحنان :بصي يا ندووش انا عمري ماهلمسك ولا هقرب منك غير لما اعمل ليكي فرح وتلبسي فستان زي البنات كلها تعالي نامي جنبي علي السرير وانت وحياتك عندي ماهقرب منك
ندي بخجل :طيب مصدقاك روح نام وانا هغير واجي انام بس انا معنديش هدوم ليك تلبسها يعني كل اللي عندي بنات
عاصي قلع الجاكت وحطه علي كرسي السراحه :انا كدا غيرت روحي غيري انتي بقااا
ندي ندي طلعت سلوبته علي شكل فيل :طيب وحياتي عندك يا عاصي لتغمض عينك لحد ما البس
عاصي قام وطلع البلكونه :البسي ونادي عليا
ندي فرحت من حركته ولبست ونادت عليه وهو راح نام وهي كمان
(توتر ممزوج بخجل عند ندي من فكرت ان حد نايم جنبها غير عزه عمرها ما حصلت وحد نام جنبها تفكيرها ان خلاص بقا بيها امان وسند وضهر في الحياه حد قدر يتحدي الكل علشانها مخلي جواها فرحه مش قادره تتخطاها )
( عاصي تفكيره كله ان ازاي قدر ينام وهي مراته وممتلكهاش مش قادر يصدق الحته دي يعني مراتي وملمستهاس بس قلبه بيقوله دي مش مراتك وبس دي حبيبتك وعمرك ما كنت تتخيل ان كل دا يحصل في ليله ولازم تحسسها انك امانها وسندها مش تكون زي اي راجل تفكيرك في جسمها وبس )
ندي قربت من عاصي وحضنته من ضهره ودا طلع عنها كانت بتحضن المخده نفس الحضن دا
عاصي لف ليها ومش مصدق انها عملت كدا بس لاقاها نايمه حضنها بقوه ونام وجواه راحه نفسيه عمره ما كان بتخيل انه يحس بيها
......................
عند اسر
اسر راح الفيلا وسلم المفتاح للمهندس اسر وحبيبه معاه علي الواتس بتبعت الالوان اللي عجباها
اسر :بص يا هندسه انا عاوز الدور الارضي كله يكون عباره عن السفره والبارت والنيش والمطبخ وحمام كبير لضيوف وعاوزك تقسم الصاله نصين نص يكون في السفره والبار والنيش ومكتبه والنص دا عوزك تعمله زي نظام صالون كبير ومودرن وومجلس في ضهره كبير ونظام قعده يعني واللي فوق هتشار مع المدام واعرفك
المهندس :خلاص كدا تمام يا حظابط انا معاك علي اتصال ومن بكرا هبدء في الشغل وانت تبدء تجيب العفش
اسر سلم عليه :خلصانه والمهندس مشي واسر رن علي حبيبه
حبيبه :خلصت يا حبيبي ولا لسه عملت اي واتفقت معاه علي اي
اسر :مش احنا اتفقنا ان الدور الارضي انا مسؤل عنه وانتي الدور اللي فوق
حبيبه برجاء :طيب يا اسر بس قولي عملت اي واختارت الوان اي برضو
اسر :لسه مخترتش اي الوان الراجل لسه هيجي بكرا ويظبط المون وانا اكون بعت الالوان ليه علي بكرا هعمل الدور الارضي بيج بس مش هعمل اي الوان تانيه معاه
حبيبه :بس لون واحد
اسر :انتي عرفه لو لقيتك عمله الوان ميكي موس في اوضة النوم وعز جلالة الله لموتك
حبيبه بضحك :هبهرك يعني هبهرك
اسر بضحك :خااايف يا حبيبه مش مطمن ابدا
حبيبه :لا والله متقلقش المهم هقفل انا انام علشان فصلت وعوزه اصحي الاقيك رجعت
اسر :ماشي يا قمري تصبحي علي جنه هتصحي اكون موجود
حبيبه بسته في الفون :يلا باي وقفلت
اسر حط الفون في جيبه وهو مبتسم وقعد علي الكرسي اللي محطوط وبيبص علي منظر الفيلا وقد اي هتحتاج وقت ومجهود
اسر :انا لما اجي اجوزك يا حبيبه بعد المجهود دا كله اخري اشيلها اطلعها بس
...................
في الصباح
غسان قام علي صوت المنبه اللي ضرب الساعه8
غسان وهو بيتقلب :نور قومي يلاا الحقنه بتاعتك
نور سمعت الكلمه رجعت نامت :شويه كمان لسه بدري نام نام
غسان قام ومسك الكيس وطلع الحقنه وجهزها :قومي خديها وكملي نوم
نور ببرائه :يا غسان لو وجعتني مش هخدها تاني
غسان :لو وجعتك ابقي اتكلمي قومي بقاا بالله متغلبي اهلي
نور قامت ووقفت بعيد :طيب وريني كدا هي قيها قد اي وبصت علي الحقنه انت ماليها اووي كدا لي نقص منها شويه
غسان بص لسقف :يارب نخلص بصي هقولك لو وجعتك اعملي اللي انتي عوزاه
نور علي وشك البكاء:ماهي بتوجع ولما اقولك كدا بتقولي لاء انت اللي حاسس ولا انا
غسان قعد علي السرير :طيب لما تخلصي عرفيني وانا هقوم اديها ليكي
نور راحت قدامه :انا هنام وتديها ليا بسرعه من غير ما تبص عليا ومن غير متوجعني
غسان :حاضر يلا بقااا
نور نامت علي بطنها وغسان اداها الحقنه بسرعه
نور قامت بصويت :ااااااه دي زيت بتوجع اووي
غسان وهو بيرمي السرنجه :بشفا يا حبيبي يلا تعالي ننام شويه وهي مش هتوجعك
نور بدموع :لاء انا هروح اكل وامشي علشان هتوقف رجلي
غسان حضنها وبيمشي ايده علي ضهرها :معلش يا روحي علشان البيبي يسبت ويبقي قمر زي امه كدا ويلا تعالي نعمل الفطار مع بعض
نور بصت ليه :بجد مش بتضحك عليا وهتخليني انا اللي هعمل كل الفطار
غسان وهو بيبوس ارنبه مناخرها :وحياتك هعمله انا يلا تعالي اقفي جنبي بس
نور اخدته وراحو علي المطبخ :طيب انت عاوز تعمل اي
غسان :اممم عاوز احمر بطاطس واقلي بيض وبتنجان ونحمر ستربس وسلطه وحجات من دي
نور بلهفه :ونعمل فول في طحينه اي رايك
غسان بجوع :ونحمر فلفل حراق
نور :طيب يلا مستني اي
غسان :طلعي ليا كل الطلبات وانا هعمل
نور بدأت تطلع كل حاجه بكميه كبيره علشان ينزلو تحت ويجهزو الاكل مع غزل غسان لنور علي شويه
.....................
ياسمين وصلت قدام المركز وقابلت احمد هناك
احمد :انتي شكلك مش غريب عني انتي مين ؟
ياسمين :انا ياسمين اخت الرائد قاسم
احمد :ازيك يا ياسمين اكيد مش عرفاني انا احمد جوز سلوي بنت عمت غسان
ياسمين :اتشرفت بيك يا حضرت الظابط
احمد :الشرف ليا بس جايا لي هنا
ياسمين بحرج :بصراحه جوزي محبوس هنا وانا جايا اشوفه
احمد بمكر :ادهم صح
ياسمين :ايوا ادهم
احمد لتمثيل :ربنا يشفيه يارب دا خلاص بيقاوح في الموت
ياسمين بخضه :موووت بعيد الشر عنه هو فين وديني ليه الله يخليك
احمد :تعالي معايا ومشي وياسمين مشيت وراه بخوف حقيقي
احمد :اخر الممر ادخلي
ياسمين برجاء:طب ممكن تخلي العسكري يفتح الباب اشوفه
احمد :افتح باب الزنزانه يا عسكري
ياسمين :متشكره وراحت بسرعه علي الزنزانه كان ادهم واقف وعاطي ضهره ليها راحت جريت عليه حضنته :وحشتني اووي
ادهم واقف دي الصنم متأكد انه في حلم وهيصحي دلوقتي هيلاقي ان ياسمين مش موجوده لف ليها وكانت موجوده فعلا راح غسل وشه وبص ليها
ياسمين بدموع :انا هنا يا ادهم موجوده
ادهم من سدة الفرحه من وجودها مش قادر يعنل حاجه غير انه اترمي في حضنها وبس :مش مصدق ولو حلفولي برضو مش هصدق وحشتيني اوووي اوووي
ياسمين بستغراب :انت كويس اهو مش زي ما الظابط قال انك بتقاوح في الموت
ادهم بص ليها بغيره :ظابط مين اللي وقفتي اتكلمتي معاه
ياسمين :اسمه احمد
ادهم :قالك ان بقاوح في الموت
ياسمين :ايوا قالي كدا بالحرف
ادهم بتمثيل :ما انا امبارح اغمي عليا وودوني المستشفي والدكتور قالي كنت هتموت يا ادهم بيه
ياسمين :الدكتور قالك يا ادهم بيه ؟
ادهم بص ليها ببرائه :ايوا قالي كدا اهو وقالي لما تشوف مراتك خليها تبوس الواوا
ياسمين بشك:والدكتور عرف منين انك متجوز يا كداب
ادهم :ما هو انا لابس الدبله في الشمال اهو اكيد اخد باله ان متجوز
ياسمين :انا كمان لسه لابسه دبلتي
ادهم بحب :العكس اللي في ايدك دي دبلتي وتدل انك ملكي واللي في ايدي دي دبلتك وتدل اني ملكك
ياسمين بدموع :انت هتطلع ازاي من المصيبه دي يا ادهم
ادهم ببتسامه :مش هطلع خالص منها هفضل محبوس لاخر يوم في عمري
ياسمين حضنته بقوه ودموع :انا عوزاك يا ادهم وبحبك مش عوزاك تتحبس
ادهم :طيب ما انتي اللي عملتي كدا وبعدين انا بحب اي حاجه منك حتي لو كانت سجني للأبد وكمل بمرح يااااه بقا لو كنتي محبوسه معايا هنا
ياسمين مسحت دموعها ببتسامه :كنت هتعمل اي بقا
ادهم بمرح :كنا ملينا الزنزانه دي ياسمينات صغيرين
ياسمين :دلوقتي الاطفال بقت حلوه عندك يا ادهم وعوزهم
ادهم بص ليها بندم :كل ثانيه مديت ايدي عليكي فيها بعاقب نفسي بيها دلوقتي كل حاجه منعتها عنك بمنع نفسي بيها دلوقتي بعاقب نفسي علشانك بس يا ياسمين ومهما فضلت اقول اسف عمري ما هقدر اسامح نفسي علشان كدا مش هطلب منك السماح والنهارده بنسبه ليا رجعتلي روحي علشان شوفتك بس
احمد من بعيد من غير ما يبص عليهم :ادهم النهارده مفيش ذياره اصلا وانا دخلتها جدعه بس يلا علشان مش عوزين مشاكل
ياسمين قامت :هجيلك تاني ويوم القضيه اللي هيا كمان يومين هكون معاك وجنبك ومتخفش يا ادهم انا معاك وبحبك
ادهم باس راسها:ربنا يخليكي ليا يا ياسمنتي خدي بالك علي نفسك ومش عوزك تقلقي عليا
وطلعت برا الزنزانه ومشيت مع احمد وحسه انها سابت قلبها جوا وكانت الصدمه شديده عليها لما شافت ...........
يتبع ..
تكملة الروايه اضغط هناااااااا
انتي بتتاخري اوى وكده مينفعش
ردحذف