| رواية حين تقع في الحب الجزء الرابع البارت الثاني وعشرون 22بقلم ندى على حبيب في موسوعة القصص والروايات جميع الفصول كامله وحصريه رواية حين تقع في الحب الجزء الرابع الفصل الثاني وعشرون 22بقلم ندى على حبيب في موسوعة القصص والروايات جميع الفصول كامله وحصريه  |
رواية حين تقع في الحب الجزء الرابع البارت الثاني وعشرون 22بقلم ندى على حبيب في موسوعة القصص والروايات جميع الفصول كامله وحصريه
حين تقع في الحب 4
البارت الثاني والعشرون
الكاتبه /ندي علي حبيب
بدأت تمر الايام وكل يوم احداث جديده نور اللي الحمل تاعبها جدا
غسان اللي معاها ديما ومستغرب وجعها الدايم من الحمل دا واستفرغها الدايم وعياطها المستمر بقا ياخد باله من حبيبه واسر ومش عاوز يكسر قلبهم ف استسلم لحبه لبعض وقرر يعملو خطوبه بعد فرح عاصي
الوضع عند اسر وحبيبه الفرحه مش سيعاهم ومش مصدقين انهم هيجتمعو سوا اخيرا الفيلا بتاعت اسر جهزت خلاص ومش باقي غير العفش
عاصي خلص شقته وجهز كل حاجه بخصوص الفرح ومبسوط جدا
ندي من شدة خوفها علشان فرحها قرب بقي يغمي عليها والكل مفكرين علشان مشغوله ومبقتش تاكل لكن من خوفها بيحصل فيها كدا
............
اخيراااااا وصل اليوم الموعود اللي هو جوازه عاصي وندي قرب ولسه يومين علي الفرح
في بيت ندي كل قرابيها هناك وولاد عمها وعماتها وخلاتها والكل موجود
دخلت ناديه علي ندي فتحت الشباك :ندي قووومي يلااا عاصي قاعد برا مستنيكي علشان تروحو تجيبي الفستان
ندي بكسل :يا ماما اقفلي الباب مش عرفه انام من الدوشه وقامت قعدت علي السرير بسرعه عاصي برا وولاد عمي براا
ناديه بستغراب :ايوا في اي يعني
ندي بغيره :ويفضلو يحبو فيه ويعاكسو فيه
ناديه بضحك :لاء متخافيش هو مرضاش يدخل علشان الحريم اللي في البيت هو واقف علي الباب
ندي بمرح :زوجي محترم اصلا
ناديه :بس انتي مالك وضعك مش عاجبني
ندي بمرح :مالي يولاد انا كويسه والله بس بحاول ابقي هاديه قدام العريس بس مش اكتر المهم اطلعي اعدي معاه لحد ما البس واطلعله
ناديه بصت لبنتها وقامت طلعت راحت لعاصي اللي البنات قعده قدامه بتتكلم عن شياكته
نورا :شوفو ندي وقعه علي حته واحد جاامد جمووده بابووووي
اسماء بنت عمها :جامد فشخ يعني الواد مز شوفو عضلات صدره عمله ازاي يابت
اميره :كان فين دا وانا مأختش بالي منه الواد مزه اخر حاجه يعني
عاصي سامع كلامهم وخصوصا انهم بيتكلمو علشان يلفتو انتباهه بس هو لا معبرهم
عاصي بص لناديه اللي وقفه جنبه:لسه نايمه ولا اي يا امي
ناديه بتنهيده :لاء صحت بس وضعها مش عاجبني خالص يا عاصي بتنام كتير اووي وديما سرحانه فيها اي كدا
عاصي :انا كنت عاوز اسألك يا ماما مالها ندي انا كنت مفكر انها مضايقه انها هتسيب البيت وهتتجوز يعني هتفتقدكم خصوصا انكو بعد الفوح هترجعو البلد وكدا
ندي قطعت كلامهم وطلعت كانت لبسه دريس منفوش اسود في ورد احمر مفتوح شويه من عند الصدر وعمله شعرها ديل حصان
ندي :اناا صحيت صباااحو يا زوجي وقالت بهمس صباخو يعقارب
عاصي بضحك :صباحو يا زوجتي انا بقول ننزل علشان متأخرين خااالص
ناديه :لاء استنى افطرو وانزلو علطول
عاصي :لاء هنفطر برا احنا ومسك ايد ندي ونزلو ركبو العربيه وندي حطت شنطتها في الكرسي اللي ورا
عاصي وهو لابس النضاره الشمس بتاعته :ندووش الدريس دا مفتوح اووي من عند الصدر كدا ليه
ندي بخجل رفعت التوب اللي تحت :معلش والله مأخدتش بالي
عاصي مسك ايدها وباس بطن كفها :ولا يهمك يا قمري المهم هنروح فين النهارده احكيلي بقا؟
ندي :امم بص بقاا هنروح نجيب فستان الفرح وانا في شويه هدوم نقصاني هروح اجيبها وكمان لسه جزمه الفستان
عاصي بص ليها :خلاص تمام بس نروح ناكل الاول
ندي فتحت فونها علي صورت الفستان :لاء انا مش جعانه بس شوف كدا شكل الفستان دا قولي رأيك
عاصي مسك الفون وبص للفستان ورفع حاجبه وبص ليها :ماله بقاا ؟
ندي ببتسامه :انا عوزه اخوه بقاا
عاصي بص ليها ورجع بص لطريق :امم ومين اللي هيشتري الفستان دا يا قلبي ؟
ندي بعدم فهم :اكيد انت يا روحي
عاصي غمض عينه وفتحها تاني :بصي يا ندوشتي انا مش هشتري فستان زي دا ولا انتي هتلبسي فستان زي دا اولا عريان ومنظره مثير وملفت اووي وانا مش هسمح ان مراتي تلبس فستان زي دا
ندي بزعل :بس شكله حلو يا عاصي
عاصي :شكله جامد فعلا بس دا منظر انتي ترضي تمشي بيه معروف ان يوم الفرح العروسه بتلبس فستان ومعروف انها بتفاجئ جوزها بالحاجه اللي بتلبسها بعد الفرح اللي هي بتكون قميص نوم ولو نفترض انتي لبستي الفستان دا وهو عريان هيكون بنسبه ليا خلاص بقي الوضع عادي لبستي قلعتي خلاص انا شوفتك الانبهار راح لكن انا عاوز انبهر بيكي في بيتنا مش قدام الناس فهمتي يا قلبي
ندي ببتسامه خجل بعد ما اقتنعت :فهمت
عاصي :بس كدا هنروح مكان لبيع الفساتين والفستان اللي يعجبك هنجيبه
........................
في شقة نفين
البنات كلهم قعدين بيقطعو بصل علشان الطباخ بتاع بكرا والبيت يعتبر كل القرايب موجودين
نور بتعب :بنات انا هطلع الشقه واجي علطول
حبيبه مسكت ايدها :بابا قالي لو سبتك لوحدك هيعلقني علشان كدا رجلي علي رجلك النهارده
نور مسكت ايدها بتعب :طيب بدل ما اطلع فوق وانا مش قادره اطلعي هاتي ليا كيس العلاج بتاعي
حبيبه :حاضر اعدي وانا هجيبو واجي ثواني وطلعت ونور راحت قعدت علي الكنبه اللي في الصاله جنب نفين وفي ناس كتير تانيه
ام محمود وحده من الحاره لنفين :هي مرات ابنك تعبانه ولا اي ؟
نفين بحب :لاء بعيد الشر عنها دي حامل والحمل مبهدلها
ام محمود:ربنا يكمل ليها علي خير يارب مبروك يا ام عاصي
نور :الله يبارك فيكي عقبال ولاد ولادك يارب
ام محمود :يارب انتي في الشهر الكام يا نور يا بنتي
نور بصت ليها :انا دخلت في الرابع يا طنط
ام محمود :ربنا يكملك ويخليلك جوزك يا حبيبتي
نور بهمس وتعب :امين يارب ولقت رساله من غسان (حبيبي اخبارك اي اخدتي العلاج ولا لسه )
نور :(غسان انا بطني وجعاني وقرفانه من كل حاجه ومش قادره اشم اي اكل خالص )
غسان :(انا طالع لو حد قالع الطرحه من علي راسه يلبسها )
نور قامت وقفت قدام الباب لقيته ايجة علطول البنات بتوع الشارع اللي زمايل غسان كانو عينهم علي غسان وعلي نور بس
غسان بص ليها وحط ايده علي وشها :مالك يا قلبي تعبانه في اي
نور بصت عليه وقالت بهمس :عوزه اطلع الشقه بس تعالي معايا
غسان مسكها من وسطها وطلع بيها علي فوق قابل حبيبه اللي اديته الكيس ونزلت تكمل معاهم الحجات
سهي :شيفين الرجاله اللي بجد مش اجوزنا الميلين
ولاء:عندك جق والله يابت ياسهي دا نظرته ليها كلها حب وحنان ازاي يقطعك يا مرسي يا جوزي
في المطبخ
نورهان :امك فين يا بيبو
حبيبه وهي بتقور الكوسه :ماما طلعت الشقه تقريبا تعبانه
نسمه :سيباها لوحدها ليه با بيبو انا طالعه ليها
حبيبه :يا نسوم بابا معاها فوق
يمني :خلاص مدام غسان معاها متخافوش عليها المهم البصل خلص والكوسه جهزوهم علي ما ارن بمحمد يجي ياخدهم
نسمه :وانا هروح اعد مع سوسو شويه علشان وحشاني بس هي فين
نورهان :بتصلي الضهر في قوضة غسان القديمه اسر فين يا حبيبه
حبيبه :مش عرفه والله متكلمتش معاه النهارده بس تقريبا بيعلقو النور تحت من الناس
......................
في شقة نور
نور بعياط :مش قادره اعد تحت ومش معقول لبقي ام العريس وقاعده في شقتي علشان تعبانه قولي اعمل اي انا
غسان بيطبطب علي ضهرها بحنان وهي في حضنه :اللي يقول يقول محدش ليه حاجه عندنا انتي حامل والكل عارف خليكي فوق ومتنزليش وانا هعرف امي
نور بعياط:الحمل دا المفروض مكنش يحصل اصلا قولتلك اخد حاجه تمنع الحمل زعقت فيا
غسان بزعيق :ولو حصلت تاني هزعق برضو وسكت واتكلم بهدوء يا روحي انا عاوز ولاد واللي يجيبه ربنا انا راضي بيه اووي انتي كل همك انك تعبانه شويه صح خليكي مانزليش واللي هيتكلم هقطع لسانه قدامك
نور بدموع :احضني ؟
غسان حضنها بقوه ومسح دموعها :لو اقولك ان تعبك دا تاعبني انا مش هتصدقي مش عاوز اشوفك تعبانه كدا يعني 9 شهور حمل ودول تعب و سنه بعد الولاده مفهاش نوم تعب وباقي العمر هيطلع عين اهلي تربيه برضو تعب
نور اخدت ايده وحطيتها علي بطنها بغيره :في وحده تحت كانت بتقولي انك الكراش بتاعها كنت عوزه اجيبها من شعرها اطردها برا البجحه
غسان بضحك :سهي صح؟
نور برفع حاجب :الله الله يا حضرت المقدم عارفها كمان وبعدت عنه ابعد عني يا بتاع سهي ابعد
غسان بضحك :طيب شوفي سبت بنات الحاره كلهم واخدتك انتي علشان ستهم هما نفسهم اتكلم معاهم كلمتين لكن انا ببقي في حضنك وملكك كل يوم
نور حضنته تاني بحب وغيره :انت ليا واللي تبص ليك بصه حتي لو هزار اموتها
غسان باسها من شفايفها بحب وبعد :انا هنزل علشان ابقي مع الرجاله وانتي خليكي هنا
نور :لاء مدام قعدت معاك شويه بقيت كويسه كنت واحشني وعوزه اشوفك بس يلا هنزل معاك علشان مش هوزه اسيب البنات لوحدهم
غسان مسك ايدها ونزل بيها علي تحت
غسان :اماااا خدي بالك من نور
نفين :في عنياااا
غسان نزل تحت عند الرجاله
محمد :غسان بقولك اي الحمه دي كتير الطباخ بيقول هيعمل اي بدا كله
غسان :كتبر اي يا جدع انت وبص لطباخ اييي يا ريس
الطباخ :اي يا باشاا في اي
غسان :اطبخ الحمه كلها مترجعش حاجه خلي الناس تاكل
الطباخ :علي عيني وراسي يا كبير
غسان :اومال عمر وقاسم فين
محمد بضحك :وقفين قدام الطباخ مستنين الكوارع
غسان بضحك راح ليهم:لاء يابا انت وهو احنا هنفرقها علينا زي كل فرح
عمر بغضب :ياعم قاسم عاوز ياخدهم كلهم
قاسم :اهدي علي نفسك ياكبير هتولع في فرح محمد انا اتخزوقت واخدت اقل واحد
عمر :شايف ابو قلب اسود لسه فاكر فرح محمد
غسان بضحك :كدا او كدا انا مش واكل الكوارع من الداخل
قاسم بستغراب :اشمعنا دا انت الوحيد اللي كنت بتاكل اكتر واحد فينا ؟
غسان بضحك وغمزه :مراتي حاااامل هطلع الطاقه في اي انا
منير :اتكسف يا جدع مش كدا
الكل ضحك عليه بصوت
غسان بضحك :بس دا ميمنعش ان هاكل هاكل يعني
......................
عاصي :ندي انا مبقتش قادر اقف من الشنط اللي شايلها ولا من المشي
ندي :والله ولا انا بس لازم اخلص كل حاجه النهارده بكرا الحنه وبعده الفرح هخرج امتي تاني
عاصي :طيب احنا هنجيب اي تاني الفستان وايجة والجزمه وايجة المكياج وخلص لسه اي
ندي : في حاجات كنت موصيه عليها هجيبها ونمشي علطول والله
عاصي بفضول:حجات اي دي ؟
ندي مش عرفه تقوله اي :حجات يا عاصي
عاصي بغباء:ايوا حجات اي يعني عاوز اعرف ؟
ندي بصت ليه بغيظ:حجات بنات يا عاصي
عاصي بضحك وغمزه :زي اي برضو
ندي ضدربته في كتفه :خليك هنا هروح اجيبها واجي علطول
عاصي بغمزه وقحة :طب ما انا عايز اشوف حجات البنات دي خديني معاكي ياستي
ندي بصت ليه بغيظ وقربت منه :انت عاوز تتجوز ولا لاء؟
عاصي بغمزه :دا دا حلمي ادخل الدنيا بقاا
ندي :يبقي تقف هنا وانت ساكت علشان مش عوزه اخرجك منها
عاصي بغمزه :من اي يا قلبي
ندي بخبث :من الدنيا يا حبي ومشيت
عاصي بضحك :عنيفه اووي وفونه رن الووو
اسر :فينك يا عريس
عاصي بضحك :بجيب شويه طلبات مع العروسه كدا وجي
اسر :عقبااال ما الف يارب المهم مش شامم حاجه كدا او ناسي
عاصي بتفكير :الكوارع صح
اسر :احنا خلاص قربنا نخلص
عاصي بزعيق :عليا النعمه لو حد اكل حاجه من غيري ما انا راقص معاكم في الفرح
قاسم بضحك :متقلقش يا باشا متتأخرش انت بس
عاصي :انا اصلا في السكه اهو وقفل
ندي ايجة :كدا خلصنا يلاا
عاصي مسك ايدها ومشي بسرعه
ندي :في اي با عاصي هقع اهدي
عاصي:يابت اخلصي هيكلو الكوارع كلها لوحدهم وكش هيسبو حاجه
ندي :كوارع اللي اكلناها في ضاحي كابر
عاصي :ايواا يلا بسرعه
ندي بغضب طفولي:انا عوزه مليش دعوه مش دا الطباخ بتاع فرحي انا عوزه اكل منها بقاا
عاصي بحب :هأكلك منها يا حبيبي وباس ايدها اللي ماسكها منها
ندي ابتسمت في نفسها :مليت الفراغ اللي كنت مستحيل اصدق ان حد يمليه يا عاصي وركبت جنبه
ندي بخضة بصت لعاصي :الفستان فين يا عاصي
عاصي بلا مبالاه :حطيته في شنطة العربيه ورا
ندي نزلت بغضب :ازااي يعني تحطه في الشنطه ما هو لو فستانك مش هتعمل فيه كدا
عاصي بصدمه :فستاني ؟ انا بلبس فستان ؟
ندي :افتح الشنطه
عاصي :هتحطيه فيين ملوش مكان
ندي :الكرسي اللي ورا فاضي يا عاصي
عاصي : وهشوف اللي ورايا ازاي يا ندي
ندي :مليش دعوه لكن فستاني مش هحطه ورا ابدا افتح الشنطه بقاا
عاصي بغيظ:مفتووحه مفتوووحه
ندي :جمده مش عرفه ارفعها
عاصي راح ليها :دا انتي مفيصه خااالص وهتفرهدي بدري
ندي بعدم فهم :هفرهد من اي ؟
عاصي فتح الشنطه واتجاهل سؤلها :خدي الفستان اهو
ندي :تقيل عليا حطه في العربيه من الكرسي اللي ورا بص
عاصي بغيظ:اي اللي هيحصل لو كنا جبنا فستان سمبل جيبه البلوه دا لييه
ندي :هو انا اللي هلبسه ولا انت هو عاجبني
عاصي بغيظ وادفاع :ما انا اللي هقلعه ليكي
ندي حطت ايدها علي بوقها وبرقت :انت بتقول اي انا اصلا مش مروحه معااك
عاصي بضحك :اركبي بس كدا ونبقي نشوف الموضوع دا بعدين
ندي ركبت بس الكلمه فضلت في دماغها وخوفها زاد اكتر من الاول
....................
في شقة ندي حبيبه وزهره وفرحه ونيرا واسماء ونورا اميره اتجمعو في الشقة بتاعت ندي وشغلو اغاني وفضلو يرقصو ويسقفو
ندي طلعت البيت ودخلت علي اوضتها
حبيبه :ندي عوزين نشوف الفستان بالله عليكي
ندي :لاء هسيبه ليكم مفاجأة يا بيبو ودخلته وطلعت ليهم
نيرا شدت ايدها وايد حبيبه :يلااا قومو نرقص علي اغنية عشق البنات
ندي وهي بتتمايل :في عشق البنات انا كنت نابلون
حبيبه بضحك :ايوااا بقا يا ندوش يا جمده
اميره بهمس لاسماء:هي مين اخت المز ومين اللي كريم هيخطبها
اسماء شورت علي حبيبه :دي اخت المز واللي جنبها اللي مريم هيخطبها
اميره بصت لنيرا من فوق لتحت :عاديه يعني متستهلش اللي عمله في جدك كل يوم علشان يخطبها
نورا :بس البت جمده ومش هننكر كدا ابدا
ندي رقصت بمياعه وغيظ في بنات عمها واتعمدت تغيظهم :عااصي شابكني بماس يا بيبو صح
حبيبه فهمت :دا هديه بس يا ندوش لسه الشبكة بجد
نيرا لاميره :انتي مخطوبه يا اسمك ايه
اميره بقرف :لاء بس بتسألي ليه شايفه في ايدي دبله وانا مش وخده بالي؟
نيرا :لاء بس شكلك كبير يعني معنسه
ندي وحبيبه ماتو من الضحك
ندي شدت نيرا :اميره في 3 جامعه بس لسه محدش اتقدم ليها
نيرا :بس غريبه المفروض هيا تتخطب قبلك وكدا
ندي بهمس مضحك :هدي العب يا كبير دي هتبقي في وشك 90 ساعه
نيرا :انت بتخوفيني لييه
عزه شغلت اغنية النهارده هكلم ابوكي غيظ فيهم :ندوووش يلااا النهارده هكلم ابوكي
ندي بضحك :قالها وروحي راحت يانا
اسماء :انتو بتعملو كدا لي حسه انكم بتغيظو فينا
ندي بتمثل ببرائه :هو احنا علشان فرحانين شريه يبقي بنغيظ فيكو ولا اي يا سمكه احنا كدا كدا دخلين الاوضة بتاعتي انا وصحابي وهسيب البيت كامل ليكو يلا يا بنات ودخلو الاوضة
ناديه وهي بتكتم ضحكتها :خلاص يا بنات متزعلوش منها اتبسطو انتو مع نفسكم
...............
في اوضة ندي
كانو قعدين يرقصو وفرحانين اووي وندي نسيت خوفها وكل حاجه
عزه وهي في البلكونه :عياااال في مزمار و عاصي بيرقص علي الخيل تعالو شوفو
ندي طلعت وبصت علي عاصي وهو راكب الخيل وبيرقص والفرحه باينه عليه بجد صورت فديو
عاصي رفع راسه لندي وغمز ليها وندي ضحكت ليه
..................
عند منزل نفين
الحريم كلهم كانو بيرقصو وفرحانين اووي
سهي :في اي يا نور مش بتعرفي ترقصي ولا اي
نور بصت ليها بغيظ :لي بتقولي كدا ؟
سهي:يعني فرح ابنك مش هترقصي ولا اي
نور بغيظ وتحدي قامت ولفت علي وسطها طرحه وبدأت ترقص بكل احترافيه
نسمه :يا نور يا جمده
نورهان بضحك :انزل يا مدلع
يمني :نور فونك بيرن
نور :مين
يمني :حبيب ايامي
نور اخدت الفون ببتسامه ودخلت الاوضه وردت وهي بتنهج
غسان بستغراب:بتنهجي كدا لي ؟
نور :كنت برقص
غسان :كنتي اي يا روح امك
نور بضحك :برقص يا غسان
غسان :طيب يا نور اتهدي واعدي علشان مش عوزك بليل تموتي فوق والنبي
نور بضحك :حاضر يا حبيبي انت فين
غسان بضحك :قاعد مستني الكوارع تخلص
نور بضحك :يختاااي انتو لسه فيكو الخصله دي
غسان :ما انا مش هاكل كوارع يا غاليه انا هاكل ما حولها
نور بضحك :وانت هتاكل ما حولها لي ؟
غسان بوقاحه :يعني انتي بتمشي بالعافيه والكوارع محتاجه عريس جديد
نور بستغراب :عريس جديد لي يعني ما انت علطول بتاكل منها
غسان بضحك :لاء افهمك بليل بقااا وقفل
نور وقفت شويه تفكر وبعدين استوعبت بضحك :يخريبت قلة ادبك وسفالتك وطلعت وكملت قعدة مع الستات
................
نيرا :ندي ابن عمك مش مبطل رن
ندي :ياستي ردي ما هو يعتبر خطيبك مش ابيه غسان كلم مامتك واقنعها
نيرا بغيظ:بس انا مش عوزه ارد ومش هيبطل كلام لو رديت وكله كلام شتيمه فيا
ندي بضحك :ردي ردي وافتحي الاسبيكر
نيرا فتحت :الو عايز اي
كريم :انا برن بقالي ربع ساعه مبترديش لي
نيرا :انت بتزعق ليا لي محسسني ان مرات ابوك
كريم :لاء انتي هتبقي مراتي اناا
ندي بضحك :اوعااااا هنا سأسكت قليلا
كريم :انتي فتحه الاسبيكر ؟
نيرا :ايوا
كريم قفل في وشها
نيرا بصدمه :الحيوان ابن الجزمة قفل في وشي
حبيبه بتسخين :انا لو منك مسكتش اولع فيه
نيرا بغضب :دا انا هحرقه بجاز وسخ
ندي :اهدي ياعم السخان وانتي يا نار اطفي بس واعدي كدا والنبي عدو فرحي علي خير
نيرا :علشانك بس
فرحه دخلت الاوضه بسرعه :بنات اي رايكم ننزل ناكل كوارع
ندي :هي استوت عاصي قالي هجيب ليكي لما تطبخ ولقت فونها برن
عاصي :انا بعت حد بكوارع خديها بقا
ندي طلعت واخدت الكوارع من الطباخ ودخلت
ندي :شكرا يا حبيبي اقفل بقا خليني اكل
عاصي :اتغدي كويس علشان اللي جي مفيش راحه خالص
ندي مفهمتش بس قالت :حاضر وقفلت بناااات يلااا نقول بسم الله
اميره بقرف :يععع اي القرف دا
حبيبه :ابعدي يماااا كداااا مش عجبك اطلعي اعدي في البلكونه
فرحه :يلاا مش نفصين قرف
اسماء:تقصدي اييي بكلامك دا
فرحه :مش اقصد حاجه واخدت حته من الكوارع وراحت ليها خدي بس كدا ادوقك حته منها هتعجبك اووي
اسماء بصويت :ابعدي عني بيهاااا ابعدي
فرحه غمزت لندي :والله ميحصل
ندي كتفتها وراحت فرحه حطيتها في بوقها بالقوه
فرحه بتحذير وهمس:ابلعي احسن اكلك الطبق دا كامل
اميره بتشيلهم عنها فرحه بصت ليها :هتبعدي ولا اجيبك مكانها وبصت لاسماء ابلعي اخلصي
ندي بعدت بعد ما اتأكدت انها بلعت واسماء جريت علي الحمام
اميره جريت وراها :هتزعلو مننا بجد
ندي :منتظرين نزعل يا بيبي وحطت ايدها علي كتف فرحه اعد كل يا فخر العيله واعدو اكلو في انبساط
تكملة الروايه اضغط هناااااااا
تعليقات
إرسال تعليق